PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: 19.6.2017, kl. 10.00 14.00 Styremøtet var ope for publikum og presse DELTAKARAR FRÅ STYRET Svein Gjedrem Leiar Signy Midtbø Riisnes Nestleiar Ivar Eriksen Styremedlem Mona Hellenes Styremedlem Anne-Margrete Bollmann Styremedlem Bjørn Østbø Styremedlem (deltok ikkje på sak 57/17, 59/17, 60/17) Karen Anne Stordalen Styremedlem Arvid Langeland Styremedlem Geir Arne Sunde Styremedlem Linda Karin Gangstøe Vara FORFALL Irene Hopsdal Styremedlem DELTAKAR FRÅ BRUKARUTVALET Inge Aareskjold Fiskvik Leiar brukarutvalet DELTAKARAR FRÅ ADMINISTRASJONEN Eivind Hansen Anne Sissel Faugstad Clara Gjesdal Lasse Hatletvedt Administrerande direktør Viseadministrerande direktør Viseadministrerande direktør Referent
Sak 51/17 A Godkjenning av innkalling og dagsorden Ingen kommentarar. Innkalling og dagsorden vart godkjent. Sak 52/17 A Godkjenning av protokoll Styret hadde følgjande innspel til protokollen frå 22. mai 2017. Styresak 45-17 A Langtidsbudsjett 2018-2022 Det må inn ein kommentar om at innspel om poliklinikkprosjektet må diskuterast i samband med utviklingsplanen. Styresak 48-17 O Eventuelt Endring av kommentar til: Det vart gjeve ein kort informasjon om Gulsvik-saka. Styret hadde ingen andre kommentarar til protokollen frå styremøtet den 12. juni 2017. Protokollen frå 12. juni 2017 vart godkjend. Protokoll frå 22. mai vert oppdatert og sendt ut til styret for godkjenning. Sak 53/17 O Administrerande direktør (AD) si orientering 1. Rapportering tilsynssaker Ingen kommentarar. 2. Orientering om relevante lover, forskrifter og styremaktskrav Ingen kommentarar. 3. Oversikt over aktuelle høyringar
Ingen kommentarar. 4. Saker til oppfølging etter styremøtet Administrasjonen kjem tilbake med ein gjennomgang av samspelet mellom private avtalespesialistar og spesialisthelsetenesta til hausten. 5. Mediesaker Ingen kommentarar. 6. Leiarstillingar i Helse Bergen Det er 15 søkjarar til stillinga som ny Kommunikasjonsdirektør. Intervjuprosessen har starta. 7. Antibiotikarapporteringa ved Haukeland universitetssjukehus Ingen kommentarar. 8. Ny beredskapsplan frå 15. juni Til oppfølging Det kjem ei orientering til styret om sivilt beredskapssystem når det nasjonale arbeidet med dette er ferdig og når dei einskilde føretaka skal følgje det opp. 9. Sykkel-VM status og førebuingar Styret gir si støtte til administrasjonen sitt arbeid med å få til løysingar som sikrar tilfredstillande tilgang til sjukehuset i den tida sykkel-vm går føre seg ut frå dei rammene som er lagde for arrangementet. 10. Opning av Norsk Senter for Maritim- og Dykkemedisin AD orienterte styret om opning av senteret. 11. Bergen legevakt Prosessen tek lenger tid enn tenkt. Det vert truleg avvik frå den opphavlege planen om å overta verksemda frå 1. januar 2018. Styret i Helse Bergen tek meldingane til orientering. Sak 54/17 O Rapport frå verksemda Oppsummering: For 2017 er det budsjettert med eit høgt aktivitetsnivå i somatikken. For elektiv
dagbehandling er aktiviteten høgare enn planlagt og høgare enn i fjor. Per mai er det gjennomført 9 500 fleire polikliniske konsultasjonar samanlikna med i fjor og aktiviteten er høgare enn planlagt. Når det gjeld ØH-aktivitet for begge omsorgsnivå er den lågare enn i fjor og lågare enn planen. Vridinga frå døgn til dag og poliklinikk er ei ønskt utvikling og i tråd med innskjerpinga av regelverket. I psykisk helsevern for vaksne er det planlagt å vri frå opphaldsdøgn til poliklinisk aktivitet. Per mai er det færre døgnopphald enn planlagt, medan den polikliniske aktiviteten er høgare enn planlagt. Det er utført over 3 500 fleire polikliniske konsultasjonar i