EIDFJORD SENTERPARTI Valprogram 2015-2019 Gode veljar! Senterpartiet vil at Eidfjord skal vera ein attraktiv kommune for alle. Valprogrammet vil vera ei rettesnor for arbeidet vårt i kommunestyret.
Grunnsyn Senterpartiet sitt verdigrunnlag handlar om å byggja samfunnet nedanfrå. Gjennom lokalt folkestyre, desentralisering av makt, kapital og busetjing vil me ta heile landet i bruk. Gode lokalmiljø i bygd og by er prega av trivsel, samarbeid og skaparevne. Med bakgrunn i dette verdisynet, meiner Eidfjord Senterparti at innbyggjarane si stemme må høyrast, og at ei eventuell kommunesamanslåing må skje frivillig.
Eidfjord ein god bukommune Eidfjord senterparti vil at Eidfjord framleis skal vera ein attraktiv bukommune for alle. Me vil tilby gode barnehagetenester, SFO, skule, helsetenester og eldreomsorg til alle. Dette vil me gjera i gode og tenlege lokale. Me vil leggja til rette for eit levande og variert organisasjonsliv, og ta vare på og vidareutvikla dei positive kvalitetane i bygdene våre. Eidfjord Senterparti er opptekne av å skapa vekst og auka folketalet i kommunen. Bustadbygging Marknadsføra bustadtomter og gode oppvekstmiljø Sikra nok areal til bustadfelt Vera positiv til spreidd bustadbygging der tilhøva ligg til rette Sikra nok eldrebustadar, ungdoms- og fyrstegongsbustadar Vidareføra tilskotsordningar for nye heilårsbustadar
Næringsutvikling Me vil ta heile Eidfjord i bruk Eidfjord kommune treng eit variert, levedyktig og konkurransedyktig næringsliv. Senterpartiet vil leggja til rette og vera ein pådrivar for eit aktivt næringsliv. Å ta vare på noverande arbeidsplassar er like viktig som å skapa nye. Kommunen skal vera ein god tilretteleggjar for personar med gode idear, og sikra ein god og rask planprosess Sikra tilstrekkeleg næringsareal og marknadsføra desse Framleis satsa på reiseliv og næringar knytt til reiselivet, og stimulera til heilårsdrift Støtta etablering av handverksbedrifter, for å møta etterspurnad i samband med framtidige utbyggingar Stimulera sentrale bedrifter til å etablera avdelingar i Eidfjord, der høgt utdanna kan få arbeid Jordbruk skal framleis vera ein viktig næringsveg. Me vil gje støtte til omstilling og bruksutbygging i næringa Arbeida for lokal avdeling av Hardanger næringshage Arbeida vidare med tettstadutvikling Arbeida for å vidareutvikla Hardangervidda Natursenter Eidfjord Støtta Statkraft sine planar om tilleggsutbyggingar Arbeida for framleis å behalda ein bemanna bensinstasjon i Eidfjord Vera opne for landbasert fiskeoppdrett i Simadal Kommunen som arbeidsplass Det er viktig at kommunen er ein attraktiv arbeidsplass for å behalda og rekruttera nye arbeidstakarar. Me vil framleis at kommunen skal ha ein god seniorpolitikk Personalpolitikken skal stilla krav og visa omsorg for den enkelte Stimulera til etter- og vidareutdanning
Samferdsel Eit godt utbygd vegnett er avgjerande for busetnad og næringsliv i kommunen. No når Hardangerbrua er ferdig, må me arbeida for å få på plass tunnelar over Hardangervidda. Før tunnelane er på plass, må me arbeida for å få meir ressursar for å halda god vinterregularitet. Samhandla breidt for å realisera Hardangerviddatunnelen Arbeida for trygge skulevegar Samhandla med fylkeskommunen og staten for bygging av gang- og sykkelvegar langs riks- og fylkesveg Gjera det me kan for at samanhengande gangog sykkelveg er på plass mellom Eidfjord og Øvre Eidfjord innan utgangen av valperioden Arbeida for at staten sikrar gang- og sykkelvegen i Måbødalen Fullføra Nasjonal Turistveg ved Vøringsfossen Arbeida for tenlege kollektivtilbod Arbeida aktivt for rassikring av Rv7 og Simadalsvegen
Barn, ungdom og utdanning Barn og unge må få veksa opp i eit trygt, stabilt og utviklande oppvekstmiljø. Barnehage- og SFO skal ha høg kvalitet og tilby plassar om sommaren til sesongarbeidskraft Me ynskjer eit aktivt ungdomsråd Stimulera og motivera ungdom til gründerkultur ved å gje opplæring i bedriftsetablering og entreprenørskap i grunnskulen Stimulera ungdom til å velja yrkesfag, og næringslivet til å ta imot lærlingar Støtta studiesenteret for vidareutdanning/ høgskulestudie i kommunen Oppretthalda gratis kulturskule Framleis dekka ungdomskortet og dei stipendordningar me har i dag Gode møteplassar for ungdom Vidareføra varm skulemat til ein rimeleg pris
