Pressemelding

Transkript

1 ORGANISASJONSAVDELINGA INFORMASJONSSEKSJONEN Pressemelding Hordaland fylkesting 12. desember 2012 Privateigde datamaskiner for vg-elevane skal gå over til at elevane i dei vidaregåande skulane skal bruka privateigde pc-ar. Dagens elev-pc-ordning der fylkeskommunen leiger ut maskiner, skal vera heilt utfasa innan utgangen av Fylkestinget vedtok dette i møte 12. desember. Innføringa av den nye ordninga med eleveigde pc-ar startar skuleåret Fylkestinget sitt vedtak vart gjort med 35 (H, Frp, V, KrF, MDG) mot 22 (Ap, Sp, SV, Raudt) røyster. Mindretalet røysta for eit forslag frå Arbeiderpartiet om at dagens pc-ordning skal vidareførast og vera fullfinansiert av fylkeskommunen. Privat eigde maskiner vil gje valfridom for elevane i høve til pc-modell eller Mac. Dette harmonerer med utviklinga i høve til at stadig fleire brukar fleire einingar mobilt datautstyr, går det fram av saksutgreiinga, Føremonene med den nye pc-ordninga vil vera størst ved innføring av ope nett på skulane. Ei omlegging frå noverande nettløysing til ei open fleksibel løysing krev vesentleg auke i nettkapasiteten ved utbygging av trådlause sendarar. Investeringsbehovet for naudsynt oppgradering av nettkapasiteten er kalkulert til om lag 18 millionar kroner. I vedtaket om fylkesbudsjett for 2013 har fylkestinget sett av 18 mill. kr til denne utbygginga. Fylkestinget seier i vedtaket sitt at utbygginga av nettkapasiteten skal gjennomførast så snart som mogleg. Erfaringar frå Rogaland tyder på at elevane vil ta betre vare på sine eigne maskiner samanlikna med fylkeseigde, heiter det i saksutgreiinga. På den andre sida kan det verta mindre føreseieleg at elevane har totalansvar for å installera naudsynt programvare og å halda maskina i orden og skadefri. Privateigde maskiner vil truleg vera ei rimelegare ordning for fylkeskommunen. Går for Askøypakken Fylkestinget i Hordaland godkjenner Askøypakken under føresetnad av at Samferdselsdepartementet tillet at Askøypakken kan gjennomførast uavhengig av ei eventuell komande «regionpakke» for bergensområdet. Tlf:

2 Side 2/9 Fylkestinget går inn for at det vert etablert eit bompengeselskap for Askøypakken der fylkeskommunen har eigarmajoritet og fleirtal i styret. Fylkesutvalet har fått fullmakt til å teikna aksjar i selskapet og oppnemna styremedlemmer for fylkeskommunen. et vart gjort mot 8 røyster (Frp). Fylkestinget ber samrøystes om at det vert oppretta eit kontaktutval med administrativ deltaking frå Statens vegvesen, bompengeselskapet for Askøypakken, Askøy kommune og Hordaland fylkeskommune med mandat å sikra framdrift, gjennomføring og tilstrekkeleg finansiering for alle investeringsprosjekt/tiltak i Askøypakken. Askøypakken har ei investeringsramme på ca.1,3 milliardar kroner for dei 10 høgaste prioriterte tiltaka, ei ramme på 200 mill. kr til kollektivtiltak, pluss ei ramme på om lag 220 mill. kr til andre tiltak (med lågare prioritet). I Askøypakken inngår 10 vegprosjekt på fylkesvegnettet på Askøy og forslag til investeringar i kollektivtiltak i Askøy og i Bergen. Planen er å finansiera 1100 millionar (om lag 85 %) med bompengar. 200 millionar (om lag 15 %) er planlagt finansiert med fylkeskommunale midlar. I fylkesrådmannen sitt framlegg til Handlingsprogram for Regional transportplan er det føresett lagt inn midlar frå Meir fornying av Bergen busstasjon Fylkestinget i Hordaland har vedteke at terminal sør på Bergen busstasjon skal fornyast innan for eit kostnadsramme på 60 mill. kr. Planen er å koma i gang med arbeidet neste sommar og at den fornya terminalen vert opna ved årsskiftet 2013/14. Planen for fornyinga av terminal sør er redusert ein del i høve til opphaveleg plan. Det heng saman med at Bergen kommune har sendt planforslag for ny reguleringsplan for Nygårdstangen til offentleg ettersyn. Den nye planen har til føresetnad at parkeringshuset og kollektivterminalen skal rivast og at det vert bygt opp att ny kollektivterminal i same område. Desse planane indikerer at den nye terminalen vil ha avgrensa levetid. Fylkeskommunen har difor senka ambisjonsnivået noko knytt til materialar og storleiken på terminalbygget. Det må likevel presiserast at krava til universell utforming er følgde. Terminal nord Den nye terminal nord på busstasjonen vert teken i bruk 1. februar Terminalen vil då framstå som ei moderne kollektivterminal bygd på prinsippa om universell utforming. Sentralt på terminalen ligg busshaldeplassane rundt eit publikumsbygg som inneheld toalett, kiosk, ruteinformasjon og venteareal. Kjøp av Nonneseterterminalen frå Bergen kommune inngår også i prosjektkostnaden for terminal nord. Her skal det etablerast kundesenter for Skyss som erstatning for dagens lokale inne i Bergen Storsenter. I tillegg vert det hittegodsmottak i bygget og areal for driftspersonale. Totalkostnaden for terminal nord er 110 mill. kr. inkl. kjøp av Nonneseterterminalen for 20 mill. kr.

