Røysatunet - små, samlokaliserte sjølveigarbustader med felles uteareal inviterer til fellesskap. Foto: Beate Kornberg

Transkript

1 GLOPPEN KOMMUNE KOMMUNEDELPLAN Dato: Arkivopplysningar: 10/ /145 L71 BUSTADSOSIAL HANDLINGSPLAN FOR GLOPPEN KOMMUNE Røysatunet - små, samlokaliserte sjølveigarbustader med felles uteareal inviterer til fellesskap. Foto: Beate Kornberg Endeleg framlegg frå arbeidsgruppa.

2 INNHALD Forord Bakgrunn for planen Oppnemning, mandat og samansetting av prosjekt- og styringsgruppa Kommunalt ansvar for bustadsosial politikk Fakta om gloppen kommune Hovudutfordringar relaterte til total bustadsituasjon Folketalsutviklinga Bustadstruktur Planstatus nye utbyggingsområde Kartlegging av vanskelegstilte på bustadmarknaden Ungdom/unge vaksne i alderen år Vaksne i yrkesaktiv alder år Eldre i alderen Bustadundersøkinga på Sandanedagane Den kommunale bustadmassen med primære målgrupper Økonomiske verkemiddel - kommunen sin bruk av husbanken sine låne- og tilskotsordningar Bustøtte Bustadtilskot til utgreiing og prosjektering Bustadtilskot til etablering og tilpassing Startlån (tidlegare etableringslån) Kommunen si organisering av bustadoppgåvene i dag Tildeling av kommunale bustader Vedlikehald av kommunale bustadar Rådgjeving og administrering av husbanken sine låne- og tilskotsordningar Oppfølging i bustad praktisk bistand, opplæring og burettleiing Oppsummering og forslag til tiltak Vedlegg FORORD Med bakgrunn i signal frå sentralt hald har Husbanken dei siste åra oppmoda kommunane om å utarbeide bustadsosial handlingsplan. Planen omhandlar bustader og bustadtiltak for grupper av befolkninga som på grunn av sosiale, medisinske, fysiske og/eller økonomiske forhold har vanskar med å skaffe seg og bli buande i ein tilfredsstillande bustad. Planen inneheld ein omtale av situasjonen med vekt på særskilde utfordringar i Gloppen kommune i dag, og peikar på forslag til tiltak som kan settast i verk for å løyse desse utfordringane i åra som kjem. Prosjektperioden vart i utgangspunktet sett frå 15. desember 2010 til 1.september Dette har vist seg å være for kort tid. I samråd med styringsgruppa og helse- og omsorgsutvalet har vi delt planarbeidet inn i to fasar: Fase 1: Status og resultat av ulike kartleggingar, og forslag til tiltak som må med i økonomiplanarbeidet frå hausten Fase 2: Gjennomgang av kommunen si organisering av bustadarbeidet med forslag til betre samordning og ressursutnytting. Side 2

3 1. BAKGRUNN FOR PLANEN 1.1 OPPNEMNING, MANDAT OG SAMANSETTING AV PROSJEKT- OG STYRINGSGRUPPA Rådmannen si leiargruppe tok hausten 2010 initiativ til å sette i gang arbeidet med å utarbeide ein bustadsosial plan for Gloppen kommune. Helse- og omsorgsutvalet vart orientert om saka i sitt møte 22. september Det vart søkt om tilskotsmidlar frå Husbanken til planarbeidet, og kommunen fekk tildelt kr ,- som gjekk til tilsetting av prosjektleiar i 20 % stilling i 8 månader. Forlenginga av prosjektperioden vart finansiert av eldremillionen, ekstraløyvinga som kommunen fekk i I tillegg kjem kommunen sin eigeninnsats i form av arbeidstid til prosjektgruppa sitt arbeid. Prosjektleiar starta arbeidet i midten av desember Det vart etablert ei styringsgruppe og oppnemnd ei prosjektgruppe frå fleire sektorar, som tok til med sitt arbeid rett over nyttår Styringsgruppa har vore sett saman slik: Øyvind Hervik (leiar) leiar NAV Gloppen Ragnhild Eimhjellen helse- og omsorgssjef Einar Holmøy teknisk sjef Prosjektgruppa har vore samansett av: Beate Kornberg (prosjektleiar) einingsleiar re/habilitering og koordinering Hilde Olave Sætren ergoterapeut/leiar i bustadrådgjevingsgruppa Norunn Hide representant for heimetenestene Ann Iren Festervoll representant for NAV og flyktningtenesta Bjørn Aurlien kommuneplanleggar Runar Kleppe repr. for teknisk sektor/medl. av bustadrådgjevingsgruppa Arne Eikenes repr. for servicetorget /medl. av bustadrådgjevingsgruppa Olav Moritsgård brukarrepresentant frå eldrerådet Anne Pia Nygård brukarrepresentant frå rådet for funksjonshemma. Styringsgruppa har utarbeidd følgjande mandat for prosjektgruppa sitt arbeid: Arbeidet med bustadsosial handlingsplan skal bygge på målsettinga om å bu heime lengst mogeleg Det er ei målsetting for arbeidet å legge tilrette for at dei som ynskjer det skal få høve til å eige sin eigen bustad Kartlegge den kommunale bustadmassen og vurdere utnyttinga av denne Gå gjennom og vurdere korleis kommunen nyttar Husbanken sine låne- og tilskotsordningar Gå gjennom og vurdere korleis kommunen har organisert det bustadsosiale arbeidet og behovet for oppfølging til dei som har vanskar på bustadmarknaden Utarbeide ei oversikt over behovet for ulike typar bustader og andre butiltak til grupper som har vanskar på bustadmarknaden Vurdere behov og tiltak for universell utforming rundt om i bustadmassen i kommunen opp mot behovet Side 3

