Rettleiing til RF-1218 Forskjellar mellom rekneskapsmessige og skattemessige verdiar 2016 Fastsett av Skattedirektoratet

Rettleiing til RF-1218 Forskjellar mellom rekneskapsmessige og skattemessige verdiar 2016 Fastsett av Skattedirektoratet Skjemaet skal fyllast ut av alle som utarbeider årsrekneskap etter rekneskapslova av 17. juli 1998 nr. 56, og som har postar i balansen i næringsoppgåva kor dei rekneskapsmessige verdiane skil seg frå dei skattemessige, medrekna vilkårsbundne skattefrie avsetjingar eller beløp på gevinst- og tapskonto. Særleg om bruk av forteikn i skjema Før alle tal utan forteikn når det går fram av ledeteksten eller er førehandstrykt. Bruk berre forteikn i tilfella der du ønskjer å rapportere inn eit tal med omvendt forteikn av det som går fram av ledeteksten eller er førehandstrykt. Innleiing Skjemaet skal omfatte alle mellombelse forskjellar. Tilvisingar til næringsoppgåva som blir gjort i rettleiinga, gjeld - Næringsoppgåve 2 (RF-1167), - Næringsoppgåve 3 (RF-1170) og - Næringsoppgåve 4 (RF-1173). Realisasjonsprinsippet er hovudregelen for tidfesting av inntekter og kostnader, jamfør skattelova 14-2. Sjå nærare forklåring i RF-1168 Rettleiing til Næringsoppgåve 2. Som følgje av at skattelovgivinga pålegg særskilde tidfestingsreglar, vil det normalt oppstå forskjellar mellom rekneskapsmessige og skattemessige verdiar som påverkar resultatet. Forskjellane er mellombelse og kan vere både skatteaukande (positive) og skatteminkande (negative). Du skal taka med alle forskjellane, uavhengig av kva som er årsaka til at forskjellen er oppstått. Skatteaukande forskjellar (positive forskjellar) mellom finansrekneskap og skatterekneskap oppstår i dei tilfella der det skattemessig blir gitt frådrag for ei utgift før den er teken med i finansrekneskapen, eller ved at inntektsføringa skattemessig er utsett i høve til handsaminga i finansrekneskapen. Skatteminkande forskjellar (negative forskjellar) vil seie at det skattemessig er gitt frådrag på eit seinare tidspunkt enn tidspunktet for kostnadsføringa i RF-1218N finansrekneskapen. Ei tidlegare skattemessig inntektsføring i høve til finansrekneskapen, vil like eins føre til ein skatteminkande forskjell. For å korrigere tala i finansrekneskapen og kome fram til skattemessig inntekt, er det i postane 1-94 laga eit oppsett for spesifikasjon av endring i forskjellar som påverkar tilhøvet mellom rekneskapsmessig og skattemessig inntekt. Det kjem fram ein sum til inntekts- /frådragsføring i kolonne III i post 100. Oppstillinga i skjemaet er generelt laga slik at ein på den første linja i kolonne I og II fører dei rekneskapsmessige verdiane respektive 31.12.2015 og 31.12.2016 for dei postane som høyrer til på sida for eigedelar i balansen i næringsoppgåva. På linja under trekkjer ein så frå dei skattemessige verdiane på dei same tidspunkta. Forskjellane mellom rekneskapsmessige og skattemessige verdiar kjem deretter fram på tredje linja. Dersom forskjellane er skatteminkande (høgare skattemessig verdi enn rekneskapsmessig verdi), har forskjellane eit negativt forteikn. Det er sett inn eit minusteikn mellom kolonne I og II på linja for forskjellar, som syner at beløpet i kolonne II skal trekkjast frå det beløpet som kjem fram i kolonne I. Dersom beløpet i kolonne II er negativt, blir verknaden av dette at beløpet må leggjast til, da like forteikn gir pluss. Når alle aktuelle forskjellar er ført i skjemaet og endringane i forskjellar er førte i kolonne