UTTALE TIL «KONSEPTVALUTGREIING E39 AKSDAL BERGEN. TILLEGGSUTGREIING.» - VAL AV TRASE FOR FERJEFRI E39 MELLOM STORD OG BERGEN

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 811 Saksh. Midtgård, Bjørn Inge Saksgang Samferdselsutvalet Fylkesutvalet Møtedato UTTALE TIL «KONSEPTVALUTGREIING E39 AKSDAL BERGEN. TILLEGGSUTGREIING.» - VAL AV TRASE FOR FERJEFRI E39 MELLOM STORD OG BERGEN SAMANDRAG I høyringsuttalen til KVU for E39 Aksdal Bergen, ba fylkesutvalet , sak 191/11, om at det vert arbeidd vidare med dei ferjefrie konsepta 5b (kryssing over Ådlandsfjorden og Samnangerfjorden) og 4c (bru over Bjørnefjorden), i samsvar med tilrådinga i KVU rapporten frå Statens vegvesen. I 2012 vart KVU-en eksternt kvalitetssikra i KS1 for konseptvalutgreiing E39 Aksdal Bergen. I KS1- rapporten vart traseen med bru over Bjørnefjorden tilrådd grunna høg nytte og «klart best måloppnåelse for samfunns- og effektmålene i prosjektet». Statens vegvesen har sidan laga ei tilleggsutgreiing basert på nye kunnskapar frå prosjektet «Ferjefri E39» og oppdaterte trafikk, nytte- og kostnadstal, der Statens vegvesen tilrår å gå vidare med det midtre alternativet - bru over Bjørnefjorden. Ein ferjefri veg mellom Bergen og Stord etter midtre trase, er den samfunnsøkonomisk mest lønsame. Traseen er den kortaste i lengde og reisetid, noko som vil gje betra logistikk og reduserte avstandskostnader. Gevinsten i høve til eit utvida bu- og arbeidsmarknadsområde er størst for midtre alternativ, då ein oppnår fleire samanhengande bu- og arbeidsregionar frå Bergen til Stavanger. Fylkesrådmannen vektlegg kortast mogleg reisetid mellom Stord og Bergen, fleire samanhengande buog arbeidsregionar mellom Stavanger og Bergen og rask prosjektrealisering. Fylkesrådmannen rår difor fylkesutvalet til å velja alternativ 4c midtre line, med bru over Bjørnafjorden, som ny trase for E39 mellom Stord og Bergen.

2 FORSLAG TIL INNSTILLING 1. Fylkesutvalet vektlegg kortast mogleg reisetid mellom Stord og Bergen, fleire samanhengande bu- og arbeidsregionar mellom Stavanger og Bergen og rask prosjektrealisering. Fylkesutvalet går difor inn for alternativ 4c midtre linje, med bru over Bjørnafjorden, som ny trase for E39 mellom Stord og Bergen. 2. Fylkesutvalet føreset at ein i det vidare planlegging- og prosjekteringsarbeidet av ilandføringa av bru over Bjørnafjorden tek omsyn til dei verdfulle frilufts- og naturverdiane i skjergarden. 3. Det hastar med å koma i gang med prosjekteringa og bygginga av ferjefri E39 mellom Bergen og Stord. Hordaland fylkeskommune har i «Regional planstrategi » foreslått å utarbeida ein regional plan for ferjefri E39 Aksdal Bergen, for å sikra framdrift i det vidare planarbeidet, samt ivareta behovet for koordinering på tvers av kommunegrensene. Rune Haugsdal Fylkesrådmann Thorbjørn Aarethun Kst. samferdselssjef Vedlegg: 1. Konseptvalutgreiing E39 Aksdal Bergen, Tilleggsutgreiing (desember 2012) 2. Brev frå 10 ordførarar - for indre trase, frå Brev frå 16 ordførarar og byrådsleiar i Bergen - for midtre tras., frå

