Leiaren har ordet: Leiar i Stordal Alpin Olai Roger Nakken

Leiaren har ordet: Leiar i Stordal Alpin Olai Roger Nakken Det er lett å vere leiar i medgangstider, vert det sagt. Og for å gjere det heilt klart; det er gode tider for Stordal Alpin no. Eller nedoverbakke, som vi likar å kalle det! Med ei alpingruppe som har både breidde og løparar i toppen av si klasse i landet, har vi eit solid grunnlag å byggje vidare på. At Stranda vidaregåande til hausten får toppidrettslinje i alpint, gjer at vi har håp om å behalde løparane våre i nærmiljøet i nokre år ekstra, og at desse vil setje spor og vise veg for dei som kjem etter. Det er mange år sidan Stordal Alpin har hatt FIS- løparar i rekkjene sine. Men i år er vi i denne situasjonen, og vi ser verkeleg fram til å vere representert på nye og fleire arenaer. Sjølv om dette gjer at vi må tenkje nytt på mange måtar, mellom anna måten vi organiserer oss på. Stordal Alpin har hatt rundt 45 barn og unge på barmarkstrening i Stordalshallen denne hausten. Slik det ser ut no, vil alle desse vere med oss vidare på treningane i Arena Overøye denne vinteren, og dette er svært gledeleg. Eg ønskjer alle løparar, trenarar og foreldre lukke til med sesongen 2009. Vil også rette ei stor takk til alle våre sponsorar og støttespelarar til Stordal Alpin, som er med på gjere denne satsinga mogeleg. Med sportsleg helsing Olai Roger Nakken, leiar

Møre og Romsdal skikrets Idrettsveien 1 6400 Molde Tel 99509792 www.skiforbundet.no/moreogromsdal Gratulerer Stordal Alpin! Det er ingen annen klubb som kan måle seg med Stordal Alpin sitt engasjement og bredde innen alpinsporten i Møre og Romsdal Skikrets. I de senere år/-sesonger har stordalsløperne plassert seg på toppen av den nasjonale ranking i aldersbestemte klasser. Dette er nok ingen tilfeldighet. Stordal Alpin, har skapt et utrolig sterkt sportslig tilbud i en trygg og sosial ramme for sine løpere. Det kommer tydelig fram når Stordalsalpinistene stiller på samling og konkurranser, der framstår "stordalingan" som en velorganisert og sportslig sterk gruppering. Møre og Romsdal Skikrets gratulerer Stordal Alpin med flere flotte prestasjoner i toppen og med en stadig økende bredde! Vi ønsker lykke til med sesongen og håper på et fortsatt godt og tett samarbeid med oss i Skikretsen! Med hilsen Møre og Romsdal Skikrets Harald Mowinckel leder

Trenarane har ordet. Opplegget for denne sesong er tilnærma lik sist sesong. Det er likevel ein stor skilnad: Vi har ei ny FIS-gruppe. Dvs at -93 løparane Adrian, Vegard og Erika i prinsippet no skal ut og konkurrere mot kven som helst i verda av junior og senior-løparar. Dete er ein stor skilnad og vi må difor prøve å tilpasse treningane med tanke på denne nye situasjonen. I årets sesong er det pr dags dato Ole Busengdal, Magne Tøsse, Charles Tøsse og Jan Ove Øvrbust som fordelar trenaransvaret på dei eldste gruppene med god hjelp frå fleire, medan ei anna foreldregruppe med Marianne Nakken, Grete Nakken, Olai Nakken og Hallgeir Hove m/fl tek seg av rekruttane i hovedsak på tirsdagane. Her vil vi prøve å bidra med eldre løparar som t.d er skada og som ikkje kan trene sjølve inn i desse rekrutt-treningane. I tillegg håper vi å få med andre i løpet av sesongen. Eit trenarkurs er difor på gang.. I tillegg er vi så heldige at vi har hatt Hans Øien og Tore Alm Ingebrigtsen som barmarkstrenarar styrke, dette er trenarar med stor kompetanse innafor sitt felt, som løparane har stort utbytte av. Olav Grønningsæter, Hallgeir Hove og Jan Ove Øvrebust har tatt dei fleste treningane på hausthalvåret i Stordalshallen, men med god hjelp frå dei andre i gruppa. Dei eldste trenar også mykje barmark på eigahand. Løparane som er innom NSF sitt ungdomslag er pålagte å føre treningsdagbok og dokumentere føring av denne, samt naturlegvis å dokumentere fysisk form gjennom testar på ulike samlingar. Desse samlingane vert gjennomført i Oslo i tilknytning til Toppidrettssenteret. Også i år har vi hatt gode samlingar både på Juvass og Bjorli. Snøen kom tidlig på Overøye, så vi har fått trent ein god del der noko vi er svært glade for. For det er på heimebane på Overøye - vi trivst best, og vi håper på ein lang og god sesong i det flotte anlegget der framme. Vi får gode treningar i familietrekket særleg for dei yngre, samstundes som bratthenget gjev andre utfordringar. I år er vi særleg spente på å prøve Super-G traseen sidan der er gjort eit fantastisk grunnarbeid i sommar. Denne traseen lovar svært godt! Som før får vi nye løparar inn i gruppa det er vi svært glade for. Stordal Alpin er drive etter dugnadsprinsippet, dvs at det er løparane og foreldra som i felleskap må syte for at alt er på plass og at treningar, renn og andre arrangement vert gjennomført etter prinsippet om at alle bidreg der dei kan.ei aktiv foreldregruppe er igjen nøkkelen til å få dette til å fungere godt. Vi lovar å gjere vårt beste også i år.