3 Side 3/9 SAKNR. 68/12 NY ELEV PC-ORDNING - PRIVATEIGDE ELEVMASKINER 1. Noverande elev-pc-ordning med fylkeseigde pc-ar vert fasa ut og erstatta av ei ordning med privateigde elevmaskiner. 2. Ny ordning vert etablert til skolestart i , og ordninga skal vere fullt etablert seinast innan utgangen av Føremonane med privateigd pc er størst ved innføring av ope nett, og det er ei målsetjing å få dette på plass ved dei vidaregåande skulane så snart som råd. 4. Ope nett vert innført så snart endeleg budsjett er vedteke. 71/12 DELVIS BOMPENGEFINANSIERING AV ASKØYPAKKEN - SØKNAD 1. Fylkestinget godkjenner søknad om delvis bompengefinansiering av «Askøypakken» frå , under føresetnad av at Samferdselsdepartementet tillet at Askøypakken kan gjenomførast uavhengig av ein eventuell komande «regionpakke» for Bergensområdet. 2. Fylkestinget ber om at det vert etablert eit bompengeselskap for Askøypakken, der fylkeskommunen har eigarmajoritet og fleirtal i styret. Fylkesutvalet får fullmakt til å teikna aksjar i selskapet og oppnemna styremedlemmer for fylkeskommunen. 3. Fylkestinget ber om at det vert oppretta eit kontaktutval med administrativ deltaking frå Statens vegvesen, bompengeselskapet for Askøypakken, Askøy kommune og med mandat å sikra framdrift, gjennomføring og tilstrekkeleg finansiering for alle investeringsprosjekt/tiltak i Askøypakken. 75/12 TILSTANDSRAPPORT VIDAREGÅANDE OPPLÆRING 2011 / 2012 FOR HORDALAND FYLKESKOMMUNE 1. Fylkestinget tek tilstandsrapport for vidaregåande opplæring 2011/2012 for Hordaland fylkeskommune til orientering. 2. Det vert bede om at tiltaket med lærarevaluering vert inkludert i tilstandsrapporten for 2012/ Talet på ungdommar som gjennomfører vidaregåande opplæring i Hordaland vert auka til 80 %, medan det nasjonale målet er 75 %. Situasjonen for skulehelsetenesta vert inkludert i neste års tilstandsrapport.