III, summerer ein denne kolonnen. Summen som kjem fram i post 100 skal så overførast til side 4 i næringsoppgåve 2 post 0670, for å leggjast til inntekta dersom beløpet er positivt, eller post 0870 for å trekkjast frå inntekta dersom beløpet er negativt (post 7550 i næringsoppgåve 3 eller post 6550 i næringsoppgåve 4). Rekneskapsmessige og skattemessige verdiar per 31.12.2015 skal hentas direkte frå skjemaet frå førre året. Ved fusjon eller fisjon med skattemessig kontinuitet (jamfør skattelova 11-1 til 11-11) skal det også vere kontinuitet i dei verdiane som ein fører her. Etter fusjon i 2016 er det summen av verdiane i skjemaet frå det førre året hos det overtakande og det overdragande selskapet som skal rapporterast som forskjell per 31.12.2015. Forskjell per 31.12.2015 ved fisjon skal vise delane av mellombels forskjell hos overdragande og overtakande selskap etter fordeling som er avtalt innanfor gjeldande regelverk. Endringar i rekneskapsprinsipp (til dømes ved implementering av IFRS) og korrigering av feil i tidlegare årsrekneskap som blir førte direkte mot eigenkapitalen, skal ein ta omsyn til her. Dette gjer ein ved å føre dei omarbeidde tala som inngåande verdiar per 31.12.2015. Slike eigenkapitalkorrigeringar fører ein og i skjemaet RF-1052 Avstemming av eigenkapital. Nedanfor følgjer 2 eksempel på utfylling av uteståande krav. Eksempel 1 Vi har ein skatteminkande forskjell på 10 per 31.12.2015.Frå dette talet trekkar ein frå ein skatteminkande forskjell per 31.12.2016 på 20. Reknestykket blir då slik: (-10) - (-20) = +10 Det vil seie eit tillegg i inntekta på 10. Dette gir rett resultat då det er den rekneskapsmessige nedskrivinga av krava som har verka inn på årsresultatet. Årsresultatet er blitt redusert med 10, av di den skattemessige nedskrivinga er auka med 10. For å få ei rett skattemessig inntekt må det difor leggjast 10 til det rekneskapsmessige resultatet. Forskjellar mellom rekneskapsmessige og skattemessige verdiar 31.12. 31.12. I II III UTESTÅANDE KRAV 41 Rekneskapsmessig verdi på kundekrav 110 100 + Rekneskapsmessig verdi på 42 andre krav Skattemessig 0 0 43 verdi på krav 120 120 Forskjellar/ 44 endring i forskjellar 10 20 +10 Kommentarar til eksempel 1 Krava lyder på 130 både per 31.12.2015 og 31.12.2016. Vi ser at krava er nedskrivne rekneskapsmessig på begge tidspunkta. Det er også føreteke

skattemessig sjablonnedskriving på kundekrava ved begge årsskifta. Her er den skattemessige verdien av krava etter sjablonnedskriving den same ved begge årsskifta. Vi ser av eksempelet at den rekneskapsmessige verdien per 31.12.2015 er 10 lågare enn den skattemessige verdien. Vi får derfor ein skatteminkande forskjell på 10 (110-120). Per 31.12.2016 er krava rekneskapsmessig nedskrivne til 100. Den skatteminkande forskjellen har auka til 20. Eksempel 2 Her har vi ein skatteminkande forskjell på 10 per 31.12.2015. Frå dette talet trekkar ein frå ein skatteaukande forskjell per 31.12.2016 på 5. Reknestykket blir da slik: (-10) - 5 = - 15 Det vil si ein reduksjon av inntekta på 15. For å få riktig skattemessig inntekt må ein redusere det rekneskapsmessige resultatet med 15. Forskjellar mellom rekneskapsmessige og skattemessige verdiar 31.12. 