Kleppe SFO. - Ein SMART-SFO. Informasjonsskriv og strategiplan 2019/2020

Transkript

1 Kleppe SFO - Ein SMART-SFO Informasjonsskriv og strategiplan 2019/2020

2 VELKOMEN TIL KLEPPE SFO Som føresett ønskjer du å gje barnet ditt ein god barndom og eit godt grunnlag for eit godt liv. Vi i Kleppe SFO vil støtte prosjektet ditt ved å bidra med å skape trygge rammer. På den måten vil barnet kunne nå måla sine og heile tida tørre å strekkje seg litt lenger. Vi vil arbeide for at ditt barn skal få ein tydeleg plass her i SFO. Det betyr at ditt barn vert teke imot med sin personlegdom, sine talent og sine forventningar ja, slik barnet ditt er. Vi vil bidra til at ditt barn får ein plass i barnegruppa. Det er mange medelevar å leike med og ein ven eller to er gull verd. Samstundes er det ikkje alltid like lett å ha eit godt samspel med andre. Vi skal etter beste evne vere på vakt, følgje med og hjelpe barna med å tileigne seg dei ferdigheitene som trengs. Vi vil at ditt barn skal føle tryggleik i skulesamfunnet. Vi er vaksne som verkeleg ønskjer å vere ein del av grunnmuren til ditt barn. Barnet ditt kan alltid koma til oss å be om litt hjelp og støtte, eller berre ein god samtale om det trengs. Vi vil gjerne vere med på å gjere ditt barn mest mogleg robust. Det gjer vi først og fremst ved å framheva for eleven det eleven lykkast med, får til og meistrar. Ingen er gode i alt, men alle er flinke til noko. Informasjonsskriv og strategiplan tek utgangspunkt i Kvalitetsplan for SFO i Klepp kommune frå 2017 som ligg på vår heimeside og Mange intelligensar (MI).

3 KORT OM SFO Skulefritidsordninga er eit frivillig omsorgs- og fritidstilbod for barna i 1. til 4. klasse. Ved spesielle behov kan ein søkja om plass til og med 6. klasse. SFO er eit tilbod til barna før og etter skuletid og på skulefrie dagar. Skulefritidsordningane i Klepp kommune arbeider etter fire fokusområde: 1. Medborgarkompetanse og sosialt medansvar, 2. Leik som utviklingsarena, 3. Helse, miljø og fysisk aktivitet og 4. Kunst, kultur og kreativitet. Innhaldet i Kleppe SFO er lagt opp etter desse fokusområda og konkretisert gjennom strategiplanen som er vedlagt. Der finn de òg forklaring på kva det betyr at Kleppe SFO er ein SMART-SFO. Strategiplanen skal vere eit arbeidsdokument for personalet i SFO, samt gje foreldre og andre interesserte innsyn i, og informasjon om målsetting og innhald. Kleppe SFO vil alltid søkja det å vere nyskapande. Vi har fokus på utvikling og er derfor med i Nettverket for SFO, kor vi hentar mykje inspirasjon og idear. Avdelingane Kleppe SFO har to avdelingar - Hakkebakkeskogen og Pikachu. Hakkebakkeskogen er avdelinga for 1. og 2. trinn og har lokale i 1. etasje i D-bygget på skulen. Denne avdelinga er delt inn i tre matgrupper på tvers av dei to trinna. Aktivitetar vil foregå både trinnvis og i matgruppene. Pikachu er avdelinga for 3., 4. og øvrige trinn og har lokale i C-bygget. Alle trinn har fellestid ute kvar dag. Under finn du namn på personalet. Personalet Hakkebakkeskogen (1. og 2. trinn): Anne Cathrine Veivåg (Avdelingsleiar 1. trinn) Marie Tengesdal Cristina Skjæveland Lisbeth Aksnes Hegrenes Karin Bore (Avdelingsleiar 2. trinn) Bisrat Tewolde Monica Tjensvold (lærling) Pikachu (3. og 4. trinn): Agush Agushaj Geir Ånadal Renata Backe Eleni Tsirillo Lars Kasper Fjelde (lærling) Dagleg leiar: Anita Moi Hansen Kjøkkenansvarleg: Monika Wojtasik Opningstider Vi har ope kvar dag frå skuleslutt til kl Morgontilbodet er ope frå kl til skulestart. Ein kan velje å ha 100% plass eller 60% plass (tre dagar). I tillegg kan ein velje om ein vil ha morgontilbod. SFO har ope heile skuleåret, òg på skulefrie dagar. Unntaket er raude dagar, fem planleggingsdagar i året, heile juli månad, julaftan og nyttårsaftan. Onsdag før skjærtorsdag har vi ope til kl Alle som har SFO-plass kan bruke SFO i feriane. Dersom det er ledig kapasitet i SFO er det mogleg å kjøpe einskilde dagar i løpet av skuleåret, men dette er unntaksvis. Dette er meint å vere ei hjelp dersom det kjem uventa ting i kvardagen, f.eks.

