MÅNADSBREV DESEMBER 2014 SYKKYLVEN ROTARY KLUBB http:// sykkysykkylven.rotary.no Charterdato 5. juli 1956 President: Jarle Svindseth Visepresident: Hallstein Lillevik Rotarymøte 3. desember 2014 President Jarle ynkste eit vel møtt til godt frammøte. Olav hadde som vanleg opningsangen for møtet klar. Det var gode 100-års jubilant Prøysen sin song «Jørgen hattemaker.» Det var Oddbjørn sin tur til Rotary-3min.Han fortalde om fjellgjengen som sprang ut av ei gruppe innan Rotaryklubben. Oddbjørn vart medlem i Rotaryklubben i 1980 og i 1984 vart fjellgjengen grunnlagt. Hensikta var at dei ville halde seg i god form og betre kunne ein ikkje oppnå dette enn gjennom årlege turar. Han la også vekt på at ikkje berre eit samhald mellom Rotarykameratar som sers viktig. Men dette også førde til eit nært venskap mellom dei seks medlemane. Turane vart til kjende stader innanlands, men også Zermatt var eit år målet. Dette opplegget gjekk fram til 1999, men har sidan vore mindre regelmessig. Hallstein fekk så ordet til å gjennomføre val av innkomande president for 2015/2016. Han hadde tydeleg gjort eit grundig forarbeid og forslaget om Steven til nemnde verv vart gjennom førd ved akklamasjon. Jarle ville automatisk gå inn i styret som Past president. Knut Henning hadde sagt seg villig til å fungere som sekretær eit år til. Og det same galt også kasserer John Henrik. Ingjerd vert klubbens kontaktperson når det gjeld ungdomsutveksling CYEO. (Club Youth Exchange Officer) Medan Nils Arve tek over ledervervet som CICO. (Club Internet Communication Officer) Olaf med f vert klubben sin ansvarlege for TRF. Hallstein orienterte om tur 12 april neste år. Dette skulle vere i staden for årsfest. Han lova kulturelt innslag og også innlegg om samferdsel. Han helt medvete ein god del tilbake for å vekkje interesse for turen. Hald 12. april fri!!
I sitt innlegg ved presidentens time tok Jarle oss med i i tala si verd. Han gjekk igjennom innbyggartalet i verda frå år 0 fram til i dag. Ved år 0 har ein kome fram til at det var 200 millionar menneske på Jorda. 1804 nådde ein den første milliarden og etter 1960 har folketalet auka med 1 milliard nokså jamt med 12-13 års intercvall. Tankar kring tall fylgjde medlemane heimatt. Referent: Kårstein.
Rotarymøte 10. desember 2014 Medlemane vart ynskte velkomne til nytt Rotarymøte av president Jarle. Olav hadde lagt ut på borda Prøysen sin song «No har vi vaska gølvet «som vart sungen med innleving. Karl tok oss med i sitt Rotary-3 min.bakover i tid og fortalde frå sine 40 år som Rotarymedlem. Han kom serleg inn på det som var merkbar forskjell då og no. Det som var vanleg var at om lag alle medlemane røykte utan nokon restriksjonar. Dette førde sjølvsagt til at etter kort vart lokalet fullt av grå røyk. Den som ofte snakka mot dette var gamlelensmannen Bernt. Drikk heller surmjelk, var rådet hans. Ved budsjettbehandlingane tok han opp forslag om montering av avsug ved kvart bord, men fekk aldri fleirtal for forslaget sitt. Karl si første tid i klubben hadde ein noko som var kalla programfritt møte. Kanskje forløparen for det vi i dag kallar presidentens time.desse møta kunne verte svært spontane og mange gode diskusjonar vart resultatet. Desse diskusjonene saknar Karl i dag. Han hugsar spesielt ei sak som vart teken opp. Skytebane i Velledalen. Då opplevde han at eit medlem sa opp medlemskapet sitt i Rotary pga motsetningane. Det er den einaste utmelding han kan hugse av slik årsak. Så politikk høyrer tydelegvis ikkje i Rotary. Han kom også inn på yrkesforedrag og egoforedrag som var to forskjellige type. Særleg sette han pris på egoforedraga der han fekk lære å kjenne eldre medlemar som fortalde om seg sjølv og bygda. Han hugsa særleg Bernt Tandstad sitt som gjekk over tre møte. Referenten trur at det vart fire møte så Arnold hadde ein stri tørn å få referert alt han fortalde. Han nemnde også klubben sin einaste guverør, Karstein Oddmund Vik, som levde og ånda for Rotary. Roger Kornberg, vårt yngste medlem, hadde denne kvelden sitt yrkesforedrag og sjølvpresentasjon. Hans opphav kom 50 prosent frå Volda og 50 prosent frå Sykkylven. Besteforeldra på farsida var frå Kornberg i Austefjorden, og bestemora var fødd på Ljøen. På morsida kom bestefaren frå Sølmonhaugen på Lade og bestemora kom frå Aukra frå fiskarslekt der. Han ville beskrive seg som arbeidssam og ein maur. Han var også inne på ein interessant metode på ein peronlegheitsvurdering. Han er gift med Jartrud Lillevik og dei har tre born saman.
