2014
Et sunt året rundt Hugs refleksvest! Miniputt turnering 2014
Velkommen til ein ny sesong! Sogn og Fjordane Fotballkrets ønskjer alle miniputtar velkommen til ein ny sesong. Kongleriket miniputt turneringar gjev tette arrangement, med godt samspel mellom barn, trenarar og foreldre. Kretsen ønskjer i lag med klubbane å nytte turneringane til positivt haldningsskapande arbeid. Vårt mål er at så mange miniputtar som mogeleg skal få eit flott fotballtilbod og oppleve mestring og trivsel i trening og kamp. SFFK skal i år gjennomføre ca. 20 klubbkveldar, geografisk fordelt i heile fylket. Målet er å sette fokus på barnefotballen sine verdiar og verkemiddel. Ta kontakt med kretsen om De vil ha besøk. Fotball er den største idretten i Noreg, og er den klart raskast veksande idretten for jenter. Kretsen sitt mål er å få med like mange jenter som gutar, og vi utfordrar kvar einaste klubb til å stille med reine jentelag, og å gje likeverdige tilbod. iputt ring I frå 2014 skal klubbane gje eit treningstilbod til 5-åringane i eigen klubb/kommune. Året etter, når spelarane er 6 år, er aktiviteten fullt integrert i Kongleriket konseptet. Det betyr at gutar og jenter i alderen 6-10 år er inkludert i Kongleriket konseptet. Målet i 2014 er at alle klubbar, som har nok miniputtutøvarar i årsklassa skal stille. Eit overordna mål for fotballkretsen er at klubbane, så langt mogeleg, stiller reine gute og jentelag. Miniputt turneringane er kretsen sitt obligatoriske tilbod i miniputt, men i løpet av 5 år med minifotball må vi ha progresjon, og i frå 2011 har vi hatt frivillig seriespel for 9-10 åringar. Tilbodet er populært, og SFFK meiner at alle 9-10 års lag bør delta i seriespel i tillegg. SFFK har i samarbeid med vår hovudsamarbeidspartnar Sparebanken Sogn og Fjordane laga retningslinjer for gode arrangement. Kampar og turneringar er ein svært viktig del av barna sin aktivitet, og vi veit gode opplevingar gjev mykje motivasjon. Kretsen har kvar turneringsrunde fokus på haldningsskapande arbeid. Alle arrangørar skal gjennomføre Fair Play, frukt og grønt sal/sunne kioskalternativ, «barn hjelper barn» og trafikktrygging, men kvar runde har i tillegg eit særskild hovudfokus. Tida er no inne for å måle krefter med andre, men hugs at over kampen om sigeren står respekten for kvarandre, andre spelarar, leiarar og dommarar. Hugs at Fair Play er meir enn gule og raude kort, det handlar om framferda mot andre. Ha ein feiande flott sesong, og vi vonar at fotballengasjement, glede og flotte arrangement gjer at endå fleire unge får lyst til å vere med. Sogn og Fjordane FK Robert Endestad Kretsleiar Svein Olav Myklebust Dagleg leiar
Datoar for årets arrangement 1. Søndag 11. mai Hovudfokus: Fair Play 2. Søndag 15. juni Hovudfokus: Frukt og grønt 3. Søndag 31. august Hovudfokus: Barn hjelper barn 4. Søndag 21. september Hovudfokus: Trafikksikker klubb Vi ønskjer at Meir Idrett, trafikktryggleik og Fair Play er tema på alle turneringar, men vi har eit særskild hovudfokus for kvar turnering. I tillegg vil vi at alle arenaer skal vere røykfrie.