4 Planen skal innehalde ei vurdering av tiltak som ombygging, kjøp/sal, endra disponering av den kommunale bustadmassen og gjere framlegg om nybygg I planen skal det også vurderast kva tiltak kommunen kan iverksette for å stimulere til utbetring av private bustader for å legge til rette for heimebasert omsorg Drøfte korleis kommunen skal løyse akutte bustadbehov Planen skal utarbeidast i samanheng med andre kommunale planar, slik som kommuneplan m/ delplanar, reguleringsplan og økonomiplan Planen skal gjelde frå 2012 til 2020 med rullering etter 4 år, i Ansvaret for oppfølging og rullering av planen skal plasserast. 1.2 KOMMUNALT ANSVAR FOR BUSTADSOSIAL POLITIKK. Statlege styresmakter har dei siste åra hatt sterk fokus på å legge betre til rette for unge og vanskelegstilte på bustadmarknaden gjennom ei rekke meldingar og proposisjonar, seinast i NOU 2011:15 Rom for alle ein sosial bustadpolitikk for framtid, som i desse dagar er ute på høyring. Det er her i sterkare grad også eit mål at flest mogleg skal kunne eige sin eigen bustad. Å ha ein stad å bu er ein føresetnad for god helse, utdanning, arbeid og deltaking i samfunnet. Å føre ein god sosial bustadpolitikk er difor god samfunnsøkonomi. Det å bu godt inneber tryggleik, identitet og nettverk. Det gjer noko med sjølvkjensla kvar og korleis vi bur, og om vi eig vår eigen bustad. Det har også stor interesse kvar i kommunen vi vel å busette oss. Val av spreidd bustadbygging utfordrar særleg høve til deltaking i samfunnet generelt og aukar transportbehovet. På ei anna side aukar det høve for livsutfalding og bruk av naturlege område i eit helseperspektiv. Kombinasjonen spreidd bustadbygging og høg del av åleinebuande, vil auke kravet til kommunale tenester. (Rettleiar Helse i plan Vestfold fylkeskommune 2007). I tråd med vedteken kommuneplan, har kommunen vår ansvar både for å legge tilrette for samfunnsutvikling og yte tenester til innbyggjarane våre. At kommunen har eit særskilt ansvar for å skaffe bustad til dei vanskelegstilte på bustadmarknaden, går fram mellom anna av sosialtenestelova 3-4, og ny lov om kommunale helse- og omsorgstenester 3-7, som gjeld frå 1. januar Vanskelegstilte på bustadmarknaden er dei som av ein eller annan grunn er utan bustad, lever med ustabile buforhold eller har vanskar med å bli buande i bustad. (jf. NOU 2002:2). Ansvaret inneber ikkje berre å skaffe vanskelegstilte ein bustad, men òg å formidle økonomisk støtte og oppfølging i bustad. Kommunane har ulike utfordringar, og det er difor viktig at Gloppen utarbeider sin eigen bustadsosiale plan, som er forankra i dei utfordringar som kommunen vår står overfor. I arbeidet med planen har vi lagt vekt på å sjå dei spesielle bustadbehova i samanheng med generelle bustadbehov i kommunen. Gjennom ein slik plan er siktemålet å: gje og legge tilrette for eit best mogleg bustadtilbod til innbyggjarane i kommunen auke kunnskapen om bustadbehovet i kommunen i dag og i framtida betre grunnlaget for styring av kommunen si bustadpolitiske utvikling Side 4

5 auke kunnskapen om og legge grunnlaget for ei meir målretta og betre utnytting av statlege verkemiddel samordne ressursane som vert nytta til dette føremålet. Ein bustadsosial handlingsplan er grunngjeven med at arbeidet med å gje utsette grupper tilgang på ein eigna bustad, krev eit nært samarbeid mellom fleire kommunale instansar saman med eksterne organ, som til dømes Husbanken. 2. FAKTA OM GLOPPEN KOMMUNE 2.1. HOVUDUTFORDRINGAR RELATERTE TIL TOTAL BUSTADSITUASJON Gloppen kommune har: Spreidd utbygging over relativt store geografiske område Ein stor del einebustader (godt over landsgjennomsnittet), og få private, mindre gjennomgangsbustader både for unge i etableringsfasen og vanskelegstilte som ynskjer å leige eller kjøpe sin eigen bustad Mange tomme, fråflytta bustader, som berre vert nytta til feriebustader Mange elevar på vidaregåande skule som bur på hybel i eller nær sentrum Mange privateigde bustader i eller nær sentrum (rundt 40) som vert nytta til framleige til flyktningar Fleire unge psykisk utviklingshemma som i løpet av dei nærmaste åra vil trenge bustad med mykje oppfølging og omsorg 429 eldre over 80 år, der av 95 over 90 år (per 11. april 2011) 13 eldre som treng bustad med heildøgns pleie og omsorg, i tillegg til 18 kjende, heimebuande eldre som får dette behovet ivareteke av ektefelle/familie i samarbeid med heimetenesta (etter eige ønske) Mange kommunale bustader med stort behov for vedlikehald og ombygging. Det er òg liten sirkulasjon på desse bustadene, som gjer det vanskeleg å renovere dei. Desse utfordringane vert nærare omtala i etterfølgjande kapittel. 2.2 FOLKETALSUTVIKLINGA Framskriving av folketalet basert på forventa middels nasjonal vekst, gir ein auke på om lag 200 innbyggarar i Gloppen fram til For bustadsosial handlingsplan er det utviklinga i dei eldste årsklassene som er mest interessant. Denne viser moderat reduksjon for gruppa 80+, som i dag er relativt stor, medan den andre pensjonistgruppa (67-79 år) aukar med om lag 300 (ca. 50% auke). Vi ser også av stolpediagramma under at tal yrkesaktive er forventa å gå ned i dette tidsrommet. Side 5

6 Framskriving av folketal (middles nasjonal vekst) år 6-12 år år år år år år 80 år eller eldre Statistikken gir grunnlag for å forvente vesentlege utfordringar for kommunen, også på bustadområdet. 2.3 BUSTADSTRUKTUR Gloppen har fleire mindre tettstader, med Sandane som den klart største. Elles er her stor grad av spreidd utbygging, både våningshus på gardsbruk og bustadhus på frådelte enkelttomter. Einebustader er klart dominerande opp mot 80 % mot ca. 50 % på landsplan. Resten av bustadmassen fordeler seg stort sett på tomannsbustader og mindre leilegheitsbygg. Nesten 60 % av husstandane er 1-2 persons husstandar, noko som er berre litt under landsgjennomsnittet. Dette viser at her er mange som bur svært romsleg, anten fordi dei sjølve ønskjer det eller fordi det er få alternative tilbod. Detaljert statistikk er vist i vedlegg. Ferdigstilte bygg siste fem år er vist i diagrammet nedanfor. Om lag halvparten av desse er førde opp i Sandaneområdet. Side 6

