VEDTEKTER FOR KOMMUNALE BARNEHAGAR I VÅGÅ.

Transkript

1 VEDTEKTER FOR KOMMUNALE BARNEHAGAR I VÅGÅ. Vedtekne av Vågå kommunestyre 7.mai 1979 og seinare justerte i vedtak i Vågå kommunestyre, sak 78/82, 119/88, 10/89, 18/91,19/93, 31/94, 138/94, 7/97, 25/2000, 58/2000, 40/03 og 103/03, 26/04, 109/07, 74/08. Siste endringane gjorde i K-sak /09 ********************************************************* Vågå kommune eig og driv desse barnehagane: Søre Grindstugu barnehage og, barnehagane ved Lalm, Sjårdalen og Tessand oppvekstsenter 1 FORMÅL 1.1 Barnehagane i Vågå skal hjelpe barna til ei god utvikling i samsvar med føresetnaden til kvart enkelt barn. Barna skal gjennom leik og samvær få trening i samarbeid. Dei skal lære å ta omsyn til og ha ansvar for kvarandre, utvikle respekt og toleranse for andre menneske. Barnehagane skal byggje på det verdigrunnlaget som rår i heimane og i lokalsamfunnet, jfr. dessutan føremålsparagrafen 1 i Lov om barnehagar og 1 i Forskrifter til Lov om barnehagar. Miljøet i barnehagane skal bidra til å fremme helse, trivsel, gode sosiale og miljømessige forhold, jfr. 1 i Forskrifta om miljøretta helsevern i barnehagar og skular. 2 STYRINGSVERK 2.1 Barnehagane i Vågå skal drivast i samsvar med Lov om barnehagar og i samsvar med dei føresegner, forskrifter og vedtak som til kvar tid er gjeldande. 2.2 Kommunestyret har etter lov- og regelverket ansvaret for planlegging og utbygging av barnehagane i kommunen, medan ansvaret for drift og tilsyn er delegert til Hovudutval for oppvekst, kultur og omsorg (HOKO). Administrasjonen av barnehagane ligg til oppvekst- og kulturkontoret. 2.3 Etter 4 i Lov om barnehagar skal kvar barnehage ha eit foreldreråd og eit samarbeidsutval. Medlemane i foreldrerådet er samtlege foreldre/forsytarar som har barn i barnehagen. Samarbeidsutvalet består av 2 foreldre/føresette, styrar og ein av dei andre tilsette i barnehagen og eigar slik at kvar gruppe er likt representert. På Lalm, Tessand og i Sjårdalen har kvar krins felles samarbeidsutval for kommunal barnehage og grunnskulen i oppvekstsenteret. Samarbeidsutvalet består av 2 foreldre/føresette frå både barnehage og skule, styrar/rektor, 1 av dei andre tilsette både frå barnehage og skule, samt representant for eigar, jfr. Lov om barnehagar 5 og Opplæringslova Kommunen sine representantar og vararepresentantar til samarbeidsutvalet skal veljast frå HOKO.

