Ulvik Arbeiderparti Program 2011-2015
Program for Ulvik Arbeiderparti 2011-2015 Kjære sambygding Ulvik Arbeiderparti har dei siste 4 åra arbeidd målretta med måla me sette oss for perioden 2007-2011. Me har hatt 1 representant i Formannskapet, Hans Petter Thorbjørnsen og 2 representantar i Heradstyret, Hans Petter Thorbjørnsen og Tine Pedersen. Eit av måla me sette oss var fleirbrukshall, bygd og opna. Me er glad for at idrettshallen no er vedteken sjølv om me helst såg at den vart større. Rassikring på vegstrekka Ulvik Bruravik er ei anna sak Ulvik Arbeiderparti har arbeidd med, og me er svært glade for at alle snart kan ferdast trygt på veg til og frå bygda vår. Ungdomsstasjonen er etablert og det er oppretta ei stilling som ungdomsarbeidar, slik me ynskte. Sagbrukstomta er no tilrettelagt og me vil arbeida vidare for å få ein bruk av denne tomta som gjer at det vert fleire arbeidsplassar i Ulvik. Undervegs i perioden kjem det opp saker som me som folkevalde må handtera etter beste skjønn og overtyding. De skal vera trygge
på at me har sosialdemokratisk syn sjølv om me ikkje alltid er einig med moderpartiet, det har me vist i kraftmastesaka. Me brukte vår politiske kraft og kjempa for ei anna løysing enn master i Hardanger. No er det no slik i denne saka og i mange andre at ikkje alt går vår veg, men no må me gå vidare å finna gode løysingar i fellesskap til det beste for oss i Ulvik. Me gler oss til den nye valperioden og har motiverte kandidatar med pågangsmot og godt humør. Ulvik Arbeiderparti skal sjå til at planlagde tiltak vert utført og me er lydhøyre for kva innbyggjarane i Ulvik ynskjer. Leiar Ulvik Arbeiderparti, Kjartan Fjelde
Ulvik ei god bygd å bu i Ulvik tilbyr innbyggjarane sine ein trygg oppvekst og gode levekår for alle, ung som gamal. Ulvik Arbeiderparti garanterer at du og dine vil få våre røyster når det handlar om livskvalitet og velferd. Ulvik Arbeiderparti meiner Ulvik skal ha sentrumsnære,byggjeklare tomter til ei kvar tid. Me vil og at Ulvik skal føra ein betre sosial bustadpolitikk, for å gje dei som ikkje kjem inn på den ordinære bustadmarknaden eit tilbod. Til dømes bygging av terrasse - leilegheiter gjennom vidare utbygging av Øvre Skeie. Ulvik Arbeidparti ynskjer at Heradet yter etableringstilskot til nye heilårsbustader. Ulvik Herad som arbeidsgjevar Dei tilsette i heradet er vår viktigaste og største ressurs, dei er vår reiskap i kvardagen. Me garanterer trygge arbeidstilhøve og høve til kompetanseauke for våre tilsette: som vedlikeheld, byggjer og utviklar Ulvik Herad. Ulvik Herad som arbeidsgjevar og innkjøpar skal motverke sosial dumping. Ulvik eit herad i Hardanger Hardanger og Hardangerfjorden er kåra til verdas beste reisemål. Me vil fortsetja å arbeida for at Ulvik held fram med å vera ein attraktiv bu og arbeidskommune, og stadig arbeide for at bygda vår skal vere attraktiv for tilflytting og etablering, samt halde på sin posisjon som reisemål. Heradet må legga til rette for at kultur - landskapet vert ivaretatt. Alle har eit ansvar for at Ulvik med stoltheit fortset å marknadsføra seg som Perla i Hardanger. Ulvik for born og unge Ulvik Arbeiderparti ynskjer at born og unge i bygda vår skal fort setje å ha eit variert aktivitetstilbod. Me vil at Ulvik Ungdomsråd skal verta ein reell høyringsinstans i alle saker som vedkjem born og unge. Me vil arbeide vidare for at ungdomsklubben skal vere ein møte stad