4 sjukdom eller reising i samband med arbeid. Det er ikkje mogleg å kjøpe einskilde dagar i skuleferiane. Planleggingsdagar skuleåret 2019/20 er: 15.august, 16. august, 15. november, 14. april og 22. mai. SFO har ikkje tilbod desse dagane. Prisar for ulike tilbod ved Kleppe SFO 3 dagar (60%) 1740,-/mnd 5 dagar (100%) 2865,-/mnd Morgontilbod 365,-/mnd I tillegg kjem matpengar på kr 220,-/mnd (kr 135,-/mnd for 3-dagars tilbod) Ein betaler i elleve ulike terminar i løpet av eit skuleår. Juli er betalingsfri. Oppseiing av plass i SFO Det er mogleg å seie opp plassen eller endre tilbod i løpet av skuleåret. Vedtektene for skulefritidsordningane seier: «Skulefritidsordninga har ein månads oppseiingstid. Det gjeld òg for endringar i opphaldstida. Oppseiinga gjeld frå den 1. i kvar månad. 1.mai er fristen for å gje melding om at ein ikkje skal ha SFO-plass neste skuleår. Ved oppseiing av plassen etter 1.mai må det betalast ut august månad. Oppseiing av plassen må vera skriftleg.» Vi ønskjer at oppsigelsar og endringar vert lagt inn i Visma Flyt Skole av foresatte. Når ein har gjort det treng ein ikkje skrive skrive ytterlegare mail eller brev om oppsigelse. INNHALD OG ORGANISERING VED KLEPPE SFO Dagsrytme Morgon-SFO frå skulestart SFO opnar når 1.-4.trinn sluttar skuledagen. Måltid etter innkryssing måndag, onsdag og torsdag Frie aktivitetar/leik/gruppeaktivitetar Måltid etter aktivitet tysdag og fredag (varm mat på fredagar) Utetid/gruppeaktivitetar fram til kl Frie aktivitetar/leik/gruppeaktivitetar til Gruppeaktivitetar Vi tilbyr organisert gruppeaktivitet i SFO. Døme på grupper vi har hatt tidlegare år er gym, symjing, formingsaktivitetar, pantomime, BMX, karate, dans og sløyd. Tysdag og fredag er dei dagane med mest organisert aktivitet. Dei fleste aktivitetane står i månadsplanen som vi publiserer på heimesida. Nokre grupper må ha bindande påmelding som gjeld for eitt semester om gongen på grunn av ressursbruk, tryggleik og forutsigbarheit. Det kjem eige skriv om dette. Måltid Barna får eit måltid kvar dag i SFO. Det er brødmåltid tre gonger i veka, ein dag med gryn og ein dag med varm mat. Barna kan velje mjølk eller vatn til måltida, dette er inklusivt i matpengane. Barna får òg oppskoren frukt og grønsaker kvar dag. Vi ønskjer å ha fokus på at barna skal få sunn mat og eit godt måltidsfellesskap. Ekstratøy/skiftetøy Barna må ha skiftetøy i garderoben. Det må vere minst eitt heilt sett skiftetøy, gjerne ekstra bukser og strømper. Alle barna har eigen kasse eller korg til skiftetøy i garderoben. Det er fint om de foreldre hugsar å sjå etter i kassen med jamne mellomrom.

