Midsund kommune TRAFIKKTRYGGINGSPLAN 2014-2018 Foto: Odd Fremstedal Vedtatt av kommunestyret 8.5.2014, i sak 14/27.
INNHALD 1. INNLEIING... 2 2. ORGANISERING AV TRAFIKKTRYGGINGSARBEIDET... 3 2.1 Sentralt nivå... 3 2.2 Fylkesnivå... 3 2.3 Kommunenivå... 3 3. SITUASJONEN I DAG/UTVIKLINGSTREKK... 4 3.1 Busetnad... 4 3.2 Vegsystemet i kommunen... 4 3.3 Ulykkesstatistikk for Midsund kommune... 4 3.4 Sidan sist... 5 4. VISJON OG MÅL... 5 5. FYSISKE TILTAK... 7 5.1 Gang- og sykkelvegar... 7 5.2 Diverse trafikktryggingstiltak... 7 5.3 Veglys... 8 5.4 Skilting/rekkverk... 9 Fartsreduserande tiltak... 9 5.5 Utbetring på fylkesvegane... 9 5.7 Asfaltering... 10 6. TRAFIKKANTRETTA TILTAK... 10 7. STØNADSORDNINGAR... 10 7.1 Trafikktryggingsmidlar... 11 7.2 Materiell til trafikktryggingsarbeid... 11 8. OPPFØLGNING AV PLANEN... 11 9. VEDLEGG side 1
1.INNLEIING Kommunen er ein viktig aktør i arbeidet med å førebygge trafikkulykker. Både som vegeigar, skule- og barnehageeigar, arbeidsgivar og som kjøpar av transportteneste har kommunen eit ansvar for å førebygge ulykker i trafikken. I tillegg har kommunen gjennom arealplanlegginga eit stort ansvar for å legge til rette for trafikktryggleik ved all ny utbygging. Førre trafikktryggingsplan vart vedtatt som ein kommunedelplan i tråd med plan- og bygningslova frå 1985. Det nye vedtaket av planen vil vedta trafikktryggingsplanen som ei temaplan og vil avløyse kommunedelplanen for trafikktrygging som vart vedtatt 21.november 2004 i sak 04/038. Temaplanen skal vise korleis kommunen skal engasjere seg på området. I Midsund kommune har det vore ønskjeleg, både politisk og administrativt, at det har blitt utarbeidd ei liste over prioriterte tiltak knytt til trafikktryggingsarbeidet lokalt. Denne lista har gjennom denne rulleringa blitt oppdatert. Gjennom planarbeidet har det blitt heldt møte med foreldrearbeidsutvala (FAU) på skulane i kommunen. Barnehagane har også blitt invitert inn til deltaking gjennom diskusjonsmøte på kommunehuset. Det har vore lagt ut eit skriv på heimesida der kommunen har oppmoda innbyggjarane til å kome med innspel, og det har vore ein artikkel og annonse i desemberutgåva av Øyavis i 2013. På denne måten har kommunen sikra medverknad i planarbeidet. side 2
2. ORGANISERING AV TRAFIKKTRYGGINGSARBEIDET Trafikktryggingsarbeidet drives på fleire nivå, og ansvaret for trafikken i ditt område er delt mellom ei rekke organ i stat, fylke og kommunar. 2.1 Sentralt nivå Samferdselsdepartementet har eit overordna ansvar for det nasjonale trafikktryggingsarbeidet. Prøver ein å finne ut kvar det reelle ansvaret ligg for å utforme og gjennomføre trafikktryggingstiltak på alle forvaltningsnivå, resulterer det i eit ganske so komplisert bilde. Ansvaret er delt mellom ei rekke organ i stat, fylker og kommunar. Fleire av dei ulike instansane arbeidar på fleire nivå, til dømes er politiet og Statens vegvesen viktige utøvarar både på fylkes- og kommunenivå. Trygg Trafikk har med støtte frå det offentlige m.a. som oppgåve å samordne det frivillige trafikktryggingsarbeidet vis-à-vis sentrale myndighetar, samtidig som organisasjonen samarbeider med frivillige interesser på alle nivå og elles er engasjert også på fylkes- og kommunenivå. 