Fjell kommune Arkiv: 567 Saksmappe: 2016/ /2016 Sakshandsamar: Marit Selberg Sigurdson Dato: SAKSDOKUMENT

Transkript

1 Fjell kommune Arkiv: 567 Saksmappe: 2016/ /2016 Sakshandsamar: Marit Selberg Sigurdson Dato: SAKSDOKUMENT Utvalsaksnr Utval Møtedato 55/16 Komité for drift og forvaltning Kommunedelplan for trafikksikring Høyringsframlegg, førstegongsbehandling Samandrag av saka: Framlegg til kommunedelplan for trafikksikring ligg føre for godkjenning, fordeling av midlar og vedtak om høyring og offentleg ettersyn. Kommunedelplan for trafikksikring (TS-planen) er ei rullering av TS-plan /2020. Tekstdelen inneheld mindre endringar, medan handlingsdelen er revidert. Føremålet med TS-planen er å leggja grunnlaget for målretta og systematisk trafikksikringsarbeid på lokalplanet. Planen syner visjon, målsetnadar og satsingsområde for trafikktryggleiksarbeidet i planperioden. Det er sett av sju millionar kroner årleg til trafikksikring, i investeringsprogrammet for Fjell kommune TS-planen føreslår ei prioritering av desse midlar, i tillegg til sju millionar i år Midlane vert fordelt på konkrete tiltak på det kommunale vegnettet, i tillegg til førebyggjande og haldningsskapande arbeid. Det står att nokre tiltak med midlar frå førre planperiode. Desse vert vidareført i ny planperiode. Fleire kommunale vegar er enten ferdig regulert eller prosjektert, men har eit så høgt kostnadsnivå at TS-planen ikkje kan finansiera desse tiltaka. Desse vegprosjekta må fremjast som eigne postar i investeringsprogrammet. TS-planen legg også fram ei liste over naudsynte tiltak på fylkesvegane. Lista må leggjast til grunn når Hordaland fylkeskommune og Statens vegvesen prioriterer og budsjetterer vegprosjekt og trafikksikringstiltak. Det må arbeidast både politisk og administrativt for å få fylkeskommunen og Vegvesenet til å prioritera arbeid på vegnettet i Fjell. Planen er utarbeidd av Trafikksikringsutvalet og ei administrativ arbeidsgruppe.

2 Innstilling: 1. Framlegg til kommunedelplan for trafikksikring vert lagt ut til høyring og offentleg ettersyn i tolv veker. Straume, den Steinar Nesse Rådmann Berit Karin Rystad Plan- og utbyggingssjef Handsama i Komité for drift og forvaltning : Medlem av trafikksikringsutvalet, Karsten Sprenger (H), og prosjektleiar Marit Selberg Sigurdson hadde ein kort presentasjon av trafikksikringsplan-framlegget før saka vart behandla. Det vart særleg lagt vekt på utfordringar knytt til tiltak på fylkesvegar, der kommunen ikkje har råderett men er heilt avhengig av Statens vegvesen for å få noko gjennomført. Sigurdson informerte også om at det burde vere med eit vedtakspunkt av sjølve planprogrammet i innstillinga. Rådmann Steinar Nesse supplerte med opplysningar om tiltakspakke frå Stortinget der midlar må brukast på prosjekt som skal gjennomførast i løpet av 2016, som t.d. trafikksikringstiltak. Fellesframlegg v/ Ernst M. Einarsen (H) som vart samrøystes vedteke: 1. Planprogrammet for kommunedelplan for trafikksikring vert vedteke slik det ligg føre. 2. Framlegg til kommunedelplan for trafikksikring vert lagt ut til høyring og offentleg ettersyn i tolv veker. 3. Komité for drift og forvaltning (KDF) er kjent med at Stortinget vil løyve 9,5 millionar i tiltakspakke for Fjell kommune. KDF vedtek at midlane vert nytta til trafikksikring. Komitéleiar Ernst M. Einarsen (H) presiserte også at formannskapet burde gjerast kjent med vedtaket i komité for drift og forvaltning (KDF), før møtet og behandling av sak 39/16 «Økonomirapport pr. 1.tertial 2016». Vedtak i Komité for drift og forvaltning : 1. Planprogrammet for kommunedelplan for trafikksikring vert vedteke slik det ligg føre. 2. Framlegg til kommunedelplan for trafikksikring vert lagt ut til høyring og offentleg ettersyn i tolv veker. 3. Komité for drift og forvaltning (KDF) er kjent med at Stortinget vil løyve 9,5 millionar i tiltakspakke for Fjell kommune. KDF vedtek at midlane vert nytta til trafikksikring. Dokument vedlagt saka: Framlegg til kommunedelplan for trafikksikring , med handlingsplan. Oversikt over vedtak om farlege skulevegar, med kostnad til skuleskyss.