år samanlikna med i fjor på same tid. I psykisk helsevern for barn og unge har det vore over 200 fleire døgnopphald per mai samanlikna med i fjor. Per april er det utført nær 2 300 fleire konsultasjonar samanlikna med i fjor. I tverrfagleg spesialisert rusbehandling er tala for døgnbehandling lågare enn planlagt, men likevel høgare enn i fjor. Dette heng saman med variasjon i inntak og lågare belegg ved ein seksjon. Talet på polikliniske konsultasjonar er auka i høve til fjoråret, og det er utført over 1 000 fleire konsultasjonar. Nasjonalt krav for ventetider er 60 dagar for alle fagområde. Ventetidene har det siste året synt ei positiv utvikling, og alle fagområde oppfyller samla sett det nasjonale kravet. Det økonomiske resultatet per mai syner eit negativt avvik på kr 27,9 mill. samanlikna med budsjettet. Det er knytt risiko til fleire tilhøve som det er gjort særskilt greie for i rapporten; føretaket melder likevel eit venta resultat som budsjettert ved slutten av året. Kommentarar i møtet: Administrerande direktør gjorde i møtet greie for følgjande eksterne faktorar som påverkar det økonomiske resultatet: 1. Avvik på H-reseptar til behandling av hepatitt C gjev eit avvik på 17,5 millionar kroner så langt i år. Dette har samanheng med at medikament som er med i LIS- tilbodet, ikkje er med som godkjende medikament i ISF-ordninga. 2. Den nye ordninga med refusjon av mva. har ein årseffekt for Helse Bergen på minus 10-20 millionar kroner. Det vart lagt til grunn at ordninga skulle ha nulleffekt. 3. Sykkel-VM vil for føretaket ha ein økonomisk konsekvens på 12-15 millionar kroner. Styret meiner at desse tre faktorane har same effekt som ei justert budsjettramme for Helse Bergen, og som gjeld særskilt for 2017.
Dette er eksterne faktorar, som ikkje kjem av svikt i styringssystemet i føretaket. Styret er samstundes opptekne av at det vert arbeidt med tiltak for å styre verksemda innanfor vedteke budsjett. Til oppfølging Når det gjeld H-reseptar og nøytral mva.-kompensasjon, vil styret be Helse Vest lyfte problemstillingane som treffer føretaket til Helse- og omsorgsdepartementet. Helse Bergen må då i samarbeid med dei andre føretaka i regionen gje Helse Vest argument og underlag ein kan bruke i dialogen med departementet. Når det gjeld punktet om sykkel-vm, vil styret be om at Helse Vest vurderer å gje eit tilskot til kompensasjon for den ekstra kostnaden. Styret vil samstundes be administrasjonen arbeide med tiltak som kan sikre at føretaket held seg innanfor vedteke budsjett. Styret er uroa over budsjettutfordringane og effekten av dei eksterne faktorane som påverkar det økonomiske resultatet i negativ retning, slik det vart gjort greie for i møtet. Styret ber administrasjonen arbeide vidare langs eigarlinja mot Helse Vest og Helse- og omsorgsdepartementet for å få redusert dei økonomiske konsekvensane. Styret ber om at den økonomiske situasjonen i føretaket vert følgt tett og det vert sett i verk tiltak slik at ein styrer i tråd med vedtekne budsjettet. Sak 55/17 A Prosess for budsjett 2018-2022 Oppsummering Endelege premissar og føresetnader for budsjettet for 2018 er ikkje kjent før statsbudsjettet vert lagt fram primo oktober. Helse Vest behandlar førebelse premissar i styremøtet 21.06.2017, og dette skal leggjast til grunn i budsjettarbeidet fram til nye premissar er klare. Føresetnader for aktivitet, økonomi og finansielle tilhøve vert justerte i samband med endeleg inntektsfordeling i regionen. I saka vert Helse Bergen sine budsjettutfordringar for 2018 og vidare prosess for budsjettet for 2018 skissert. Konkret framdriftsplan for budsjettarbeidet vert lagt fram i styremøtet i august.
