Rettleiing til RF-1059 Aksjar og fondspartar m.m Fastsett av Skattedirektoratet

Rettleiing til RF-1059 Aksjar og fondspartar m.m. 2016 Fastsett av Skattedirektoratet INNLEIING Skjemaet er delt i tre delar. I Del 1 gjev ein opplysningar om aksjar o.l. som er i behald ved utgangen av året. I Del 2 gjev ein opplysningar om aksjar o.l. som er realiserte i 2016. I Del 3 summerer ein dei beløpa som skal overførast til skattemeldinga. Kven skal fylle ut skjemaet Del 1: Skjemaet skal berre fyllast ut av fysiske personar. Delen skal berre fyllast ut for dei aksjane o.l. du hadde i behald ved utgangen av 2016. Dette gjeld aksjar/partar i: aksjeselskap og sparebankar som du etter opplysningane i RF-1088 som du har motteke frå skatteetaten skal levere RF-1059 for alle norske og utanlandske aksjeselskap eller sparebankar som det ikkje er gjeve opplysningar om i RF-1088 alle norske eller utanlandske aksjefond som du ikkje har motteke oppgåve for frå verdipapirfondet alle norske eller utanlandske aksjefond som du har motteke oppgåve for frå verdipapirfondet, men der eit eventuelt utbytte ikkje er førehandsutfylt i skattemeldinga Del 2: Denne delen skal fyllast ut av alle skattytarar som har selt eller på anna vis realisert aksjar o.l. i løpet av 2016 med skattepliktig gevinst eller med rett til frådrag for tap. Personlege skattytarar: Dette gjeld selde/realiserte aksjar/partar i: aksjeselskap og sparebankar som du i følgje opplysningar i RF-1088 som du har motteke frå skatteetaten skal levere RF-1059 for alle norske og utanlandske aksjeselskap eller sparebankar som det ikkje er gjeve opplysningar om i RF-1088 RF-1072N alle norske eller utanlandske aksjefond eller obligasjonsfond som du ikkje har motteke oppgåve for frå verdipapirfondet alle norske eller utanlandske aksjefond som du har motteke oppgåve for frå verdipapirfondet, men der utbytte, gevinst eller tap ikkje er førehandsutfylt i skattemeldinga Delen skal òg fyllast ut for realiserte teikningsrettar og tildelingsbevis. Unntaket er aksjar i bustadselskap som nemnt i skattelova 7-3. Levering av oppgåva Du kan enkelt levere skjemaet elektronisk som vedlegg til skattemeldinga via altinn.no eller skatteetaten.no. I den elektroniske utgava av skjemaet i Altinn får du hjelp til å beregne skjermings-frådrag og å summere poster. Skattytarar som leverer skattemeldinga på papir, leverer dette skjemaet som vedlegg. Aksjeskattleggingsreglar Skjermingsfrådrag Utbytte og gevinstar på aksjar/partar er skattepliktige for personlege aksjonærar/partshavarar for det som overstig skjermingsfrådraget. Likt med aksjar reknar ein her eigenkapitalbevis (tidlegare grunnfondsbevis), partar i gjensidige forsikringsselskap og aksjefondspartar. Skjermingsfrådraget viser kor mykje utbytte som kan mottakast skattefritt. Skjermingsfrådraget kan òg redusere den skattepliktige gevinsten din. Skjermingsfrådraget blir sett til eit skjermingsgrunnlag multiplisert med ei skjermingsrente. Grunnlaget for utrekning av skjermingsfrådrag er inngangsverdien på aksjen/parten. Dette er normalt det vederlaget aksjonæren/partshavaren har betalt for aksjen/parten (anskaffingsverdien inkl. direkte kostnader til anskaffinga). For aksjar/partar som er erverva før 01.01.2006, er inngangsverdien i tillegg regulert med RISK-beløp. Skjermingsfrådrag skal reknast ut årleg og tilordnast eigaren av aksjen/parten ved utgangen av inntektsåret. Dette skal reknast ut i Del 1 i Har ein realisert (t.d. selt) aksjar/partar i 2016, er det berre ubrukt skjermingsfrådrag frå 2015 som kan kome til frådrag i gevinsten, og eventuelt utbytte på dei realiserte aksjane/partane. Sjå skjemaet Del 2. For meir informasjon om reglane, sjå artikkel Aksjonærmodellen på www.skatteetaten.no/aksjer Kjeldeskatt Personlege aksjonærar som bur i EØS har krav på frådrag for skjerming i utbytte. Skjermingsfrådraget vert rekna ut ved å multiplisere inngangsverdien til aksjen med ei årleg fastsett skjermingsrente. Den skatten som den personlege aksjonæren skal betale av utbytte, vil vere den lågaste av kjeldeskattesatsen etter vedkommande skatteavtale og kjeldeskatt med 25 prosent av utbytte etter frådrag for skjerming. For meir informasjon, sjå artikkel Kildeskatt på utbytte fra norske selskap til utenlandske aksjonærer på www.skatteetaten.no Inngangsverdi Inngangsverdien skal fastsetjast for det året aksjen/parten er erverva. Den fastsette inngangsverdien vil bli brukt ved utrekning av skjermingsfrådrag for dei åra ein eig aksjen/parten, og ved utrekning av gevinst eller tap ved seinare realisasjon av aksjen/parten. Skjermingsfrådrag i Del 1 skal reknast ut per aksje/part. Det må difor fyllast ut ein kolonne per aksje/part. Dersom fleire aksjar/partar blei erverva på same tidspunkt og dermed har same inngangsverdi, kan desse aksjane/partane førast i same kolonne, sjå post 107. Kva ein forstår med realisasjon av aksjar o.l. Med realisasjon av aksjar forstår ein normalt sal av aksjane. Som realisasjon reknar ein m.a. òg innløysing av part i verdipapirfond (aksje- og

