REGLAR FOR BACHELOR- OG MASTEROPPGÅVA DET TEKNISK-NATURVITSKAPLEGE FAKULTET 1/10
Innleiing Dette skrivet gir reglane for utføring av bachelor- og masteroppgåva ved Det teknisknaturvitskaplege fakultet, jamfør Forskrift om studier og eksamen ved Universitetet i Stavanger, 2-10-4 punkt c. Reglane er fastsette av dekan sjølv og gjer rammene for arbeidet med oppgåva. Fakultetet har i tillegg gitt ut skrivet Vegvisar for bachelor- og masteroppgåva som gir utfyllande kommentarar til reglane og råd om korleis du som student bør gå fram i samband med oppstart og gjennomføring av oppgåva. 1. Oppstart av oppgåva 1. 1.1. Institutta held orienteringsmøte for studentane og informerer om rutinar og prosessen rundt oppgåveskrivinga. Institutta lyser så ut tilbodet av oppgåver. Fristar for å halda informasjonsmøte og lysa ut oppgåver er viste i tabell 1. 1.2. Studenten(ane) kan søkjer på nokre av instituttet sine oppgåver i prioritert rekkjefølgje eller registrerer eiga oppgåve, dvs. ei oppgåve som studenten(ane) har skaffa sjølv. Frist for søknad/registrering er vist i tabell 1. 1.3. Institutta avgjer korleis søknad skal skje og om ein skal nytta skjemaet Søknad om bachelor- og masteroppgåve. Dette må då fyllast ut av kvar student og leverast til administrasjonen. 1.4. Instituttet godkjenner endeleg oppgåvetekst og sjekkar at studenten(ane) har tilstrekkeleg progresjon, jfr. 1.8 og 1.9. Instituttet tildeler så fagansvarleg slik at uttak av oppgåva kan skje innan fristen vist i tabell 1. 1.5. Fagansvarleg skal vera tilsett ved Universitetet i Stavanger. 1.6. Ved uttak skal skjemaet Kontrakt for bachelor- og masteroppgåva fyllast ut av kvar student og leverast til instituttadministrasjonen. 1.7. Trekkfrist for bachelor- og masteroppgåver vises i Forskrift om studier og eksamen ved Universitetet i Stavanger 2-9 nr. 6: - Oppgåver som skal leverast i haustsemesteret: Trekkfrist 1. november - Oppgåver som skal leverast i vårsemesteret Trekk før-frist: 1. april - For masteroppgåva i biologisk kjemi, BIOMAS, er trekkfristen sett til 1. november grunna kostbare laboratorieøvingar. 2/10
Munnleg melding om trekk er ikkje gyldig. Dersom ein kandidat som har meldt seg opp til bachelor- eller masteroppgåva, trekkjer seg etter fastsatt frist, eller ikkje leverer oppgåva innan fristen utan gyldig grunn, blir det rekna som framstilt til prøving og det vert rekna som eit forsøk. Kandidaten er sjølv ansvarleg for å dokumentera at trekk før prøving er gjort innan fastsett tidsfrist, jf. Forskrift om studier og eksamen ved Universitetet i Stavanger 2-9 nr. 4. Jamfør Forskrift om studier og eksamen ved Universitet i Stavanger, 2-11 punkt 3 og 8, er det ikkje kontinuasjonseksamen for bachelor- og masteroppgåver. Oppgåve: Bacheloroppgåve Masteroppgåve, 30 stp Masteroppgåve, 60 stp Frist for institutta til å halda informasjonsmøte Frist for utlysing av institutta sine oppgåver Frist for søknad/registrering (gjeld også eksterne oppgåver) Frist for kunngjering av tildelte oppgåver 15/10 1/11 15/3 15/10 1/11 15/3 15/11 1/12 1/4 1/12 15/12 15/4 Frist for formelt uttak av oppgåva 15/1 1/2 15/9 Kva semester oppgåva går over Vår Vår Haust og vår Trekkfristar for oppgåver som skal leverast i vårsemesteret Trekkfristar for oppgåver som skal leverast i haustsemesteret Tabell 1: Oversikt over relevante datoar for bachelor- og masteroppgåva 1/4 1/4 1/4 (eller 1/11 for BIOMAS) 1/11 1/11 1/11 (eller 1/4 for BIOMAS) 3/10