5 Barna må ha innesko eller tøflar. Dette er særleg aktuelt om hausten og vinteren, då dei lett vert våte i garderoben. Telefonbruk Vi er svært restriktive med utlån av telefonen til barna og ynskjer at avtalar om besøk hjå venar m.m. vert avtalt på førehand og at barnet har med beskjed til oss. Send eventuelt SMS på basetlf. De kan òg nytta Schoollink til å senda beskjedar. Registrering Dersom barna ikkje har kome etter skulen, eller etter det avtalen seier, kontaktar vi foreldra/føresette. Alle barna blir kryssa inn når dei kjem, og kryssa ut når dei går. Det er viktig at dei som hentar barna i SFO gjer beskjed til dei vaksne når barnet går, slik at vi får kryssa dei ut. Dersom elevane vert henta, er det fint om de kan koma inn å henta barna. Om de ringjer frå rundkøyringa eller medan dykk er på veg til SFO og ber oss senda barna ut, vil det gå ut over tida vi har i lag med barna, samstundes som vi får mindre kontakt med dykk foreldre. Av same grunn har vi felles heimsending kvar heile og halve time. Eksempelvis kl og Gje oss beskjed dersom det er andre enn foreldra som skal hente barnet, særskilt om dei ikkje er ført opp på informasjon om barnet. Ferie-SFO Når det er skuleferie skal dei barna som er på SFO ha det ekstra kjekt. Vi lar dei få bestemme dagen mykje sjølv. Vi drar ut på turar og spanande utflukter. Vi har diverse aktivitetar på skulen og brukar gymsalen. Julebord, gardsbesøk, diskotek, museumsbesøk og leikeland er døme på det vi har gjort tidlegare. Alle får to måltid og frukt på ferie-dagane. Ingen treng å ha med niste. I forkant av kvar ferie blir de bedt om å fylle ut kva for nokre dagar barnet kjem og kor lenge barna skal vere i SFO. Dette er til god hjelp for oss når vi skal lage arbeidsplanar og planleggje aktivitetar/turar. Dei som har 60% plass i SFO må nytte dei same dagane i ferien som dei gjer elles. Hugs kjernetid frå kl Samarbeid skule og SFO Skulen og SFO samarbeider i det daglege og SFO er ein integrert del av skulen. SFO-leiar deltek til dømes på interne administrasjons- og leiarmøter, i innsatsteam, på fellestid med lærarar, trinnmøter o.l. SFO-leiar deltek òg på felles kommunale nettverksmøter. SFO er òg representert i møte angåande enkeltelevar i samband med andre instansar. SFO og skule har i tillegg det same samversog ordensreglementet. Foreldresamarbeid Vi ønskjer nøgde foreldre som er trygge på at barna blir tekne godt vare på og trivest hjå oss. Open kommunikasjon og samarbeid er viktig for å få til dette. Vi lagar månadsplanar der de finn informasjon om aktivitetar og anna som gjeld SFO. På nettsida vår ( finn de mykje informasjon og alle aktuelle skriv og skjema. Vi skriv i tillegg litt om kva vi held på med og legg ut bilete frå ulike aktivitetar og turar på facebooksida vår. Følg oss gjerne på Klepp kommune Kleppe SFO. Alle foresatte får tilgang til Schoollink ved oppstarten. Dette er ein felles portal for utveksling av informasjon og beskjedar mellom skule/sfo og heimen. Kvart barn har ein vaksen som er primærkontakt. Denne har spesielt ansvar for å følgje opp barnet og å ta kontakt med foreldra ved behov. Dette gjer barnas kvardag tryggare og det er enklare å forhalda seg til, både for barn og vaksne. Vi gjev i hovudsak tilbod om foreldresamtalar haust og vår. SFO har meir sporadisk foreldrekontakt enn det ein har i ein barnehage, men vi oppmodar dykk foreldre til å ta kontakt med oss om de ønskjer meir informasjon eller samtale. Det same gjeld for ris og ros det er mykje lettare å verte betre med ærlege tilbakemeldingar!

