Saksnr. Utval Møtedato 050/13 Plan og utvikling

Transkript

1 Aurland kommune Sakspapir Saksnr. Utval Møtedato 050/13 Plan og utvikling Saksansvarleg: Jan Olav Åsarmoen Møller Arkivsaknr.: Arkiv Sakshandsamar Dato 12/ GBNR-36/14, K2- L41, K2-P24, K2- L12, K3-&02 Jan Olav Åsarmoen Møller, Reguleringsendring for Viki i Flåm - utlegging til offentleg ettersyn Kort samandrag Arkitekt Jarle Sandvik har på vegne av Aurland Hamnevesen og Flåm Marina og Appartment, utarbeidd framlegg til reguleringsendring(detaljregulering) for Viki i Flåm, som kan leggjast ut til offentleg ettersyn og sendast på høyring. Rådmannen si tilråding: Plan og utvikling vedtek at framlegg til reguleringsendring for Viki, vert lagt ut til offentleg ettersyn og sendast på høyring i samsvar med plan- og bygningslova 12-10, med fylgjande tillegg/endringar: - Før planen vert lagt ut til offentleg ettersyn må tilhøva til nasjonal laksefjord og villaksen utgreiiast/omtalast meir grundig i ROS-analyse og planomtale. Forslagsstillar får som ansvar å framskaffe denne informasjonen. - Det må tydeleggjerast kva type båtar som skal liggja til den offentlege kaia. - Det skal tilleggjast føresegn om at <<Gjestehamna skal ikkje nyttast til langtidsutleige av båtplassar.>> i 10 privat småbåthamn PS PLAN OG UTVIKLING Handsaming i møte: Kristine Grønner Ohnstad gjekk frå som ugild, Astrid Ohnstad møtte som vara. PUT-050/13 VEDTAK: Plan og utvikling vedtek at framlegg til reguleringsendring for Viki, vert lagt ut til offentleg ettersyn og sendast på høyring i samsvar med plan- og bygningslova 12-10, med fylgjande tillegg/endringar: Side 1 av 10

2 - Før planen vert lagt ut til offentleg ettersyn må tilhøva til nasjonal laksefjord og villaksen utgreiiast/omtalast meir grundig i ROS-analyse og planomtale. Forslagsstillar får som ansvar å framskaffe denne informasjonen. - Det må tydeleggjerast kva type båtar som skal liggja til den offentlege kaia. - Det skal tilleggjast føresegn om at <<Gjestehamna skal ikkje nyttast til langtidsutleige av båtplassar.>> i 10 privat småbåthamn PS1. Samrøystes. Vedlegg: Vedlegg: J.dato Tittel Planomtale med føresegner Plankart Ilustrasjon Relevante dokument i saka - Innkomne innspel til oppstartsvarselet. - ROS-analyse for Vikji - Oppstartsvedtak, sakspapir 145/12 Dokumenta kan ein få ved å vende seg til politisk sekretær/arkivet. Aktuelle lover, forskrifter, avtalar m.m. - Plan- og bygningslova Naturmangfaldlova - Reguleringsplan for Viki i Flåm, av Saksutgreiing Kommunestyret gjorde i møte , sak 145/12, vedtak om å starte ei reguleringsendring for Viki i Flåm. Føremålet med reguleringsendringa er å lage ein detaljreguleringsplan som legg til rette for nytt offenleg kaianlegg for gjester til Flåm Marina og Appartment og gjester i Flåm. Etter plan- og bygningslova 12-8 vart oppstart av planarbeid kunngjort i lokalavisa og ulike instansar vart tilskreve med invitasjon til å kome med merknadar til planarbeidet. Det kom inn ti merknadar. Flåm elveeigarlag klaga i brev daterte og på kommunestyret sitt vedtak av om oppstart av reguleringsplanprosess. Klaga vart avvist av kommunestyret Flåm elveeigarlag klaga på avvisingsvedtaket. Kommunestyret handsama klagesaka i møte , sak 035/12 og tok ikkje klagen til fylgje. Fylkesmannen har stadfesta avvisingsvedtaket til kommunestyret. Side 2 av 10