Terminliste 2008 / 2009 Dato Arena Arrangør Renn Merknad 30 / 12 Bjorli Rauma Alpin SSL SBM-Cup 3-4/1 Rennfri helg 10-11/1 Bjorli Spjelkavik SL + SSL SBM-Cup + Kvalifisering HL og LC 17-18/1 Ål SL + SSL Kval. Int. barnerenn 24-25/1 31/1-1/2 Fjellseter Sykkylven SL +SSL SBM-Cup + Kvalifisering HL og LC, KM SL 7 8/2 Bondalseidet Åmdal / Ørsta SL + SSL Åmdal cup SL, SBM-Cup, kvalik Bjønnameisterskap SSL SBM- Cup, KM (SSL ikkje kvalik) 13-14/2 (fre-lør) Overøye Stordal SC. SL+SG 21-22/2 Vinterferie SBM-cup. Frivillig trening fredag, SG rennet gjeld som kvalifisering HL og LC. 28/2-1/3 Strandafjellet Stranda SL +SSL SBM-Cup + Kvalifisering HL og LC 7-8/3 Bjorli MRSK Fart SBM-Cup + Kvalifisering HL og LC, KM SG. Treningsdag fredag. 14-15/3 16-22/3 Bjorli Molde/Rival Hovedlandsrennet 27-29/3 Mo i Rana Rana Slalåmkl. Telenorleker / Hovedrenn 4/4 Overøye Stordal PSL SBM cup finale 5/4 Strandafjellet Stranda SSL Solbakken Cup

Stordal IL 90 år ein kortversjon av alpinhistoria. Ei periode i byrjinga av 60-talet var alpinsporten nede i ein bølgjedal, med relativ liten aktivitet. Rundt 1970 vakna aktiviteten til igjen, med engasjerte foreldre til ei gruppe barneløparar. Kjetil Tøsse kan nok seiast stod i spissen for den nye satsinga. Aktiviteten føregjekk mange plassar i bygda, både i Griggåsbakken (ved sida av hoppbakken) der det også var flomlys på kveldstid, i lia ovanfor Andersgarden på Midtbust, men og lenger frame i dalen som t.d i Lianeset. Den største aktiviteten var kanskje i byrjinga frame i Nakken, der Kjetil ordna til med lyskastarar på løveggen, slik at dei unge kunne køyre på ski til langt på kveld. Løypene vart sett med både vegastikke og hesjastaur, så langt opp som mogleg og med siste port omtrent på den stupbratte kanten mot elva her gjaldt det å utnytte terrenget. Ei lita gruppe aktive byrja etterkvart å delta på kretsrenn i distriktet. I byrjinga bar nok resultata preg av at aktiviteten var relativ ny samanlikna med konkurrentane frå andre klubbar. Det tok likevel ikkje lang tid før stordalsløparane tok til å hevde seg. Fleire stadar i Møre og Romsdal hadde det for lengst kome skitrekk med dei fortrinna det hadde. Stordalingane måtte enno trakke løypene og bruke same metode for å kome seg oppatt til start. Av denne grunn vart det sagt at stordalingane var ekstra godt trent både sterke og uthaldande. Heller ikkje denne generasjonen løparar kvidde seg på fysiske utskeiingar for å kome seg på ski. Det var slett ikkje uvanleg at ein på sommarstid bar med seg både ski, sko og stavar og gjekk den lange og bratte lia nesten på Nakkeskreda. Der oppe var det den gong ein bre som låg heile sommaren, der dei ivrigaste kunne få mange gode treningsturar. Etterkvart vaks det fram ei stor gruppe som deltok på ulike renn i fylket. Somme hevda seg så godt at dei også vart uttekne på kretslaget for Møre og Romsdal, dette gjaldt først Charles Tøsse og etterkvart i rekkjefølgje Magne Tøsse, Stig Nakken og Jan Ove Øvrebust.. Desse gjorde det også skarpt i nasjonale renn både Donald Duck på Kongsberg, hovedlandsrennet og seinare junior og senior-nm. Særleg Magne hevda seg så høgt at det nok kan seiast at juniorlandslaget var like rundt hjørnet. Mange andre hevda seg også godt på kretsnivå. Den einaste jenta som var med i byrjinga var Vigdis Hove. Seinare kom heldigvis fleire jenter til. Alpinsporten har alltid gått i bølgjedalar. Etter ei lang periode med stor aktivitet, dabba interessa litt på midten av 80-talet. Det var framleis aktive alpinistar, men miljøet vart mindre og sårbart. På byrjinga av 90 talet tok aktivteten seg på nytt opp. Det kan vel like godt seiast at sidan dengong har aktiviteten vore stor. Dei som fekk aktiviteten i gong igjen var Ove Løfoll og Leif Rune Vinje som foreldre, med god hjelp særleg frå Jan Ove Øvrebust som trenar. Den nye generasjonen unge løparar var mange og dyktige. Særleg ein av desse skulle seinare skrive seg inn i historiebøkene nemleg Vebjørn Løfoll. I byrjinga dominerte han aldersbestemte klasser lokalt og hevda seg høgt nasjonalt. Som eit konsekvens at det gode miljøet og satsinga i Stordal kom det etterkvart to smågutar frå Ålesundsområdet med som aktive. I utgangspunktet var det nok 2 interesserte og engasjerte fedre Stein Lianes og Rune Vegsundvåg som naturleg nok tok initiativ. Stein var i sin barndom ein av dei dei aktive i Stordal og fann det naturleg å søke til alpinmiljøet Stordal med sine barn. Med 3 år eldre Vebjørn som treningskamerat såg Torstein og Einar fort kvar lista låg. Saman med fleire i alpinmiljøet i klubb og krets, vart det eit svært godt treningsmiljø, der nivået etterkvart vart svært høgt. Desse 3 har seinare alle representert Norge ute i Europa i E-Cup-renn og hevda seg godt. Einar har også 2 gonger blitt utteken til World-Cup, men har begge gonger meldt forfall pga skade.

