VINJE KOMMUNE Møteinnkalling Utval Stad Dato Kl. Oppvekst- og velferdsutvalet Formannskapssalen 04.12.2013 09:00 Saksliste Saksnr Tittel PS 13/30 Referat og meldingar PS 13/31 Spelemidlar 2014 - Rullering av idretts- og friluftsplanen - handlingsplandel og prioritering av spelemiddelsøknadar PS 13/32 Etablering av brukarråd Vinje sjukeheim PS 13/33 Brukarråd for flyktningar Gyldig forfall skal meldast til administrasjonssekretæren i god tid. Varamedlemane skal berre møte dersom dei blir kalla inn. Innkallinga er lagt ut på Tenestetorget fram til møtedagen. Den kan og lesast på kommunens heimeside www.vinje.kommune.no. Åmot, 28.11.13 Baiba Sheine leiar Reidun Lofthus administrasjonssekretær Side1
PS 13/30 RS 13/24 RS 13/25 RS 13/26 Referat og meldingar Møtebok frå førre møte Etablering av øyeblikkeleg-hjelp døgnplass ved Vinje sjukeheim Orientering om motorcrossbane i Styggedal
Etablering av øyeblikkeleg-hjelp døgnplass ved Vinje sjukeheim Med heimel i Lov om helse- og omsorgstenester i kommunane, skal alle kommunar etablere døgnbasert tilbod om øyeblikkeleg hjelp til sine innbyggarar. Dette som del av gjennomføringa av Samhandlingsreforma. Tilbodet skal vere eit alternativ til innlegging i spesialisthelsetenesta. Tokke og Vinje har inngått avtale med sjukehuset og søkt tilskot til tilbodet med den intensjon å samarbeide om det kommunale øyeblikkeleg- hjelp døgntilbodet. Vinje fekk ikkje tilskot i 2013, men ventar å få dette med heilårsverknad i 2014. Tokke kommune skal no i haust gjere vedtak om endeleg dimensjonering og lokalisering av tilbodet for sine innbyggjarar. Øyeblikkeleg-hjelp døgntilbod for Vinje kommune sine innbyggarar, og tilbod i det omfang Tokke finn behov for, blir administrert og lokalisert til Vinje kommune, Vinje sjukeheim. Oppstart 1. desember 2013. I tråd med estimert behov for Tokke og Vinje kommune blir det oppretta ein plass, med mogelegheit for bruk av to senger. Plassane som blir tatt i bruk, er innom ramma av dei 34 plassane vi har i drift ved Vinje sjukeheim i dag. Det vil vere sjukepleiar tilstades heile døgnet, alle dagar, og legevisitt kvar vekedag. Pasientar som er i behov for øyeblikkeleg- hjelp døgntilbod, der alternativet er innlegging i sjukehus, kan leggast inn akutt føresett at dei tilhøyrer målgruppene for tilbodet. Plassane skal ikkje vere alternativ til sjukeheimsplass, og er tidavgrensa til 72 timar. I forkant av innlegging skal pasienten vere tilsett av lege i primærhelsetenesta. Det er berre fastlege, legevaktslege, tilsynslege, eventuelt annan kommunal lege som kan legge inn pasientar. Pasient blir meldt frå lege direkte til avdelinga. Målgrupper for ordninga. Dei som er aktuelle for det kommunale tilbodet, er pasientar med forverring av kjende tilstandar, og med behov for et høgare omsorgs- og/eller behandlingsnivå enn dei allereie har. Føresetnaden er at det må være ein pasient med avklara diagnose og funksjonsnivå som kommunen er i stand til å behandle, og der risiko for akutt forverring under opphaldet er liten. Hovudkategoriar/diagnoser er kroniske lidingar og behandling av ukompliserte akutte tilstandar Side5
