1 Løyve til utslepp frå Tine Meieriet Lom og Skjåk Løyvet er gjeve med heimel i: lov om vern mot forurensninger og om avfall (forureiningslova) av 13. mars 1981 nr. 6, 11, 16 og 18. Løyvet gjeld utslepp i samband med produksjon av gudbrandsdalsost, og er gjeve på bakgrunn av søknad frå Tine Meieriet Lom og Skjåk av 15.12.11 og opplysningar som har kome fram i samband med søknaden. Det erstattar vilkår i løyve gjeve av tidlegare SFT (no Klif) 17.12.74 og 05.09.80. Det nye løyvet gjeld frå dags dato, 01.08.2012. Bedriftsdata: Bedrift Postadresse Juridisk selskapsnamn NACE-kode og bransje Organisasjonsnr bedrift Eigd av Tine Meieriet Lom og Skjåk 2686 Lom Tine SA avd. Lom & Skjåk 10.510 Produksjon av meierivarer 974 091 410 (BEDR) 947 942 638 (Tine SA) Anleggsdata: Lokalitet Ved kommunegrensa Lom - Skjåk Gards- og bruksnr Gnr 1/4, 1/7 og 1/8 Grunneigar Tine SA avd. Lom & Skjåk Koordinatar Øst/nord 157410 6876121 Kommune og fylke Skjåk kommune i Oppland NOSE-kode anlegg 105.03.22 Meieriindustri Arkivkode Fylkesmannen Dato dette løyvet Risikoklasse Anleggsnummer 2007/5857 01.08.2012 3 0513.0002.01 Risikoklasse refererer til 39-6 i forskrift om begrensning av forurensning (forureiningsforskrifta) Anleggsnummer refererer til vår database Forurensning Vebjørn Knarrum avdelingsdirektør Elin Hilde saksbehandlar Dette dokumentet er godkjent elektronisk og gyldig utan underskrift.
2 Innhald 1 Ramme 3 2 Utslepp til vatn 2.1 Reinsekrav.. 3 2.2 Prøvetaking og analyse. 3 2.3 Utforming og drift av avløpsanlegget.. 4 2.4 Utslepp av kjølevatn.. 4 2.5 Overflatevatn.. 4 2.6 Oljehaldig avløpsvatn 4 3 Luftutslepp, lukt, støy, grunnforureining. 5 4 Testing og substitusjon av kjemikal.. 5 5 Avfall 5 6 Energistyringssystem. 5 7 Internkontroll, beredskap, rapportering 7.1 Internkontroll ytre miljø, tiltak mot forureining. 6 7.2 Akutt forureining, varsling, beredskapsplan 6 7.3 Rapportering 6 8 Generelle vilkår 8.1 Plikt til å redusere forureining så langt som mogleg.. 7 8.2 Tilsyn. 7 8.3 Brot på vilkåra.. 7 8.4 Ansvar, erstatning 7 8.5 Endring av krav og løyve 7 8.6 Eigarskifte, endringar.. 7 8.7 Nedlegging, driftsstans 7 side
3 1. Ramme Løyvet gjeld for utslepp til miljøet i samband med produksjon av gudbrandsdalsost ved eksisterande anlegg hjå Tine Meieriet Lom og Skjåk. Produksjonen er avgrensa til 1400 tonn ost pr år. Avløpsvatnet skal reinsast i reinseanlegg før utslepp til elva Otta. Reinseanlegget skal fungere best mogleg og kunne reinse avløpsvatnet slik at utsleppet er i samsvar med krav i dette løyvet. Sanitæravløpsvatn frå ysteriet og frå den tidlegare styrarbustaden går også til reinseanlegget for ysteriet. Verksemda eig bustaden, som er leigd ut som husvere. 2. Utslepp til vatn 2.1 Reinsekrav Krava til reinsing av avløpsvatnet er tilnærma dei krav som er sett til utslepp frå kommunale avløpsanlegg i same område. Følgjande krav gjeld for utslepp av fosfor og organisk stoff i avløpsvatn frå reinseanlegget: Ptot BOF 5 KOF CR mg/l 0,4 25 125 reinseeffekt 95 % 70 % 75 % Både krav til konsentrasjon og til reinseeffekt skal haldast for fosfor. Kravet gjeld årleg middelverdi. Minst 10 av 12 prøvar må halde reinseeffektkravet eller konsentrasjonskravet for organisk stoff, om utsleppet skal bli vurdert å vere innanfor kravet. I tillegg kan ikkje den høgaste analyseverdien overstige konsentrasjonskravet med 100 %. Fylkesmannen skal varslast snarast dersom reinsekravet er overskride med meir enn 100 %. Jf også pkt 6.2. 