7 Fullførte bustader sortert på bustadtype Enebolig 112 Enebolig med hybelleilighet, sokkelleilighet o.l. 113 Våningshus 121 Del av tomannsbolig, vertikaldelt 122 Tomannsbolig, horisontaldelt 131 Rekkehus 136 Andre småhus med 3 boliger eller flere 141 Store frittliggende boligbygg på 2 etasjer 151 Bo- og servicesenter Statistikken viser ikkje vesentlege endringar i bustadbygginga til dømes i form av mindre bygging av einebustader og meir bygging av leilegheiter. Men i arbeidet med å skaffe bustad til tilflyttarar eller menneske med spesielle behov, ser vi at det burde ha vore fleire leilegheiter tilgjengeleg. Samstundes er etterspurnad og/eller betalingsvilje/-evne så liten at marknaden ikkje fungerer optimalt. 2.4 PLANSTATUS NYE UTBYGGINGSOMRÅDE Ei sentral problemstilling i forhold til tilrettelegging av bustadareal til grupper med særskilde behov er arealutforming og avstand til sentrumsfunksjonar og tenestetilbod. Gruppa denne planen retter seg mot er ikkje homogen, men mange har utfordringar når det gjeld transport. Bustadområda kan difor med fordel ligge sentrumsnært. Men dersom sentrumsnært skal avgrensast til å omfatte gangavstand til dei fleste servicefunksjonar, vil tilgjengeleg areal bli svært avgrensa. Planen fokuserer også på livsløpstandard, noko som bør gjelde både tomtearealet og innomhus. Dette gjer nokre bustadfelt i dei bratte bakkane våre mindre eigna. I det følgjande er det først og fremst sett på areal som er regulert og godt eigna til bustadbygging med livsløpstandard både ute og inne. Areal som ligg litt perifert i forhold til sentrumsfunksjonar er teke med, både fordi enkelte kan ønskje tilrettelegging i heimbygda og fordi det kan finnast andre måtar å løyse eventuelle transportutfordringar på. Kart over områda ligg som vedlegg til planen. Byrkjelo I bustadfeltet Byrkjelo aust er det regulert 9,5 dekar til fortetta utbygging, først og fremst tiltenkt aldersbustader. Ein liten del er innløyst av kommunen, men det meste er framleis i privat eige. Arealet ligg nær eksisterande bufellesskap og med kort veg til butikk. Arealet er svært godt eigna til utbygging med livsløpsstandard, då det er heilt flatt. Reed Utover eksisterande bufellesskap er her ikkje areal som er regulert og godt eigna for grupper med særskilde behov. Det nye bustadfeltet i Hetlebakkane ligg på areal som er i brattaste laget Side 7

8 for slik tilrettelegging. Areal ned mot vatnet bak naustrekkja, ville kunne vore eigna, men blir truleg ikkje godkjent for utbygging (planforslag for Re-fjæra). Areal mellom tidlegare Reed skule og E39 er eigna til formålet. Arealet var nemnt som mogleg byggeareal ved siste revisjon av kommuneplanen, men det vart ikkje vedteke omdisponering. Her er dyrka mark i dag. Sandane I sentrum: Det er bygt ein del leilegheiter i sentrum dei 10 siste åra, dels som ombygging av eldre forretnings-/kontorbygg og dels som toppetasje på nye forretningsbygg. Desse er stort sett selde eller utleigde, og blir ikkje lista opp her. Nokre, men ikkje alle, er tilrettelagde med heis. Aktuelle regulerte forretningstomter med moglege toppetasjeprosjekt Forretningsareal på Grandane. Privat eige, men med kommunal deltaking. Her skal byggast forretning og helsesenter og vurderast ein 3. etasje med leilegheiter Dampskipskaia. Godkjent ombygd med leilegheiter i 2. og 3. etasje, men førebels skrinlagt på grunn av kostnader Forretningsareal mellom Firda Billag og Sandane senter. Privat eige. Ingen konkrete utbyggingsplanar. Regulert utbyggingsareal til offentleg formål Øyna. 4,5 dekar ikkje nærare spesifisert enn offentleg formål. Privat eige. Bør ha høg utnytting dersom det blir brukt til bustadformål. Svært sentralt og godt eigna Areal sør for Gloppen ungdomsskule. 4,4 dekar ikkje nærare spesifisert enn offentleg formål. Grunneigar har tidlegare gått mot at arealet vart løyst inn til barnehage, og har signalisert at det einaste det eignar seg til er bustader. Regulert utbyggingsareal til konsentrert bustadbygging Sersjantkvia. 2,5 dekar regulert til kombinert forretning og konsentrert bustadbygging, men godkjent utbygd til berre bustad. Ein einebustad er oppført, og ein tomannsbustad er omsøkt. Meir perifere bustadområde på Sandane: Elvaneset Privat utbyggar på kommunalt areal, regulert til konsentrert utbygging. Det er søkt om godkjenning av 20 leilegheiter der ca. halvparten vil ha livsløpstandard. Om lag ein kilometer til sentrum langs trafikkert veg utan fortau Åsen aust for Åsavegen Vel 6 dekar regulert til konsentrert utbygging. Klagesak på planvedtaket er sendt til Fylkesmannen. Om lag to kilometer til sentrum, gangveg det meste av strekninga. Valborgkleiva Enkelttomter eller mindre delområde kan omdisponerast til konsentrert utbygging. Om lag 1,5 kilometer til sentrum, gangveg på heile strekninga. Sørstranda Her er regulert bustadareal på Rygg både på Lagunen og bak den gamle naustrekkja på flatt areal som skal vere lett å leggje til rette for ulike grupper. Om lag seks kilometer til sentrum. Side 8

9 Nordstranda Regulerte bustadfelt på Apalset og Vereide er mindre eigna. Det same gjeld areal avsett i kommuneplanen på Gloppestad. Hyen Manglar areal utover eksisterande bufellesskap. Her er areal på Straumsholmen avsett til senterområde i kommuneplanen, som truleg vil kunne nyttast til bustadbygging. Men det manglar detaljert planavklaring. Elles er det lite aktuelle tomter i Hyen. 3. KARTLEGGING AV VANSKELEGSTILTE PÅ BUSTADMARKNADEN Kartlegginga av vanskelegstilte på bustadmarknaden vart gjennomført av einingsleiarane i dei tre heimetenesteområda, ergoterapeut/leiar i kommunen si bustadrådgjevingsgruppe, prosjektgruppa sin representant frå NAV Gloppen og prosjektleiar, i tett samarbeid med tenestene. Kartlegginga fann stad i månadsskiftet april/mai 2011, etter metode og rettleiing frå Husbanken. Det er kartlagt til saman 63 vanskelegstilte på bustadmarknaden per mai Kartlegginga tek utgangspunkt i personar som har hatt kontakt med hjelpeapparatet dei siste 6 månadene, og er basert på tenesteytarane si vurdering. Her har vi valt å oppsummere resultatet av kartlegginga etter alder, livsfase og behov, og ikkje etter diagnose og brukargrupper. Dette er gjort bevisst for å ta omsyn til personvernet, og rette fokus meir mot type behov. Dei vanskelegstilte fordeler seg på følgjande grupper: 3.1 UNGDOM/UNGE VAKSNE I ALDEREN ÅR 18 av dei kartlagde er unge i etableringsfasen med nedsett funksjon. 11 av dei bur framleis ilag med foreldre, og er busette i alle lokalsamfunna (Sandane, Breim og Hyen). Dette er ungdom med ulike vanskar og behov (psykisk utviklingshemma, rørslehemma, sosialt vanskelegstilte, mindreårige flyktningar og ungdom med psykososiale vanskar). 12 av dei har berre behov for ein ordinær bustad (nokre med noko tilsyn og oppfølging ein gong per veke, medan 6 har behov for samlokalisert bustad). 10 av dei har behov for dagleg eller kontinuerleg oppfølging i bustaden. Her er det viktig å legge til rette for at dei kan bu i bumiljø der dei har høve til å møte annan ungdom, nær arbeid og fritidsaktivitetar. Mange ynskjer og å busette seg i dei lokalmiljøa dei har vakse opp i. 3.2 VAKSNE I YRKESAKTIV ALDER ÅR (Vi hadde ingen kartlagde mellom 23 og 33 år.) Desse utgjer 20 av dei kartlagde. Her er nær halvparten flyktningar. Resten av aldersgruppa fordeler seg likt på rørslehemma og rusmiddelmisbrukarar. I Gloppen kommune er det NAV som har hovudansvar for rusomsorg oppfølging av unge sosialt vanskelegstilte og flyktningar. Kartlegginga viser følgjande utfordringar når det gjeld desse målgruppene: Side 9