Orientering om motorcrossbane i Styggedal Utgangspunktet for denne banen er frå 2011. Ei gruppe av vaksne ildsjeler starta ei crossgruppe under NMK Vest-Telemark. Dei var i kontakt med dåverande ungdoms- og fritidsleiar som stilte seg positiv til tiltaket å starte gruppe og arbeide for ein bane. I 2012 vart det ei arbeidsgruppe av ildsjeler satt saman. Gruppa bestod av personar frå Vinje, Tokke, Seljord og Kviteseid og alle gjekk saman om å etablere ein crossbane i Tokke. Staden var Styggedal. Dette er like ved E-134 i Mostaul, mellom Høydalsmo og Morgedal. Området er ifølgje NMK Vest-Telemark alt regulert til motorsport gjennom at det var ein eksisterande bilbane på staden. Den kunne byggjast om til crossbane. 20. august 2012 vart det invitera til eit interkommunalt møte med synfaring på staden. Det var interesse for prosjektet og dei fire kommunane løyvde kvar 15.000,- til forprosjektering (Vinje kommune gjennom kulturmidlar). Det vart drøfta moglegheita for å søkje spelemidlar med statusen som interkommunalt idrettsanlegg. Avslutta notat frå ungdoms- og fritidsleiar for 2012 var at NMK Vest-Telemark som ville stå som eigar og utbyggjar av anlegget, skulle kome med planar og kostnadsoverslag. Deretter var det ynskjeleg at kommunane gjekk saman om å lage avtaler. Det vart ikkje motteke planar eller kostnadsoverslag. Bilete frå facebook sida til Styggedal crossbane I oktober 2013 tok saksbehandlar kontakt med NMK Vest-Telemark ved Andres Skinnarland. Skinnarland kan vise til at design og bygging av det fysiske på banen er utført i løpet av siste året. Dette er utført på dugnad og det er no i hovudsak toppdekket og sikringar rundt banen som gjenstår. Design og prosjektering er utført med ekstern hjelp. Det er også samla inn ein del midlar som gåver frå ulike bedrifter i regionen. Det er ikkje arbeida vidare med evt spelemiddelsøknad. Dette er ein prosess som må gange mellom Tokke kommune og NMK Vest-Telemark. I fylgje idretts- og friluftsplanen 2010-2014 er det prioritert å vedlikehalde anlegg framfor å satse på nybygging. Dette pga at anleggstettleiken i Vinje er relativt stor og at det raskt kan utvikle seg store kostnadar knytt til vedlikehald. Det er og viktig at anlegga vil ha stor aktivitet for å unngange folketomme anlegg. Difor er anlegget i Styggedal ein moglegheit for Vinje til å bidra inn i eit interkommunalt samarbeid som er drifta av ein organisasjon med heile Vest-Telemark som utgangspunkt. Telemark Fylkeskommune har også i sin strategiplan for idrett og friluftsliv 2011 2014 eit aktivt interkommunalt samarbeid som hovudmål. Side6
Det har vore fleire kontaktar opp gjennom angåande motorsport og anlegg. Dette kan vere utfordrande anlegg å plassere pga plassomsyn og støy. Tidlegare område som har vore diskutert i Vinje er Kolås i Kostveit (2010). Det eksisterar eit anlegg i Skafså i Tokke tilknytt Skafså motorsportsklubb. Det er i haust også kome framlegg om å løyve midlar til ein krossbane i Vågslid. Det er altså eit eksisterande i Skafså, eit under planlegging i Vågslid og eit under bygging i Styggedal. Desse anlegga bør sjåas i samanheng og i tråd med idrett - og friluftsplan. Herunder behovet for nye anlegg som må vurderast utifrå bruk, tilgjengelegheit og hovudmålgrupper som er definert til barn og unge. Side7