obligasjonsfond o.l.), innlevering av aksjane ved likvidasjon av selskapet (t.d. konkurs) og innløysing av einskildaksjar. Gåveoverføringar og overføringar mellom ektefellar blir ikkje rekna som realisasjon. Gevinst ved realisasjon av aksjar er i utgangspunktet skattepliktig som alminneleg inntekt. Dersom aksjane blir realiserte med tap, kan tapet førast til frådrag i alminneleg inntekt. Reglane om skattlegging av aksjegevinstar o.l. finst i skattelova 10-30 til 10-37. Overgangsreglane i samband med skattereforma frå 1992 er tekne inn i skattelova 19-2. RETTLEIING TIL DEI EINSKILDE POSTANE Del 1 Aksjar/partar i behald ved utgangen av året Merk at det skal fyllast ut ein kolonne for kvar aksjepost som er skaffa på same tidspunkt i same selskap. Dersom alle aksjane i same aksjepost er realiserte i 2016, skal du ikkje fylle ut Del 1, men bruke Del 2 for desse. Selskapsopplysningar for aksjar/partar Post 101 Det er viktig at du skriv heile namnet på selskapet. Post 102 For norske aksjeselskap skal organisasjonsnummeret til selskapet førast her. Dette finn du enkelt på www.brreg.no Du finn det òg i oppgåva frå Verdipapirsentralen (VPS). For aksjefond og utanlandske selskap skal ISIN-nummeret gjevast opp i post 105. Post 103 For utanlandsk selskap skal det gjevast opp kva for land selskapet høyrer heime i. Dette er normalt det landet der selskapet blir leidd og drive, både formelt og reelt. Post 104 I rubrikk 1 gjev du opp type verdipapir det dreier seg om: aksje, eigenkapitalbevis (tidlegare grunnfondsbevis) eller part i aksjefond. I rubrikk 2 gjev du opp om aksjane er børsnoterte eller ikkje-børsnoterte. Bokstavkoden som skal brukast er gjeven opp i note 1 og 2 nedst på Post 105 Her gjev du opp kva for aksjeklasse aksjane er registrerte i. Eventuelt kan du gje opp identifikasjonsnummer for aksjar og aksjefondspartar (ISIN). ISINnummer kan du til dømes finne på sluttsetel frå kontoførar, eller i aksjehandelsystema eller på børsens heimeside på internett. Post 106 Det er den opphavlege anskaffingsdatoen som skal gjevast opp her. Den skal førast slik: DD.MM.ÅÅÅÅ. I rubrikk 3 skal det gjevast opplysningar om anskaffingsmåte: stifting, kjøp, arv, gåve, splitt, spleis, fusjon, fisjon, nyteikning eller fondsemisjon. Bokstavkoden som skal brukast, er gjeven opp i note 3 nedst på Du kjøpte 4 aksjar 3. mai 2004. I 2005 blei desse splitta til 8 aksjar. I post 106 gjev du då opp 3. mai 2004 som anskaffingsdato. Anskaffingsmåten som skal oppgjevast i rubrikk 3, er splitt. Post 107 Her fører du talet på aksjar/partar i behald per 01.01.2016 og per 31.12.2016. Merk at det er aksjar/partar som er skaffa på same tidspunkt og med same inngangsverdi som skal førast i same kolonne (ikkje det totale talet på aksjar/partar ein eig i selskapet). Post 108 Her skal det gjevast opp om det har vore ein fusjon, fisjon, splitt, spleis eller fondsemisjon i selskapet i 2016 dersom det har skjedd i den tida du har ått aksjen. Ei slik hending fører til at inngangsverdien på aksjen/parten o.l. skal endrast, og omfordelast på det nye talet på aksjar/partar o.l. du har fått i samband med hendinga. Det er den omfordelte inngangsverdien som skal gjevast opp i post 201. Sjå døme bakarst i rettleiinga som viser korleis du omfordelar inngangsverdien ved ulike typar hendingar i selskapet. Ved splitt eller spleis i selskapet brukar du berre ein kolonne for aksjane erverva på same tid i dette selskapet. Side 2 Fusjon er samanslåing av selskap, der du får nye aksjar i det overtakande selskapet. Eventuelt blir pålydande i det overtakande selskapet berre auka. Overdragande selskap er det selskapet som blir oppløyst. Ved fusjon skal inngangsverdien på dei opphavlege aksjane omfordelast på aksjane du har (ev. har fått) i det overtakande selskapet. Du skal då rekne ut inngangsverdien på dei nye aksjane ved hjelp av ein justeringsfaktor. Gje òg opp kva for eit selskap du opphavleg hadde aksjane i (overdragande selskap) i denne posten. Du skal bruke ein kolonne for kvar omfordelte aksjeanskaffing. Fisjon er deling av eit selskap. Selskapet som blir delt blir kalla det overdragande selskapet. Selskapet som mottek verdiar frå det overdragande selskapet blir kalla det overtakande selskapet. Ved fisjon må du framleis fylle ut ein kolonne for kvar aksjeanskaffing du ev. har i behald i det selskapet som er fisjonert (delt). Du vil anten ha fått auka pålydande på aksjane dine i det overtakande selskapet eller ha fått nye aksjar i dette selskapet. Du skal då rekne ut inngangsverdien på dei aksjane du har eller mottek i det overtakande selskapet i eigne kolonnar. Gje opp justeringsfaktoren (sjå døme bakarst i rettleiinga) du har brukt ved denne utrekninga. Gje òg opp namnet og organisasjonsnummeret til det overdragande selskapet (det fisjonerande selskapet) i denne posten. Ved fisjon med nedsetjing av pålydande må du justere ned inngangsverdien òg på dei aksjane du har i det overdragande selskapet. Dersom det òg finn stad ei anna selskapshending i løpet av året, skal den fyllast inn i rubrikken for hending nr. 2. Rekn då ut inngangsverdien på same måten som forklart ovanfor. Ved fleire enn to selskapshendingar kan du levere på papir og fylle ut ei ny side med berre post 108. Eventuelt kan du bruke merknadsfeltet i det elektroniske Inngangsverdi og berekning av skjermingsfrådrag for aksjar/partar ått ved utgangen av året Skjermingsfrådrag blir rekna ut årleg og tilordna eigaren av aksjen/parten per 31. desember i inntektsåret.