I kjølvatnet av desse vaks det fram nye årgangar alpinistar. Frå rundt år 2000 har alpinmiljøet berre blitt større og større, der ein etterkvart har fått aktive alpinistar i alle årsklasser. I jubileumsåret 2008 er alpingruppa svært stor og aktiv. Løparane satsar ulikt nokre for å nå så langt som mogleg, medan andre kun for å ha ein fin aktivitet i Overøye. For alle er det skigleda, mestringa og miljøet som står i sentrum slik det har vore for tidlegare generasjonar og slik det var for Arne Lianes som tok dei første slalomsvingane i Stordal. Løparar i nyare tid som har blitt uttekne og deltatt på minimum NM-nivå : Vebjørn Løfoll (1983): Gull i Super-G junior-nm 2003, sølv i Super-G og bronse i utfor - junior-nm 2002, 8.plass i utfor og 15.plass i Super-G senior NM. Rangert som verdas beste junior i utfor sesongen 2001. 8.plass i utfor senior NM 2001. Representert Norge i fleire Europa-Cup-renn Torstein Lianes (1986): Hovedlandsrennet 2001 gull i utfor, bronse i SSL, 4.plass i Super-G. Junior-NM 2002: sølv i SSL. Junior-NM 2005: bronse utfor, 4.plass SG. Senior NM 2005: 8.plass utfor, 6.plass kombinasjonen. Junior-NM 2006: sølv i Super-G. 9.plass i SL under junior-vm 2005. Representert Norge i 33 Europa-Cup-renn Einar Vegsundvåg( 1986): Hovedlandsrennet 2001: 6.plass i Super-G og SSL. Junior-NM 2002: sølv i utfor. Junior-NM 2005: bronse i Super-G, 5.plass utfor. Senior-NM 2005: 7.plass Super-G, 10.plass utfor. Junior-NM 2006: gull i SSL. Senior-NM 2006: 7.plass i Super-G. Senior-NM 2007: 8.plass i utfor. Representert Norge i 31 Europa-Cup-renn. Deltatt i junior-vm 4 gonger med 13. og 14.plass som beste plasseringar. Maria Holand Tøsse(-89): Hovedlandsrennet 2004 11.plass i Super-G, 13.plass i storslalom. 13.plass SL internasjonalt barnerenn Zagreb Kroatia. Martine Vinje Tøsse (-90):Hovedlandsrennet 2005: 30.plass SL Eirik Nakken Nilsen( -92):Landsfinalen 2005: 34.plass Super-G og 42.plass SL. Erika Holand Tøsse (-93):Landsfinalen 2005: 5.plass i SL og SSL. Landsfinalen 2006: gull i SL, sølv i SSL. Hovedlandsrennet 2007: 4.plass i SL og SSL, 5.plass utfor. 2.plass SL internasjonalt barnerenn Abetone Italia 2006. bronse i SL og Super-G Hovedlandsrennet 2008. 4. i SL og 7. plass i SSL under VM for 14-15 åringar Italia 2008. Adrian Nakken (-93): 5.plass Super-G internasjonalt barnerenn Val d`isere Frankrike, Landsfinalen 2006 sølv Super-G, 10.plass SSL. Vegard Busengdal (-93):Landsfinalen 2005: 10.plass SL, Landsfinalen 2006: 4.plass SL, Hovedlandsrennet 2007; 8.plass SL. Gull i SL under Hovedlandsrennet 2008. Sølv under VM for 14-15-åringar Italia 2008. Jørgen Vinje Tøsse (-94): Landsfinalen 2007: sølv i SL og SSL, 5.plass Super-G. Ole Henrik Nakken (-94): Landsfinalen 2007: 28.plass SL Ingrid Busengdal (95): Landsfinalen 2007: 7.plass SL og 14.plass SSL. Bronse i SSL landsfinalen 2008. Kristina Maridal: (96): Hovedrennet for 12-åringar: 32 i SL, 42 i SSL. Olav Rune Bratland (-96) Hovedrennet for 12-åringar: 12. i SL. Kjetil Holand Tøsse (-96) Hovedrennet for 12-åringar: 4. i SSL og 20 i SL. Kristiane Nakken (-97) Bendit Alpinfestival 2 i SL, 1 i SSL, 3 i SG. Andrea Vinje Tøsse (-97) Bendit Alpinfestival 12 i SL, 3 i SSL, 12 i SG Kine Kvammen Tøsse (97) Bendit Alpinfestival 11 i SL, 15 i SSL, 25 i SG.

Toppidrettstilbod i alpint med merittert trenar frå neste skuleår av Jon Hjortdal Stranda vidaregåande skule og Møre og Romsdal skikrets kan med glede informere om at vi endeleg har fått på plass toppidrettstilbod med ein svært merittert trenar i alpint på Stranda, med oppstart skuleåret 2009/2010. Toppidrettstilbodet i ski, Stranda skigymnas, kom i gang etter initiativ frå eit samla skimiljø i Møre og Romsdal f.o.m. skuleåret 2007/2008. Stranda skigymnas blir drive i tett samarbeid mellom Stranda v.g skule og Møre og Romsdal skikrets. Målet var at vi skulle tilby toppidrettsopplæring i både alpint og langrenn, men på grunn av vanskar med å få tak i kvalifisert trenar i alpint har vi ikkje kome i gang med dette. Før no. Etter nesten to års iherdig innsats har alpinkomiteen endeleg kome i mål! Erik Skaslien, ein av Noregs mest meritterte alpintrenarar gjennom historia, er tilsett som hovudtrenar ved Stranda skigymnas f.o.m. 01.05.2009. Skaslien har m.a. erfaring som trenar for Noregs World Cup lag på både dame- og herresida. Han var hovudtrenar for damelaget i perioden 1995-2003. I denne perioden fikk norske alpinistar meir enn 30 pallplasseringar i WC og 4 medaljar i VM! Skaslien er i dag trenar ved Oppdal Skigymnas. Møre og Romsdal vil dei komande 3 åra ha ei rekkje løparar i aldersgruppa som går vidaregåande skule, løparar som i dag er i noregstoppen i aldersbestemte klasser. Skikretsen har sett det som nødvendig å få på plass eit lokalt skigymnas for at desse løparane skal kunne utvikle seg vidare og nå måla sine om å kunne hevde seg i verdstoppen om 5-10 år. Målsetjinga er at Stranda skigymnas skal bli det beste skigymnaset i Noreg, både skule- og idrettsmessig. Vi ønskjer å skape eit toppidrettsmiljø med tilpassa undervisning som sikrar at utøvarane kan satse 100 % på idretten sin, utan å gå glipp av vidaregåande utdanning. Erfaringane med satsinga på langrenn er så langt svært gode. Førre sesong hevda fleire elevar seg i noregstoppen. Stranda skigymnas er ei stor satsing frå Stranda v.g. skule og skikretsen. Tilbodet er så langt finansiert med midlar frå Møre og Romsdal fylke, men med satsinga på alpint på eit høgt nivå vil denne finansieringa bli knapp. Den næraste tida vil skikretsen søke samarbeidspartnarar i næringslivet som vil vere med å støtte denne lokale storsatsinga for alpin toppidrett.

