Sakshandsamar: Torunn Gauteplass Hønsi Vår dato Vår referanse Telefon: 57643143 13.02.14 2011/1149-461.3 E-post: fmsftgh@fylkesmannen.no Dykkar dato Dykkar referanse Fjellkårstad Rammeverkstad Blakset 6795 BLAKSÆTER Oversending av endra midlertidig løyve etter ureiningslova for handtering av ordinært avfall og farleg avfall - Fjellkårstad Rammeverkstad, Stryn kommune Fylkesmannen har endra og forlenga midlertidig løyve etter ureiningslova til handtering av avfall for Fjellkårstad Rammeverkstad AS. Nytt løyve omfattar vilkår både for handtering av ordinært avfall, farleg avfall og EE-avfall. Løyvet med tilhøyrande vilkår vert sendt ut saman med dette brevet og dokumenta må sjåast i saman. Vi viser til søknad frå Fjellkårstad Rammeverkstad AS dagsett 08.03.11 om løyve til avfallshandtering etter ureiningslova. Seinare korrespondanse, synfaring og søknad frå Fjellkårstad Rammeverkstad AS om midlertidig løyve for drift på gbnr. 151/63 i Stryn Miljøpark datert 4.juni 2012. Løyvet låg ute på offentleg høyring i tidsrommet 05.06.12-03.07.12. Det kom inn ein merknad på søknaden frå Stryn Kommune datert 28.06.12. Fjellkårstad fekk eit års midlertidig løyve etter ureiningslova, datert 18.09.12. Etter at løyvet gjekk ut 01.10.13, tok Fylkesmannen kontakt med verksemda gjennom e-post datert 25.10.13, for å varsle at løyvet var utgått, og at det måtte søkjast om nytt løyve for å ha vidare drift av verksemda. I verksemda sitt svar 26.10.13, går det fram at det vart arbeidd med å få til ny leigeavtale med Stryn Pukk AS. Det vart i e-post datert 04.12.13 sendt inn ein ny underskriven avtale mellom Stryn Pukk AS og Fjellkårstad Rammeverkstad AS, om leigetid på nye 12 månader. Fylkesmannen sende e-post til Fjellkårstad Rammeverkstad AS den 10.01.14, med krav om tilleggsopplysningar. Det kom då inn søknad om forlenging av midlertidig løyve og andre driftsopplysningar i e-post frå verksemda 12.01.14. Det vert her søkt om midlertidig drift til avfallssorteringsanlegg på same område som tidlegare, fram til 04.12.14. Fylkesmannen i Sogn og Fjordane har etter ei samla vurdering gitt Fjellkårstad Rammeverkstad AS løyve til å forlenge si midlertidige drift av sorteringsanlegg og handtering av ordinært og farleg avfall, på området til Stryn Pukk AS, i Stryn Miljøpark. Utsleppsløyvet med vilkår følgjer vedlagt. Merk også at vedlegga til løyvet er ein del av dei juridiske krava til verksemda. I dette skrivet er saka omtalt og grunngjeve, og det er gitt nærare forklaring til enkelte av vilkåra. Dokumenta må sjåast i samanheng. Dersom de ønskjer nærare orientering om innhaldet i lovreglane, kan de få det på www.lovdata.no, eller vi kan sende kopi. Dei utsleppskomponentane frå verksemda som vi meiner har mest å seie for miljøet, er uttrykkeleg regulert gjennom spesifikke vilkår i løyvet. Utslepp som ikkje er regulert på denne måten, er omfatta av løyvet i den grad opplysningar om slike utslepp vart lagt fram i