10 Dei fleste flyktningane bur i privat leigde bustader, som etter familiegjenforeining er for små for familiane (bur trongt). Svært få av dei får seg arbeid her, og dei fleste av dei bur difor berre mellombels i Gloppen Dei fleste vanskelegstilte rusmiddelmisbrukarane leiger kommunalt eller privat, og står i fare for å misse bustaden på grunn av manglande buevne (økonomisk misleghald, rus og sosiale problem). Hovudproblematikken for denne aldersgruppa er altså at dei bur trongt, har manglande buevne, eller ikkje har eigna bustad (få bustader på den opne marknaden er universelt utforma eller tilrettelagde for rørslehemma). 16 av dei har berre behov for ny bustad og har ikkje behov for oppfølging i bustaden. Berre to har behov for samlokalisert bustad med tettare oppfølging (fleire gonger dagleg eller kontinuerleg). 13 av dei kartlagde bur åleine. 3.3 ELDRE I ALDEREN Desse utgjer 25 av dei kartlagde, og er her delt i to grupper: Det er kartlagt 18 heimebuande eldre som er vanskelegstilte med behov for annan bustad, og av desse er 16 over 80 år (åtte av dei igjen over 90 år). 16 av dei bur åleine. 14 av dei har behov for/ønske om samlokalisert bustad, og sju av dei igjen har behov for oppfølging fleire gonger dagleg eller kontinuerleg. 11 av dei kartlagde i denne gruppa har demens. I tillegg var det på kartleggingstidspunktet sju eldre med behov for bustad med heildøgns pleie og omsorg ved korttidsavdelinga ved Gloppen omsorgssenter med vedtak på korttidsplass i påvente av bustad med heildøgns pleie og omsorg. I tillegg til dei kartlagde er det 18 heimebuande eldre som har behov for heildøgns pleie og omsorg som får dette dekka av ektefelle eller andre i familien, åleine eller i samarbeid med heimetenestene. Av dei 18 er 13 over 80 år. 18 av dei vil ha behov for samlokalisert bustad med bemanning heile, eller delar av døgnet dersom ektefelle/omsorgsperson fell ifrå. Totalt utgjer dette 43 eldre med store hjelpebehov, dersom vi tek med dei 18 som vil ha behov for denne type tilbod frå dag ein, dersom ektefelle fell ifrå eller ikkje maktar meir. Når det gjeld desse tala, må vi vere merksame på at kartlegginga berre gjev eit bilete av den delen av no-situasjonen som er kjent av tenesteapparatet. Ved jamne mellomrom får vi tilmeldt behov for avlastning og heildøgns pleie og omsorg til pårørande og brukarar som ikkje er kjende av hjelpeapparatet. Vi har difor truleg mørketal i høve vanskelegstilte på bustadmarknaden. 3.4 BUSTADUNDERSØKINGA PÅ SANDANEDAGANE 2011 I samband med Sandanedagane 2011 gjennomførte prosjektgruppa BSHP ei enkel spørjeundersøking for å ta pulsen på kva glopparane tenkjer omkring det å bu, i dag og litt inn i framtida. Vi fekk inn 103 svar. Svara fordelte seg slik på følgjande aldersgrupper: 2 i alderen år 30 i alderen år 56 i alderen år 15 i alderen år. Side 10

11 Ca 50 % av desse svarte at det var aktuelt å byte bustad. Dei fleste som hadde svart dette var i alderen år. Mange av desse eig i dag bustaden sin og var interesserte i å eige også i framtida. Grunngjevinga for dei fleste var eit ynskje om ein meir lettstelt bustad og/eller samlokaliserte bustadar (for ei meir omfattande oppsummering sjå vedlegg til planen). Sjølv om undersøkinga ikkje held som statistikkgrunnlag, er det interessant å sjå at svara samstemmer så godt med funna frå den landsomfattande eldreundersøkinga til seniorforskar Ivar Breivik (NIBR) som vart presentert på folkemøtet i Trivselshagen 13. april Bustadundersøkinga som vart gjennomført på Sandanedagane, viser altså ei aukande interesse for å flytte på seg i Gloppen, særskilt i aldersgruppa 56+. Vi fekk i spørjeundersøkinga i for liten grad svar frå glopparar som leiger privat eller kommunalt. Kva er årsaka til dette? Ville dei valt kommunal bustad dersom det hadde vore fleire rimelege bustadar til sals på marknaden? Det bør følgjast opp og kartleggast i løpet av planperioden. 4. DEN KOMMUNALE BUSTADMASSEN MED PRIMÆRE MÅLGRUPPER Kommunen er per 1. april 2011 eigar av følgjande bustadmasse (HPO = heildøgns pleie og omsorg): BUSTADTYPE TAL OG TYPE HUSVÆRE HOVUDMÅLGRUPPE Gloppen 28 omsorgsbustader + 8 Vaksne/eldre med behov for omsorgssenter langtidsplassar heildøgnspleie og omsorg (HPO) Hyblane i kjellaretasjen v/ Gl.Oms.senter Gotatoppen Bufellesskap Gotatunet Bufellesskap Reed Bufellesskap Byrkjelo Bufellesskap Hyen Bukollektiv Nordåsen 5 hyblar med fellesareal Eldre med behov for mykje heimetenester 24 omsorgsbustader fordelt på tre avdelingar med kvar sitt fellesareal 12 husvære + eitt gjesterom som vert nytta til husvære i kortare periodar med fellesareal Hovudsakleg demens/psykogeriatri med behov for HPO Eldre med behov for samlokalisert bustad og mykje heimetenester 8 husvære med fellesareal Eldre med behov for samlokalisert bustad og mykje heimetenester 10 husvære med fellesareal Eldre med behov for samlokalisert bustad og mykje heimetenester 8 husvære med fellesareal Eldre med behov for samlokalisert bustad og mykje heimetenester 5 husvære + eitt gjesterom som Lettare psykisk utviklingshemma med vert nytta til husvære i kortare behov for burettleiing/omsorg det meste periodar av døgnet Midttun/ Nordtun 2 husvære 2 einingar med 2 hyblar med fellesareal (totalt 4 hyblar) Psykisk utviklingshemma/multifunksjonshemma med behov for HPO. Åsavegen 5 husvære (4 to-roms og 1 tre- Psykisk utviklingshemma med behov Side 11

