Sakshandsamar, telefon Hallvard Hageberg, 5557 2318 Vår dato 04.11.2016 Dykkar dato Vår referanse 2016/12465 Dykkar referanse Jan Otto Midttun OH Betong AS Ytre Arna-vegen 100 5261 INDRE ARNA Rapport frå inspeksjon ved OH Betong 20. september 2016 Rapportnummer: 2016.061.I.FMHO Kontaktpersonar ved inspeksjonen: Frå verksemda: Jan Otto Midttun Frå fylkesmannen i Hordaland: John-Olav Hisdal Hallvard Hageberg Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 3 avvik under inspeksjonen innan følgjande tema: Utslepp til sjø Handtering av avfall og farleg avfall Internkontroll Avvika og er nærare omtalt frå side 3 og utover i rapporten. Vi har ikkje gitt merknader. OH Betong må sende ei skriftleg stadfesting innan 1. februar 2017 på at avvika er retta. Oppfølginga etter inspeksjonen er nærare omtalt på side 2. Silje Tingstad overingeniør Hallvard Hageberg senioringeniør Rapporten er godkjent elektronisk og har derfor inga underskrift. Kopi til: Bergen kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: OH BETONG AS Kontrollklasse/risikoklasse: 4 Besøksadresse: Ytre Arna-vegen 100, 5261 Indre Arna Postadresse: Ytre Arna-vegen 100, 5261 Indre Arna E-post: oh@ohbetong.no Telefon: 55 24 93 33 Kommune: Bergen Organisasjonsnr.: 971819421 Bransjenr. (NACE-kode): 23.630 - Produksjon av ferdigblandet betong Eigar (org.nr.): 923110860 Løyve sist oppdatert: - Siste tilsyn: 06.11.2009 2. Bakgrunnen for inspeksjonen Inspeksjonen blei gjennomførd for å kontrollere om gjeldande krav fastsatt i eller i medhald av forureiningslova med forskrifter er oppfylte. Tilsynet er ein del av ein nasjonal tilsynsaksjon med verksemder som produserer betong og betongprodukt. Aksjonen vart gjennomførd i august og september 2016. Følgjande hovudtema vart kontrollerte: Internkontroll Utsleppskontroll Avfallshandtering 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at fylkesmannen skal kunne avslutte saka, må de innan 1. februar 2017 sende ei skriftlig tilbakemelding som viser korleis avvik er retta, gjerne med bildedokumentasjon. 4. Kontrollgebyr Verksemda skal betale gebyr for kontrollen, jf. forureiningsforskrifta 39-7 om gebyr for kontroll i verksemder utan løyve. Gebyret skal dekka kostnader i samband med førebuing, gjennomføring og oppfølging av kontrollen. OH Betong AS er plassert i gebyrsats 3. Dette medfører at verksemda skal betale 12 100,- kroner i gebyr. Kommentarar til varselet om gebyr kan sendast til fylkesmannen innan to veker etter at de har fått denne rapporten, jf. forvaltningslova 16. 5. Offentleggjering Denne rapporten vil vere tilgjengeleg via fylkesmannen i Hordaland sin postjournal på www.fylkesmannen.no/hordaland, jf. offentleglova. 2
6. Dokumentunderlag forureiningslova avfallsforskrifta kapittel 9 om deponering av avfall og kapittel 11 om farleg avfall internkontrollforskrifta produktkontrollova Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: noko som miljøvernstyresmaktene meiner det er nødvendig å påpeike for å ivareta helse og miljø og som ikkje er eit avvik. 