Rapport Camp Svalbard 2018

Transkript

1 Rapport Camp Svalbard 2018 Foto: Kristin Eriksson

2 Side 2 av 8 Innleiing Vi starta tidleg med å planlegge plassering av campen, og hadde været frå fjordåret friskt i minnet. Først ynskja vi å legge oss ved same campplass som i fjord, men etter å fått fleire tilbakemeldingar på at det var observert mykje bjørn i Trygghamna gjennom heile sommaren, valte vi å legge campen til Ymerbukta. Samarbeidet vi har med UiT og studentar ved ANG gjer at vi kan nytte oss av same campplass, der dei hjelper oss med å sette opp camp og brukar utstyret til sitt brekurs gjennom veka før campen, slik at vi kjem til ferdigrigga camp når arrangementet starta fredag. Onsdag kveld hadde vi kontakt med lærar i camp, der dei kunne fortelje at det hadde vore ein isbjørn i SWE sin camp på motsatt side av campplassen vår. Bjørnen hadde øydelagd alle telta deira og forsynt seg meg mat, lagt seg eit stykke unna og kome tilbake om natta. Vi beslutta difor å ikkje arrangere Camp Svalbard i Ymerbukta. Torsdag morgon og føremiddag jobba vi difor med å prøve å få flytta alle studentane samt utstyret til Sveabreen. Værmeldinga for helga (sterk vind og ein del nedbør) gjorde til at det var ingen som var villige til å flytte folk og utstyr med båt. Det vart då bestemt at vi kunne lage til eit bynært alternativ. Med god hjelp frå ANG- studentane, våre samarbeidspartnarar og dei frivillige, fikk vi ordna eit opplegg som kunne romme Camp Svalbard sine overordna mål- og delmål. Forarbeid Foto: Kalle Møller Nielsen Informasjon om campen vart sendt ut til målgruppa gjennom informasjonsmøte på skulen og plakatar på ungdomsklubben og gjennom Facebook- sidene til Ung i Longyearbyen. Informasjon til nye familiar gikk via skulen og Infotorget og påmeldinga til campen starta før sommarferien. Arbeid med å samle saman ressursar, både menneskelege og materielle, starta på vårparten, og heldt på heilt fram til campstart.

3 Side 3 av 8 Nytt i frå i år var at vi ynskte å engasjere dei eldste ungdommane i byen på campen. Erfaringar vi har gjort oss tidlegare med å bruke denne ungdomsgruppa som ein ressurs ved større arrangement, har vore gode. Denne gruppa er gjerne ungdom som har vore med på campen fleire gongar, men føler seg litt for store til å vere med som deltakarar, og er begynt å bli vaksne nok til å ta del i arbeidslivet. Dei kjenner ungdomsgruppa godt og samtidig kjenner til rutinane ved campen. Vi opna difor opp for at ungdommar i aldersgruppa år kunne melde seg som frivillige gruppeleiarar på campen. Alle deltakarar og forsette fikk tilsendt inforamasjon om campen via e-post. Det vart gjennomført informasjonsmøte til alle ANG- studentane, samt informasjonsmøte til dei frivillige ungdommane som var gruppeleiarar. Foto: Kristin Eriksson Utstyr og logistikk Eit av delmåla til Camp Svalbard er å «gi et lavterskeltilbud i forhold til krav til utstyr, kostnader og ferdighetsnivå hos den enkelte deltaker». Det meste av ustyret som blir brukt for å arrangere Camp Svalbard, vert lånt av ulike foreiningar/lag eller institusjonar i Longyearbyen. Dette har ein stor økonomisk fordel, men det krev mykje logistikkarbeid i forkant og etterkant av arrangementet. Over fleire år har vi sett at vi slit med å få organisert dette logistikkarbeidet. Utfordringane er blant anna at vi ikkje veit kor mykje utstyr vi får til rådigheit og vi veit heller ikkje kva slags standar det er på utstyret vi får lånt. Vi har opplevd fleire gonger at telt vi har fått lånt har store manglar. Etter erfaringane vi har gjort oss med været dei to siste åra, meina vi at det utstyret vi får lånt av eksterne aktørar, ikkje held sikkerhetsmessig høg nok standar. Vi har difor valt å sende inn ein søknad til Svalbard Miljøvernfond for innkjøp av sovetelt til ungdommane.

4 Side 4 av 8 Sikkerhet Ein person hadde det overordna ansvaret for sikkerheten i campen. Dette vert sett på som ei svært viktig rolle, då sikkerheita skal prioriterast først. Det vart teikna ei skade- /uføreforsikring på deltakarane knytt til Camp Svalbard. Det var ingen alvorlege personskader under årets Camp Svalbard. Vi opplev at rammene og konteksten rundt Camp Svalbard har endra seg dei siste to åra, og det er særleg to faktorar som spelar inn; ein auke av isbjørn i Isfjorden- området, og ei endring i klimaet. For at vi skal kunne gjennomføre camp i felt, også i framtida, lyt vi etablere ein beredskaps- plan. Dette arbeidet er planlagt å starte før jul, slik at vi er klare til neste års haustcamp. Mat Måltidet er ein viktig del når ein er ute og i aktivitet heile dagen, og det vert lagt vekt på at maten skal vere sunn, næringsrik og god. Det var to matansvarlege på campen. Det vart servert havregraut og brødmat til frukost, brødmat til niste og eit varmt måltid til middag. Frukt og grønsaker vart servert gjennom helga. Foto: Kristin Eriksson

