SAMLA SAKSFRAMSTILLING

Transkript

1 Side 1 SAMLA SAKSFRAMSTILLING Arkivsak: 07/ /09 Saksbeh.: Arkivkode: Saksnr.: Utval Møtedato 1/09 Formannskap/ plan og økonomi /09 Kommunestyret Jørgen Steensæth PLAN soneinndeling SAMLA SAK - BAVALLSVEGEN - REGULERINGSPLAN GODKJENNING AV PLAN Administrasjonen si innstilling: 1 I medhald av 27-2 nr.3 i plan- og bygningslova godkjennar kommunestyret reguleringsplan for Bavallsvegen med tilhøyrande føresegner, dagsett , sist revidert Vilkår for eigengodkjenning er til stades. Formannskap/ plan og økonomi den sak 1/09 Behandling i møte: V kom med slikt tilleggsframlegg: Kommunestyret er innforstått med at husa til Morten Gjerde på nedsida av vegen blir flytta til annan stad på tomta. H kom med slikt endringsframlegg: 4. Det vert vurdert å flytte vegen inntil tre meter mot vest (lenger vekk frå bustader) på strekninga frå profil nr 1250 (ved kommunnen sitt høgdebasseng til profil nr 1400 (ca 150 meter lenger nord). Administrasjonen si tilråding med tilleggsframlegg frå V og H vart samrøystes tilrådd. Saksordførar til kommunestyret: Torstein Gunnarson Tilråding: 1 I medhald av 27-2 nr.3 i plan- og bygningslova godkjennar kommunestyret reguleringsplan for Bavallsvegen med tilhøyrande føresegner, dagsett , sist revidert Vilkår for eigengodkjenning er til stades. Kommunestyret er innforstått med at husa til Morten Gjerde på nedsida av vegen blir flytta til 3 annan stad på tomta. Det vert vurdert å flytte vegen inntil tre meter mot vest (lenger vekk frå bustader) på strekninga frå profil nr 1250 (ved kommunnen sitt høgdebasseng til profil nr 1400 (ca meter lenger nord). Saksordførar: Torstein Gunnarson

2 Side 2 Kommunestyret den sak 6/09 Behandling i møte: Representanten Torstein Gunnarson la fram saka på vegne av formannskap/ plan og økonomi. Tilrådinga vart vedteken mot to røyster (Raudt). Vedtak: 1 I medhald av 27-2 nr.3 i plan- og bygningslova godkjennar kommunestyret reguleringsplan for Bavallsvegen med tilhøyrande føresegner, dagsett , sist revidert Vilkår for eigengodkjenning er til stades. Kommunestyret er innforstått med at husa til Morten Gjerde på nedsida av vegen blir flytta til 3 annan stad på tomta. Det vert vurdert å flytte vegen inntil tre meter mot vest (lenger vekk frå bustader) på strekninga frå profil nr 1250 (ved kommunnen sitt høgdebasseng til profil nr 1400 (ca meter lenger nord). Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. FPL-sak 154/ der det vart vedteke å leggje plan ut til off. ettersyn. FPL-sak 58/07 den der det vert gjort vedtak om oppstart av planarbeidet. Brev frå vegvesenet til bebuarar og off. etatar om oppstart av reguleringsplan for Bavallen, dagsett Brev frå vegvesenet til bebuarar i Bavallsområdet om kontordag den , dagsett *Plankart og føresegner for Reguleringsplan Bavallsvegen, dagsett sist revidert *Brev frå kommunen til vegvesenet om planavgrensing og om at det bør planleggjast buss-snuplass i Bavallen, dagsett *Brev frå bebuarar i øvre del av Skjerpe, dagsett *Brev frå Torleiv Ringheim dagsett Brev frå Toni Chr Lindebrekke, dagsett , der han ta opp at planen burde gå heilt ned til E16. *Brev frå Hordaland Fylkeskommune, dagsett * Brev frå Torstein Rekve Arnøy dagsett * Brev frå Alf Christiansen dagsett * Brev frå bebuarar i øvre del av Bavallsvegen, dagsett *Brev frå Statens vegvesen, dagsett * Brev frå Jon Gjerde, dagsett * Brev frå Magnus Trå, dagsett * Brev frå Agnar og Nils Amundsen, dagsett * Brev frå Arild Trå, dagsett * Brev frå Alf Oddvin Herheim, dagsett * Brev frå Fylkesmannen i Hordaland, dagsett * Brev til Voss Prrosjektutvikling, dagsett * Brev frå Fylkesmannen i Hordaland, dagsett * Brev til Hordaland Fylkeskommune, dagsett