1.8. For å ta ut ei bacheloroppgåve, må studenten(ane) ha oppfylt eitt av krava under: - bestått minst 100 studiepoeng i samsvar med godkjent utdanningsplan pr. 15. oktober, eller - bestått minst 130 studiepoeng i samsvar med godkjent utdanningsplan pr. 15. januar. - For lektorprogrammet i realfag gjeld eigne reglar. Sjå emnebeskriving. 1.9. For å kunne ta ut ei masteroppgåve på 30 studiepoeng, må studenten ha oppfylt eitt av krava under: - bestått opptakskrava til det toårige masterstudiet og ha bestått minst 50 studiepoeng i samsvar med godkjent utdanningsplan pr. 15. oktober, eller - bestått opptakskrava til det toårige masterstudiet og ha bestått minst 80 studiepoeng i samsvar med godkjent utdanningsplan pr. 15. januar. - For lektorprogrammet i realfag gjeld eigne reglar. Sjå emnebeskriving. 1.10. For å kunne ta ut masteroppgåva på 60 studiepoeng må studenten ha bestått minst 40 studiepoeng i samsvar med godkjent utdanningsplan pr. 15. august. 1.11. Oppgåva skal normalt gjennomførast i vårsemesteret, i siste semester etter utdanningsplanen. Masteroppgåver på 60 studiepoeng går over dei to siste semestra. 1.12. Det må sendast ein grunngitt skriftleg søknad til instituttet dersom ein må endra tidsrommet for gjennomføring av oppgåva. Dersom studenten blir gitt høve til å skrive oppgåva i eit anna tidsrom, må det setjast opp ein individuell tidsplan for uttak og gjennomføring. For ei bacheloroppgåve skal det vera 4 månader mellom uttaks- og innleveringsfristen. For ei masteroppgåve på 30 stp skal denne tida vera 4.5 månader og for ei masteroppgåve på 60 stp skal tida vera 9 månader. For å kunne ta ut ei bacheloroppgåve på 20 studiepoeng på høstsemesteret, må studenten ha bestått opptakskrava til det treårige bachelorstudiet og ha bestått minst 130 studiepoeng i samsvar med godkjent utdanningsplan pr. 15. juni. For å kunne ta ut ei masteroppgåve på 30 studiepoeng på høstsemesteret, må studenten ha bestått opptakskrava til det toårige masterstudiet og ha bestått minst 80 studiepoeng i samsvar med godkjent utdanningsplan pr. 15. juni. For å kunne ta ut ei masteroppgåve på 60 studiepoeng på vårsemesteret, må studenten ha bestått opptakskrava til det toårige masterstudiet og ha bestått minst 40 studiepoeng i samsvar med godkjent utdanningsplan pr. 15. juni. 4/10
Søknad om endra tidsrom for gjennomføring av oppgåva, og individuell tidsplan for uttak og gjennomføring, skal avgjerast og godkjennast av instituttleiar. Merk at for studentar som blir gitt høve til å skriva bacheloroppgåva i haustsemesteret, og der TEKBAV, Vitskapsteori og etikk-essay inngår som obligatorisk arbeidskrav, må dette vera fullført vårsemesteret før ein tar ut bacheloroppgåva. 5/10
2. Arbeidet med oppgåva 2. 2.1. Omfanget av ei bacheloroppgåve er 20 studiepoeng. For lektorprogrammet gjeld eigne reglar. 2.2. Inntil tre studentar kan samarbeida om ei bacheloroppgåve, mens masteroppgåver på 30 studiepoeng kan utførast individuelt eller i grupper på inntil 2 studentar. Masteroppgåver på 60 studiepoeng må utførast individuelt. For oppgåver som skrivast saman, gis det felles vurdering og karakter. 2.3. Studenten(ane) skal laga framdriftsplan for arbeidet. I tillegg skal studenten(ane) laga skriftlege statusrapportar med jamne mellomrom avtalt med fagansvarleg og eventuell rettleiar. 2.4. Studenten har rett til fem rettleiingsmøte med fagansvarleg gjennom semesteret i tillegg til rettleiingsmøte i eventuell bedrift. 2.5. Fakultetet har i tillegg til reglane gitt ut skrivet Vegvisar for bachelor- og masteroppgåva som mellom anna gir utfyllande kommentarar til reglane. Institutta kan ha supplerande retningslinjer. 2.6. Studentane pliktar å setja seg inn i gjeldande HMS-regelverk ved instituttet før oppstart av eksperimentelt arbeid. 2.7. Det faglege innhaldet i oppgåva står for studenten(ane) si eiga rekning. 2.8. Kjelder skal nyttast i samsvar med fakultetet sine retningslinjer for dette, sjå kap. 3.4 i Vegvisar for bachelor- og masteroppgåva. Brot på dette blir vurdert som fusk, jf. Forskrift om studier og eksamen ved Universitetet i Stavanger 5-1 og 5-2. 6/10