2.2 Fylkesnivå Fylkeskommunen har etter Vegtrafikklovas 40a ansvar for å tilrå og samordne tiltak for å fremme trafikktryggleiken i fylket. Dette er i Møre og Romsdal ivaretatt ved at fylkeskommunen har oppnemnt eit eige trafikktryggingsutval (FTU) som arbeidar særskilt med trafikktrygging. Utvalet er eit underutval av samferdselsutvalet, og sekretariatet ligg hos fylkesrådmannen. Tiltaka som utvala behandlar omfattar oppgåver som gjeld trafikantretta tiltak og mindre fysiske tiltak, samt gjer tilrådingar til samferdselsutvalet i andre saker som gjeld trafikktrygging. 2.3 Kommunenivå Det er mange lovar og forskrifter som både direkte og indirekte omtalar kommunen ansvar med førebygging av ulykker, folkehelsearbeid og trafikktrygging. Som nemnt innleiingsvis speler kommunen ein viktig rolle i trafikktryggingsarbeidet. Rammer og føringar for kommunens trafikktryggingsarbeid: Folkehelseloven Vegtrafikkloven Vegloven Plan- og bygningsloven Opplæringsloven Nasjonal transportplan 2014-2023 Trafikktryggingsstrategi for Møre og Romsdal 2013-2022 Regional delplan for folkehelse 2014-2017 Kommuneplanens samfunnsdel Kommuneplanens arealdel (under rullering) God helse plana 2007-2010 side 3
3. SITUASJONEN I DAG/UTVIKLINGSTREKK 3.1 Busetnad Midsund kommune hadde ved inngangen til tredje kvartal 2013 om lag 2020 innbyggjarar fordelt på 94 km2 (SSB). Kommunen har dei siste åra hatt ein svak vekst i folketalet og grunnlaget for veksten er knytt til fødselsoverskot og innvandring frå utlandet. Kommunen består av øyene Otrøya og Midøya, samt dei mindre øyane Dryna, Magerøya og Tautra. Alle øyane bortsett frå Tautra er knytt saman av bruer. Kommunesenteret Midsund ligg på Otrøya og det er i dette område det bur flest menneske. Kommunen har tre skular (Raknes skule, Midsund skule og Midsund Montessoriskule) og to barnehagar (Midsund og Gjerdet barnehage). Mange av borna ferdast med buss til og frå skulen. På kvardagane er om lag 300 skuleborn på veg til skulen eller heim i kommunen vår. Når dei ferdast på vegane uroar foreldra seg ofte. Dette kjem fram gjennom møte med foreldrearbeidsutvala i kommunen i starten av planarbeidet. Kommunen ligger ikkje langt unna byane Molde og Ålesund og ferjestrekningane Solholmen- Mordalsvågen og Dryna-Brattvåg gir kommunen kontakt med resten av Romsdalen og Sunnmøre. Rutefrekvensen er best mot Molde. Anna offentleg kommunikasjon er i hovudsak knytt opp mot skuleskyssen til grunnskolane i Midsund, samt pendlarruter for arbeidarar og skuleelevar som går på vidaregåande skule utanfor kommunen. Offentleg kommunikasjon internt i kommunen er dårleg og er vanskeleg å gjere seg nytte av. Dei aller fleste er i stor grad avhengig av å disponere bil, spesielt om ein busett seg utanfor kommunesenteret. 3.2 Vegsystemet i kommunen Frå 2010 vart ansvaret for riksvegane i kommunen overført frå stat til fylke. Kommunen har i dag fire fylkesvegar. Det er fylkesvegar på begge sider av Otrøya og Midøya. (FV 668 og FV 202) I tillegg er vegen frå Krafsebukta til Tangen (FV 203) og frå Ramberget til Gangstad (FV 204) fylkesveg. Alt i alt har kommunen ca. 61 km fylkesveg. Kart over Midsund kommune: 3.3 Ulykkesstatistikk for Midsund kommune side 4