samband med saksbehandlinga eller må sjåast på å ha vore kjent på annen måte då vedtaket ble gjort. Dette gjeld likevel ikkje utslepp av prioriterte stoff som er omtalt i vilkår 2.1. i løyvet. Bakgrunn og saksframstilling Fjellkårstad Rammeverkstad er ei etablert verksemd som tidlegare har drive med innramming av bilete på garden Fjellkårstad på Blakset. I Brønnøysundsregisteret er verksemda registrert under næringskoden 38.320 sortering og bearbeiding av avfall for materialgjenvinning. Verksemda har i den seinare tid utvikla si næringsverksemd til å omfatte mottak, sortering og handtering av avfall. BAKGRUNN Fjellkårstad Rammeverkstad AS søkte i utgangspunktet om å få drive sin aktivitet på gbnr. 133/29 på Blakset. Men planvedtaka som vart gjort i saka av Stryn Kommune vart påklaga, og annullert av Fylkesmannen i brev av 27.06.11. Fylkesmannen varsla då utsatt sakshandsaming av løyve etter ureiningslova inntil det låg føre eit gyldig planvedtak frå Stryn Kommune. Fjellkårstad sendte i mellomtida inn ein søknad om å få eit mellombels utsleppsløyve for å drive sin aktivitet på ein annan lokalitet, gbnr: 151/63 i Stryn Miljøpark. Søknaden var datert 4.juni 2012. Det vart søkt om midlertidig løyve for 1 år. Fylkesmannen sendte førehandsvarsel til naboar til ny lokalitet på gbnr: 151/63 i Stryn Miljøpark og la søknaden ut til høyring på våre heimesider og på servicekontoret til Stryn Kommune i tidsrommet 05.06.12 03.07.12. Det kom inn 1 merknad til søknaden, frå Stryn Kommune. Kommunen har vurdert verksemda i høve Plan- og bygningslova og opp mot kommuneplanen sin arealdel. Utdrag frå merknaden til Stryn kommune: Avfallshandsamingsanlegget det er søkt om harmonerer godt med bruken av arealet og alt tilstøytande areal i dag, samt planlagt bruk av arealet for framtida; - Naboarealet i sør tilhøyrer Nordfjord Miljøverk og Tenden Container og Gjenvinning, som begge driv avfallshandsaming. - Omsøkt areal ligg i kanten av støysonene både til motorsportområdet i nordvest og helikopterbase i nord. Det meste av støyen frå omsøkt avfallshandsamingsanlegg vil i tillegg verte skjerma av rommet som er danna i steinbrotet. - Det er ikkje registrert større grunnvassførekomster i fjell i dette området, som er forsynt av vatn frå kommunal drikkevasskjelde til Stryn sentrum. Stryn Miljø- og Næringspark er i kommuneplanen utpeika som område for industri, og er planlagt nettopp med tanke på mellom anna bruk som kan forårsake støy. Søkar plasserer anlegget på ein av dei mest optimale lokalitetane ein kan rekne med å finne med tanke på handsaming av miljøfarleg avfall kombinert med støyande aktivitet. Fråsegna til Stryn kommune er sendt over til søkjar som ikkje hadde nokon kommentarar til fråsegna. Klage i plansaka vedrørande etablering av omsøkt aktivitet på gbnr: 133/29 på Blakset er pr. d.d. framleis ikkje avgjort. Søkjar ynskjer difor å halde fram med si midlertidige drift på området til Stryn Pukk AS i Stryn Miljø- og Næringspark, fram til 04.12.14. Det er inngått ein skriftleg avtale med Stryn Pukk AS om å få halde fram aktiviteten der i same periode. Stryn kommune v/ rådmann Per Kristian Storevik vart muntleg orientert om Fjellkårstad sin søknad om vidare drift i Stryn Miljø- og Næringspark, i eit møte Stryn kommunen hadde med Fylkesmannen 28.01.14. Stryn kommune hadde ingen innvendingar til at Fjellkårstad kunne fortsette drifta på Stryn Pukk sitt område fram til 04.12.14. Fylkesmannen har utover dette