Saksunderlaget for styresak 071/17 i styret for Helse Vest RHF låg ved dagens styresak. Kommentarar i møtet Mykje tyder på at det vert ein krevjande inngang til 2018. Auka rentekostnadar og auka avskrivingar er noko føretaket har bestemt seg for å ha. Det må få konsekvensar for andre prioriteringar ein må gjere i budsjettet. Ein bør påpeike at det er viktig å realisere både dei kvantitative og kvalitative gevinstane av prosjekt og investeringar. Styret i Helse Bergen HF tek gjennomgangen av budsjettet for 2018 til orientering. Sak 56/17 O Overordna risikostyring 2017 rapport 1. tertial Oppsummering Helseføretaka skal gjennomføre risikovurdering kvart år av minimum fire overordna styringsmål som skal følgjast særskilt opp gjennom året. Styret i Helse Vest RHF vedtok i styremøtet den 7. desember 2016, fire felles mål med delmål for risikostyring i 2017 (styresak 132/16). I tillegg har leiinga i Helse Bergen valt to lokale styringsmål (styringsmål 5 og 6) med tilhøyrande delmål (styresak 06/17 O). Dei seks styringsmåla som vert risikovurderte i 2017 er: 1. Talet på skadar som kan unngåast i helsetenesta i Helse Vest skal halverast innan 2018. 2. Uønskt variasjon og ventetider for diagnostikk og klinisk praksis skal reduserast. 3. HMS er ein sjølvsagd del av arbeidsdagen. 4. Det er høgare vekst i kvart einskilt føretak i psykisk helsevern og tverrfagleg spesialisert rusbehandling enn i somatikk. 5. Innføre standardiserte pasientforløp i tråd med vedteken metodikk. 30 % reduksjon i samla bruk av dei fem breispektra midla karbapenem, kinolon, penicillin med enzymhemjar, 2. og 3. generasjons cefalosporin i 2020, samanlikna med 2012.
Kommentarar i møtet Mykje av ansvaret for tiltaka ligg no til staben. Det er betre om òg ansvaret for tiltaka i større grad vert lagt til linja. Metoden som vert brukt er komplisert. Det hadde vore føremålstenleg å forenkle han slik at dette vert eit meir målretta verkemiddel. Til oppfølging Ein bør formidle til Helse Vest at det er krevjande å få dette ut i organisasjonen slik metoden er innretta i dag og ein bør be om at systematikken for overordna risikostyring vert forenkla. Styret ønskjer meir informasjon om pasienttryggleiksprogrammet. 1. Styret i Helse Bergen tek 1. tertialrapport av overordna risikovurdering av utvalde styringsmål i 2017 til orientering. 2. Styret bed om å få ei statusorientering etter 2. tertial og oppsummering av måloppnåing for året som heilskap ved årsslutt i tråd med «Retningslinjer for risikostyring i Helse Vest». Sak 57/17 O Halvårleg rapportering på krav i styringsdokumentet Oppsummering Helse Bergen HF fekk i byrjinga av mars 2017 styringsdokumentet for 2017 frå Helse Vest RHF. Gjennom styringsdokumentet vil Helse Vest RHF gje helseføretaka ein mest mogleg heilskapleg og samla styringsbodskap for 2017. Styringsdokumentet skal klargjere dei premissane og rammene som gjeld for verksemda, og det inneheld mål og dei resultatkrava som vert stilte til helseføretaka. I tillegg til rapporering gjennom årleg melding ved slutten av året er føretaka bedne om å rapportere til Helse Vest etter malen «Matrise for halvårleg rapportering til Helse Vest RHF på utvalde mål i styringsdokumentet» innan 15. juni 2017.