Innhenta ulykkesstatistikk frå Statens Vegvesen (Utarbeida av Marianne Amundsen) frå 2004 og ut 2012 viser at det heldigvis ikkje har skjedd mange alvorlege ulykker dei siste 10 åra. Dei aktuelle tabellane er lagt ved som vedlegg i plana. Vi har heldigvis ikkje hatt nokon dødsulykker i kommunen og dei fleste ulykkene er utforkøyringar. Gjennom materialet ser man og at dei er unge mellom 15 til 20 år som har vore mest involvert i trafikkulykker. Med tanke på at vegane i kommunen er smale er det eit under at det ikkje har vore påkøyrsler av fotgjengarar dei siste 10 åra. 3.4 Sidan sist Trafikktrygging er ei viktig oppgåve for kommunen som påverkar både livskvalitet og folkehelse. Det er ei stort behov for gang- og sykkelvegar i kommunen. Køyring av born og unge til skulen på grunn av at skulevegen er for farleg er eit viktig punkt å arbeide med. Sidan 2004 då førre plan vart vedtatt har alle fylkesvegane no fast dekke. Fylkesveg 202 på innsida av Otrøya fekk gjennom «grusvegpakka» asfaltdekke og utbetring/utbygging av møteplassar Vegen er framleis smal med skumle bakketoppar og små møteplassar. Eit budsjettforlik på Stortinget gav midlar til å forbetre ein del av vegen frå Solholmen til Sundsbøen. Ras-sikring og forbetring av vegen gjennom Setkleiva fjerna ein flaskehals på vegstrekninga. Vegen var tidlegare so smal at to bilar ikkje kunne passere. Det har og vore fokusert på veglys og det har enkelte plassar i kommunen blitt oppført nye veglys, samt komplettering av dei eksisterande. Ein opplyst veg gjer at det blir tryggare å ferdast for mjuke trafikkantar. Trafikktrygging har vore og er eit viktig tema i undervisningsopplegget på skulane. Ny læreplan for skulane kunnskapsløftet har målsettingar knytt til trafikkopplæring på dei ulike trinna. Når det gjeld målsettingane i førre plan var dei at Midsund kommune skulle arbeide for; - Systematisk utbetring av vegnettet - Leggje forholda spesielt til rette for barn og unge som ferdast i trafikken - Kunnskap og haldningsskapande arbeid skal bidra til å skape tryggleik i trafikken No når denne plana rullerast ser vi at kommunen gjennom tiltaka har arbeid for å nå desse målsettingane. side 5
4. VISJON OG MÅL Vi kan ikkje heilgardere oss mot ulykker i kommunen, men vi kan leggje forholda til rette slik at alle skal kunne ferdast tryggare i trafikken. Førebyggande og haldningsskapande arbeid er ein viktig del av det generelle trafikktryggingsarbeidet i kommunen vår i tillegg til areal- og transportplanlegging. Med bakgrunn i signal frå sentrale styresmakter, er visjonen for trafikktryggingsarbeidet i Midsund kommune som følgjer: I kommunen vår skal ingen bli drepne eller skada i trafikken Vidare legg kommuneplanens samfunnsdel, Midsund på veg mot toppen, fram hovudmål for Midsund kommune skal arbeide målretta med fysiske og åtferdsretta tiltak som bidreg til å skape tryggleik i trafikken Systematisk utbygging av gangvegar Leggje forholda spesielt til rette for barn og unge som ferdast i trafikken Vidare følgjer ei oversikt over konkrete problemområde og forslag til tiltak som vil bidra til å auke trafikktryggleiken. Midsund kommunestyret vedtok 12.12.2013 k. sak 13/76 «innspel til planprosessar i samferdselssektoren».. Vedtaket er innarbeid i planen. side 6