6 Det vert foreldremøte i september - eigen invitasjon kjem. På foreldremøte vert det valt to SFOforeldrekontaktar og ein av desse skal i tillegg sitje i FAU. Eit godt samarbeid mellom føresette og personalet er heilt avgjerande for at barna skal trivast. De som føresette skal kunne ha klare å tydelege forventningar til oss vaksne som er så mykje saman med barna dykkar. Vi har òg forventningar til dykk som føresette. Forventingar til tilsette på Kleppe SFO Tilsette tar barna på alvor viser interesse, forståing og omsorg Tilsette har fokus på at alle barn skal oppleve meistring Tilsette gjev det enkelte barn konstruktive tilbakemeldingar Tilsette legg til rette for leik som inkluderer alle Tilsette legg til rette for eit variert aktivitetstilbod Tilsette snakkar og samhandlar med barna på ein positiv måte Tilsette legg til rette for medbestemming, slik at barna opplever å bli høyrt og at deira meining blir tillagt betyding Tilsette er positive til innspel og tilbakemeldingar frå føresette Tilsette gir informasjon og tilbakemelding om forhold som gjeld det enkelte barn Tilsette overheld teieplikta Forventningar til føresette Føresette bidrar til eit positivt miljø ved å vera bevisste på korleis ein omtalar SFO Føresette har positive haldningar til dei andre barna på SFO Føresette gjev beskjed om forhold som kan ha betydning for barnet sin trivsel. (Personalet vil då betre kunne følge opp og gi barnet ekstra omsorg.) Føresette gjev tilbakemeldingar, slik at kvaliteten på SFO-tilbodet kan til bli endå betre Føresette gjev melding om fråvær, sjukdom, endringar i hentetid o.l. Føresette følgjer med på informasjon frå SFO i ranselpost og på skulen si heimeside/informasjonskanal og gjev svar innan fristane som er sett Føresette gjev beskjed innan oppsette fristar for kva for behov ein har i skulen sine ferie/fridagar, slik at SFO kan planleggja god bruk av personalet Føresette set av og til av tid til ein liten samtale når barnet vert henta Føresette ser jamleg etter om barnet har innesko/tøflar og skiftetøy i garderoben For sein henting Dersom barna ikkje blir henta innan vi stengjer vert det utstedt eit gebyr på kr 200,- for kvar påbegynte halvtime. Personalet si arbeidstid sluttar kl Det betyr i praksis at SFO-ansatt skal kunne låse dørene til tomme lokaler kl Føresatte som henter barnet har sjølv ansvar for at dei er ute i god nok tid. Det vil først bli gitt munnleg beskjed, men skjer det igjen sender vi ut rekning. Dersom du har problem med å kome fram i tide, kan du ringje og vi er behjelpelege med å finne ei løysning. Får vi ikkje tak i føresette ved for sein henting har vi rutinar som sikrar barna. Kontakte oss? Gjeld det beskjedar om henting etc er det best å ringje direkte til avdelinga. Det er òg greitt om du sender SMS eller melding på Schoollink når det gjeld enkle beskjedar som f.eks sjukdom, fri og henting. Leiar er normalt å treffe kvar dag frå Vi set pris på at du tek kontakt, dette hjelper oss til å bli ein endå betre SFO! Hakkebakkeskogen: / Pikachu: / SFO-leiar: E-post: kleppe.sfo@klepp.kommune.no Heimeside:

7 Strategidokument Kleppe SFO - Ein SMART-SFO Visjonen til Klepp kommune ligg til grunn for arbeidet vårt: «Barna vår framtid» Hovudmålet til skulefritidsordningane er å vere ein stad «der barn opplever å bli sett, høyrt og er ein aktiv del av eit inkluderande miljø» Verdigrunnlaget vårt er solidaritet mangfald ansvar raushet tryggleik, som samlet blir «SMART-SFO». Solidaritet: Ditt barn skal få vere ein del av fellesskapet. Det skal læra å forstå og respektera andre, andre sine meiningar og medverke til eit godt fellesskap. Barn lærer mykje av kvarandre, barn lærer mykje av trygge vaksne og vaksne lærer mykje av barn. Mangfald(læring) og meistring: Ditt barn har med seg sine talent og sine utfordringar. Læring skal fortrinnsvis skje gjennom leik. Vi lærer at det er plass til alle og at alle har med seg sin «glupskap» (mange intelligensar). Innanfor desse rammene vil ditt barn få oppleve meistring og bygge vidare på sitt sjølvbilde. Ansvar: Ditt barn skal få vidareutvikla si sjølvkjensle. Det å stå til ansvar både i medgang og motgang hjelper oss å bli gode medborgarar. Ditt barn skal få oppleve stoltheit og tryggleik til å meistre og feile. Raushet: Ditt barn skal få bli kjent med mange andre barn. Det skal få læra å sjå styrkar og likskap i andre, heller enn forskjellar. Barnet skal få oppleve kulturar og mangfald på ein måte der alle er verdsett. Det er rom for å feila, det er rom for å meistra, det er rom for å vera! Tryggleik: Ditt barn skal få rammene som skal til for å nå sine mål, for å oppleva meistring og å tørre og strekkja seg litt lenger.

8 Fokusområde I samband med utvikling av «SFO handboka» i 2013 vart det retta eit større fokus på innhald og kvalitet i SFO. Klepp kommune utarbeidde i ettertid nokre fokusområde som skulle prega innhaldet. Våren 2017 vart desse reviderte i den nye kvalitetsplanen for SFO som igjen blei justert skuleåret 18/19. Dette bidreg til vidareutvikling av Kleppe SFO og vil vere med på å forme SFO-året 19/20. Fokusområda våre er: 1. Medborgarkompetanse og sosialt medansvar 2. Leik som utviklingsarena 3. Helse, miljø og fysisk aktivitet 4. Kunst, kultur og kreativitet 1. Medborgarkompetanse og sosialt medansvar Mål: Barna skal lærast opp til å delta aktivt i samhandling med andre. Barna skal læra å forstå og respektera andre, andre sine meiningar og medverke til eit godt fellesskap. Slik jobbar vi for å nå målet ved Kleppe SFO: Dei vaksne i SFO er bevisste på språket sitt og at dei gjev tydelege beskjedar. Det gjer barna trygge, dei vaksne er gode rollemodellar og i tillegg blir den gode tonen sett. Vi tek i bruk bøkene til Siri Abrahamsen i fellessamlingar. ("Gleding", "Feiling" og "Undring i følelsesuniverset") Vi øver på å vere i lag med kvarandre store delar av SFO-tida. Eksempelvis ved leik, spel, måltid, turar og grupper. I hovudsak får barna velje sjølv kva dei vil gjere og kven dei vil vere med, men nokre gonger set dei vaksne saman grupper der barna må øve på å vere med nokon dei ikkje kjenner like godt. Når vi øver på å vere i lag lærer tileignar vi oss viktige eigenskapar. Dei vaksne gjev positive tilbakemeldingar på positive handlingar og er heile tida på "lysglimt-jakt". Vi jobbar ut i frå at «det du gir mest merksemd, får du mest av». Handlingar som skil seg ut i positiv retning får ofte høglytt ros. Ved å bruke språket i samtalar med andre barn og vaksne, er SFO ein god arena for språkutvikling. Dei vaksne jobbar for å utvikle og oppretthalde gode haldningar hjå barna. Vi ønskjer at dei skal tenkje «vi og oss» i staden for «eg, meg og mitt» Vi har jamlege barnemøter der ulike tema vert teke opp. Der har vi òg stort fokus på barnas medbestemming. Vi har fokus på at måltida skal vere ei god stund for alle på SFO. Da er det tid for gode samtalar og barna får fortelje fritt og dele med andre. Dei øver på å lytte til andre, vente på tur og det å snakke til fleire tilhøyrarar. Barna får etter tur ansvar for ulike gjeremål som gagnar fellesskapet. Dei blir meir sjølvstendige og veks på utfordringane. Barn med klare fysiske eller sosiale handikap skal kvar dag ha ein vaksen med særskild ansvar for å hjelpe seg til praktiske gjeremål og til å bli involvert i leiken. Alle barna skal ha nokon å leike med om dei ønskjer. Vi nyttar «venskapsbenk» Vi har reglar for inne-leik, ute-leik, garderobe og måltid som vert gjennomgått jamleg, men særskilt i starten av skuleåret. Dei vaksne motiverer og inspirerer barna til å følgje desse. Det skal være faste tider for aktivitetar, måltid, uteleik osv. som er enkle for barn og vaksne å forhalda seg til.