Post 201 Aksjen/parten sin inngangsverdi er anskaffingsverdien inkludert utgifter som har direkte samanheng med ervervet, til dømes meklarutgifter. Kva som er inngangsverdien i forskjellige tilfelle, står oppgjeve nedanfor. Har du skaffa deg aksjar o.l. i 2015 eller tidlegare, og har motteke eit brev om fastsetjing av inngangsverdi, skal du bruke den inngangsverdien som står i brevet. Har du ikkje motteke eit slikt brev om fastsetjing av inngangsverdien, må du gje opp riktig inngangsverdi. For aksjar/partar som er erverva før 01.01.2006, skal inngangsverdien i tillegg regulerast med RISK-beløp. Kjøp Ved kjøp er inngangsverdien det som er betalt for aksjen/parten, inkludert anskaffingskostnader. Stifting og kapitalutviding Ved stifting eller kapitalutviding er inngangsverdien kapitalinnskotet inkludert overkurs og stiftingskostnader knytte til kvar einskild aksje. Arv og gåveoverføringar Dersom aksjen/parten er skaffa ved arv eller gåve i 2016, skal mottakar vidareføre arvelatar/gjevar sine skattemessige verdiar. Det betyr at arving/gåvemottakar overtek inngangsverdien, skjermingsgrunnlaget, og ubrukt skjermingsfrådrag og andre skattemessige posisjonar tilknytte aksjen eller parten frå arvelataren. Dette prinsippet blir kalla skattemessig kontinuitet. Fusjon/fisjon/splitt/spleis Ved skattefrie fusjonar og fisjonar skal den samla inngangsverdi på skattytaren sine aksjar i det overdragande selskapet vidareførast på aksjane i det overtakande selskapet. Dei omfordelte inngangsverdiane skal gå inn i aksjonæren sitt skjermingsgrunnlag på dei nye aksjane. Òg ved splitt og spleis må samla opphavleg inngangsverdi omfordelast på det nye talet på aksjar. Aksjar skaffa i arbeidsforhold til underpris Når fordel ved at tilsette kjøper aksjar til underpris er skattlagd, skal inngangsverdien setjast til omsetjingsverdien på anskaffingstidspunktet. Den skattepliktige fordelen er differansen mellom det du som tilsett eventuelt har betalt, og salsverdien på anskaffingstidspunktet. Dersom slik anskaffing er ei generell ordning for alle i bedrifta, kan fordelen reduserast med inntilkr 1 500 per år. Reduksjonen i skattepliktig fordel skal reknast på følgjande måte: Antatt salsverdi fråtrekt 20 % minus det som er betalt for aksjen. Ein tilsett kjøper ein aksje for kr 7 000. Omsetjingsverdien på ervervstidspunktet er kr 12 000. Den tilsette er skattlagt for kr 3 500. Reduksjonen kan reknast slik: Kr 12 000 20 % (kr 2 400) - kr 7 000 = kr 2 600. Reduksjonen kan maksimalt utgjere kr 1 500. Skattepliktig fordel blir da underprisen (kr 12 000 kr 7 0000 = kr 5 000) fråtrekt kr 1 500, kr 3 500. Inngangsverdien på aksjen vil vere kr 12 000. Skattefri omdanning For aksjar som er anskaffa ved skattefri omdanning, gjeld det særreglar for fastsetjing av inngangsverdien på aksjane, jf. Finansdepartementet si forskrift til skattelova 11-20. Inngangsverdien er basert på kontinuitet og vil inngå i skjermingsgrunnlaget. Post 202 Nedsetjing av aksjekapitalen kan påverke aksjonæren sin inngangsverdi på aksjen i selskapet. Ved kapitalnedsetjing med nedskriving av pålydande på aksjane og utbetaling til aksjonærane skal aksjen sin inngangsverdi reduserast med det som blir utbetalt av tidlegare innbetalt kapital. Eit selskap sin aksjekapital var i 2001 på kr 500 000, fordelt på 10 000 aksjar, kvar med eit pålydande på kr 50 per aksje som er innbetalt. I september 2015 vedtok selskapet å skrive ned aksjekapitalen til kr 400 000. Kapitalnedsetjinga vart gjennomført ved at pålydande per aksje vart redusert frå kr 50 til kr 40, og at kr 10 per aksje vart utbetalt til aksjonærane. Inngangsverdien på aksjane skal då reduserast med kr 10. Dersom aksjonæren betalte kr 75 for aksjen i februar 2016, skal inngangsverdien etter tilbakebetalinga av innbetalt aksjekapital reduserast med kr 10, dvs. til kr 65. Opphavleg inngangsverdi på kr 75 skal då førast i post 201 og kr 10 i post 202. Utbetaling av tidlegare fondsemittert aksjekapital, og utbetaling ut over Side 3 tidlegare innbetalt aksjekapital og overkurs, blir skattemessig handsama som utbytte og påverkar ikkje aksjen sin inngangsverdi. Post 203 Har selskapet i 2016 forhøgd aksjekapitalen ved å auke pålydande, skal inngangsverdien på aksjane aukast med innbetalt kapital. Eit selskap sin aksjekapital var i 2001 kr 300 000, fordelt på 10 000 aksjar, kvar med pålydande kr 30 per aksje. I oktober 2015 vedtok selskapet å auke aksjekapitalen med kr 100 000 ved å auke pålydande per aksje til kr 40 per aksje ved innbetaling frå aksjonær. Inngangsverdien på aksjane skal då aukast med kr 10. Dersom aksjonæren betalte kr 35 for aksjen i januar 2005, skal inngangsverdien etter innbetalinga aukast til kr 45 per aksje. Opphavleg inngangsverdi på kr 35 skal då førast i post 201 og kr 10 i post 203. Post 204 Her skal postane 201, 202 og 203 summerast. Post 205 Ubrukt skjermingsfrådrag frå 2015 inngår i grunnlag for utrekning av skjermingsfrådrag for 2016 og reduserer eventuelt skattepliktig utbytte. Du har ubrukt skjermingsfrådrag til framføring dersom du i 2015 ikkje mottok utbytte på aksjane, eller dersom det utbyttet du mottok, var lågare enn skjermingsfrådraget for inntektsåret 2015. Mottok du ikkje utbytte i 2015, er heile skjermingsfrådraget for 2015 ubrukt og inngår i utrekninga av skjermingsfrådraget for 2016. Dersom du mottok utbytte i 2015 og dette var lågare enn skjermingsfrådraget for 2015, finn du det ubrukte skjermingsfrådraget ditt i post 305 i skjemaet for fjoråret (RF-1059). Har det vore ein skattefri fisjon/fusjon eller splitt/spleis av aksjane/partane i selskapet i 2016, skal ubrukt skjermingsfrådrag omfordelast på same måten som det er gjort med inngangsverdien, sjå post 108. Post 206 Skjermingsgrunnlaget per aksje/part for i år er summen av post 204 og post 205.