5. FYSISKE TILTAK 5.1 Gang- og sykkelvegar Gangveg gjennom Midsund sentrum Eksisterande veg gjennom sentrum er smal og har mange trafikkfarlege område. Det er svært skummelt å ferdast gjennom sentrum når det er mørkt. Trafikantar utan refleks og smale vegar skapar trafikkfarlege situasjonar. Gangvegplanlegging må startast opp snarast. Gangveg over Midsundbrua Det er eit stort behov for bygging av gang- og sykkelveg over Midsundbrua. Brua er i dag livsfarleg då den er smal og uoversiktleg. Bygging av gang- og sykkelveg over brua vil kunne gje ei positiv effekt ved at det vert tilgang til eit større område for utbygging av sentrumsnære bustader. Planleggje gangveg frå Midsundbrua til Bløkrysset Vidare frå Midsundbrua og til Bløkrysset er det behov for gangveg Planleggje gang- og sykkelveg frå Akslakleiva til Fjøsbakken Området har mykje folk og ein gangveg kunne betra tilgangen deira til ulike sentrumsfunksjonar, fritidsaktiviteter og trygga skulevegen til borna. Området ligg innafor 4 km som er område for betalt skuleskyss. Ny gangveg frå busslomme til skuleområde ved Midsund skule Behov for y gangveg for å trygge ferdsla til borna. X Industrivegen/ fv. 668 og nedover til Gjerdet barnehage Behov for gangveg. Stor aktivitet i området. Bøen aust for Midsund barnehage Behov for gangveg i bytte for stenging av eksisterande veg forbi Midsund barnehage. Gangveg X fv 202/fv 668 til Bøen Behov for gangveg til stort bustadområde. Vegen er smal med behov for gangveg., samt fleire eldre på Sjukeheimen brukar vegen får å gå tur til «Heimstevika». Gangveg Raknes skule til Tangen Vegen er smal og det er behov for gangveg i dette området, spesielt frå Raknes skule til Tangen. Sti x ved gamle aldersheimen til snarvegen mot Lyngja Behov for snarveg. Gangveg Krafsebukta Rakvåg Smal trafikkfarleg veg med uoversiktleg bakketopp Gangveg Sjøslettevegen Smal veg med aukande trafikk og mange mjuke trafikantar. Behov for gangveg. 5.2 Diverse trafikktryggingstiltak Ny fylkesveg gjennom Midsund sentrum Vegen er smal med store trafikkspor og vatnet spruter våt dei som går langs vegen. Reasfaltering som ei nødløysing. Starte planlegging av utvida av fv 668 med gangveg gjennom Midsund. Ny veg X Fv 668 til Breivikvegen Dette er ein veg som har fått auka trafikk frå nye bustadar som er bygd. Vegen er smal med ein uoversiktleg bakketopp ved løa. Vegstandarden er dårleg, med veggrunn som sviktar. side 7
Trafikktryggingstiltak Midsund Skule Store utfordringar i området ved levering og henting av born. Det må gjerast store tiltak for å betre områder. Ramberg Mange born i området som tek bussen til og frå skulen. Behov for busskur. Tirilltoppen uoversiktleg bakketopp Mange born i området og smal veg som er uoversiktleg Tiltak av Sv. Redusere tungtrafikken på fylkesveg 202 og 203 Smale, krokete vegar og aukande tungtrafikk skapar farlege situasjonar. Fv 202 Solholmen til Nord Heggdal - vegen har smal og bratt veg med fåe møteplassar og berhamarar ut i vegbana. Breddeutviding av vegen. Smalt og