Nyhendebrev frå helseprosjektet i Setesdal: Lokalmedisinske tenester i Setesdal

Transkript

1 Nyhendebrev frå helseprosjektet i Setesdal: Lokalmedisinske tenester i Setesdal Tema: Samhandlingsreforma ein retningsreform Demensteamet i Setesdal IKT Helse Sjukepleiedokumentasjon Februar 2012

2 Nyhendebrev nr. to tok Samhandlingsreforma og med den fleire nye helselover til å gjelde. Sentrale styresmakter kallar samhandlingsreforma ei retningsreform. Det ser vi stemmer også i regionen vår. Det er foreløpig mange spørsmål utan svar, men vi har alle eit felles ansvar for å finne dei gode løysingane på utfordringane som reforma peikar på. Både administrasjonen og fagfolka i kommunane, kommunepolitikarane og den enkelte innbyggjaren - som til sjuande og sist har ansvaret for eiga helse - må hjelpe til. Saman må vi forme ei helseteneste som er rusta til å møte krav og behov som kjem i framtida. Vi må ta på alvor at vi ikkje kan halde fram med å organisere helsetenesta i Noreg på same måte som før. Det gjeld ikkje berre pengemangel, men er også eit spørsmål om å utnytte knappe personellressursar på best mogleg måte i framtida, når talet på eldre stig kraftig medan vi får ei halvering av innbyggjarar i yrkesaktiv alder. Setesdalsregionen har felles representasjon i det overordna strategiske samarbeidet (OSS) i Agder mellom alle kommunesamanslutningane, Sørlandet sykehus helseforetak (SSHF) og brukarorganisasjonane. Hausten 2011 koordinerte OSS arbeidet med å lage forpliktande samarbeidsavtalar mellom SSHF og 2

3 kommunane. Dei første avtalane blei behandla politisk i januar og arbeidet held fram i I tillegg til Samarbeidsavtalen skal kommunane og helseforetaket gjere til saman 14 delavtalar før sommaren. Kommunane må skaffe fagfolk til å arbeide med dette, og eit interkommunalt samarbeid er heilt nødvendig for små kommunar med avgrensa ressursar. Samarbeidsavtalen skildrar korleis det overordna samarbeidet mellom SSHF og kommunen er organisert. Samarbeidet skal utviklast gjennom dialog og likeverd, og ha fokus på forbetring og god ressursutnytting. Inngåing av avtalane er lovpålagt. Gjennom Setesdal regionråd har kommunane i Setesdal dei siste to åra samarbeitt om konkrete, interkommunale helseprosjekt. Med utgangspunkt i visjonen Gjestfri for nye tankar er det lagt ned mykje bra arbeid i dalen for å finne ut kva Samhandlingsreforma vil ha å seie lokalt. I dette andre nyhendebrevet vil vi presentere informasjon frå nokre av delprosjekta våre: Demensteam og pårørandeskule, IKT- helseprosjektet og forskingsprosjektet på sjukepleiedokumentasjon, som vi har hatt i samarbeid med Universitetet i Agder. Resten av delprosjekta vil bli presenterte i nyhendebrev nr. 3. 3

4 Alle prosjekta har vore leia av lokale delprosjektleiarar med medverknad frå alle kommunane. Det blir lagt merke til resultata frå arbeidet gruppene har utført, også utanfor regionen vår, så det er all grunn til å vere stolt av arbeidet desse gruppene har utført i Noregs minste regionsamarbeid. God lesing! Med venleg helsing Wenche Tangene prosjektleiar 4

5 Demensteamet i Setesdal Setesdal regionråd sytte hausten 2009 for at det blei gjennomført ein forstudie til det interkommunale helseprosjektet. Forstudien kartla m.a. kva den demografiske utviklinga har å seie for kor mange demente det er i Setesdal. Eitt funn var at ein kan rekne med at talet på personar med demenssjukdom vil auke i framtida. Dette var noko av bakgrunnen for at prosjektgruppa rådde til å starte eit forprosjekt for å sjå på om det var mogleg å få i gang eit demensteam i Setesdal. Forprosjektet blei gjennomført våren Sluttrapporten kom med framlegg om å opprette eit interkommunalt demensteam som eit toårig prosjekt. Samtlege kommunar i Setesdal gjekk inn for tiltaket, både administrativt og politisk. Hovudoppgåvene til teamet er å kartleggje og greie ut heimebuande pasientar med mistanke om demens, og å få i gang pårørandeskule. Demensteamet blei oppretta tidleg på hausten 2010 og nytta tida fram til nyttår til å planleggje rutinar, hospitere og få opplæring i utgreiingsverktøy. Teamet starta verksemda si

