STYRINGSGRUPPA FEKK 12. JUNI INFO FRÅ ARBEIDSGRUPPER INFOBREV 5 / 18 MØTE MED EIN ORDFØRAR HARALD OFFERDAL FORVENTNINGAR TIL NY KOMMUNE FIRE FRÅ LEIKANGER DET ER BERRE 77 DAGAR TIL PERSONALSAMLINGA VÅR, OG 1 ÅR OG 28 VEKER TIL VI VERT EIN FELLES STORKOMMUNE. DET VERT KJEKT Studietur og møte i fellesnemnda 5.-6. juni Fellesnemnda handsama saker som delegeringsreglement, Bli kjent-fond, Kommunikasjonsstrategi og Rutetilbod 2019. Det kom innspel om bruk av mikrofon og strøyming av desse møta. Vidare vart informasjon om gebyr ei sak nemnda skal komme tilbake til. Budsjett skal opp til handsaming 20. september 2018. Side 3: Deler av toppleiinga er på plass
Helsing frå prosjektrådmannen Kjære tilsette, Prosjektet NYE SOGNDAL er i full gang på fleire plan. Politikarar har vore på ein nyttig tur, administrativt har vi delteke på seminar om kommunesamanslåinga. I går fekk administrativ styringsgruppe ein grundig gjennomgang av gruppene sitt arbeid. Det er mykje godt arbeid. Vidare i prosessen skal me involvera fleire tilsette i ulike undergrupper. I Nye Sogndal vert det viktig med medarbeidarinvolvering når me skal sjå etter gevinstrealisering og risiko- og sårbarheitsanalyser ved ulike tiltak. Det er med glede me har lansert ei eiga Facebookside NYE SOGNDAL KOMMUNE. Eg håpar at du som tilsett går inn og «likar» sida vår, samt følgjer den. Her vil det kome fleire innlegg i veka, stundom dagleg. Du vil finna lenkjer til heimesida med meir utfyllande info. Me kjem snarleg til å lyse ut økonomisjefstilling og kommunalsjefstilling for helse og sosial. Bak i infobrevet finn du fire av oss som er i den nye toppleiargruppa. Beste helsing Stig Arne
TOPPLEIARGRUPPA BYRJAR Å KOME PÅ PLASS Prosjektrådmann har fått fullmakt til å rekruttera ny overordna leiargruppe og føreta innplassering av personar i stillingar. Ein har gjennomført samtalar me alle overordna leiarar der ein har kopla på eksternt rekrutteringsbyrå som har gjennomført testar, intervju og kome med tilråding til prosjektrådmannen. Dei hovudtillitsvalde har vore kopla på i prosessen. For nye Sogndal kommune vert det lyst ut to nye toppleiarstillingar: Økonomisjef og Kommunalsjef for velferd, helse/sosial. Ole Gunnar Krakhellen (kommunalsjef i Sogndal) vert ny kommunalsjef for Oppvekst i den nye kommunen frå 2020. Marit Hagevik (kommunalsjef i Sogndal) vert ny kommunalsjef for fellestenester (mellom anna IKT, kommunetorga, arkiv, personal, løn, stab med meir). Arne Abrahamsen (kommunalsjef i Balestrand) vert ny kommunalsjef for plan, næring, teknisk, areal, drift mm i den nye kommunen. Den nye kommunen skal ha særskilt fokus på kultur og folkehelse og skal vidareutvikle, modernisere og løfte det kulturelle for alle aldersgrupper. Me har mykje godt og felles som me kan vidareutvikla og byggje vidare på, og kultur er viktig for folkehelse, trivsel, attraktivitet med meir. Prosjektrådmann har difor bede kommunalsjef i Sogndal, Jon Tvilde, om å ta på seg ansvaret som kulturleiar i den nye kommunen. Jon Tvilde har brei erfaring og kompetanse innan nasjonalt og internasjonalt kulturarbeid. Rådmann Jostein Aanestad har sjølv ønska å få ei utviklarrolle innan felta sentrumsutvikling, strategi, arealplanlegging, næringsutvikling, interkommunalt samarbeid med meir. Aanestad har god kompetanse innan desse områda, der Nye Sogndal skal freiste å styrka sin vekst og utvikling. Aanestad får plassering i rådmannen sin stab. Stig Arne er stolt og glad for at ein så langt kan presentere dei tre andre i overordna leiargruppe, og han er audmjuk og glad for at ein har fått så godt lag med mykje erfaring, kompetanse, mot og høge ambisjonar. I tillegg har ein sikra nye Sogndal sterk og solid kompetanse innan kultur og stab/støtte. Dei to stillingane kommunalsjef (helse/sosial/velferd) og økonomisjef vert lyste ut snarast. Kommunalsjefane vil ha fokus på dagens jobbar enno ei stund, men vil gradvis verte involverte noko meir inn mot den nye kommunen. Dette skjer i tett dialog med den einskilde og med dei respektive rådmennene. Fire av dei nye i toppleiargruppa: Frå venstre Stig Arne, Marit, Arne og Ole Gunnar
