Årsrapport for Trygge lokalsamfunn arbeidet 2011 1. Høyanger kommune 2. Kontaktperson Marit Nordstrand, Folkehelsekoordinator 50% stilling marit.nordstrand@hoyanger.kommune.no 3. Infrastruktur TL arbeidet i Høyanger er ein del av folkehelsearbeidet. Høyanger kommune har partnerskapsavtale med Sogn og Fjordane fylkeskommune om folkehelsearbeidet. Kommunen har eit tverretatleg og tverrfagleg folkehelseråd, ei arbeidsgruppe for Trygge eldre og ei for utemiljø/trafikk. Den siste har vore lite aktiv i 2011. Folkehelsekoordinator har faste møte med rådmannen si leiargruppe og med helse- og sosial si leiargruppe 4 ganger i året. I desse møta er ulike tema innan folkehelsearbeidet er på programmet. Tema 2011 har vore nytt lovverk, statlege føringar for folkehelsearbeidet og lokale helseutfordringar. 4. Langsiktige, bærekraftige programmer Hovudmålgruppene for TL-arbeidet i Høyanger er barn, ungdom og eldre. Transport- og trafikktryggleik: Mål i trafikktryggleiksplan: Ingen dødsulukker. Komme ned mot i snitt 7 personskadeulukker i året. Redusere utryggleiken i Høyangertrafikken. Auke vektlegging av langsiktige trafikksikringstiltak. Færre ulukker på E39 og RV55 og lågare alvorsgrad på ulukkene. Gradvis betre sidevegnett. Auka innsats rundt skule/skuleveg. Betre skilje mellom mjuke og harde trafikantar. Meir trafikksikker arealdisponering. Betre opplæring og haldningar. Trafikktryggleiksplanen skulle rullerast i 2011, men m.a. p.g.a. vakante stillingar i teknisk etat er arbeidet utsett til 2012. Det har ikkje vore dødsulukker eller ulukker med alvorleg skadde på kommunal veg i 2011. Det er registrert ei dødsulukke på fylkesveg i Høyanger kommune. Barnehagane jobbar med trafikkopplæring gjennom Trygg Trafikk sitt opplæringsmateriell Tarkus. Skulane har system for gåopplæring i 1. klasse, Busse-rulle for dei som skal ta skulebuss, og sykkelopplæring i 4. klasse. I vidaregåande skule er det årleg trafikkdag for russen og alle andre avgangsklassar i yrkesfag. Dagen er arrangert i samarbeid med politi og biltilsyn. Brannulukker: Kommunen deltek i brannvernveka og brukar materiell frå Norsk brannvernforening, både til folk flest og til bruk i skulen. Torgdag i Tryggleiksveka med m.a. brannvernstand i regi av lokalt forsikringskontor. Det lokale brannvernet er til stades med brannbilar og ulike typar utstyr som folk for prøve. Det er årleg brannvern- og førstehjelpsopplæring til elevar som går 1. året i vidaregåande skule. Årleg brannvernopplæring og øving for alt personell i helse og sosial. Brannvern er tema i heimebesøk som blir gjennomført til alle eldre som fyller 80 år. Feiaren gjer brannførebyggjande kartlegging i private hus etter plan.
Rusførebygging: Ruspoltitisk plan er revidert i 2011 Hovudmål: Redusere bruk av rusmidlar i Høyanger kommune. Delmål: Redusere tilgang på og skadeverknader av rusmidlar i Høyanger kommune. Heve debutalderen for bruk av rusmidlar. Påverke bruk av rusmidlar blant vaksne. Fange opp rusproblem så tidleg som mogleg og setje i verk tiltak. Program rusføreb. arbeid barn og ungdom i ruspolitisk plan Tiltak Ansvar/samarbeidspartar Førebygging i sv.skap (Samtale og TWEAK) Jordmor Foreldresamtale sped- og småbarn Helsestasjon 3. klasse samtale Helsesøster 8. klasse samtale Helsesøster 10. klasse samtale Helsesøster Temamøte 6. klasse Skulehelsetenesta/bvt Temamøte 9. og 10. klasse Skule/helsesøster/politi/bvt VIP 2. klasse v.g.skule Skule/psyk.tenesta/helsesøster Fryspunkt v.g.skule Skule/miljøkoordinator Spenningsaktivitetar Oppv.og kultur/miljøarb/foreldre Tverret. drøftingsmøte skule Skule/ helsesøster/bvt/ppt Tverret. drøftingsmøte barneh. Barneh./helsesøster/bvt, ppt Basisteam vidareg. skule V.g.skule/ppt/helsesøster/bvt Temamøte i ungdomskafeen Oppv. og kultur/ helsesøster/bvt/ruskons. Alle ungd.skular gjennomfører FRI Skule/helsesøster/foreldre Natteramnar FAO, evt. Røde kors Ansvarleg vertskap (oppl. serv.bransje) Helsetenesta/ruskonsulent Møte med hybelvertar Skule/helsesøster/miljøkoord. Arbeidsulukker: Systematisk, heilskapleg HMS og kvalitetsarbeid med avviksregistrering innført i heile kommuneorganisasjonen. Det blir gjennomført faste HMS-møte der avviksmeldingar og sjukefråversrapportar blir gjennomgått. Etter tverrfaglege drøftingar er det laga HMS-plan for 2011, og det er lagt inn 150.000 i AMU sitt budsjett til HMS-tiltak i kommuneorganisasjonen. HMS-samarbeid mellom kommunen og dei største bedriftene i tettstaden med faste felles møte, drøfting av HMS tiltak og utveksling av erfaringar. Heimeulukker. Å snakke med foreldre om heimeulukker og dele ut brosjyremateriell inngår i helsestasjonen sine rutinar på ulike alderssteg. Tryggleiksveka. Tryggleiksveka blir arrangert kvart år i veke 38. Hovudtema i 2011 var Trygg oppvekst og Vold i nære relasjonar var på tapetet. På formiddagstid var det foredrag Temmelig hemmelig om vold mot barn, med etterfølgjande jobbing med temaet, for alle ungdomsskuleelevar i kommunen. På ettermiddagstid var det tverretatleg fagseminar for tilsette i helse, skule, barnehage og ppt om same temaet. Her var også idrettslag, foreldre og andre interesserte invitert. Forelesar var Øyvind Aschjem og lokal lensmann Atle Førde.