ikkje funne det nødvendig å leggje den nye søknaden ut på offentleg høyring, då det dreier seg om ei mindre forlenging av eit midlertidig utsleppsløyve. Fylkesmannen sine vurderingar og grunngjeving for fastsette vilkår Fylkesmannen har ved avgjerda av om løyve skal gjevast og ved fastsetjinga av vilkåra vurdert dei ureiningsmessige og andre ulemper ved tiltaket opp mot dei fordelane tiltaket vil ha. Ved fastsetjinga av vilkåra har Fylkesmannen sett krav til drifta, for å motverke ureining, skade og ulemper ved aktiviteten. Ved fastsetjinga av vilkåra har Fylkesmannen vidare lagt til grunn kva ein kan klare med beste tilgjengelege teknikkar. Løyvedokumentet presiserer ein rad krav. Dei utsleppskomponentane som vi trur har størst innverknad på miljøet, er regulert gjennom dei spesifikke vilkåra. Utslepp som ikkje er regulert på denne måten, er likevel omfatta av løyvet så langt opplysningar om slike utslepp vart lagt fram i samband med saksbehandlinga eller må reknast som kjende på anna måte då vedtaket vart gjort. Verksemda pliktar å halde alle utslepp på eit lågast mogleg nivå, og pliktar å rydde opp i ev. ureining eller forsøpling så snart som råd, jf. dei generelle pliktane som følgjer av 7 og 28 i ureiningslova. Vi vil streke under at all ureining frå verksemda isolert sett er uønskt. Jamvel om utslepp vert halde innafor fastsette utsleppsgrenser, pliktar verksemda å redusere utsleppa så langt dette er mogleg utan urimelege kostnader. Det same gjeld utslepp av komponentar det ikkje uttrykkelig er satt grenser for gjennom særskilte vilkår. AVGRENSINGAR I MOTTAK OG HANDTERING AV AVFALL Løyvet omfattar både ordinært avfall, farleg avfall og EE-avfall som kan handterast i samsvar med vilkåra i løyvet. Løyvet er avgrensa til å gjelde mottak og handtering av farleg avfall etter nærmare spesifisert liste gitt i vilkår 3.4. Løyvet omfattar ikkje dei farlege avfallstypane som andre styresmakter har tilsynsansvar for (omtalt i vedlegg 2 til løyvet). Verksemda må, dersom det er aktuelt, sjølv avklare med vedkomande styresmakt om og ev. korleis slikt avfall skal kunne handterast. KOMPETANSEKRAV Krav til kompetanse om handtering av farleg avfall er skjerpa inn i samsvar med tilsvarande krav til denne type verksemder. Verksemda må dokumentere gjennom sin internkontroll at dei som handterer farleg avfall har kompetanse om farlege eigenskapar ved avfall og korleis dette må handterast på lovleg måte. Fylkesmannen informerer òg om at alt personell og verksemder som arbeider med kuldeanlegg, klimaanlegg, og varmepumper som inneheld fluorhaldige gassar /HFK) t.d. R134a, må skaffe seg gyldig sertifikat innan 1. september 2013. Det er Miljødirektoratet som er myndigheit for produktforskrifta kap 6 om ozonreduserande stoff, og 6a om regulering av fluorhaldige stoff. Miljødirektoratet har ansvar for å få på plass sertifiseringsordning og for å kontrollere at verksemda held krava gitt i forskrifta. Derfor er ikkje dette kompetansekravet ein del av vilkåra i Fylkesmannen sitt utsleppsløyve. MILJØPÅVERKNADER BAKGRUNN FOR VILKÅR Avfallshandtering kan gje fleire ulike miljøpåverknader. Anlegget skal ta i mot, sortere og mellomlagre avfall for å få gunstige transportmengder eller tilstrekkeleg reine fraksjonar til at fråsortert avfall får høgast mogleg restverdi. Drifta ved anlegget vil føre med seg støy, bl.a. vil bruk av vinkelslipar til demontering av skrapmetall vera støyande. Men sidan verksemda skal drive i eit område som er regulert til industri og anna støyande aktivitet, vil støyen
