OS KOMMUNE Os kommune MØTEPROTOKOLL Os Formannskap Møtestad: Kommunestyresalen Møtedato: 25.01.2005 Frå: 09.00 til 14.30 Til stades på møtet Medlemmer: Ordførar Terje Søviknes (FrP), Aase Lønningdal (FrP), Laila Reiertsen (FrP), Lisbeth Axelsen (H), Børge Lunde (H), Borghild Borgen (Ap), Terje Hermannsen (Ap), Kåre Lutro (Krf), Øystein Nordvik (Tvs) Forfall: Øysein Nordvik (Tvs) forlot møtet kl. 12.30. Varamedlemmer: Frå adm. : Rådmann Lars Atle Skorpen Hansen, kommunaldirektørane Jorunn Solberg og Øyvind Tøsdal., økonomisjef Ingrid Karin Kaalaas. Andre: Namtvedt frå Aon Grieg vedk. kommunens økonomiske status 2004 på investeringssida. Merknader: Det var ingen merknader til innkallinga. Protokollen frå forrige møte vart godkjendt. Det var ingen merknader til saklista. Behandla saker: 0001/05 0016/05 Underskrifter: Vi stadfestar med underskriftene våre at møteboka er ført i samsvar med det som vart vedteke på møtet. Os, 25.01.2005 Terje Søviknes Lisbeth Axelsen Terje Hermannsen Ordførar Besøksadresse: Telefon: 56 30 06 50 Bankgiro: 5270.05.01787 Sentrumskvartalet, Osøyro Telefax: 56 30 24 83 Org.nr.: 844 458 312 Postadresse: E-post: os.kommune@os-ho.kommune.no P.b. 84, 5201 Os
SAKLISTE Saksnr. Arkivsaksnr. Tittel 0001/05 04/00434 PORTEFØLJESTATUS DESEMBER 2004 0002/05 05/00073 OVERSIKT OVER UNYTTA MIDLAR 0003/05 05/00131 AUKA STILLINGSSTORLEIK INNAN OS BRANN- OG REDNING 0004/05 05/00130 TILTAKSSTRATEGI FOR SMIL- MIIDLAR 2005-2007 0005/05 04/01708 KONKURRANSEUTSETJING AV VASKERITENESTER I OMSORGSEKTOREN 0006/05 04/01846 KUNSTGRASBANE PÅ SØRE NESET 0007/05 05/00133 LYSEKLOSTER BARNEHAGE, TILBYGG- LØYVING MELDINGSSAK 0008/05 05/00134 FLYTTING AV MINNEPARKEN 0009/05 05/00025 TRIVSEL-OG HELSEREISE FOR SENIORAR OG ANDRE TIL VARMARE STROK 0010/05 05/00007 SØKNAD OM SERVERINGS- OG SKJENKELØYVE - BELLA NAPOLI - FLYTTING I NYE LOKALE 0011/05 03/01168 BADEANLEGG I OS KOMMUNE- MILEPELSRAPPORT OM STATUS OG FRAMDRIFT OG GODKJENNING AV KONTRAKTEN. 0012/05 04/02078 HØYRING SNØGGBÅTRUTER 0013/05 05/00040 POLITISK KVARTER Side 2 av 12
0014/05 05/00043 NÆRINGSLIVETS KVARTER 0015/05 04/01940 SØRKNAD SERVERINGS- OG SKJENKELØYVE - STALLMESTERGAARDEN MOLDEGAARD 0016/05 05/00217 Unnateke off. innsyn. Kommunelova 13.3 NÆRINGSVERKSEMD Side 3 av 12
0001/05 Arkiv: 255 Arkivsaknr.: 04/00434 PORTEFØLJESTATUS DESEMBER 2004 Formannskapet tek porteføljestatus pr desember 2004 som melding. 0002/05 Arkiv: 212 Arkivsaknr.: 05/00073 OVERSIKT OVER UNYTTA MIDLAR Tilråding: Kommunestyret tek saka som melding. 0003/05 Arkiv: 411 Arkivsaknr.: 05/00131 AUKA STILLINGSSTORLEIK INNAN OS BRANN- OG REDNING Framlegg til tilråding: Kommunestyret vedtek å auka storleiken på nyoppretta stilling innan Os Brann og redning frå 60% til 100%, finansiert slik det går fram av saksframstillinga. Framlegget vart samrøystes avvist. Tilråding: Kommunestyret vedtek ikkje å auka storleiken på nyoppretta stilling innan Os Brann og redning frå 60% til 100%, finansiert slik det går fram av saksframstillinga. Side 4 av 12