Barnefotballkveld for trenarar i klasse 6-12 år SFFK skal i 2014 arrangere barnefotballkveldar for trenarar i miniklassane i alle kommunar i fylket. Ein klubb vert sett opp som arrangør og alle klubbane i kommunen/regionen vert innvitert. Tema for desse kveldane er trening av spelarar i barnefotballen. Fagkveldane vil innehalde litt teori og ei praksisøkt. Opplegget er bygt opp av NFF sentralt. Det er ein del av NFF si satsing på å auke kvaliteten i barnefotballen rundt om i heile landet. SFFK brukar sine beste instruktørar i barnefotballen på desse fagkveldane. Dersom du ikkje har høyrt noko frå klubben din om ein sånn kveld kan ein kontakte SFFK. SFFK tilbyr i også fleire einkveldsmodular og enkle trenar/leiarkurs rundt barnefotball. Interesserte klubbar kan kontakte SFFK. 1 tonn
Årets arrangementplassar SOGN 1 Turnering Dato Jotun 11.05 Årdalstangen 15.06 Aurland 31.08 Lærdal 21.09 SOGN 2 Turnering Dato Kaupanger 11.05 Bjørn 15.06 Hafslo 31.08 Sogndal 21.09 Luster, Norane SUNNFJORD 2 Turnering Dato Eikefjord 11.05 Tambarskjelvar 15.06 Florø 31.08 Førde 21.09 Svelgen, Kvammen NORDFJORD 1 Turnering Dato Breimsbygda 11.05 Sandane 15.06 Vikane 31.08 Jølster 21.09 IL Brodd, Hyen I minifotballen skal det spelast 5ar fotball. SFFK ber om at arrangørane organiserar turneringane med seks baner. Ein kan gjerne spele med ulik storleik på banene, slik at dei minste spelar på mindre bane enn dei største, t.d. variere frå 20x40 og ned til 15x30. Fleire baner gjev meir speletid for laga, og mindre baner for dei minste gjev meir ballkontakt. God organisering gjev altså auka kvalitet. Elles håpar vi at arrangørane kan lage kampoppsett som gjev like mange kampar på kvart lag og at laga får møte nye lag frå andre klubbar, som deltek i turneringa. Miniputtane bør spele minimum 3 kampar og samla speletid bør vere omlag 60 minutt.
SOGN 3 Turnering Dato Høyang 11.05 Vik 15.06 Syril 31.08 Balestrand 21.09 Vadheim, Kyrkjebø SUNNFJORD 1 Turnering Dato Dale 11.05 Gaular 15.06 Hyllestad 31.08 AHIL 21.09 Atløy, Fure, Viksdalen, Lavik, Bjordal, Bulandet NORDFJORD 2 Turnering Dato Loen 11.05 Eid 15.06 Stryn 31.08 Hornindal 21.09 Oppstryn, Olden, Veten, Heia NORDFJORD 3 Turnering Dato Skavøypoll 11.05 Selje 15.06 Stadlandet 31.08 TMFK 21.09 Haugen, Bremanger, Stårheim, Kjølsdalen, Flatraket, Leirgulen/Davik, Ålfoten Vi tek atterhald om korrigeringar, sjå www.sffk.no
Hovudfokus 1 HOVUDFOKUS SØNDAG 11. MAI: Fair Play Med Fair Play skal vi styrke fotballen si rolle som formidlar av positive verdiar til barn og unge. Fair Play er mykje meir enn gule og raude kort. Det handlar om respekt, og vår framferd på og utanfor bana. SFFK vil vere tilstades med representantar på alle miniputturneringane Tiltak på miniputturneringa: Arrangør har eit hovudansvar for å følgje opp retningslinjer for Fair Play og stimulere til god framferd gjennom eit godt og velordna arrangement. Arrangør skal bruke kampvertvestar og vere eit godt vertskap for publikum, eigne og gjestande lag. Foreldrevettreglane er eit lite kort som blir delt ut på cupar, turneringar og fotballskular. Målet er å påverke foreldre og føresette til å vise ein sunn og fornuftig oppførsel på sidelinja. Les meir om foreldrevettreglane bak i brosjyren. Fair Play helsing skal gjennomførast etter alle kampar. Laga stiller opp på to rekker på midten i lag med lagleiar/trenar og dommar. Heimelag går forbi og handhelsar. Alle arrangørar bør ha synleg Fair Play profilering på stadion i form av flagg, banner, skilt, o.l. Fair Play logo brukast på invitasjonar, kampoppsett og nettside.