3 Innspel frå innbyggjarar i høyringsperioden. Innspelmatrise, med kommentarar frå administrasjonen. Temakart; innkomne innspel markert i kart. Temakart; oversyn over bygde og ferdig regulerte G/S-vegar og fortau, oversyn over kommunale vegar. Tilstandsvurdering, kommunale vegar. Status på tiltak frå TS-plan /2020. Saksopplysningar: Kommunedelplan for trafikksikring vert lagt fram for Komité for drift og forvaltning for godkjenning, fordeling av midlar og vedtak om høyring og offentleg ettersyn. Høyringsperioden er foreslått til 12 veker, grunna sommarferien. Folkemøtet vert lagt til ultimo august. Komiteen vil få planen tilbake til andregongsbehandling i september, før saka skal sluttbehandlast i kommunestyret. Med grunnlag i sak om handlingsdelen til kommuneplanen , årsbudsjett 2016, økonomiplan og planstrategi , gjorde kommunestyret vedtak i møte om å rullera trafikksikringsplanen i Fjell kommune. Kommunedelplan for trafikksikring (TS-planen) er ei rullering av TS-planen /2020. Tema for planen vart lagt i planprogrammet, og organiseringa av planarbeidet vart vedteken i sluttbehandlinga av planprogrammet, i møte Komité for drift og forvaltning er styringsgruppe for planen. Det vart oppnemnt eit politisk trafikksikringsutval med følgjande representantar: Leiar: Medlem: Medlem: Anne Hestenes (AP/KPU) Karsten Henrik Sprenger (H/FS) Monica Alvheim (MDG/KDF) Trafikksikringsutvalet har hatt ansvar for å konsultera og orientera Komité for drift og forvaltning undervegs i planprosessen. Administrasjonen danna ei arbeidsgruppe samansett av representantar frå Eigedomssjefen, Plan- og utbyggingssjefen, Skulesjefen og Statens vegvesen. Trafikksikringsutvalet og arbeidsgruppa har hatt jamlege møte for å sikra at planen har ei gjennomgåande god politisk forankring. Trafikksikringsutvalet og arbeidsgruppa har vurdert alle innspel til tiltak, og har einast om handlingsplanen som vert lagt fram til politisk behandling. Innhaldet i planen: TS-planen er eit overordna grep for å få talet på ulukker ned og auka tryggleiken i trafikken, særskilt for mjuke trafikantar. TS-planen for Fjell kommune har fleire funksjonar, mellom anna skal den prioritera trafikksikringstiltak i planperioden, gi klare strategiske retningsliner for vidare trafikksikringsarbeid, og påverka stat- og fylkeskommune til å tildela nødvendige midlar for å gjennomføra tryggingstiltak på riks- og fylkesvegane. Arbeid med trafikktryggleik krev tverrfagleg kompetanse, klare mål, heilskapleg tenking og ressursar. TS-planen forpliktar ulike einingar og sektorar til samarbeid om trafikksikringsarbeid.