4 Side 4/9 76/12 PLAN FOR KOMPETANSEUTVIKLING TILTAK Fylkestinget sluttar seg til hovudtrekka i rulleringa av tiltaka for 2013 i Plan for kompetanseutvikling , men ber fylkesrådmannen styrke innsatsen i dei områda som kjem dårleg ut i tilstandsrapporten, så som matematikk, naturfag, vurdering, klasseleiing og skoleleiing. 2. Fylkestinget ber fylkesrådmannen om å inngå samarbeid med Høgskolen i Bergen for å utarbeide eit etterutdanningstilbod for yrkesfaglærarar i byggfag i høve ny kunnskap om passivhus, miljøvenleg bygging og energitiltak i nye og eldre bygg. Det er ønskjeleg med eit tilbod som gir studiepoeng. 77/12 VEDTAK - REGIONAL PLANSTRATEGI FOR HORDALAND Fylkestinget vedtek Regional planstrategi for Hordaland Budsjettmessige behov knytt til gjennomføring av planstrategien vert vurdert ved fordeling av midlar sett av til regional planlegging og ved oppstart av dei respektive planoppgåvene. Prinsippet om folkehelse skal vera synleg i alle planar. 78/12 BESTILLING TIL REGIONALT FORSKINGSFOND VESTLANDET : 1. Fylkestinget vedtek bestillinga til det regionale forskingsfondet på Vestlandet, og føreset at det komande styret for forskingsfondet legg dette til grunn for sine årlege handlingsplanar og utlysingar. 2. Opne for at forskingsinstitusjonar også får høve til å søkje om midlar når dei samarbeider med relevante bedriftsmiljø. 3. Styret rapporterer årleg til fylkestinga, og fylkestinga kan eventuelt gje supplerande føringar. 4. Prioriteringa gjeld inntil det er gjort ny vurdering og vedtak i valperioden /12 BYSTASJONEN AS - TERMINAL SØR Fylkestinget godkjenner kostnadsoverslag/forprosjekt for terminal sør på Bystasjonen med ei kostnadsramme på 60 mill. kr. Det er ein føresetnad at Statens vegvesen gir tilsegn om statleg løyving på 60 mill. kr. Fylkestinget godkjenner forskottering av 60 mill. kr for mellombels finansiering.

5 Side 5/9 80/12 INVESTERING I BYBANEVOGNER - BYGGETRINN 3 Fylkestinget godkjenner at fylkesrådmannen får fullmakt til å gå i forhandlingar med vognleverandøren Stadler med sikte på anskaffing av 8 nye vogner og forlenging av 20 vogner til 42 meter. Fylkestinget skal godkjenna kjøpet. 81/12 FYLKESVEGANE - PLAN- OG BYGGEPROGRAM FOR 2013 Fylkestinget vedtek plan- og byggeprogrammet 2013 for Hordaland (utanom Bergen) og Bergensprogrammet. 82/12 FULLMAKT SAL AV EIGEDOMAR : Fylkestinget godkjenner sal av følgjande eigedomar: Tidlegare tannklinikk Olav Bjordals veg Ibsens gt. 118 Enkelttomt Hagavik Tanks vgs Budstadblokk Voss Willy Valentins vei Fylkesrådmannen får fullmakt til å akseptere bod som er høgare enn 90 % av prisønskje. Dersom høgste bod er lågare enn 90 % av prisønskje kan fylkesutvalet ta avgjerd om salet. Fylkesutvalet får fullmakt til avgjere sal knytt til Meland (Leirvik gard). 83/12 FORVALTNINGSREVISJONEN "BRUK AV DIGITALE VERKTØY OG LÆREMIDDEL I VIDAREGÅANDE SKULE" - ORIENTERING OM NYE TILTAK Fylkestinget tek svara på dei åtte punkta frå forvaltningsrevisjonen «Bruk av digitale verktøy og læremiddel i vidaregåande skule» til orientering. Skolearena og It`s learning «snakkar» ikkje saman, og medfører mye ekstra arbeid med at lærarar må føre dobbelt og arbeide på to ulike plattformar. Det bør rettast opp snarast. Innføring av nye system eller verktøy bør prøvast ut på nokre få skolar før det vert innført for alle skolane. 84/12 FORVALTNINGSREVISJON INNAN SJUKEFRÅVÆR I HORDALAND FYLKESKOMMUNE- REVISJONSRAPPORT På bakgrunn av forvaltningsrevisjonsrapport Sjukefråvær i ber fylkestinget fylkesrådmannen syta for å: 1. Betre kompetansen til leiarane slik at dei kan hente ut føremålstenlege statistikkar frå personalportalen ut frå eigne behov 2. Sikre korrekt innrapportering av sjukefråvær i personalportalen

