Statusrapport Januar 2017
1. Innleiing Styringskrav og rammer for 2017 blei for Helse Møre og Romsdal vedteke i føretaksmøte 13. februar 2017. Det er for 2017 sett nye maksimale krav til gjennomsnittleg ventetid og differensierte krav innanfor ulike fagområder. Gjennomsnittleg ventetid for pasientar som starta si helsehjelp i spesialisthelsetenesta var 55 dagar i januar 2017. Dette er ein nedgang frå januar 2016 då den var på 66 dagar. Det var 97 fristbrot i januar, noko som er en auke på 14 samanlikna med same periode i 2016. Aktiviteten i januar var om lag som planlagt. Det var noko høgare inntekter enn budsjett knytt til pasientrelaterte inntekter både innanfor somatikk og psykisk helsevern. Rekneskapsresultatet i januar var i balanse, men korrigert for pensjon ligg det 3 mill. kroner bak budsjett. Sjukefråveret var på 8,7% i januar og det var brukt om lag same talet på netto månadsverk som januar 2016. 2. Ventetid Den positive utviklinga knytt til redusert ventetid som vi såg gjennom heile 2016 held óg fram i starten av 2017. Gjennomsnittleg ventetid for pasientar som starta si helsehjelp i spesialisthelsetenesta har gått ned frå 66 dagar i januar 2016 til 55 dagar i januar 2017. Gjennomsnittleg ventetid for dei framleis ventande var 49 dagar i januar 2017. Dette er ein reduksjon på 14 dagar samanlikna med januar 2016. Gjennomsnittleg ventetid for avvikla pasientar Jamfør styringsdokumentet for 2017 skal gjennomsnittleg ventetid for avvikla pasientar reduserast samanlikna med 2016, og skal vere under 57 dagar totalt. Det settast differensierte krav til ventetider mellom fagområda, og gjennomsnittleg ventetid skal vere Maksimalt 57 dagar for somatikk
Maksimalt 45 dagar for psykisk helsevern vaksne Maksimalt 40 dagar for psykisk helsevern barn og unge Maksimalt 30 dagar for tverrfagleg spesialisert rusbehandling Ein ser at ventetida totalt og for somatikk er omtrent lik for januar 2017. Årsaka til dette er at talet på pasientar innanfor rus og psykiatri utgjer ein liten del av det totale pasienttalet samanlikna med somatikk, og ein vil difor ikkje sjå dei store endringane i talmaterialet når ein ser på somatikk aleine versus totalt. Grafane under viser ventetid per fagområde. Tiltak i forhold til reduksjon av ventetider: Utover hausten 2016 har det blitt tilsett fleire behandlarar innanfor psykisk helsevern barn og unge, og ein vonar dette vil slå positivt ut for ventetida. Ein usikkerheitsfaktor i dette er den store utskiftinga av personell, og erfaringsbasert er denne på heile 20 % pr. år. Det pågår også ei langsiktig omstilling av personellressursar for å få bemanninga tilpassa befolkningsgrunnlaga til dei ulike BUPavdelingane. Talet på henvisningar innanfor vaksenpsykiatrien aukar, og helseføretaket jobbar med å fordele ressursar utifrå der behovet er størst, for å unngå fristbrot og lange ventetider. Arbeid med kontinuerleg forbetring av arbeidsprosessar, både pasientadministrative og kliniske arbeidsprosessar, og arbeidet med implementering av pakkeforløp er framleis eit satsingsområde i HMR.