3 FYLKESRÅDMANNEN, : Bakgrunn I høyringsuttalen til KVU for E39 Aksdal - Bergen, ba fylkesutvalet , sak 191/11, om at det vert arbeidd vidare med dei ferjefrie konsepta 5b (kryssing over Ådlandsfjorden og Samnangerfjorden) og 4c (bru over Bjørnefjorden), i samsvar med tilrådinga frå Statens vegvesen. I 2012 vart KVU rapporten eksternt kvalitetssikra (KS1). I KS1 1 - rapporten vart traseen med bru over Bjørnefjorden tilrådd grunna høg nytte og «klart best måloppnåelse for samfunns- og effektmålene i prosjektet». Statens vegvesen har sidan laga ei tilleggsutgreiing basert på nye kunnskapar frå prosjektet «Ferjefri E39» 2 og oppdaterte trafikk, nytte- og kostnadstal. Det er ikkje lagt opp til at denne tilleggsutgreiinga skal på formell høyring, før regjeringa fastset kor traseen for E39 mellom Stord og Bergen skal gå. Fylkesrådmannen legg her fram sak om «tilleggsutgreiinga», som grunnlag for fylkespolitisk uttale om trasevalet for E39 mellom Stord og Bergen. Frå «Konseptvalutgreiing E39 Akdsal Bergen. Tilleggsutgreiing» Linjeføring for trase 4c (midtre linje) Frå Jektevik og nordover til Leirvåg følgjer traseen dagens 2-felts veg ca. 14 km til Leirvåg. Strekninga må på sikt erstattast av ny veg, men i første fase kan vegen brukast slik den ligg. Frå Leirvåg føreslår SVV å kryssa Langenuen med bru over til Tysnes. Spennet vil vere på ca m. Vegen går vidare nordover med kryssing av Bårdsundet noko lenger vest enn der ein kryssar i dag. Både Tysnes og Rekstern er sårbare område, og SVV føreslår å trekkja linja lenger vest i høve til forslaget i KVU. På Rekstern unngår traseen busetnad og hytteområde, og det vil liggja godt til rette for ei eventuell framtidig bruløysing mot Austevoll. Frå nordenden av Rekstern kan det byggjast bru over til Os. Brukryssinga er trekt lengst muleg vestover for ikkje å gripa for mykje inn i Forsvaret sitt øvingsområde. Brua over Bjørnafjorden vil vera ca. 5 km lang. Ei sideforankra flytebru vil ha ein flytedel på 4,2 km og ei hengebru- eller skråstagbru på nordsida av fjorden med fri seglingshøgde på 45 m. Frå Søre Øyane og innover mot Os blir det veg i dagen og bruer, kanskje nokre korte tunnelar av miljøomsyn. Det kan bli påkopling direkte frå vest i krysset ved Svegatjønn, alternativt kan ein koma inn til dagens ferjekaiområde på Halhjem og gå med tunnel under busetnaden derifrå til Moberg og følgje dagens veg til Svegatjønn. Utanom eventuelle korte miljøtunnellar er det tenkt totalt tre doble tunnellar i dette konseptet, med omlag 4,5 km samla lengde. Går ein vidare med planlegging av dette alternativet, må ein vurdere fleire trasear i ein KDP /KU-prosess. Linjeføring for alternativ 5b (indre linje) Frå Jektevik går traseen med hengebru med eit hovudspenn på knapt 1200 m over Langenuen til Tysnes. Vidare følgjer traseen austsida av Tysnes over Luksund og gjennom Fusa. Det er tenkt å gå 1 Sjå: KS1 rapporten: 2 Sjå prosjektside om Ferjefri E39 3

4 bak Eikelandsosen og kryssa Ådlandsfjorden og Samnangerfjorden med bruer via Bogøya. I ein eventuell vidare planfase etter Plan- og bygningslova må ein ha fokus på tilpassing av standard og geometri i høve til eit svært krevjande terreng og omsynet til kulturminne og naturmiljø. SVV anslår ca. 20 doble tunnellar med til saman 26 km lengde, det utgjer knapt 40 % av strekninga mellom Stord og Os. Inn mot Os kan ein i utgangspunktet tenkje seg å gå direkte til Endelausmarka. På grunn av det verna Os-vassdraget er det lite sannsynleg at dette blir mogleg, så forslaget no