uoversiktleg. Berghamrarar stikk ut i vegbana. Breddeutviding bak senteret i Midsund Det er i dag trongt og smalt for bussane å komme seg inn og snu ved senteret. Dette bør utbetrast. Ny Sjøslettebru Det er i dag trongt og smalt. Brua stemmer ikkje med vegen etter vegomlegging. Fjøsbakken uoversiktleg bakketopp Mange born i området og smal veg som er uoversiktleg 5.3 Veglys Generelt sett er det viktig at ein ser på standardheving av kommunale vegar og veglys i samanheng. Bløkrysset og del av Sjøslettevegen + Sjøslettebrua Behov for nye veglys frå Bløkrysset til og med delar av Sjøslettevegen + nye lysmaster og lys til Sjøslettebrua. Stuttnesvegen Komplettering av veglys før standardheving av vegen. Buråsvegen Det er mange gåande og syklande på denne vegen og det er behov for veglys frå Krabbeviknest - Akslakleiva Røbergvegen Behov for veglys. Spesielt frå fv 668 til Olivinvegen. Flytting av lys ved Meieribakken Veglysa vart ikkje tatt med då vegen vart flytta. X Fv 668/202 til Bøen Behov for veglys. Mellom X Fv668/Skjervevegen til Skulekrysset Behov for veglys. Komplettering av veglys frå Raknes skule til Tangen Behov for veglys på deler av strekninga. Veglys frå Silvervegen til tidlegare Raknes samvirkelag Veglys må kompletterast. X Storvikvegen til X Fv 668/Skjervevegen Behov for veglys. Reitenvegen Behov for veglys. side 8
Skjervevegen Behov for veglys. Veglys i Nord-Heggdal i begge retningar Strekninga med veglys bør utvidast i Nord-Heggdal i begge retningar Strekninga Ramsvik Rosvik Behov for meir veglys. Otrøy kyrkje Fjøsbakken Mørkt område der det er ønskja gatelys Akslakleiva til Nygården Behov for meir veglys 5.4 Skilting/rekkverk Autovern/rekkverk Holevegen/Hole bru Behov for autovern/rekkverk over Hole bru. Autovern ved Klauset Her er eit bratt parti der det er behov for autovern. 5.5 Fartsreduserande tiltak Vurdering av fartsgrense på kommunale vegar Ved oppsetting av vegnamnskilt må ein på sikt sjå på fartsgrensene på kommunale vegar. Først i Midsund sentrum. Revurdere fartsgrensene på fylkesvegane Det er behov for å vurdere fartsgrensene både opp og ned, på fylkesvegane. Kvar det er born i kommunen varierer over tid. Fartsgrensene må ha ei totalvurdering, både opp og ned. 5.6 Utbetring på fylkesvegane Ny veg gjennom Midsund sentrum Vegen er smal og dårleg og behovet for utbetring av vegen er svært stor. Det er stor ferdsel på vegen og mange farlege situasjonar oppstår. Ny bru i Nord-Heggdal Brua er svært smal og ligg plassert i ei lita dump. Det er behov for ei ny og breiare bru. Utbetring av strekninga frå Solholmen til Nord Heggdal Her er vegen smal og bratt og svært trafikkfarleg. Strekninga har få møteplassar og bør utbetrast. Utbetring ved Straumsbrua i Rakvågen Vegen er skummel for bilar og mjuke trafikantar med ein fjellhamar som stikk ut i vegen. Vegen er også ujamn med ein stor hump som bilar ikkje ønskjer å køyre over. Utbetring ved Skotgarden Vegen vart utbetra gjennom «grusvegpakka», men det står att to bakketoppar som trengs ei utbetring. Utbetring av møteplassane på FV 202 og 203 Enkelte møteplassar ligg ikkje naturleg til/er for korte/på feil plass og bør utbetrast. Sidan vegen er smal og svingete skapar dette farlege situasjonar. side 9
