Sakshandsamar, innvalstelefon John Olav Hisdal, 5557 2324 Vår dato 25.10.2016 Dykkar dato Vår referanse 2015/11202 461.3 Dykkar referanse AS Betongvarer Dimmelsvik 5464 Dimmelsvik Rapport frå inspeksjon ved AS Betongvarer i Kvinnherad kommune Rapportnummer: 2016.062 I.FMHO Kontaktpersonar ved inspeksjonen: Frå verksemda: Knut Inge Bjørnebøle Frå Fylkesmannen i Hordaland: Hallvard Hageberg John-Olav Hisdal Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 3 avvik under inspeksjonen innan følgjande tema: utsleppskontroll internkontroll farleg avfall Avvika og merknaden er nærare omtalt frå side 3 og utover i rapporten. AS Betongvarer må sende ei skriftleg stadfesting innan 1. februar 2017 på at avvika er retta. Oppfølginga etter inspeksjonen er nærare omtalt på side to. Silje Tingstad overingeniør John Olav Hisdal senioringeniør Rapporten er godkjent elektronisk og har derfor inga underskrift. Kopi til: Kvinnherad kommune, 5470 Rosendal Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: AS Betongvarer Kontrollklasse: 4 Besøksadresse: Omvikedalsveien 345 Postadresse: 5464 Dimmelsvik E-post: knutinge@betongvarer.no Telefon: 53481548 Kommune: Kvinnherad Organisasjonsnr.: 971665645 Bransjenr. (NACE-kode): 23.640 Eigar (org.nr.): 910564730 Sist tilsyn: Ikkje besøkt tidlegare 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er en del av ein nasjonal tilsynsaksjon med verksemder som produserer betong, betongprodukt og andre ikkje-metalliske mineralprodukt. Aksjonen vart gjennomført i august og september 2016. Det har ikkje tidlegare vert gjennomført ein landsdekkande tilsynsaksjon mot denne bransjen. Verksemda hadde også fått klage på utslepp av plastarmering. Følgjande hovudtema vart kontrollert: internkontroll utsleppskontroll avfallshandtering 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. februar 2017 sende ei skriftlig tilbakemelding med dokumentasjon som viser korleis avvika er retta, gjerne med bildedokumentasjon. 4. Kontrollgebyr Fylkesmannen varsla i e-post 30. august 2016 at AS Betongvarer vil få eit gebyr på 12 100 kroner for inspeksjonen, jf. forureiningsforskrifta 39-7. Dette er gebyrsats 3. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 2
6. Dokumentunderlag forureiningslova 7, 11 og 32 produktkontrollova forureiningsforskrifta avfallsforskrifta kapittel 9 om deponering og kapittel 11 om farleg avfall internkontrollforskrifta Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under inspeksjonen: Avvik 1: Verksemda tek ikkje prøver av reinsa vatn Forureiningslova 7 Det er ikkje fastsett eigen reinsekrav til denne type verksemd. Det er heller ikkje gitt eigne forskrifter om utslepp frå betongblandeverk. Forureiningslova 7 og omsynet til resipienten set rammer for verksemda sine utslepp. Avviket er basert på følgjande observasjonar: Verksemda har to reinsløysingar for vaskevatn. Det eine er eit nytt sedimentasjonsanlegg som er bygd etter FABECO sine tilvisingar der vask av betongbilar og anna utstyr vert gjort. Vatn i dette anlegget vert resirkulert slik at det ikkje er utslepp frå anlegget. Det andre anlegget er eit mindre sedimentasjonsanlegg der vatn frå vask av betongblanda vert ført. Betongblanda vert vaska med om lag 0,5 m³ to gonger for dagen og vatn frå sedimentasjonsanlegget vert ført til sjø. Med bakgrunn i at vaskevatn kan vere forureina over grenseverdiar som kan godtakast må det takast prøver for analyse. Vaskevatnet må minimum analyserast på tungmetalla bly (Pb), kadmium (Cd), sink (Zn) og krom (Cr), kvikksølv (Hg), nikkel (Ni), kopar (Cu) samt suspendert stoff. Prøvane må vere representative for det vatnet som vert slept til sjøen og må takast frå utløpet av siste basseng. Utslepp av vaskevatn er ulovleg dersom det fører til nemneverdig skade eller ulempe for det ytre miljø. Verksemda har ikkje tatt prøver av vatnet og manglar såleis dokumentasjon på at utsleppet ikkje fører til skade eller ulempe for ytre miljø. 3