3 Arkitekt Jarle Sandvik har på vegne av Aurland Hamnevesen og Flåm Marina og Appartment utarbeidd framlegg til reguleringsendring for Viki i Flåm, samt ROSanalyse. Planframlegget legg opp til at det allereie etablerte overnattingsbygget m/serveringslokale skal kunne nyttast til utleigeverksemd, fritidsbustad og bryggjeanlegg for gjestehamn med naudsynte serviceanlegg. Det vert etablert ny offentleg flytebryggje, der hamnevesenet skal disponere utsida og Flåm Marina og Appartment disponerer innsida. Ny offentleg flytebryggje skal samstundes kunne fungere som bølgjedempar. Planframlegget omfattar konkret areal for bygg og anlegg(hotellovernatting/fritidsbygg), samferdselsanlegg og teknisk infrastruktur(gangveg/gangareal, anna veggrunn tekniske anlegg, kai), bruk og vern av sjø og vassdrag(ferdsel, småbåthamn), og omsynssoner(faresone radon, omsyn friluftsliv, omsyn landskap). Planområdet er om lag 17,6 daa. Vurdering Det er etter oppstartsvarselet kome inn til saman ti merknadar: Samandrag og kommentar frå arkitekt, ligg under kvar innkomen merknad. Rådmannen vil gje ei samla vurdering til slutt i vuderinga. Fylkesmannen i Sogn og Fjordane, brev datert Miljøvernavdelinga - Planomtalen skal blant anna gjere greie for verknadene planen vil kunne få for ulike interesser og omsyn. Viktige vurderingar og utgreiingsbehov vart drøfta på oppstartmøtet mellom kommunen og forslagstillar. Viktige føresetnader for planarbeidet er lista opp i møtereferatet. Miljøvernavdelinga har ikkje avgjerande merknader til dei opplista temaene som skal vere med i planomtalen. - I følgje saksutgreiinga vil kaianlegget verte ei flytebrygge av betong. Dei legg til grunn at det ikkje er aktuelt med utfylling i sjøen. - Innseglinga til det offentlege kaianlegget/hamna vil kome nær inntil FLS1 (badeområde i sjø). Ei så nær kopling mellom båthamna og badeområdet kan ofte vere uheldig, m.a. med tanke på tryggleiken til dei som badar. Miljøvernavdelinga oppmodar kommunen om å vurdere behovet for å stille krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Kommentar frå arkitekt: Eigarane av Flåm Marina og Appartement ynskjer å paralellforskyve den murte bryggja vest for bygningen for å oppnå større djupn langs bryggjekanten. Dette tiltaket vil ligge innanfor område H1(Flåm Marina) i gjeldane reguleringsplan. I føresegnene er det stilt krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Side 3 av 10

4 Beredskapseininga - Det er krav om ROS-analyse ved utarbeiding av planar for utbygging. For at kravet om ROS-analyse skal vere oppfylt, må det gjerast eit systematisk arbeid som gjev oversikt over risiko og sårbarheit. Funn og tilrådingar frå analysen skal følgjast opp og innarbeidast i planen. ROS-analysen kan knyte seg til arealet slik det er frå naturen si side, som t. d. at det er utsett for flaum, skred eller radonstråling. Det kan òg vere knytt til menneskeleg aktivitet og bruken av arealet, t.d. plassering av bygg, anlegg, sårbare objekt eller infrastruktur. ROS-analysen må dessutan vurdere konsekvensar av klimaendringar, som t.d. auka nedbørsmengd, havnivåstigning og kraftig vind m.m. - Det må gå tydeleg fram kven som har utført ROS-analysen, og kva kjelder som har vore brukte. Kommentar frå arkitekt: Det er utarbeidd ROS-analyse. Funn og tilrådingar frå analysen er innarbeidd i planen. Landbruksavdelinga - Landbruksavdelinga har ikkje merknader til planarbeidet. Sogn og Fjordane Fylkeskommune si kulturavdeling, brev datert : - Kulturavdelinga kjenner ikkje til automatisk freda kulturminne i tiltaksområdet og har såleis ikkje avgjerande merknader til planarbeidet når det gjeld omsynet til dette. Dei ser likevel ikkje bort frå at det kan liggje automatisk freda kulturminne i planområdet. Tiltakshavar har plikt til å vise varsemd og til straks å melde frå til Sogn og Fjordane fylkeskommune ved Kulturavdelinga dersom ein under arbeid skulle støyte på automatisk freda kulturminne, t.d. konsentrasjonar av trekol i undergrunnen eller i groper, steinsettingar eller samling av stein, samt våpen, reiskap og liknande i metal eller stein. - Sidan tiltaket går ut i sjø er planen lagt fram