12 samlokaliserte bustadar roms) for heildøgns pleie og omsorg Bukollektiv Furubu Hybelbygg Anekset Kommunale bustadar Område Gloppen Omsorgssenter Kommunale bustadar Søråsen, Furelia og Åsavegen Kommunale bustadar Hovden 6 husvære med stort felles areal Brukarar med psykiske lidingar med behov for oppfølging i bustad og omsorg delar av døgnet. 5 hyblar Mindreårige flyktningar 22 toromshusvære 4 treromshusvære 11 toromshusvære Søråsen + Furelia 2 treromshusvære Åsavegen 1 fireromshusvære i Furelia 1 hybel i Furelia Hovudsakleg eldre Rus, psykiatri, sosialt og/eller økonomisk vanskelegstilte einslege/familiar 2 toromshusvære Eldre og psykiatri Oppsummert har vi i Gloppen: 52 bustader med heildøgns pleie og omsorg (HPO) i tillegg til 8 langtidsplassar til hovudsakleg eldre ved Gloppen omsorgssenter og Gotatoppen 11 samlokaliserte bustader med HPO i dag nytta til psykisk utviklingshemma/multifunksjonshemma 2 bukollektiv med til saman 11 bustader med bemanning store delar av døgnet (psykisk utviklingshemma og psykiatri) 5 hyblar med fellesareal i underetasje Gloppen omsorgssenter 1 hybelbygg med 5 hyblar med bemanning store delar av døgnet til mindreårige flyktningar 38 bustader fordelt på 4 bufellesskap med mykje heimetenester til hovudsakleg eldre 43 sjølvstendige kommunale bustader (37 av dei er toroms eller mindre) I tillegg disponerer NAV Gloppen i dag kring 40 privateigde bustader til framleige for flyktningar i eller nær sentrum (7 eittroms, 16 toroms, 10 treroms, og 6 med fire eller fleire rom). Denne sistnemnde målgruppa, flyktningar, bur i dag berre unntaksvis i kommunale bustader. Prosjektgruppa har ved fleire høve drøfta fordelar og ulemper ved ein meir spreidd busetnad av flyktningar i Gloppen. Fordelane ligg i større grad av integrering i fleire lokalsamfunn, men òg positive følgjer av ei meir blanda samansetning av brukargrupper i kommunale bustader. Kommentarar til tabellen Gloppen kommune har i lang tid hatt fokus på å legge tilrette for at folk skal kunne bu og leve så lenge dei ynskjer det i eigen heim. Gode heimetenester, eit godt utbygd tilbod om re/habilitering og tilrettelegging av bustadene er viktige tilbod for å støtte opp om denne Side 12

13 målsettinga. Vi har difor hatt få institusjonsplassar og bustader med heildøgns pleie og omsorg samanlikna med andre kommunar i fylket og på landsbasis. Vi har mange samlokaliserte bustader/bufellesskap (med totalt 38 husvære) i Gloppen fordelt på dei tre sentra i kommunen, og har med det gitt eldre med store hjelpebehov høve til å bli buande lenger i sitt lokalmiljø. Desse bustadene har, slik vi vurderer det, teke unna mykje av presset på og etterspurnaden etter omsorgsbustader med heildøgns pleie og omsorg. Det er stor etterspørsel etter desse bustadene. Når det gjeld samlokaliserte bustader til andre alders- og brukargrupper, er dei alle lagde til Sandaneområdet. Gloppen kommune har mange kommunalt disponerte bustader (6 % av alle husstandar) og ligg med det godt over gjennomsnittet for andre kommunar i Sogn og Fjordane som vi naturleg kan samanlikne oss med. Deler av prosjektgruppa har gjennomført ei grundig kartlegging av den kommunale bustadmassen, og sett på standard på bustadene, tilgjenge og planløysing opp imot målgruppa. Dei har avdekka store manglar på vedlikehald (sjå vedlagt bustadliste). Deler av styringsgruppa og prosjektgruppa har hatt møte med eigedomsavdelinga, der vi har drøfta eventuelt sal av kommunale bustader med dårleg standard og korleis vi kan sikre kontinuerleg vedlikehald av kommunen sine bustader til vanskelegstilte. Hovudutfordringa ligg i at alle kommunale bustadar er mellom 28 og 41 år gamle, og har eit stort behov for renovering dersom dei framleis skal kunne nyttast til målgruppa. Mange av dei er heller ikkje eigna for hovudmålgruppa, nemleg eldre og rørslehemma, på grunn av lite eigna tilkomst og romløysing. Det er og ei utfordring at få av husværa har fleire enn eitt soverom (berre 6 av 43 kommunale bustader). Dette gjer det difor vanskeleg å tilby kommunale bustadar til sosialt vanskelegstilte ektepar/sambuarar medbarn. Kartlegginga av vanskelegstilte i heimetenesteområda og søknader dei siste åra til kommunen si inntaksnemnd viser at det er størst etterspørsel og behov for samlokaliserte bustader med bemanning heile eller delar av døgnet. Dette gjeld først og fremst eldre og vaksne med eit stort hjelpebehov. Når det gjeld kommunale bustadene, er det liten etterspurnad, sjølv om dei fleste er i bruk i dag (1-2 på venteliste). Det bør difor på sikt vurderast om nokre av dei skal byggjast om eller seljast. Dette kan ikkje gjerast før andre tilbod er etablerte i kommunen (utbygging av fleire rimelege bustader for sal eller utlege i privat regi). Vi har også fleire ungdomar med behov for bustad og oppfølging i bustad dei næraste åra. Her ønskjer langt dei fleste som er i utflyttingsfasen å bu i sentrumsnære område i sitt lokalmiljø, der dei har vakse opp og er kjende. Det må tidleg i planperioden gjennomførast ei kartlegging av framtidige bustadbehov i familiar med barn og unge med nedsett funksjonsevne. Her ynskjer vi å bruke personleg koordinator til intervjua. Side 13

