Tromsø Nei til EU Invitasjon til åpent møte/ årsmøte for Tromsø Nei til EU Laurdag 11. april 2015 Stad: Stortorget 5, 3. etg: Tid: 11.30 15.00 (Lokala til Fagforbundet avd 177 Tromsø Kommune; samme dør som Tapasrestauranten/heis) Tromsø Nei til EU inviterer til åpent møte og årsmøte 11. april Dagsorden: 11.30: Åpent møte - innlegg og debatt Innleiingar: Kathrine Kleveland, Nei til EUs nye leiar, har sagt ja til sin første tur i nord og innleiar om «EØS utfordrer folkestyre EØS i din hverdag». Peter Ørebech, professor Norges Fiskerihøyskole: Kven eig fiskerettane? Bendik Storvik Nilsen: Rettslege forhold for vårt land ved nye handelsavtalar (TTIP/TISA). Kaffi og kaker. 14.00: Årsmøte 1. Konstituering 2. Årsmelding 3. Reknskap 4. Arbeidsplan og rammebudsjett 5. Behandling av innkomne forslag og uttalingar 6. Val 7. Avslutting Sakspapir vert delt ut ved møtestart. Vel møtt! For styret i Tromsø Nei til EU: Anna Margrete Flåm (leiar)
2. Årsmelding for Tromsø Nei til EU 2014 Styresammensetting arbeidsåret 2014 Leiar Nestleiar Økonomi Styremedlem Styremedlem Varamedlem Varamedlem Varamedlem Anna Margrete Flåm Bendik Storvik Nilsen Sofie Osland Bjarne Johansen Peter Thomas Ørebech Svein Håkon Hansen Iris Hemmingsen Torstein Engelskjøn 2.1 Tromsø Nei til EUs aktivitet Tromsø Nei til EU har hatt omfattande aktivitet i arbeidsåret: 2.1.1. Styremøte: Det har vore 4 møte. På eitt deltok tidlegare leiar i Tromsø Nei til EU, Aud Jektvik, og på eitt organisasjonsekretær i nord, Wibeke Bergheim. Styret hadde noko ekstra arbeid med å få tilgang til lagets bankkonto. Kasserar lukkast å få dette på plass. 2.1.2. 8. mars og 1. mai markering: Tromsø Nei til EU deltok som føregåande år med parole, fane og utdeling av flygeblad på begge arrangement. 2.1.3. Jubiléumsåret 1814-2014/1994-2014: Jubiléumstafetten og Jubiléumsbussen: Tromsø Nei til EU deltok i Nei til EUs landsomfattande stafett med Jubiléumsbussen og sto for 3 typar arrangement: 1) Alle vidaregåande skolar i Tromsø fekk invitasjon til tematimar med innleiing til diskusjon over jubileumsrelevante tema. Skolane som svara ja, fekk besøk av bussens unge reisefølge. Frå lokalt deltok Svein Håkon Hansen. Tiltaket vart meget godt mottatt av elevar og lærarar.
2) Stand på Stortorget: Jubiléumsbussen stilte opp på Stortorget på dagtid. Tromsø Nei til EU baud på jubiléumskake og kaffi. Bussens reiselag stilte til samtale, diskusjon og utdeling av materiell. Representantar frå sentralt deltok med engasjement og kunnskap sammen med Rolf Arne Nicolaisen, Finnmark, (leiar i Fiskeripolitisk utval i Nei til EU) i tillegg til lokale medlemar. Besøket ga høve til gode diskusjonar med forbipasserande. 3) Ope kveldsmøte 8. september på Tromsø Folkebibliotek: Nord-Noreg og verden: 200 år med grunnlov og 20 år med Nei til EU-medlemskap: Råderett og framtid i Nord- Noreg som ressurslandsdel. Serleg fokus vart sett på utvikling av Noregs internasjonale marknadsposisjon 1988-2013; mytar og realitetar. Innleiingar ved Torbjørn Trondsen, professor Norges Fiskerihøyskole, og Rolf-Arne Nicolaisen, fiskeripolitisk talsmann i Nei til EU. Invitert var også fiskeriminister Elisabeth Aspaker og generalsekretær i NFL, Geir Over Ystmark, som ikkje kunne møte. Møtet var godt besøkt. Reportasje i nettavisa Nordlys. Arrangementa vart kunngjort via pressemelding. Bilde av den flotte (og dyre) jubiléumskaka vart oversendt til sentralt bildearkiv over jubiléet i Nei til EU. 2.1.4. Jubileumsåret 1814-2014/1994-2014. Eigne arrangement: Dette skjedde ved 3 tiltak: 1) Internasjonalt Seminar (i samarbeid med FN-sambandet): Tromsø Nei til EU hadde gleda av å få besøk av leiar Heming Olaussen frå Nei til EU som heldt eit spissa og aktuelt foredrag om viktige spørsmål knytt til EU og EØS pr. i dag. Hans motkandidat var Anders Holm Bakke frå den lokale Europabevegelsen. Heile Troms-benken på Stortinget var invitert. SVs Torgeir Knag Fylkesnes stilte og deltok med innlegg. Seminaret hadde godt oppmøte og vekte debatt. 2) Jubiléumsfest laurdag 15. november: «Vi sto han av! Tromsø 1994-2014». I samarbeid med Troms Nei til EU vart det skipa storfest i Kulturhuset med festtale og kulturelle innslag. Frå Tromsø Nei til EU deltok Bjarne Hansen i festkomitéen. 3) Kronikk i avisa Nordlys: I samband med jubiléet hadde Tromsø Nei til EU sammen med leiar i Nei til EU fredagskronikk i avisa Nordlys. Kronikken blei lagt inn på nettsida i Nei til EU.