Sluttføring av Raknesbakken Gangveg ved Raknesbakken vart påbegynt, men ikkje fullført. Dette bør gjerast noko med i form av utviding av eksisterande veg med tilhøyrande gangveg. 5.7 Asfaltering Midsund sentrum Det er behov for ny asfalt på vegen gjennom Midsund sentrum. Spesielt ved kommunehuset er det no små grøfter i vegen som blir fulle av vatn når det regnar. Kombinert med smal veg utan gangveg er dette problematisk for all ferdsel langs vegen. Solholmen via Sundsbø til Midsundbrua Mange humpar i asfalten pga. sviktande veggrunn og telehiv. Dette gjer at bilane skiftar fil for å unngå humpane. 6. TRAFIKKANTRETTA TILTAK Trafikktryggingsarbeidet omhandlar ikkje berre fysiske tiltak, men også tiltak som er haldningsskapande og retta mot trafikantane. Våre grunnleggande haldningar ovanfor trafikk og trafikktrygging blir danna allereie når vi er barn. Haldningsskapande tiltak skal rette seg mot trafikantane for å betre kunnskap, påverke haldningar og åtferd i trafikken. Her har kommunen ei viktig rolle som pådrivar. Haldning og åtferd til det einskilde mennesket er eit resultat av påverknad over lang tid. Kommunen ønskjer gjennom desse tiltaka å auke innsatsen frå barnehagestadiet og oppover gjennom heile grunnskulen. Nasjonal statistikk viser at det er ungdom i aldersgruppa 16-24 år som har høgast risiko for å bli utsett for trafikkulykker i forhold til andre aldersgrupper. Aller mest utsett er 18-19 åringane. Årsaka til ulykkene skuldast ofte manglande erfaring eller uoppmerksamheit, høg fart og manglande bruk av bilbelte. God opplæring i grunnskulen og rusarbeid i lag med helsestasjonen vil kunne bidra til å redusere denne risikoen. Foreldre spelar og ei stor rolle i trafikktryggingsarbeidet og informasjon til foreldre om korleis dei kan vere eit godt forbilde for barn og unge i trafikken eit innsatsområde. Det er ofte ein kombinasjon av samspelet mellom trafikanten, køyretøyet og vegen som fører til ei ulykke og det er naudsynt å kombinere ulike tiltak for å oppnå trafikktryggingseffektar. side 10
7. STØNADSORDNINGAR 7.1 Trafikktryggingsmidlar Møre og Romsdal fylkeskommune har enkelte år mogelegheit til å løyve midlar til kommunane til finansiering av trafikktryggingstiltak. Midlane blir utlyst via ein invitasjon til kommunane frå Statens vegvesen til å søkje om støtte til 50% av kostnadene for prosjektet. For å kunne få tildelt midlar vart det frå 2001 ein føresetnad at kommunane har utarbeidd ein trafikktryggingsplan. Desse tilskota skal nyttast til mellom anna å sikre skulevegar gjennom tiltak på «gamle» fylkesvegar og kommunale vegar. Det er ikkje høve til å søke om midlar til prosjekt på riksvegar eller vegar som før reforma i 2010 var klassifisert som riksveg. Kriteria for å få tilskot til prosjekt er at: Prosjekta må vere godt dokumenterte, og det må gå fram av kart og omtale kva problem ein vil løyse. Prosjekta må i hovudsak vere ferdig planlagde for oppstart og gjennomføring. Grunnspørsmål må vere ordna for prosjekt som får tildeling. Kommunal del av finansiering må vere tilrettelagt gjennom bindande vedtak i formannskap eller kommunestyre. Kostnadsoverslag må vere med. Prosjekta skal i utgangspunktet gjennomførast i tildelingsåret. Trafikktrygging er eit viktig tema i dei regionale møta Samferdselsavdeling arrangerer saman med Statens Vegvesen. Desse møta blir arrangert årleg og er ei ein fin mogelegheit for kommunen til å kome med innspel som kan vere med å utforme samferdselsarbeidet i Møre og Romsdal. 