Post 207 Skjermingsfrådraget per aksje/part for i år blir sett til aksjen sitt skjermingsgrunnlag (post 206) gonga med skjermingsrenta for 2015. Skjermingsrenta blir fastsett av Skattedirektoratet i januar 2017. Skjermingsrenta blir publisert på www.skatteetaten.no Post 208 Samla skjermingsfrådrag for aksjar/partar du åtte per 31.12.2016 er skjermingsfrådraget for 2016 (post 207), pluss eventuelt ubrukt skjermingsfrådrag frå 2015 (post 205). Har du ikkje motteke utbytte på aksjen/parten i 2016, blir heile skjermingsfrådraget for 2016 framført til 2017, og dette skal då førast i post 305. Berekning av skattepliktig utbytte for aksjar/partar ått ved utgangen av året I denne delen skal du rekne deg fram til skattepliktig utbytte som du skal føre i sjølvmeldinga. Skjermingsfrådrag frå post 208 reduserer skattepliktig utbytte. Post 301 Motteke utbytte på aksjar/partar du åtte per 31.12.2016 skal gjevast opp her, omrekna til NOK. Post 302 Samla skjermingsfrådrag skal hentast frå post 208. Det er eit vilkår for å ha rett til skjermingsfrådrag at utbyttet er lovleg utdelt frå selskapet. Blir det delt ut utbytte som ikkje er lovleg etter reglane i aksjelova, eller dei selskapsrettslege reglane i det landet der det utdelande selskapet er stifta, er heile utbyttet skattepliktig utan rett til skjermingsfrådrag. Slikt skjermingsfrådrag kan då framførast til frådrag seinare år. I desse tilfella må du levere skjemaet på papir. Det samla utrekna skjermingsfrådraget per aksje/part blir då sett til null i post 302, og beløpet i post 208 skal overførast fullt ut til post 305. Post 303 Her fører du sum utbytte minus skjermingsfrådraget. Dersom utbyttet går over skjermingsfrådraget slik at sum beløp er positiv, skal beløpet overførast til post 304. Går skjermingsfrådraget over utbyttet slik at sum beløp er negativ, skal beløpet overførast til post 305. Post 304 Den delen av utbyttet som går over skjermingsfrådraget, er skattepliktig. Utbytte per aksje/part i post 303 skal gongast med talet på aksjar per 31.12.2016 i post 107 og førast i denne posten. Dette skal overførast til post 901 i Del 3. Post 305 Går skjermingsfrådraget over utbyttet for året, kan ubrukt skjermingsfrådrag framførast til frådrag i utbyttet for seinare år, eventuelt gevinst på same aksje. Beløpet skal førast i denne posten utan forteikn. Post 306 Brukt skjerming er det skjermingsfrådraget som faktisk har redusert skattepliktig utbytte. Dette reknar du ut ved å trekkje beløpet i post 305 frå beløpet i post 302 og gonge med talet på aksjar per 31.12.2016 i post 107. Summen skal overførast til post 903. Denne utrekninga er nødvendig for vurderinga av mogleg skatteavgrensing etter skattelova 17-1, der brutto aksjeinntekter skal reknast med utan frådrag for brukt skjerming. Del 2 Realisasjon av aksjar m.m. Om kven som skal fylle ut del 2, sjå side 1 i rettleiinga. Ver merksam på at Del 2 gjeld realisasjon av både aksjar, partar i verdipapirfond (aksje- og obligasjonsfond), eigenkapitalbevis (tidlegare grunnfondsbevis), teikningsrettar og tildelingsbevis. Opplysningar om motteke utbytte post 600 til post 606 gjeld berre for personlege skattytarar, for utbytte frå aksjar, partar i aksjefond og eigenkapitalbevis (tidlegare grunnfondsbevis). OBS! Det skal fyllast ut ein kolonne for kvar realisert anskaffing. Dersom same anskaffing er realisert på forskjellige tidspunkt i løpet av inntektsåret, fyller du ut ein kolonne for kvar realisasjon. Dersom dei selde aksjane er anskaffa på forskjellig tidspunkt, blir dei aksjane som er anskaffa først, rekna som først realiserte (FIFU-prinsippet). Aksjar som er erverva før 01.01.1992, blir i denne Side 4 samanhengen rekna for å vere erverva 01.01.1992. Sjå meir om FIFU-prinsippet bakarst i rettleiinga. Selskapsopplysningar for realiserte aksjar o.l. Post 401 Det er viktig at du skriv heile namnet på selskapet. Post 402 For norske aksjeselskap skal organisasjonsnummeret til selskapet førast her. Dette finn du enkelt på www.brreg.no Du finn det òg i oppgåva frå Verdipapirsentralen (VPS). For aksjefond og utanlandske selskap skal ISIN-nummeret gjevast opp i post 405. Post 403 For utanlandsk selskap skal det gjevast opp kva for land selskapet høyrer heime i. Dette er normalt det landet der selskapet blir leidd og drive, både formelt og reelt. Post 404 I rubrikk 6 gjev du opp type verdipapir det dreier seg om: aksje, eigenkapitalbevis (tidlegare grunnfondsbevis), part i verdipapirfond, teikningsrett og tildelingsbevis. I rubrikk 7 gjev du opp om aksjane er børsnoterte eller ikkje-børsnoterte. Bokstavkoden som skal brukast, er gjeven opp i note 6 og 7 nedst på Post 405 Her gjev du opp kva for aksjeklasse aksjane er registrerte i. Eventuelt kan du gje opp identifikasjonsnummer for aksjar og aksjefondspartar (ISIN). Post 406 Det er den opphavlege anskaffingsdatoen som skal gjevast opp her. Den skal førast slik: DD.MM.ÅÅÅÅ. I rubrikk 8 skal det gjevast opplysningar om anskaffingsmåte: stifting, kjøp, arv, gåve, splitt, spleis, fusjon, fisjon, nyteikning eller fondsemisjon. Bokstavkoden som skal brukast, er gjeven opp i note 8 nedst på Du kjøpte 4 aksjar 3. mai 2004. I 2005 blei desse splitta til 8 aksjar. I post 406 gjev du då opp 3. mai 2004 som

anskaffingsdato. Anskaffingsmåten som skal oppgjevast i rubrikk 8, er splitt. Post 407 Her fører du talet på realiserte aksjar o.l. i 2016. Merk at det er dei realiserte aksjane o.l. som er anskaffa på same tidspunkt og med same inngangsverdi som skal førast i same kolonne. Post 408 Realisasjonsdato skal gjevast opp slik: DD.MM.ÅÅÅÅ Post 409 Her skal det gjevast opp om det har vore ein fusjon, fisjon, splitt, spleis eller fondsemisjon i selskapet i 2016 dersom det har skjedd i den tida du har ått aksjen. Ei slik hending fører til at inngangsverdien på aksjen/parten o.l. skal endrast, og omfordelast på det nye talet på aksjar/partar o.l. du har fått i samband med hendinga. Det er den omfordelte inngangsverdien som skal gjevast opp i post 501. Sjå døme bakarst i rettleiinga som viser korleis du omfordelar inngangsverdien ved ulike typar hendingar i selskapet. Ved splitt eller spleis i selskapet brukar du berre ein kolonne for aksjane erverva på same tid i dette selskapet. Fusjon er samanslåing av selskap, der du får nye aksjar i det overtakande selskapet. Eventuelt blir pålydande i det overtakande selskapet berre auka. Overdragande selskap er det selskapet som blir oppløyst. Ved fusjon skal inngangsverdien på dei opphavlege aksjane omfordelast på aksjane du har (ev. har fått) i det overtakande selskapet. Du skal då rekne ut inngangsverdien på dei nye aksjane ved hjelp av ein justeringsfaktor. Gje òg opp kva for eit selskap du opphavleg hadde aksjane i (overdragande selskap) i denne posten. Du skal bruke ein kolonne for kvar omfordelte aksjeanskaffing. Fisjon er deling av eit selskap. Selskapet som blir delt blir kalla det overdragande selskapet. Selskapet som mottek verdiar frå det overdragande selskapet blir kalla det overtakande selskapet. Ved fisjon må du framleis fylle ut ein kolonne for kvar aksjeanskaffing du ev. har i behald i det selskapet som er fisjonert (delt). Du vil anten ha fått auka pålydande på aksjane dine i det overtakande selskapet eller ha fått nye aksjar i dette selskapet. Du skal då rekne ut inngangsverdien på dei aksjane du har eller mottek i det overtakande selskapet i eigne kolonnar. Gje opp justeringsfaktoren (sjå døme bakarst i rettleiinga) du har brukt ved denne utrekninga. Gje òg opp namnet og organisasjonsnummeret