1) spesialitetskomiteane som skal godkjenne og vurdere utdannings-verksemdene

Transkript

1 Overordna utdanningsplan for fysikalsk medisin og rehabilitering i Helse Førde Utdanningsverksemda skal sørge for at utdanninga av legespesialistar skjer innan fagleg forsvarlege rammer, og på ein måte som sikrar tilstrekkeleg kvalitet og gjennomstrømming i utdanningsløpet. Det skal lagast ein overordna utdanningsplan for den enkelte spesialitet som angjev korleis verksemda vil sikre at legar i spesialisering kan oppnå læringsmåla. Føremålet med den overordna utdanningsplanen for kvar av spesialitetane er å beskrive oppbyggjing og rekkefølgje for heile utdanningsløpet i spesialiteten, inkludert spesialiserings- / suppleringsteneste. Føresegna stiller tydelege krav til kva utdanningsplanen skal innehalde. Helse Vest har laga ein mal for korleis utdanningsplanen skal utformast. Dei ulike planene vil bli publiserte på helseføretaka sine nettsider, og vil vere tilgjengelege for 1) spesialitetskomiteane som skal godkjenne og vurdere utdannings-verksemdene 2) for LIS som skal søkje jobb. Utdanningsplanane skal seinest publiserast 1. juni 2019, og skal deretter oppdaterast årleg. Spesialitet: Fysikalsk medisin og rehabilitering Omtale av utdanningsverksemda: Ved Førde sentralsjukehus (FSS) vert spesialiteten fysikalsk medisin og rehabilitering i dag utøvd ved: 1. Fysikalsk medisinsk og rehabiliteringspoliklinikk (FMR poliklinikk) 2. Rehabiliteringssengepost (FMR sengepost) 3. Smertepoliklinikk FMR sengepost og FMR poliklinikk har lokalisasjon ved Førde sentralsjukehus, mens Smertepoliklinikken er lokalisert ved Sunnfjord medisinske senter (SMS) i Florø.) FMR Førde har 2 overlegar med spesialitet i fysikalsk medisin og rehabilitering. Den eine (avd.overlege/ utdanningsansvarleg overlege) er tilsett 100% i FMR poliklinikk/ sengepost, mens den andre har 50% stilling ved FMR poliklinikk og 50% ved Smertepoliklinikk. I 2019 har avdelinga i tillegg 2 LIS, som jobbar både i FMR poliklinikk og ved FMR sengepost. FMR poliklinikk: Målgrupper: Største gruppa som blir tilvist til FMR poliklinikk er pasientar med langvarige muskelskjelettsmerter (som ikkje skuldast ortopediske, revmatologiske eller nevrologiske lidingar/ tilstandar). 1

2 Pasientane vil kunne tilvisast for diagnostisk avklaring og behandling/ rehabilitering (viss fastlege/ primærlege treng hjelp frå spesialisthelsetenesta for å komme vidare). (Pasientar med fysikalsk-medisinske problemstillingar blir relativt ofte feiltilviste til ortopedisk, nevrologisk, eller revmatologisk poliklinikk. I ein del tilfelle blir desse tilvisingane overførte direkte til FMR poliklinikk. Pasientar med fysikalsk-medisinske problemstillingar som i utgangspunktet har blitt undersøkte ved ein av dei andre poliklinikkane, vil deretter i ein del tilfelle bli søkt over til FMR poliklinikk.) Smertetilstandane fordeler seg på: - nakkesmerter - skuldersmerter - ryggsmerter - bekkensmerter/ hoftesmerter - smertetilstandar i ekstremitetar. - utbreidde muskel-skjelettsmerter (som kronisk muskelsmertesyndrom/ fibromyalgi/) - hypermobilitetstilstandar Pasientar med varierande grad av trøyttheit/slitenheit (utmatting/fatigue) er også aktuell målgruppe. Samtidig førekomst av både smerteplager og utmatting er vanleg. Hjå fleirtalet av pasientane er bakanforliggjande årsaksforhold oftast komplekse og samansette, og krev tverrfagleg vurdering og tilnærming for å finne gode løysingar. For pasientar med langvarige (spenningsrelaterte) muskelsmerter, arrangerer FMR i samarbeid med LMS (Lærings og meistringssenteret) tilbod i form av grupperehabilitering i løpet av haust- og vårsemester, lokalisert til Førde og Florø. Andre tilbod ved poliklinikken: Polikliniske vurderingar av pasientar som er innafor målgrupper for FMR sengepost. Funksjon som førarkortpoliklinikk for dei same pasientgruppene. Utarbeide spesialisterklæringar på oppdrag frå NAV, forsikringsselskap, o.a., innanfor problemstillingar som naturleg høyrer inn under FMR. Aktivitetstal for 2018: 1171 konsultasjonar kor lege var involvert 2389 konsultasjonar totalt Personell: 2 overlegar, 2 LIS, psykolog, sosionom, fysio- og ergoterapeutar, sekretærteneste. FMR sengepost: Tilbod: 2