Vinje kommune Kultur Arkiv saknr: 2013/1936 Løpenr.: 15948/2013 Arkivkode: 243 Utval Møtedato Utval Saksnr Oppvekst- og velferdsutvalet 04.12.2013 13/31 Kommunestyret Sakshandsamar: Rune Aarhus Spelemidlar 2014 - Rullering av idretts- og friluftsplanen - handlingsplandel og prioritering av spelemiddelsøknadar Vedlegg: 1 Prioriteringsliste - Spelemidlar 2014 2 Uttale Vinje IR - rullering av handlingsplandel og prioritering av spelemiddelsøknadar Dokument i saka: Rullering av idretts- og friluftsplan Bakgrunn: Handlingsplandelen i Idretts- og friluftsplanen skal rullerast årleg. Frist for å melde inn nye anlegg til handlingsplandelen, er 1.juni kvart år. Dersom ein skal søkje spelemidlar til eit anlegg, er det krav om at dette anlegget ligg inne i plandelen. Fram til ny hovudrullering av idretts- og friluftsplan ligg klar våren 2014 skal det vere vedtak på at idretts- og friluftsplan 2010-2014 er gjeldande. Nye innspel til handlingsplandelen i år er: Rulleskiløype IL Dyre Vaa Utviding skiskyttaranlegg IL Dyre Vaa Kartbase Rauland POL (Porsgrunn Orienteringslag) Øyfjell nærmiljøkart POL Åmot nærmiljøkart POL Rauland nærmiljøkart POL Side8
Nytt for 2014 er også at ordninga med mindre kostnadskrevjande nærmiljøanlegg fell bort. Samstundes er satsane for nærmiljøanlegg justert, slik at fleire skal kunne felle inn under denne ordninga. Det er også gjort ein del justeringar i høve tilskotssatsane for ordinære idrettsanlegg. Vurdering: Rulleskiløype er tenkt tilknytt fotballbanen på Rauland. Det er skissert å asfaltere ei løype rundt denne til bruk for langrennstrening på barmark. Denne vil gange under ordinære idrettsanlegg. I fylgje IL Dyre Vaa vil også denne løypa gjere tilhøva på fotballbanen betre med at mindre grus vert dratt inn på kunstgraset. Vinje Idrettsråd stiller seg positive til søknaden. IL Dyre Vaa ynskjer ei utviding av skiskyttaranlegget på Rauland. Per i dag har dette anlegget for liten kapasitet med sine 10 skiver. Dette problematiserar også tilhøva ved trening. Det er ynskjeleg å byggje ut slik at IL Dyre Vaa også kan skipe til skiskyttarkonkurransar, noko som ikkje er mogleg per i dag. Vinje Idrettsråd ser det som positivt at satsing på skiskyting kan sentraliserast til det sterke miljøet på Rauland. I samband med junior VM i orientering på Rauland 2015 skal det utarbeidas mykje nytt kartmateriale. Dette er eit samarbeid mellom Porsgrunn orienteringslag (POL), IL Dyre Vaa og Noregs Orienteringsforbund, der POL står formelt ansvarleg for kartverka. Det er søkt om nærmiljømidlar til tre kartverk tilknytt skulane Øyfjell, Rauland og Åmot (det skal og etableras nytt kart i tilknyting Edland, men det vert ikkje søkt spelemidlar til dette). Alle desse karta er nærmiljøkart som og vil verte mykje nytta av skulane. Kartbase Rauland ein større søknad på ordinære idrettsanlegg. Dette utgjør fleire kart til bruk under sjølve arrangementet. Det er søkt departementet om ekstra løyving til dette kartverket. Slik at evt spelemidlar til kartbase Rauland ikkje vil røre ved den fordela spelemiddel potten til Telemark og Vinje. Vinje IR ser positivt på søknadane. Prioritering av spelemiddelsøknadar Bakgrunn: Søknadane skal prioriterast gjennom politisk fatta vedtak og i samsvar med kommunen sin plan for idrett- og friluftsliv idrett- og friluftsplan 2010 2014. Søknadane, saman med det politiske vedtaket, må oversendas Telemark Fylkeskommunen innan 15. januar kvart år. Det