3 Side 3 * Brev til grunneigarar, dagsett * Brev til grunneigarar, dagsett * Brev frå Hordaland Fylkeskommune, dagsett * Brev frå Hordaland Fylkeskommune, dagsett * Brev til grunneigarar, dagsett * Brev frå Ingjerd Leiro, dagsett * Brev frå NVE, dagsett * Brev frå grunneigarar øvst i Bavallen, dagsett * Brev frå Johannes Ringheim, dagsett * Brev frå Knut K. Ringheim, dagsett * Brev frå Morten Gjerde, dagsett * Brev frå Anna Ringheim Lid, dagsett * Brev frå Magnus Trå, dagsett * Brev frå Fylkesmannen i Hordaland, dagsett * Brev frå Roald Ringheim, dagsett * Brev frå Hordaland Fylkeskommune, dagsett *Brev frå Jon Gjerde, dagsett SAMANDRAG AV SAKA: I FPL- sak 58/07 vart det gjort vedtak om oppstart av reguleringsplanarbeidet for Bavallsvegen. Samstundes vart det gjort vedtak om at kommunen skulle delta i planleggingskostnadene avgrensa opp til kr. Samla prosjekteringskostnader var stipulert til kr Kr skal dekkast av Nordlandia og Voss Prosjektutvikling AS. Statens vegvesen har engasjert Plan Vest AS til reguleringsplanarbeidet for Bavallsvegen frå Gjerde, ca 100 meter frå kryss mellom Bavallsvegen og Ringheimsvegen (Leirokrysset) til Bavallen, ca 400 meter frå sluttpunkt for fylkesvegen. Samla lengd av planlagt vegparsell er 1730 meter og kostnader med å opparbeide vegen er rekna til 36 mill kr. Planen har no vere på høyring med høyringsfrist til 15. oktober. Fylkesmannen og Fylkeskommunen har fått utsett høyring til ut oktober og seinare til medio desember i påvente av uttale frå Riksantikvaren. 4. FAKTA OM SAKA: I sak 154/07 i formannskap/ plan og økonomi den vert det vedteke å leggje planen ut på høyring. Frist for å gje merknader til planen var 21 februar i år. Fylkeskommunen bad først om utsett frist til å gje uttale til dei hadde føreteke markundersøkingar. Ny frist for dei vart sett til Under høyringsperioden kom det sterke reaksjonar frå bebuarane langs veglinja, og då spesielt frå dei som bur i øvre del av området i Skjerpe, og vegvesenet saman med kommunen valte då å gjere endringar i planen med von om at ein i større grad kunne imøtekome innkomne merknader/reaksjonar. Fylkeskonservatoren gjennomførte registreringar i marken våren 2008 og konklusjon av dette var at det vart registrert fornminne, i hovudsak år gamalt dyrkingslag. Fylkeskommunen bad på grunnlag av dette om utsett med å gje endelege merknader til ut oktober. I og med at funna var

4 Side 4 automatisk freda måtte Fylkeskonservator få avklaring frå Riksantikvaren før området eventuelt kunne frigjevast. Det vart då utsett høyringsfrist til medio desember. I og med at ein no hadde lengre tid fram til endeleg slutthandsaming valte kommunen å ta nye rundar med grunneigarane langs linja. Justerte planar vart i denne perioden lagt fram til drøfting med grunneigarane og det vart også halde møte og synfaringar i denne perioden. Frist for å gje uttale til planen vart derfor utvida til 15. oktober 2008, med ytterlegare utsett frist for Fylkeskommunen. Voss kommune har i lengre tid arbeidd for å få ny veg til Bavallen og det vart i 1987/88 utarbeidd framlegg til reguleringsplan/vegplan for strekninga mellom Voss Jordbrukksskule og Bavallen der kommunen tok kostnader med planarbeidet. Planane vart aldri realiserte. I kommunedelplan for Bavallen er det sett rekkefylgjekrav om at ny/utbetra fylkesvegen til Bavallen skal stå ferdig når 50 fritidsbustader er tekne i bruk. 5. ADMINISTRASJONEN SI VURDERING: 5.1 Orientering Planen vart først lagt ut offentleg høyring med uttalefrist 21. februar Under høyringa vart det sterke reaksjonar frå ein del av bebuarane langs den regulerte vegen. Særleg var reaksjonane sterke frå dei bebuarane som grensa inn til vegen i øvre del av planområdet. Samstundes varsla Fylkeskommunen at det var nødvendig med arkeologiske registreringar på eit parti ved Trå. Dei bad då om utsett frist til å gje uttale til 27. juni. Seinare, etter arkeologiske registreringane vart gjennomførte og det vart gjort funn, bad fylkeskommunen om utsett høyringsfrist til 15. oktober Munnleg vart det seinare avtalt at denne kunne utsetjast til ut oktober og seinare til medio desember. Dette hadde samanheng med at Fylkeskommunen måtte innhente uttale frå Riksantikvaren. I og med at planen tidlegast kunne takast opp til 2. gongs behandling seinhaust 2008, vart kommunen og vegvesenet einige om at ein gjennomførte synfaringar og møte med grunneigarane før sommaren Samstundes arbeidde ein med tanke på å kunne imøtekome grunneigarane sine ønske i større grad. I nedre del av traseen der ein har hus på begge sider av vegen, såg ein at det vanskeleg å justere noko på linja. I øvre del er det gjennomført til dels store justeringar med tanke på å minimalisere ulemper for grunneigarane. Særleg på strekningane mellom ca profil 900 og 1100 og mellom profil 1200 og 1600 er det gjennomført betydelege justeringar i planen. På førstnemnde strekning er det føreteke justering av linja i terrenget slik at fyllingane på nedsida av vegen er redusert monaleg. På same strekning har ein tillete avkjørsle til fylkesvegen for 4 til 5 eigedommar som kan her nytte tilkomst direkte til fylkesvegen, delvis ved å bruke gang- og sykkelvegen på eit mindre parti. Gangog sykkelvegen vert her utvida til 4 meter. På øvre del av vegen er planen justert i høve til utlagt plan. Ein har her strekt seg langt med omsyn til å få vegen bort frå eigedommane. Ein har no plassert veg med gang- og sykkelveg ut frå eigedommane og inn på eksisterande fylkesveg. Dette gjeld for dei aller fleste eigedommane i dette området. For Skjerpeshagen 2 vil gang- og sykkelveg kome litt inn på eigedommen i nedre del av eigedommen. I og med at gang- og sykkelvegen ligg nærmast mot eigedommane, vert no avstand til trafikkert veg om lag 6-7 meter lengre bort frå eigedommane enn i dag. Dette inneber at desse eigedommane vil få mindre støy frå trafikken enn det dei får i dag. Ved Danskehytta er vegen no flytta nokre meter lenger bort frå denne eigedommen enn det som vart