5. Programmer rettet inn mot spesifikke høyrisikogrupper og sårbare grupper. Eldre: Mål: Redusere fallulukker. Utdeling av strøsand. Treningstilbod i gruppe med styrke og balansetrening i vatn, fullført to grupper i 2011. Heimebesøk til alle 80-åringar i tettstaden Høyanger i 2011, med informasjon og tips til førebygging av fallulukker og om brannvern. Systematisk tilbakemelding om fallulukker og førebygging hos brukarar i sjukeheim og heimetenester gjennom avvikssystemet. Godt utbygt system for hjelpemiddelformidling, og velutstyrt kommunalt lager for hjelpemidlar. Innkjøp av hoftebeskyttarar som skal brukast til pasientar i risikogruppa i sjukeheimar. Barn og unge: Trafikkopplæring gjennom barnehage og skule, sykkelopplæring og kontroll av syklar i samarbeid med politiet. Utdeling av gratis sykkelhjelmar. FAU og politiet har gladtrafikk aksjonar i samband med tryggleiksveka kvart år. Det største idrettslaget har investert i eigen minibuss og har opplæring av sjåførar for trygg transport av barn og unge til og frå idrettsarrangement. Hjelmpåbod og utlån av gratis hjelm i skitrekk. Samordna rusførebyggjande arbeid med m.a. ulike aktivitetstilbod frå kultur- og oppvekstetaten, gjennomføring av undervisningsopplegg om rusførebygging til elevar som går i vidaregåande skule. Eiga tverretatleg gruppe rusforum som drøftar og overvaker rustrendar og miljø i kommunen, og kjem med forslag til tiltak. Gruppa arbeider nå med å utvikle endå betre felles arbeid innafor dette feltet. 6. Ordninger / programmer som dokumenterer skadesituasjoner, hyppighet og årsaker til skader Kommunen brukar det interne avvikssystemet aktivt for å ha oversikt over skader, ulukker og nesten-ulukker som skjer i organisasjonen. Dette gjeld både for kommunen som arbeidsgivar, men også for kommunen som serviceytar til innbyggjarane slik som i helseteneste, skule, symjeanlegg og idrettshall. Gjennom partnerskapsavtale om folkehelsearbeid med Sogn og Fjordane fylkeskommune får kommunen statistikk over sjukehusbehandla hoftebrot. Frå hausten 2011 er kommunen med i ei stor ungdomsundersøking som går over 6 år der ein forventar dei første rapportane hausten 2012. Frå 2012 er Kommunehelseprofilane frå Folkehelseinstituttet viktig bidrag til skadestatistikken. Ein er i gang med eit samarbeid med Helse Førde gjennom kompetanseprogrammet for Trygge lokalsamfunn (starta i 2012) for å få ut meir lokal statistikk derfrå. 7. Evalueringstiltak for å vurdere egne programmer, prosesser og effektene av forandringer Arbeidet blir drøfta på øvste leiarnivå i kommunen 4 ganger i året. Der blir både tiltak og prosess diskutert. I den grad det finst tilgjengeleg statistikk er det ein del av drøftingsgrunnlaget (t.d. sjukehusbehandla hoftebrot, kommunehelseprofil). Internt avvikssystem er programpost i drifts- og leiarmøte. Her blir frekvens av ulukker, nestenulukker og skader både i forhold til brukar og personale internt i organisasjonen drøfta, årsaksforhold og betringsforslag blir gjennomgått. Dette fungerer førebels best i helse- og sosialtenesta, men andre avdelingar i kommunen har ei god utvikling i meldefrekvens det siste året.