2 2.4 Rett til barnehageplass, ny 12 a i barnehagelova frå 1/1-09 : Barn som fyller eitt år seinast innan utgangen av august det året det blir søkt om barnehageplass, har etter søknad rett til å få plass i barnehage frå august i samsvar med denne loven med forskrifter. Barnet har rett til plass i barnehage i den kommunen der det er busett. Kommunen skal ha minimum eitt opptak i året. Søknadsfrist til opptaket fastsettes av kommunen. 3 OPNINGSTID 3.1 Barnehagane opnar vanlegvis kl og stenger kl Kvart år skal ein vurdere innmeldte behov for utvida opningstid både morgon og kveld. Kan opningstida utvidast med disponibelt personale og utan auka utgifter for kommunen, skal ein imøtekomme foreldra sine behov. Vil utvida opningstid føre til auka driftsutgifter må dette takast opp i budsjettsamanheng. 3.2 Alle barnehagane har 3 veker samanhengande sommarferie. Barna skal ha minimum 3 veker ferie, og gjerne 5 veker i løpet av heile året. Dei kommunale barnehagane er stengde jule- og nyttårskveld. 3.3 Alle barnehagane har tilbod om frå 3-5 dagar pr. veke. Dersom det er ledig kapasitet i barnehagane kan ein gje barnehagetilbod også på ekstradag(-ar) utover dei fastsette gruppedagane utan omsyn til vekedag(ar). Utviding av opningstid til fleire dagar i veka ved barnehagane er avhengig av talet på søkjarar. Det bør vera minst 4 ungar som ønskjer eit tilbod før ein utvidar barnehagetilbodet. Administrasjonssjefen får fullmakt til å avvike frå minimumstalet dersom barnehagedrifta kan kombinerast med andre spesialpedagogiske tilbod innan barnehagen. 4 OPPTAKSMYNDIGHEIT 4.1 Foreldre som ønskjer ny barnehageplass søkjer på kommunen sitt søknadsskjema. Tildeling av plass gjeld til 1. august det året barnet byrjar på skulen eller til foreldra skriftleg seier opp plassen. Hovudopptak skjer 1 gong for året, søknadsfristen blir kunngjort i lokalpressa. Nye søkjarar blir vurdert etter opptakskriteria i pkt. 5. I hovudopptaket skal og foreldre som ønskjer endring i barnehagetilbodet (skifte av barnehage/ auke/reduksjon av barnehagedagar) søkje på eige endringsskjema. 4.2 For Vågå kommune har sektorleiaren fullmakt til å føreta opptak av barn i barnehagen. NAV og helsestasjonen skal ha høve til å uttale seg før opptaket er gjort.

3 5 OPPTAKSKRITERIER Så langt det er råd skal barn få barnehageplass i den skulekrinsen dei soknar til. Foreldra kan søkje om plass i ein annan krins. Barn som blir ståande på venteliste i sin krins, kan få tilbod om plass i andre barnehagar om det er ledige plassar der etter hovudopptaket. Barnehageplass gjev ikkje automatisk skulerett i same krins, jfr. 8-1 i Opplæringslova. Ved opptak skal eit barn under 3 år reknast som to barn over 3 år fram til den dagen barnet fyller 3 år. Prioriteringar ved tildeling av barnehageplass: 1. Funksjonshemma barn av ulike kategoriar. 2. Barn som har tilråding frå PPT og helse- og sosialetaten 3. Sysken i same barnehage 3. Alder - slik at dei eldste årskulla fyrst får plass. Står ein att med fleire søkjarar enn barnehageplassar av eit årskull, t.d. 2-åringar, skal ein ved opptaket vurdere barnets totale situasjon. Opptak blir da vurdert etter følgjande kriteria: Far/mor einsleg forsytar. Einsleg bumiljø med få eller ingen leikekameratar på nokolunde same alder. Båe foreldra/forsytarane er yrkesaktive. 6 OPPTAKSPERIODE/OPPSEIINGSFRIST 6.1 Etter hovudopptaket skal ein plass vera ledig for barn som måtte trenge det etter tilråding frå helse- og sosialetaten. Er ikkje denne plassen teke i bruk innan 15.desember, kan denne plassen bli mellombels gjeve til den første på ventelista med atterhald om at denne må vike plass for evt. behov frå helse- og sosialetaten. 6.2 Tilbod om plass gjeld til 1. august det året barnet tek til på skulen eller til foreldra seier opp barnehageplassen. Det blir gjeve tilbod om 3 til 5 dagar pr. veke i alle barnehagane. Ved evt. reduksjon av dagar, flytting eller andre spesielle endringar i løpet av barnehageåret gjeld 1 månads oppseiing. Det blir kravd betaling i oppseiingstida. Det blir kravd betaling frå opptaksdato, sjølv om plassen ikkje blir teken i bruk, og eventuelt til oppseiingstida er ute. 6.3 Barn som etter hovudopptaket blir ståande på venteliste i nummerert rekkjefølgje, kan takast inn etter kvart som det blir ledige plassar. Dei som står på venteliste, kan få tilbod om evt. ledige plassar i andre barnehagar i kommunen. 6.4 Foreldre som ikkje får barnehageplass til barna sine kan påklage vedtaket. 7 FORELDREBETALING 7.1 Betalingsordninga for opphald i barnehagane i Vågå blir vedteke av kommunestyret. 7.2 Barnehagane som kommunen driv, er eit tilbod der brukarane skal vere med på ei delfinansiering av drifta etter satsar fastsett av kommunestyret. I Vågå skal satsane vere gradert etter foreldre/føresette si samla personinntekt frå siste tilgjengelege likning. Foreldrebetalinga skal fastsetjast før oppstart av eit nytt barne-