Møte med ein ordførar Harald Offerdal Balestrand kommune 1) Kva stilling hadde du før du vart ordførar? Seniorrådgjevar i fylkesrådmannen sin stab. 2) Når vart du ordførar? Oktober 2011 3) Kva bil køyrer du? Hybrid BMV 225xe 4) Når du ikkje er på jobb, kva favoritthobby har du? Det blir ikkje mykje tid til å dyrke hobbyar. Har ein hund som krev sitt, elles koplar eg av med fotball og anna sport på TV. 5) Favorittfilm? Gjøkeredet med Jack Nicholson 6) Favorittmusikk? Led Zeppelin og Jimi Hendrix, men lyttar til det meste 7) 3 stikkord om kva du ønskjer for den nye kommunen vår? 1. at me maktar å byggje noko nytt og ikkje er ein kopi av det som er i dag 2. at kommunen blir ein god og inkluderande plass å bu, der alle deler av kommunen blir ivaretekne 3. at me grip dagen og det store potensialet som ligg i den nye kommunen 8) Kva set du mest pris på i samarbeidet med dei to andre ordførarane? Dei er rause, inkluderande, har humor og tek ikkje seg sjølve høgtideleg. Harald svarar på spørsmål frå elevane ved Leikanger ungdomsskule 31.05.
13. JUNI 2018 NYE SOGNDAL KOMMUNE Fire frå Leikanger om kva dei forventar av den nye kommunen Nils Menes (63) meiner noko av det viktigaste er at me får behalda eit godt helsevesen. Ein må ha gode omsorgstilbod, og meir tid til dei eldre. Kommunen må yta gode tenester, og legge til rette for bustad- og næringsutvikling. Me må prøva å behalda alle «krakkakarane» (offentlege arbeidsplassar) seier Nilsemann. Carina Norum Husabø (10) håpar at vi får fleire basseng, og at me fortsatt skal ha gode fritidsaktivitetar. Ho håpar at det kan bli turntilbod i Leikanger og Balestrand slik det er i Sogndal, og at skulane kan få nettbrett som elevane kan ta med heim og gjere lekser på. Linda Strand (27) forventar at ein ser endringar og at kommunen blir betre og meir robust. Ho håpar alle lokalsamfunna vert prioriterte, og at ein får behalda tenestene der dei er i dag. Linda håpar det vert arbeidd for å behalda arbeidsplassar og at den nye kommunen kan få tilført fleire oppgåver frå sentralt hald. Med ein ny og større kommune får vi fleire folk til å løysa oppgåver. Det er positivt. Samtidig må ein ha tenester der folk bur. Det er viktig seier Esknder Resom (33) år. 5
13. JUNI 2018 NYE SOGNDAL KOMMUNE Kva skjer framover: 13. juni: Ordførarane Offerdal og Aarvoll møte om nye Sogndal kommune ved Sygna vgs. 14. juni: Kommunestyremøte Sogndal 14. og 15. juni: Prosjektkoordinator deltek på administrativt nettverk for kommunesamanslåingar i vest. 15. juni: Møte i Sogn regionråd 18. juni: Dei tre ordførarane møter elevane ved Sagatun skule om kommunereforma 19. juni: Informasjonsmøte om redningsskøyta som vert stasjonert på Leikanger 21. juni: Kommunestyremøte Balestrand 22. juni: Ordførar Offerdal deltek på generalforsamling i Kunstbygda AS 25. juni: Ordførarar og prosjektrådmann møter byrådsleiar Harald Schjelderup og representantar frå Bergen kommune, for å vidareutvikla samarbeid mellom nye Sogndal kommune og Bergen kommune Elles finn de oppdateringar og nyhende på: Facebook: www.facebook.com/nyesogndalkommune Heimeside: www.nye.sogndal.kommune.no 6