2.2 Prøvetaking og analyse Det skal takast 12 vassprøvar årleg ved reinseanlegget. Når det blir teke prøve, skal tilført vassføring målast med ei usikkerheit på maksimalt 10 % og registrerast. Verksemd som utfører prøvetaking skal vere akkreditert for prøvetaking eller ha eit tilsvarande kvalitetssikringssystem for prøvetaking godkjent av ein kvalifisert nøytral instans. Prøvane skal vere represententative for avløpsvatnet og takast ved hjelp av automatisk, mengdeproporsjonalt prøvetakingssystem, med jamne mellomrom gjennom heile året. Tidspunkt for prøvetaking skal vere i samsvar med ein tidsplan sett opp i internkontrollen. Prøvane skal konserverast og oppbevarast i samsvar med Norsk Standard eller annan godkjend laboratoriepraksis.
4 Det skal takast døgnblandprøvar når det gjeld organisk stoff. Det skal takast døgn- eller vekeblandprøvar for fosfor. Viss prøvetaking av utløpsvatnet frå reinseanlegget skjer slik at prøven ikkje inkluderer avløpsvatn som går i overløp i eller ved reinseanlegget, skal overløpet målast, registrerast og reknast med i reinsegraden. Prøvane skal analyserast av laboratorium som er akkreditert for dei ulike analysane, og i samsvar med norsk standard. 2.3 Utforming og drift av avløpsanlegget Reinseanlegget skal vere dimensjonert, bygd og drive av fagkunnige slik at det har god nok yteevne under alle klimatiske forhold som er normale for staden. Ved utforming av anlegget skal det takast hensyn til variasjonar i mengde avløpsvatn i løpet av året. Det skal kunne takast represententative prøvar av det tilførte avløpsvatnet og av det reinsa avløpsvatnet. Det skal vere mogleg å måle mengde avløpsvatn. Utsleppsstaden for avløpsvatnet i elva Otta skal vere slik at verknaden på resipienten blir minst mogleg og slik at ein unngår brukarkonfliktar. Avløpsleidningar skal utformast og vedlikehaldast slik at det ikkje blir utslepp til vatn og grunn. Verksemda skal ha oversikt over eventuelle overløp i samband med reinseanlegget. Slam frå reinseanlegget skal handterast slik at forureining ikkje skjer. Handtering skal skje i samsvar med regelverk som gjeld for slam og organiske gjødselvarer. Varslingsrutinar Reinseanlegget blir følgt opp av driftsoperatør frå Skjåk kommune. Det er difor viktig at det er fastsett skriftlege rutinar for varsling til driftsoperatør dersom det skjer noko uføresett under produksjonen, som kan føre til konsekvensar for funksjon og drift ved reinseanlegget. Slike rutinar skal vere ein del av den dokumenterte internkontrollen ved verksemda, jf pkt 7.1. 2.4 Utslepp av kjølevatn Kjølevatnet skal førast ut i vassdrag på ein slik måte at innblanding i vassmassane blir best mogleg, og skal ikkje føre til temperaturendringar av betydning i resipienten. 2.5 Overflatevatn Avrenning av overflatevatn frå uteareal hjå verksemda skal handterast slik at det ikkje medfører skade eller ulempe for miljøet. 2.6 Oljehaldig avløpsvatn Oljehaldig avløpsvatn skal handterast i samsvar med reglane i kap. 15 i forskrift om begrensning av forureining (forureiningsforskrifta).