til det overdragande selskapet (det fisjonerande selskapet) i denne posten. Ved fisjon med nedsetjing av pålydande må du justere ned inngangsverdien òg på aksjane du har i det overdragande selskapet. Dersom det òg finn stad ei anna selskapshending i løpet av året, skal den fyllast inn i rubrikken for hending nr. 2. Rekn då ut inngangsverdien på same måten som forklart ovanfor. Ved fleire enn to selskapshendingar kan du levere på papir og fylle ut ei ny side med berre post 409. Eventuelt kan du bruke merknadsfeltet i det elektroniske Inngangsverdi på realiserte aksjar o.l. Post 501 Aksjen o.l. sin inngangsverdi er anskaffingsverdien inkludert utgifter som har direkte samanheng med ervervet, til dømes meklarutgifter. Kva som er inngangsverdien i forskjellige tilfelle, står oppgjeve nedanfor. Har du skaffa deg aksjar o.l. i 2015 eller tidlegare, og har motteke eit brev om fastsetjing av inngangsverdi, skal du bruke den inngangsverdien som står i brevet. Har du ikkje motteke eit slikt brev om fastsetjing av inngangsverdien, må du gje opp riktig inngangsverdi. For aksjar/partar som er erverva før 01.01.2006, skal inngangsverdien i tillegg regulerast med RISK-beløp. Kjøp Ved kjøp er inngangsverdien det som er betalt for aksjen/parten, inkludert anskaffingskostnader. Stifting og kapitalutviding Ved stifting eller kapitalutviding er inngangsverdien kapitalinnskotet inkludert overkurs og stiftingskostnader knytte til kvar einskild aksje. Arv og gåveoverføringar Dersom aksjen/parten er skaffa ved arv eller gåve i 2016, skal mottakar Side 5 vidareføre arvelatar/gjevar sine skattemessige verdiar. Det betyr at arving/gåvemottakar overtek inngangsverdien, skjermingsgrunnlaget, og ubrukt skjermingsfrådrag og andre skattemessige posisjonar tilknytte aksjen eller parten frå arvelataren. Dette prinsippet blir kalla skattemessig kontinuitet. Fusjon/fisjon/splitt/spleis Ved skattefrie fusjonar og fisjonar skal skattytaren sin samla inngangsverdi på aksjane i det overdragande selskapet vidareførast på aksjane i det overtakande selskapet. Dei omfordelte inngangsverdiane skal gå inn i aksjonæren sitt skjermingsgrunnlag på dei nye aksjane. Òg ved splitt og spleis må samla opphavleg inngangsverdi omfordelast på det nye talet på aksjar. Aksjar skaffa i arbeidsforhold til underpris Når fordel ved at tilsette kjøper aksjar til underpris er skattlagd, skal inngangsverdien setjast til omsetjingsverdien på anskaffingstidspunktet. Den skattepliktige fordelen er differansen mellom det du som tilsett eventuelt har betalt, og salsverdien på anskaffingstidspunktet. Dersom slik anskaffing er ei generell ordning for alle i bedrifta, kan fordelen reduserast med inntil kr 1 500 per år. Reduksjonen i skattepliktig fordel skal reknast på følgjande måte: Antatt salsverdi fråtrekt 20 % minus det som er betalt for aksjen. Ein tilsett kjøper ein aksje for kr 7 000. Omsetjingsverdien på ervervstidspunktet er kr 12 000. Den tilsette er skattlagt for kr 3 500. Reduksjonen kan reknast slik: Kr 12 000 20 % (kr 2 400) - kr 7 000 = kr 2 600. Reduksjonen kan maksimalt utgjere kr 1 500. Skattepliktig fordel blir da underprisen (kr 12 000 kr 7 000 = kr 5 000) fråtrekt kr 1 500, kr 3 500. Inngangsverdien på aksjen vil vere kr 12 000. Skattefri omdanning For aksjar som er anskaffa ved skattefri omdanning, gjeld det særreglar for fastsetjing av inngangsverdien på aksjane, jf. Finansdepartementet si forskrift til skattelova 11-20. Inngangsverdien er basert på kontinuitet og vil bli rekna med i skjermingsgrunnlaget. Aksjar anskaffa før 01.01.1989 For ikkje-børsnoterte aksjar o.l. som

kunne vore selde skattefritt før 01.01.1992, kan likevel følgjande alternative inngangsverdiar veljast ved gevinstutrekninga, uavhengig av den verdien som er brukt ved utrekning av skjermingsfrådraget. Føresetnaden er at verdiane tidlegare er godkjende av skattestyresmaktane: aksjen sin forholdsmessige del av den skattemessige formuesverdien til selskapet aksjen sin forholdsmessige del av den rekneskapsmessige eigenkapitalen til selskapet godkjend takst over aksjane sin verdi Desse oppregulerte verdiane er selskapa sin verdi per 01.01.1992. I skattelova 19-2, andre ledd bokstav a er det gjeve føresegner som avgrensar retten til å krevje frådrag for tap når tapet oppstår som følgje av at inngangsverdien anten er oppregulert til godkjend takst eller til forholdsmessig del av den rekneskapsmessige eigenkapitalen til selskapet. For skattytarar som har brukt desse oppregulerte verdiane, skal difor den alternative tapsutrekninga i skjemaet brukast, sjå 800-serien på side 3 i Post 502 Nedsetjing av aksjekapitalen kan påverke aksjonæren sin inngangsverdi på aksjen i selskapet. Ved kapitalnedsetjing med nedskriving av pålydande på aksjane og utbetaling til aksjonærane skal aksjen sin inngangsverdi reduserast med det som blir utbetalt av tidlegare innbetalt kapital. Eit selskap sin aksjekapital var i 2001 på kr 500 000, fordelt på 10 000 aksjar, kvar med eit pålydande på kr 50 per aksje som er innbetalt. I september 2016 vedtok selskapet å skrive ned aksjekapitalen til kr 400 000. Kapitalnedsetjinga vart gjennomført ved at pålydande per aksje vart redusert frå kr 50 til kr 40, og at kr 10 per aksje vart utbetalt til aksjonærane. Inngangsverdien på aksjane skal då reduserast med kr 10. Dersom aksjonæren betalte kr 75 for aksjen i februar 2016, skal inngangsverdien etter tilbakebetalinga av innbetalt aksjekapital reduserast med kr 10, dvs til kr 65. Den opphavlege inngangsverdien på kr 75 skal då førast i post 501 og kr 10 i post 502. Utbetaling av tidlegare fondsemittert aksjekapital, og utbetaling ut over tidlegare innbetalt aksjekapital og overkurs, blir skattemessig handsama som utbytte og påverkar ikkje aksjen sin inngangsverdi. Post 503 Har selskapet i 2016 forhøgd aksjekapitalen ved auke av pålydande, skal inngangsverdien på aksjane aukast med innbetalt kapital. Eit selskap sin aksjekapital var i 2001 kr 300 000, fordelt på 10 000 aksjar, kvar med pålydande kr 30 per aksje. I oktober 2016 vedtok selskapet å auke aksjekapitalen med kr 100 000 ved å auke pålydande per aksje til kr 40 per aksje ved innbetaling frå aksjonær. Inngangsverdien på aksjane skal då aukast med kr 10. Dersom aksjonæren betalte kr 35 for aksjen i januar 2005, skal inngangsverdien etter innbetalinga aukast til kr 45 per aksje. Opphavleg inngangsverdi på kr 35 skal då førast i post 501 og kr 10 i post 503. Post 504 Her skal postane 501, 502 og 503 summerast. Utrekning av skattepliktig utbytte på aksjar/partar som er realiserte i 2016 Desse postane gjeld berre for personlege skattytarar, for utbytte frå aksjar, partar