5 Side 5 vist i plan som vart lagt ut til høyring. Dette har ein klart ved at kurveradie i øvre del av planen er redusert frå 20 meter til 17 meter. I dei først nemnde merknadene under så er alle desse knytt til alternativet som vart lagt ut etter første gangs behandling i FPL. Administrasjonen har valt ikkje å kommentere kvar av desse då dei eigentleg refererar seg til den opphavlege plan, men der det ikkje er gjort endringar i planen og det føreligg merknad, så vil desse bli kommentert frå administrasjonen. Planen vart på ny lagt ut etter justering av linja frå 20. august til 15. oktober. Merknader som kom inn før denne tid vert kommentert under pkt 5.2 under og dei som kom inn etter justering vert kommentert i pkt 5.3 under. 5.2 Brev kome inn før justering av linja. Brev frå kommunen til vegvesenet om planavgrensing og om at det bør planleggjast busssnuplass i Bavallen, dagsett Kommunen tar opp i brevet ein del moment som ein meiner burde vore med i planen: -Planområdet burde vore utvida til slutt av fylkesvegen i Bavallen -Det burde vor planlagt snuplass for bussane i Bavallen. -Den delen av eksisterande fylkesveg mellom Trå og Skulestadvegen burde vore med i planen. Brev frå bebuarar i øvre del av Skjerpe, dagsett Det er bebuarar i Skjerpeshagen 2, 4, 6, og 8 samt Bavallsvegen 189 som i felles brev har gjeve merknader. Av generelle merknader er at vegen bør planleggjast lengre inn mot terrenget på oppsida, slik at ikkje vegen kjem ned i hagane. Vidare vert det retta merksemd mot snørydding, at det vert laga rom for dette. Dei reknar med kraftig trafikkauke som følgje av utbygginga i Bavallen, både hyttar og på grunn av auke trafikk på skianlegget. Dei ber om at ferist som i dag er plassert like ved kommunen sitt høgdebasseng vert flytta. Alle naboane har krav om at det vert støyisolasjon, både frå trafikk og ferist. Ein bør vurdere å flytte skogsvegen i terrenget og over høgdebassenget. Ber om at open kumme på deira eigedom vert flytta (Skjerpeshagen 4). Frå Bavallsvegen 189 gjeld merknad at det ikkje vert teken noko av eigedommen, at det vert montert spegel i hovudveg ved deira tomt, at brua vert utvida og ferist så langt bort som mogeleg. Brev frå Torleiv Ringheim dagsett og eitt brev dagsett Peiker på dei plagene som kjem frå ferista ved hans eigedom. Denne bør flyttast bort frå eigedommane, lengst mogeleg opp i Bavallen. På grunn av sterk auke i trafikk siste åra har støyproblema auka monaleg. Elles vert moment frå fellesbrev gjenteke. Brev frå Toni Chr Lindebrekke, dagsett , der han ta opp at planen burde gå heilt ned til E16. Tek opp spørsmål om kvifor ikkje vegen no vert planlagt heilt ned til stamvegen. Det er spesielt den nedre delen som er dårleg.