verksemda vil medverke til ikkje vera til utilbørleg byrde for naboar. Fylkesmannen har satt standard støykrav til verksemda i vilkår 6, og unødig støy skal avgrensast mest mogleg. Fylkesmannen set ikkje krav om særskilte støymålingar i dette løyvet, sidan det framleis er søkt om eit tidsavgrensa løyve fram til 04.12.14. Om verksemda søkjer om vidare drift på lokaliteten, eller vil flytte verksemda til annan lokalitet, vil Fylkesmannen setje krav om støymålingar på eit seinare tidspunkt. Den aktiviteten det er søkt om, vil ikkje omfatte avfallshandtering der avfallet kan flyge vekk med vind eller avgje særleg lukt. Men arbeidet kan gje støvflukt og krav til slik aktivitet er gitt i vilkår 5.2. Verksemda skal i hovudsak demontere og handtere utgåtte mjølkekjøletankar som inneheld små mengder med mineralbasert motorolje. Fylkesmannen fann det ikkje nødvendig å setje krav om oljeutskiljar for denne aktiviteten. Men det er stilt krav til at all handtering av flytande farleg avfall skal skje over oppsamlingskar, på fast dekke med oppsamlingsmoglegheit og absorbent skal vera tilgjengeleg på anlegget, jf. vilkår 4. Oljehaldig vatn og anna flytande farleg avfall må ikkje få lekke ut i grunn. Av di avfall kan verke skjemmande i tillegg til at det skal lagrast farleg avfall på lokaliteten, er det stilt krav om innbygging / inngjerding av delar av anlegget. Det er ikkje å vente at avfallet er interessant for ulike skadedyr, men dyr kan likevel bruke avfallet som skjul. Verksemda skal difor ha eit program for å følgje med på om skadedyr kan finnast og gjere tiltak for å minimere ev. ulempe. Verksemda skal ha system som sikrar at fråsortert avfall tilfredsstiller krav som følger av etablerte ordningar for materialgjenvinning av avfall. Dersom det vert oppdaga ulovleg avfall inn til anlegget, må dette sorterast frå og gjevast ei lovleg handtering. Avfallet kan returnerast leverandør dersom det er sannsynleg at avfallet får lovleg handtering, eller så raskt som mogleg transporterast til godkjent mottak i samsvar med ADR-reglane. Leverandøren og Fylkesmannen skal varslast om feilleveringa. Mellomlagring av avfall bør så langt råd berre lagrast på tett flate og som hovudregel under tak. Mottak av større einingar eller større mengd einsarta avfall som metallskrap m.m. kan ein av praktiske grunnar likevel mellomlagre ute. Det vert venta at slik mellomlagring skal vere så kort som praktisk råd innafor rammene i løyvet. Alt avfall som verksemda sjølv ikkje kan utnytte eller bruke om att skal leverast vidare til godkjent mottak. Det er berre Fylkesmannen eller Miljødirektoratet som kan godkjenne nærare kven som kan ta imot avfall. Nokre sentrale krav er presiserte i vilkåra, men det vert streka under at både ureiningslova og avfallsforskrifta (jf. spes. kap. 11 om farleg avfall) set fleire krav til avfallshandteringa enn det som er omtalt her. TILHØVA TIL NATURMANGFALDLOVA OG VASSFORSKRIFTA I tillegg til retningslinene i ureiningslova, er også prinsippa i 8-12 i naturmangfaldlova og vassforskrifta lagt til grunn for vår vurdering av om løyve kan gjevast. Naturmangfald 8 naturmangfaldlova kunnskap om lokaliteten Lokaliteten på gbnr: 151/63 i Stryn Miljøpark ligg i eit område regulert til industriføremål der det har vore steinbrot tidlegare, men som ikkje er i aktiv drift i dag. Det ligg avfallshandteringsanlegg som naboar i sør, og det er entreprenør/anleggsmaskinaktivitet i området i tillegg til at det ligg både motorsport område og helikopterbase i nærleiken. Det er ikkje registrert større grunnvassførekomstar i fjellet i området. Det er heller ikkje registrert prioriterte og utvalde naturtypar i området, eller førekomst av trua artar.
