SAMNANGER KOMMUNE Side 1 av 6 MØTEINNKALLING Utval: Kommunestyret Møtedato: 12.02.2013 Møtetid: 17:00 - Møtestad: Kommunehuset Varamedlem skal ikkje møta utan nærare innkalling Forfall til møtet eller ugildskap må meldast snarast råd til ekspedisjonen (tlf. 56 58 74 00 eller e-post postmottak@samnanger.kommune.no,) som vil kalla inn varamedlem. I tillegg til sakene på saklista vil det i møtet bli informert om barnevern. ordførar
Side 2 av 6 SAKLISTE Saker til handsaming på møtet Sak nr. Arkivsak Sakstittel Merknad 001/13 13/91 Faste saker 002/13 09/635 Utbygging ved Samnangerheimen - avklaring i høve til framtidig utviding Oversikt faste saker Godkjenning av innkalling og sakliste Godkjenning av protokoll frå førre møte Val av tre representantar for underskriving av møteprotokoll Delegerte vedtak/referatsaker Utvalet sitt kvarter
SAMNANGER KOMMUNE Side 3 av 6 SAKSFRAMLEGG Arkivsaksnr: 13/91 Løpenr: 13/585 Sakstype: Politisk sak SAKSGANG Styre, utval, komité m.m. Møtedato Saksnr. Saksbeh. Kommunestyret 12.02.2013 001/13 JEB FASTE SAKER Oversikt faste saker: Godkjenning av innkalling og sakliste Godkjenning av protokoll frå førre møte Val av tre representantar for underskriving av møteprotokoll Delegerte vedtak/referatsaker Utvalet sitt kvarter Oversikt delegerte vedtak/referatsaker som er meldt opp til møtet: Rådmannen sitt framlegg til vedtak: Møteinnkallinga og saklista vert godkjent Protokollen frå førre møte vert godkjent Delegerte vedtak/referatsaker vert tekne til orientering
SAMNANGER KOMMUNE Side 4 av 6 SAKSFRAMLEGG Sakshandsamar: Tone Ramsli Arkivkode: FE-614 Arkivsaksnr: 09/635 Løpenr: 13/522 Sakstype: Politisk sak SAKSGANG Styre, utval, komité m.m. Møtedato Saksnr. Saksbeh. Kommunestyret 12.02.2013 002/13 TR UTBYGGING VED SAMNANGERHEIMEN - AVKLARING I HØVE TIL FRAMTIDIG UTVIDING Kva saka gjeld: Kommunestyret fatta i sak 50/10 fylgjande vedtak: Kommunestyret viser til saksutgreiing med vedlegg i sak 37/10 handsama 30. sept. -10. det vert arbeidd vidare med alternativ 3. det vert utarbeidd eit byggjeprogram som skal danna grunnlag for innbyding til anbodsrunde. Oppvekst- omsorgsutvalet vert framleis styringsgruppe for prosjektet. Prosjektgruppa held fram og knyter til seg konsulent. PØ skal saman med administrasjonen utarbeida framlegg til finansiering. Styringsgruppa får utvida mandat til å greia ut korleis heimen i framtida kan utvidast med 8 plassar meir enn dei 31 som er lagt inn i prosjektet. Gjennom arbeidet med skisseprosjektet vart det avklara at det var mogleg å få til eit neste byggjesteg for 8 bu-einingar i ei etasje over den delen av bygget som skal innehalda pasientrom. Den løysinga som er vald i skisseprosjektet for dei framtidige 8 plassane gir driftsmessige føremonar samanlikna t.d. med å spreia pasientromma fleire stader på tomta. Den krev og minst tomteareal. Prosjektgruppa som arbeidde med skisseprosjektet la vesentleg vekt på å få eit effektivt bygg, og valde derfor dette alternativet. Det inneber at det kjem kostnader alt no på den framtidige delen av bygget. 4