6 Side 6 Vegvesenet arbeidar no med tanke på å få planlagt nedre del og tilknyting til E16. Brev frå Hordaland Fylkeskommune, dagsett og eit brev dagsett Ber om utsett frist for uttale til 27. juni 2008, då det må gjennomførast arkeologiske registreringar i løpet av våren og sommaren. Ber om godkjenning av kostnadsoverslaget på kr for at fylkeskommunen skal gjennomføre registreringane. Brev frå Hordaland Fylkeskommune, dagsett Ber om utsett høyringsfrist til på grunn av at det er nødvendig med arkeologiske registreringar før ein kan ta stilling til planen. Brev frå Torstein Rekve Arnøy dagsett Ber om at det vert gjennomført ein del endringar i planen: Busstopp vert flytta. Avkjørsle til han vert korta ned. Aksepterar mur mot eigedom under visse føresetnader. Ber om støydempande tiltak vert gjennomført. Ber om at ulempar i byggjeperioden vert så små som mogeleg. Det har vore kontakt mellom vegvesenet og Arnøy om desse problema. Når det gjeld busstopp, så må denne vere der den er planlagt då ein her har busshaldeplass på kvar side av vegen og desse må plasserast i høve til kvarandre. Avkjørsle er korta ned i tråd med ønskje. Støydemping vil bli gjennomført der nivå tilseier det. Brev frå Alf Christiansen dagsett Har bratt og vanskeleg tilkomst til eigedommen. Ber om at dette vert betre i ny plan. Ber om at ein kan kome tilbake til problem knytt til støy og skjerming for brøytebil. Christiansen vil få ny tilkomst til Bavallsvegen ved profil 950. Denne er vist i ny justert plan og var ikkje med i opphavleg plan. Brev frå bebuarar i øvre del av Bavallsvegen, dagsett Dei kan ikkje sjå at deira ønskje, jf brev av , er teke omsyn til. Peiker på at kryss mellom Ringheimsvegen og Skulestadvegen (ved jordbruksskulen), vert utforma slik at det vert naturleg å velje Ringheimsvegen/Bavallsvegen. Dei peiker på ein del manglar i prosjektskildringa, mellom anna når det gjeld kollektivtransporten, framtidig trafikkmengde som dei meiner er anslått for låg. Meiner at eksisterande fylkesveg mellom Skjerpeshagen og Trå kan nyttast som gang- og sykkelveg. Klagar på at vegen er lagt for langt ut mot eigedommane, Skjerpeshagen 2, 4, 6 og 8. Dei får mur like inn ved eigedommane sine. Dei meiner at ein må vere viljug til å ta ekstra kostnader ved omlegging av vegen.

7 Side 7 Ber igjen om at ferist vert flytta då denne er årsak til mykje støy. Ber om at dette vert teke med i planen. Ved oppsett av gjerde kan ferista flyttast opp i svingen ved Danskehytta. Tek opp spørsmål om rydding/fjerning av snø. Stiller spørsmål om erstatning for verdifall på eigedommane. Sett krav til at ein skal oppgradere overvasskapasiteten. Ber om synfaring med kommunen/vegvesenet og at det vert sett opp stikke der vegen vil kome. Dei har tatt opp ein del problemstillingar som ligg utanfor planområdet og peiker på ein del problemstillingar som ikkje vert berørt av planen. I justert plan er vegen lagt betydeleg inn mot terrenget på oppside av eigedommane, og etter administrasjonen si vurdering, så er ein kome bebuarane i møte på dette punktet. Når det gjeld ferista, så kan ein vanskeleg knytte reguleringsbestemmelser til denne utan at dette får privatrettslege følgjer som planen ikkje kan rydda opp i. Det har vore fleire synfaringar og møte mellom bebuarane og vegvesenet/kommunen. Ein har vist i terrenget kvar vegen vil kome, både ved første gongs utlegging og ved justert plan. Brev frå Statens vegvesen, dagsett Gjev signal om at vegvesenet ikkje ønskjer å delta i kostnader med dei arkeologiske registreringane. Brev frå Jon Gjerde, dagsett Han er overraska over at det ikkje er utgreidd fleire alternative trasear. Spesielt over Grevle/Gjerskvål eller over Bavallstunet ned gjennom skogen mot vest sørvest. Gjerde har eit ca 20 da overflatedyrka jord som han bruker til beite. Meste av dette går til ny veg. Kan ikkje sjå at dette spesielt er omtalt i prosjektet. Dersom vegen vidare ned mot E16 vert lagt over hans jorde på nedsida av Ringheimsvegen mot E16, er det mogeleg at han må leggje ned drifta på garden. Ber om at det vert teikna inn jordbruksavkøyrsle ved profil 605 dersom alternativet vert oppretthalde. Det er i nytt planforslag teikna inn avkøyrsle ved profil 605. Vegvesenet har i tidleg planprosess sett på alternative løysingar til Bavallen. Ein har ønskje om betre veg både for dei som brukar vegen i dag og for dei som skal bruke han i samband med utbygging i Bavallen. Brev frå Magnus Trå (55/26), dagsett Ber om at avkjørsle til eigedommen vert flytta då han får dårleg utnytting av tomta slik den er vist i planen. Sjå merknad under hans brev av under. Brev frå Agnar og Nils Amundsen, dagsett

