PLANSTRATEGI FOR STORD KOMMUNE OG PLANPROGRAM FOR REVIDERING AV KOMMUNEPLANEN

Transkript

1 Arkivref: 2016/ /2016 Saksh.: Ove Kvalnes Saksnr Utval Møtedato 14/16 Formannskapet PLANSTRATEGI FOR STORD KOMMUNE OG PLANPROGRAM FOR REVIDERING AV KOMMUNEPLANEN Framlegg til vedtak: Formannskapet vedtek i medhald av Plan- og bygningslova 10-1, og å kunngjera oppstart av revisjon av kommuneplanen og å senda forslag til planstrategi og program for revidering av kommuneplanen på høyring og leggja det ut til offentleg ettersyn. Saksprotokoll i Formannskapet Vedtak Formannskapet vedtek i medhald av Plan- og bygningslova 10-1, og å kunngjera oppstart av revisjon av kommuneplanen og å senda forslag til planstrategi og program for revidering av kommuneplanen på høyring og leggja det ut til offentleg ettersyn. Handsaming Samrøystes vedteke

2 Rådmannen, Dokumentliste S Planstrategi for Stord Kommune og planprogram for revidering av kommuneplanen I Kommunal planstrategi synspunkt frå Hordaland fylkeskommune til kommunane i Hordaland I Kommunal planstrategi - høyringspart Vedlegg Planstrategi for Stord Kommune og planprogram for revidering av kommuneplanen Kommunal planstrategi synspunkt frå Hordaland fylkeskommune til kommunane i Hordaland Innleiing (bakgrunn for saka) Plan- og bygningslova 10-1 slår fast at kommunane er pliktige til å utarbeida kommunal planstrategi minst ein gong i kvar valperiode og vedta den seinast eit år etter kommunetyret si konstituering. Noverande planstrategi vart vedteken av det førre kommunestyret 20. desember Det nye kommunetyret som vart konstituert hausten 2015 skal vedta ny planstrategi for perioden seinast hausten Prosessen rundt planstrategien skal sjåast i samanheng med om kommunen ønskjer å leggja opp til revisjon av kommuneplanen eller ikkje i perioden. Gjeldande kommuneplan vart vedteken i desember 2011 og rådmannen legg opp til at arbeidet med å revidera planen vert starta opp i Det vert difor denne gongen lagt opp til at planstrategien vert gjeve eit innhald som tilfredsstiller krava til planprogram for revidering av kommuneplanen. Kommunal planstrategi skal omfatta kommunen sine strategiske val knytt til utviklinga av lokalsamfunnet. Planstrategien skal omfatta langsiktig arealbruk, sektorane si verksemd og ei vurdering av kommunen sitt planbehov i valperioden og bør innehalda: - Utviklingstrekk og utfordringar knytt til samfunnsutvikling og miljø - Drøfting av hovudtrekka i ein langsiktig arealstrategi, både for å ivareta samordning, utbygging og vern av område - Vurdering av sektorane sine planbehov - Vurdering av prioriterte planoppgåver og behovet for revisjon av kommuneplanen sin samfunnsdel og arealdel Retningsliner for langsiktig arealbruk skal inngå som del av strategien og danna basis for det meir konkrete arbeidet med kommuneplanen sin arealdel. Den langsiktige arealstrategien skal visa samanhengen mellom framtidig samfunnsutvikling og arealbruk, angje langsiktige utviklingsretningar i kommunen og visa område for særleg utvikling og vern for å ivareta dei arealomsyn som går fram av 3-1 i plan- og bygningslova. Saksutgreiing (fakta, saksopplysningar) Føremålet denne gongen er både å få vedteke ny planstrategi for og å få revidert/ rullert kommuneplanen. Føremålet med revidering/ rullering av kommuneplanen er å fastsetja gode og føreseielege mål og strategiar for framtidig utvikling, revidera arealdelen med utviklingsstrategiar og mål, plankart og føresegner og å rullera/ oppdatera samfunnsdelen. Det nye kommuneplanen skal ha hovudfokus på korleis ein best mogleg skal ivareta omsynet til - Klima, miljø og tryggleik - Samordna bustad-, areal- og transportplanlegging - Levande sentrum - Helse og trivsel - Aktiv forvaltning av natur- og kulturminneverdiane 2 av 5