Hans yrkeskarriere starta med Ove Straumsheim før han kom inn i det militære. Og var innom utdanning i Fredrikstad og enda opp som student på siviløkonomstudiet i Oslo. Første jobb etter ferdig utdanna tok han til i Leif Høegh som han såg på som ein veldig lærerik periode. Der var han i 10 år. Men dei fekk etter kvart lyst til å snu nasa heimatt til Sykkylven. Han vart då tilsett som økonomisjef i Hjellegjerde. Det vart også der 10 år der til han tok til i Odim i Hjørungavåg. Etter tre år kjøpte Rolls Royce opp Odim og arbeider no. Eit sers instruktivt foredrag. Referent. Kårstein
Rotarymøte 17. desember 2014: Julemøte Utmerking til Olav Pileberg Som ein fast tradisjon arrangerer Sykkylven Rotary Klubb Juleavslutningfest siste onsdag før jul. Slik også i år. Jula er tida for tradisjon, og i tråd med denne vart det både Juleoriatorium av Bach, julesanger og 3 minutt- foredrag av soknepresten Helge Standal. Han kom inn på problemstillinger i samband med Julehøgtida. Særleg snakka han om den fred som blir lova oss i Juleevangelia, at dette nok ikkje er meint som fred i det ytre, men ein fred på det indre plan. Vi fekk også eit svært interessant og humoristisk foredrag av Jarle Tusvik der han tok utgangspunkt i møbelgrunderen Jens Ekornes og hans liv og virke. At Jens var ein særs dynamisk, energisk og handlekraftig mann fekk vi mange eksempel på. Kvelden sitt desiderte høgdepunkt var likevel utdelinga av utmerkinga Paul Harris Fellow til Olav Pileberg. Assisterande guvenør John Stennes stod for sjølve utdelinga. Denne prisen blir tildelt rotarianarar som har gjort ein ekstra innsats både innad i Rotarysystemet og elles i det «sivile». Olav er frå Selje i Nordfjord. Han kom til Sykkylven som lærer ved Ullavik Skule. Seinare blei han rektor ved same skulen. Han har vore ein viktig mann for kulturlivet i Sykkylven. I mange år var han dirigent og leiar for Minimessage, eit barnekor frå 9 år til og med 12 år. På det meste var dei fram mot 100 songarar. Det var eit kor med skikkeleg trøkk, som kunne «synge fletta» av dei fleste andre kor når dei tok skikkeleg i. Vidare var han dirigent for Aure Skulekorps i fleire år. For sin innsats var Olav den første som fekk Sykkylven Kommune sin Kulturpris i 1993. Dette for sin innsats sidan han kom til kommunen i 1971. Dei som husker tilbake til 1989 vil huske at det på haustparten blei bygd verdas høgste kransekake, 7,175 m. Dette til inntekt for den planlagte nye kyrkja. Denne rekorden blei registrert i Guiness Rekordbok, 1991. Olav med sin kreativitet var leiar for dette prosjektet. Olav blei medlem i Sykkylven Rotary Klubb i 2002. Han var president i Klubben i Rotaryåret 2010/2011. Om han ville sjølv kunne han nok fortsatt oppover i Rotarysystemet. Innad i Klubben er han kjend som den som tek seg av kultur og sang. Har stor kreativitet og benytter både allsang, karaoke og tekniske innretninger i denne samanheng. Vidare har han æra for at Klubben si heimeside er, etter artikkelforfatteren si meining, mellom dei beste i vårt Rotarydistrikt. Besøk gjerne denne sida: sykkylven.rotary.no
Olav med diplom saman med president i Sykkylven Rotary klubb Jarle Svindseth Ungdomsutveksling ligg hans hjerte nær, og det er slett ikkje Olav si skuld at Klubben har hatt vanskar med å rekruttere utvekslingsstudentar. Vi gratulerer Olav med utmerkinga og så håper vi at Sykkylven Rotary Klubb kan få nytte av hans energi, arbeidskapasitet og kreativitet i mange år framover. Olav med diplom og bevis på at han er ein ekte Paul Harris Fellow. Ref. Jarle S.