8 Side 8 Ønskjer ikkje den viste planløysinga for avkjørsle. Skildrar i merknaden korleis denne bør liggje. Reknar med at tiltakshavar dekka kostnad med omlegging, både veg og straum osv. I nytt planframlegg er denne flytta. Brev frå Arild Trå (55/4), dagsett Kartgrunnlaget for huset er ikkje riktig. Det visar mellom anna ikkje takoverbygg framfor inngang. Veg frå eigedommen og til ny veg vil bli for bratt og må teiknast om. Ber om at andre tiltak gjennomførast: støydemping, forsterke støttemur, etablere stikkrenne og vegen må ikkje hevast i høve til dagens situasjon. Ber om at andre alternativ til vegtrase til Bavallen vert vurdert. Grevle Flatekvål eller i lia over mot Ringheim. I nytt framlegg til plan er tilkostveg til han lagt om. Når det gjeld dei andre spørsmål som vert teken opp, så vil ein ta stilling til dette ved grunnforhandlingar og bygging av vegen. Brev frå Alf Oddvin Herheim (51/10), dagsett Meiner at det er heilt uakseptabelt at vegen går over hans eigedom. Ber om synfaring før vidare planlegging. Det har vore synfaring og justering av plan etter dette skrivet. Vegen er justert og inngrep i eigedommen er betydeleg redusert. Brev frå Fylkesmannen (miljøvernavdelinga) i Hordaland, dagsett Ber om at det vert prioritert å planleggje nedste delen av Bavallsvegen mot E16. Ber om å vere særleg varsam ved kryssing av Grevleselva, då denne er varig verna som del av Vossavassdraget. Ber og om at det blir lagt verkt på lanskapsmessige tilpassingar slik at fylling og skjeringar ikkje blir for skjemmande. Elles har ikkje Fylkesmannen vidare merknader til planen. I justert plan er skjeringar og fyllingar noko redusert i høve til denne planen som Fylkesmannen gjev uttale til. Vegvesenet har gjeve signal om at dei vil prioritere planlegging av nedre del av vegen. Brev til Voss Prrosjektutvikling, dagsett Kommunen ber om møte med Voss Prosjektutvikling med tanke på å kome fram til fordeling av kostnader til arkeologiske registreringar. Brev frå Fylkesmannen i Hordaland, dagsett Landbruksavdelinga har ingen merknader til planen. Brev til Hordaland Fylkeskommune, dagsett Kommunen aksepterer ønskt utsett høyringsfrist og aksepterar kostnad til arkeologiske registreringar.

9 Side 9 Brev til grunneigarar, dagsett Kommunen varslar om synfaring langs traseen den 14. mai. Brev til grunneigarar, dagsett Invitasjon til møte med vegkontoret og kommunen den 18. juni Brev frå Hordaland Fylkeskommune, dagsett Fylkeskommunen varslar tidspunkt for arkeologiske registreringar. Brev frå Hordaland Fylkeskommune, dagsett Gjev ei førebels utsegn til planen. Den arkeologiske registreringa viste førhistorisk dyrkingsspor i traseen. Det må derfor føreliggje uttale frå Riksantikvaren før vidare uttale frå Fylkeskommunen. Ber om utsett høyring til 15. oktober. Før dei gjev endeleg uttale til planen, ber dei om at det vert planlagt veg heilt ned til E16, slik at dei kan sjå heile traseen i samanheng. Administrasjonen har gjeve utsett frist slik Fylkeskommunen ber om. Det har vore møte mellom kommunen, vegvesenet og Fylkeskommunen der spørsmålet om vidare planlegging av nedre del av vegen mot E16 vart teke opp. Fylkeskommunen har akseptert at planlegging av vegen ned til E16 vert utsett til ein har midlar til dette. Vegvesenet gav uttrykk for at dette skal prioriterast. Samlevurdering av merknader som er kome inn før planen vart lagt ut på nytt ca 20. september. Frå bebuarar i øvre del av planområdet var det sterke reaksjonar på framlegget som først vart lagt ut. Dei har spesielt vore opptekne av at vegen kom svært nær inn på deira eigedommar med mur som ville gå gjennom hagane. Vidare har dei peikt på at det blir meir støy, dei er opptekne av plassering av snø, flytting av ferist osv. I justert framlegg til er vegen lagt til dels betydeleg inn mot fjellet på oppside. Dei kjem med ny uttale til ny plan i uttale av , sjå under. 5.3 Merknader som er kome inn etter at det er føreteke justering av planen. Brev frå Voss kommune til grunneigarar om utlegging av justert plan med frist for uttale sett til 25. september 2008, dagsett Vegvesenet har utarbeidd justert linje og legg denne ut til offentleg høyring. Spesielt har ein justert linja på ei strekning over Herheim (jf uttale av ) og strekninga på øvre del i Skjerpe, frå høgdebassenget til Danskehytta. Brev frå Ingjerd Leiro, dagsett