der dei unge kjenner seg velkomne og ivaretekne fleire etter - mid dagar i veka. Me vil og jobba for ein tryggare skuleveg og rusta opp badeplassen i Holmen. Ulvik for dei eldre Ulvik Arbeiderparti vil at Ulvik Eldreråd skal fortsetja å vera ein reell høyringsinstans i alle saker. Me vil arbeida for å skapa aktivitet for dei eldre og leggja til rette for nye sosiale, kulturelle og fysiske aktivitetar som gjer auka livs kvalitet. Ulvik ei levande bygd for alle Landbruket og reiselivsverksemdene er bærebjelkane i arbeidet med å ta vare på kultur og tradisjon, miljø og skikkar. Ulvik Arbeiderparti ynskjer at desse næringane skal oppretthalde og satsa vidare på eit nært samarbeid som gjev oss som bur her og tilreisande lett tilgang på lokal tradisjon og gode opplevingar. Ulvik Arbeiderparti vil at ein tek vare på lag, organisasjonar og næringar. Me ynskjer å vidareutvikla lokalskipa festivalar og kulturskipingar som gjer Ulvik til ei aktiv bygd, for oss som bur her og for tilreisande. Ulvik Herad næringsliv Ulvik Arbeiderparti vil at Ulvik Herad skal vera ein aktiv medspelar og tilretteleggjar for at eksisterande og framtidige næringar skal bløma og skapa varige arbeidsplassar. Bygde- og næringsutviklaren er eit godt døme på kva Heradet kan stå til teneste med, gjennom skjemaveldet og som kontaktskapar for etablering og vekst. Me ynskjer eit tettare samarbeid mellom skulen og næringslivet, og opna for meir praktisk læring i ungdomsskulen. Me ynskjer å arbeide for at Ulvik skal fortsetje å vere eit populært reisemål for både norske og utanlandske turistar. Me ynskjer at det vert satsa vidare på nye og spanande aktivitetar og opplevingar frå fjord til fjell. Me vil tilretteleggja for meir merking av tur-/sykkelstiar, til dømes Hallingskeid Osa.
Ulvik Arbeiderparti mål for 2011-2015 Arbeide for nye arbeidsplassar på gamle sagbrukstomta. Ta vare på og leggja til rette for utvikling og vekst i landbruks- og reiselivsverksemder og andre næringar, kombinert med meir aktiv bruk av naturlandskapet vårt. Sikra finansiering av ein trygg gang- og sykkelveg mellom Ulvik Barnehage og Brakanes Skule. Satsa friskt på nye attraksjonar og aktivitetar frå fjord til fjell, mellom anna ved å gjera fleire område tilgjengeleg for nye brukargrupper. Gjera Holmen badeplass betre og meir brukarretta. Me vil arbeida for eit nytt toalettanlegg, rusta opp bryggja for enklare bading, byggja stupetårn og grillområde. Arbeide for å opprette ei ny ordning med etableringstilskot til nye heilårsbustader. Me vil arbeide for at ein sentrumsplan vert realisert. Med mellom anna å merke parkeringsplassar på Allmenningen, samt praktiske løysingar for gang og trafikkmønsteret og ei heilheitleg estetisk utforming. Ulvik Ungdomsråd vert høyringsinstans for saker som gjeld born og unge.
Eit knippe motiverte listekandidatar frå eit møte tidlegare i år. Frå venstre: Vivian Olsnes Bird, Gro Rødland, Daniel Oppheim, Ingrid Prestegard, Kjartan Fjelde, Hans Petter Thorbjørnsen, Alf Gunnar Sortland, Jorid Løvtangen 1 Hans Petter Thorbjørnsen, f. 1974 2 Ingrid Prestegard, f. 1982 3 Kjartan Fjelde, f. 1971 4 Alf Gunnar Sortland, f. 1962 5 Jorid Løvtangen, f. 1956 6 Steinar Ljones, f. 1965 7 Kari Margrete H Ulgenes, f 1963 8 Hulda Run S Thorbjørnsen, f. 1976 9 Daniel Oppheim, f. 1992 10 Vivian Olsnes Bird, f. 1971 11 Geir Ystanes, f.1971 12 Tine Pedersen, f 1970 13 Knut Atle Thorbjørnsen, f. 1954 14 Gunnhild M. Børslid, f. 1945 15 Arne Haukeland, f. 1953 16 Jan Oddvar Solli, f. 1951 17 Gro Rødland, f. 1947 18 Bjørn Inge Aarsand, f. 1963
ulvik.arbeiderparti.no Odda Trykkeri AS