Avvik 2: Verksemda har mangelfull internkontroll internkontrollforskrifta 4 og 5 Internkontroll og skriftelige rutinar Eit internkontrollsystem skal sikre at verksemder held krava som er sett i forureiningslova, produktkontrollova og andre relevante forskrifter. Alle rutinar skal vere skriftelige og skal bidra til å sikre at alle ledd i organisasjonen har same informasjon. Miljørisikoanalyse Verksemda skal ha oversikt over all aktivitet som kan føre til forureining. Den må kartlegge og vurdere risiko knytt til aktivitetar eller hendingar som kan påverke ytre miljø, som til dømes betongslam og utslepp av vatn. På bakgrunn av kartlegginga må det utarbeidast planar og tiltak for å redusere risikoen der det er nødvendig. Avvikssystem Verksemda må ha rutinar for å finne, rette opp og førebygge brot på miljøregelverket. Dette fører med seg m.a. å ha eit aktivt avvikssystem. Avviksregistrering er viktig for å hindre gjentaking av feil og manglar. Det er viktig at alle som arbeider ved verksemda har ein felles forståing om kva som skal registrerast som avvik. Avviket er basert på følgjande observasjonar: Verksemda manglar internkontroll for ytre miljø. Det vart opplyst at denne er under utarbeiding og vil vere ferdig i løpet av 2016. Her vil mellom anna miljørisikovurdering, avvikshandtering og driftsrutinar for reinseanlegga verte innarbeidd. Avvik 3: Lagring av farleg avfall og kjemikal er mangelfull avfallsforskrifta 11-5 produktkontrollova 3 I følgje 11-5 i avfallsforskrifta skal alle som ".. oppbevarer, transporterer eller håndterer farlig avfall, treffe nødvendige tiltak for å unngå fare for forurensning eller skade på mennesker eller dyr." Dette betyr m.a. at slikt avfall må lagrast slik at det går tydeleg fram av merking m.m. at det er tale om farleg avfall, som ikkje skal blandast med anna avfall. Emballasjen må vera sterk nok til å tola ytre påkjenning og sikra mot lekkasje og søl. I 3 i produktkontrollova står det at den som blant anna produserer eller bruker produkt som kan skade helse eller miljø, skal vise aktsomhet og treffe rimelege tiltak for å forebyggje og avgrense slike skadar. 4
Avviket er basert på følgjande observasjonar: Container for farleg avfall var ikkje merka. Den sto også slik til at den ikkje skilde seg stort ut frå kjemikalia som var lagra i same rommet. Rommet framsto som uryddig og uoversiktleg. Ikkje alle kjemikalia sto slik at det var mogeleg å samla opp søl og spill. Vi observerte brukt adsorpsjonsmateriale (spon) og oppsamlingskar for å fanga opp drypp frå slange/kran. Både lagring av farleg avfall og kjemikal må risikovurderast, og nødvendige tiltak gjennomførast. Sjå også avvik 2 ovanfor. 8. Andre forhold Slam frå det nye reinseanlegget er per dags dato ikkje teke ut av anlegget. Eigar av betongblandeverket ønsker å nytta slammet som jordforbetringsmiddel på eigen gard. Dette er eit forhold som må takast opp med Mattilsynet. Handteringa må også risikovurderast, jf. avvik 2. Kunnskap om slammets innhald av helse- og miljøfarlege stoff og om miljøforhold på staden det vert levert til må inkluderast i risikovurderinga. Slam frå reinseanlegget som blandeverket er tilknytta vert teke ut og lagra for seinare bruk ved anlegget. Restbetong som kjem i retur vert det støypt betongklossar av. Det var kome klage på plastarmering som flaut i sjøen. Verksemda kunne fortelje at dette skuldas ein kraftig storm som hadde teke med seg store mengde plastarmering som låg lagra og som hamna på sjøen. Dette var det rydda opp i og lageret av plastarmering var no bedre sikra. Plastarmering som flyt opp i det nye reinseanlegget vert skimma av og brukt om at. Det som ikkje kan brukast verft levert som restavfall. 5