31.12. Endring i forskjellar I II III UTESTÅANDE KRAV 41 Rekneskapsmes sig verdi på kundekrav 110 125 + Rekneskapsmessig verdi på 42 andre krav Skattemessig 0 0 43 verdi på krav 120 120 Forskjellar/ 44 endring i forskjellar 10 5 15 Kommentarar til eksempel 2 Krava lyder på 130 på begge tidspunkta. I dette tilfellet er den skattemessige verdien 10 høgare enn den rekneskapsmessige verdien per 31.12.2015 (skatteminkande forskjell). Per 31.12.2016 ser vi at den skattemessige verdien på krava er 5 lågare enn rekneskapsmessig verdi (skatteaukande forskjell). Årets skattemessige sjablonnedskriving blir altså 5 større enn regnskapsmessig nedskriving. Her ser vi at ein skatteminkande forskjell ved byrjinga av året blir endra til ein skatteaukande forskjell ved slutten av året. Vi får i dette høvet et negativt beløp på 15 som ein skal føre i kolonne III. Eit negativt beløp her tyder eit skattemessig inntektsfrådrag. Beløpet på 15 kjem fram som ei minking av skatteminkande forskjell på 10 samt ei etableringa av ein skatteaukande forskjell på 5, til saman 15. Ei minking i rekneskapsmessig nedskriving på krava vil auke det rekneskapsmessige årsresultatet. Ei slik minking i rekneskapsmessige nedskrivingar utan ei tilsvarande minking i skattemessig sjablongmessig nedskriving, vil føre til eit resultat som er lågare skattemessig enn rekneskapsmessig. Vi må derfor trekkje frå endringa i forskjell, i dette høve 15, for å kome fram til rett skattemessig resultat. Anna Ved rekneskapsmessige avsetjingar for pliktar som det ikkje er tillete å avsetje for skattemessig, utgjer den rekneskapsmessige avsetjinga heile den mellombelse forskjellen. Dette kan til dømes gjelde rekneskapsmessig avsetjing til tap på kontraktar. I slike tilfelle vil det i skjemaet berre vere ei linje. Det vil da vere heile endringa i den rekneskapsmessige avsetjinga som kjem fram i kolonne III og som får inntekts- /frådragsverknad. Det same gjeld reine skattemessige storleikar kor det ikkje ligg føre noko tilsvarande rekneskapsmessig storleik. Dette gjeld til dømes gevinst- og tapskonto. Under Opplysningar om forskjellar som ikkje er handsama ovanfor på side 2 er det i postane 111-124 ei oppstilling over forskjellar mellom rekneskapsmessige og skattemessige verdiar på aksjar og partar i selskap med deltakarfastsetting. Desse forskjellane blir korrigert direkte på side 4 i næringsoppgåve 2. I post 130 fører ein framført underskott frå tidlegare år. I post 140 skal ein rekne om ubrukt kreditfrådrag frå tidlegare år til skatteminkande forskjell. Reglene om korreksjonsinntekt er oppheva med verknad frå og med inntektsåret 2012, Det er laga overgangsreglar for reversering av korreksjonsinntekt som er utrekna til og med 2012. Ein skal reversere korreksjonsinntekta etter kvart som underdekninga vert utlikna. Heile korreksjonsinntekta som ikkje er frådragsført innan 2017, skal ein føre til frådrag i 2017. Uttak av eigedelar og plikter frå norsk område for skattlegging Føretak som tek ut eigedelar frå norsk område for skattlegging etter skattelova 9-14 må arbeide om talla i kolonne I. Det vil seie at ein ikkje skal taka med dei skattemessige verdiane i kolonne I. Tilsvarande må ein korrigere for dei rekneskapsmessige verdiane for desse eigedelane. Side 2 Rettleiing til utfylling av dei einskilde postane Driftsmidlar og goodwill Post 1 Her fører ein den rekneskapsmessige verdien på alle driftsmidla i føretaket, sjå postane 1000-1290 i næringsoppgåve 2. Også driftsmidlar som ikkje kan avskrivast skal takast med, til dømes tomter og bustadar. Rekneskapsmessig verdi på goodwill skal også takast med her. Dette gjeld også goodwill som er tileigna før 1.1.1984 og som ikkje kan avskrivast skattemessig. Post 2 Skattemessig verdi på driftsmidlar