Strategisk plan for HVL, innspel til prodekan strategisk satsing. Generelt

Transkript

1 Strategisk plan for HVL, innspel til prodekan strategisk satsing. Generelt Generelt sett bør teksten stramast inn. Litt mykje hummer og kanari av gjentakingar, munnlege formuleringar, og planen hoppar enkelte stader over det strategiske og går rett på tiltak. Strategien har for mange mål og for utydelege formuleringar. Det verkar som om målet med dokumentet i større grad er å beskrive dei ulike verdiar, bidrag og felles moglege faglege satsingar, enn å fortelja kor vi vil i forhold til dei. Etterlyser tydelegare kva vi forventar av studentane våre. Dei er nemnde mange gonger, men mest i samanheng med at vi gir eller legg ut noko overfor dei. Forsking og utdanning får god plass. Det same gjer den profesjons- og arbeidslivsretta profilen som vert vist til fleire gonger, men det kjem gjerne i skuggen av forsking og utdanning. Endå sterkare profilering av profesjons- og arbeidslivsrettinga er anbefalt. Dei tre berande elementa samspel, berekraft og nyskaping må i større grad vise att i strategien sine overordna mål. Samspel finn vi att i vårt bidrag til samfunnet, og i samhandlingsdelen. Berekraft er brukt gjennom heile dokumentet, medan nyskaping ikkje finst andre stader enn i overskrifta. Termane innovasjon og nyskaping er imidlertid hyppig brukt, men sidan termen nyskaping er nytta, bør den også vidareførast. Behov for begrepsavklaring? Visjon Visjon må flyttast framfor kor vi ynskjer å vere i 2023, eller at den siste vert teken vekk. Visjonen er overordna alt og må komme først. Første setning i visjonen er god. Setning nr to har eit problem med at den nyttar termane Internasjonalt, nasjonalt og lokalt. Ordet lokal manglar i resten av dokumentet. Der nyttar ein i staden region begrepet. Ei begrepsavklaring kunne vore på sin plass, anten å bruke berre den eine av termane eller begge, men då brukt samstudes. HVL i 2023 Stiller spørsmål ved om dette er ein del som skal vere med i strategidokumentet. Litt forvirrande lesing fordi dette ikkje er mål, strategi, bidrag eller særleg visjonar. Det er berre ei opplisting av det som seinare i dokumentet står som mål om vi lukkast. Det som står her kan lesast om att i dei andre delene av planen, - det som ikkje finst kan inkluderast under andre punkt. Punkta er i beste fall forvirrande. Døme her er om HVL skal søkja om å verta universitet i 2023, eller om ein i 2023 framleis berre har ambisjon om å bli det. Under kompetansebygging står det at vi skal ha kompetanse i tråd med kvalitetskrava til eit universitet. Det må halda viss vi då ikkje ynskjer å søkje universitetsstatus når perioden er ferdig. Ei klårara presisering om kor ein vil kan vere greitt, men kan stå under bygging av institusjon. Det ligg eitt unntak som må få plass. Vi har ein profesjonell og effektiv organisasjon der fag og administrasjon arbeider effektivt i lag. Det kjem lite fram vidare i dokumentet gjennom kva strategiar HVL skal nå målet om profesjonelt effektivt samarbeid i organisasjonen. I dag er organisasjonen på administrativ side ikkje ein gong etablert. Dette punktet må klarerast under Bygging av institusjonen.