4 Planen famnar vidt, og inneheld følgjande tema: Visjon, mål, satsingsområde og strategiar. Ansvarsdeling, overordna føringar og tilhøve til andre planar. Ulukkestatistikk. Retningsliner for fysiske tiltak på vegnettet, og effekten av desse. Barn og unge i trafikken. Trafikantåtferd, førebygging og haldningsskapande arbeid. Arealplanlegging, utbygging og rekkefølgjekrav. Sykkel og gang- og sykkelvegar (G/S-vegar). Handlingsplan med organisatoriske, førebyggjande, haldningsskapande og fysiske tiltak. Visjonen for trafikksikringsarbeidet er: Ei ulukke er éi for mykje! Med bakgrunn i visjonen er det formulert fem satsingsområde med tilhøyrande målsettingar, som kommunen skal ha eit særleg fokus på i planperioden. Barn og unge: Trafikantåtferd: Sykkel: Ulukker: Planlegging og utbygging: Auka tryggleiken for mjuke trafikantar. Prioritera førebyggjande og haldningsskapande arbeid. Fjell skal bli ein kommune der det er attraktivt og trygt å sykla. Redusera talet på personskadeulukker med 20% i planperioden. Trafikksikring skal prioriterast i all planlegging, sakshandsaming, politiske vedtak og utbygging. Trafikkulukker: I femårsperioden skjedde det 166 trafikkulukker i Fjell, med 218 skadde og fem drepne personar. I femårsperioden skjedde det 124 trafikkulukker, med 176 skadde og to drepne personar. Sjølv om det er positivt at talet på ulukker går ned, er det framleis alt for mange menneske som vert utsett for trafikkulukker i Fjell kommune. Jamvel om talet på trafikkulukker minkar, er Fjell framleis på andreplass på ulukkesstatistikken i Hordaland, etter Bergen kommune, noko som heng saman med trafikkbiletet og stor trafikkmengd. Eit av hovudmåla i førre plan var at talet på ulukker i perioden skulle reduserast med 20% frå planperioden Analyser av ulukkestatistikken syner at talet på ulukker ut i frå folketalet er redusert med heile 46,7%. Ulukkestala for 2016 vil visa om kommunen har nådd målet om 20% reduksjon i talet på ulukker, men tala fram til no tyder på at målet frå førre planperiode blir nådd. Kapittelet om ulukkesituasjonen i Fjell kommune tek for seg ulukketypar, kvar ulukkene skjer, og kva alders- og trafikantgrupper som har vorten skadd dei siste seks åra, m.m. Om vegnettet Fjell kommune har heile ansvaret for dei kommunale vegane (99 km), fortau, G/S-vegar, og kommunalt eigde parkeringsplassar i kommunen. Kommunen har ansvar for drift og vedlikehald av G/S-vegar langs fylkesvegane, utanom dei fylkesvegane som vart klassifisert ned frå riksvegar i I Fjell gjeld dette FV 559, FV 561 og FV 555 (tidlegare RV 555).

5 Hordaland fylkeskommune er vegeigar av fylkesvegnettet, medan Vegvesenet er felles vegadministrator for riks- og fylkesvegar, og har ansvar for planlegging, utbygging, drift og vedlikehald av vegane. Dei har også ansvar for planlegging og utbygging av G/S-vegar langs riks- og fylkesvegane. Det er 6,2 km riksveg i kommunen, og 81 km fylkesveg. Handlingsplanen I investeringsprogrammet er det sett av sju millionar kroner i året til trafikksikring. Trafikksikringsutvalet og arbeidsgruppa har tatt utgangspunkt i at same beløp vil bli sett av i Til saman fordeler TS-planen 28 millionar kroner til tiltak i planperioden Det er fire millionar kroner mindre enn i førre planperiode. Frå februar til april 2016 vart det samla inn informasjon og synspunkt frå innbyggjarane. Det kom til saman 36 innspel frå skular v/fau og elevråd, barnehagar, grendalag og privatpersonar. Innspela gav arbeidsgruppa eit godt bilete på kva som påverkar tryggleiken i trafikken, stader folk opplever som utrygge, og kvar det skjer farlege situasjonar. I tillegg la Eigedomssjefen fram ei liste på 17 kommunale vegar som har særskilt behov for tryggingstiltak eller oppgradering. Det vart meldt inn fem forslag til organisatoriske, førebyggjande og haldningsskapande tiltak. Til saman vart det meldt inn ønskjer