4 hageår for dei som har dei nyaste likningstala og gjelde for heile barnehageåret. Dei som ikkje får likningsresultatet før på hausten, vil få justert foreldrebetalinga etter den nye likninga - med tilbakeverkande kraft. Sambuande med fellesbarn blir vurdert på lik line med ektefolk. 7.3 Ved endring i personinntekt som følgje av at forsørgjar går over til uførepensjon eller får andre større reduksjonar i inntekt, kan betalingssatsen bli endra etter søknad med dokumenterte opplysningar. 7.4 Einsleg føresett får fastsett foreldrebetalinga etter personinntekt frå siste likning og dokumenterte opplysningar om underhaldsbidrag. Endring i foreldrebetaling pga. samlivsbrot, kan skje etter søknad og trer i kraft månaden etter at søknaden er behandla. 7.5 Det blir gjeve søskenmoderasjon frå og med det andre barnet. 35% moderasjon for barn nummer 2, barn nummer 3 får gratis barnehageplass. 7.6 Samla betaling for året blir delt i 11 like terminar. Betaling skal skje til kommunekassa innan utgangen av betalingsfristen. Ein kan ikkje seia opp plassen etter 1. mai. 7.7 Dersom foreldre/føresette står til rest med betaling for meir enn 3 terminar, mistar vedkomande barn plassen i barnehagen. Oppseiing får da verknad frå 1 månad etter siste purring. Det skal også betalast for plassen i denne «oppseiingsperioden». 7.8 Er barnet fråverande meir enn 1 månad grunna sjukdom, og dette blir dokumentert med legeattest, kan foreldra søkje om fritak for betaling i fråværsperioden. 7.9 Foreldre/føresette kan ta kontakt med NAV om dei av andre grunnar enn i pkt. 7.3 og 7.4 ønskjer redusert foreldrebetaling/ friplass Foreldra skal ikkje betale for tid barnet har i barnehagen etter Opplæringslova Endring av satsane blir vurdert i samband med kvar ny budsjetthandsaming. 8 HELSE OG HELSETILSYN 8.1 Barnehagane i Vågå står under tilsyn av Miljøretta helsevern. 8.2 Etter plan for helsestasjonsverksemda i Vågå skal 2-åringar og 4-åringar bli kontrollert ved den helsestasjonen dei høyrer til. 8.3 Barn som er opptekne i barnehagen, må ha vore til rutinekontroll på helsestasjonen eller gjennomgå slik kontroll snarast råd er etter opptak. 8.4 Nytilsette i barnehagane må levere politiattest

5 9 AREALNORM/UTNYTTING 9.1 I Vågå kommune blir den veiledende normen for inneareal lagt til grunn, d.v.s. 4 m2 netto leike- og opphaldsareal pr.barn over 3 år, 6 m2 netto leike- og opphaldsareal pr. barn under 3 år. 9.2 Leikeareal ute bør vera omlag seks gonger så stort som leike- og opphaldsarealet inne. 9.3 Lalm barnehage har godkjent 253,5 m2 leike- og opphaldsareal. Tessand barnehage har godkjent 168 m2 leike- og opphaldsareal. Sjårdalen barnehage har godkjent 94 m2 leike- og opphaldsareal. Søre Grindstugu barnehage har godkjent 437,50 m2 leike- og opphaldsareal. 10 INTERNKONTROLL Alle barnehagane skal følgje kommunen sine rutinar med internkontroll. Alle barnehagane skal utarbeide rutinar for å følgje opp Forskrift om miljøretta helsevern i barnehagar og skular. ********************* Vedtektene for kommunale barnehagar i Vågå må for å vera i pakt med lov, forskrifter og skiftande tilhøve reviderast/ justerast med jamne mellomrom. Sektorleiar får fullmakt til å samkøyre vedtektene med det øvrige regelverket for barnehagane. Dei omarbeidde vedtektene skal leggjast fram for Hovudutval for oppvekst, kultur og omsorg, formannskap og kommunestyre til endeleg godkjenning.