3 Har (pr i dag) 4 sengeplassar for døgnrehabilitering, i tillegg moglegheit for hotellplass (lokaliserte i sjukehuset). Sengeplassane er lokaliserte i nevrologisk sengepost (i 4. etg i sentralbygget), hotellplassane i 6. etg i sentralbygget. Rehabiliteringsopphald ved FMR sengepost er mest aktuelt etter akuttopphald i sjukehus. Aktuelle målgrupper er slagpasientar, hovudskadepasientar, multitraumepasientar, pasientar med ryggmargsskade, multiorgansviktpasientar, og amputasjonspasientar. Andre diagnosegrupper kan og vere aktuelle. Aktivitetstal for 2018: 40 døgnbaserte opphald Snitt liggjetid pr opphald: 29 døgn Personell tilgjengeleg: 1 overlege, 2 LIS, sjukepleiarar, fysioterapeutar, ergoterapeutar, logopedar, nevropsykolog, psykolog, synspedagog. Tilsynsordning frå andre spesialitetar ved sjukehuset etter behov. Vaktteneste (utanom ordinær arbeidstid) vert ivareteke av nevrologar (ettersom rehabiliteringssengene pr i dag er lokalisert i nevrologisk sengepost). Smertepoliklinikk (tverrfagleg): Målgrupper: Pasientar med langvarige og betydelege smertetilstandar (ikkje-maligne tilstandar), og som ikkje får tilstrekkeleg hjelp for smertene i primærhelsetenesta, eller ved dei andre spesialistpoliklinikkane (t.d. langvarige og betydelege muskel-skjelettsmertetilstandar, nevropatiar, regionale smertesyndrom, somatiseringslidingar, og medikamentavhengige smertetilstandar). Også hjå desse pasientane er bakanforliggjande årsaksforhold oftast komplekse og samansette, og krev tverrfagleg vurdering og tilnærming for å finne gode løysingar. Aktivitetstal for 2018: totalt 426 konsultasjonar Personell (50% stillingsgradient): Overlege (spesialist i fysikalsk medisin og rehabilitering), psykolog, rehabiliteringssjukepleiar (koordinator), sosionom (med tilleggsfunksjon som familieterapeut og likeperson), fysioterapeut, sekretærteneste. LIS er førebels ikkje tiltenkt ordinær teneste ved Smertepol, men vil kunne hospitere der, og gjere seg kjende med arbeidsmåte, pasientgrupper, og behandlings-/ rehabiliteringsopplegg. Omtale av utdanningsløpet Utdanninga vil føregå over 4 års tenestetid ved FMR, Førde sentralsjukehus (sengepost og poliklinikk). Slik tenesta er organisert pr i dag, vil begge LIS jobbe samstundes både ved sengepost og i poliklinikk. 3

4 I tillegg kjem til saman 1 års tenestetid ved anna klinisk avdeling ved Førde sentralsjukehus (nevrologi/ revmatologi mest aktuelt, - anten ½ år på kvar avdeling, eller 1 år på ei av avdelingane). Dette for å oppnå læringsmål i læringsmålsplanen. I løpet av tenestetida skal obligatoriske kurs vere gjennomførte. Relevante valfrie kurs vil og vere aktuelle, samt For å sikre tilstrekkeleg kunnskap innanfor områda Rehabilitering ved multitraume (læringsmål 090, brannskader), og Rehabilitering ved ryggmargsskade (læringsmål ) er det aktuelt å hospitere ved respektive avdelingar ved Haukeland universitetssykehus (som supplement til teneste ved eiga sengepost). Introduksjon av nye LIS LIS får ved oppstart i avdelinga visingsrunde i poliklinikk og sengepost, og blir samstundes introdusert for andre medarbeidarar på desse seksjonane. Dei blir også presentert på fellesmøte for tilsette i FMR første veke. Dei får ved oppstart informasjon om aktuelle pasientgrupper og problemstillingar, orientering i arbeidsmetodar ved poliklinikk og sengepost, og får innføring i DIPS (om dei treng det), samt tildelt obligatorisk e-læringsprogram for alle nytilsette. Supervisjon, rettleiing og fagleg utvikling Mykje av den praktiske undervisninga føregår dagleg «skulder ved skulder» mellom utdanningsansvarleg overlege (avd.overlege) og LIS, både pasientretta og generelt, og omfattar fagleg informasjon, opplæring i us-teknikk, og diskusjonar kring pasientar og pasientrelatert problematikk. Den andre overlegen vil og ha supervisjonsansvar. Dagsplanar: Dagleg tverrfagleg gjennomgang av dagens poliklinikkpasienter før og etter dagens program. Tverrfagleg gjennomgang av sengepostpasientar 1 g/ veke. Fellesvisitt til sengepostpasientar (overlege, LIS, sjukepleiar) 1 g/ veke. Elles dagleg kontakt etter behov. «Open dør» for LIS til overlege, både relatert til pasientar på poliklinikk og til sengepostpasientar Avsett fordjupingstid for LIS: 4 t/ veke. Avsett fast tid til rettleiing 1 t/ mnd for kvar LIS (alternativt grupperettleiing 1 t 2 ggr pr mnd.) I tillegg dagleg rettleiing alt etter kva spørsmål og problem som fortløpande dukkar opp. Vurdering og dokumentasjon av oppnådde læringsmål Dokumentasjon av utførte læringsaktivitetar og oppnådde læringsmål gjerast i Kompetanseportalen. Avhengig av læringsaktivitet vil dokumentasjonen variere frå eigenerklæring via kursbevis til erklæring frå utdanningsansvarleg overlege eller annan 4