for Bergen Sjøfartsmuseum. Dersom dei har merknader vert desse ettersendt. Kommentar frå arkitekt: Føresegn om varslingsplikt er medteke i planen. Det er ikkje kome merknader frå Bergen Sjøfartsmuseum. Kystverket, brev datert Kystverket kan ikkje sjå at den skisserte plasseringa er i særleg konflikt med ferdselen. Dersom det vert vesentleg endringar ber dei om at desse vert tekne opp med Kystverket. Dei viser ellers til at tiltaket krev løyve før utbygging og at dette må visast til i reguleringsplanen. Rett hamnemynde er Aurland Hamn. Kommentar frå arkitekt: Plassering av flytekaien i reguleringsplanen er i samsvar med den skisserte løysning i oppstartmeldinga. NVE Region vest, brev datert Side 4 av 10

5 - Dei landsdekkande aktsemdskarta for snøskred i skrednett ( syner planområdet som potensielt utlaupsområde for snøskred. I NGI sine gamle stein- og snøskredkart ligg det hovudsakleg utanfor fareområde for skred. NVE vurderer dei gamle snøskredkarta frå NGI til å vere meir nøyaktige og gje eit betre grunnlag for avgrensing av aktsemdsområde for snøskred. I nordleg del av planområdet er det i NGI-karta eit mindre område avmerka som potensielt skredfarleg. Det må i ROSanalysen vurderast om det kan vere ein skrent i det aktuelle området. Dersom det er tvil om området er skredfarleg må det nyttast tilstrekkeleg fagleg kompetanse til vurderinga og det må definerast faresonegrenser i samsvar med tryggleikskrava i TEK 10. Eventuelle fareområde må innarbeidast i planen og synast som omsynssone med tilhøyrande føresegner som sikrar akseptabel tryggleik. - Det må takast høgde for at det under planarbeidet kan kome ei endeleg risikovurdering av fjellpartiet Stampa og risikoen for flodbølgje. Dersom risikoen syner seg å overstige krava i TEK 10 må tiltaket i ytterste konsekvens tilfredsstille krava i 7-4: Sikkerhet mot skred. Unntak for flodbølge som skyldes fjellskred. Kommentar frå arkitekt: Området i nordleg del av planområdet er vurdert i ROSanalysen. Det er ikkje kome endeleg risikoklassifisering av fjellpartiet Stampa. Det er såleis uråd å ta høgd for eventuell flodbølgje. Jan Erik Vangen/Aslaug Vangen, brev datert Dei meiner det er nok turistar i Flåm og at nok er nok. Gjennomfartsturistane legg ikkje att noko, masseturismen er i ferd med å øydeleggja bygda og det vetle som er att av ektheit. Denne kaien vil øydeleggja noko av det siste nokolunde uberørte som er att. Dei vil ikkje lenger ha uforstyrra utsikt til fjord og fjell. Dei er nærmaste nabo og anlegget vert liggjande rett framfor heimen deira. Den storslagne utsikten til fjorden vil bli bytt ut med ei skipsside. Dei er kraftig imot tiltaket og finn seg ikkje i å miste utsikta og verte påtvinga masse bråk/motordur og ureining av luft og vatn. Kva dette gjer med eigedomen i reine kroner er ein ting, noko ganske anna er at det vil ta frå dei all glede og trivnad ved å bu der. Dei føler seg rettslause og sjokkerte. - I følgje hamnesjefen skal kaien som er innteikna på kartet vere 100 m. Dei meiner dette ikkje stemmer med kartet. - Under utarbeiding av reguleringsplanen for Viki i 2008 var det framheva at det var viktig å ta vare på stranda så bygdefolk og turistar kunne kome til sjøen. - Betongkaien vil privatisera halve strandlina i Vikjabukti, alt det som vert på innsida av kaien vert heilt privat. Dagens småbåtkai stikk rett ut frå kaien på Marinaen og stenger ikkje av halve bukta. - Dei stiller også spørsmål om plassering av eventuelt framtidig drivstoffanlegg, parkeringsplass for bilar og talet på parkeringsplassar i høve til båtplassar. - Svingen rett framfor eigedomen deira er ein ynda fotoplass for turistar. Dei meiner at denne plassen vil forsvinna. Utsikt kan ikkje målast i kroner. Turistane kjem hit for naturen sin del. Det var det stille og rolege mellom mektige fjell som vart framheva tidlegare. Kommentar frå arkitekt: Kaien var innteikna med 100 m s lengd. Ved utskrift av pdf-fil vil målestokken bli endra. Det vert ikkje teke sikte på å legge til rette for tiltak som hindrar fri ferdsel på gangveg og til badeområde. Plassering av eventuelt framtidig Side 5 av 10