er ei påkopling i krysset ved Svegatjønn. Bortsett frå tunnelen ved Eikelandsosen kan ein ikkje gjere oss bruk av eksisterande veg, bruer eller tunnelar. I arbeidet med KVU kom spørsmålet om å gå direkte vidare nordover mot Arna opp. Går ein vidare med planlegging av det indre alternativet gjennom Fusa vil spørsmålet koma opp att, og det kan vurderast saman med andre alternativ i ein KDP /KU-prosess. Bruløysing over Bjørnefjorden I delprojektet Fjordkryssingar i prosjektet Ferjefri E39 har ein kome fram til at Bjørnefjorden kan kryssast med bru og at følgjande brutypar kan nyttast: Hengebru med eitt hovudspenn Hengebru i to (eller fleire) spenn, fundamentert på TLP (flytande plattform forankra i botn) midtfjords Sideforankra flytebru Endeforankra flytebru Røyrbru Kostnadene varierer frå 9 til 22 mrd.kr der sideforankra flytebru er det billegaste og hengebru i eitt spenn er det dyraste. Alternativa er ikkje optimaliserte med omsyn på kostnader. Sjølv om det ikkje er bygd tilsvarande bruer nokon stad i verda er Statens vegvesen trygge på at dette teknisk let seg gjere. SVV har gode erfaringar med Nordhordlandsbrua, endeforankra flytebru, som i si tid vart bygd utan erfaring frå samanliknbare prosjekt. Norge har stor kompetanse frå utbyggingane i Nordsjøen, der ein mellom anna har bygd og forankra flytande konstruksjonane på store djup. Forsvaret ynskjer i utgangspunktet ikkje bru over fjorden. Av ulike bruløysingar er hengebru det beste alternativet for Forsvaret. Dette er den dyraste bruløysinga og difor minst aktuelt for Statens vegvesen å gå vidare med. Spørsmålet blir no avklart på departementsnivå. Før ein kan starte detaljprosjektering og bygging av ei bru over Bjørnafjorden må det gjennomførast ein del grunnlagsarbeid: Vind-, straum- og bølgjemåling Botnundersøkingar i fjorden ROS-analyse i forhold til skipskollisjonar Analyse- og berekningsverktøy (NTNU) Modellkøyring, testar Utarbeiding av regelverk 4

5 Trafikale verknader Trafikktala er berekna til å bli noko høgare i forhold til tidlegare berekningar. Linjene er justerte noko, og det er lagt inn skilta fart på 100 km/t i midtre linje, 4c. I indre linje er det lagt inn skilta fart på 90 km/t frå Stord til Eikelandsosen og 100 km/t vidare til Os. I KVU brukte ein 80 km/t som skilta fart. Alle berekningane er gjort utan bompengar. Statens vegvesen har gjennomført trafikkberekningar for åra 2018 og I modellen er det berekna ein årleg trafikkvekst frå 2010 til 2018 på 4 % på ferjestrekninga Sandvikvåg Halhjem. Vidare vert årleg trafikkvekst på ca. 1,3 %. Dette er ein relativ låg vekst, men den er i tråd med dei generelle NTP-prognosane. I berekningane er det berre lagt inn ny veg mellom Stord og Os, ikkje frå Aksdal til Os. Svegatjørn Rådal ligg inne, men Rogfast er ikkje med. Erfaringstala frå ferjeavløysingsprosjekt på E39 tilseier ein årleg trafikkvekst på 3,5-5,5 % dei 10 første åra. Vidare blir trafikkveksten redusert med 1 % pr. tiår. Tala frå modellen blir såleis noko lågare på lang sikt enn ved framskriving av erfaringstal. Kostnader, nytte og verknader Kostnaden for trase 4c er rekna til 19,3 mrd. kr., medan kostnaden for samanliknbar standard for indre trase er rekna til 19 mrd. kr. (sjå tabell nedanfor). Midtre linje (4c) Indre linje (5b) Veglengde 