10 Side 10 Det vert vist til samtale med vegvesenet der det var semje om at avkøyrsle til 54/98 vert vist i planen ved profil 405. I revidert plan er denne no vist. I føresegnene er retta til å nytte denne stadfesta. Brev frå NVE, dagsett Ber om at bekkar og elvar vert registrerte før ein startar bygging av ny veg. Dette for å sikre at overvatn vert leia til rett stad og stikkrennar vert plasser på rett plass. Dette blir oppgåve for utbyggjar å gjere i forkant av planlegginga. Brev frå grunneigarar øvst i Bavallen, dagsett Dei registrerar at vegen no er justert og flytta stort sett opp på eksisterande veg. Dei er ikkje nøgde og ønskjer at denne må flyttast ytterlegare inn mot fjellet. Dei tek opp att problemet med ferist og ønskjer at denne vert flytta lenger opp i Bavallsvegen. Dei nemner at Voss Resort har sagt seg viljug til flytting av gjerder om ferista vert flytta. Dei ber om støyskjerming. Dei meiner at anslag for trafikkmengd er for låg. I høve til planen som vart lagt ut etter første gangs behandling, så er vegen no flytta inn mot fjellet på oppsida av tomtene. Over ei strekning på 150 meter, mellom profil 1250 og 1400 er vegen no flytta mellom 0,7 meter og 3,2 meter mot vest. Alle eigarane som i fellesbrev har klaga, har fått ei situasjon no som er betydeleg betre enn ved den opphavlege utlegginga av planen. Når det gjeld plassering av ferist, så er det ikkje vanleg at ein plasserar denne inn i reguleringsplanen, då plassering vanlegvis er basert på privatrettslege avtalar mellom grunneigarar. Korkje kommune eller vegvesenet er uviljug til å flytte denne og det vil bli gjort dersom partane kjem til einigheit om plassering av denne og korleis ein skal ordne med gjerdehald. Vegvesenet er pliktig å gjennomføre støydempingstiltak dersom ein overskridar grenseverdiar for støy mot bustader. Dimensjonering av vegbreidd og vegklasse er bestemt ut frå kva trafikkmengde ein får i framtida. Ein går då ut frå gjennomsnittstal over året og ikkje som toppbelastning på bestemte tidar. Brev frå Johannes Ringheim, dagsett Registrerar at felles avkøyrsle til Johannes Ringheim og naboar er flytta inn på hans eigedom utan at dei har registrert at dette har vore eit tema på møte som er halde. Ber om at denne vert flytta tilbake der den opphavleg var. Ber om at det vert teikna inn 2 biloppstellingsplassar, alternativ garasje, på oppsida av innkøyrsla på hans eigedom. Grunngjev dette med at han missar noko plass framfor eigen garasje ved vegutviding. Ber om at det ikkje vert teikna inn garasje på naboeigedom då dette kan redusere handlefridom han har til å utnytte eigen tomt.