2 Verdiar Under verdiar bør ein generelt unngå å ha to avsnitt. Når det blir så pass mange verdi-underpunkt vert verdiane altfor utflytande. Noko munnleg språk bør lukast vekk t.d. «spele kvarandre gode», «god takhøgd» (problematisk ved oversetjing til t.d. engelsk). Vi kan ha mange verdiar, men får vi for mange vil dei kollidere, og vi kan stille spørsmålsteikn om ikkje dette er tilfelle. Utfordrande Det er svært utfordrande å vere utfordrande for ein konform organisasjon som HVL. Det meste av arbeidet vi gjer i dag, er å tilpasse oss sentralstyrte ordningar, særleg dei ordningane som fører fram til universitetsstatus. Vi utfordrar ikkje det etablerte, t.d. NOKUT. Vi tilpassar oss. Det må difor klarare gå fram, kva det er vi utfordrar. Føreslår å ta vekk siste linja, den med god takhøgd. Det har vi ikkje råd til i løpet fram mot Universitetsstatus. Det er ikkje rom for å prøve og feile i HVL. Takhøgda høyre heime i neste strategiplan, når Universitetsstatusen er sikra. No må vi lukkast i å bli universitet, og det er det som må stå. Delande Ta vekk setning nr to og tre(kunnskapen veks når ). Stram inn teksten i siste avsnitt. Handlekraftig Her seier andre avsnitt det same som første og bør strykast. Tett på Føreslår byte ut med denne teksten; Vi vidareutviklar alle studiestadane våre tett på studentar og arbeidsliv, slik at den regionale utviklingsrolla vert ivareteken og styrka. Likevel mulig at denne termen vil passe betre på eit fakultetsnivå. Vurder å ta den vekk her. Den er svært vanskeleg å følgje opp når vi ser på nøkkeltala. Vårt bidrag til samfunnet Kan vi få regional og lokal framheva meir vil det vere bra. Føreslår å ta vekk «Noregs mest nøgde». Det er umulig å måle og kan alltid diskuterast. Setning to børe vere; Gjennom gode og utfordrande læringsmiljø skal vi vere kjende for å ha studentar som trivst og lukkast. Danne og utdanne - Utdanne høgt kompetente kandidater til nytte for omverda Endre siste setning til: Dei (Studentane) skal kunne forvente kvalitet i alle ledd. Siste avsnitt er i ferd med å nerma seg eit tiltaksplannivå og bør anten takast vekk eller skrivast heilt om. Føreslår ekstra punkt under mål om vi lukkast: Studentane anbefaler oss/utdanningane våre. Forske utvikle og innovere - Drive forsking og utviklingsarbeid med høg kvalitet og relevans

3 Ynskjer å ta vekk «med høg kvalitet og relevans». Beskrivelse av relevans kjem tydeleg fram i teksten under, slik at den vert sikra der. Kvalitet vert ikkje beskrive tilsvarande, -verken kjenneteikn eller korleis oppnå den, så det må på plass korleis vi definerer kvalitet. Det blir lista opp mange målsetjingar. Det er difor vanskeleg å lesa noko strategisk satsing ut frå dette. Ein vil alt på ein gong, og er ein sikker på om alt er komme med. Ta ned alle opplistingane og ver strategisk. Formidle og dele Formidle kunnskap og kompetanse som kjem samfunnet til gode Her går teksten frå strategisk til tiltaksside alt frå andre setning. Når det gjeld det som står om språk i andre avsnitt, så er første del av siste setning tilstrekkeleg; HVL skal stå fram med ein tydeleg nynorskprofil. Vidare utdjuping om korleis må skje i tiltaksplanar. Under mål om vi lukkast må det stå noko om nynorsk sidan det ligg i strategien. Føreslår «Nynorsk fagspråk er eit fullverdig vitskapleg publiseringsspråk». Felles faglege satsingsområde Dei fem områda ser ut til å dekka området godt. - Ansvarleg innovasjon Vil gjerne ta vekk ansvarleg slik at det berre står innovasjon. Kva definerer i tilfellet termen ansvarleg. Det kan også komme i eit motseiingsforhold til det å vere utfordrande Jf.verdiar. Ansvarleg skaper begrensingar i å utfordre det etablerte. Då går vi ikkje særleg langt ut over allereie oppgåtte stiar. - Berekraftig utvikling Berekraftig utvikling er internasjonalt anerkjent gjennom Brundtlandkommisjonen og bør vere eit berande element. Her er imidlertid 17 berekraftmål. Kva av måla passer inn i høve resten av strategien? Klima, ressursfordeling, rett til utdanning, velferds og omsorgstenester er teke med. Kva med fattigsdomsbekjempelse, likestilling, rein energi osv. Måla har eit 2030 perspektiv, slik at vi held oss godt innanfor tidsramma for dei. Etterlyser strategi i forhold til prioritering av berekraftmål. Danning gode formuleringar i starten. Det må tydelegggjerast meir at danning kan komme ulikt til uttrykk og ha forskjellige utfordringar alt etter type utdanning. Ta vekk dei to siste setningane. - Folkehelse Her beskriv teksten mest ein definisjon på kva ein meiner med folkehelse, ikkje kva strategi ein skal nytta for å bidra til denne. Ei strategisk satsing kan vi beskrive slik: HVL skal vere vegvisar i korleis drive folkehelsearbeid på tvers av økonomiske og kulturelle føresetnader. I dette ligg oppvekstvilkår for barn og unge, sunne levevanar, fremjing av fellesskap, sikkerheit og tryggleik (er det same ordet, så ta vekk det eine), inkludering og deltaking. - Mogleggjerande teknologi