om 113 fysiske tiltak på vegnettet. Av desse var 73 tiltak på fylkesvegane og 40 tiltak på dei kommunale vegane. Arbeidsgruppa og trafikksikringsutvalet har gjennomført éi synfaring, der mange av dei innmeldte tiltaka vart inspisert. Ulukkesdata, innmeldte tiltak og synfaringa har gitt eit oppdatert bilete av trafikksikringsutfordringane i Fjell. Dette har peika ut viktige satsingsområde, og har danna grunnlag for prioritering av tiltak. Behova er store, og det er eit faktum at midlane ikkje strekk til for snarleg gjennomføring av alle ønskjelege tiltak. Tiltak knytt til skulevegar har blitt prioritert. Dei største utfordringane for både trafikktryggleik og trafikkavvikling finn ein på riks- og fylkesvegane, der kommunen ikkje har råderett. Det må arbeidast både politisk- og administrativt for å få fylkeskommunen og Vegvesenet til å prioritera oppgradering og trygging av vegane i Fjell. Handlingsplanen er delt inn førebyggjande og haldningsskapande tiltak og fysiske tiltak. Førebyggjande og haldningsskapande tiltak Grunnlaget for å bli ein trygg og ansvarleg trafikant vert lagt i barneåra, derfor må trafikkopplæringa starta tidleg. Barn treng trafikkopplæring og gode rollemodellar for å bli trygge trafikantar. Vaksne må ha høg bevisstheit om kor viktige dei er som rollemodellar, og deira ansvar for kontinuerleg trafikkopplæring gjennom barneåra og i ungdomstida. Det er barna sine føresette som har hovudansvar for trafikkopplæringa, men helsestasjon, barnehage og skule er særs viktige bidragsytarar. Handlingsplanen inneheldt ei rekkje tiltak som skal gjennomførast i dei dei kommunale einingane. Skulane, barnehagane og helsestasjonane skal gjennom sitt arbeid bidra til å auka kunnskapen til barn og foreldre om trafikktryggleik, og auka foreldra sitt medvit om førebygging av barneulukker. Eigedomssjefen og Plan- og utbyggingssjefen har ansvar for tiltak knytt til prioritering av trafikktryggleik i arbeid med areal- og samfunnsplanar, og i

6 drift og vedlikehald av vegnettet. Ansvaret for tiltaka som skal betra forholda for syklistane er også plassert her. Det skal gjennomførast eit kartleggingsprosjekt i åra som kjem, der skuleelevar i grunnskulane skal nytta applikasjonen «Trafikkagenten», for å fortelja kommunale planleggarar og beslutningstakarar om korleis dei opplev sin eigen skuleveg. Kommunen skal også arrangera ein årleg trafikktryggleiksdag, med ulikt tema år for år. I 2017 er det til dømes naturleg at tema blir sykkel, grunna Sykkel-VM. Ikkje minst skal kommunen søkja om å få kvalitetsstempelet Trafikksikker kommune. Dette er ei ordning utvikla av Trygg Trafikk, som syner at kommunen arbeider godt, målbevisst og samordna med trafikktryggleik. Søknadsprosessen krev ei grundig gjennomgang av rutinar og ansvar hjå øvste politisk og administrativ leiing, folkehelsekoordinator, innkjøp, barnehagar, skular, samferdsleavdelinga, plan- og utbyggingsavdelinga, kulturavdelinga, kommunelegen og helsestasjonane. Gjennomgangen vil i seg sjølv vera nyttig for å auka medvitet om trafikktryggleik. Fysiske tiltak på vegnettet Planen har delt tiltaka på kommunale og fylkeskommunale vegar. Trafikksikringsplanen føreslår at Eigedomssjefen kan disponera ,- årleg av TSmidlane. Dette er ei auke på ,- årleg frå førre TS-plan. Desse løyvingane skal gå til nødvendige strakstiltak som dukkar opp i løpet av planperioden, og som er i tråd med planen sine satsingsområde. Dei faste årlege løyvingane skal til dømes nyttast til skilting, autovern, fartsdemping, veglys, universell utforming og fjellsikring. Det er også føreslått at det skal setjast av ,- årleg til førebyggjande og haldningsskapande arbeid. Skular, barnehagar, lag, organisasjonar etc. kan søkja Samferdsleavdelinga om støtte til opplæring, aktivitetar, arrangement og materiell. Dei resterande 23,6 millionane er fordelt på tiltak på dei kommunale vegane. 