er viktig at prioriteringslista speglar måla i planen for idrett- og friluftsliv. Vurdering: I fjor vart det sendt totalt 11 søknadar. Raulandshallen vart tildela midlar, 2 mill av 7 mill (2,5 mill i 2012). Må difor gjenta søknaden for å få utbetalt restbeløp, denne må og ligge på topp. Vågslid turveg trinn 2 vart tildela midlar, kr 700 av 700 og er difor ute av lista. Rauland skule klatrenett, vart tildela midlar kr 200 av 200 og er difor ute av lista. Balløkke Såtehov var ny søknad i 2012. Den vart ikkje ein godkjent søknad, heller ikkje i 2013 grunna manglande finansieringsplan mm. Det er ikkje motteke ny søknad i år. Nærmiljøanlegget er difor tatt ut av prioriteringslista. Vierli skiarena er plassert nedst i prioriteringslista sidan det er usikkerheit rundt kva som skjer her. Det bør på plass nye avtaler og ny idrettsfunksjonell Side9
førehandsgodkjenning. Det er også fleire tilhøve rundt dette anlegget som bør avklarast. Den ligg likevel i prioriteringslista, men Kultur og Vinje IR ser det viktigare å prioritere nye søknadar som står nærmare måla for idrett- og friluftsplan. Difor hamnar både rulleskiløype og utviding av skiskyttaranlegg framføre. Dette er anlegg for barn og unge som er etterlengta og dei er tilknytt eksisterande anlegg i sentrum. Elles ligg prioriteringslista føre som i fjor. Rådmannens framlegg til vedtak: Dei nye innspela til handlingsplandelen kjem med på planen. Den nye handlingsplandelen vert vedteken slik den ligg føre. Idrett- og friluftsplan 2010 2014 vert gjeldande til ny plan er vedteken. Søknadane vert godkjente og prioriteringa av spelemiddelsøknadar vert vedteke slik den ligg føre. Rådmannen, Hans Kristian Lehmann, rådmann /s/ Side10
Prioritet: Anlegg 2014 til rullering Ordinære anlegg: 1 Raulandshuset idrettshall Gjentatt VK 2 Rauland kunstgrasbane 7er fornya IL Dyre Vaa 3 Åmot stadion, opprusting 11er Fornya Vinje IL 4 Vågslid turveg, trinn 3 fornya Vågslid grunneigarlag 5 Kvasshaug skjotebane fornya Vk 6 IL dyre vaa, rulleskiløype ny IL Dyre Vaa 7 IL dyre vaa, skiskyttarblinkar ny IL Dyre Vaa 8 Rauland kartbase ny POL 9 Rauland skiarena, Vierli -ny trase fornya Vk Nærmiljøanlegg: 1 Rauland skule, skatepark fornya Vk 2 Åmot stadion, rehabilitering balløkke Fornya Vinje IL 3 Øyfjell nærmiljøkart ny POL 4 Åmot nærmiljøkart ny POL 5 Rauland nærmiljøkart ny POL Side11
Vinje kommune Kultur Til: Politisk handsaming Styret Idrettsrådet Internt notat Frå: Rune Aarhus Sakshands. Saksnr. Løpenr. Arkiv Dato RAA 2013/1936 17278/2013 243 18.11.2013 Uttale Vinje IR - rullering av handlingsplandel og prioritering av spelemiddelsøknadar Idrettsrådet skal kome med ei uttale til den årlege rulleringa av handlingsplandel og prioriteringa av spelemiddelsøknadar. Dette er drøfta i styremøte. Vinje IR seier seg einige i handlingsplandel og prioritering av spelemiddelsøknadar. På vegne av Vinje IR Rune Aarhus Sekretær Side12