6 drivstoffanlegg inngår ikkje i denne planen. Fotoplassen i svingen vil ikkje bli borte, men motivet kan bli endra. Reidar Hauge, e-post datert Hauge gjer merksam på nokre naboar ikkje har fått direkte varsel. - Han saknar tekniske spesifikasjonar for flytekai, samankopling med eksisterande kai og forankring av flytekaien. - Han stiller spørsmål ved om eksisterande kai skal rivast. - Han meiner at kartet som vart vedlagt oppstartvarselet kan vere misvisande. Kommentar frå arkitekt: Naboar som mangla på utsendingslista har i ettertid fått rettmessig varsel. Tekniske spesifikasjonar inngår ikkje i reguleringsplanen, men kan framleggast ved søknad om tiltak (byggjesøknad). Kaien som er nemnt i oppstartvarselet er flytekaien framfor Marinaen. Den vil verte endra og flytta noko mot vest. Kaien var innteikna med 100 m s lengd. Ved utskrift av pdf-fil vil målestokken bli endra. Fretheimshaugane Vel v/mona Kjos Almenningen, brev av Den planlagde kaien, inntil ein av to badeplassar i bygda er urovekkjande. Badeplassen får ein kai til nærmaste nabo. Dei fryktar utslepp av drivstoff, oljer og kjemikaiar tett ved stranda, så vel som stadig meir støy og røyk. Omsynet til dei fastbuande må vektleggast på ein heilt annan måte enn hittil. Kommentar frå arkitekt: I føresegnene er det stilt krav om å leggje ut markørar i sjøen for å markere grensa mellom kaianlegget/hamna og badeområdet i sjøen. Vasking og reingjering av båtar vert ikkje tillete i småbåthamna. Utslepp ved hendelege uhell vil sjølvsagt vere vanskeleg å gardere seg mot, men det er ikkje noko som hender ofte. Birgit Marie Nyen, Gørli Alise Aas, Liv Torill Aas, brev av Sjøområdet ligg rett framfor eigedomen vår og tiltaket vil sterkt forringe utsikta til fjorden. Ein må også rekne med mykje større trafikk av større båtar og ytterlegare støy og røyk. Vikjabukta som hittil har vore skåna for store inngrep skal no opnast for å gje plass til den stadig aukande turistmassen. Frå landsida blir dette svært skjemmande, men endå verre frå innseglinga. Gjestene vil ikkje lenger sjå ein frukthage i blomstring snarare ein betongkloss. Dette er ikkje etter intensjonane frå forige planprosess. - Reguleringa vert endra frå å gjelde privat småbåtanlegg til også å gjelde offentleg kai. Lengda på kaien vert vesentleg auka. Kaien vert lagt svært nærme badeplassen/stranda som det i 2008 var svært viktig å ivareta. Kva med utslepp av drivstoff, olje og kjemikaliar? - Kva med parkeringsplassar til alle småbåtane? og bunkringsanlegg? Kommentar frå arkitekt: Sjølve flytekaien med ei høgd på ca. 65 cm vil neppe skygge for eplehagen. Det er i store trekk snakk om mindre båtar, og faren for utslepp vil dermed vere liten. Vasking og reingjering av båtar vert ikkje tillete i småbåthamna. Utslepp ved hendelege uhell vil sjølvsagt vere vanskeleg å gardere seg mot, men det er ikkje noko som hender ofte. Småbåthamna vert etablert som gjestehamn, der Side 6 av 10