Hovudfokus 2 HOVUDFOKUS SØNDAG 15. JUNI: Frukt og grønt Sogn og Fjordane FK ønskjer å stå for sunne verdiar og godt kosthald. I lag med Sogn og Fjordane fylkeskommune, Fylkesmannen i Sogn og Fjordane og Opplysningskontoret for frukt og grønt tilbyr vi no ei grøn kioskløysing, som også gjev god økonomi. Vi oppfordrar difor arrangørar om å selje frukt og grønt på alle miniputturneringar i 2014. Gå inn på www.frukt.no/5-om-dagen-idrett for å bestille startpakke og få råd og vink. SFFK støttar alle større fotballtiltak (dvs. cupar og turneringar) med opp til kr 500,- (etter rekning). Send inn søknad om refusjon til hildegunn.hove@fotball. no med informasjon om type arrangement, dato og kvittering på innkjøp av frukt. Bama held fram med rabattordninga som sikrar idretten 60% refusjon ved kjøp av frukt og grønt (mot kvittering). Les alt om ordninga på www.bama.no. Tiltak på miniputturneringa: Frukt og grønt kan seljast i kiosk, telt, på stand, eller med mobile brett. Profileringsutstyr kan bestillast via www.bama.no eller www.frukt.no Er du førstegangsbrukar og framleis usikker? Då er Hildegunn i fotballkretsen klar til å hjelpe deg. Ring 57 62 87 00 eller bruk e-post hildegunn.hove@fotball.no. REMA 1000, Meny, Matvarehuset Ultra, CC Mat, Jacobs, Joker, Kiwi, Centra, Spar og Eurospar. BAMA refunderer 60% til idrettslaget mot innsendt kvittering og faktura. Sjå www.bama.no
Hovudfokus 3 HOVUDFOKUS SØNDAG 31. AUGUST: Barn hjelper barn SFFK vidarefører bistandsprosjektet Barn hjelper Barn i 2014, kor vi rettar fokus på miniputtane i Hong Tien i Vietnam. Hong Tien i Hue-provinsen, ligg midt i eit område kor det var harde kampar under Vietnamkrigen, frå 1954 til 1975. Området kryr av ueksploderte bomber og granatar, og dette utgjer eit trugsmål, særleg for barna. Befolkninga i dette området består av ulike minoritetsgruppar og fattigdommen er særs stor. NFF og Football for all in Vietnam (FFAV) har starta fotballklubbar for barna i barneskulen, der barna har fått ein bane å vere på (fri for minar), det er rydda vegar som er trygge å gå på, og barna får opplæring i korleis dei kan oppdage og gjenkjenne miner. Medlemskontigenten er på 60 øre i månaden, men i Hong Tien har mesteparten ikkje råd å betale. I 2011 vart det for første gang arrangert turnering i området, kor barna gikk i opptog på trygge stiar gjennom jungelen for å komme til bana. SFFK utfordrar miniputtlaga i Sogn og Fjordane til å samle inn litt pengar/arrangere tiltak til inntekt for barna i Hong Tien, gjerne under seriekampar eller andre arrangement i regi av klubben. Hugs å ta bilete frå tiltaka. Tiltaka bør vere avslutta til 01.09, men det er sjølvsagt lov å arrangere tiltak også seinare. I runde 3, den 31.08, vil SFFK ha eit eige opplegg på våre 8 turneringar. SFFK får med gode samarbeidspartnarar til å løyve kr.1,- pr.scoring, kor pengane uavkorta går til prosjektet i Hong Tien. Vi håpar også at arrangørar kan sette ekstra fokus på prosjektet denne dagen. Meir info blir gitt i eiga brosjyre. NYTT! No kan klubben din få ein eigen venskapsklubb i Vietnam! Målet er å få nye vener på tvers av landegrenser og få ei felles forståing for ulike kulturar og levesett. Ta kontakt med Hildegunn i SFFK, hildegunn.hove@fotball.no, tel: 57 62 87 00, for meir informasjon, eller sjå www.sffk.no. Konto for innsamla midlar: 3705.19.42214
Hovudfokus 4 HOVUDFOKUS SØNDAG 21. SEPTEMBER: Trafikksikker fotballklubb Sogn og Fjordane FK samarbeider med Fylkestrafikktryggingsutvalet og Trygg Trafikk om å gjere transport til og frå trening og kamp så trygg og god som mogeleg. Sjå meir om vårt tryggleiksarbeid på vår heimeside www.sffk.no. Ein arrangør må ha fokus på følgjande: Parkering Alle miniputtarrangørar skal fokusere på trygg og ordna parkering. Parkeringsvakter skal ha vestar og syne veg til trygg og ordna parkering. Bilar på kryss og tvers, kombinert med små ivrige fotballspelarar er ein farleg kombinasjon. Arrangørar kan bli nekta å få terminfesta turnering, om dei ikkje kan syte for parkeringsareal med aktive parkeringsvakter. Spot Kvar