14 5. ØKONOMISKE VERKEMIDDEL - KOMMUNEN SIN BRUK AV HUSBANKEN SINE LÅNE- OG TILSKOTSORDNINGAR 5.1 BUSTØTTE Formålet med ordninga er å hjelpe husstandar med svak økonomi og høge buutgifter til å etablere seg eller bli buande i ein god bustad. Kommunen v/servicetorget administrerer Husbanken sine bustøtteordningar. Personar som kan vere i målgruppa vert oppmoda om å søkje. Husbanken behandlar søknaden ut frå data som ligg i søknadsskjemaet. I tillegg hentar banken inn opplysningar frå NAV og skatteetaten/folkeregisteret sine databasar. Kommunen har liten eller ingen innverknad på ordninga bortsett frå å oppmode dei som kan vere i målgruppa om å søkje, og praktisk hjelpe dei med søknaden. Servicekontoret hjelper også søkjarar som har fått avslag til å klage og søkje på nytt. Ordninga for bustøtte vart omlagd frå 1. juli Regjeringa gjekk før omlegginga høgt på banen og lova at mange fleire skulle få bustøtte etter denne datoen. Gloppen kommune sine erfaringar er at dette ikkje gjekk slik, og saksbehandlar på servicekontoret vårt er stadig forundra over at så mange med lita inntekt og forholdsvis høge buutgifter fell utanfor ordninga. Etter rapport utskriven for august 2011 mottok 139 husstandar i kommunen bustøtte. Fem av dei som søkte for første gong eller som søkte på nytt, fekk avslag. Månadleg utbetalte summar varierer mellom kroner 300,- og til i overkant av kr 3.000,-. Snittutbetalingane ligg på ca kr 1.500, BUSTADTILSKOT TIL UTGREIING OG PROSJEKTERING Når bustaden må tilretteleggast, endrast eller utbetrast for at ein person eller ein familie skal kunne bu der på grunn av funksjonshemming eller av andre grunnar, kan ein søkje om tilskot for å dekke kostnader til fagleg bistand med prosjektering, arkitekthonorar eller liknande. Det kan også gjevast tilskot til utgreiing i framkant av prosjekteringa. Dette gjeld anten ein skal byggje nytt, kjøpe bustad eller byggje om bustaden. Noverande satsar er avgrensa til kr ,- til utgreiing og kr ,- til prosjektering. Søknaden om tilskot vert utarbeidd i samarbeid mellom søkjar, kommunen si bustadrådgjevingsgruppe og ergoterapeut, og sendt til Husbanken etter tilråding i kommunen. Ergoterapeutar i rehabiliteringstenesta har i mange år jobba med desse sakene. I perioden frå 2005 til og med 2011 har vi hatt 20 bustadsaker, der mange av dei har vore omfattande ombyggingar eller nybygg. Av desse sakene har 11 vore i høve tilrettelegging for barn/ungdom i bustad. For vaksne har ein hatt 4 saker, og for pensjonistar over 67 år 5 saker. 5.3 BUSTADTILSKOT TIL ETABLERING OG TILPASSING Kommunane i landet kan søkje Husbanken om tilskotsmidlar til etablering og tilpassing. Dette er tilskot som kommunane skal vidareformidle som hjelp til dei som slit mest med å skaffe seg ein eigna bustad. Midlane vil bli nytta til menneske som har utfordringar med sjukdom eller funksjonshemmingar, eller til menneske med rusproblem eller andre vanskar som dei treng hjelp til å kome ut av. Side 14

15 Husbanken tildeler tilskota til kommunane etter ulike kriterium for kor vanskeleg busituasjonen er i den enkelte kommune. Gloppen vert nok rekna som ein god kommune, og får dermed lite tilskot. Følgjande tabell viser tildelingane Gloppen har fått dei siste åra: År Sum tilskot 2011 kr kr kr kr kr kr Som vi ser, varierer tilskotssummane mykje frå år til år. Grunnen er at kommunen enkelte år har søkt om, og fått innvilga ekstra tilskot til personar med store økonomiske utfordringar. For 2011 var meldinga frå Husbanken at kommunen får kr til disposisjon, og at det ikkje vil vere mogeleg å søkje om ekstra midlar. Dersom dette vert trenden framover, har vi lite tilskotsmidlar å hente gjennom denne ordninga. Tilskot i staden for heis/løfteplattform/rampe For menneske med nedsett funksjonsnivå vil det oftast vere det beste å bu i ein bustad med alle hovudromma på eitt plan. Dersom ein har utfordringar med trapper og elles oppfyller kriteria i høve til å kunne få heis/løfteplattform/rampe gjennom folketrygda, har Husbanken og NAV/Hjelpemiddelsentralen støtteordningar der ein kan få støtte til å bygge om eller planere i staden for å sette inn heis/rampe. Ordninga vart sett i verk som ei prøveordning i 2007 og varer ut Vi veit ikkje om ordninga blir vidareført, men vi har hatt gode erfaringar med henne. I Gloppen har vi hatt tre konkrete saker som er gjennomførde ved hjelp av denne tilskotsordninga, og vi har hatt fleire til vurdering. 5.4 STARTLÅN (TIDLEGARE ETABLERINGSLÅN) Husbanken stiller lånemidlar til disposisjon for kommunane gjennom startlånordninga. Dette er midlar som kommunen igjen lånar ut til personar som har vanskar med å etablere seg på bustadmarknaden. Gloppen kommune sine retningsliner for startlån vart vedtekne av kommunestyret i 2007: Startlån er behovsprøvd og skal berre gjevast til unge i etableringsfasen, barnefamiliar, einslege forsørgjarar, funksjonshemma, flyktningar, personar med opphaldsløyve på humanitært grunnlag og andre økonomisk vanskelegstilte husstandar. Startlån vert ytt til: Topp- eller fullfinansiering ved kjøp av bustad Refinansiering slik at husstanden kan bli buande i noverande bustad Toppfinansiering ved bygging av ny bustad Utbetring av bustad. Husbanken set ikkje noko øvre grense for kor mykje ein kommune kan låne/låne ut gjennom startlånordninga. Dersom kommunen har lånt for lite frå Husbanken til å dekke dei søknadene som kjem gjennom året, kan kommunen søkje på nytt og få innvilga meir midlar til formålet. Side 15