3. Innlevering 3. 3.1. Bacheloroppgåva har eit omfang på 20 studiepoeng. Inkludert i dei 20 studiepoenga vil det vera ein obligatorisk studiedel som omhandlar vitskapsteori og etikk. Denne delen må vera bestått for å få levera sjølve bacheloroppgåva. For studentane som går på bachelorprogrammet i biologisk kjemi, er oppgåva 20 studiepoeng utan studiedelen om vitskapsteori og etikk. For lektorprogrammet i realfag gjeld eigne reglar. Se emnebeskriving. 3.2. Innlevering av oppgåva skal skje elektronisk i Inspera innan klokka 14:00 ved frist vist i tabell 2. Masteroppgåva skal i tillegg leverast i databasen BRAGE innan frist vist i tabell 2. Oppgåve: Bacheloroppgåve Masteroppgåve, 30sp Masteroppgåve, 60sp Frist for innlevering og registrering i Brage Frist for innlevering til sensur 15/6 15/6 15/5 15/6 15/6 Frist for institutta til å skaffa sensor 1/3 1/3 1/3 Vurderingsfrist 6 veker 12 veker 12 veker Tabell 2: Oversikt over fristar for innlevering og sensurering for bachelor- og masteroppgåver 3.3. Skjemaet Framside skal vera standard framside. 3.4. Oppgåva skal som hovudregel vera open, men kan etter søknad haldast konfidensiell, normalt inntil 2 år og maksimalt i 5 år, sjå punkt 5.5. Dersom søknaden om konfidensialitet blir godkjent, skal framside/side 1 vera raud. 7/10
3.5. Ei bachelor- eller masteroppgåve kan som hovudregel bare leverast inn ein gong, jf. Forskrift om studier og eksamen ved Universitetet i Stavanger 2-10 nr. 4. Dersom ein student vil betra karakteren sin, må han/ho senda ein grunngitt søknad om dispensasjon. Siste frist for å søka om dispensasjon er den same som fristen for oppmelding til prøving. Søknad blir avgjort av dekan sjølv. I slike tilfelle kan ein ikkje gi studenten høve til å omarbeida ei tidlegare innlevert oppgåve, jf. Forskrift om studier og eksamen ved Universitetet i Stavanger 2-10 nr. 4 punkt a). Oppgåva skal ha nytt tema og ny tittel. NB! Dette blir teljande som andre og siste forsøk. Dispensasjon for eit tredje forsøk kan ikkje gjevast. 3.6. Dersom ei bachelor- eller masteroppgåve blir vurdert til karakteren F, har studenten(ane) ein frist på 14 dagar etter at sensur er registrert til å levera søknad om anten omarbeiding eller ny oppgåve, jf. Forskrift om studier og eksamen ved UiS 2-10 nr. 4 punkt b): En kandidat som ikke har bestått utøvende eksamen, bachelor- eller masteroppgaven kan etter søknad innvilges et 2. forsøk. I slike tilfeller kan bachelor- eller masteroppgaven leveres inn i bearbeidet form eller det kan leveres en helt ny oppgave. Denne skal da leveres innen fastsatt frist, og blir tellende som et nytt eksamensforsøk. Søknad skal leverast til fakultetet og behandlast av dekan sjølv, jf. Forskrift om studier og eksamen ved UiS 2-10 nr. 5. Fakultetet kan gje student(ane) inntil ein månad på å omarbeida oppgåva. Etter fristen fell alternativet om å bearbeida oppgåva vekk og studenten må eventuelt søkja om å få skriva ei ny oppgåve jamfør punkt 3.5. Eit eventuelt nytt forsøk nyttast ved neste ordinære oppgåvesemester. 3.7. Det kan søkjast om utsett frist på innlevering av bachelor- og masteroppgåva ved gyldig fråver. Søknader blir avgjort av dekan sjølv. Ein kan ikkje innvilga lengre frist enn kva fråversårsaka tilseier (Forskrift om studier og eksamen ved Universitetet i Stavanger 2-12). I følgje reglar og vilkår for godkjenning av gyldig fråver, punkt 2.i, kan gyldig fråver definerast som Andre forhold som gjør det sterkt urimelig at studenten gjennomfører en vurdering. Søknad må dokumenteras og vera administrasjonen i hende seinast 14 dagar før innleveringsfristen. Søknader som blir levert seinare enn gitt frist, blir vurdert dersom årsak til søknaden oppstod etter fristen. 8/10