i aksjefond og eigenkapitalbevis (tidlegare grunnfondsbevis). Dersom du har motteke utbytte på reliserte aksjar/partar, kan du redusere skattepliktig utbytte med ubrukt skjermingsfrådrag frå tidlegare år. Post 601 Her fører du motteke utbytte på aksjar, partar i aksjefond og eigenkapitalbevis (tidlegare grunnfondsbevis) som er realiserte i løpet av 2016. Motteke utbytte skal gjevast opp omrekna til NOK. Post 602 Ubrukt skjermingsfrådrag har du dersom du i 2015 ikkje mottok utbytte på aksjen/parten, eller dersom det utbyttet du mottok, var lågare enn skjermingsfrådraget du hadde for inntektsåret 2015. Du vil finne eventuelt ubrukt skjermingsfrådrag til framføring frå 2015 Side 6 i post 305 i skjemaet (RF-1059) for fjoråret. Post 603 Her fører du summen av utbytte minus eventuelt ubrukt skjermingsfrådrag. Dersom utbytte går over skjermingsfrådraget slik at beløpet i denne posten blir positivt, skal beløpet overførast til post 604. Går skjermingsfrådraget over utbyttet slik at beløpet i denne posten blir negativt, skal beløpet overførast til post 605. Post 604 Den delen av utbyttet som går over skjermingsfrådraget, er skattepliktig. Skattepliktig utbytte per aksje/part frå post 603 skal gongast med talet på aksjar som er realiserte, jf. post 407. Summen skal overførast til post 901. Post 605 Dersom skjermingsfrådraget overstig utbyttet, kan rest skjermingsfrådrag redusere skattepliktig gevinst på same aksje. Beløpet frå post 605 skal då brukast i post 704. Merk at rest skjermingsfrådrag berre kan redusere skattepliktig gevinst ned til kroner 0. Skjermingsfrådraget kan ikkje brukast til å gje eller auke tap. Eventuelt ubrukt skjermingsfrådrag fell bort ved realisasjon av aksjen. Post 606 Brukt skjerming er det skjermingsfrådraget som faktisk har redusert skattepliktig utbytte. Dette reknar du ut ved å trekkje beløpet i post 605 frå beløpet i post 602 og gonge med talet på realiserte aksjar i post 407. Summen skal overførast til post 903. Denne utrekninga er nødvendig for vurderinga av mogleg skatteavgrensing etter skattelova 17-1, der brutto aksjeinntekter skal reknast med utan frådrag for brukt skjerming. Realiserte aksjar o.l. Gevinst/tap kjem normalt fram som differansen mellom realisasjonsvederlag og inngangsverdi. Ved sal til underpris (gåvesal) er det ingen frådragsrett for gåveelementet ved transaksjonen (differansen mellom omsetjingsverdien og vederlaget). Post 701 Her gjev du opp storleiken på det totale

vederlaget ved realisasjonen av desse aksjane. Kostnader ved realisasjonen reduserer utgangsverdien for aksjen, og kjem til frådrag i gevinst-/tapsutrekninga. Difor skal samla brutto vederlag gjevast opp fråtrekt kostnader i samband med realisasjonen. Ved sal til underpris (gåvesal) er det ingen frådragsrett for gåveelementet ved transaksjonen (differansen mellom omsetjingsverdien og vederlaget). I slike tapstilfelle er det omsetjingsverdien som skal førast opp under post 701. Post 702 Her skal samla inngangsverdi for aksjane gjevast opp. Den finn ein ved å gonge inngangsverdien som er oppgjeven i post 504 med talet på realiserte aksjar i post 407. Post 703 Beløpet utgjer gevinst eller tap før eit eventuelt skjermingsfrådrag. Post 704 Personlege skattytarar som har ubrukt skjermingsfrådrag frå 2015 på aksjane, kan bruke dette til å redusere den skattepliktige gevinsten. Ubrukt skjermingsfrådrag har du dersom du i 2015 ikkje mottok utbytte på aksjen/parten, eller dersom det utbyttet du mottok var lågare enn skjermingsfrådraget for inntektsåret 2015. Du vil finne eventuelt ubrukt skjermingsfrådrag til framføring frå 2015 i post 305 i skjemaet (RF-1059) for fjoråret. Dersom du alt har brukt noko av dette skjermingsfrådraget til å redusere skattepliktig utbytte på desse realiserte aksjane, sjå post 602, kan du berre bruke rest skjermingsfrådrag i post 605 til å redusere den skattepliktige gevinsten. Skjermingsfrådraget per aksje skal gongast med talet på realiserte aksjar i post 407. Ver merksam på at frådraget ikkje kan gå over gevinsten i post 703, sidan slikt frådrag aldri kan gje eller auke eit tap. Summen skal overførast til post 903. Denne utrekninga er nødvendig for vurdering av mogleg skatteavgrensing etter skattelova 17-1, der brutto aksjeinntekter skal reknast med utan frådrag for brukt skjerming. Post 705 Posten viser skattepliktig gevinst eller frådragsgodkjent tap på denne realiserte anskaffinga. Beløpet skal overførast til post 902 (hugs riktig forteikn). Der dei oppregulerte inngangsverdiane «godkjend takst» eller «rekneskapsmessig eigenkapital» er brukte og det ligg føre tap, skal postane 801 807 fyllast ut. I desse tilfella er det eventuelt negativt beløp i post 807 som skal overførast til post 902, ikkje negativt beløp i post 705. Utrekning av maksimalt tapsfrådrag for aksjar anskaffa før 01.01.1989 Desse postane skal berre brukast dersom aksjane er anskaffa før 01.01.1989, og det er kravd oppregulert inngangsverdi, anten til godkjend takst eller rekneskapsmessig eigenkapital. Det er avgrensingar i retten til å krevje tap som følgje av oppregulerte verdiar. Post 801 I 1992 blei det gjeve høve til å oppregulere inngangsverdien for ikkjebørsnoterte aksjar til såkalla skattemessig formuesverdi per 01.01.1992. Dette høvet til oppregulering vart gjeve til dei som kunne selt aksjane skattefritt før 01.01.1992 (krav om 3 års eigartid). Skattemessig formuesverdi skal her gjevast opp inkl. RISK. Post 802 Med historisk kostpris forstår ein normalt den opphavlege anskaffingsverdien på aksjane. Sjå nærare om dette under post 501. Historisk kostpris skal her gjevast opp inkl. RISK. Post 803 Sjå post 705. Post 804 Sjå post 702. Post 805 I denne posten fører du det høgaste av beløpa i postane 801/802. Post 807 Positivt beløp i denne posten tyder at det ikkje ligg føre frådragsrett for tap. Dersom det kjem fram eit negativt beløp i denne posten, skal det overførast til post 902 (hugs forteikn). Beløpet som kjem fram i denne posten, skal ikkje gje høgare tapsfrådrag enn det beløpet som kjem fram i post 705. Del 3 Beløp som skal overførast til skattemeldinga Post 901 Her summerer du skattepliktig utbytte frå post 304 og post 604 frå alle aksjeanskaffingar. Har du levert fleire skjema, må utbyttet frå dei ulike skjemaa summerast før beløpet blir overført til skattemeldinga. Sum skattepliktig utbytte skal overførast til post 3.1.7 i skattemeldinga. Post 902 Her fører du netto gevinst eller netto tap for alle realisasjonane. Beløpet hentar du frå post 705, eventuelt post 807 dersom du har brukt dei oppregulerte inngangsverdiane godkjend takst eller rekneskapsmessig eigenkapital. Post 903 Her summerer du samla brukt skjerming frå postane 306, 606 og 704. DØME FIFU-prinsippet (først inn, først ut) Dersom ein har realisert aksjar/partar som ein har skaffa seg på ulike tidspunkt, blir den aksjane/partane som ein skaffa seg først rekna for å ha blitt realiserte først (FIFU-prinsippet). 