Dei ulike avdelingane i Helse Bergen har fått tildelt rapporteringspunkt frå styringsdokumentet som eit oppdrag frå administrerande direktør. Innhaldet i halvårleg rapportering til Helse Vest byggjer på tilbakemeldingar frå desse avdelingane. Kommentarar i møtet Styret diskuterte behovet for ei halvårleg rapportering og sa seg nøgt med den informasjonen som vert gjeve jamleg gjennom rapporten frå verksemda. Styret i Helse Bergen tek saka til orientering. Sak 58/17 O Strategi for Helse Bergen 2017-2022 Oppsummering I styresak 102/16 A tok styret i Helse Bergen HF prosjektdirektivet for utarbeiding av ein strategisk plan for verksemda til orientering. I alle påfølgjande møte har styret vore orientert om framdrifta og hatt høve til å kome med innspel og korrigeringar. Den strategien som no ligg føre, byggjer på analysar og mål i Nasjonal helse- og sykehusplan, Helse2035 og andre førande dokument. Strategidokumentet vil ikkje vere uttømmande for viktige utviklingstiltak i føretaket. Styringsdokument og andre oppdrag frå eigaren, vil saman med føretaket sin eigen strategi leggje grunnlaget for korleis drifta vert lagd opp i åra framover. Meir utfyllande handlingsplanar som gjeld for heile sjukehuset og i einskilde avdelingar, må arbeidast fram for å oppfylle måla. Det har vore ein brei prosess for å få fram det strategidokumentet som no ligg føre. Arbeidet starta i november 2016 og har vore gjennomført med ei prosjektgruppe samansett av medarbeidarar frå ulike avdelingar og klinikkar. Andre medarbeidarar har hatt høve til å gje innspel gjennom ei e-postkasse og i eit opplegg med videointervju. Arbeidet har også omfatta to rekkjer med møte med dei einskilde avdelingane/klinikkane, møte med samhandlingsutvala, brukarutvalet, ungdomsrådet og fleire rundar med orienteringar til dei tillitsvalde og vernetenesta. Strategien vart til slutt drøfta i møtet med dei tillitsvalde 29. mai 2017 og behandla i arbeidsmiljøutvalet i føretaket (FAMU) 31. mai 2017. Dei tillitsvalde gav nokre tekstlege justeringar til utkastet, medan FAMU meinte at arbeidsmiljøperspektivet var godt dekt i strategien. I begge desse samanhengane vart det gjeve tilbakemeldingar om at prosessen hadde vore god.
Kommentarar i møtet Styret meiner at prosessen med utvikling av strategiplanen har vore god og prega av brei involvering. Sjølve strategidokumentet er også vore særs godt. Styret hadde elles følgjande kommentarar: - Det som stod i det førre dokumentet om beredskap var meir dekkjande enn slik det er formulert no, ein bør difor gå tilbake til det som stod før. - Ein bør tydeleggjere byggaktivitet som eit verkemedel under «Kva gjer vi for å nå måla?» Styret i Helse Bergen HF vedtek den framlagde strategien for 2017-2022 med dei kommentarane som kom fram i styremøtet. Sak 59/17 O Årleg revisjon av bierverv Oppsummering Internrevisjonen av arbeidet med bierverv våren 2015 anbefalte 9 tiltak for oppfølging i føretaka i Helse Vest. Styret i Helse Bergen slutta seg til tiltaka i styresak 44/15. Føretaket har etter dette innlemma tiltaka i arbeidet sitt med bierverv. Eitt av tiltaka er årleg oversyn over bierverv til styret, sist lagt fram i styresak i mai 2016. Styret tek oversynet over bierverv og arbeidet med bierverv i føretaket til orientering. Sak 60/17 O Eventuelt Inger saker meldt inn under eventuelt. Skriv og meldingar
Under Skriv og meldingar vart korrespondanse mellom Språkrådet og Helse Bergen diskutert. Helse Bergen er eit sjølvstendig rettssubjekt og kan ta eigne avgjerder om språkbruk. Til oppfølging Styret bad administrasjonen ta initiativ til ei avklaring gjennom eigarlinja når det gjeld bruk av omgrepa strakshjelp (i staden for øyeblikkeleg hjelp) og pasientløype (i staden for pasientforløp).
Dato: 31. august 2017 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Sett: Irene Hopsdal Geir Arne Sunde Linda Karin Gangstøe Vara