Sakshandsamar, telefon Mari Katrine Berg, 5557 2326 Vår dato 28.10.2016 Dykkar dato Vår referanse 2016/11322 461.3 Dykkar referanse Ølen Betong AS avd. Sveio Mølstrevågvegen 108 5550 SVEIO Rapport frå tilsyn ved Ølen Betong AS avd. Sveio 13. september 2016 Rapportnummer: 2016.059.I.FMHO Kontaktpersonar ved tilsynet: Frå verksemda: Steinar Skartland Geir Arild Søndenå Harald Emil Larsen Ivar Tørresdal Frå Fylkesmannen i Hordaland: Silje Tingstad Mari Katrine Berg Resultat frå tilsynet Denne rapporten omhandlar avvik og merknader frå tilsynet. Dersom vi ikkje får melding om faktiske feil i rapporten innan to veker etter at den er motteken, er rapporten endeleg. Fylkesmannen i Hordaland fann 2 avvik under tilsynet innan følgjande tema: Utsleppskontroll Handtering av avfall, inkl. farleg avfall Avvika er nærare omtalt frå side 3 og utover i rapporten. Ølen Betong AS avd. Sveio må sende ei skriftleg stadfesting innan 1. februar 2017 på at avvika er retta. Oppfølginga etter inspeksjonen er nærare omtalt på side 2. Silje Tingstad overingeniør Mari Katrine Berg overingeniør Brevet er godkjent elektronisk og har derfor inga underskrift. Kopi til: Sveio kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: Ølen Betong AS avd. Sveio, Elementfabrikk Samferdsel Adresse: Mølstrevågvegen 108, 5550 Sveio Postadresse: Bjoavegen 191, 5582 Ølensvåg Kontrollklasse: 4 E-post: mail@olenbetong.no Telefon: 488 89 980 Kommune: Sveio kommune Organisasjonsnr.: - Bransjenr. (NACE-kode): 23.610 Produksjon av betongprodukter for bygge- og anleggsvirksomhet Eigar (org.nr.): 953 685 124 Siste tilsyn: - 2. Bakgrunnen for tilsynet Tilsynet vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er del av ein nasjonal tilsynsaksjon med verksemder som produserer betong, betongprodukt og andre ikkje-metalliske mineralprodukt. Aksjonen vart gjennomført i august og september 2016. Det har ikkje tidlegare vert gjennomført ein landsdekkande tilsynsaksjon i denne bransjen. Følgjande hovudtema vart kontrollert: Internkontroll Utsleppskontroll Avfallshandtering 3. Oppfølging etter tilsynet Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. februar 2017 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. 4. Tilsynsgebyr Fylkesmannen varsla i e-post 25. august 2016 at Ølen betong AS avd. Sveio vil få eit gebyr på 12 100 kroner for tilsynet, jf. forureiningsforskrifta 39-7. Dette er gebyrsats 3. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 2
5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag Forureiningslova 7, 11 og 32 Forureiningsforskrifta Avfallsforskrifta kapittel 9 om deponering av avfall og kapittel 11 om farleg avfall Produktkontrollova Internkontrollforskrifta Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under tilsynet: Avvik 1: Verksemda kan ikkje dokumentere om utslepp til vatn og grunn fører til nemneverdig skade eller ulempe for miljøet Avvik frå: - Forureiningslova 7 - Internkontrollforskrifta 5 andre ledd punkt 6 og 7 Kommentar til regelverket: Når ei verksemd ikkje har utsleppsløyve frå miljøvernmynde og bransjen ikkje er regulert i forskrift er det forureiningslova som regulerer verksemda sitt utslepp. Hovudregelen i 7 slår fast at det ikkje er lov å forureine, og at verksemda må setje i gong tiltak dersom naudsynt. Utslepp av forureina vatn er ulovleg dersom det medfører nemneverdig skade eller ulempe for miljøet, jf. forureiningslova 8 tredje ledd. Verksemder skal ha kontroll på kva dei slepp ut. For betongverksemder er det naudsynt at vaskevatn førast til eit reinseanlegg før utslepp. Reinseanlegget må vere etablert og driftast i samsvar med rutinar for å sikre at det fungerer etter hensikta, og må mellom anna trygge at armering frå betongslam og -rester vert fanga opp. Det må takast målingar av utsleppet for å kunne vurdere om det fører til forureining. Målingane må spegle dei ulike produksjonsforholda ved verksemda, og vurderingane gjort 3