1 Ein aksjonær skaffa seg 10 aksjar i selskap A i 1993 og betalte kr 200 per aksje. I 1997 skaffa han seg 8 nye aksjar i same selskapet og betalte kr 250. Han selde 15 av aksjane 15. oktober 2016. Dei 10 aksjane som blei kjøpte i 1993 pluss 5 av aksjane han skaffa seg i 1997 blir rekna som selde. Desse skal førast i kvar sin kolonne i Del 2. Dei 3 attverande aksjane som blei kjøpte i 1997, er framleis i behald og skal førast i Del 1 i éin kolonne. 2 Ein aksjonær skaffa seg 10 aksjar i selskap A i 1993 og betalte kr 200 per aksje. I 1997 skaffa han seg 10 nye aksjar i same selskapet og betalte kr 250. Han selde 7 av aksjane 15. oktober 2016. Det vil da vere 7 av dei 10 aksjane han kjøpte i 1993 som er selde og som skal førast i Del 2. Dei siste 3 aksjane som blei kjøpte i 1993 skal førast i Del 1 i éin kolonne. Dei 10 aksjane han skaffa seg i 1997 må førast i ein annan kolonne i Del 1. Side 7

Justering av inngangsverdi som følgje av ulike selskapshendingar (justeringsfaktor) Dersom det førekjem hendingar i selskapet (spleis, splitt, fisjon, fusjon og fondsemisjon), må inngangsverdien på aksjane justerast (omfordelast). Ved omfordelinga blir det vanlegvis brukt ein såkalla justeringsfaktor. Denne blir brukt for å rekne ut justert inngangsverdi per aksje. Justeringsfaktoren blir vanlegvis rekna ut ved at ein deler talet på aksjar før selskapshendinga på talet på aksjar etter selskapshendinga. FIFU-prinsippet gjeld òg ved omfordeling av inngangsverdiane ved splitt, spleis, fondsemisjon, fusjon og fisjon. spleis Ein aksjonær kjøpte 12 aksjar i selskap A i 2001 for kr 1 000 per aksje. Aksjonæren har eit ubrukt skjermingsfrådrag frå 2015 på 38 kroner per aksje. I 2016 gjer selskapet ein spleis slik at to aksjar blir gjorde om til ein. Etter dette har aksjonæren 6 aksjar i selskapet. I dette tilfellet blir justeringsfaktoren 12: 6 = 2. Talet på aksjar per 01.01.2016 i post 107 blir 12, medan talet per 31.12.2016 blir 6. I post 108 skal justeringsfaktor 2 og selskapshending SS oppgjevast. Inngangsverdien per aksje, og eventuelt ubrukt skjermingsfrådrag frå 2015, skal omfordelast ved at dei blir gonga med justeringsfaktoren 2. Ved utrekning av skjermingsfrådrag for aksje/part ått per 31.12.2016 vil omfordelt inngangsverdi i post 201 vere (kr 1 000 x 2) = kr 2 000 per aksje. Omfordelt ubrukt skjermingsfrådrag frå 2015 i post 205 vil vere (kr 38 x 2) = kr 76 per aksje. Det blir gjort tilsvarande utrekningar under del 2 for realiserte aksjar der det har funne stad ein spleis av aksjar i selskapet før realisasjonen. Ny inngangsverdi skal førast i post 501, og omfordelt ubrukt skjermingsfrådrag i post 602 og post 704. splitt Ein aksjonær kjøpte 4 aksjar i selskap B i 2004 for kr 3 000 per aksje. Aksjonæren har eit ubrukt skjermingsfrådrag frå 2015 på 50 kroner per aksje. Selskapet gjer ein splitt i 2016 slik at ein aksje blir til to aksjar. Etter dette har aksjonæren 8 aksjar i selskapet. I dette tilfellet blir justeringsfaktoren 4: 8 = 0,5. Talet på aksjar per 01.01.2016 i post 107 blir 4, medan talet per 31.12.2016 blir 8. I post 108 skal justeringsfaktoren 0.5 og selskapshendinga ST oppgjevast. Inngangsverdien per aksje og ubrukt skjermingsfrådrag frå 2015 skal omfordelast ved at dei blir gonga med justeringsfaktoren 0,5. Ved utrekning av skjermingsfrådrag for aksje/part ått per 31.12.2016 vil omfordelt inngangsverdi i post 201 vere (kr 3 000 x 0,5) = kr 1 500 per aksje. Omfordelt ubrukt skjermingsfrådrag frå 2015 i post 205 vil vere (kr 50 x 0,5) = kr 25 per aksje. Det blir gjort tilsvarande utrekningar under del 2 for realiserte aksjar der det har funne stad ein splitt av aksjar i selskapet før realisasjonen. Ny inngangsverdi skal førast i post 501, og omfordelt ubrukt skjermingsfrådrag i post 602 og post 704. fondsemisjon Ein aksjonær kjøpte 2 aksjar i selskap A i 1999 for kr 2 500, og 1 aksje til i same selskapet i 2000 for kr 1500. I 2016 blir det gjort ein fondsemisjon der 3 stamaksjar gjev rett til 1 fondsaksje. Etter dette vil aksjonæren sitje med 4 aksjar. Her vil justeringsfaktor vere 3:4 = 0,75. Omfordelt inngangsverdi på stamaksjane kjøpte i 1999 blir: 2 500 x 0,75 = 1 875 per aksje. Tilsvarande omfordeling blir gjort med skjermingsfrådraget på desse aksjane. Omfordelt inngangsverdi på stamaksjane kjøpte i 2000 blir: 1 500 x 0,75 = 1 125 per aksje. Tilsvarande omfordeling blir gjort med skjermingsfrådraget på aksjen. Stamaksjane frå 1999 og stamaksjen frå 2000 skal førast i kvar sine kolonnar i post 201. Inngangsverdien på fondsaksjen blir den samla summen av opphavlege inngangsverdiar fråtrekt summen av omfordelte inngangsverdiar: Side 8 ((2 500 x 2) + 1 500) ((1 875 x 2) + 1 125)) = 1 625. Det blir gjort ei tilsvarande utrekning for å finne fram til omfordelt ubrukt skjermingsfrådrag. Fondsaksjen skal førast i ein eigen kolonne. Anskaffingstidspunktet og måten i post 106 vil vere 2016 og FE (Fondsemisjon). Det blir gjort ei tilsvarande utrekning under Del 2 for realiserte aksjar der det har funne stad ein fondsemisjon i selskapet før realisasjonen. Ny inngangsverdi skal førast i post 501, og omfordelt ubrukt skjermingsfrådrag i post 602 og post 704. fusjon Ein aksjonær kjøpte 4 aksjar i selskap A i 1996 for kr 1 000 per aksje. Aksjonæren har ubrukt skjermingsfrådrag frå 2014 på kr 50 per aksje. I 2016 fusjonerer selskap A (overdragande selskap) inn i selskap B (overtakande selskap). Aksjonæren får 8 aksjar i det overtakande selskapet B. I dette tilfellet blir justeringsfaktoren 4: 8 = 0,5. Talet på aksjar per 01.01.2016 i post 107 blir 4, medan talet per 31.12.2016 blir 8. Anskaffingsdato og -måte i post 106 blir 1996 og bokstavkoden FU (fusjon). I post 108 skal justeringsfaktoren 0,5 og selskapshending FU oppgjevast. Inngangsverdien per aksje, og eventuelt ubrukt skjermingsfrådrag frå 2015, skal omfordelast ved at dei blir gonga med justeringsfaktoren 0,5. Ved utrekning av skjermingsfrådrag for aksje/part ått per 31.12.2016 vil omfordelt inngangsverdi i post 201 vere (kr 1 000 x 0,5) = kr 500. Omfordelt ubrukt skjermingsfrådrag frå 2014 i post 205 vil vere (kr 50 x 0,5) = kr 25 per aksje. Det blir gjort ei tilsvarande utrekning under Del 2 for realiserte aksjar der det har funne stad ein fusjon i selskapet før realisasjonen. Ny inngangsverdi skal førast i post 501, og omfordelt ubrukt skjermingsfrådrag i post 602 og post 704.