og goodwill som nemnd under post 1, blir å føre her. Den skattemessige verdien vil vere påverka av negative saldoar i saldogruppene a, c og d, då ein i denne samanhengen må sjå på negative saldoar som ein negativ skattemessig verdi. Dersom den skattemessige verdien per 31.12.2016 til dømes berre består av ein negativ saldo og rekneskapsmessig verdi er 0, kjem forskjellen i kolonne II i post 3 fram som eit positivt tal (ein skatteaukande forskjell). Den skattemessige verdien vil også vere redusert med vilkårsbundne skattefrie vinstar som er reinvestert i dei driftsmiddel som blir førte her. Det same gjeld nedskriving med skattepliktig del av fondsavsetjingar som er nytta til kjøp av driftsmidlar. Skattemessig verdi for driftsmidlar som kan avskrivast vil normalt vere saldoverdien. Når det gjeld forretningsbygg tileigna før 1.1.1984, vil den skattemessige verdien som skal førast her vere saldoverdien med frådrag for nedre grense for avskriving, sjå RF- 1084 Avskriving, post 120. Ved utskiljing av eigen bustaddel frå saldo for næringsbygg, skal ein ikkje redusere den skattemessige verdien for næringsbygget med den utskilde delen. Den delen av bygget som gjeld bustaden og som ikkje kan avskrivast skal inngå i post 2. Langsiktige krav og gjeld i utanlandsk valuta Post 11 Her fører ein den rekneskapsmessige verdien av verksemda sine langsiktige krav og gjeld i utanlandsk valuta. Netto gjeld fører ein med negativ forteiken.

Post 12 Her fører ein netto skattemessig verdi av verksemda sine langsiktige krav og gjeld i utanlandsk valuta. Den skattemessige verdien blir fastsett etter reglane i skattelova 14-5 femte ledd og FSFIN 14-5 C. Netto gjeld fører ein med negativt forteiken. Tilverkingskontrakt som ikkje er fullført ved årsslutt Post 21 Her fører ein rekneskapsmessig verdi av tilverkingskontraktar under arbeid. Små føretak som fører langsiktige tilverkningskontrakter til inntekt når kontrakta er fullført, skal her føre den balanseførte tilverkningskostnaden. Føretak som nyttar løpande avrekning skal her føre opptente kontraktsinntekter. Post 22 Her fører ein den skattemessige verdien av tilverkingskontraktar under arbeid. Skattemessig skal ein ikkje rekna med inntekter av tilverkingskontrakter under arbeid, før arbeidet er utført. Dette går fram av skattelova 14-5 tredje ledd. Tilverkingskontrakter skal til dei er fullførte verdsetjast etter reglane for tilverking etter tinging, jamfør skattelova 14-5 andre ledd bokstav a og b. Fordringar og gjeld etter fordringsmodellen Ved trekantfusjonar etter fordringsmodellen med skattemessig kontinuitet vil det kunne vere forskjellar på den regnskapsmessige og skattemessige verdien på fordringa mellom mor og dotterselskap. Morselskapets fordring på dotterselskapet og dotterselskapets gjeld til mor skal ein føre i postane 38 40. Post 38 Regnskapsmessig verdi på fordring/gjeld etter fordringsmodellen Har selskapet fordring etter fordringsmodellen på anna konsernselskap på grunn av fusjon, fører ein fordringa med positivt forteikn i post 38. Har selskapet gjeld etter fordringsmodellen til anna konsernselskap på grunn av fusjon, fører ein gjelda med negativt forteikn i post 38. Post 39 Skattemessig verdi på fordring/gjeld etter fordringsmodellen Har selskapet fordring etter fordringsmodellen på anna konsernselskap på grunn av fusjon, fører ein fordringa si skattemessige verdi med positivt forteikn i post 39. Har selskapet gjeld etter fordringsmodellen til anna konsernselskap