45 km 70 km Tunnell - % 4,5 km 10 % 26 km 38 % Bruer Samla lengde Bjørnafjorden 11 stk 9,7 km 5 km 9 stk 6,4 km Prissette verknader Kostnader Aksdal Stord (Jektevik) *) Kostnader Stord (Jektevik) Os Netto nytte Netto nytte /budsjettkr. Bompengepotensiale Ikkje-prissette faktorar ***) Nærmiljø /friluftsliv Kulturminne Naturmiljø Landskapsbilde Naturressursar (jord- og skogbruk) Andre verknader /moment Ekstremver og klimasoner Arbeidsmarknad Framtidige tilkoplingar Kollektivtrafikk (buss) Sykkel Minimum planleggings- og byggetid Etappevis utbygging Forsvaret (i følgje uttale) 6,5 mrd.kr 19,3 mrd.kr 21,8 mrd.kr 1,27 7 mrd.kr år - 6,5 mrd.kr 15,5 / 18 / 19 mrd.kr** 15,6 mrd.kr 0,98 5,5 mrd.kr år - 0 *) Inklusiv ekstra løp i Bømlafjordtunnelen, 1 mrd.kr **) 2 felt Stord Eikelandsosen (eit løps tunnel) og 4 felt Eikelandsosen Os / 2 felt Stord Eikelandsosen (to løps tunnel) og 4 felt Eikelandsosen Os / 4 felt heile strekninga. Nytteberekningar til alternativet med utheva skrift. 5

6 ***) Vurderingar av ikkje-prissette konsekvensar er gjort med utgangspunkt i føringar som er nedfelt i Handbok 140, Konsekvensanalysar. Sidan ein KVU er på eit strategisk nivå, er føringane i handboka for detaljerte, og det er gjort tilpassingar ved å bruke ein sju-delt skala i staden for nidelt skala ved vekting. Kostnadsauken for indre trase er knytt til auka standardkrav for veg og tunnelar. Nettonytten per kr. er 1,27 for midtre trase og 0,98 for indre trase. Om klimagassberekningane i KVU arbeidet for E39 Aksdal Bergen Klimagassutslepp inngår i «prissette verknader» og vert rekna ut i klimamodulen i EFFEKT (eit samfunnsøkonomisk berekningsverktøy som er knytt til RTM, regional transport modell). Klimamodulen i EFFEKT blei utvikla i 2009 og er framleis under utvikling. Berekningsverktøyet har ein del begrensningar. Utslepp knytt til mellom anna anleggsperiode, materialbruk osv. vert ikkje teke med. Teknologisk utvikling vil i framtida koma til å redusera gjennomsnittlege utslepp per bil km., noko som heller ikkje vert teke omsyn til i modellen. Dette KVU arbeidet og alle dei andre KVU rapportane er også på eit så overordna/grovmaska analysenivå, at berekningane ikkje vil gje fullverdige klimabudsjett for kvar trase. Frå utgreiingsarbeidet til Nasjonal transportplan framgår det at transportetatene vil arbeida vidare med standardisering og harmonisering av metode, samt med å betra datagrunnlaget for slike store prosjekt. Med grunnlag i høyringsuttalane og Statens vegvesen si tilråding, er det i tilleggsutgreiinga berre rekna på klimagasskostnader i dei ferjefrie alternativa. Statens vegvesen si tilråding i tilleggsutgreiinga Statens vegvesen tilrår å gå vidare med planlegging av midtre line, med bru over Bjørnafjorden, mellom Stord og Os. Dette er grunngjeve ut frå følgjande: Mellom Stord (Jektevik) og Os er den midtre linja, med bru over Bjørnafjorden, 25 km kortare enn den indre linja gjennom Fusa. Den indre linja er ca. 70 km lang, der 26 km vil ligge i tunnel (nær 40 % av strekninga). Den midtre linja har ei lengde på ca. 45 km der brua over Bjørnafjorden utgjer 5 km. Om lag 4,5 km vil vere tunnel (10 %). Den midtre linja gjev høve til gode framtidige tilknytingar til kommunane Austevoll, Tysnes, Fitjar og Fusa. Trafikkberekningane