Helse og sosial Samhandlingsreforma krev framleis auka innsats frå kommunane, med sterk fokus på førebyggjande helsearbeid. Enkelte tiltak skal me ta oss av sjølve, men ein del tenester er det naturleg og best å samarbeida med nabokommunane om. Dette må til for å sikra gode levekår, og er viktig for trivsel og tryggleik. Tiltak som skapar trivsel, fellesskap og aktivitet for alle interesse- og aldersgrupper er viktig å stø opp om. Oppretthalda tilbodet innan pleie- og omsorgstenesta, og sikra at dei som ynskjer å bu heime får den hjelpa dei treng så lenge det er mogleg I byggjeperioden for ny sjukeheim skal kommunen ha spesielt fokus på heimebaserte tenester til dei som treng det. Oppgradera ambulansestasjonen Arbeida for å få attende lokal tannhelseteneste Halda fram tilbod om trening i terapibassenget Samhandla med nabokommunane om førebyggjande arbeid mot rus og innan psykiatri Miljø og samfunnsansvar Støtta tiltak for å sikra villaksen Senterpartiet er positive til utbygging av mikroog minikraftverk Stimulera til rydding av småskog langs vegar i samarbeid med grunneigarar og Statens vegvesen Oppfylla tiltak i klimaplanen, med til dømes gradvis overgang til el-bilar
Trivsel, kultur og friluftsliv Med auka satsing på turisme og næringsliv i kommunen vår, er det viktig at kulturlivet blir ein sentral del av satsinga. Me har mange tradisjonar og verdiar som det er viktig å ta vare på, og desse må lærast vidare til nye generasjonar. Me vil òg at Eidfjord kommune skal vera med på nyskaping og trendsetjing, det er difor viktig å ta til seg nye impulsar og trendar. Støtta det lokale kulturlivet i grendene Gje driftsstøtte til lag og organisasjonar I samarbeid med Destinasjon Eidfjord stimulera til samarbeid om auka bruk av Eidfjordhallen, Samfunnshuset og Eidfjord kulturhus Stimulera til vidareutvikling av båthamna Arbeida for betre mobildekning på Hardangervidda Byggja på Eidfjordhallen for å utvida styrketreningsrommet Arbeida for at Sæbø skule skal vera ein sosial møtestad Oppgradera kultur- og turstiar i tråd med sti og løypeplan Kommunen skal vera ein støttespelar ved store arrangement Oppretthalda støtte til Sysendalen Skisenter Vidareføra arbeidet med triveleg sentrumsområde Vidareutvikla badeplassen på Kråkeskarvet
Samarbeid Me i Senterpartiet vil leggja stor vekt på samarbeid partia i mellom, og vil støtta gode tiltak som kan fremja trivsel og vekst i Eidfjord kommune. Eidfjord Senterparti vil samhandla med andre parti, fylkeskommune, stat og interessegrupper for å oppnå dei beste tenestene for innbyggjarar og næringsliv i Eidfjord. Me vil ha god kontakt med partiet sine representantar i fylkestinget og på Stortinget. Senterpartiet har lagt vekt på å rekruttera kandidatar frå heile kommunen. Me har ei god blanding av erfarne og ferske politikarar med på lista vår. Dei representerer ulike yrkesgrupper, og har god spreiing i alder og interesser. Vil du at Anved Johan Tveit skal fortsetja som ordførar, og samstundes få inn våre andre gode kandidatar i kommunestyret? Stem Senterpartiet!
Eidfjord Senterparti si liste ved kommunevalet: 1. Anved Johan Tveit, (1955) - Eidfjord 2. Arne O. Bu, (1978) - Eidfjord 3. Monica Hagen Hereid, (1974) - Bu, 4. Eirin Sandstå, (1986) Eidfjord 5. Ole-Jonny Odland, (1984) Eidfjord 6. Laila Langeland Hereid, (1968) Øvre Eidfjord 7. Lars Kristian Eidnes, (1952) - Eidfjord 8. Øyvind Riber, (1953) - Eidfjord 9. Gunnvor Hopen Veka, (1954) - Eidfjord 10. Asle Øydvin, (1965) - Eidfjord 11. Tom Karsten Garen, (1964) - Vøringsfoss 12. Nina Eiken, (1986) - Eidfjord 13. Harald Myklathun, (1962) - Øvre Eidfjord 14. Anders Vatle, (1982) - Eidfjord 15. Arne G. Bu, (1960) - Bu 16. Arild Garen Svardal, (1984) - Eidfjord 17. Beathe Melkeråen, (1971) - Øvre Eidfjord 18. Anders Vaksdal, (1950) - Vøringsfoss 19. Trude Varberg, (1990) - Eidfjord 20. Leiv Henry Sæbø, (1951) - Øvre Eidfjord 21. Iselin Kleiveland Fiskå, (1989) - Eidfjord 22. Geir Olmod Sæbø, (1966) - Øvre Eidfjord 23. Sigrid Bu, (1943) - Eidfjord Godt val!