7. Avvik Vi fann følgjande avvik under inspeksjonen: Avvik 1: Verksemda har ukontrollert utslepp til sjø Avvik frå: forureiningslova 7 Kommentar til regelverket: Hovudregelen i 7 i forureiningslova er at Ingen må ha, gjøre eller sette i verk noe som kan medføre fare for forurensning uten at det er lovlig etter 8 og 9, eller tillatt etter vedtak i medhold av 11. Utslepp av forureina vatn er ulovleg dersom det medfører nemneverdig skade eller ulempe for miljøet, jf. forureiningslova 8, 3. ledd. Verksemder skal ha kontroll på kva dei slepp ut. For betongverksemder er det naudsynt at vaskevatn førast til eit reinseanlegg før utslepp. Reinseanlegget må vere etablert og driftast i samsvar med rutinar for å sikre at det fungerer etter hensikta, og må mellom anna trygge at armering frå betongslam og -rester vert fanga opp. Det må takast målingar av utsleppet for å kunne vurdere om det fører til forureining. Målingane må spegle dei ulike produksjonsforholda ved verksemda, og vurderingane gjort kring kor, kor ofte og korleis prøvane vert gjennomført må vere dokumentert i verksemdas eigen internkontroll. Ev. utslepp av forureina vatn frå slamgroper eller avvatningbinger for betongslam og -rester er underlagt same krav for kontroll som vaskevatn, og verksemda må kunne dokumentere at utslepp til grunn eller vatn ikkje fører til forureining. 3
Avviket er basert på følgjande observasjonar: Ved tilsynet kunne vi sjå at det var lekkasje til sjø og spor etter finstoff/betong på eit område rett ved sida av plassen der slam frå resirkuleringsanlegget låg for tørking: Det var uklårt om dette utsleppet skreiv seg frå tørkeplassen eller om det også gjekk føre seg vask av bilar og utstyr på området. Sjå også bilete 1 og 2 nedanfor. Fylkesmannen vurderer dette som eit alvorleg avvik. Ved tilsyn i 2009 vart tilsvarande observasjon teken opp som merknad. Avvik 2: Handtering av avfall er ikkje tilfredsstillande Avvik frå: forureiningslova 32 avfallsforskrifta 11-5, 11-8 og 11-12. Kommentar til regelverket: Slam frå sedimenteringsbasseng er avfall. For å sikre at avfallet ikkje fører til forureining, skal det leverast til lovleg avfallsanlegg «med mindre det gjenvinnes eller brukes på annen måte», jf. 32 i forureiningslova. Eit lovleg avfallsanlegg har løyve etter forureiningslova. Når ein leverer avfallet sitt til eit slikt anlegg er ein ikkje lenger ansvarleg for den vidare handteringa av det. Arna Jordsortering har ikkje løyve til deponering av avfall. Slam frå sedimenteringsbasseng må derfor anten gjenvinnast eller brukast på annan måte. Når betongavfallet «brukes på annen måte» må det vere som ein erstatning for eit anna materiale som elles ville vert nytta. Betongavfall kan t.d. erstatte pukk eller liknande i byggeog anleggstiltak som skal gjennomførast uansett. Mengda betongmassar som vert nytta må stå i forhold til behovet for masser, og dei må vere eigna til formålet. 4
Nyttiggjering som ikkje fører til nemneverdig skade eller ulempe for miljøet kan gjennomførast utan løyve etter forureiningslova. Det er ein føresetnad at det er gjennomført ei skriftleg risikovurdering. Dersom risikovurderinga viser at det er fare for forureining må tiltaket ha løyve etter forureiningslova. Når betongslam vert levert til verksemder som ikkje har løyve etter forureiningslova til å ta imot denne type avfall, vil både den som leverer avfallet og den som tar imot vere ansvarleg dersom det i ettertid viser seg å føre til forureining. Vi er kjende med at det har vore gjort forsøk med å bruka betongslam som tilsetningsmiddel på dyrka jord. Dersom slammet skal brukast for å laga jordprodukt, må det registrerast hos Mattilsynet med opplysningar om kjemisk innhald, opphavsmateriale m.v. 11-5 i avfallsforskrifta seier m.a.: «Farlig avfall skal tas hånd om på en forsvarlig måte. Alle som oppbevarer, transporterer eller håndterer farlig avfall, skal treffe nødvendige tiltak for å unngå fare for forurensning eller skade på mennesker eller dyr. Farlig avfall skal ikke blandes sammen med annet avfall. Ulike typer farlig avfall skal ikke sammenblandes dersom dette kan medføre fare for forurensning, eller skape problemer for den videre håndteringen av avfallet.» 