Hovedlandsrennet 2008 Hemsedal. Det var knytt stor spenning til årets høgdepunkt NM for 14-15-åringar, eller Hovedlandsrennet som det heiter. Alle våre aktive løparar i denne klassa greidde å kvalifisere seg til renna. Det var difor ein tropp med 4 løparar Erika, Adrian, Jørgen og Vegard som drog til Hemsedal. I følgjet var det elles både søsken og foreldre som kanskje var like spente som løparane. Hovedlandsrennet er eit maratonarrangement over ei heil veke med 4 øvingar SL, SSL, SuperG og utfor. I utfor er det krav om obligatorisk trening i 3 dagar i forkant av sjølve rennet, noko som er hovedgrunnen til arrangementet si varigheit. Mesterskapet starta med SSL ei øving med visse forhåpningar i stordalsleiren. Resultata vart ikkje heilt som ein håpa på, men Vegard og Adrian vart 17 og 42, medan Erika blei 7 i jenteklassa. Jørgen køyrde dessverre ut. Dagen etter var det slalom som stod på programmet og dette skulle vise seg å bli kanskje den største dagen i Stordal Alpin si historie.. Adrian og Jørgen køyrde ut i den marginale øvinga som SL er. I jenteklassa fekk Erika, for henne å vere, ikkje klaff i 1.omgang. Ein 7.plass var nok ikkje i tråd med ambisjonane. Vegard køyrde derimot ein fantastisk 1.omgang og leda rennet etter 1.omgang, nokre hundredeler føre dei 2 store favorittane. No var stemninga allereie på kokepunktet i stordalsleiren korleis ville dette gå.. Jentene skulle køyre først i 2.omgang og det var ei revansjesugen jente frå Stordal som stod på start i 2.omgang. Som i WC startar ein 2.omgang etter resultata i første slik blir det spenning av. Erika køyrde ein fantastisk 2.omgang og utklassa nærast konkurrentane i denne omgangen. Frå ein 7.plass køyrde ho seg opp til BRONSE etter suverent beste omgangstid. Medalje var sikra og stor jubel i stordalsleiren i målområdet. Så var det gutane.. Vegard rusla rundt på start og såg konkurrentane køyre og om litt stod han igjen aleine no skulle det avgjerast.. Pappa og trenar Ole var i startområdet. Kva hadde dei snakka om mellom omgangane skal tru. Charles og Magne var plassert på ulike stader i løypa, medan resten av gjengen stod spente i målområdet. Her var det ein ting å gjere satse alt. Dei hardaste konkurrentane hadde prestert godt, ein liten feil og det er forbi slik er denne sporten. Vegard starta glimrande og fortsatte på same måten dette ville bli jamnt.. der gjekk han i mål.. På radioen høyrde vi frå målområdet: JAAA Det blei GULL. Fantastisk Vegard stod i mot presset og vann med 23 hundredeler før nr 2. Lille Stordal hadde tatt GULL og BRONSE på samme dag SLÅ DEN! No vart det litt kaos gratulantane stod i kø.. Erika og Vegard hadde gjort det store Stordal var i fokus! Ei flott premieutdeling under løparmiddagen same kveld avslutta ein fantastisk dag i Hemsedal.

MISS VÖLKL 2008 (Januar) Vi (Olai, Grethe, Ådne, Kristian, Lisbeth, Martine og Andrea) reiste til Kirkerudbakken for å delta i Miss Völkl 2008. 2 av våre håpefulle alpinjenter (Andrea og Kristiane) skulle måle seg med jevngamle jenter på sør- og østlandet. Vi reiste fra Stordal en fredag ettermiddag med retur lørdag etter rennet. Konkurransen er: parallellslalom med utslagsmetoden. Dette var nervepirrende for oss foreldre som sto og så på. Den ene etter den andre av søringan vart utlått. På toppen i finaleomgangene (2 omg.) sto nemlig 2 jenter Fra STORDAL ALPIN Andrea og Kristiane. Disse to kjørte mot hverandre i to omganger. Andrea kom først i mål i 1.omg. og Kristiane kom først i mål i 2.omg. Det var Kristiane som trakk det lengste strået med 1hundredels margin, - utrolig jevnt. Premiene i dette rennet er store; 1.premien er: 2500 kr. 2.premien er: 1500 kr. Vi kom hjem natt til søndag kl. 03.00, og skulle stå opp igjen om få timer for å delta på renn på Stranda. (Snakk om tøft kjør- men vi liker det. )

Stordal kommune sitt kulturstipend til lovande alpinistar. Stordal kommune sitt kulturstipend for 2007 vert tildelt fire særs lovande utøvarar frå Stordal Alpin. Disse fire er: Jørgen Vinje Tøsse, Erika Holand Tøsse, Adrian Nakken og Vegard Busengdal. Stordal kommune har sidan 2001, delt ut kulturstipend til einskildpersonar - born/ungdom som har synt eit særskilt talent, syner god kvalitativ utvikling og som legg ned stor innsats for å utvikle sin dugleik. I løpet av disse åra er det fleire, som på denne måten har opplevd å få velfortent ros og eit synleg bevis på at kommunen set stor pris på det arbeidet som vert utretta. I tillegg til diplomet og sjekken med pengar, tel nok også det å få synleggjort utøvarane sin innsats ein heil del. Det er å håpe at dette er med på å gje ytterlegare motivasjon og inspirasjon. Bak prestasjonane til einskildutøvarar som dette, ligg det også eit enormt arbeid frå mange ulike hald. Ei tildeling av kulturstipend bør slik sett også kunne sjåast på som ein honnør til alle dei som i større eller mindre grad har vore med på å legge forholda til rette. Vi har mange flotte unge og lovande talent i kommunen vår, dei ofrar mykje for å verte stadig betre. Gjennom målretta og knallhard jobbing, som resulterer i flotte prestasjonar, er dei også gode føredøme for andre og ikkje minst; særs gode ambassadørar for kommunen vår! Med dette vil ein nok ein gong få gratulere Jørgen, Erika, Adrian og Vegard, med tildeling av Stordal kommune sitt kulturstipend for 2007. Utdelinga fann stad under Årsfesten for Stordalshallen, den 16. februar 2008. Vegard i Abetone 2008 Erika under trening i Overøye Jørgen og Adrian på renn i Ørsta. Kompis Mattis Silseth til venstre.