Vinje kommune Vinje helse og omsorg Arkiv saknr: 2013/2641 Løpenr.: 16911/2013 Arkivkode: Utval Møtedato Utval Saksnr Rådet for eldre og funksjonshemma 18.11.2013 13/11 Oppvekst- og velferdsutvalet 04.12.2013 13/32 Sakshandsamar: Kari Dalen Etablering av brukarråd Vinje sjukeheim Bakgrunn: Eldreråd og Råd for funksjonshemma har fremja ynskje om at det blir oppretta styre for Vinje sjukeheim. Sjukeheimen har ikkje hatt eige styre etter at dei blei overtatt frå Fylkeskommunen i 1988. Kommunen har ansvar for å legge til rette for at pasientar i sjukeheimen blir høyrd og tatt med på råd, og at tilbod og utforming utformast i samråd med deira representantar så langt råd. Ansvaret er regulert i Forskrift for sykehjem og boform for heldøgns omsorg og pleie: 1989, sist endret 2011.. Eldreråd/Råd for funksjonshemma er gjennom tidlegare politisk vedtak definert som brukarrepresentant for omsorgstenestene. Vurdering: Sjukeheimen er eit behandlings- og butilbod for menneske med redusert eigenomsorgsevne. I Vinje er institusjonen retta inn mot tre hovudfokus; demenstilbod, langtidsopphald somatikk og korttidsopphald. Ansvar for drift er delegert gjennom rådmannens delegasjonsreglement til Helse og omsorgssjefen. Av forskrift for sykehjem og boform for heldøgns omsorg og pleie: 1989, sist endret 2011 går det fram: 4-10 siste leddet: Side13
I de tilfelle hvor det ikke er opprettet eget styre for boformen må en talsrepresentant for beboerne på annen måte sikres mulighet for innflytelse på driften. Ein ser det positivt å legge til rette for eit tettare samarbeid mellom ansvarlege for drift og brukarar. Dette er i tråd med nasjonale signal gjennom demensplan 2015 og omsorgsplan 2015, der styrking av partnerskapet mellom omsorgstenestene, familien og lokalsamfunnet er vektlagt. I strategien aktiv omsorg I -5/2007 blir kultur, aktivitet og trivsel framheva som heilt sentrale og grunnleggande element i heilskaplege omsorgstilbod. Fokuset på kvalitet i tenestene og styrka pasientrettar er med og underbygger at eit tettare og organisert samarbeid er hensiktsmessig. Ein foreslår på bakgrunn av dette at det blir etablera eit brukarråd. Slik vil brukarrepresentantar ha innflytelse på innhald og drift i tråd med sjukeheimsforskrifta. Rådet vil kunne ivareta viktige oppgåver i høve til å styrke samarbeid og bidra til ein enno meir open sjukeheim. Aktuelle områder kan vere; å stimulere til friviljug innsats ved samarbeid med friviljuge organisasjonar /enkeltpersonar, planlegge sosiale aktivitetar og på ulike vis bidra til at institusjonen gjev så godt tilbod og så god livskvalitet som mogeleg for dei som skal bu eller midlertidig opphalde seg der. Rådmannens framlegg til vedtak: 1. Det blir oppretta brukarråd for Vinje sjukeheim frå 01.01. 2014. 2. Eldreråd/råd for funksjonshemma vel det tal representantar frå brukarsida dei ynskjer, til rådet. Rådmannen, Hans Kristian Lehmann, rådmann /s/ Handsaming i Rådet for eldre og funksjonshemma 18.11.2013: Framlegg frå rådet for eldre- og funskjonshemma: Punkt 2: Brukarrådet for Vinje sjukeheim skal ha 3 stk. representantar. 1 representant frå kvar av områdane Rauland, Edland og Åmot. Representanten frå Åmot skal være ansatt på sjukeheimen. Rådet for eldre og funksjonshemma kjem tilbake med forslag til representantar. Framlegget frå rådmannen med framlegg frå rådet til punkt 2 blei samrøystes vedteke. Det blir oppretta brukarråd for Vinje sjukeheim frå 01.01. 2014. Brukarrådet for Vinje sjukeheim skal ha 3 stk. representantar. Side14
1 representant frå kvar av områdane Rauland, Edland og Åmot. Representanten frå Åmot skal være ansatt på sjukeheimen. Rådet for eldre og funksjonshemma kjem tilbake med forslag til representantar. Side15