4 Om mogleg, ta vekk mogleggjerande. Det er eit begrep som knytest til såkalla generiske teknologiar, - teknologiar som ikkje er knytte til spesielle føremål, men som er grunnleggjande for å påverke annan teknologi (døme: hjulet, trykkekunsten, jernbane, elektrisitet). Samtidig er det veldig ambisiøst å ha dette som strategi, -men det kan samtidig begrense andre teknologisatsingar. HVL lagar t.d. den generiske delen av PfDK MOOC`en (profesjonsfagleg digital kompetanse) sin generiske del, medan USN lagar den fagspesifikke delen. Begge deler bygger på digital teknologi, men den eine er mogleggjerande, den andre er «mogleg-nyttande». Vi skal kanskje ta i bruk/utvikle begge deler. Sjå denne lenka: Dersom ein meiner at det berre er denne type teknologiar vi skal dyrke fram, skal det stå som det gjer. Tekstmessig forslag om å ta vekk andre setning og endre tredje setning til følgjande; Som arbeidstakarar skal studentane kunna vere endringsagentar i nye digitale organisasjonsformer og motivere medarbeiderar i komplekse endringsprosessar. Siste setning er god, men kan stramast inn t.d. slik: Det digitale skiftet gjer at vi med nye auge må reflektere og drøfte etiske, sikkerhetsmessige, menneskelege og organisatoriske utfordringar. Bygging av institusjonen Ein viktig del, og vi finn att tydelege element frå andre dokument som t.d. fusjonsplattforma. - Kompetansebygging og organisasjonsutvikling Her er vi på grensa til handlingsplansnivå. Det er fint med vektlegging av høve til kompetanseutvikling, men høyrer det heime i strategiplanen å hevde styringsrett (dei tilsette må vere budd på )? Den er nedfelt i sedvane ut frå m.a. «Nøkk dommen» og den skal skje innanfor rammene av det arbeidsforholdet som alt er oppretta. Føreslår å ta vekk det punktet. Positivt at studentane er nemnde som del av kompetansebygging og utvikling. Dei er viktige bidragsytarar og den viktigaste ressursen vi har. - Samhandling Dette punktet er godt skrive, men veldig mykje av det finn vi tidlegare i dokumentet. Her bør ein prøve å få ned mengden av tekst. Bør starte med setninga; «Vi vil vere den føretrekte samarbeidspartnaren i regionen vår». - Internasjonalisering Her går det same igjen som elles i strategien, mange opplistingar og unødige detaljar. Høyrer forresten auka finansiering til utdanning og forsking under internasjonalisering? Det høyrer vel til under Vårt bidrag til samfunnet. - Digitalisering Digitalisering gir ikkje berre frigjering av administrativ kapasitet, den skal også kunna frigjere fagleg kapasitet, gjennom t.d. å kunna gi grunngjevingar/tilbakemeldingar, bruk av LMS, emneplanlegging, eksamensplanlegging via digitale verktøy, opptak av førelesingar m.m. Kan dette få ein plass vil det vere fint.

5 Om strategien Fakulteta skal ha eigne strategiar, men dei må vere underordna HVL strategien om kan difor ikkje skilje seg mykje frå den overordna strategien,- samtidig som den må spegle fakulteta sine særpreg. Kanskje den overordna planen skulle sei noko om i kva grad det er høve til å fråvike den overordna strategien i dei fakultetsvise strategiplanane?