syner at det er fleire som vil køyre ei midtre linje enn ei indre. Dette indikerer at det er fleire som får nytte av ei midtre linje. Måloppnåinga er betre for det midtre alternativet på grunn av kortare reisetid. Ved ein gjennomsnittsfart på 90 km/t er skilnaden 17 minutt. Den midtre linja har ein større gevinst i høve til utvida bu- og arbeidsmarknadsområde då ein oppnår ein kjeda bu- og arbeidsregion frå Bergen til Stavanger. Kostnadsskilnaden mellom dei to linjevala er liten, og på grunn av vesentleg kortare strekning får det midtre alternativet ein høgare netto nytte /samfunnsøkonomisk lønsemd. Begge linjene har utfordringar i høve til kulturminne og naturmiljø. Konfliktpotensialet for friluftsliv /nærmiljø er størst for den midtre linja, og landskap, jord- og skogbruk er størst for den indre. For den indre linja vil det vere ei stor utfordring å plassere 7,5 mill. m3 tunnelstein. (Dette tilsvarer 100 fotballbaner i meters høgde.) 6

7 Tidlegare fylkespolitiske vedtak Høyringsuttale til KVU for E39 Aksdal - Bergen Fylkesutvalet vedtok , sak 191/11, slik uttale til KVU for E39 Aksdal - Bergen: «1. Fylkesutvalet meiner at redusert reisetid mellom Stord og Bergen, betre integrasjon og utviding av arbeidsmarknaden i planområdet samt omsynet til moglege transport- og næringsmessige tilleggsvinstar må vera sentrale mål for ein ny trasé for E39 mellom Aksdal og Bergen. Fylkesutvalet vil sterkt understreka at trasévalet må vera finansielt akseptabelt og raskt realiserbart. Overordna transportpolitiske og transportøkonomiske omsyn for vestlandsregionen tilseier at ferjefri strekning mellom Stord og Bergen må vera på plass parallelt med eller umiddelbart etter at sambandet i Rogaland vert ferjefritt. Fylkesutvalet syner til dette og går inn for at det vert arbeidd vidare med dei ferjefrie konsepta K5B (kryssing over Ådlandsfjorden og Samnangerfjorden) og K4C (med bru over Bjørnefjorden). 2. Fylkesutvalet er imot mellombelse løysingar som inneber ferje. 3. Det vidare arbeidet med to alternativ må ikkje forseinka framdrifta på KVU Aksdal- Bergen i høve handsaming av neste NTP.» Høyringsuttale til framlegg til NTP Fylkestinget gjorde , sak 26/12, i uttalen til planforslaget til NTP , slikt vedtak om E39: «Det er avgjerande for kommunikasjonane og konkurranseevna på Vestlandet/ Hordaland at det vert realisert ferjefri E39 med gode tverrsamband så raskt som råd. Fylkestinget vil prioritera prosjekt som gjev rask realisering. Opprusting og ferjefri E39 gjennom Hordaland frå nord til sør får særskilt prioritet i NTP E39 er den viktigaste transportåra på Vestlandet. Ein ferjefri E39 mellom Bergen og Stord, vil saman med realisering av Nyborg-Klauvaneset og ny strekning Os- Bergen bidra til ein meir robust og integrert bu- og arbeidsmarknad i dette området. Det er i samsvar med strategien i NTP-forslaget om å redusera avstandskostnader, bidra til regionforstørring og styrkt regional utvikling.» Regional planstrategi I Regional planstrategi for Hordaland , sak 77/12, vedteke i fylkestinget , legg ein opp til å utarbeida ein regional plan for ferjefri E39 Aksdal Bergen, for å sikra framdrift i det vidare planarbeidet, samt ivareta behovet for koordinering på tvers av kommunegrensene. Planen vil omhandla vidare traséval og