Stordal Rekneskap AS Tlf: 70 27 94 00 Mail: post@stordalregnskap.no

Egne arrangement i Stordal Alpin 2009. Ein del av alpingruppa sin aktivitet er naturlegvis egne arrangement. Også for sesongen 2009 ser vi fram til flotte arrangement på heimebane på Overøye. Super-G og Super-Combi. I samband med landsfinalen i 2006 fekk vi for første gong bruke den fantastiske Super-G-traseen på Overøye. Gjennom sommaren har det blitt brukt store ressursar på grunnpreparering av denne traseen, slik at det no kreves langt mindre snø for å kunne bruke den. Om den var flott før, kan vi love at no er den enda betre! I februar skal vi arrangere SuperG/SuperCombi. Fredag vert det frivillig trening Super-G, medan konkurransane vert laurdag den... På programmet denne dagen står først Super-G. Dette blir eit eige renn, med eiga premiering. Nytt av året i Møre og Romsdal skikrets er SuperCombi. Denne øvelsen blir no også arrangert i World Cup, så kvifor ikkje på Overøye! Øvelsen er sett saman av ein omgang Super-G og ein omgang slalom. Her tar ein med seg tida i Super-G inn i slalomrennet, slik at tida samanlagt avgjer rekkjefølgja i konkurransen. Dette er vi sikre på vil verte publikukumsvennleg samt nytt og spanande for løparane. Renna er ein del av Sparebanken Møre- Cup, i tillegg til at Super-G er kvallik til Hovedlandsrennet (14-15 år) og Alpin Landscup (12 og 13 år). Tidspunkt: 27. og 28.februar. Paralellslalom: I fleire år har Stordal Alpin arrangert avslutninga på Sparebenken Møre-Cup, noko som vi blei oppmoda om å arrangere også i 2009. Som åra før er det paralellslalom som er øvelsen. Dette er vel den mest publikumsvennlege disiplinen i alpin skisport. Når deltakarane konkurrerer mot kvarandre i paralelle løyper, der vinnaren er vidare og taparen ute, gir dette ei eiga spenning og interesse rundt rennet. Vi håper på mange deltakarar og endå fleire tilskodarar også denne dagen! Tidspunkt: 4.april. I tillegg kan det bli aktuelt med andre arrangement så følg med på heimesida.

Alpingruppa med sal under tenning av julegrana Som det har vorte tradisjon siste åra stod alpingruppa for underhaldning og sal av varm drikke og kake, samt tombola i samband med tenning av julegrana på allmenningen første sundag i advent. Allereie ein time før grana vart tent starta salet, og stordalingane møtte mannsterkt fram for å få med seg denne markeringa av inngongen til adventstida. Nissen (med ein hjelpar) møtte etterkvart også opp og delte ut mandarinar, og folk nippa til gløggen, kjøpte lodd og gjekk rundt treet og song julesongar til musikk frå Stordal skulekorps. Alpinistar kan også syngje... Tombola er eit populært innslag. Tradisjonen tru bidrog skulekorpset med julemusikk.

Hovudrenn 12-åringar Oslo 29.- 30. mars 2008 Tre spente 12 åringar, to fedrar og ei mor, sette seg i bilane ein fredag morgon med destinasjon Tigerstaden. Det var nemlig der hovudrennet for 12-åringar skulle arrangerast i 2008; med storslalåm i Varingskollen alpinbakke og slalåmrennet i Ingierkollen. Utpå ettermiddagen ser vi endeleg skiltet Varingskollen alpinbakke. Alpinbakken fortona seg svært annleis enn vi som er oppvaksne i ville sunnmørsfjell er vane med. Dei håpefulle fekk prøve bakken nokre turar. Slett ikkje verst, faktisk, før vi køyre vidare til Toppidrettssenteret, der Møre og Romsdal sine løparar var innkvarterte. Storslalåm laurdag Vi vakna til ei forrykande snøvêr på dagen for storslalåmrennet, utan at dette la nokon dempar på korkje humør eller innsatsvilje. Snøvêret gjorde at tidtakarsystemet snødde att og det vart mykje venting på start. Likevel gjorde Kjetil Holand Tøsse ein glimrande innsats i dette rennet, med ein 4. plass til slutt. Han låg på 2. plass etter første omgang. Med rundt 100 deltakarar i klassen, er dette ein kjempeflott plassering. Kjetil skada også handa i 2. omgang, etter eit ublidt møte med ein port. Heldigvis var handa berre forstua. Olav Rune Bratland var uheldig og køyrde ut i 1. omgang. Han køyrde likevel 2. omgang, men fekk ikkje teljande plassering. Kristina Maridal kom på ein heiderleg 32. plass i dette rennet, av om lag 70 startande i klassen. Slalåm søndag Søndag gjekk turen til Ingierkollen, heilt på andre sida av storbyen. Her låg arenaen for slalåmkonkurransen. Igjen ein noko uvant oppleving for sunnmøringar. Vi fekk kjensle av at bakken låg midt i eit bustadfelt, men akkurat lang nok til ei fin slalåmløype. Olav Rune var svært revansjesugen, etter å ha køyrt ut dagen før. Han køyrde flott og enda til slutt på ein flott 12. plass. Kjetil hadde svært vondt i handa etter storslalåmrennet, men han hadde ikkje kome til Oslo for å sjå på skirenn. Staven vart teipa fast til handa, sidan han ikkje klarte å halde han på vanleg måte. Kjetil gjorde ein fin figur, og kom til slutt på 20. plass. Kristina kom i denne konkurransen på 42. plass. Trass alt var dei aktive rimeleg nøgd med innsatsen desse to dagane, særleg sidan dette var det første landsrennet desse alpinistane var på. Dette ga meirsmak, og alle tre var svært inspirerte og var svært motiverte og klare for Hovudrennet 2009, som går i Mo i Rana. Kjetil, Olav Rune og Kristina

VIKARENNET på Bjorli 10. 11.januar 2009. DELTAKERLISTE STORDAL ALPIN: Sander B. Grønningsæter, Olav-Rune Bratland, Kjetil Holand Tøsse, Jørgen Vinje Tøsse, Jørgen Larsen Stavseng, Mikal Kvammen Tøsse, Ådne Nakken, Mathilde Vinje Øvrebust, Julie Olsen Almås, Vibeke Innselset, Rebekka Helland, Amalie Ekroll Hove, Gunn Eli Hjelle, Kristina Maridal, Kristiane Nakken, Katrine Nakken, Andrea Vinje Tøsse, Kine Kvammen Tøsse, Ingrid Busengdal, Helene Vinje Øvrebust, Vegard Busengdal, Ane Innselset Øyen, Marte Ekroll Hove, Celina Olsen Almås, Lill Karin Bratland, Katrin Innselset, Marie Larsen Stavseng, Erika Holand Tøsse, Adrian Nakken, Hedda Helland. Til saman en tropp på 30 løparar. Og minst like mange foreldre! Vi hadde det kjempegøy! 6250 STORDAL TELEFON: 70 27 90 45