3 - Næringsutvikling - Gode kommunale tenester Plan- og bygningslova seier at i arbeidet med kommunal planstrategi skal kommunen innhenta synspunkt frå statlege og regionale organ og nabokommunar og at det bør leggjast opp til brei medverknad og ålmenn debatt som grunnlag for sakshandsaminga. Planstrategien skal vedtakast av kommunestyret i løpet av hausten 2016 og forslag til vedtak skal gjerast offentleg kjent minst 30 dagar før kommunestyret si handsaming. Denne gongen vert det lagt opp til at forslag til planstrategi vert del av planprogrammet for revidering av kommuneplanen. Innhenting av synspunkt frå statlege og regionale mynde og nabokommunar skjer då i første omgang ved at forslaget til planstrategi vert sendt på høyring og lagt ut til offentleg ettersyn som del av kunngjeringa om oppstart av planarbeidet for revidering av kommuneplanen. Planprogrammet gjer greie for føremålet med planarbeidet, planprosessen med fristar og deltakarar, opplegget for medverknad, spesielt i høve til grupper som ein antek kan verta særleg råka, kva alternativ som vil verta vurdert og trongen for utgreiingar. Det vil verta lagt opp til opne møte, innbyggjarmedverknad og dialog elles med innbyggjarane, lag og organisasjonar og næringslivet i samband med oppstart av planarbeidet og i samband med høyring og offentleg ettersyn av planforslaget. Det vil verta invitert til å koma med innspel og synspunkt på mål og strategiar for framtidig utvikling i kommunen og innspel og synspunkt på ønska arealbruk og tiltak dei neste 12 åra. Planprosessen vil verta forankra politisk gjennom formannskapet og kommunestyret. Formannskapet vil i første omgang leggja sine føringar for planstrategien og planarbeidet når dei vert invitert til å vedta utlegging til offentleg ettersyn og høyring av forslaget til planstrategi og oppstart av arbeidet med revidering av kommuneplanen. Etter høyring og offentleg ettersyn skal planstrategien vedtakast og planprogrammet fastsetjast av kommunestyret. Seinare skal forslag til revidering av kommuneplan leggjast ut til offentleg ettersyn og til slutt vedtakast av kommunestyret. Når det gjeld innbyggjarmedverknad, så er det sett i gang eit prosjekt knytt til kommunedelplanarbeidet for Sagvåg og Litlabø der føremålet er å få innbyggjarane sin medverknad i arbeidet for å få fram lokal kunnskap og lokale behov i planlegging av gode møteplassar og trivselsfremjande nærmiljø. Erfaringar frå dette prosjektet er tenkt nytta i kommuneplanarbeidet. Det vert lagt opp til slik framdrift, medverknad og informasjon: Formannskapet vedtek å senda på høyring og leggja forslag til planstrategi ut til offentleg ettersyn og melda oppstart av arbeidet med revisjon av kommuneplanen Høyring og offentleg ettersyn Høyringsfrist min. 6 veker Ope møte/ innbyggjarmedverknad Mai juni 2016 Dialogmøte/ innbyggjarmedverknad Mai juni 2016 Utarbeiding av planforslag Mai des Vedtak av planstrategi og fastsetjing av planprogram for Sept./okt revidering av kommuneplanen Formannskapet vedtek å senda på høyring og leggja forslag til Febr revidert kommuneplan ut til offentleg ettersyn Høyring og offentleg ettersyn Høyringsfrist min. 6 veker Ope møte/ innbyggjarmedverknad Mars/ april 2017 Dialogmøte/ innbyggjarmedverknad Mars/ april 2017 Gjennomgang av merknader og innspel etter høyring og April/ mai 2017 offentleg ettersyn Forslag til revidert kommuneplan vert lagt fram for Sept./ okt formannskapet for 2. gongshandsaming Formannskapet si innstilling vert lagt fram for kommunestyret Okt for vedtak Planstrategien og planprogrammet byggjer så langt på hovudmålet/ strategien om at Stord skal vera eit klimavenleg og sikkert samfunn som er attraktivt og godt å vera, bu og driva næring i. Det er vidare sett delmål/ strategiar knytt til temaa klima, miljø og tryggleik, samordna bustad-, areal- og transportplanlegging, levande sentrum, helse og trivsel og aktiv forvaltning av natur- og kulturminneverdiane. 3 av 5