11-8 1. ledd: «Virksomhet hvor det oppstår farlig avfall, skal levere dette til den som etter 11-6 og 11-7 kan håndtere avfallet, eller til virksomhet utenfor Norge i henhold til reglene om grensekryssende transport av avfall i kapittel 13. Det farlige avfallet skal leveres minst 1 gang pr. år. Plikten inntrer ikke før den totale mengden farlig avfall overstiger 1 kg.» 11-12: «Virksomhet som leverer farlig avfall skal gi tilstrekkelige opplysninger om avfallets opprinnelse, innhold og egenskaper, slik at den videre håndteringen av avfallet kan skje på en forsvarlig måte. Når avfallet leveres til den som etter 11-6 og 11-7 kan håndtere avfallet, skal virksomheten som leverer avfallet fylle ut et deklarasjonsskjema som er godkjent av Miljødirektoratet. Emballasjen skal merkes tydelig med deklarasjonsskjemaets løpenummer. Merkingen må tåle fysiske og klimatiske påvirkninger. Ved bruk av ekstern transportør inntrer deklarasjonsplikten i det avfallet leveres til transportøren.» Avviket er basert på følgjande observasjonar: Avfall frå resirkuleringsanlegg for vaskevatn: Det vart opplyst at slam frå sedimenteringsbassenget vart lagt til tørking og tørrstoffet vart så levert til Arna jordsortering. 5
Farleg avfall: Det vart under tilsynet opplyst at spillolje ikkje alltid vart levert ein gong pr. år, jf. 11-8 i avfallsforskrifta. Containeren der farleg avfall (spillolje) vart lagra var også brukt som lager for andre varer og kjemikaliar, og framsto som noko uryddig. Det farlege avfallet var ikkje merka. Dette er i strid med kravet til å ta hand om farleg avfall på ein forsvarleg måte, jf. utdrag frå 11-5 ovanfor. De hadde ikkje kopi av deklarasjonsskjema for innlevert farleg avfall, jf. 11-12. Det vart også opplyst at spillolje vart levert til/henta av Solberg Mekaniske på Osterøy. Etter det vi kan sjå, har ikkje dette firmaet løyve til å ta imot og mellomlagra farleg avfall, jf. 11-8, 11-6 og 11-7 i avfallsforskrifta. Avvik 3: Internkontrollen er mangelfull Avvik frå: Internkontrollforskrifta 5 Kommentar til regelverket: Internkontroll er ei systematisk gjennomføring av tiltak for å oppnå m.a. betre vern av ytre miljø mot forureining og betre handtering av avfall ( 1 i forskrifta). Når ei verksemd er omfatta av forureiningslova og har ein eller fleire arbeidstakarar gjeld forskrifta, jf. 2. Ei liste over kva internkontrollen skal innehalda finst i 5 i internkontrollforskrifta. For fleire av punkta på lista er det krav om skriftleg dokumentasjon. For å kunna virka etter føremålet må internkontrollen oppdaterast med jamne mellomrom. Avviket er basert på følgjande observasjonar: Ved gjennomgang synte det seg at fleire datablad var gamle. Desse bør oppdaterast til nyaste versjon. Det finst ikkje noko program for prøvetaking av utslepp av «overskotsvatn» frå resirkuleringsanlegget. Det finst ikkje rutinar for korleis verksemda skal unngå forureining til ytre miljø eller sikra rett handtering av avfall. Det såg ut som om internkontrollen mest var innretta på å sikra produktkvalitet. 8. Anna Anlegget produserer 20 000 m 3 betong i året, av dette er 50 m 3 med fiberarmering. Anslått vannforbruk 7 000 m 3 /år frå eigen brønn. Selskapet har ikkje registrert seg på avfallsdeklarering.no. Vi legg ved brukarrettleiing, slik avtalt. 6
9. Bilete Bilete 1 lekkasje til sjø 7
Bilete 2 området ved sida av tørkeplass slam 8