8. Deltakelse og medvirkning i nasjonalt og internasjonalt nettverk av Trygge lokalsamfunn / Safe Communities. Høyanger kommune deltek i Nasjonalt og regionalt nettverk av TL. Kommunen har temaet på agendaen når det elles passar inn i vennskapsbysamarbeidet med Sverige og Finland. Elles deltek kommunen i Nordisk konferanse for TL annakvart år og har fått godkjent abstract og hatt foredrag der to ganger, med tema Avviks- og kvalitetssystem som ledd i skadeførebygging og Fallførebyggjande heimebesøk til eldre utført av frivillige. 9. Evt. vesentlige endringer hvis noen i forhold til opprinnelig søknad og tidligere rapporter. TL arbeidet er lagt inn under folkehelsearbeidet som eit av satsingsområda der. Struktur og formalisert samarbeid er vedteke i kommunestyret i 2010 og trådde i kraft i 2011. Dette medverkar til meir formalisert tverretatleg ansvar og samarbeid. 10. Inntil tre spesielt vellykkede tiltak som kan gi inspirasjon til arbeidet i andre kommuner og brukes i en Trygge lokalsamfunn-idébank Tryggleiksveka i veke 38, i samarbeid med frivillige organisasjonar. Tryggleiksveka har ulike hovedtema kvart år i tillegg til innarbeidde tryggleiksaktivitetar i skular og barnehagar samt torgdag for folk generelt. Heimebesøk til eldre med fallførebygging som tema i samarbeid med frivillige organisasjonar. Trimpostar i helse- og omsorgsbygget for dei som bur i omsorgsbustad og sjukeheim, og for dei som deltek i dagsenter. Målet er å få fleire til å trimme i trapper og korridorar når dei ikkje kan gå ut. Trimpostane er laga som bilde av gamle setrar i kommunen og på kvar post heng det klippetang for dokumentasjon på at du har vore der. Trekning av premiar blant alle og premiering av dei som har gått flest turar. Det blir også hengt opp ulike spørsmål som skal svarast på. Dette gir både styrke- og balansetrening og hjernetrim. Fleire bebuarar har rapportert at dei kjenner seg tryggare på å orientere seg i bygget og både tryggare og sterkare på å gå i trapper. Det same rapporterer personalet i dagsenteret om. 11. Direkte resultat av Trygge lokalsamfunnarbeidet. Utviklingstrender, resultat av kampanjer og andre innsatser Det er blitt ein tradisjon med tryggleiksveka, og nå legg skular og barnehagar den inn i årsplanane sine. Publikum spør etter den og spør etter kva som skal vere hovudtema. Fleire lag og organisasjonar har uttrykt at dei syns det er fint å samarbeide og har fått meir samarbeid med andre lag i bygda på grunn av dette. Dei er også godt nøgde med å få positiv omtale ettersom det blir laga fellesannonsering som kommunen betalar der det går fram kva lag og organisasjonar som deltek. Fleire lag og organisasjonar har på eige initiativ også lagt ulike aktivitetar til den veka. Det gode avviks- og kvalitetsprogrammet som nå er innført i heile kommunen var opprinneleg starta som eit direkte resultat av Trygge lokalsamfunnarbeidet. Det er blitt eit meir systematisk HMSarbeid i kommunen. Kommunen har diverre ikkje god nok statistikk til å vise utvikling i skadeforekomst. 12. Aktiviteter som er gjennomført i samarbeid med frivillige organisasjoner, lag og foreninger og oversikt over de frivillige organisasjoner som har deltatt i arbeidet. Tryggleiksveka er gjennomført i samarbeid med Høyanger sanitetsforening, Kyrkjebø kvinne- og familielag, Kyrkjebø sanitetslag, FAU Høyanger skule, IL Høyang.
13. Er det satt av egne midler til Trygge Lokalsamfunn-arbeidet på kommunebudsjettet? Hvor mye? Det er sett av kr. 245.510 til folkehelsearbeidet generelt i tillegg til løn i 50% stilling. Dessutan er det sett av ein eigen pott merka Trygge lokalsamfunn, miljøtiltak på 100.000. dette er tenkt t.d. til trafikktryggingstiltak, sykkelhjelmar etc. 14. Hvordan profileres Trygge lokalsamfunn-arbeidet? Kommunen har Safe communitylogoen liggjande på første sida når du går inn på heimesida. Logoen blir brukt i annonsering av alle arrangement som TL er med på og flagget heng oppe i Tryggleiksveka. Logoen blir også brukt i ulike lokalt utarbeida brosjyrer. www.hoyanger.kommune.no 15. Bilder fra virksomheten, kopi av avisartikler og annet materiell som kan brukes for å illustrere arbeidet og rapporten Vedlegg elektronisk: Avisartikkel i lokalavis om Tryggleiksveka. Stor fellesannonse om ulike aktivitetar i tryggleiksveka. 16. Skadetal Høyanger Kommune Personskader etter ulykker behandlet i 17,8 pr. 1000 Stadardisert sykehus: (FHI) Antall hoftebrudd: 2,1 pr. 1000 Standardisert (FHI) Døde og skadde i brann: 0 (Gjeld alvorlege skader) Døde og skadde i drukningsulykker: 0 Døde og skadde i trafikkulykker: 1 død, 6 skadde ( Lokalt politi) Politirapporterte personskader vold: 14 (herav 7 i nære relasjonar) (Lokalt politi)