3. Fristbrot HMR har arbeidd med tiltak for reduksjon av talet på fristbrot gjennom heile 2016. Arbeidet har særleg vore retta inn mot pasientadministrative rutinar, og det er oppretta ansvarlege på klinikknivå som melder fristbrot inn i ein nasjonal «Fristbrot-portal». Tal fristbrot for avvikla pasientar Det var registrert 97 fristbrot blant pasientane som fekk helsehjelp i januar 2017, noko som er ein auke på 14 fristbrot samanlikna med same periode i 2016. For pasientar som framleis ventar registrerte NPR 25 fristbrot i januar, noko som er ein reduksjon på 46 brot samanlikna med månaden før. Særs mange av dei registrerte fristbrota skuldast feil i dei pasientadministrative rutinane, og er ikkje reelle fristbrot. NPR-tala viser difor eit høgare tal enn det som er reelt i HMR. Ser ein på dei fristbrota som er reelle, har pasientane fått time berre få dagar etter frist. Sjølv om arbeidet med implementering av dei standardiserte pasientadministrative rutinane er vidareført, ser ein framleis eit stort tal feilregistreringar. Utrulling av det nye datasystemet Klinisk arbeidsflate/myway2pas den siste tida kan vere noko av årsaka til desse feilregistreringane. Ein reduksjon i talet på ventande i tillegg til redusert ventetid, vil skape rom for å redusere talet på reelle fristbrot slik at ein kjem ned mot målkravet på null fristbrot. 4. Status vedrørande rapportering på tvang I klinikk for psykisk helse og rus har ein arbeidd målretta med å få oversikt over status for bruk av tvang etter at dette kom opp i media i fjor haust. Det vart etter bestilling frå klinikksjef utarbeidd ein handlingsplan som mellom anna kartla registrering og praksis for gjennomføring av tvangsvedtak. Det er utarbeidd ein konkret tidsplan med oversikt over områder der ein har satt i verk eller skal sette i verk tiltak, på bakgrunn av mellom anna funn i gjennomført internrevisjonar og krav i styringsdokument. Opplæring av instruktørar i terapeutisk aggresjonsmestring startar i mars månad. I tillegg skal tilsette som har vore med på beltelegging ta del i debrifing. Nye rutinar for dette er under
utarbeiding. Det er også satt i gang arbeid med revidering av prosedyrar når det gjeld bruk av tvang / reduksjon av tvang. Arbeidet med å utarbeide plan for korleis Helse Møre og Romsdal skal oppnå riktig og redusert bruk av tvang (jamfør krav i styringsdokument for 2017) vil bli levert innan fristen 1. april. Brukarrådet i klinikken er involvert i dette arbeidet. I samband med rapportering av tal for 2014 og 2015 til Norsk Pasientregister (NPR) vedrørande dei nye nasjonale kvalitetsindikatorane når det gjeld bruk av tvang, kom ikkje tala frå HMR med. Årsaken til dette er ikkje heilt klarlagt, men det kan sjå ut som det er ein elektronisk overføringsfeil frå vårt pasientadministrative program til NPR. Arbeidet med å få rett overføring til NPR har høg prioritet både i Helse Midt-Norge, HEMIT (felles IT-leverandør) og i Helse Møre og Romsdal. Det er sett i verk manuell telling for å sikre at vi kan levere korrekte tal for åra 2014, 2015 og 2016. Frist er 1. april. NPR planlegg å publisere tal for 2016 i mai, og då skal også tala for HMR vere med. 5. Aktivitet DRG aktiviteten innanfor somatikk ligg litt over plan for januar månad. Grafen under viser DRG-poeng knytt til somatiske pasientar frå HMN behandla ved eige helseføretak og DRG-poeng på pasientar behandla utanfor HMN. DRG-poeng frå biologiske legemidlar og gjestepasientar frå andre regionar er ikkje inkludert i grafen under. Innanfor psykisk helsevern og TSB er det for 2017 frå HMN satt mål for refusjonsberettiga konsultasjonar. HMN har soleis gått bort frå å måle PH-aktivitet. Frå 1.januar 2017 er også poliklinisk aktivitet ved psykisk helsevern og rus underlagt ISF systemet. Det er sett ein eigen DRG-