JUVING PÅ JUVASS Hausten byr ofte på varierande vèr, og for oss alpinistar som tilbringer denne årstida på Juvassbreen på ski, kan vi oppleve alle årstider på ei og same helg og ofte på ein og same dag også. Breen byr ofte på fantastiske skiopplevingar i strålande solskin, men kan også vise seg frå si langt verre side i form av regn, snø og vind opp til storm styrke. Så nokre dagar kvar haust/vinter, må vi altså finne på andre ting medan vi ventar på betre vèr oppe på breen. Oftast blir det barmarkstrening, kombinert med bading i Lom sentrum ein gong innimellom. Etterkvart har vi blitt kjend i distriktet, og hadde fått tips om ei gruppe som arrangerer juving i området ovanfor Elvesæter Turisthotell, eit lite stykke framanfor Galde, der vi brukar å overnatte. Dette høyrdest spanande ut, og vi dro i veg saman med andre alpinistar frå kretsen vår, samt dei ansvarlege for juvinga. Etter ein halv times gange, kom vi fram til staden der juvinga skulle foregå. Det var 61 Nordekspedisjonen som laga til dette i samband deira ferd frå sør til nord, og dette var ikkje noko småtteri, må vite. Juvet var skrekkelig djupt, det fekk omtrent Gudbrandsjuvet til å virke som Himmelbjerget kontra Mount Everest. Og her skulle altså våre kjære barn juve Alpinistane ga seg i veg oppover til første avsats som førte dei over elvefaret på den kortaste lina. Deretter skulle dei kome tilbake over juvet på ei anna og litt større line. Både alpinistane og vi foreldre var spente på om dei klarte dette, men som sjølvoppnemnd fotograf fekk eg gleda av å filme ein etter ein susande over juvet hengande i ei line 100-vis av meter over bakken. Og ikkje nok med at dei gjorde det ein gong ånei, no kunne dei halde på heile dagen vart det sagt! Etter to rundar var det imidlertid stopp, og vi starta på vegen attende til Elvesæter. Her kjem Katrine Nakken (11) over juvet. Katrine, Kristina og Kristiane etter første runde noko skjelvande, men strålande fornøgde. Jørgen i bakgrunnen. Alle flytta nok mange grenser på denne økta, og det å tørre og å klare dette står det all respekt av. Ei flott oppleving for alle, og eg trur nok dette vert gjort fleire gongar dersom sjansen byr seg.

9-10 februar 2008 Oppdal / Vangslia Stordal Alpin har i flere år deltatt på Bendit Alpinfestival i Ål. I 2008 valgte vi også å ta turen til Oppdal. 14 løpere stilte fra Stordal Alpin. Gulejakkene var meget godt synlig i den kritthvite snøen og det fantastiske solskinnet. Fredag ankom vi hotellet ut på kvelden. Der var det først innkvartering, lagleder møte og til sist utdeling av start nummer og effekter. Stor stund for alle men kanskje litt ekstra for de aller yngste som hadde sitt første utenfor Sunnmøre renn. Bendit er godt kjent for sine flotte effekter og også i år falt disse i smak. Lørdag var det Storslalåm. Sol fra knallblå himmel. Gutter og jenter ivrige, opplagte og selvfølgelig av de første i bakken. I klassen 8 år og yngre sto over hundre på startstreken. 6 stk fra Stordal; Ådne Nakken, Hedda Helland, Katrin Nyli Inselset, Celina Olsen Almås, Marte Ekroll Hove, Helene Vinje Øvrebust. Jenter 9 og jenter 10 var totalt 34 løpere. 5 stk fra Stordal; Amalie Ekroll Hove, Vibeke Nyli Inselset, Rebekka Helland, Julie Olsen Almås, Mathilde Vinje Øvrebust. Alle Stordals jentene i klasse 9 og 10 hevdet seg meget godt sammenlignet med de andre klubbene. Vi hadde topp tider også (uoffisielt). Offisielt ble det topp tider for Stordal i Jenter 11 år SSL. 1 plass Kristiane Nakken, 4 plass Andrea Vinje Tøsse og 8 plass Kine Kvammen Tøsse. Det var mange landsmenn som sperret opp øynene den dagen. Si meg, hvor er Stordal? Et stort høydepunkt til, denne helgen, var seremonien på kvelden. Selveste Celine fra MGP jr. entret scenen. Stor stemning og mye jubel i Stordals leiren, da vi i tillegg kunne applaudere vår egen Kristiane med første plassen. Selveste Astrid Lødemel overrekte premiene til alle deltakerne.. Søndag var det Super G. Like ivrige og like tidlig i bakken. For 8 år og yngre var det egen løype. 9 og 10 åringer startet i en litt mer krevende løype. 11 åringer i samme løype men lengre løype. Dette var en meget spennende dag. Mange av løperne hadde sitt første renn i Super-G. Litt færre deltagere enn lørdag, men like store prestasjoner også denne dagen for Stordal Alpin. Litt av en guts i denne gjengen, her går det unna. 11 år er eldste grense for deltagelse, så jentene Kristiane, Andrea og Kine takket for sin deltagelse på Bendit Alpinfestival Oppdal 2008 med henholdsvis 1, 3 og 11 plass!!!