5 Side 5 av 8 Program Eitt av hovudmåla til Camp Svalbard er: «Camp Svalbard skal være et annerledes og rusfritt møtested hvor det er tilrettelagt for glede og mestringsopplevelser i naturen under trygge forhold». Det vart lagt opp til eit variert som vart leia av instruktørar og gruppeleiarar. Ein anna viktig del av Camp Svalbard er målet om at frivillige lag og foreiningar skal vere tette samarbeidspartnarar, slik at dei kan få moglegheita for å synleggjere eigne aktivitetar. Foto: Kalle Møller Nielsen Det endra aktivitetsprogrammet vart laga på torsdagen. Både Svalbard Seilforening, ANGstudentane samt frivillige som organiserte med fiske stilte med sine planlagde aktivitetar. I tillegg stilte studentane opp med ekstra aktivitetar i det nye programmet. På fredag hadde vi ulike leikar i sjøområdet på fredagen samt middag, kino og overnatting på ungdomsklubben frå fredag til laurdag. Laurdagen kunne deltakarane melde seg på aktivitet før og etter lunsj. Dei ulike aktivitetane var: aktivitetar i badebassenget, fjelltur til Sarkofagen, introkurs kajakk med Svalbard Seilforening, salongrifleskyting på skytebana og fjelltur til Sukkertoppen. I tillegg hadde Longyearbyen Røde Kors og Sysselmannen eit opplæringsopplegg på skytebana som innehaldt førstehjelp ved hypotermi, skremmemiddel mot isbjørn samt informasjon om rabies. På søndag reiste vi på båttur med Polargirl, vi fiska og ANGstudentane tok med seg deltakarane på brevandring på Nordenskioldbreen. I tillegg til det oppsette programmet, er ein viktig del av det å vere på friluftslivcamp å bli kjent med kvarandre og anna leik og moro.

6 Side 6 av 8 Vaksenpersonar, frivillige og studentar Studentane ved ANG- studiet, samt dei andre frivillige vaksne som er med på Camp Svalbard er heilt essensielle for at helga vert vellukka. Det vert aktivt jobba med å få tak i dyktige vaksne som er flinke i sine roller i campen, samtidig som dei kan vere gode rollemodellar for ungdomsgruppa. I år har vi også etablert eit samarbeid med Longyearbyen skole som går ut på at personen som er tilsett i miljøarbeidar- stillinga skal fungere som miljøarbeider under camphelga. Dette ser vi på som eit positivt bidrag i det psykososiale arbeidet med ungdomsgruppa. Totalt var det 49 vaksne involvert i aktivitetar for ungdommane. 4 av desse er lønna gjennom Longyearbyen lokalstyre (campkoordinator, utstyr- og logistikkansvarleg, sikkerhetsansvarleg og miljøarbeidar på skulen). Dei andre involverte vaksenpersonane var følgjande: 1 studentansvarleg frå UiT, 1 medisinsk ansvarleg, 27 ANG- studentar, 2 matansvarlege, 3 kajakkinstruktørar frå Svalbard seilforening, 5 gruppelederung, 3 ansvarlege for fiske, 2 representantar frå Longyearbyen Røde Kors Hjelpekorps og 2 representantar frå Sysselmannen. Foto: Kalle Møller Nielsen Konklusjon Vi som arrangør er nøgde med å kunne tilby eit alternativt opplegg for deltakarane som var påmeldt, når været vart slik det vart. Det er sjølvsagt uheldig at haustcampen to år på rad har vore utsett for eit amputert opplegg på grunn av høg isbjørnaktivitet og utfordrande vær. Tilbakemeldingane vi har fått på den alternative og bynære campen frå deltakarar, føresette og frivillige er svært positivt.

7 Side 7 av 8 Sjølv om ein bynær camp fungerte godt, ser vi også ulempene med å ikkje arrangere camp i felt. Vi ser på fordelane med å arrangere friluftslivcamp for ungdom i felt er fleire enn å arrangere camp i byen. Vi har anledning til å gi deltakarane inspirasjon til naturkontakt og friluft, bidra til å førebygge mobbing og utestenging ved at deltaking på campen bidrar til å skape sterkare samhald på tvers av aldersgrupper, samt at deltakarane kjem seg vekk frå vante mønster. Ved deltaking i felt får ungdommane ei helg utan mobildekning og sosiale media og dei får mogelegheit til å oppleve mestring og læring i arktisk natur. Vi kjem difor til å arbeide med å framleis arrangere camp i felt. Av dei 38 ungdommane som svarte på evalueringsskjemaet, var det 30 som svarte at dei kunne tenke seg å delta på Camp Svalbard Sponsorar og samarbeidspartnarar 2018: *Aktiv i Friluft *Arctic Adventures *Hurtigruten Svalbard *Korkpengestøtten *Minds of Nature *Norsk Polarinstitutt *Pole Position Logistics *Studenter ved Arktisk Naturguide *Svalbard Seilforening*Spitsbergen Guide Service *Sysselmannen på Svalbard *Svalbard Adventure Group * UNIS *Longyearbyen lokalstyre v/svalbardhallen *Longyearbyen Jeger- og Fiskeforening *Longyearbyen Røde Kors Hjelpekorps Foto: Kristin Eriksson

8 Side 8 av 8 Tilbakemeldingar frå deltakarane: «Veldig gøy, og veldig flinke instruktører» «Kjempenice» «Har lært masse, blant annet hvordan man skyter med signalpistol» «Veldig sosialt» «Takk for at jeg fikk bli med!»