5 3. Luftutslepp, lukt, støy, grunnforureining I tillegg til elektrisk straum blir det brukt noko olje som energikjelde. Når det gjeld utslepp frå fyringsanlegg viser vi til kap 8 i forureiningsforskrifta om svovelinnhald i olje, og til kap 27 i same forskrift om anlegg for reine brensel. Verksemda skal elles drivast slik at det ikkje blir vesentlege lukt- og støyplager i nærmiljøet. Klage på slike ulemper skal dokumenterast hjå verksemda, jf krav til internkontroll. Det må også sikrast mot forureining av grunnen. Graving og andre tiltak som kan påverke forureina grunn treng godkjenning etter forureiningslova, jf kap 2 i forureiningsforskrifta. 4. Testing og substitusjon av kjemikal Med kjemikal mener ein kjemiske stoff og stoffblandingar som blir brukte i verksemda, f eks vaskemiddel, middel mot brann og anna som blir brukt på utstyr og anlegg. Kjemikal som blir brukte på ein slik måte at det kan medføre fare for forureining skal vere testa for toksisitet og for korleis dei blir brotne ned og akkumulerte i det biologiske systemet. Bedrifta skal ha eit system for substitusjon av kjemikal og råstoff, jf krav i produktforskrifta 3a. Skadeleg effekt på helse og miljø skal vurderast. Der betre alternativ finst, skal desse brukast så langt det kan skje utan urimeleg kostnad eller ulempe. 5. Avfall Bedrifta pliktar så langt som råd å unngå at det blir danna avfall som følgje av verksemda. Mest mogleg av avfallet skal gjenvinnast. Handtering av alt avfall skal skje i samsvar med gjeldande reglar etter forureiningslova. Vi viser spesielt til forskrift om gjenvinning og behandling av avfall (avfallsforskrifta). Rutinar for avfallshandtering, f eks deklarering og årleg innlevering av farleg, avfall skal vere ein del av internkontrollen. 6. Energistyringssystem Verksemda skal ha eit system for kontinuerleg vurdering av tiltak som kan iverksetjast for å oppnå ein mest mogleg energieffektiv produksjon i anlegga. Energistyringssystemet skal vere i samsvar med norsk standard for energileiing og inngå i internkontrollen. Verksemda skal i størst mogleg grad utnytte overskotsenergi frå eksisterande og nye anlegg internt. Spesifikt energiforbruk skal bereknast og rapporterast årleg, jf også pkt 7.3.