BENDIT SKIFESTIVAL ÅL MARS 2008 Stordal Alpin stilte med 5 løparar på denne rennhelga som vert kalla finalerunden av Bendit Skifestival. Dette er eit arrangement som BAMA står bak i tett samarbeid med Norges Skiforbund. Desse to aktørane saman med dei lokale arrangørane Oppdal, Trysil, Hovden og ikkje minst Ål Alpin, står for 4 flotte rennhelger der alpinistar i aldersgruppene opp til 11 år deltek. Ramma som dei makter å skape kring desse arrangementa er rett og slett veldig bra, og gir både ungane og oss vaksne ei fin oppleving saman med fleire hundre andre entusiastiske alpinistar og alpinforeldre. Både på Oppdal og i Ål hadde våre løparar store opplevelsar både i løypene om dagen, og ikkje minst under premieutdeling og fakkeltog på kvelden. Og med dagens åpne kommunikasjonssamfunn vart det formidla ikkje reint få SMS og mailadresser mellom alle dei tilreisande løparane, som kom frå store deler av landet vårt. Heile 600 deltakarar var på Ål denne helga. Dei 5 deltakarane som var med frå klubben vår var: Ådne Nakken, Mathilde Vinje Øvrebust, Kine Kvammen Tøsse, Kristiane Nakken og Andrea Vinje Tøsse. Av foreldre var det Grete og Olai Nakken, Harry Tøsse, Jan Ove Øvrebust og Magne Tøsse som drog nedover saman med våre håpefulle. Fredag var det klart for Super-G for 11-åringane. Under fine og jevne forhold vart det 3.plass til Kristiane etter meget god køyring. Andrea vart nr.12 og Kine nr.25. På kvelden var det premieutdeling under åpen himmel i Ål sentrum med stor fyrverkeri som lyste opp store deler av Hallingdalen. Festen var i gang og vi storkosa oss saman med nærmare 1000 andre i Ål sentrum. Laurdag var det som vanleg tidleg opp, og klart for storslalåm. Mathilde køyrde kanonbra og plasserte seg heilt oppe blant tet-kvartetten i den 54 jenter store klassa. Flott levert av Mathilde som verkeleg fekk fart på skia denne dagen. Ådne køyrde ei anna løype saman med heile 106 andre karar i klasse G8 år. Han slo også til med flott køyring og var blant dei 6-7 beste i begge omgangar. Det såg ut som han 2000 hadde det heilt topp både i løypa og også blant alle dei jevngamle gutane oppe i startområdet. For jentene i kl 11 år skulle det verte ein stordag. Kristiane gjekk heilt til topps i konkurransen etter strålande køyring. Og med seg på pallen fekk ho også med seg Andrea som etter meget bra køyring i bratthenget, kapra 3.plassen, kun 96 hundredeler bak. To av tre på seierspallen var altså frå Stordal Alpin! Og på 15.plassen fekk vi også inn den tredje av jentene våre, Kine, etter fin køyring. Dermed var våre 3 deltakarar blant dei 15 beste av heile 58 jenter som deltok i klassa. Fantastisk moro og flott levert av jentene!

. Stordalsjentene på podiet! Kristiane nr1, Andrea nr 3, og Kine til høgre på bildet Olai gratulerer Andrea med 3.plassen! Litt seinare var det klart for dei tre 11-års-jentene våre. Øverst på pallen klatra Kristiane til jubel frå eit stort publikum i den svære salen. Deretter kom Guro Hvammen frå Geilo som vart nr 2, før Andrea stolt kunne klatre opp på den 3.pallplassen. Opp på scena bar det også med Kine for sin fine 15.plass. Og der oppe lyste 3 gule Stordalsjakker godt opp blant skarpe lyskastarar og høg jubel frå salen. Ein veldig fin opplevelse for oss alle som var til stades. Og vi var tydeleg stolte av å bære klubbjakkene våre resten av denne høgtidsstemte kvelden i Hellbillies heimland - eit par steinkast unna Ål stasjon. Søndagen var det klart for slalåm for 11 åringane, medan dei yngre skulle ha nok eit storslalåmrenn. Ådne slo til med nok ei plassering blant dei topp-ti, og storkosa seg saman med den store gjengen av gutar i hans klasse. Mathilde gjorde det endå skarpare enn laurdag og hadde kun ei jente frå Heming i Oslo framfor seg på lista. Flott køyring av begge våre to! 11-åringane køyrde to omgangar, og etter 1.omgang var det stor spenning om kven som skulle få den flotte gullhjelmen til slutt. Løparen som samanlagt etter tre dagar hadde beste resultat, skulle nemleg få overrekt ein gullhjelm som ekstra premie. Men først skulle slalåmen avgjerast. Kristiane blanda seg inn i tetskiktet nok ein gong og tok 2.plassen. Ho enda dermed med 3 pallplasseringar av tre mulege! Kine køyrde meget god slalåm og vart nr 11, og Andrea kom hakk i hæl som nr 12. Flotte plasseringar også dette! For Kristiane skulle 3.plassen vise seg å halde til samanlagt-seier, og dermed var det klart for at gullhjelmen skulle vere med heimatt til Stordal og Øvrebust! Stor stemning og jubel igjen i Stordalsleiren! Kristiane med gullhjelmen på toppen av pallen Mathilde med flott køyring på Ål Ei opplevelsesrik helg var over. Dei unge hadde fått konkurrert med jevngamle frå heile landet, og ikkje minst fått knytta band med fleire av dei, slik at kontakta kan haldast i tida framover. For det blir nok ikkje lenge til neste gong dei møtest i alpinløypene. Då er denne fine helga på Ål godt å ha med seg, slik at praten og latteren kjem endå raskare igong på neste Bama-renn, enten det er på Ål, på Oppdal eller i Trysil.

MUREMESTER EBBE MORK UTFØRER ALT INNEN MUR PUSS FLISARBEID SKIFERFLISER PÅ TRAPPER OG TERRASSER Ring 90 11 68 22 for gratis befaring og prisoverslag

LOKALER TIL LEIE Pedro Eiendom Strandgt. 6250 STORDAL

Avslutningstur sesongen 2007/2008 til Kvitfjell Helga 11. til 13. april 2008 var ein delegasjon på om lag 60 personar med smått og stort på avslutningstur for sesongen til Kvitfjell og Kvitfjellrennet som Bærum Skiklubb arrangerar. Foreldre, trenarar og ungar var samla i store leiligheiter nær bakkane, og kosa seg saman heile helga.for 10 år og eldre var det Super G og for 9 år og yngre var det storslalåmrenn både laurdag og søndag. Jenter 11 år gjorde det veldig bra, med Kristiane Nakken på første plass både laurdag og søndag. Andrea Vinje Tøsse tok ein 2. plass laurdag og 3. plass søndag, Kine Kvammen Tøsse kom på 7. plass laurdag og 9. plass søndag og Katrine Nakken fekk 8. plass laurdag og 5. plass søndag. Det var 24 startande på laurdag og 21 startande på søndag i denne klassa. Det var god stemning mellom stordalsløparane under premieutdelinga laurdag. Ingrid Busengdal kom på 4. plass og Kristina Maridal på 37. plass laurdag mellom 59 startande i Jenter 12-13 år. På søndag var det 53 startande i denne klassa og Ingrid fekk ein 6. plass og Kristina vart nummer 40. I klassa Løparane våre samla utanfor ei av storhyttene fredag kveld, etter utdeling av startnummer for helga. Øverst på seierspallen under premieutdelinga for Jenter 11 år på laurdag ser vi Kristiane Nakken med Andrea Vinje Tøsse på andre plass. I denne klassa med 24 startande vart Kine Kvammen Tøsse nummer 7 og Katrine Nakken nummer 8. Det var god stemning mellom stordalsløparane under premieutdelinga laurdag.