tilkopling til eksisterande vegnett. Utarbeiding av ein regional plan med konsekvensutgreiing vil erstatta kommunedelplanar i dei einskilde kommunane. Å sjå heile strekninga samla i ein felles plan med felles konsekvensutgreiing kan effektivisere planprosessen vesentleg. I ein regional plan vil det vere svært aktuelt å nytte regional planføresegn for bandlegging av areal til framtidig vegtrasé. Det er den einskilde kommunen som er planstyresmakt på reguleringsplannivå. Ein regional plan kan ikkje erstatta reguleringsplanar, men den regionale planen skal leggast til grunn for vidare planlegging av strekninga. Andre vedtak og uttalar Ordførarbrev 10 ordførarar har i brev frå til samferdselsministeren tilrådd indre trase. Brevet er underskrive av ordførarane i Odda, Jondal, Fusa, Kvinnherad, Samanger, Kvam, Ullensvang, Ulvik, Eidfjord og Granvin (sjå vedlegg 2). 16 ordførarar og byrådsleiaren i Bergen har i brev frå til samferdselsministeren tilrådd midtre trase. Brevet er underskrive av byrådsleiaren i Bergen og ordførarane i Austevoll, Stord, Tysnes, Fitjar, Sund, Fjell, Bømlo, Sveio, Askøy, Meland, Haugesund, Karmøy, Tysvær, Bokn, Utsira og Vindafjord (sjå vedlegg 3). 7

8 Bergen kommune Bergen bystyre handsama , sak 37-13, «Høring - tilleggsutredning til konseptvalgsutredning (KVU) for E39 Aksdal Bergen», og fatta følgjande vedtak: «1. Bergen kommune avgir høringsuttalelse til tilleggsutredning for KVU E39 Aksdal - Bergen, slik det framgår av byrådets merknader i saken. 2. Bergen Kommune mener det må legges avgjørende vekt på å etablere ferjefri forbindelse Bergen- Stord. Bystyret viser til brev oversendt Statsråd Marit Arnstad datert 18. januar hvor et vesentlig flertall av bystyret stiller seg bak og ber om at dette vektlegges i den videre behandling.» Frå byrådet sine merknader 4 : «Byrådet mener det ved endelig valg av løsning må legges stor vekt på fordelene med ferjefri forbindelse gjennom regionen. Den beste og raskeste løsningen må prioriteres både med hensyn til realiseringstidspunkt, kostnader, samlede klimagassutslipp og reell reisetid. Ved valg av konsept må det således legges betydelig vekt på reisetid og mulighetene for å etablere en funksjonell, ferjefri løsning mellom Bergen og Stavanger, som en viktig del av et effektivt vegnett på Vestlandet til nytte for hele regionen. Byrådet vil på denne bakgrunn slutte seg til Statens vegvesen sine anbefalinger i Tilleggsrapport desember Den nye oppdaterte konsekvensutredningen sammen med nye tekniske løsninger for brokryssing av Bjørnafjorden, viser at midtre linje framstår som realiserbar innenfor samme tidsrom og kostnadsramme som indre konsept. Midtre konsept 4c vil dessuten gi den klart raskeste reisetiden mellom Bergen og Stord, samtidig som midtre konsept har høyere samfunnsøkonomisk nytteverdi. Basert på nye kunnskaper i tilleggsutredningen, imøtekommer nå midtre konsept de kriterieriene som Bergen bystyre la til grunn for sin uttalelse i november 2011.» Med tilslutnad til byrådet sine merknader, har bystyret vedteke å anbefala trase 4c (bru over Bjørnefjorden). Os kommune Kommunestyret i Os har handsama , sak 2/13, «KVU E39 Aksdal Bergen høyring» og vedtok ikkje å velja trase, men gav føringar/ynskje for korleis indre eller midtre trase bør byggjast