6 7. Internkontroll, beredskap, rapportering 7.1 Internkontroll ytre miljø, tiltak mot forureining Verksemda skal ha ein dokumentert internkontroll for å sikre at miljøhensyn blir ivareteke, jf forskrift om systematisk helse-, miljø- og sikkerhetsarbeid i virksomheter (internkontrollforskrifta). Internkontrollen skal sikre at verksemda held krava i dette løyvet, forureiningslova, produktkontrollova og relevante forskrifter knytt til desse lovene. Internkontrollen skal vere oppdatert til eikvar tid. Viktige tema og element i internkontrollen er opplæring, kjennskap til relevant regelverk, driftsrutinar, risikovurdering inkludert miljørisikovurdering, tiltaksplan, avviksbehandling og internt tilsyn. Det må liggje føre driftsinstruks for reinseanlegg og rutinar for produksjonen for å sikre at forureining ikkje oppstår. Miljørisikoanalyse Bedrifta skal kartleggje og vurdere risiko for forureining av vatn, grunn og luft. Jf 5 andre leden nr 6 i internkontrollforskrifta. På bakgrunn av vurderinga skal det gjerast risikoreduserande tiltak, tiltak som minskar sannsynlegheit for utslepp og tiltak som minskar konsekvensen for miljøet om utslepp skjer. 7 i forureiningslova krev også iverksetjing av tiltak ved forureining eller fare for dette. 7.2 Akutt forureining, varsling, beredskapsplan Akutt forureining skal varslast i samsvar med forskrift om varsling av akutt forurensning. Fylkesmannen skal også varslast. Andre unormale driftsforhold som kan ha betydning for miljøet skal også varslast til Fylkesmannen. Beredskap mot akutt forureining skal vere dokumentert i ein beredskapsplan. 7.3 Rapportering Elektronisk rapportering Det skal kvart år sendast ein rapport om utslepp til miljøet i føregående år, i samsvar med krav frå Fylkesmannen. Fristen er 1. mars kvart år og skal skje ved elektronisk rapportering gjennom Altinn, dersom det ikkje er fastsett noko anna. Rapporten skal gje informasjon om mellom anna: Utslepp av forureining til vatn Reinseresultat for avløpsvatn Oversikt over avfall frå verksemda Energiforbruk og spesifikt energiforbruk Registrerte avvik som gjeld ytre miljø; forureining, avfallsproblem, klager støy, lukt, andre miljøulemper Årsrapport Det skal i tillegg sendast ein årleg rapport til Fylkesmannen som viser: Resultat av alle kontrollprøvane Vassføringsdata og slamproduksjon
7 Vurdering av anlegg og drift, behov for tiltak Frist for denne rapporten: 1. mai kvart år. 8. Generelle vilkår 8.1 Plikt til å redusere forureining så langt som mogleg All forureining frå verksemda, utslepp til luft, vatn, støy og avfall, er isolert sett uønskt. Sjølv om utsleppa er innanfor løyvet og gjeldande krav, så pliktar verksemda å redusere forureiningane så langt som mogleg. 8.2 Tilsyn Verksemda pliktar å la representantar for Fylkesmannen føre tilsyn med anlegga til eikvar tid. 8.3 Brot på vilkåra Brot på vilkår i løyve og krav i forureininigslova med forskrifter er straffbart i samsvar med 78 og 79 i forureiningslova. 8.4 Ansvar, erstatning osv. Løyve etter forureiningslova fritek ikkje for innhenting av løyve for andre sider ved verksemda som f eks abeidsmiljø, brann- og eksplosjonsvern. Løyvet fritek ikkje anleggseigar for erstatningsansvar etter alminnelege erstatningsreglar, jf forureiningslova 10, andre leden. 8.5 Endring av krav og løyve Fylkesmannen kan av omsyn til miljøet stille strengare krav enn det som går fram av dette løyvet. Endringar kan gjerast i samsvar med 18 i forureiningslova. 51 i lova gjer det også mogleg å påleggje verksemda å undersøkje miljøpåverknad. 8.6 Eigarskifte, endringar Ved skifte av ansvarleg for verksemda inkludert namneendring skal det gjevast melding til Fylkesmannen så snart som mogleg. Det same gjeld dersom det blir vurdert vesentlege endringar i anlegg. Dersom det er ønske om endringar i fastsette vilkår skal det søkjast Fylkesmannen om løyve. 8.7 Nedlegging, driftsstans Viss anlegget blir nedlagt eller drifta stansar for ein lenger periode, skal eigar eller brukar gjere det som er nødvendig for å motverke fare for forureining og miljøbelastning. Det skal også sendast skriftleg melding til Fylkesmannen ved ein slik situasjon. Fylkesmannen kan deretter fastsetje krav til avviklinga, som opprydding, klargjering og fjerning av gjenverende avfall inkludert farleg avfall, og levering av dette til godkjende mottak. Ved nedlegging av verksemda skal den ansvarlege syte for at driftsstaden blir sett i miljømessig tilfredsstillande stand igjen.