16 Eit startlån vert i Gloppen vanlegvis gjeve med avdragsfritak dei første tre åra, og med ei nedbetalingstid på 20 år. Midlane har vorte nytta slik i perioden : Type søknad Førstegongsetablering Funksjonshemma/ tilrettelegging Refinansiering Sjukdom/ samlivsbrot Tal søknader Samla sum kr kr kr kr Som det går fram av tabellen, er størstedelen av midlane nytta i samband med førstegongsetablering, oftast til yngre menneske. Det vanlegaste vil i desse tilfella vere at lånesøkjarane får eit 1.prioritestlån i Husbanken eller i ein lokal bank, og at kommunen gjev eit startlån som skal dekk dei siste 20 prosentane av kjøpesummen. Startlånet vil då ha 2. prioritet og utgjere risikokapitalen i tiltaket. I 2010 lånte kommunen ut kr gjennom startlåneordninga, medan det ved utgangen av oktober berre er lånt ut kr i For perioden mellom 2006 og 2010 har det gjennomsnittlege årlege utlånet vore ca kr Til samanlikning seier Stryn at dei over fleire år årleg har lånt ut mellom 2,5 og 3,5 millionar, noko mindre dei seinaste åra. Sjølv om vi korrigerer for eit noko større innbyggjartal i Stryn, ser vi at ordinga truleg har vore noko meir nytta i nabokommunen vår. 6. KOMMUNEN SI ORGANISERING AV BUSTADOPPGÅVENE I DAG 6.1 TILDELING AV KOMMUNALE BUSTADER Alle kommunale bustader og omsorgsbustader vert i dag tildelte gjennom kommunen si inntaksnemnd. Innbyggarar som har behov for kommunal bustad sender søknad til einingsleiar i sitt heimetenesteområde, som gjer saksutgreiing og legg den fram for inntaksnemnda, som gjer tildelinga. Det er i dag einingsleiar for heimetenestene som skriv husleigekontrakt med leigetakar. Innkrevjing av husleige vert gjort av økonomiavdelinga. Det er behov for å gå igjennom på nytt og evaluere retningsliner og kriterium for tildeling av bustad som vart vedtekne av kommunestyret i september Det må òg takast stilling til om dei rette instansane er involverte i tildelinga. Inntaksnemnda manglar blant anna representant frå NAV, som har kunnskap om og oppfølging av fleire grupper av vanskelegstilte. NAV Gloppen tildeler private bustader (framleige) til flyktningar og vanskelegstilte, og føl dei opp i bustaden. Arbeidet med å administrere tildeling og å skaffe nok og eigna bustader tek mykje av tida til flyktningkonsulentane. Delar av dette arbeidet vert òg gjort av økonomiavdelinga. Her er det og trong for ein gjennomgang og sjå på samla ressursbruk. Prosjektgruppa ynskjer at det skal takast stilling til om all tildeling av bustader, både kommunale og private framleigebustader, skal gjerast i same instans. 6.2 VEDLIKEHALD AV KOMMUNALE BUSTADAR Gloppen kommune etablerte i 2010 ei eigedomsavdeling, der vaktmeistrar og reinhaldspersonale no er organiserte. Tidlegare var kvar leiar ansvarleg for å melde behov for vedlikehald til vaktmeister i eiga eining. Alt vedlikehald av kommunale bygningar, både Side 16

17 innvendig og utvendig, samt vedlikehald på eigedomane, er eigedomsavdelinga sitt ansvar. Vedlikehald av inventar og lausøyre er leigetakar sitt ansvar. Det har gjennom prosjektarbeidet blitt påpeika at vi ikkje har noko godt skriftleg system for melding til eigedomsavdelinga ved utflytting og skifte av leigebuarar i kommunale bustader. Dette gjeld også tilbakemelding til heimetenesta og inntaksnemnda om at bustadene er klare for ny innflytting. Eit slikt system er viktig for å kunne ha eit kontinuerleg vedlikehald av den kommunale bustadmassen både med tanke på ei optimal utnytting og så stor inntekt på bustadene som råd. Det må utarbeidast rutinar for dette. 6.3 RÅDGJEVING OG ADMINISTRERING AV HUSBANKEN SINE LÅNE- OG TILSKOTSORDNINGAR Husbanken sine låne- og tilskotsordningar og rådgjeving til dette føremålet er lagt til tilsette ved kommunen sitt servicekontor og bustadrådgjevingsgruppa som er omtala under. Når ein person har behov for å tilrettelegge bustaden sin med ein kombinasjon av hjelpemiddel og ombygging, er det fleire involverte frå ulike sektorar. Dette kan vere ergoterapeut i kommunen, teknisk sektor, arkitekt, hjelpemiddelsentral med ulike hjelpemiddel og Husbanken med dei ulike støtteordningane. Sidan 2007 har Gloppen kommune vore med i eit prøveprosjekt: Prosjekt bustadtilpassing. Dette er eit samarbeidsprosjekt mellom dei ulike aktørane på kommunalt nivå og dei statlege etatane Husbanken og NAV Hjelpemiddelsentral. Målsettinga for prosjektet har vore å: etablere bustadrådgjevingsteneste i kommunen for å sikre betre organisering av arbeid rundt bustadrådgjeving og meir hensiktsmessige bustadløysingar for brukar Samordne bruk av økonomiske verkemiddel og prøve ut større fleksibilitet i bruk av verkemiddel for å framskaffe grunnlag for forslag til endringar i Husbanken og folketrygda sine finansieringsordningar. Som følgje av dette blei det etablert ei "Bustadgruppe" i Gloppen kommune. I denne gruppa er det representantar frå rehabiliteringstenesta, teknisk kontor, servicetorget og Nav. Dette er ei tverrfagleg rådgjevingsgruppe for dei som treng å tilrettelegge bustaden sin i høve nybygg, ombygging, utgreiing i høve rampe, heis eller andre bygningsendringar. Denne gruppa kan gje råd i høve livsløpsstandard, tekniske løysingar og kva økonomiske tilskotsordningar/lån ein kan søkje gjennom Husbanken. Fokuset i prosjektet har vore nærare samarbeid med Husbanken, hjelpemiddelsentralen og mellom dei ulike etatane på kommunalt nivå. 6.4 OPPFØLGING I BUSTAD PRAKTISK BISTAND, OPPLÆRING OG BURETTLEIING Denne type teneste og oppfølging vert i hovudsak gitt av vernepleiarar og andre tilsette i heimetenesta, tilsette i psykisk helseteam, andre tilsette i rehabiliteringstenesta (fysio/ergo), flyktningkoordinatorane og andre tilsette i NAV. I dag har vi ikkje ei god nok oversikt over kor store ressursar som går med til dette arbeidet, då dette ikkje vert registrert og rapportert spesifikt. Side 17