11 Side 11 Felles avkjørsle til eigedommane vart lagt hovudsakleg på Ringheim sin eigedom. Denne er no trekt ca 3 meter mot sør slik at denne no kjem inn i grense mellom Ringheim sin eigedom og nabo. Brev frå Knut K. Ringheim, dagsett På planteikning er det oppside veg teikna inn felles avkøyrsle/gangveg til busshaldeplass mellom profil 400 og 530. Ber om at denne vert brøytt av vegvesenet, sidan denne er også tenkt til offentleg føremål. Så lenge denne er tenkt som gangtilkomst til busshaldeplass skal denne brøytast av veghalder. Denne gangvegen er i siste revisjon vist som offentleg veg. Brev frå Morten Gjerde, dagsett Gjerde meiner planen er mangelfull og er lite detaljert, særleg for dei konsekvensar som planen har for situasjonen rundt huset hans. Han har problem med å finne ut korleis han skal kome seg inn i huset i framtida, korleis han skal få tilgang til løa og kva som skal skje med uthus på andre sida av vegen. Han meiner dersom planen vert gjennomført vil livkvalitet og privatliv bli negativt påverka. Han minner på at det er dei framtidige og noverande hytteeigarane i Bavallen som tvingar fram vegutbetring og at dei ikkje får noko av dei problem som eksisterande huseigarar langs vegen får. Han meiner at alternativ burde vore utgreidd grundigare. Slik vegen no er planlagt, vil den leggje mykje jord aude, og dette er jord som for all framtid er tapt. Peiker på at det i planprosessen ikkje har vore god nok kontakt med han korkje før planen vart justert eller etter at det vart bestemt at planen skulle justerast. Han meiner at det er vanskeleg å sjå korleis planen kan løyse dei problema som oppstår rundt hans eigedom. Han peiker på at Bavallsvegen opp gjennom tida har vore endra på gjennom fleire reasfalteringar, vegen har auka både i høgd og i breidd, og er i dag vekse seg heilt inn på inngangspartiet. Ny plan inneber at fortau kjem over inngangspartiet og heilt inn på dette. Han finn dette heilt uakseptabelt og vil motsette seg at tiltaket blir gjennomført i tråd med planen. Tre som i dag står sørvest for huset og er avskjermande for ver og vind må fjernast ved gjennomføring av planen slik den ligg føre. Han ber om å få delta i den vidare planprosessen med omsyn til utforming av tiltak rundt hans hus. Dei løysingane som ein kjem til må vere akseptable for han. Han meiner at det skulle vore arbeidd med alternative løysingar og at det føreliggjande alternativet ikkje er godt nok gjennomarbeidde. Situasjonen ved huset til Gjerde vil bli vanskeleg ved gjennomføring av planen. Frå kommunen si side vil ein tilrå at ein i samband med grunnforhandlingar går inn for å løyse inn huset, alternativt flyttar huset til ein annan stad på tomta. Når det gjeld dei andre moment som Gjerde tar opp som relaterar seg til jordvern og at andre alternativ burde vore utgreidd så meiner ein frå både vegvesenet og frå administrasjonen at alternativet som no ligg føre er totalt sett det beste. Ikkje berre vil dett gje ei betre vegutløysing for hytteeigarane i Bavallen, men også vere eit betre tilbod for dei som elles nyttar vegen i dag. Spesielt vil vegen bli sikrare for dei mjuke trafikantane. Det er vanskeleg for administrasjonen å ta endeleg stilling til dei problem som Gjerde reisar i sin klage då mange av problema vil bli avklart først ved grunnforhandlingar.

12 Side 12 I den justerte reguleringsplanen er bustadhuset, løa og uthuset på andre sida av vegen regulert til riving. Brev frå Anna Ringheim Lid, dagsett Ber om at følgjande vert teke med i planen: - Avkøyrsle til eigedommen hennar 50/4. - Vidareføring av kran frå vassleidning som ho brukar til vatn til dyra. - At det vert lagt til rette for å kryssa elva med traktor. Avkøyrsle til eigedommen er teikna inn på planen Når det gjeld dei to andre momenta, så er dette noko som må takast opp i samband med grunnforhandlingar. Brev frå Magnus Trå, dagsett På plankart er det teikna inn parkeringsplass på eigedommen 55/26 ved profil 500. Han meiner denne er feil plassert og ønskjer plassering slik det var vist på tidlegare plan. I justert plan har ein valt å ta bort denne parkeringsplassen i planen. Brev frå Fylkesmannen i Hordaland, miljøvernavdelinga, dagsett Har ingen merknader til planen. Brev frå Roald Ringheim, dagsett Ringheim refererar til samtale med vegvesenet om plassering og tilpassingar av avkjørsle til hans eigedom. Han refererer til at det vart sagt at justeringar som evt må takast, avtales med vegvesenet/utbyggar ved gjennomføring av planen. Nødvendige justeringar for å tilpasse til murar og høgdar på tomten avtalast ved gjennomføring av planen. Brev frå Hordaland Fylkeskommune, dagsett Fylkeskommunen varsla i oktober at dei måtte ha utsett frist til medio desember då den arkeologiske registreringa viste at det var automatisk verna objekt i veglinja. Riksantikvaren har i brev dagsett frigjeve området under føresetnad av at følgjande takast med i føresegnene: Før oppgradering av Fv 315 Bavallsvegen i henhold til plan skal det foretas arkeologisk utgraving av det berørte automatisk fredete kulturminnet dyrkingslag id i planområdet Det skal tas kontakt med Hordaland fylkeskommune i god tid før tiltaket skal gjennomføres slik at omfanget av den arkeologiske utgravingen kan fastsettes. I skrivet frå Riksantikvaren vert det opplyst at dyrkingslaget er datert til eldre jernalder/førromersk jernalder, f.kr. og at det består av eit samanhengande felt på omlag 3200 m2. Dei førebelse overslaga for kostnadene er på ca kr, men at dette sannsynlegvis er ei øvre grense.