20 millionar er føreslått brukt til å ferdigstilla utviding av KV 47 Bildøyvegen, med opparbeiding av samanhengande G/S-veg frå gamle Bildøy bru til gamle Straumsundet bru. Bildøyvegen er omkøyringsveg for den mykje trafikkerte RV 555. Vegen er definert som farleg skuleveg grunna smal vegbane og manglande tilbod for dei mjuke trafikantane. I samband med reguleringsarbeidet er det utarbeidd ei kostnadskalkyle som syner ei dobling av tidlegare avsette midlar (20 mill. frå førre TS-plan). Årsaken til kostnadsauka er vanskeleg terrengtilhøve og busetnad tett på vegen. Med 20 millionar i nye løyvingar gjennom denne TS-planen vil heile vegen kunna realiserast i samsvar med reguleringsplan. Det er føreslått å nytta ,- til situasjonsanalyse og utbetring/utviding av av- og påstigingsområde ved Ågotnes barneskule og barnehagane i nærleiken. Analysen vil visa kva tiltak som bør gjennomførast for å betra tryggleiken, til dømes utbetring av snuhammar, betre belysning eller gjerde. Dette er eit kaotisk og uoversiktleg område, og tiltaka vil betra trafikktryggleiken til mange barn. Dei fleste ulukker mellom harde og mjuke trafikantar skjer i samband med kryssing av veg. Intensivbelysning på overgangsfelt vil betra tryggleiken for kryssande. Det vert føreslått å nytta ,- til intensivbelysning. Det vert føreslått å omdisponera ,- frå førre TS-plan, som vart sett av som kommunal eigendel til utbetring av FV 207 Bjorøy, Monsasvingen. I tillegg vert det føreslått å setja av

7 ,- i midlar frå denne TS-planen til opparbeiding av gangstiar i terreng på Bjorøy (til saman 1,5 mill. til dette formålet). Årsaka er at Trafikksikringsutvalet og arbeidsgruppa meiner at gangstiar i terreng frå bustadfelta til skule- og barnehageområda, er meir realiserbare tiltak enn å måtta venta på at Fylkeskommunen og Vegvesenet prioriterer utbetring og utviding av FV 207. I tillegg vil gangstiar i terreng vera eit godt folkehelsetiltak, då det vil utvida turtilbodet på Bjorøy. Tiltaket «Utbetring i samsvar med reguleringsplan, FV 207 Bjorøy» vert framleis med i prioriteringslista over tiltak på fylkeskommunale vegar, men utan kommunal eigendel gjennom TS-planen. Generelt sett vil opparbeiding av gangstiar og snarvegar i terreng vera eit godt supplement eller alternativ til opparbeidd fortau, fleire stader enn på Bjorøy. Det kan vera enklare, billigare og meir realiserbart, særskilt langs fylkesvegane, der kommunen ikkje har råderett. Eit eksempel er langs FV 555 frå Fjell Gard til Fjell festning. Det er nokre utfordringar knytt til å opparbeida gangstiar i terreng, som universell utforming og løyve frå grunneigarar. TSplanen går ikkje nærare inn på drøftingar om fordelar og utfordringar ved opparbeiding av gangstiar. Dette kan eventuelt gjerast i ein eigen politisk sak. Dei resterande ,- vert føreslått nytta til nye veglys langs dei kommunale vegane Gjetnesvegen og gangveg til Kolltveit skule, Skogedalsvegen, Torvhusvegen, Lyngnesvegen og Skiftedalsvegen. Dersom det vert tildelt ekstramidlar til trafikksikring vert det føreslått å nytta dei til oppgradering av veglys og utviding av køyrebana til to felt langs Bildøyvegen (Sjøfronten Ankerhagen). Dette bør skje i samband med utbygging av fortau langs same strekning, noko som er eit rekkefølgjekrav for utbyggar av Straume sjøfront. Om tiltaka vert gjort etter at utbyggar har avslutta arbeidet med opparbeiding av fortau, vil utviding av vegen og betre belysning verta langt meir kostnadskrevjande for kommunen. Ved Brattholmen skule er det i dag lite tilfredstillande trafikkforhold, og området må utbetrast for å betra tryggleiken. Det er avsett to millionar i førre TS-plan til ny avkjørsle, p- plass og veg i samsvar med reguleringsplan. Det vert fremja eigen politisk sak for gjennomføring av desse tiltaka. Trafikksikringsutvalet og arbeidsgruppa meiner dette bør prioriterast, då