18 For å effektivisere og utvikle oppfølginga, samt auke kompetansen på dette arbeidet, ser vi behov for å bygge faglege nettverk og samhandlingsarenaer på tvers av tenestene. 7. OPPSUMMERING OG FORSLAG TIL TILTAK Kartlegginga vår viser at vi til saman har 63 vanskelegstilte på bustadmarknaden, som fordelar seg på 18 unge i etableringsfasa, 20 vaksne og 25 eldre. Vidare disponerer kommunen totalt 63 samlokaliserte bustader med behov for heildøgns pleie og omsorg 8 langtidsplassar 54 bustader i bukollektiv/bufellesskap 5 hyblar i underetasjen på Gloppen omsorgssenter 43 sjølvstendige kommunale bustader 40 private bustader til framleige. Dette er samla langt over gjennomsnittet på landsbasis. Når vi oppsummerer funna våre i kartlegging av vanskelegstilte og den samla kommunale bustadmassen, finn vi at vi har nok sjølvstendige kommunale bustader til utleige. Utfordringa vår er at mange av dei er i dårleg stand og dårleg egna til målgruppa. Her er det viktig å stimulere til vekst i privat utbygging av rimelege, universelt utforma bustader som folk kan leige eller kjøpe, i tråd med sentrale føringar. Det er eit stort behov for denne type bustader i Gloppen, både til vanskelegstilte spesielt, og til unge generelt i etableringsfasen som ynskjer å flytte heimanfrå eller tilbake til kommunen. Dette vil lette trykket på kommunale bustader. Det er vidare viktig for å få ein større sirkulasjon av kommunale bustader, så vi vert i stand til dekke akutte behov og få rehabilitert gammal bustadmasse. Kartlegginga visar derimot at vi manglar bustader med heildøgns pleie og omsorg, både på bakgrunn av behov vi har kartlagt i dag og forventa framtidige behov i tråd med folketalsframskrivinga. Dette gjeld særskilt demente. Det er difor viktig at arbeidet med å planlegge fleire bustadar med slik pleie kjem raskt i gang. Med bakgrunn i dette meiner vi at dei kommunale bufellesskapa vi har i dag vil dekke behova i nær framtid. Det er likevel viktig at dette blir sett i samanheng med ei eventuell framtidig privat utbygging av sentrumsnære samlokaliserte bustader med felles areal til aktivitet og sosialt fellesskap (som t.d. i Grandane). Bustadundersøkinga i samband med Sandanedagane 2011 og eldreundersøkinga på landsbasis, viser at eit stort tal eldre i framtida ynskjer å halde fram med å eige bustadene sine, at han er meir lettstelt og ligg nær sentrale funksjonar som butikk, bank o.l. Kommunen har i dag sentrumsnære område som er regulert til offentleg formål. Det er viktig at framtidig behov for sentrumsnære bustader vert vurdert opp imot dette. Det er òg viktig at vi definerer kva vi legg i sentrumsnært, og ser det i samanheng med eit lite utbygd transporttilbod. Kartlegginga avdekker òg at vi har mange ungdomar med behov for bustad og oppfølging i bustad dei næraste åra. Her har vi berre teke med unge frå ungdomskulealder og oppover. I tillegg veit vi at vi i mange år framover vil ha behov for nye bustader med mykje oppfølging. Her er det nødvendig med ei grundigare kartlegging av kva buform foreldre og ungdom ønskjer og ser for seg. Så langt veit vi at langt dei fleste som er i utflyttingsfasen i dag ønskjer å bu i sentrumsnære område i sitt lokalmiljø, der dei har vakse opp og er kjende. Side 18

19 Når det gjeld husbanken sine økonomiske støtteordningar, er det viktig å legge merke til at vi har hatt ein nedgang i bruken av startlån, og at vi ligg lågare enn samanliknbare kommunar. Dersom vi ønskjer å legge tilrette for at fleire skal få høve til å eige bustaden sin, slik sentrale føringar legg opp til, har vi ei oppgåve i å gjere startlån meir kjent for innbyggarar i målgruppa. Vi ser òg at det er behov for å auke låneråma vår, fordi bankane no stramar inn med krav om meir startkapital (15 %). Når det gjeld organisering av ulike oppgåver knytt til tildeling av kommunale bustadar, oppfølging av husleigekontrakter og innkreving av husleige, ser vi at det er behov for ei omorganisering og betre samordning av oppgåvene. Vi ser òg eit stort behov for å effektivisere og utvikle tenestene som gir oppfølging i bustad, samt auke kompetansen på dette arbeidet. Dette kan gjerast gjennom å bygge tettare, faglege nettverk og samhandlingsarenaer på tvers av tenestene. Prosjektgruppa har følgjande framlegg til tiltak: TILTAK ANSVAR TIDSFRIST Prioritere inn midlar i investeringsbudsjettet til generell utbetring av kommunale bustadene Leiar for eigedomsavdelinga Årleg i heile planperioden. Auke vedlikehaldsbudsjettet til eigedomsavdelinga til kontinuerleg vedlikehald av ledige kommunale bustader Starte arbeidet med å forprosjektere 10 nye bustader med heildøgns pleie og omsorg Etablere eit tettare samarbeid mellom kommunen og private interessentar for utbygging av samlokaliserte bustader i sentrum og for utbygging av rimelege bustadar for folk i etableringsfasen Sette ned ei arbeidsgruppe som skal vurdere endring i den kommunale organiseringa rundt tildeling av og oppfølging i kommunalt disponerte bustader Etablere tverrsektorielt fagnettverk for tilsette med ansvar for oppfølging i bustad kompetansebygging og erfaringsutveksling Kartlegge ønske og behov for framtidige bustader til barn og unge med nedsett funksjonsevne (omarbeide spørjeskjemaet som vart nytta på Sandanedagane 2011) Starte restaureringa av bustadene i Furelia, og med det legge tilrette for rullestolbrukarar (1. etasje) og større familiar (2. etasje) Utarbeide nye rutinar og retningsliner for tildeling av kommunale bustader og kontraktoppfølging Leiar for eigedomsavdelinga Helse- og omsorgssjef i samarbeid med leiar for eigedomsavdelinga Rådmannen Oktober 2011 I løpet av 2012 Heile perioden Rådmannen Våren 2012 Koordinerande eining (KE) ved leiar Hausten 2012 Utfordre dei personlege koordinator- Våren 2012 ane til å gjennomføre kartlegginga Eigedomsavdelinga Våren 2012 Rådmannen Hausten 2012 Side 19

20 Utarbeide rutiner for varsling til og frå eigedomsavdeling ved utflytting av kommunale bustader Utgreie behovet for ombygging av Bustadsosial handlingsplan Inntaksnemda i samarbeid med leiar for eigedomsavdelinga Eigedomsavdelinga Våren 2012 I løpet av planperioden eldrebustader til større bustader Offensiv informasjon om startlånordninga Servicetorget Halvårleg i heile planperioden Gradvis auke av låneråma for startlån Servicetorget Årleg i samband med økonomiplanarbeidet VEDLEGG Oversikt kommunale bustader Kart over aktuelle utbyggingsområde Oppsummering bustadundersøkinga frå Sandanedagane 2011 Bustadstatistikk. Side 20