Avrenning/overflatevatn frå området vil hamne ut i Faleidfjorden, som har anteke god økologisk tilstand. 9 naturmangfaldlova føre var prinsippet Fylkesmannen meiner det føreligg tilstrekkeleg kunnskap om natur og naturmangfald om lokaliteten, og vurderer ikkje at etablering av denne verksemda vil gje vesentleg skade på naturmangfaldet. 10 naturmangfaldlova økosystemtilnærming og samla belastning Verksemda har fått leigd eit 150 m 2 område fram til 04.12.14 frå Stryn Pukk. Verksemda vil støype fast dekke på det området som aktiviteten skal skje. Ureining frå verksemda vil i hovudsak vera støy til omgjevnadene. Men verksemda er no plassert med naturleg skjerming i eit steinbrot, noko som vil redusere belastninga av støy til omgjevnadane. 11 naturmangfaldlova kostand ved miljøforringing skal berast av tiltakshavar Dette prinsippet i naturmangfaldlova, meiner Fylkesmannen er dekt av vilkår 8 i løyvet, der det vert stilt krav om økonomisk sikkerheit for å sikre at motteke avfall vert forsvarleg handtert og vidarelevert dersom verksemda legg ned sin aktivitet. Vidare er det gjennom dei generelle krava stilt i vilkår 2, satt krav til at verksemda pliktar å redusere sine utslepp og at verksemda pliktar å setje i verk tiltak for å fjerne eller redusere fare for ureining. 12 naturmangfaldlova - miljøforsvarlege teknikkar og driftsmetodar Alle vilkåra som er sett til verksemda i løyvet, er med sikte på å unngå eller avgrense ureining og potensiell skade på miljø, natur, folk og dyreliv. Fylkesmannen viser til Stryn Kommune sin merknad til første søknad om utsleppsløyve, om at verksemda no er etablert på eit område som regulert til og topografisk er svært godt eigna til å drive den aktiviteten det er søkt om. Vassforskrifta Aktiviteten er vurdert i høve 12 i vassforskrifta. Det er ikkje grunn til å tru at utslepp frå verksemda vil kunne føre til lågare tilstand enn god i vassførekomsten Faleidfjorden med IDnr 0282012100-5-C. Denne vassførekomsten er ikkje ferdig tilstandsklassifisert, men ei førebels vurdering tyder på god økologisk tilstand. VURDERING AV VERKNAD PÅ MENNESKE SI HELSE Utslepp frå planlagt aktivitet som kan verke inn på menneske si helse er regulert gjennom vilkår i utsleppsløyvet. For menneske si helse er det særskilt utslepp til vatn/drikkevatn førekomstar og utslepp av støy Fylkesmannen har stilt krav til. Verksemda skal ikkje ha aktivitet som skal medføre utslepp til grunn eller vatn. Tiltak må gjennomførast i tråd med vilkåra for å førebyggje dette. I følgje Stryn kommune er ikkje drikkevatn førekomstane til Stryn kommune trua av etableringa av verksemda. Drifta ved anlegget vil føre til støy. Grenseverdiane er sette i samsvar med vanleg avgrensing av støy som vert oppfatta problemfylt. Støyen vil likevel verte oppfatta ulikt og subjektivt, og mange vil framleis oppleve støy under grenseverdiane som ubehageleg. Verksemda har utslepp av støy som for enkeltepisodar kan ligge i grenseområdet for våre krav, eller over krava. Unødig støyutslepp skal avgrensast mest mogleg. Til dømes er sleping av container over fast dekke og bruk av vinkelslipar særleg støyande og bør unngåast heilt utanom dagtid.
FORDELAR VED ETABLERING AV VERKSEMDA Verksemda vil med sin aktivitet stette dei sentrale prinsippa i avfallshierarkiet i Noreg, der avfall skal søkast minimert, før ombruk, materialgjenvinning eller energiutnytting. Verksemda vil ta vare på restverdiar i avfall, slik at mest mogleg er tilgjengeleg for materialgjenvinning eller energiutnytting. Etter fråsortering er det lite avfall som skal leverast til sluttdisponering. Verksemda vil òg handtere farleg avfall, som på grunn av fare for skade på helse, miljø og klima må takast særskild hand om. Konklusjon På bakgrunn av ny søknad og ei heilskapleg vurdering av miljømessige, tekniske og økonomiske forhold vurderer Fylkesmannen at det midlertidige utsleppsløyvet etter ureiningslova på nærmare gitte vilkår kan forlengast fram til 04.12.14. Miljøpåverknader og andre ulemper som verksemda vil gje med sin aktivitet, har Fylkesmannen søkt redusert gjennom krav til drifta i utsleppsløyvet. I