0004/05 Arkiv: V16 Arkivsaknr.: 05/00130 TILTAKSSTRATEGI FOR SMIL- MIIDLAR 2005-2007 Eige notat for Tiltaksstrategi for midlane til spesielle miljøtiltak og skog i Fusa, Os og Samnanger 2005 2007 vert vedteke gjeldande for Os kommune. 0005/05 Arkiv: 027 F27 &22 Arkivsaknr.: 04/01708 KONKURRANSEUTSETJING AV VASKERITENESTER I OMSORGSEKTOREN Formannskapet vedtek at drift av vaskeriet på Lurane for omsorgsektoren i Os kommune skal konkurranseutsetjast, og gjev rådmannen fullmakt til å inngå avtale med eininga Luranetunet/vaskeriet, Os kommune for ein periode på 2 +1+1 år på dei vilkåra som er sett i konkurransegrunnlaget m/vedlegg og som kjem fram i innleverte tilbod. 0006/05 Arkiv: 223 Arkivsaknr.: 04/01846 KUNSTGRASBANE PÅ SØRE NESET Lisbeth Axelsen (H) kom med følgjande framlegg: Os kommune har til hensikt å forskottera spelemidlar for kundsgrasbane på Søre Neset, rekna til om lag kr 1.750.000.-. Vilkår for utbetaling av forskotteringa er at fullfinansiering av anlegget er godt dokumentert. Administrasjonen sitt framlegg fekk 5 røyster (3FrP, 1Tvs, 1Krf) og Høgre sitt framlegg fekk 2 røyster (2H, 2Ap). Administrasjonen sitt framlegg vart med dette vedteke. Side 5 av 12
Os kommune har til hensikt å forskottera spelemidlar for kundsgrasbane på Søre Neset, rekna til om lag kr 1.750.000.-. Vilkår for utbetaling av forskotteringa er at svar ligg føre om at søknaden om spelemidlar er akseptert og at anna finansiering for fullfinansiering av anlegget er godt dokumentert. 0007/05 Arkiv: 614 A &47 Arkivsaknr.: 05/00133 LYSEKLOSTER BARNEHAGE, TILBYGG - LØYVING MELDINGSSAK Samrøystes tilråding som framlegget frå administrasjonen. Tilråding: Kommunestyret tek delegert vedtak frå ordføraren i ovannemnde sak som melding. 0008/05 Arkiv: D33 Arkivsaknr.: 05/00134 FLYTTING AV MINNEPARKEN Framlegg til tilråding: Kommunestyret vedtek å flytta minneparken frå noverande lokalisering i Oshaugen til nytt område på kyrkjeflaten i sentrum. Kostnaden ved flyttinga skal vera innanfor ei ramme på kr 150.000,-. Flyttinga skal finna stad snarast, og vera ferdig seinast før påske 2005. Kr 60.000,- av midlane er bevilga til minneparken i budsjettet for 2005. Dei resterande kr 90.000,- vert dekka ved bruk av unytta lånemidlar frå prosjekt rådhus, konto 29100,160, som då står til rest med kr 276,415,- Det vert gjort slik endring i budsjettet for 2005: Post 0,105,33540,2361 Opprusting minneparken vert auka med kr 90.000,- Post 0,105,33540,9110 Bruk av unytta lån med kr 90.000,- Kostnaden ved flytting/opprusting av minneparken vert med dette kr 150.000,-. Råmannen korrigerte summen i vedtaket avsett til opprusting av minneparken Summen skal vera kr. 100.000,-. Terje Søviknes (FrP) kom med følgjande framlegg: Side 6 av 12
Os Formannskap sender saka på open høyring til eldrerådet, representantar for veterananeog pårørande til nokre av dei som har namnet sitt på minnesmerka, før endeleg vedtak i kommunestyret den 15. februar 2005. Administrasjonen sitt framlegg fekk ingen røyster. Frp sitt framlegg vart samrøystes vedteke. Tilråding: Os Formannskap sender saka på open høyring til eldrerådet, representantar for veterananeog pårørande til nokre av dei som har namnet sitt på minnesmerka, før endeleg vedtak i kommunestyret den 15. februar 2005. 0009/05 Arkiv: G10 Arkivsaknr.: 05/00025 TRIVSEL- OG HELSEREISE FOR SENIORAR OG ANDRE TIL VARMARE STROK 1. Formannskapet tek evalueringsrapporten om Trivsels- og helsereiser som melding. 2. Formannskapet ønskjer at innbyggjarane som bur her skal ha dette som eit tilbod, og vedtek å gjennomføra ein konkurranseutsetjingsprosess for slike reiser i ein periode på 2+1+1 år frametter. 0010/05 Arkiv: U63 &18 Arkivsaknr.: 05/00007 SØKNAD OM SERVERINGS- OG SKJENKELØYVE - BELLA NAPOLI - FLYTTING I NYE LOKALE Side 7 av 12