arrangør vil i forkant av arrangementet få tilsendt ein trafikktryggleiks spot med oppfordring om bruke bilbelte. Denne skal lesast opp 2-3 gonger i løp av arrangementet, og spesielt før heimreise. Refleks til alle i runde 4 I runde 4 deler SFFK i lag med samarbeidspartnarar ut refleks til alle deltakarane, slik at borna er klar til å møte haustmørke. Tips for ei god og trygg reise 1. Kollektiv transport til kamp Bruk klubb-buss eller fast avtale buss/drosjeselskap 2. Ved privat køyring/foreldrekøyring til kamp Ansvarleg reisekoordinator Køyr i følgje Bruk erfarne sjåførar Ha god tid til kamp. Køyr til avtalt tid. Somling skapar stress. Bruk bilbelte Sei ifrå Alkohol/rus og idrett høyrer ikkje saman Ikkje driv øvingskjøring med andre spelarar i bilen
God planlegging er halve gleda FØR TURNERING Invitasjon til laga 14 dagar før. - Bruk tilsendt invitasjonsmal frå SFFK for utsending - Hugs reine gute/jenteklassar så langt det er muleg - Prøv gjerne å få med nye lag! - Femåringane kan inviterast! Planlegg annonsering/kunngjering og omtale i media Merk opp banene Planlegg kioskdrift (frukt/grønt) Skaffe premiar Innhent diplomar Avtal med speaker Planlegg trygg parkering- ha parkeringsvakter med vest Varsle vakthavande lege om turneringa - Sjekk ut kven som er kretsen sin representant. Ver godt vertskap. Dommarane skal vere skulerte og ha dommarskjorte frå SFE (utdelt frå SFFK), svart treningsbukse/shorts og joggesko/fotballsko. 40m 40m 20m 20m 20m
ARRANGEMENTET Heng opp flagg (klubbflagg, norske flagg) Arrangør ønskjer laga velkommen Gode og reine garderobar Kiosk med fruktsal Organisert parkering God speakerteneste Synlege vakter Hugs Fair Play tiltak Banene må haldast reine (boss, toalett osv.) Førstehjelpsutstyr (båre etc.) Profileringsutstyr som arrangør mottek frå SFFK og Sparebanken Sogn og Fjordane skal plasserast godt synleg Arrangør skal syte for at dommarane brukar tilsendte t-skjorter frå kretsen BANENE Seks godt merka minibaner. Del ei stor bane i seks. Vrimleplass i midten av banene Gode og veltesikre mål. Bruk 2x5m, men 3x2m og 2x4m kan òg nyttast Nok ballar til kamp og oppvarming TERMINLISTE - KAMPGJENNOMFØRING Sikre ca. 1 time speletid samla, td. ved 4 x 13 minutts kampar Sikre at laga får møte motstandarar frå andre klubbar Legg vekt på jamn motstand Legg vekt på likeverdig tilbod på gute/jenteseriar Ikkje bruk resulatservice NB! Alle skal spele like mykje, og det skal rullerast på startoppstilling. Topping av lag er ikkje tillete
Tips til vaksne FORELDREVETTREGLAR: 1. Møt opp på trening og kamp - barna ønskjer det 2. Gje oppmuntring til alle spelarane - ikkje berre ditt eige barn 3. Gje oppmuntring i medgong og motgong 4. Respekter trenar/lagleiar sin bruk av spelarar - seriøse innspel kan du gje etter kampen 5. Sjå på dommaren som ein rettleiar - respekter avgjerdslene 6. Stimuler og oppmuntre ditt barn til å delta - ikkje press 7. Spør om kampen var morosam og spanande - ikkje berre spør om resultat 8. Sørg for riktig og fornuftig utstyr - men ikkje overdriv 9. Vis respekt for klubben sitt arbeid - delta på foreldremøte for å avklare haldninger og ambisjonar 10. Tenk på at det er ditt barn som spelar fotball - ikkje du 11. Vis respekt for andre - ikkje røyk på sidelinja 12. Hugs at barna gjer som du gjer - ikkje som du seier 1 tonn Vi står saman om Fair Play Norsk Tipping og Norges Fotballforbund
Våre miniputtarrangement er sjølvsagt røykfrie! Enten du er mor, far, bestemor, bestefar eller fotballinteressert. Ver ein god rollemodell, og hjelp oss å holde fotballarrangementa røykfrie. TRENINGSTIPS: Bruk få spelarar på kvart lag i treningssamanheng Unngå lange køar på trening - involver barna Gje alle barn lik merksemd Leik, trivsel og utvikling er viktigare enn kampresultat Ein leikprega barnefotball stimulerer ungane til eigenaktivitet Treningstilbod kan gjevast året rundt
Bankkort for barn Bankkortet for våre unge kundar mellom 8 og 13 år. Gratis å bruke både i butikkar og i minibankane til Sparebanken Sogn og Fjordane. Sjå ssf.no/barnekort meirennbank.no