3.8. Ved behov for særskilt tilrettelegging, kan det innvilgast inntil 1 månad ekstra tid på ei bacheloroppgåve og inntil 2 månader på ei masteroppgåve. I helt spesielle tilfelle kan ein innvilga utvida tid utover dette. Det må søkjast innan gitte fristar, og søknaden må dokumenterast. Det er utdanningsavdelinga som avgjer kva for slags særskilt tilrettelegging som blir innvilga (Forskrift om studier og eksamen ved Universitetet i Stavanger 3-3 punkt 1 og 6). 4. Vurdering 4. 4.1. Institutta skaffar sensorar innan frist vist i tabell 2. 4.2. Vurdering skjer på grunnlag av innlevert oppgåve og eventuell munnleg eksaminasjon av studenten(ane). Sensor og fagansvarleg utfører vurderinga. Ved munnleg eksaminasjon skal fagansvarleg, sensor og eventuelt rettleiar delta. 4.3. Det blir nytta bokstavkarakterar. Fakultetet har eigne retningslinjer for vurdering av oppgåver. Desse er gitt i skrivet Vegvisar for bachelor- og masteroppgåva. 4.4. Vurderingsfristar er som vist i tabell 2. 5. Eigedomsrett og utnytting 5. 5.1. Studenten(ane) har opphavsrett til oppgåva. Studenten(ane) har rett til å publisera oppgåva si, eller delar av denne, som ei sjølvstendig avhandling eller som del av eit større arbeid, eller i popularisert form i ein vilkårleg offentleg publikasjon. Utan samtykkje gjeld dette likevel ikkje materiale som er stilt til disposisjon av ei bedrift og som er attgjeve direkte i oppgåva eller i vedlegg til denne. Tilsvarande samtykkje krevjast av fagansvarleg for materiale han har stilt til disposisjon. 9/10
5.2. Dei innleverte eksemplara av oppgåva med teikningar, modellar og apparatur, så vel som dataprogramvare som inngår som del av eller vedlegg til oppgåva, tilhøyrar UiS. UiS kan fritt framstilla kopiar av heile eller delar av oppgåva med vedlegg til undervisnings- og forskingsformål. På kvart eksemplar skal studenten(ane) namngjevast slik lov og god skikk tilseier. 5.3. Ei bedrift eller ein institusjon som har bidrege ved utarbeidinga, har krav på å få eit eksemplar av oppgåva med vedlegg, og kan få opplyst UiS si vurdering av oppgåva. Bedrifta eller institusjonen kan nytta innhaldet av oppgåva i verksemda si. 5.4. Ved ein kvar bruk utover det som er spesifisert i 5 pkt. 5.1-5.3, må det inngåast avtale mellom UiS, eventuell bedrift og studenten(ane). 5.5. Student(ar), rettleiar eller bedrift/institusjon som har bidrege, kan søkja oppgåva sperra for offentleggjering normalt inntil 2 år og maksimalt i 5 år. I søknaden må det sannsynleggjerast betydeleg skadeverknad av offentleggjering. Ved sperring må det inngåast eigen avtale. Fakultetet har utarbeidd Avtale om bandlegging av bachelor- og masteroppgåva som kan nyttast her. 5.6. Søknader om bandlegging av oppgåver skal normalt vera mottatt på instituttet ved formelt uttak av oppgåva. Dersom det likevel kjem opp behov for sperring undervegs i arbeidet, må søknad vera mottatt av instituttet seinast innan 14 dagar før innleveringsfristen. Sperring i inntil 2 år kan avgjerast av instituttleiar etter tilråding frå fagansvarleg. Søknader utover dette må avgjerast av dekan. 10/10