gjennnom Os kommune. Kommunestyret i Os vedtok mellom anna 5 : «Grunna store lokale og regionale frilufts-, natur- og kulturlandskapsverdiar kan Os kommune ikkje på noko tidspunkt akseptera ilandføring av ei eventuell bru i området Søre Øyane. Os kommune føreset vidare, med bakgrunn i rapportane, at ferjefri E39 uansett indre eller midtre konsept skal koplast på komande E39 Os-Bergen i Svegatjørn/Endelausemarka.» Fylkesrådmannen sine merknader Fylkesrådmannen viser til at fylkesutvalet har vektlagt redusert reisetid mellom Stord og Bergen, betre integrasjon og utviding av arbeidsmarknaden i planområdet samt omsynet til moglege transport- og næringsmessige tilleggsvinstar, som sentrale mål for ein ny trasé for E39 mellom Aksdal og Bergen. Ein ferjefri veg mellom Bergen og Stord etter midtre trase, er den samfunnsøkonomisk mest lønsame. Traseen er den kortaste i lengde og reisetid, noko som vil gje betra logistikk og reduserte avstavstandskostnader. Gevinsten i høve til eit utvida bu- og arbeidsmarknadsområde er størst for midtre alternativ, då ein får utvikla fleire samanhengande bu- og arbeidsregionar frå Bergen til Stavanger. 3 Sjå: 4 Sjå: 5 Heile vedtaket kan lesast her: t=p&ct=ra-pdf 8

9 Fylkesutvalet har «sterkt understreka» at trasévalet må vera finansielt akseptabelt. Berekningane i tilleggsutgreiinga viser at kostnadsskilnaden mellom dei to linevala er liten, og på grunn av vesentleg kortare strekning får det midtre alternativet ein høgare netto nytte /samfunnsøkonomisk lønsemd. Fylkesrådmannen viser også til at fylkestinget har vedteke å prioritera prosjekt som gjev rask realisering. Anslag på samla tidsbruk for planlegging, bygging og prosjektering er om lag den same. Planleggingstida for ei indre line kan bli noko lengre enn for midtre line, då det er ei lengre strekning med mange utfordringar. Fylkestinget har også vektlagt at ferjefri E39 vert realisert med høve til gode tverrsamband. Den midtre linja gjev høve til gode framtidige tilknytingar til kommunane Austevoll, Tysnes, Fitjar og Fusa. Austevoll vil kunna bli landfast - og både Fusa, Tysnes og Austevoll vil kunna bli kommunar med svært attraktive framtidige buområde. Fylkesrådmannen vektlegg kortast mogleg reisetid mellom Stord og Bergen, fleire samanhengande buog arbeidsregionar mellom Stavanger og Bergen og rask prosjektrealisering. Fylkesrådmannen rår difor fylkesutvalet til å velja alternativ 4c midtre linje, med bru over Bjørnafjorden, som ny trase for E39 mellom Stord og Bergen. I debatten etter framlegginga av tilleggsutgreiinga er det blitt fokusert på Bjørnatrynet ved Halhjem som eit alternativ til Søre Øyane som ilandføringspunkt for «Bjørnafjordbrua» på Os-sida. Fylkesrådmannen føreset at ein i det vidare planlegging- og prosjekteringsarbeidet av ilandføringa av bru over Bjørnafjorden tek omsyn til dei verdfulle frilufts- og naturverdiane i skjergarden. Det hastar med å koma i gang med prosjekteringa og bygginga av ferjefri E39 mellom Bergen og Stord. Fylkesrådmannen viser i denne samanhengen til den vedtekne regionale planstrategien for , der ein legg opp til å utarbeida ein regional plan for ferjefri E39 Aksdal Bergen, for å sikra framdrift i det vidare planarbeidet, samt ivareta behovet for koordinering på tvers av kommunegrensene. 9