7 gjestene i det vesentlege kjem sjøvegen. Det vert ikkje teke sikte på utleige av faste båtplassar. Flåm Elveeigarlag, brev av Vikjabukti er svært nærme elvaosen i Flåmselva og det må synast aktsemd i høve til at Flåmselva er nasjonalt laksevassdrag. Betongflytebryggja er lang og vil stikke djupt og sterkt innverke på vass-straumen innerst i vassbasenget. Det er usikkert korleis dette vil verke inn på livet i fjorden. - Betongflytekaien er tenkt plassert midt i matfatet til smolten som går her innerst mellom strendene og elvaosen. Dette er ein viktig omstillingsfase for ungfisken som forlet elva og er på veg ut til havet. Når fisken vender attende, går den i ring inne på bukta i brakkvassona for å omstilla seg frå saltvatn til ferskvatn, samt ventar på høveleg vasstand for oppgang i elva. - I St. Prp 32 om vern av villaksen står det om propellskader på fisken. Dette er høgst aktuelt her i ei av landets travlaste hamner med forutan alle cruiseskipa ekspressbåtar, sightseeingbåtar, rib-båter, private lystyachtar samt private båtar i alle storleikar. I sum svært mange propellar på eit svært trangt område. - Flåm Elveeigarlag krev og forventar at Aurland kommune byrjar å vektleggja omsynet til villaksen på ein heilt anna måte enn hittil. Laksen treng ikkje ytterlegare miljøbelastning i form av ein svær betongkloss i Vikji. - Det vert hevda at kartvedlegget til oppstartmeldinga og opplysningar gjeve av hamnesjefen i etterkant ikkje samsvarar, og at ein kai på 100 m går inn i område FLS1 som er badeområde. Kommentar frå arkitekt: Betongflytebryggja er utrekna til å stikke om lag 60 cm under sjøoverflata. Den vil dempe bårene på sjøen, men vil ikkje ha vesentleg innverknad på vass-straumen i fjordbassenget i høve til båttrafikken som allereie er i området. Det er fullstendig samsvar mellom kart og opplysningar som er gjevne i etterkant. Kartet er lagt inn i oppstartmeldinga som pdf-fil og såleis ikkje i nokon bestemt målestokk. Kaien er avslutta 20 m frå badeområdet (FLS1). Sue Fretheim, brev av Dette tiltaket vil føre til vesentlege konsekvensar for miljø og samfunn. Over halvparten av strandsona i Vikjabukti vil verte totalt privatisert, 100 metringen vil gå langt inn i badeområdet. Siste fjordutsikten i Flåm vil bli øydelagt. Turistane kjem til Flåm for å oppleva naturen med fjord og fjell. Stadig fleire vert skuffa når det dei møter er masseturisme. Aurland kommune er ikkje klar over kor nærme dei er til å øydeleggja business for etablerte overnattingsverksemder i Flåm. - Det er ikkje berre cruiseskip som ureinar mindre båtar og. Erfaringsmessig er det dessutan mykje støy frå ei småbåthamn. - Kva med bunkringsanlegg og parkering for brukarar av den nye kaien? - Det er ikkje plass til fleire kaier her innerst i bukta i Flåm. Alle ferjene må bakke ut. - Det er på tide at Aurland kommune bestemmer kva ein ynskjer kvalitet eller kvantitet. Eksklusivitet har synt seg å vere svært innbringande i seg sjølv og så mykje betre for oss som bur her. Kommentar frå arkitekt: For konsekvensar for miljø og samfunn vert vist til ROSanalysen. Side 7 av 10

8 Sentrale tema i planen - kommunen sine vurderingar av planframlegget: Det vert lagt til grunn at det er utarbeidd ROS-analyse for området. Skred, stormflo, ekstrem vind, fare for kjemikalieutslipp eller anna akutt forurerining, trafikkfare og natur, naturvern, friluftsliv, flora og fauna er utgreidd særskild. Det er fastsett tiltak som må etterfølgjast: - Flytebryggjer må ha forsvarleg oppankring pga fare for ekstrem vind. - Vasking og reingjering av båtar må foregå ein annan stad, pga fare for kjemikalieutslipp og anna akutt forureining. - Det må leggjast ut markørar i sjøen for å markere grensa mellom kaianlegget/hamna og badeområde i sjøen. Frå fleire innspel til oppstartsvarselet går det fram at det er bekymring i høve fare for ureining i området. Ureining er som det kjem fram av ovannmende vurdert særkilt i ROS-analysen. Når det gjeld ureining frå småbåthamner er det særleg vedlikehald av skrog og motorar på land som kan medføre utslepp av skadelege kjemikaliar. Det går fram av føresegnene 10.2 at vasking og reingjering av båtar vert