5 overlegesupervisør. Vurdering av om eit læringsmål er oppfylt, utførast av utdanningsansvarleg overlege. Fagleg progresjon og oppnådde læringsmål vil bli evaluert i rettleiingsmøta. Teoretisk undervisning Intern legeundervisning etter emneliste (45 min anna kvar veke), fordelt mellom overlegar og LIS. Deltaking på intern tverrfagleg undervisning (45 min anna kvar veke) for alle tilsette i FMR. Deltaking på felles interne faglege førelesingar for heile sjukehuset (45 min anna kvar veke). Høve til å delta på internundervisning ved andre avdeingar på sjukehuset (mest aktuelt: nevrologi, revmatologi, ortopedi.) Deltaking på fjernundervisning (på video): nasjonalt 1 g/ mnd, og regionalt 1 g/ veke. Minstekrav for teoretisk undervisning er 70 t/ år. (Viktig å tilpasse intern legeundervisning til øvrig intern undervisning, slik at alle aktuelle læringsmål blir dekka.) Felles kompetansemål (FKM) Læringsmål innan område som etikk, forskingforståing, kommunikasjon, kunnskapshandtering, kvalitet og pasientsikkerheit, lovverk, pasient- og pårørandeopplæring, samhandling, systemforståing, organisasjonsutvikling og leiing kan oppnåast gjennom daglege samtalar, drøftingar, kunnskapsformidling og rettleing med utdanningsansvarleg overlege. Vidare gjennom relevant kursdeltaking, og gjennom deltaking i møte, verksemd og diskusjonar på avdelingsnivå relatert til arbeidsrutinar, tverrfagleg samarbeid, arbeidsmiljø, og tenesteutvikling. Ein god del av desse læringsmåla vil ein og få kompetanse i gjennom deltaking i etablert klinisk aktivitet i avdelinga. Utdanningsutval og utdanningsansvarleg overlege Utdanningsutvalet består av alle legane ved FMR. Avd.overlege er utdanningsansvarleg overlege, leiar i utdanningsutvalet, og rettleiar for LIS. Ein tek sikte på 2 møte pr halvår for å planleggje/ revidere internundervising og andre læringsaktivitetar. Forsking Forskingsaktivitet (kor LIS er medverkande) vil ein prøve å få til gjennom samarbeid med Senter for helseforsking (felles forskingssenter for Helse Førde og Høgskulen på Vestlandet). Individuell utdanningsplan 5

6 Etter tilsetjing vil det bli utarbeidd ein individuell utdanningsplan for LIS, som viser kva LIS skal gjennomføre (læringsmål, læringsaktivitetar og læringsarenaar), basert på kor i utdanningsløpet LIS startar. Den individuelle utdanningsplanen vil bli utarbeidd av LIS i samarbeid med rettleiar/ utdanningsansvarlig overlege. Planen skal godkjennast av leiar. Simulering og ferdigheitstrening Ferdigheitstrening knytta til prosedyrer vil gjennomførast som ein del av klinisk arbeid i sengepost eller poliklinikk. Simulering vert ikkje nytta. Tillitsvalde YLF har tillitsvalde ved FSS som vil kunne ivareta LIS sine interessar, og som LIS vil kunne kontakte ved behov. Kontakt For spørsmål om spesialistutdanninga: ta kontakt med utdanningsansvarleg overlege. 6