fisjon deling av selskap ved innløysing av aksjar Ein aksjonær kjøpte 10 aksjar i selskap A i 1995 for kr 1 500 per aksje. I 2016 fisjonerer selskap A (overdragande selskap) ut 40 % av verksemda si til selskap B (overtakande selskap). Aksjonæren får 2 aksjar i selskap B mot å løyse inn 4 aksjar i selskap A. Aksjonæren må fylle ut ein kolonne for aksjane i selskap A, og ein kolonne for aksjane i selskap B. For aksjane i selskap A vil anskaffingstidspunkt og anskaffingsmåte i post 106 vere 1995 og K (Kjøp). Talet på aksjar per 01.01.2016 i post 107 blir 10, medan talet per 31.12.2016 blir 6. Inngangsverdien for dei resterande 6 aksjane i selskap A vil vere kr 1 500 (som før), og desse beheld dei opphavlege skjermingsfrådraga sine. Utrekninga av inngangsverdien for aksjane i selskap B tek utgangspunkt i den totale inngangsverdien som aksjonæren opphavleg hadde i selskap A (10 x 1500 = 15 000). Dette beløpet blir gonga med den parten som er skild ut (40 %) og delt på talet på aksjar aksjonæren får i selskap B. Inngangsverdien per aksje i selskap B blir då: Opphavleg kostpris 15 000 x 40 % = 6000 6000 : 2 aksjar = 3 000 per aksje. På same måten skal aksjonæren rekne ut utbrukt skjermingsfrådrag på dei aksjane han har motteke. For aksjane i selskap B vil anskaffingstidspunkt og anskaffingsmåte i post 106 vere 1995 og FI (Fisjon). Talet på aksjar per 01.01.2016 i post 107 vil vere 0, medan talet per 31.12.2016 blir 2. Oppgje namnet på det overdragande selskapet i post 108, ev. 409. fisjon nedsetjing av pålydande i det selskapet som blir delt Ein skattytar kjøpte 10 aksjar i selskap A i 1994 og betalte kr 2 300 per aksje. For alle aksjane samla blir det (kr 2 300 x 10) = kr 23 000. I 2016 fisjonerte selskap A ut 40 % av aksjekapitalen og verdiane til eit nystifta selskap B ved nedsetjing av pålydande. Skattytaren skaffa seg 8 aksjar i selskap B. Aksjonæren må fylle ut ein kolonne for aksjane i selskap A, og ein kolonne for aksjane i selskap B. For aksjane i selskap A vil talet på aksjar per 01.01.2016 og per 31.12.2016 i post 107 vere 10. Fordi 40 % av verdiane er skilde ut ved nedsetjinga av pålydande, må inngangsverdien på aksjane i selskap A omfordelast. For å rekne ut inngangsverdien på aksjane i selskap A, tek ein utgangspunkt i dei opphavlege inngangsverdiane aksjonæren hadde i selskap A og reduserer inngangsverdien til kvar aksje med 40 %. Inngangsverdien på aksjane i selskap A blir i dette tilfellet: Opphavleg inngangsverdi per aksje: 2 300 x 60 % = 1 380 På same måten skal aksjonæren rekne ut utbrukt skjermingsfrådrag på dei aksjane han har motteke. For selskap B blir anskaffingstidspunktet og anskaffingsmåten i post 106 1994 og FI (Fisjon). Talet på aksjar per 01.01.2016 i post 107 blir 0, medan talet per 31.12.2016 blir 8. Utrekninga av inngangsverdien for aksjane i selskap B tek utgangspunkt i den totale inngangsverdien som aksjonæren opphavleg hadde i selskap A (10 x 2 300 = 23 000). Dette beløpet blir gonga med den parten som er skild ut (40 %) og delt på talet på aksjar aksjonæren får i selskap B (8). Inngangsverdien per aksje i selskap B blir då: Opphavleg kostpris 23 000 x 40 % = 9 200 9 200 : 8 aksjar = 1 150 per aksje. På same måten skal aksjonæren rekne ut utbrukt skjermingsfrådrag på dei aksjane han har motteke. Oppgje namnet på det overdragande selskapet i post 108, ev. 409. fisjon opphøyr av aksjonærforhold i det selskapet som er delt Ein skattytar kjøpte 4 aksjar i selskap A i 2003 for kr 500 per aksje. I 2016 fisjonerer selskap A ut 40 % av verdiane til selskap B. Skattytaren sitt aksjonærforhold i selskap A tek slutt i samband med fisjonen ved at han løyser inn dei 4 aksjane sine og får 2 aksjar i selskap B. Talet på aksjar i selskap B per 01.01.2016 i post 107 blir 0, medan talet per 31.12.2016 blir 2. Anskaffingsdato og måte i post 106 blir 2003 og bokstavkoden FI (fisjon). Oppgje namnet på det overdragande selskapet A i post 108, ev. 409. Ved utrekning av inngangsverdien for aksjane i selskap B blir den totale inngangsverdien aksjonæren opphavleg hadde i selskap A fordelt på aksjane han har motteke i selskap B. Den opphavlege inngangsverdien var totalt 500 x 4 = 2000. Desse 2000 skal delast på dei to aksjane han får i B. Inngangsverdien per aksje i selskap B blir 1000. På same måten skal aksjonæren fordele utbrukt skjermingsfrådrag på dei aksjane han har motteke. Side 9