Avd. Stordal hver fredag

For 3. år til Funesdalen i Sverige. 1.maitrofeet er namnet på alpin-arrangementet svenskane kallar verdens største alpinrenn. I 51 år har desse renna blitt arrangert i Funesdalen i Sverige rett over grensa ved Røros. Arrangementet vert halde over fleire dagar, med klasse for alle frå dei yngste til FIS-renn, med deltakelse av alle dei beste svenske World-Cup-løparane. Rundt 1000 deltakarar vert det reklamert med deltek årleg desse dagane. Dei 3 siste åra med deltaking også frå nokre av løparane frå Stordal Alpin.. Det er litt annleis å vere i Sverige på denne type arrangement. Det er nærast ein folkefest, med stort publikumsoppmøte i målområdet, med salsboder, underhaldning, levande musikk osv. Med andre ord stor stemning i bakken. Dei to første dagane gjer dei ulike klassene unna SL-rennet, der dei aller beste går vidare til den store sluttdagen, med paralellslalom for alle klasser. Faktisk har det vore slik at nesten alle våre løparar har kome seg til paralellslalomen dei åra vi har delteke. I år som i fjor vart paralellslalomen vist direkte på web-tv. På den måten kunne dei mest interesserte også i år site heime i Stordal og følgje direkte med på nettet. Denne gong vart det berre 3 løparar som deltok frå Stordal. Det var Erika, Kjetil og Ingrid. Under SL rennet var det Erika og Ingrid som kom seg til finalerundane. Kjetil som yngst i klassa greidde nesten kvalliken, men marginane var ikkje på hans side. Allereie i 16-delsfinalen møtte Ingrid den desidert beste svenske jenta og måtte gi tapt etter ein god gjennomført paralellslalom. Erika kom seg greitt gjennom dei første rundane og i kvartfinalen møtte ho den beste svenske jenta frå dagen før. Dette vart ein utruleg jamn kvartfinale, men Erika tok heim sigeren med knappast mulig margin. I semifinalen møtte ho ei antatt svakare jente. Slik som alpinsporten er marginal, vart fokuset og konsentrasjonen litt for dårleg og vips so rauk finalen. Det blei likevel bronse noko som er svært bra. Komande sesong reknar vi med ein større tropp til Sverige. Då har vi også deltakarar på FIS-renna, dvs å konkurrere m.a. mot dei svenske WC-køyrarane. Det kan bli ei fin avslutning på sesongen. Ingrid under Telenorlekene i 2008

Ny, flott treningssamling i og omkring Stordalshallen! Sist helg var det Stordal Alpin sin tur til å imponere med flott treningssamling. I løpet av fredagskvelden og heile laurdagen fekk nærare 40 unge vere med på ei rad ulike aktivitetar både inne og ute. Alpingruppa kunne denne gongen by på endå fleire aktivitetar enn tidlegare. Samliga starta fredag den 17. oktober, med mellom anna testløp på 3 000 meter på det flotte tartandekket på Kirkebø stadion. Det var naturlegvis først og fremst dei eldste utøvarane som sprang 3 000 meter, men også dei yngre løparane fekk springe så langt dei hadde lyst til. I tillegg fekk alle prøve seg på stille lenge, før dei eldste forflytta seg til Stordalshallen for fleire styrketestar der. Dei yngste køyrde ei lettare koordinasjonsog styrkeøkt, før dei avslutta med leikaktivitet på kunstgrasbana. Laurdagen var fullspekka med aktivtet frå tidleg morgon og heilt fram til kl 20.00 om kvelden. Den særs vellukka samlinga vart avslutta med fellesmåltid (taco) og flotte video-opptak på storskjerm i grendasalen. Der fekk ein m.a. sjå glimt frå løparar i aksjon, 5 år tilbake og ikkje minst var det stas å sjå innslag frå Vegard og Erika sine flotte prestasjonar under det uoffisielle verdsmeisterskapet i Italia, sist vinter. Innimellom dette var det også eigen quiz. Utøvarane var inndelt i grupper og i løpet av dagen var dei m.a. innom dette: I Stordalshallen - Koordinasjon/styrke/balanse - Ball-leik - Team-Track - Trampoline - Skyting - Klatring I området rundt - Duathlon (sykling og terrengløp m/innlagt draging av bildekk og presisjonskast - Rulleskøyter - Køyring av ATV Alle fekk seg også ein tur i symjebassenget ved Stordal skule. Kjøkkengjengen sytte for mat og drikke undervegs og serverte tre måltid i løpet av laurdagen. Godt over 20 vaksne var i sving, i løpet av helga og det var ekstra kjekt at Einar Vegsundvåg stilte opp og instruerte på Team-Track, samt at Steffen Staurset tok seg av instruksjonen på trampolina. Bjørn Petter Haraldsvik og Geir Innselset stilte opp med ATV-ar og det er liten tvil i at også dette var ein ny og spanade aktivitet, for dei unge. Tilhøva for å gjennomføre slike treningssamlingar er perfekte i og omkring Stordalshallen og med slike dyktige instruktørar og aktive foreldre elles, er det heile ein garanti for suksess. Det er liten tvil i at dei unge sette stor pris på det dei fekk vere med på. Resultata på dei ulike testane, tyder elles på at dei lovande utøvarane i Stordal Alpin kjem til å bite frå seg også den komande sesongen.

BILETGALLERI Over: Møre og Romsdal sine deltakarar på Landsfinale og Hovudlandsrenn 2009

Dans med Vassendgutane i Stordalshallen Laurdag 13. september vart den etterkvart tradisjonelle haustdansen i regi av Stordal alpin arrangert, og i år var det sjølvaste Vassendgutane som vitja bygda. Over 750 danseglade møtte opp, og fekk full valuta for pengane. Vokalist Sindre Aam kunne elles fortelle at han tidlegare har vore i Stordal og hoppa i Griggåsbakken. Arrangementet vart greit gjennomført av ein gjeng foreldre og andre frå Stordal alpin som etterkvart har bygd seg opp ein del kompetanse på området. Etter god erfaring frå tidlegare vart det rydda og vaska opp etter dansen før alle gjekk heim ut på morgonkvisten. Vassendgutane skapte stor stemning i Stordalshallen på dansen i haust.