Skisse som viser farmtidig påbygd etasje Side 5 av 6 Ny prosjektgruppa drøfta i møte i januar 2013 ulike problemstillingar knytt til påbygget. Det vart konkludert i prosjektgruppa med at bygget ikkje bør prosjekterast for ei framtidig utviding. Dette var grunngjeve med at eit evt. behov for fleire plassar ligg så langt fram i tid at det ikkje er rett å ta omsyn til det ved prosjektering. Prosjektgruppa meiner at gruppa ikkje har mandat til å fatta slik avgjerd sidan det inneber eit brot med skisseprosjektet som er godkjend av kommunestyret. Ut frå føreliggjande statistikk aukar tal eldre over 90 år først etter 2030, dvs. ca 20 år fram i tid. Tabell som viser framskriving av innbyggjarar over 70 år og totalt for Samnanger med middels nasjonal vekst. Tabell som viser framskriving innbyggjarar over 70 år med høg nasjonal vekst Vurderingar og konsekvensar: Diskusjonen om framtidig utviding kom i prosjektgruppa ut frå at prosjekteringsarbeidet har starta opp. Dersom framtidig utviding skal skje gjennom ei ny øvre etasje, vil det alt no koma vesentlege kostnader på bygget. For prosjektgruppa er det vanskeleg å forsvara slike investeringar når evt utviding ikkje skal realiserast før om 20 år. Konsulenten har og meldt attende at det er driftsmessige utfordringar å ha tekniske anlegg som er dimensjonert med vesentlege større kapasitet enn det som vert brukt. Dette gjeld m.a. ventilering. Prosjektleiar har og reist spørsmål ved om ein ikkje burde byggja øvste etasjen som eit «tomt skall» (loft) med minimum av tekniske løysingar som er nødvendig for at bygget skal fungera. Det vert både utfordrande og dyrt å riva taket og byggja ei heil ny etasje ein gong i framtida. Omsynet til bebuarar og tilsette med ein ny byggjeperiode vart trekt fram. 5
Side 6 av 6 Fylgjande moment var framme i drøftingane i prosjektgruppa. Ut frå statistikken vil behovet for fleire plassar vurdert ut frå slik me tildelar/brukar sjukeheimsplassane i dag først vera aktuelt etter 2030. Usikkerheita knytt til dette er om t.d. samhandlingsreforma vil endra behovet for sjukeheimsplassar. Dette kan tenkjast å slå begge vegar, men me ser alt i dag eit litt større etterspurnad etter korttidsplassar i samband med tidleg utskriving frå sjukehus. På den andre sida ser me og at med dagens teknologi medisinske og tekniske er det større moglegheit for å gje adekvat hjelp i heimane. Dette er truleg ei utvikling som vil halda fram. I lys av den ovannemnde utviklinga kan det og tenkjast at ein institusjonsplass om 20 år vil sjå ansleis ut enn slik me tenkjer i dag. Bygging av små husvære sentralt i kommunen har gjort at etterspurnaden etter omsorgsbustader har gått ned. Me har f.t. to ledige bustader. Med universelt tilrettelagde bustader ligg det og vel til rette for at folk kan bu lenger heime. Grunnen til at skisseprosjektet vart utforma slik det vart, var grunngjeve med effektiv drift. Stor avstand mellom ulike pleiepostar fører til meir trakk og avgrensar moglegheitene for samdrift for ulike postar. Dette er sjølvsagt eit viktig moment. Det kan likevel tenkjast at ny teknologi, pasientgrupper m.m. gjer dette momentet mindre viktig sett i lys av den kostnaden ein slik planlegging medfører alt no. Det er mogleg å finna andre løysingar som ivaretek ønskje om utviding i området som ikkje har innverknad på det bygget som no skal oppførast. Prosjektgruppa ser klart behov for fleire institusjonsplassar i Samnanger i framtida. Men gruppa meiner at det er så mange usikre faktorar at det ikkje er rett å leggja til rette for at det skal skje ved ei øvre etasje på bygget. Prosjektgruppa er klar over at med eit slikt val er moglegheita for å byggja i høgda vald bort. 6