Os formannskap gjev med heimel i 3 i serveringslova, 1-7 i alkohollova og kommunen sine alkoholpolitiske retningsliner Bella Napoli serverings- og skjenkeløyve for øl og vin. Løyvet gjeld i lokale som vist på vedlagte skisse. Mustafa Erpolat er styrar for verksemda. Mustafa Erpolat og Gülay Erpolat er styrar og avløysar for skjenkeløyvet. Løyvet kan ikkje takast i bruk før endeleg godkjenning av lokala ligg føre frå Mattilsynet og kopi er innlevert til kommunen. Før løyvet kan takast i bruk må styrar av verksemda ha avlagt etablererprøve. Løyvet gjeld til 30.06.2008. 0011/05 Arkiv: D23 Arkivsaknr.: 03/01168 BADEANLEGG I OS KOMMUNE- MILEPELSRAPPORT OM STATUS OG FRAMDRIFT OG GODKJENNING AV KONTRAKTEN. Os formannskap tek milepelsrapporten om status og framdrift i badeanleggssaka til orientering. Os formannskap godkjenner avtaledokumentet mellom Os kommune og Strand AS datert 17.01.05 0012/05 Arkiv: N32 Arkivsaknr.: 04/02078 HØYRING SNØGGBÅTRUTER Samrøystes vedtak som innstillinga. 1. Os kommune ynskjer primært eit ruteopplegg etter Alt. 2b eller Alt. 3b. Sekundært kan ein stø ei vidareføring av dagens ruteopplegg, dvs. Alt. 1. Side 8 av 12
2. Os kommune vil særskilt peika på følgjande argument for å nytta Os framfor Flesland/Bergen som endestopp for Kvinnheradruta; Kostnaden med snøggbåtruter rundt Bergenshalvøya er langt høgare enn alternativa med parallell busstransport frå Os til Flesland/Bergen. Billettprisen for direktebåt til Flesland/Bergen vert vesentleg dyrare, enn alternativet med båt til Os og busskorrespondanse vidare. Dette er særs viktig for pendlarar. Busstilbodet mellom Os og Flesland/Bergen er allereie godt med eigen flybuss og hyppige/regelmessige avgongar til Bergen. I høve turistnæringa kan busstilbodet styrkast ytterlegare t.d. med eigne turistruter som tek turen innom de største hotella i Bergen, før den køyrer til Os (og tilsvarande på returen). Slike pakkeløysingar er heilt vanleg for denne type sekundærreiser ut i frå turistens hovuddestinasjon. Mange passasjerar, i sær pendlarar, har sitt endestopp syd for Bergen sentrum i områda Nesttun, Lagunen, Kokstad, Sandsli, Minde, og vil derfor finna det lite teneleg å ta snøggbåten heilt til Bergen. 3. Os kommune er òg kjend med at Kvinnherad kommune har peika på Halhjem som eit alternativt stopp i Os, og då innanfor rammene av ei ny direkterute til Flesland/Bergen. Å evt. nytta Halhjem er grunngjeve i at dette er ein kortare avstikkar frå ei slik direkterute, enn om ein skal gå heilt inn til Osøyro. Alternativet er interessant dersom Os kommune ikkje får gjennomslag for sitt primære syn om at Kvinnheradsruta bør ha endestopp på Os. Om det let seg gjera å kombinera snøggbåttrafikk med ferjetrafikken på Halhjem må evt. vurderast nærare med aktuelle styresmakter og HSD/Fjord1. 4. Os kommune vil og peika på at Osøyro i framtida, når ny E39 står ferdig Os-Bergen, kan verta eit naturleg knutepunkt for all snøggbåttrafikk frå Bergenshalvøya og sydover. Dette er grunna i dei store meirkostnadane med båtruter kontra bussruter. Det er lite samfunnsteneleg å køyra båtruter rundt heile Bergenshalvøya, når ein kan frakta passasjerane langt rimelegare med buss på denne strekninga. 0013/05 Arkiv: 033 Arkivsaknr.: 05/00040 POLITISK KVARTER Ordførar Terje Søviknes (FrP) orienterte. Framdrift vedk. kjøp på Skorpo. Ferieheimen til Posten er no kjøpt og går vidare i prosessen. For kommunen er dette eit 0- sumspel i kroner, men kommunen får 100 mål nytt firområde. Direktoratet for naturforvaltning har gjeve tilsagn på 4 mill. kr. Kommunen må søkja konsesjon hos Fylkesmannen Overdraginga skjer 14 dagar etter at konsesjon er gjeve. Skorpo Utvikling kjøper den indre delen med husa på for 6,2 mill. kr. + omkostning og med bankgaranti. (Skorpo Utvikling = 50% MT Eiendom og 50% Kronåsen Eiendom.) Side 9 av 12