6 Forprosjektet la til grunn kartleggingar årleg. Demensteamet har første året hatt 25 tilvisingar: 12 i Evje og Hornnes, 4 i Bygland og 9 i Valle. Dei fleste kom frå legane. Fleirtalet av dei tilviste var i aldersgruppa år. Berre ein person var under 65 år, og ein person over 90 år. Fordelinga mellom kjønn er 16 kvinner og 9 menn. Teamet gjennomførde 19 kartleggingar. Det er fleire årsaker til at ikkje alle dei tilviste har blitt kartlagde. Nokre har ikkje ønskt det, ein er tilvist direkte til spesialisthelsetenesta, nokre har vore kartlagde frå før, men har likevel hatt ønske om vidare oppfølging frå demensteamet. Kvar kartlegging blir oppsummert i ein rapport med vurderingar og tilrådingar. Fleire av dei som er kartlagde har i ettertid fått innvilga eller fått auka helsetenester. Det gjeld avlastingsopphald, fast plass i institusjon, omsorgsbustad, heimesjukepleie, heimehjelp og tekniske hjelpemiddel. 5 personar har fått fast plass i institusjon. Teamet har som mål å gjennomføre halvårlege oppfølgingsbesøk. 6

7 Demensteamet arrangerte pårørandeskule i februar- mars Undervisninga gjekk over 6 kurskveldar med 11 deltakarar. Som oppfølging etter det har teamet arrangert 3 demenskafé- treff. Det blir også pårørandeskule våren Teamet er godt i gang med nye kartleggingar i Dette året blir det fleire oppfølgingsbesøk. Teamet er samansett av 6 personar, 4 demenskontaktar i 10 % stilling, demenskoordinator i 30 % stilling, og rådgjevande lege engasjert på timebasis: - demenskontakt Linda Reiulfsen, avd.sjukepleiar, Bykle kommune - demenskontakt Aina C. Oksholen, sjukepleiar, Valle kommune - demenskontakt Anne Elisabeth Fjose, vernepleiar, Bygland kommune - demenskontakt Oddveig Flåt Åvitsland, sjukepleiar, Evje og Hornnes kommune - demenskoordinator Bjørn Harald Hagen, avd. sjukepleiar, Evje og Hornnes kommune - Rådgjevande lege Hallvard Mosdøl, kommunelege 2, Valle kommune 7

8 Demensteamet i Setesdal. Frå venstre: Koordinator Bjørn Harald Hagen, (Evje og Hornnes), Anna Elisabeth Fjose (Bygland), Oddveig Flåt Åvitsland (Evje og Hornnes), Aina C. Oksholen (Valle), rådgjevande lege Hallvard Mosdøl, (Valle) og Linda Reiulfsen (Bykle). Demensteamet har blitt ein del av eit forskingsprosjekt i regi av Universitetet i Agder. Prosjektet heiter Kartlegging av dokumentasjon og utveksling av informasjon i den kommunale helsetjenesten. Konklusjonane som blir trekte ut frå dette vil vere eit utgangspunkt for vidare arbeid med å forbetre dei elektroniske journalane og rutinane i kommunane. Hovudprosjektet går over 2 år og skal evaluerast hausten Då skal ein sjå nærare på eventuell tilråding til overgang til drift, framlegg til organisering osb. Ein tenkjer også at evalueringa kan synleggjere 8

9 høve og utfordringar knytte til interkommunalt samarbeid. Dette kan ha overføringsverdi til liknande samarbeid retta mot andre diagnosegrupper. Bjørn Harald Hagen Delprosjektleiar/demenskoordinator 9

10 10 IKT Helse I februar 2010 blei det oppnemnt ei prosjektgruppe for IKT Helse, representert med tilsette frå pleie/omsorg og IKT frå alle fire kommunane i Setesdal. Det interkommunale helseprosjektet i Setesdal (2009) tilrådde at IKT Helse skulle bli eit strategisk satsingsområde for regionen. Dei såg to store utfordringar handlingsplan for nasjonalt meldingsløft (Meldingsløftet) og St.meld. 47 om samhandlingsreformen. IKT blei peika på som eit viktig verkemiddel for å realisere mål om heilskap og samhandling i helse- og omsorgstenesta, og interkommunalt samarbeid som ein føresetnad for å lykkast. Det overordna målet for prosjektgruppa er å sikre overgangen frå papir til elektronisk samhandling i kommunehelsetenesta og i den kommunale pleie- og omsorgstenesta. Moglege telemedisinske løysingar, bruk av videokonferanseutstyr (VK) og eventuell anna organisering av helsetenestene og IKT i framtida skal også undersøkjast. Vi har tre hovudfokus i prosjektet: elektronisk samhandling og meldingsutveksling, bruk av

11 elektroniske verktøy i pasientbehandlinga og bruk av IKT med internett i kompetanseutvikling, utveksling og opplæring. Forstudium (2010) utvikla seg til forprosjekt (2011) og no prosjekt i 2012, med framleis frikjøp av prosjektleiar i 20 % stilling. Det er utarbeidd forstudierapport for 2010 og forprosjektrapport for Overgang til felles fagsystem har starta legekontora og helsestasjonane har nyleg bestemt seg for felles system, pleie/omsorg og psykisk helseteneste fekk felles system i 2011, medan sosial- og barnevern har hatt like fagsystem ei stund. PPS (praktiske prosedyrer for sjukepleiarar) er installert og teke i bruk. Felles abonnement til NHN (Norsk helsenett) er ein realitet, og felles drift av meldingssystem er undervegs. IKT Setesdal tek seg no av felles drift av sørvarar, og vaktordning er under planlegging. VK- utstyr er installert for pleie/omsorg og helse, og er teke i bruk. Det ligg føre sluttrapport frå telemedisinsk hudprosjekt mellom Bykle og hudspesialist i Kristiansand. Rapporten ligg på heimesida til regionrådet. Hovudkonklusjonen er at kommunelegane som har vore involverte har hatt ei tydeleg kompetanseheving på fagområdet gjennom dette samarbeidet. Dette set dei i stand til å følgje opp pasientane på ein betre måte lokalt, og kanskje redusere talet på tilvisingar til 11