ikkje tillete i småbåthamna. Rådmannen tolkar dette slik at hamneanlegget skal ikkje nyttast til slipp, båtpuss og liknande vedlikehald. Ein slik bruk vil bidra til å redusere utslippsfaren. Eventuelle framtidige behov eller bruk av slipp ut over det planen opnar for, er i strid med føresegnene og kan ikkje utførast utan dispensasjon eller planendring. Planføresegnene vert vurdert til å til å førebyggje faren for uakseptabel ureining. Mindre, men hyppige utslepp i samband med alminneleg bruk av småbåthamn/offentleg kai er vanskeleg å førebyggje gjennom plan. Det er elles eigarane som har ansvaret for drift og vedlikehald av småbåthamna, jf hamne- og farvasslova 40, og som har plikt til å halde reglane i ureiningslova. Det er kome inn innspel når det gjeld storleiken på ny betongflytebryggje og følgjene denne bryggja vil kunne få for utsikt, landskapsbilete og privatisering av strandsona. Sjølve bryggja er tenkt å vere maksimalt 100 m lang og fem meter brei. Betongflytebryggja vil stikke 60 cm under vassoverflata og inntil 65 cm over vassoverflate. Rådmannen kan ikkje sjå at den nye offentlege flytebryggja vil vera eit dominerande byggverk i høve omgjevnadane. På innsida vil det bli lagt til rette for småbåtanlegg/gjestehamn for Flåm Marina og Appartment. Dei har i dag eit småbåtanlegg i tråd med gjeldande reguleringsplan av Det eksisternde anlegget skal rivast, og erstattast med nytt. Rådmann ikkje sjå at anlegga vil føre til privatisering av strandsona, eller på nokon måte hindre ferdsel langs strandsona, utover dagens situasjon. Flåm Marina og Appartment har i dag utfordringar i høve bølgjer, som utgjer ein risiko for båter som ligg til eksisterande småbåtanlegg. Ny betongflytebryggje vil kunne fungere som ein viktig bølgjedempar, og slik hindre skade på båtar som ligg til. Samstundes vil ikkje flytebryggja hindre vassutskifting/vass-straum i fjodbassenget. Når det gjeld parkeringstilhøve, er det lagt opp til at anlegget vert etablert som gjestehamn, der gjestene i det vesentlege kjem sjøvegen. Det er ikkje planlagt utleige av faste båtplassar. Det vil difor ikkje vere behov for auka parkeringsareal, utover det som allereie er etablert i dag. Dette kjem til uttrykk av 10, men rådmann Side 8 av 10

9 meinar dette må presiserast betre i føresegnene:. Det bør tilleggjast føresegn om at <<Gjestehamna skal ikkje nyttast til langtidsutleige av båtplassar.>> Elveeigarlaget har peika på at Vikjabukti er nære elvaosen i flåmselva, som er nasjonalt laksevassdrag, og at tiltaket vil ha negative konsekvensar for villaksen og føre til ytterlegare miljøbelastning i Flåm. Sognefjorden er registrert som nasjonal laksefjord. Det vert lagt til grunn at omsyna til villaksen skal tilleggjast vekt ved planlegging av nye tiltak ved slike verna nasjonale laksevassdrag. Planframlegget og ROS-analysen gjer etter rådmannen si vurdering ikkje godt nok greie for kunnskapsgrunnlag og konsekvensane i høve villaksen. Rådmannen vurderar dette til å vera ein svakheit med planframlegget. Før ein plan vert lagt ut til offentleg ettersyn, bør dette utgreiiast/kommenterast meir i samsvar med naturmangfaldlova. Det er i dag stor usemje blant forskarar når det gjeld effekten av cruise/båt trafikk har på laksebestanden. Ei slik betongflytebryggje kan ha effekt, men fisken kan også tilpasse seg og finne andre vegar. Om eit slikt tiltak vil ha ein bestandseffekt er også usikkert. Eit viktig element i saka er at det er valt ei løysing med flytebryggje og ikkje fast kai. Ved bygging av flytebryggje vert botnforholda i fjorden teke vare på. Brakkvassområder, slik som i Viki er viktig område for sjøauren. Likeeins er det mogleg at også villaksen går inn i vika, utan at dette er dokumentert. Eit viktig