pris innanfor området. Tabellen under viser refusjonsberettiga konsultasjonar og DRG-poeng innanfor psykisk helsevern og TSB ved utgangen av januar 2017. Aktivitet psykisk helsevern og TSB per 31.01.2017 Resultat Budsjett Avvik Avvik i % 2016 Refusjonsberettiga konsultasjonar: 12259 12261-2 0,0 % 10795 Psykisk helsevern vaksne 7180 7602-422 -5,6 % 6470 Psykisk helsevern barn og unge 4140 3941 199 5,0 % 3728 TSB 939 718 221 30,8 % 597 DRG-poeng poliklinikk: 2516 2451 65 2,7 % Psykisk helsevern vaksne 1160 1173-13 -1,1 % Psykisk helsevern barn og unge 1257 1193 64 5,4 % TSB 99 85 14 16,5 % Ved utgangen av januar ligg det samla talet på refusjonsberettiga konsultasjonar på plan. Det er noko høgare tal konsultasjonar en budsjettert innanfor barn og TSB, medan ein ligg litt under plan innanfor psykisk helsevern vaksne. Samanlikna med januar 2016 er det høgare aktivitet innanfor alle fagområda. Talet på DRG-poeng ligg 2,7% over budsjett i januar. 6. Rekneskap Rekneskapet syner at føretaket er i balanse. I desse tala ligg eit positivt avvik mellom rekneskapet og budsjett for pensjonskostnadene på vel 3,1 mill. kroner som vi antar blir korrigert i basisramma eller justert gjennom resultatkravet. Korrigerer vi for positive pensjonskostnader har føretaket eit negativt avvik på 3 mill. kroner. Hovudårsaka til avvik er auka aktivitet med tilsvarande auka kostnader. Januar er ein månad med mange anslag i rekneskapen og det kan difor knytte seg usikkerheit spesielt knytt til hovudpost 4, 6 og 7. Tabellen under viser rekneskap og budsjett per hovudpost ved utgange av januar 2017. Resultat per 31.01.2017 Føretaket jobbar aktivt med å implementere Kostnad per pasient (KPP) som et hjelpemiddel for å identifisere tiltak og for å evaluere endringar som er sett i verk. Når månadsmodellen for KPP er på plass for 2017 vil vi kunne simulere og måle effektane av tiltak på ein meir effektiv måte.
7. Sjukefråvær Sjukefråveret for januar var på 8,6 prosent, noko som er 0,2 prosentpoeng lågare enn i tilsvarande månad i 2016, og 0,1 prosentpoeng lågare enn i desember 2016. Talet for samla sjukefråvær for 2016 var 7,9 %. For 2017 er det foreslått eit mål på eit arbeidsnærvær på minimum 93 % (7 % sjukefråvær). Dette vil bli lagt fram for AMU i førstkomande møte. Grafen under viser netto sjukefråvær i Helse Møre og Romsdal HF i perioden 2015-2017. I Helse-Midt Norge er det laga nye måleparametrar for rapportering. I komande rapporteringar blir desse inkludert i rapporten til styret. Rapporten vil då vise både tal på einingar med sjukefråvær over 10 %, og vi vil sette fokus på å følgje opp desse einingane med tiltak. I tillegg vil avvik frå arbeidstidsbestemmingane bli meir detaljert. 8. Utvikling netto månadsverk I tidlegare rapporteringar har det vært rapportert berre på netto månadsverk til styret. Netto- og brutto bemanning heng nøye saman, og vi vel å presentere alle tal i framtidig rapportering. Bruttotala viser utbetalte månadsverk, inkludert all arbeidstid som det er registret fråvær på, som permisjon, ferie, sjukdom og anna fråvær. Nettotala vise den faktiske bemanninga som fysisk var på jobb, og er vesentleg for dei tenestar vi leverar. Grafen under viser tal både på brutto og netto månadsverk i perioden 2015-2017.
Bemanning og forbruk av timar (brutto månadsverk) for januar 2017 ligg 21 månadsverk over same periode i 2016. For netto månadsverk var auka 16 månadsverk. Samla budsjett for netto månadsverk i 2017 er om lag uendra. Bruken av overtid og meirtid er betydeleg redusert sett opp mot snittet i 2016. I 2016 blei det brukt i snitt 20.071 timar overtid, og talet for januar vise 17.639 timar. Talet er fortsatt høgt, men dette viser ein positiv trend. Same bilete ser vi for bruken av meirtid, der snittet i 2016 var på 53.694 timar, medan vi i januar 2017 er nede på 44.795 timar. Vi held fram med å analysere kor det er mest bruk av overtid/meirtid for å kunne sette inn tiltak.