2.1.5. Fiskeriaksjonen www.stoppranet.no Etter initiativ frå Fiskeridattera (www.fiskeridatter.no) fekk Tromsø Nei til EU sammen med relevante organisasjonar invitasjon til felles aksjon mot Tveterås-utvalet (Sjømatindustriutvalget) si innstilling om ny fiskeripolitikk (NOU 2014:16). Fokus var korleis forslag frå dette utvalet legg til rette for eit EU-likt samfunn på fiskeri-sida som går mot grunnvilkåra i Noregs nei til EU i 1994. Aksjonen fekk namnet og heimesida www.stoppranet.no. Følgjande aktivitetar skjedde: 1) Markering på Stortorget, laurdag føremiddag 17. januar: Alle deltakarorganisasjonane deltok med eigne appellar. 2) Markering på Skarven, laurdags kveld: Innlegg ved alle organisasjonane. Peter Ørebech innleia på vegne av Tromsø Nei til EU. 3) Tromsø-erklæringa: Ei felles erklæring med kritikk mot Tveterås-utvalets forslag vart forfatta, signert av alle deltakande organsisasjonar og sendt til pressa, politiske parti, organisasjonar og politiske styresmakter. Frå Tromsø Nei til EU deltok Peter Ørebech i utarbeiding av erklæringa, og Iris Hemmingsen stilte på signeringa og under Troms Fylkesting si drøfting. Kystplattforma som sto bak erklæringa, ba organisasjonar, politiske parti, kommunar og fylkeskommunar om å behandle erklæringa og å slutta seg til den. Vi ba lokalpolitikarar langs heile kysten om å uttale seg mot Tveterås-utvalets innstilling innan 30. april 2015 og å skrive under på: www.stoppranet.no for å bli med på å få stoppa og omgjort ranet av kysten. I erklæringa heiter det blant anna (klipp frå erklæringa): "Deltakerloven og Fiskesalgslagsloven skal sikre bosettinga og næringsgrunnlaget langs kysten. Havressursloven slår fast at det norske folket i fellesskap eier fiskeressursene. Norske myndigheter, med fiskeridepartementet i spissen, har brutt dette sentrale lovverket gjennom de siste 20 årene med alvorlige konsekvenser for vår landsdel. Departementet har hatt ute på høring et forslag til endringer i Deltakerloven, som blant annet regulerer eierskap til og sammensetningen av fiskeflåten. Lovutkastet som ble lagt fram, vil dersom det vedtas, bety en legalisering av en ulovlig praksis som departementet har utviklet i strid med Deltakerloven. En lovendring vil i praksis bety
at kvoter for første gang blir direkte omsettelige i Norge og med dette fullføres fiskeriadelen sitt ran av allmenningen/folket. Det regjeringsoppnevnte Tveterås-utvalget (Sjømatindustriutvalget) foreslår ytterligere svært radikale endringer i Deltakerloven, med blant annet minst mulige restriksjoner på kjøp og salg av fiskekvoter, valg av fangstteknologi og krav til leveranser til norsk fiskeindustri." Heile erklæringa og høyringsuttalinga frå Nei til EU mot Tveterås-utvalet kan lastast ned frå nettsidene til Nei til EU. 4) I arbeidet mot Tveterås-utvalets innstilling skreiv Peter Ørebech saksinnlegg i aviser og heldt foredrag langs heile kysten. Aksjonen vart godt dekka i Nord-Nytt og i landsdelens aviser. Erklæringa er lagt ut på Nei til EUs info sider sentralt og under nettsida til Troms Nei til EU. 2.1.6. Søknader om økonomisk tilskot: UD-prosjekt 2015 Tromsø Nei til EU sende inn 2 søknader om tilskot, men fekk ikkje prioritet frå Troms Nei til EU i vidareformidling. Det eine forslaget som gjaldt fiskeripolitikk vart sendt parallelt via Rådet for Nei til EU og Fiskeripolitisk utval og fekk tildelt midlar. Det andre gjaldt «Nord- Noreg, Nordområdesatsing og Noregs forhold til EU/EØS» og fekk ikkje tildeling. 