4 Innleiing, føremål, nasjonale, regionale og kommunale føringar, status, utviklingstrekk og prognosar, sektorane si verksemd, utfordringar, mål og strategiar og utviklingsstrategiar og mål er dei innleiande analysane og grunnlaget både for planstrategien og arbeidet med revidering/ rullering av kommuneplanen. Det viktige innhaldet i sjølve planstrategien er i tillegg kap.10 som omhandlar planarbeid/ behov Vurdering Det er i hovudsak opp til den enkelte kommune å bestemma kor omfattande og detaljert planstrategien skal vera ut frå dei behov som ligg føre. Sidan det denne gongen vert lagt opp til at arbeidet med revidering av kommuneplanen skal starta opp og vera del av prosessen med planstrategien, vert det lagt opp til å bruka kommuneplanprosessen til meir grundige diskusjonar og medverknad. Planstrategien har ingen direkte rettsverknad og er ikkje formelt bindande for kommunen og kan fråvikast dersom det er gode grunnar for det. Kommunen kan revidera planstrategien i løpet av perioden etter behov. Dersom kommunen ønskjer å avlysa eller utsetja ei større planoppgåve som inngår i planstrategien, bør dette skje gjennom endring av planstrategien der dei ordinære prosessreglane vert følgt, men det er ikkje plikt til å foreta slik endring. Kommunen kan når som helst setja i gang nytt planarbeid ut over planstrategien. Gode, langsiktige og føreseielege overordna planar er viktig for gode og effektive plan- og byggeprosessar. Stord vil framleis vera ein vekstkommune og utbygging av infrastruktur med tenleg vegnett, gang-/ sykkelvegnett, VA-nett og kommunale tenester må vera eit av hovudfokusområda framover. Utbygging og fortetting framover må skje med fokus på kvalitet, å sikra gode urbane kvalitetar og ved å ta vare på/ ikkje byggja ned verdifulle nærområde/ grøntområde. Planarbeidet framover må byggja på godt kunnskapsgrunnlag, kunnskapsbasert planlegging vil vera eit viktig fokusområde. Planarbeidet skal sikra eit godt grep om utbygging og vern av strandsona ved å sluttføra arbeidet med den interkommunale strandsoneplanen gjennom kommuneplanen. Omsynet til god folkehelse for alle skal liggja til grunn i alt planarbeid. Ny E39 over Stord vert avklart gjennom eigne kommunedelplanar og vil vera viktig premiss for planarbeidet og for vidare utvikling i kommunen. Vidare utvikling av Leirvik og Sagvåg og Litlabø skal avklarast gjennom eigen kommunedelplan eller områderegulering for Leirvik, «Den Tette Byen», og pågåande kommunedelplanarbeid for Sagvåg og Litlabø. Planarbeidet må ha fokus på regionsenterfunksjonen og kva den inneber. Avgrensing av bysenteret Leirvik og bydelssentra må definerast og Heiane sin plass i senterstrukturen må avklarast. Viktige spørsmål som kommuneplanen må gje svar på vil vera korleis ein skal få styrt/ gjennomført utbygging og utvikling av dei områda som til ei kvar tid ligg i kommuneplanen. Kva grep/ tiltak ein kan gjera for å leggja til rette for å få bygd ut område ut frå ei heilskapleg vurdering av ønska utbyggingsrekkefølgje og utbygging av infrastruktur. Kommuneplanen må prioritera og ta stilling til utbyggingsrekkefølgje og aktuelle rekkefølgjekrav. Kommuneplanen og kommunedelplanane må visa korleis kommunen kan/ må handla for å få samsvar mellom nasjonale og regionale forventningar og mål og kommunen sine planar og utvikling. Planane må visa status i høve til dette og kva tiltak/ grep som må til for nå måla. Planarbeidet må visa kvar kommunen er pr. i dag i høve til desse måla/ strategiane og kva grep kommunen må ta for å nå dei. Planarbeidet må visa kva langsiktige areal- og utviklingstrategiar/ korridorar og langsiktig arealbruk må til for å oppfylla hovudmålet og delmåla. Oppgåva for planstrategien er å identifisera planstatus og behov, medan ein i den årlege rulleringa av budsjett og økonomiplan prioriterer og tildeler ressursar. Av opplistinga av planarbeid/ behov ser ein at det er mange og store plansaker som er tenkt sett i gang i perioden noko som vil krevja store planressursar for å kunna følgja opp. Normal prosedyre for igangsetting og gjennomføring av planarbeid i Stord kommune vil etter dette verta slik: 4 av 5

5 1. Det aktuelle planarbeidet vert innarbeida i planstrategien. 2. Ressursar til gjennomføring av planarbeidet/vedtak om igangsetting vert gjort ved rullering av budsjett og økonomiplan, ev. i eige vedtak. 3. Oppfølging/gjennomføring av planarbeidet vert rapportert via rådmannen si arbeidsliste. Økonomiske konsekvensar Kommunestyret tek endeleg stilling til oppfølging av strategien i samband med rullering av årsbudsjett og økonomiplan. Økonomiske konsekvensar av vedtaket om planstrategi vil avhenga av ambisjonsnivået. Det er difor vanskeleg å fastslå behovet for planmidlar i denne omgang. Men berre arbeidet med revidering/ rullering av kommuneplanen, kommunedelplanen for Sagvåg og Litlabø og kommunedelplan/ områderegulering for Leirvik vil i 2016 og 2017 krevja store ressursar som det må vera plankapasitet og løyvd prosjektmidlar til for å kunna gjennomføra. Rådmannen vil her nemna at ved førre revisjon av kommuneplanen vart det brukt nokre millionar kroner berre på konsulentbistand i tillegg til eigeninnsats frå faginstansane i kommunen. Rådmannen vil koma tilbake til behov for plankapasitet og planleggingsmidlar i samband med budsjettet og økonomiplanen, og etter høyring og offentleg ettersyn av forslaget til planstrategi. Konklusjon Rådmannen rår til at formannskapet vedtek å starta arbeidet med revidering/ rullering av kommuneplanen og å senda forslaget til planstrategi og planprogram for revidering/ rullering av kommuneplanen på høyring og leggja det ut til offentleg ettersyn. 5 av 5