9 2. Leik som utviklingsarena Mål: Barna i SFO skal stimulerast til sosial samhandling gjennom ulike aktivitetar og leikeformer. Slik jobbar vi for å nå målet ved Kleppe SFO: Vi legg til rette for leik for alle både inne og ute Det skal vere noko fri leik kvar dag og når aktivitetane er vaksenstyrte skal vi så godt det lar seg gjere ha ulike valmoglegheiter. Det skal til ei kvar tid vere leiker på SFO som er tilpassa alder, interesser og funksjonsnivå, både inne og ute. Begge avdelingar skal ha tilgjengeleg kortstokk og pedagogiske spel. Det skal vere rullerande gruppeaktivitetar slik at alle barna blir utfordra til å prøve fleire typar aktivitetar. Vi tek hensyn til at nokre barn treng styring, reglar og vaksenrettleiing for å kunne leike. Vi nyttar jamleg leikar som går spesielt på utvikling av sosial kompetanse, då ofte frå bøkene "Det er mitt val". 3. Helse, miljø og fysisk aktivitet Mål: Barnet skal oppleve glede og meistring i fysiske aktivitetar og friluftsliv i nærmiljøet. Slik jobbar vi for å nå målet ved Kleppe SFO: Barna har tilgang til eit stort uteområde og ballbinge kvar dag. Vi går tur minst ei gong i månaden, i feriane går vi oftare og gjerne på lengre turar. Vi prøver å oppretthalde og utvikle tilbodet vårt rundt fysisk aktivitet. I 2019/20 håper vi å kunne tilby symjing, gymsal, pantomime og mykje meir. Rammene rundt aktivitetane skal vere trygge og støttande, slik at dei gir grobotn for meistringsfølelse og positive opplevingar for alle barn og sine nivå. Barna skal få delta i tilbereding og rydding av måltid. Vi samtalar med barna om god hygiene.

10 4. Kunst, kultur og kreativitet Mål: Barna skal oppleve glede og meistring ved å delta i ulike kunst og kulturaktivitetar. Slik jobbar vi for å nå målet ved Kleppe SFO: Vi tilbyr varierte formingsaktivitetar kvar veke, ofte er det som vert laga knytt til årstider og høgtider. Vi tek i bruk sløydrommet til skulen. I februar har vi kunstkafé der vi sel eige kunstverk til inntekt for fadderbarnet vårt. Vi har internasjonal veke der vi legg vekt på kulturmangfold. Vi presenterer ting som er særskilt for landa som er representert på Kleppe SFO. Vi syng for maten. SFO samarbeider med skulebiblioteket og Klepp bibliotek. Vi har alltid blader og bøker tilgjengelege på basane. Av og til høyrer vi på lydbok eller høgtlesing ved måltid. Film og kino er i hovudsak forbeholdt feriane. Vi feirar karneval. Dei vaksne sørger for at barna får moglegheit til å uttrykka seg gjennom dans, drama og musikk. Saman om ein god start! Kleppe SFO Ein SMART SFO