6 Side 6/9 3. Systematisere og analysere dokumentasjon knytt til avslag på refusjonskrav for å sikre utvikling og læring 4. Laga ein handlingsplan innan som viser kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga. 85/12 FORVALTNINGSREVISJON INNAN SAMHANDLING PÅ VEGOMRÅDET - REVISJONSRAPPORT På bakgrunn av forvaltningsrevisjonsrapport Samhandling på vegområdet i Hordaland fylkeskommune ber fylkestinget fylkesrådmannen syta for å: 1. Etablere formaliserte prosjektspesifikke møte for oppfølging av investeringsprosjekt (ref. eigarstyringsmøte i Sogn og Fjordane). 2. Vurderer om det vil vere føremålstenleg å nytte eit nettbasert system for dokumentdeling mellom fylkeskommunen og vegvesenet knytt til vegprosjekt. 3. Etablere meir formaliserte rutinar for den årlege evalueringa av rammeavtalen og vurdere om dette til dømes kan gjerast i samarbeid med dei andre fylkeskommunane i Region Vest. 4. Trekke vegvesenet og andre fylkeskommunar inn i arbeidet med å utarbeide praktiske rutinar for å handtera nye krav til budsjettering og rekneskapsføring i investeringsrekneskapen, og handtering av fleirårige prosjekt. 5. Vurdera om ingeniørkompetansen innan samferdsleavdelinga er tilstrekkeleg. 6. Laga ein handlingsplan innan som viser kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga. 86/12 SELSKAPSKONTROLL AV SUNNHORDLAND LUFTHAVN AS - REVISJONSRAPPORT Fylkestinget ber fylkesrådmannen (pkt. 1 3) og generalforsamlinga (pkt. 4 7) syta for å: 1. Utarbeide forslag til revisjon av fylkeskommunen sin eigarstrategi for Sunnhordland Lufthavn slik at den blir tydlegare med omsyn til føremål og forventningar med eigarskapen 2. Utarbeide forslag til korleis fylkeskommunen vil følgje opp KS sine tilrådingar med omsyn til kjønnsbalanse, eigarmøte, opplæring etc., med siktemål om å få det innarbeida i eigarskapsmeldinga 3. Etablere rutinar som sikrar at eigarskapsmeldinga blir gjennomgått og eventuelt revidert kvart år 4. Etablere rutinar for å skrive referat frå eigarmøta i Sunnhordland Lufthavn 5. Sikre at alle aksjekapitalutvidingar i Sunnhordland Lufthavn blir vedtatt i generalforsamling 6. Sjå til at selskapet vurderer om leigeavtalen mellom Stord kommune og Sunnhordland Lufthavn fell inn under aksjelova si 3-8 og dermed må bli handsama i generalforsamling og redegjort for i samsvar med 2-6 i aksjelova 7. Det vert laga ein handlingsplan innan , som syner kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga.