Vinje kommune Åmot skule Arkiv saknr: 2013/2630 Løpenr.: 16816/2013 Arkivkode: Utval Møtedato Utval Saksnr Oppvekst- og velferdsutvalet 04.12.2013 13/33 Sakshandsamar: Olaug Øverland Brukarråd Vedlegg: Dokument i saka: Handlingsplan for Integreringsarbeid i Vinje kommune (2013/1334) Referat frå Integreringsutvalet dat. 30.09.13 Bakgrunn: Handlingsplan for Integreringsarbeid blei behandla og vedtatt i OVU i juni d.å. I pkt. 3.0 om organisering av flyktningarbeidet i Vinje så står det under pkt. 3.2 at ein vil for å sikre ein god dialog og kontakt med flyktningane som har kome til kommunen opprette eit brukarråd med eit utval av flyktningar. Dette for å sikre ein forpliktande kontakt/dialog. Vidare så står det at mandatet for ei slik gruppe bør vera rådgjeving og informasjon. I same handlingsplan og under same hovudpunkt 3.0. står det i pkt. 3.1 om Integreringsutval. Integreringsutvalet har no vore i gang omlag eit år. I siste møtet 30.september i år blei sak om Brukarråd drøfta. Integreringsutvalet meiner at det er viktig at det er god dialog og kunnskap om flyktningarbeidet, om korleis flyktningane klarar å integrere seg i kommune og kva eventuelle problem kan løysas eller førebyggjast. Integreringsutvalet konkluderte med at Brukarrådet bør i tillegg til flyktningar kvinner/menn, også ha medlemmar av politisk valte personar/utval. Brukarrådet bør utover dette også ha medlemmar frå kommunens administrasjon /leiing og ein av desse bør vera skulesjef ved Åmot skule då han også har ansvar for Vaksenopplæringa og mottak / integreringsarbeid av/med flyktningar. Integreringskoordinator må delta i Brukarrådet og det er naturleg at denne er leiar for rådet. Side16
Vurdering: Vinje kommune har vedteke Handlingsplan for Integreringsarbeid og punkt i denne omhandlar Brukarråd med flyktningar for å formalisere ein forpliktande og ansvarleg kontakt /dialog mellom kommunen og flyktingar. Bukarrådet bør ikkje vera for stort, men ha eit utval av medlemmar som representerar både flyktningar og kommunens administrasjon og politisk leiing, totalt med åtte medlem. Av desse bør det vera eit utval på fire flyktningar dvs. både noverande flyktningar og tidlegare flyktningar, to representantar frå kommunens administrasjon/leiing, ein politisk vald representant og Integreringskoordinator. Integreringskoordinator bør vera brukarrådets leiar. Den politiske representanten bør bli valt av / frå Oppvekst- og velferdsutvalet. Rådmannens framlegg til vedtak: 1. Brukarrådet for flyktningar skal ha 8 medlem. 2. Medlem skal vera med eit utval av fire noverande flyktningar (to) og tidlegare flyktningar (to), to representantar frå administrasjon/leiing v/ skulesjef ved Åmot skule og leiar for Vaksenopplæringa, ein politisk vald representant og Integreringskoordinator. 3. Leiar for rådet er Integreringskoordinator. 4. Oppvekst- og velferdsutvalet vel ut ein politisk representant frå sitt utval til Brukarråd for flyktningarbeidet. 5. Skulesjef for Åmot skule og Integreringskoordinator vel ut representantar for flyktningane. 6. Brukarrådets konstituerar seg sjølv ved fyrste møte og rådets mandat er rådgjeving og informasjon til og frå kommunen / flyktningar. Rådmannen, Hans Kristian Lehmann, rådmann /s/ Side17