7.2 Materiell til trafikktryggingsarbeid Trygg Trafikk er ein av fleire aktuelle organisasjonar ein kan hente hjelp og materiell frå i det daglege trafikktryggingsarbeidet. Informasjon og materiell er og å finne på Statens vegvesen sine heimesider. 8. OPPFØLGNING AV PLANEN For at planen skal bli eit godt arbeidsreiskap for det langsiktige trafikktryggingsarbeidet i kommunen, må plana brukas aktivt av både administrasjonen og politikarane. Dette bør gjerast gjennom: - Trafikktryggingsarbeidet skal vere ein kontinuerlig aktivitet - Trafikktrygging skal gjennomsyre all kommunal aktivitet og kommunal planlegging - Handlingsdelen må vurderast i samband med budsjett,- og økonomiplanarbeidet kvart år Rulleringa av planen skal skje kvart 4. år. Planen skal rullerast i samsvar med kommunal planstrategi side 11
VEDLEGG 1: HANDLINGSDEL TRAFIKKANTRETTA TILTAK Pri. Alders.gr. År. Tiltak Ansvar Igangsett A 1-6 år 2014-> Trafikkopplæring i barnehagane Barnehage Ja B 3-6 år 2014/2016 Besøk av politiet/bamsen Eddy Barnehage/politi Nei A 6 år 2014-> Skulevegen og skuleskyss, opplæring i elementær trafikkforståing Skule/politi Ja B 6 år 2014-> Utdeling av refleksvestar, demonstrasjon i mørke og opplæring Skule/politi/SVV Ja A 6-10 år 2014-> Generell trafikkopplæring Skule/Politi Ja A 6-10 år 2014/2016 Opplæring om god framferd på skulebussen Skule/Politi Ja B 10-13 år 2014-> Sykkelopplæring, teknisk stand (temadag) Skule/Politi Ja A 10-16 år 2014-> Generell trafikkopplæring Skule/Politi Ja B 10-16 år 2014-> Utdeling av refleksar Skule/Politi/SVV Ja A 15-16 år 2014-> Trafikalt grunnkurs Skule/SVV Ja B 16-24 år 2014-> Informasjonsformidling og haldningskampanjer ungdom og rus Skule/Helse Kontinuerlig A Foreldre 2014/2017 Trafikktryggingskveld med førstehjelpskurs om barn og trafikkskader Skule/barnehage/TT/Helsesys. Ved behov B Eldre 2014-> Informasjonsformidling om oppfriskingskurs 65+ Helse/SVV Kontinuerlig A Alle 2014-> Informasjonsformidling om trafikktryggleik på heimesida og i Øyavis Oppvekst/FAU/TT Kontinuerlig A Alle Ved behov Møte om trafikktrygging basert på faktiske hendingar i nærmiljøa Politi/SVV Ved behov
FYSISKE TILTAK NR. ÅR VEGTYPE TILTAK KOSTN. UTFØRT I PLANPERIODEN 2004-2013 1 2006 Kommunal Oppføring av veglys gjennom Stormyra, 900m 2 2006 Fylkesveg Veglys gamle alderheimen - Coop Midsund 3 2006 Fylkesveg Veglys Jenset/Reiten bustadfelt - "Høgtun"(Nord-Heggdal kapell), 500m Komplettering veglys i X til Midøy skule + komplettering/justering opp til 4 2008 Fylkesveg skulen 5 2009 Fylkesveg Ny veg Orset-Gangstad 6 2013 Kommunal Veglys Søre Midøy/Gangstad bustadfelt 7 2013 Kommunal Veglys Gjerdevegen frå X Breivikvegen til Industrivegen 8 2014 Kommunal Ny veg Fv 668 - Breivikvegen PLANLAGT * = viktige innspel til samferdelssektoren- vedtatt av kommunest. 