13 Side 13 Den nemnde teksten frå Riksantikvaren er no teke inn i føresegnene. Vilkår for eigengodkjenning skulle dermed vere til stades. Brev frå Jon Gjerde, dagsett Han registrerer at ny veg til Bavallen i tillegg til å gå over stykket hans ved Trå også vil krysse gjennom garden hans ved krysset mellom Ringheimsvegen og Bavallsvegen. Han viser her til dei planane som vegvesenet har med tanke på kople Bavallsvegen til E16 ved Jordbruksskulen. Garden hans er delvis vanskeleg å drive på grunn av at delar av jorda ligg bratt i terrenget. Med veg som skjærer gjennom denne jorda, vil det resterande bli endå vanskelegare å oppretthalde som jordbruksland. Dette grunngjev han med at han vil få problem med å snu traktoren på dei smale stripene som vert liggjande tilbake. Dersom vegen i den vidare planen med tilkopling mot E16 går rundt låven og huset, vil han bli omringa av vegar på alle sider av huset. Han konkluderar derfor med at han håpar at tilkopling mellom Bavallsvegen og E16 blir ved Voss Barneheim og ikkje ved Jordbruksskulen slik det er antyda frå vegvesenet. Ein ser at det er uheldig at ikkje heile Bavallsvegen vert planlagt frå topp til botn. På noverande tidspunkt er det ikkje avgjort kvar vegen skal gå vidare ned frå Leirokrysset mot E16. Vegvesenet har signalisert at det mest sannsynlege er at vegen vert lagt slik Gjerde her antyder. Denne del av Bavallsvegen ligg imidlertid utanfor planområdet og ein ser det vanskeleg å gå inn i denne problemstillinga no. Når det gjeld dei problem som han vil få på Trå der vegen skjer på skrå over jorda hans, så er dette problem som han tidlegare har kommentert i merknad, jf over, brev av Oppsummering og konklusjon Vegvesenet har i stor grad imøtekome dei sterke reaksjonane som er kome frå grunneigarane langs planlagt veg. Då planane første gang vart lagt ut på høyring var det sterke reaksjonar frå ein del av bebuarane, spesielt i øvre del av planområdet. I løpet av vår og sommaren 2008 vart det halde møter og synfaringar med fleire av grunneigarane med tanke på at ein i større grad kunne imøtekome ønskje og krav. Ein har både frå kommunen si side og frå vegvesenet si side lagt mykje arbeid i kome fram til gode løysingar. Slik ein no ser det frå administrasjonen si side, så er planane no justert på ein slik måte at fleire langs traseen har gjeve uttrykk for at dei ser mange føremoner for seg ved at planen gjennomførast. Dette gjeld grunneigarar øvst i planområdet og grunneigarar og grunneigarar i mellompartiet mellom Trå og høgdebassenget der fleire får høve til å kople seg direkte til ny Bavallsveg. Fleire av desse slit i dag med vanskelege, bratte tilkomstar til Bavallsvegen. Slik administrasjonen ser det, så er det ved Trå dei største problema ligg, der ein skal smyge seg imellom eksisterande busetnad på begge sider av vegen. Ein såg ikkje anna løysing her enn at ein måtte regulere inn riving av eit bustadhus, ei låve og eit reiskapshus, alle tilhøyrande same grunneigar, Morten Gjerde. Husa er ikkje nytte som bustadhus i dag, men Gjerde har gjeve uttrykk for at han kan tenkje seg seinare å flytte tilbake her. Ein har frå administrasjonen hatt fleire samtalar med Gjerde som er lite glad for situasjonen. Administrasjonen har antyda for Gjerde at han under grunnforhandlingar kan be om flytting av huset til ein annan stad på tomta, alternativt få erstatta husa som må rivast.

14 Side 14 Elles er det sterke reaksjonar frå grunneigar som driv gardsbruk (økologisk), Jon Gjerde. delvis går merknadene på tilhøve utanfor planområdet, men han tar også opp problema med at vegen vil skjere igjennom jordstykke på Trå på ei uheldig måte. Administrasjonen har forståing for dei problem som Gjerde her får, men ein ser ikkje mogelegheit for å leggje vegen annleis her. Når det gjeld merknader frå offentlege etatar med rett til motsegn, så er det berre Hordaland Fylkeskommune som har varsla motsegn dersom ikkje vert retta opp i føresegnene til planen eit punkt om å ta i vare dei interessene fylkeskommunen har i samband med undersøking av dei allereie registrerte automatisk freda fornminna. Føresegnene er retta opp i tråd med fylkeskommunen sitt krav og vilkår for eigengodkjenning av planen ligg føre. Administrasjonen vil tilrå at planen vert godkjend slik denne går fram av plankart med føresegner, dagsett