Borghild Borgen (Ap). Assistert bustad på Mobergslio. Kommunaldirektør Solberg svara at det bur 2 personar på enkeltrom på Mobergslio. Ein skal byggja om 2. etasje til husvære. Kommunen har 100% bustadrettleiar og har i 12 månader 2 x 50% stillingar for statlege midlar. Situasjonen for bustadlause i Os. Vi har 20 bustadlause i Os. Dei bur privat og for usikre tidsrom. Det bur 2 på hospits i Bergen Det tar lang tid å trena opp buevna, og kommunen manglar husvære. Terje Hermannsen (Ap). Samferdsle. Hermannsen tok eksempel i ferjesambandet Halhjem Sandvikvåg. Det har vore debatt i media om ferjene vert store og gode nok. Kva meiner Os kommune? Dei har ikkje markert seg i debatten. Er vi på utsida av det som skjer? Ordføraren svara at Os kommune nok har vore tettare på prosessen enn dei fleste kommunane. Kommunen har ikkje engasjert seg direkte i debatten, men har hatt nettverk via verv i fylkeskommunen. Hermannsen meinte at kommunen treng å etablera formelle nettverk som ikkje er avhengige av ordførarvalet eller om fylkeskommunen vert lagt ned. Kåre Lutro (Krf). Utkøyring ved Lundehjørnet. Kva har skjedd med spørsmålet om trafikk til venstre ut frå Lundehjørnet og som sperrar for bussane? Kommunaldirektør Tøsdal svara at Statens Vegvesen var på synfaring 17.1. d.å. Førebels vil staten forby venstresving på fylkesvegen og inn til Os sentrum, og evt. koma tilbake til forbod om venstresving ved utkøyring dersom det er naudsynt. Status på saka om parkeringsselskap på Osøyro. Kor står saka om parkeringsselskap for å rydda opp i tilhøva på Osøyro? Rådmannen svara at saka var parkert. Terje Hermannsen (Ap) meinte at kommunen bør venta på Sentrumsplanen og Kåre Lutro (Krf) meinte at kommunen ikkje må somla med å starta på arbeidet med planen. Bompengevedtaket vedk. E39. Ordføraren orienterte. Handlingsplanen ligg til modning i departementet og blir sendt til Stortinget 1. februar. Ordføraren har kome med purringar og innspel der det har vore ei opning for det. Aase Lønningdal (FrP). Status Haugsheim. Kommunaldirektør Solberg orienterte. Haugsheim er no kontor for burettleiarane og dei tilsette på Baksio. I tillegg er det miljøarbeidarar som bur på hybel der. Naboane har fått brev om at det er tilsette som nyttar huset. Side 10 av 12
0014/05 Arkiv: U00 Arkivsaknr.: 05/00043 NÆRINGSLIVETS KVARTER Ordførar Terje Søviknes (FrP) orienterte. Fortruleg orientering om næringsetaablering. Denne saka vart teke opp som eiga sak fordi den krev eit vedtak. 0015/05 Arkiv: U63 &18 Arkivsaknr.: 04/01940 SØRKNAD SERVERINGS- OG SKJENKELØYVE -STALLMESTERGAARDEN MOLDEGAARD Administrasjonen sitt framlegg vart vedteke mot 3 (1Krf, 2Ap) røyster. Os formannskap gjev med heimel i 3 i Serveringslova, 1-7 i Alkohollova og Os kommune sine retningsliner for sals- og skjenkeløyve Stallmestergaarden Moldegaard serveringsløyve og skjenkeløyve for øl, vin og brennevin. Løyvet gjeld for ute- og inneservering i lokale som vist på vedlagte kart og skisse. Christine M. Reksten er styrar for verksemda. Christine M. Reksten og John Storlid er styrar og avløysar for skjenkeløyvet. Skjenkeløyvet gjeld til 30.6.2008. 0016/05 Unnateke off. jfr. Kommunelova 13.3 NÆRINGSVERKSEMD Arkiv: U00 Arkivsaknr.: 05/00217 Framlegg til vedtak: Saka vert lagt fram for drøfting og vedtak. Side 11 av 12
Saka vart lagt fram for drøfting. Ordføraren sitt framlegg til vedtak vart samrøystes vedteke. Det vart gjort vedtak i saka. Side 12 av 12