12.12.2013 Gang- og sykkelvegar 1 2014 Kommunal Midsund skule - ny gangveg frå busslomme til skuleområdet 30 2 2015 Kommunal Industrivegen - X Fv 668 - nedover til Gjerdet barnehage 60 3 2015 Kommunal Bøen aust for barnehagen. Kompensering for stengt veg veg 60 4 2016 Fylkesveg Planleggje: Fv 668 - over Midsundbrua * 400 5 2017 Fylkesveg Planleggje: Fv 668 - gjennom Midsund sentrum * 1500 6 2018 Fylkesveg Planleggje: Fv 668 - over Midsundbrua - til Fv 203 Bløkrysset, ca 750 m * 200 7 2018 Fylkesveg Planleggje: Fv 668 - Akslakleiva til Fjøsbakken, veglengd på 2000 m * 600 8 2018 Fylkesveg Planleggje: Gangveg X Fv 202/Fv 668 til Bøen 60 9 Kommunal Planleggje gangveg Sjøslettevegen 40 10 Fylkesveg Planleggje: Fv 203 Raknes skule til Tangen. ca 1300 m 11 Kommunal Sti x ved gamle aldersheimen til snarvegen mot Lyngja 12 Fylkesveg Planleggje gangveg Krafsebukta - Rakvåg Trafikktryggingstiltak 1 2014 Kommunal Ny veg x Fv 668 til Breivikvegen 1240 2 2014 Fylkesveg Redusere tungtrafikken på fylkesveg 202 og 203 3 2014 Kommunal Breddeutviding bak senteret i Midsund* 600 4 2015 Fylkesveg Tirilltoppen uoversiktleg bakketopp 5 2015 Fylkesveg Fjøsbakken uoversiktleg bakketopp* 6 2016 Kommunal Ny Sjøslettebru 800 Fv 202 Solholmen til Nord Heggdal - vegen har smal og bratt veg med få 7 2018 Fylkesveg møteplassar og berhamarar ut i vegbana. 8 2019 Fylkesveg Fv 668 - Ny veg med gangveg gjennom Midsund sentrum 9 Kommunal Trafikktryggingstiltak ved Midsund skule for bilar og gåande
Veglys Kommunal 1 2014 og fylke Bløkrysset og del av Sjøslettevegen + nye lysmaster og lys til Sjøslettebrua 2 2014 Kommunal Stuttnesvegen - kompletering 3 2014 Kommunal Buråsvegen - kompletering 4 2015 Kommunal Nye - Røbergvegen 320 5 2016 Fylkesveg Flytting av veglys ved Meieribakken 120 6 2018 Fylkesveg X Fv 668 - Bøen Mellom X Fv668/Skjervevegen til Skulekrysset - Ny etter ombygging av 7 Fylkesveg veg 8 Fylkesveg Komplettering veglys frå Raknes skule til Tangen 9 Fylkesveg Komplettering veglys frå Silvervegen til tidlegare Raknes samvirkelag, 600m 10 Fylkesveg Fv 668 X Storvikvegen X Fv 668/Skjervevegen 11 Fylkesveg Otrøy kyrkje - Fjøsbakken 12 Kommunal Reitenvegen 13 Kommunal Skjervevegen 14 Fylkesveg Nord Heggdal 15 Fylkesveg Ramsvik - Rosvik Skilting/rekkverk 1 2014 Privat Trafikktryggingstiltak ved x butikksenteret 2 2016 Kommunal Holevegen- autovern/rekkverk Hole bru 250 3 2016 Fylkesveg Fv 202 Klauset - autovern Fartsreduserande tiltak 14-1 16 Kommunal Vurdering av fartsgrense på kommunale vegar 2 2015 Fylkesveg Ny vurdering fartsgrenser fylkesvegane Utbetringar på fylkesvegane 1 Fylkesveg Ny veg gjennom Midsund sentrum* 2 Fylkesveg Ny bru i Nord-Heggdal* 3 Fylkesveg Utbetring av Fv 202 frå Solholmen til Nord-Heggdal 4 Fylkesveg Utbetring Fv 668 ved Straumsbrua - Fjellhamar og ujevn veg 5 Fylkesveg Utbetring av Fv 202 ved Skotgarden 6 Fylkesveg Utbetring av møteplassane på Fv 202 og 203 7 Fylkesveg Sluttføring Raknesbakken Asfaltering 1 2014 Fylkesveg Fv 668 Midsund sentrum Fv 668 frå Solholmen via Sundsbø til Midsundbrua. Mange små lokale 2 2015 Fylkesveg dårlige plasser der det er store humper/holer som lett kan utbetrast.
VEDLEGG 2: ULYKKESSTATISTIKK