tillegg til prinsippa i ureiningslova er prinsippa i naturmangfaldlova 8-12 og vassforskrifta 12 vurdert og lagt til grunn for vilkåra som er satt i utsleppsløyvet. Fylkesmannen vurderer at dei samla miljø- og helsemesige konsekvensane av utsleppa med dei vilkåra som er sette, vil vere akseptable. Løyvedokumentet vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket er samla i løyvedokumentet. Fylkesmannen vil føre eit risikobasert tilsyn med verksemda, og vil ha særskild fokus på tilhøve som har kome fram i søknadsprosessen. Fristar Tabellen nedanfor gir oversikt over fristar for gjennomføring av tiltak som løyvet krev: Tiltak Frist Tilvising til vilkår Internkontroll Min. årleg 2.2 Journalføring Kontinuerleg 3.1, tillegg i 3.4 for farleg avfall Informasjon til kundar Kvar nye, elles jamleg 3.2 Mellomlagring ordinært avfall Maks. 12 månadar 3.3 Mellomlager farleg avfall Maks. 6 månadar 3.4 Vurdere utbytting av miljøfarlege kjemikal Min. årleg 7 (substitusjon) Ha etablert tilfredsstillande finansiell garanti Gjeld for motteke næringsavfall og farleg avfall Innan 12 månadar frå løyvedato Oversikt over miljøpåverknad frå aktiviteten Årleg til ålmenta Miljøinformasjonslova 9.1
Generelle føresetnader for løyvet og informasjon om regelverket INTERNKONTROLL Det er ein føresetnad at verksemder med minimum 1 tilsett arbeidstakar har internkontroll som tek omsyn til verksemda sine plikter for å hindre ureining av ytre miljø, og som sikrar at verksemda oppfyller dei krava som går fram av lover, forskrifter og utsleppsløyve. I tillegg til krav som følgjer av løyvet, pliktar verksemda å oppfylle alle relevante krav i ureiningslova og produktkontrollova med forskrifter heimla i desse. Nokre av dei mest relevante forskriftene er nemnd i løyvet. For informasjon om andre reglar som kan vere aktuelle for verksemda, viser vi til www.regelhjelp.no. ENDRING ELLER TILBAKEKALLING AV LØYVET Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. TILSYN Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. TVANGSMULKT, STRAFF Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova samt forskrifter fastsett i medhald av disse lovene, er straffbart. Ved avvik frå løyvet eller ureiningslova kan Fylkesmannen gje pålegg om igangsetjing av tiltak for å rette opp avvik, jf. ureiningslova 7, siste ledd. Dersom pålegget ikkje vert følgt opp kan Fylkesmannen fatte vedtak om tvangsmulkt til staten jf. 73, eller sørgje for igangsetjing av tiltak, jf. ureiningslova 74. ERSTATNINGSANSVAR Dette løyvet fritek ikkje søkjaren for å hente inn løyve for andre sider av verksemda, som t.d. arbeidsmiljø-, helse- og brannvernreglar. At ureininga er tillate, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap. 8 (spesielt 56), samt grannelova 6, 7 og 8. VEDTAK OM GEBYR FOR ENDRING AV UTSLEPPSLØYVET Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Verksemda vart varsla om gebyr for sakshandsaminga i e-post datert 13.01.14, i tråd med forvaltningslova 16. Vi vedtek med dette at verksemda skal betale eit gebyr på kr. 5 500,- for Fylkesmannen si handsaming av søknaden, jf. 39-5 i ureiningsforskrifta. Faktura vil bli sendt ut av Miljødirektoratet. Gebyret forfell til betaling 30 dagar etter fakturadato. Vedtaket er eit enkeltvedtak med klagerett, sjå avsnitt under.
KLAGERETT Vedtaket om utsleppsløyve og plasseringa i gebyrklasse, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgje nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ei eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå sakens dokument. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. OFFENTLEGGJERING AV LØYVET Vedtaket vert kunngjort offentleg for dykka rekning, jf. 36-11 i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Løyvet vert også kunngjort og lagt ut på våre heimesider, http://www.fylkesmannen.no/sognog-fjordane. Med helsing Gøsta Hagenlund ass. fylkesmiljøvernsjef Torunn G. Hønsi senioringeniør Sendt saman med dette brevet: Utsleppsløyvet med vilkår Kopi pr. epost: Stryn Pukk AS, post@strynpukk.no Kopi via EDU: Miljødirektoratet, postmottak@miljodirektoratet.no Stryn kommune