12 12 spesialist med tida. Pasientane tykkjer det er spennande med denne konsultasjonsforma og lærer meir om eigen sjukdom gjennom samhandlinga. Dei er også fornøgde med å sleppe så mange reiser til spesialistkonsultasjon. I planen for 2012 er desse felles aktivitetane i setesdalskommunane planlagde: - Halde fram arbeidet med elektronisk meldingsutveksling internt i kommunane og med spesialisthelsetenesta - Installere og implementere felles fagprogram for lege- og helsestasjonstenestene - Installere og implementere Visma Samhandling Arkiv, ei elektronisk arkivløysing for Profil, Familia og Velferd som tilfredsstiller lovverk om datalagring - Innføre handhalde, mobilt utstyr for dokumentasjon i pasientjournalane i Profil - Installere og implementere Notus turnusplanleggingssystem med kobling til Agresso - Utarbeide rutinar for nyttig bruk av VK- utstyr og bruk av velferdsteknologi og andre løysingar for elektronisk kommunikasjon - Utarbeide felles dokumentasjon om Norm for informasjonstryggleik. - Halde fram eige prosjekt om sjukepleiedokumentasjon våren 2012, i samarbeid med UiA, helseprosjekta i Setesdal, Senter for e- helse og Visma Unique. Katrine Homdrum Delprosjektleiar

13 Nyhendebrev frå helseprosjektet i Setesdal: Lokalmedisinske tenester i Setesdal Dokumentasjon av sjukepleie /helsehjelp Delprosjektet er i siste fase. Fasen gjeld rapportskriving og utarbeiding av design for evalueringsforsking. I tillegg planlegg eg ein fagartikkel. Delprosjektet har gått gjennom fire fasar. Den første fasen blei gjennomførd våren 2010 med besøk på sjukeheimane for å intervjue ein tilsett sjukepleiar. Intervjuet galdt dagsrutiner og prosedyrer i samband med dokumentasjon av helsehjelp. Rettleiaren min ved UiA, Olle Søderhamn, rådde til at vi i tillegg til intervjua også skulle få informasjon frå andre tilsette. Det blei laga eit spørjeskjema saman med eit informasjonsbrev om det komande delprosjektet. Alle tilsette på sjukeheimane i dei fire kommunane fekk spørjeskjema. Innleveringa varierte. Andre fase frå oktober 2010 til april 2011 var sjølve delprosjektet. Eg var frikjøpt i 50 % av stillinga mi ved UiA. Tida fram til jul gikk til å vere med i stell og dagleg 13

14 arbeid ved alle sjukeheimane. Dette blei gjort for å lære å kjenne rutinar og prosedyrar knytte til dokumentasjon av helsehjelp. Framgangsmåten knytt til dokumentasjon viste seg å vere noko ulik. Det elektroniske pasientjournalsystemet blei skifta ut i to av kommunane. Alle brukar no Unique Profil som elektronisk pasientjournalsystem (EPJ). Det kritiske punktet i rutinar og prosedyrar er, slik eg oppfattar situasjonen, korleis brukarane blir kartlagde når det gjeld behov for helsehjelp. I denne samanhengen stør ikkje EPJ opp under arbeidsrutinane til dei tilsette. Det er manglar i systemet som bør rettast opp. Dersom det ikkje blir gjort, vil dei tilsette ha ein svært krevjande arbeidssituasjon. 14 Våren 2011 var tida for å fullføre tredje fasen. Konkret blei det utvikla eit kartleggingsverktøy med rettleiar i Word- format. Dette skjedde i samarbeid med dei tilsette. Verktøyet er lagt inn som eit hjelpemiddel i skjemaromet i plan- rapportdelen i Profil- EPJ, til bruk ved kartlegging av helsehjelp. Innsamla data blir brukt som bakgrunn for planlegging av pleie. Den utførde helsehjelpa blir evaluert mot denne bakgrunnen. Dei ulike kommunane implementerte nye rutinar og dreiv anna dokumentasjonsopplæring utover våren. Frå september til jul i 2011 heldt implementeringa av

15 kartleggingsverktøy fram med ulik aktivitet i kommunane. Tilrådingane mine er at dette er måten dei tilsette både kan planleggje fagleg forsvarleg pleie og samtidig dokumentere juridisk forsvarleg. Grete Vabo Delprosjektleiar 15

16 For meir informasjon: og facebook Helseprosjekt Setesdal Kontaktperson: Setesdal regionråd v/wenche Tangene Prosjektkoordinator/prosjektleiar tlf:

17 17