kring kor, kor ofte og korleis prøvane vert tatt må vere dokumentert i verksemdas eigen internkontroll. Ev. utslepp av forureina vatn frå slamgroper eller avvatningbinger for betongslam og -rester er underlagt same krav for kontroll som vaskevatn, og verksemda må kunne dokumentere at utslepp til grunn eller vatn ikkje fører til forureining. Avviket er basert på følgande observasjonar: Basseng 3 i sedimentasjonsløysinga og spylegropa inne i hallen har begge direkte utløp til sjø, mens slambassenget (slamgropa) utandørs har infiltrering i grunnen. Det er ikkje tatt prøvar av desse utsleppa, og verksemda kan dermed ikkje dokumentere at utsleppet ikkje fører til nemneverdig skade eller ulempe. Avvik 2: Rutinar og dokumentasjon knytt til handtering av avfall, inkl. farleg avfall, har manglar Avvik frå: Avfallsforskrifta 11-8 Avfallsforskrifta 11-12 Internkontrollforskrifta 5 andre ledd punkt 7 Kommentar til regelverket: Handtering av farleg avfall må skje i samsvar med avfallsforskrifta Verksemder som har farleg avfall må gje opplysingar om kor avfallet kjem frå, kva det innehelder og kva eigenskapar det har for at vidare behandling kan skje på ein trygg måte når dei leverer det til eit godkjent mottak. Dette gjer ein ved å deklarere avfallet, no elektronisk, på www.avfallsdeklarering.no. Leveringsplikta inneber òg at verksemda må ha skriftleg dokumentasjon på kvar det farlege avfallet er levert. Handtering av betongavfall må vere risikovurdert Slam frå sedimenteringsbasseng er næringsavfall, og skal leverast til lovleg avfallsmottak, med mindre det attvinnast eller «brukes på annen måte», jf. 32 i forureiningslova. Når betongavfallet «brukes på annen måte» må det vere som ein erstatning for eit anna materiale som elles ville vert nytta. Betongavfall kan t.d. erstatte pukk eller liknande i byggeog anleggstiltak som skal gjennomførast uansett. Mengda betongmassar som vert nytta må stå i forhold til behovet for masser, og dei må vere eigna til formålet. Verksemda må ha skriftleg risikovurdering av om nyttiggjeringa av avfallet fører til forureining. Kunnskap om betongavfallets innhald av helse- og miljøfarlege stoff og om miljøforhold på staden der avfallet vert nyttiggjort må gå inn i risikovurderinga. Betongslam inneheld truleg tungmetall og kan difor ikkje reknast som reine massar utan nærare dokumentasjon. Avviket er basert på følgande observasjonar: Farleg avfall som oppstår ved verksemda, t.d. sprayboksar frå merking av betongelement, vert fortløpande transportert til Ølen Betong sitt hovudkontor i Vindafjord, deklarert med hovudkontoret som avfallsprodusent, og levert til Miljøservice Vest AS eller Franzefoss 4
Årabrot. Verksemda har ikkje sjølv dokumentasjon som viser at og når avfallet deira er levert til godkjent mottak, og dei manglar oversikt over kor mykje farleg avfall dei har generert. Under tilsynet blei vi kjent med at betongavfall vert levert til Mølstrevåg maskin som brukar det til «gjenbruk/fyllmasse på industriområde». Mølstrevåg maskin er ikkje eit avfallsanlegg med løyve etter forureiningslova, og verksemda har ikkje risikovurdert disponeringa av betongslammet. 8. Merknader Vi har ikkje gitt merknader under tilsynet. 9. Andre forhold Organisasjonsnummer Ølen Betong AS (ØB) er registret med organisasjonsnummer 953 685 124, og tre verksemder; ØB AS avd. bygg element Sandeid (871 762 562), ØB AS avd. Vindafjord (974 139 766) og ØB AS avd. Hammerfest (990 998 108). Alt farlig avfall frå avdelinga i Sveio vert deklarert under avd. Vindafjord. For å registrere farleg avfall på rett verksemd er det no mogleg å opprette eiga verksemdsprofil (bedriftsprofil) i avfallsdeklarering.no. De bruker det organisasjonsnummeret de har brukt til no, og opprettar eigen profil på eigen verksemd si adresse; ein satellitt. Transport av farleg avfall Under tilsynet vart det informert at det oppstod avgrensa mengder farleg avfall ved avdelinga i Sveio, og at dette avfallet vert levert til avd. Vindafjord. Fylkesmannen ser at dette kan vere ein fornuftig løysing. Hugs at alt avfall skal deklarerast på den verksemda som har produsert avfallet. Vi viser til avsnittet om organisasjonsnummer, og minner samstundes om at all transport av farleg avfall må skje i samsvar med krava i ADR-regelverket som Direktoratet for samfunnssikkerhet og beredskap (DSB) er mynde for. Avfallsplanen I avfallsplanen er farleg avfall, spillolje, oljefilter, og maling og sprayflasker alle skilt ut som eigne fraksjonar. Fylkesmannen ser at dette er gjort for å kunne skilje mellom dei ulike måtane desse fraksjonane vert handtert på, men vil samstundes gjere merksam på at alle desse er ulike typar farleg avfall og må handsamast deretter. Dette bør vere synleg av planen. 5