7 Side 7/9 87/12 GODTGJERSLE TIL FOLKEVALDE - JUSTERING AV SATSANE 2012 Fylkestinget godkjenner at godtgjerslene for politisk arbeid vert auka med 4,19 % pr. 15. juni 2012 og at utrekningsgrunnlaget for politiske verv vert fastsett til kr ,- Satsane for tapt arbeidsforteneste vert justert tilsvarande. 88/12 REGULERING AV GODTGJERSLA TIL FYLKESORDFØRAREN PR Fylkesordføraren si godtgjersle vert regulert med eit datotillegg på kr pr til kr /12 KONSTITUERING I STILLINGA SOM FYLKESRÅDMANN Økonomidirektør Johnny Stiansen vert konstituert i stillinga som fylkesrådmann i tida til og med /12 SØKNAD OM FRITAK FRÅ FYLKESKOMMUNALE VERV - NYVAL 1. Representanten Monica Nilsen får fritak frå fylkeskommunale verv for resten av valperioden For resten av valperioden vert det gjort slike val: a. Medlem i fylkestinget etter opprykk: Rosalind Fosse b. Medlem i fylkesutvalet: Silje Hjemdal c. Varamedlem i fylkesutvalet: Rosalind Fosse d. Medlem i fylkesvalstyret: Silje Hjemdal e. Varamedlem i fylkesvalstyret: Rosalind Fosse f. Silje Hjemdal vert friteken for vervet som medlem i samferdselsutvalet. g. Medlem i samferdselsutvalet: Inger Ulvund h. Varamedlem i samferdselsutvalet: Sigbjørn Framnes 91/12 ADMINISTRASJONSUTVALET - ENDRA SAMANSETJING OG NYVAL For resten av valperioden vert følgjande valde som arbeidsgjevarrepresentantar i administrasjonsutvalet:

8 Side 8/9 Medlemer: 1. Astrid F. Selsvold (A) (FL) 2. Christopher Beckham (A) (FL) 3. Terje Søviknes (Frp) 4. Tom-Christer Nilsen (H) 5. Mona H. Hellesnes (V) Leiar: Mona H. Hellesnes Nestleiar: Astrid F. Selsvold Varamedlemer: 1. Torill Selsvold Nyborg (KrF) (FL) 2. Benthe Bondhus Sp) (FL) 3. Marte Malones (A) (FL) 4. Atle Kvåle (A) (FL) 1. Helge Andre Njåstad (Frp) 2. Silje Hjemdal (Frp) 3. Inger Signe Ulvund (Frp) 1. Mona Røsvik Strømme (H) 2. Inge Reidar Kallevåg (H) 3. Birthe Eriksen (H) 1. Alf Helge Greaker (V) 2. Anne Beth Njærheim (V) 3. Rolf Nesheim (V) 92/12 SØKNAD OM PERMISJON FRÅ VERVET I DEN FYLKESKOMMUNALE KLAGENEMNDA 1. Sølvi Merete Mangerøy vert friteken frå vervet som medlem og leiar i klagenemnda for resten av valperioden For resten av valperioden vert Grete Kvilvang vald som medlem og leiar i klagenemnda. 93/12 YRKESOPPLÆRINGSNEMNDA - SUPPLERINGSVAL Som ny vararepresentant for elevar/lærlingar/lærekandidatar i yrkesopplæringsnemnda vert vald for resten av valperioden : Vårin Eknes 94/12 UTFLYTTING FRÅ FYLKET OG FRITAK FRÅ VERV - SUPPLERINGSVAL 1. Representanten Hans Nyvold Kjellby får frå fritak frå vervet som medlem i kontaktutvalet mellom innvandrarar og styresmakter og vervet som styremedlem i AS Strandgaten 196 for resten av valperioden For resten av valperioden vert det gjort slike val med verknad frå :

9 Side 9/9 a. Medlem i fylkestinget etter opprykk: Neshe Lie b. Medlem i opplærings- og helseutvalet: Børge Lunde c. Varamedlem i fylkesutvalet: Dan Femoen d. Varamedlem i fylkesvalstyret: Dan Femoen e. Varamedlem i valnemnda: Dan Femoen f. Styremedlem i AS Strandgaten 196: Ingrid Reitan g. Kontaktutvalet mellom innvandrarar og styresmakter: Ingrid Reitan 95/12 SØKNAD OM PERMISJON FRÅ FYLKESKOMMUNALE VERV - UTANLANDSOPPHALD 1. Stein Inge Ryssdal får permisjon frå vervet som medlem i fylkestinget og som medlem i samferdselsutvalet i tida 1. januar 31. mars For den tida Stein Inge Ryssdal har permisjon vert det gjort slikt val: a. Medlem i fylkestinget etter opprykk: John Opdal b. Medlem i samferdselsutvalet: Svein Halleraker c. Ny varamedlem i samferdselsutvalet: John Opdal