2.1.7. Representasjonar. Rådet i Nei til EU: Peter Thomas Ørebech er medlem i Rådet. Landsmøtet i Nei til EU: Svein Håkon Hansen deltok på landsmøtet 2014. Styret sende oppmoding til Troms Nei til EU om å prøve å få til deltaking frå Tromsø Nei til EU sine styremedlemar til framtidige landsmøte på grunn av den viktige politiske og organisatoriske tyngda eit landsmøte har. 2.3 Medlemstal Medlemar pr. 16. mars 2015 Medlemar i Tromsø Nei til EU 395
Betalande medlemar Tromsø Nei til EU Til sammenlikning hadde Tromsø Nei til EU pr. 31. desember 2013, 376 medlemar, derav 343 betalande. 2.4 Media Tromsø Nei til EU har hatt innlegg i avisene som nemnt over. 2.5 Studentar mot EU Tromsø Nei til EU inviterte Studenter mot EU til samarrangement om Internasjonalt Seminar hausten 2014. 4. Arbeidsplan for Tromsø Nei til EU 2015 4.1 Grunnlag Nei til EU arbeider mot at Noreg skal bli innlemma i EU og mot at det norske samfunnet skal tilpassast den samfunnsforma EU-systemet medfører. Nei til EU arbeider for at Noreg skal ha ein fri og sjølvstendig rolle i internasjonal politikk utafor EU. Nei til EU arbeider for at grunnleggande demokratiske verdiar skal ivaretakast og at våre naturressursar skal forvaltast og utviklast av norske styresmakter og institusjonar. Nei til EU arbeider for eit rettferdig og likeverdig internasjonalt samarbeid, der Noreg har ein aktiv rolle. Organisasjonen Nei til EU har to viktige rollar i det norske samfunnet. På den eine sida er vi ein sjølvstendig medlemsorganisasjon, med personleg medlemskap og eige organisasjonsdemokrati. På den andre sida er vi ein møteplass, kunnskapsbank og koordinator for alle organisasjonane og partia på nei-sida. Sidan 1991 har organisasjonen hatt fungerande fylkeslag i heile landet med
eit godt utbygd nettverk i kommunane. Organisasjonen vil sikre eit folkestyre der alle har ein reell innverknad på sin eigen situasjon, og vil hindre at viktige avgjerder blir gjort utan effektiv folkevald kontroll. 4.2 Medlemsutvikling Tromsø Nei til EU ønskjer å verve nye og tidlegare medlemar til Nei til EU i 2015. 4.3 Innsatsområde 2014 Ha fokus på EØS- avtalen samt alternativ Ha fokus på Nordområdeproblematikk Ha fokus på likestillingsarbeid Auke medlemstalet lokalt Ha fokus på komande kommune- og fylkestingsval 4.4 Politisk samarbeid Tromsø Nei til EU har som mål å styrke sitt politiske nettverk gjennom å delta på ulike arrangement av andre lokallag samt samarbeide med andre lokallag. Tromsø Nei til EU sluttar seg til 8. mars og 1. mai arrangementa i Tromsø. 4.5 Aktivitetar, møte Tromsø Nei til EU har som mål i arbeidsåret 2015 å vere aktiv med følgjande arrangement: Ha eigen parole 8. mars Ha eigen parole 1. mai Gjennomføre Internasjonalt Seminar Arrangere konferanse. Delta så langt det er muleg på Troms Nei til EU og evt. Studentar mot EUs stands og arrangement Ha stand i Storgaten i Tromsø ved aktuelle høve Drive med informasjonsarbeid om alternativ til EØS- avtalen Skrive lesarinnlegg om aktuelle tema Styrke samarbeid med andre organisasjonar i Tromsø Inngå samarbeid med Ungdom mot EU dersom dette vert etablert. 4.6 Forslag til budsjett 2015 Blir lagt fram på årsmøtet.
1