spørsmål er kva effekt den aktiviteten som er i dag i Flåm, har for bestanden og atferda til villaksen. Mest truleg har den totale aktiviteten i Flåm ein effekt. Generelt meiner rådmannen at dette er det forska for lite på, og det er slik sett vanskeleg å konkludere. Reguleringsendringa medfører ikkje nokon vesentleg auke i trafikk ut over det gjeldande reguleringsplan opnar opp for. Det vil heller ikkje føre til nokon vesentleg auke av trafikk i høve den totale aktiviteten i Flåm elles. Det er eit auka behov for gode kaiplassløysingar i Flåm, og tiltaka vil såleis ha positive effektar for Flåm som gjestehamn. Når det gjeld elveeigarlaget sin påstand om nærleiken til elvaosen, vert det lagt til grunn at elvaosen ligg m i frå Vikji, og rådmannen kan ikkje sjå at reguleringsendringa vil føre til vesentleg endring i høve dagens situasjon. Men som nemnt over er det ein viss usikkerheit i om dei planlagde tiltaka vil ha ein effekt eller ikkje, og om ein eventuell effekt er vesentleg i høve den totale aktiviteten i Flåm. Med bakgrunn i ovannemnde meinar rådmannen at det vil vera rett å leggje planen ut til offentleg ettersyn og sende på høyring, for å få innspel, særskild i høve konsekvensane for laksen. Viktige høyringspartar her vil vera fylkesmannen i Sogn og Fjordane og Flåm elveeigarlag. Det bør i tillegg synleggjerast meir kva type båtar som skal liggja til den offentlege kaia. Dette er noko uklart i planframlegget. Vurdering i høve nml: Side 9 av 10

10 8 Kunnskapsgrunnlaget: Arealet tilhøyrer det indre hamnebassenget i Flåm. Det aktuelle området er prega av at arealet er utbygd med småbåtanlegg og gangareal langs strandsona, og det er allereie stor aktivitiet i området. Av registreringar som må nemnast er: - Området er registrert som lokalt viktig friluftsområde. - Nasjonal laksefjord. - Verdsarvområde: Fjorden inngår i Vestnorsk fjordlandskap. Området er undersøkt i høve og ROS-analyse, planomtale, synfaring og satelittbilete. Det er ikkje påvist moglege effektar av tiltaket på naturmangfaldet. Det er knytt usikkerheit til effekten/verknaden av tiltaka i høve villaksen. Rådmannen vurderar det til å vera rett å sende planen på høyring for å innhenta synspunkt. Området er prega av at arealet allereie er utbygd med småbåtanlegg og gangareal langs strandsona, og det er allereie stor aktivitet i området. Samla belastning for naturmangfaldet jf 10 vert på eit akseptabelt nivå. Det er lite truleg at den planlagde aktiviteten vil føre til auka belastning, utover den totale belastninga for området i dag.det ligg føre tilstrekkeleg kunnskap om verknaden av tiltaket slik at føre-varprinsippet 9 vert tillagt mindre vekt. Det er gjennom føresegnene sett føringar for å unngå utslepp m.m i aktuelt område. Det er ikkje grunnlag for å pålegge tiltakshavar å dekke kostnadar for å avgrense skade på naturmangfaldet og 11 vert difor ikkje vurdert nærare. Reguleringsendringa legg opp til at nye tiltak vert gjennomført på ein miljøforsvarleg måte, gjennom dei fastsette føresegnene, jf 12. Dersom plan og utvikling er usamde i planframlegget eller framlegg til vedtak, tilrår rådmannen at plan og utvikling sender saka tilbake til rådmann med endringsframlegg. Rådmannen kan då utgreie konsekvensane av eventuelle endringar, før det vert fremja nytt høyringsframlegg. Likeeins dersom det kjem inn nye merknadar som vert sendt til utvalsmedlemmane etter utsending av saker. Nye innspel, samt eventuelle endringar som kjem direkte av slike innspel, må sendast tilbake og utgreiiast av rådmann, før dei vert teke endeleg stilling til. Etter rådmannen si vurdering ligg det til rette for at reguleringsendring for Vikji, kan leggjast ut til offentleg ettersyn og sendast på høyring. Side 10 av 10