det er i tråd med satsinga på trygging av skulevegar. Fleire kommunale vegar er enten ferdig regulert eller prosjektert, men har eit så høgt kostnadsnivå at TS-planen ikkje kan finansiera desse tiltaka. Desse vegprosjekta må fremjast som eigne postar i investeringsprogrammet. Gamle Straumsundet bru er i dag ein flaskehals mellom Bildøy og Straume. Det bør vurderast å setjast i gang prosjektering og kostnadskalkyle av ny bru med høgare standard, for å få eit grunnlag som kommunestyret kan taka stilling til. Prioriteringslista for tiltak på fylkeskommunale vegar vert lagt til grunn når Hordaland fylkeskommune og Statens vegvesen prioriterer og budsjetterer vegprosjekt og trafikksikringstiltak. Om vedlegga til TS-planen I KDF-møte vart denne bestillinga vedteken:

8 Vedtakspunkt 5: Som vedlegg til planen skal det utarbeidast ei oversikt over alle kommunale og fylkeskommunale vegar i kommunen kor ein syner status på vedlikehald, kva som står att for å få samanhengande G/S-felt, manglande fotgjengarfelt og andre naudsynte sikringstiltak. Det skal også utarbeidast eit oversiktskart som på ein enkel måte viser status på dei ulike vegane Det er blitt utarbeidd eit kart over alle kommunale vegar, og alle G/S-vegar og fortau i kommunen, også dei som er regulert, men ikkje utbygd. Det må takast høgde for at det kan vera feil i databasane. Kartet syner ikkje G/S-vegar og fortau som er under regulering per mai Kartet ligg vedlagt TS-planen. Det vert arbeidd med eit kart over vedlikehaldsstatus på alle kommunale vegar. Grunna tekniske utfordringar knytt til forskjellar i kodinga av kommunevegane i kartløysinga til Statens Vegvesen og kartløysinga til Fjell kommune, er vedlikehaldskartet ikkje ferdig. Vedlagt ligg ei vurdering av tilstand på kommunale vegar. I denne omgang er det berre vurdert slitelaget til vegbanen. Det vert jobba vidare med å presentera vedlikehaldstilstanden i kart, og ein tek sikte på å verta ferdig til slutthandsaminga av TS-planen i september. Innspela frå innbyggjarane ligg ved både i sin heilskap, og komprimert i ei matrise, med kommentarar frå Trafikksikringsutvalet og arbeidsgruppa. Innspela er også vist i kart, der innspel som er knytt til barnehage- og skuleveg er merka i gult, og andre innspel er merka i lilla. Dersom ein ønskjer meir informasjon om eit kartfesta tiltak, har kvart enkelt tiltak ein kode, som syner tilbake til innspelmatrisa. Status på tiltaka frå førre TS-plan er også lagt ved. Det er berre synt status på tiltak på kommunale vegar, då Vegvesenet ikkje har oppdatert sine lister. Ei oversikt over politisk vedtekne farlege skulevegar, med kostnadar for ekstra skuleskyss, er også lagt ved planen. Vurdering: Det viktigaste satsingsområdet i TS-planen er trygg skuleveg. Mange av vegane i kommunen er definert som farleg skuleveg, og kommunen har difor høge kostnader til ekstra skuleskyss. I tillegg er det eit viktig folkehelsemål at flest mogleg barn og unge skal kunna gå og sykla til skulen, så vel som til andre fritidsaktivitetar. TS-planen ønskjer å prioritera Bildøyvegen, då dette er ein svært trafikkert veg, både av mjuke og harde trafikantar. Vegen er i dag definert som farleg skuleveg, og med opparbeiding av G/S-veg og vegutviding vil Bildøyvegen bli ein trafikksikker veg med høg kvalitet. Rådmannen meiner at opparbeiding av gangstiar og snarvegar i terreng er eit godt supplement eller alternativ til opparbeidd fortau. Det kan vera enklare, billigare og meir realiserbart, særskilt langs fylkesvegane, der kommunen ikkje har råderett. Kommunen bør vurdera kvar andre stader enn Bildøy det kan opparbeidast gangstiar og snarvegar i terreng. Det er mange vegar som bør utbetrast, men ressursane til trafikksikring strekk ikkje til. Det bør vurderast å setja av meir midlar til trafikksikring i åra som kjem, då samfunnsnytten av å førebyggja ulukker er høg.