på grunn av fusjon, fører ein gjelda si skattemessige verdi med negativt forteikn i post 39. Uteståande krav Fordring på nærståande selskap gir normalt ikkje rett til tapsfrådrag når ein fastset inntektsskatt. Derfor oppstår det normalt ikkje mellombels forskjell på slike fordringar. Ein skal derfor ikkje taka med rekneskapsmessig verdi av slike fordringar i post 42 og skattemessig verdi av slike fordringar i post 43. Post 41 Her skal ein føre rekneskapsmessig verdi på kundekrav frå post 1500 i næringsoppgåve 2 og opptente ikkje fakturerte driftsinntekter frå post 1530. Post 42 Rekneskapsmessig verdi på langsiktige og kortsiktige krav er verdien etter at det er nedskrive for urealisert tap. Denne posten inneheld alt som skal klassifiserast som uteståande krav i balansen utanom kundekrav. Har føretaket mellomvere etter fordringsmodellen fører ein dette i post 38 i staden for post 42. Post 43 Den skattemessige verdien for krav er lik pålydande verdi av dei krava som er med i post 41 og 42 med frådrag for eventuell nedskriving på kundekrav etter sjablongreglane. Beløpet skal overførast frå post 0450 på side 1 i næringsoppgåve 2. Har føretaket mellomvere etter fordringsmodellen fører ein dette i post 39 i steden for post 43. Balanseførte leigeavtaler i rekneskapen Post 46 Her skal leasar (leigetakar) føre den rekneskapsmessige verdien av leasingobjektet når avtalen skattemessig er å rekne som ei leigeavtale (operasjonell leasing). Post 47 Her skal leasar (leigetakar) føre den rekneskapsmessige verdien av leasinggjeld når avtalen skattemessig er å rekne som ei leigeavtale (operasjonell leasing). Ein skal ikkje bruke post 46 og 47 når ein reknar leigetakaren for å være skattemessig eigar. Då skal ein i staden føre rekneskapsmessig og skattemessig verdi på driftsmiddelet i postane 1 og 2. Dersom renteelement ikkje er spesifisert i leasingskontrakten har ein ikkje skattemessig høve til å skilje ut eit Side 3 stipulert renteelement av kostprisen. Skattemessig kostpris vil då bil forskjellig får rekneskapsmessig kostpris. Rekneskapsmessig måler ein driftsmiddelet til noverdi av framtidige nominelle plikter etter leasingavtalen. Skattemessig skal ein bruke nominell verdi som kostpris. Skattemessig verdi på driftsmidlar som er skaffa blir dermed høgare enn rekneskapsmessig verdi. Når ein fører driftsmiddelet med forskjellig kostpris rekneskapsmessig og skattemessig, oppstår det forskjell i verdien på gjelda. For å tidfeste dette korrekt fører ein differansen mellom rekneskapsmessig og skattemessig verdi av gjeld knytt til leigde driftsmidlar i post 82 Andre forskjellar. Rekneskapsmessig verdi av gjeld ved skaffing vil som hovudregel vere lik rekneskapsmessig tilgang. Kvart år minkar ein rekneskapsmessig verdi av gjeld med kalkulert avdragsdel av betalt leige. Skattemessig verdi av gjeld ved skaffing vil vere lik skattemessig tilgang av driftsmidlar, og ein minkar kvart år med betalt leige Post 51 Saldo på gevinst- og tapskonto I Kolonne I overførast saldoen på gevinstog tapskontoen per 31.12.2015 henta frå RF-1219 Gevinst- og tapskonto post 1. Til kolonne II fører ein saldoen på gevinstog tapskontoen per 31.12.2016. Dette beløpet fører ein over frå post 16 i gevinstog tapskontoskjemaet. Reiarlag som fastset inntektsskatt etter skattelova 8-10 flg. hentar beløpet i kolonne I frå RF-1197 Reiarlagskattlegging, post 600, og beløpet i II frå post 620. Post 52 Vilkårsbundne skattefrie gevinstar I kolonne I fører ein vilkårsbunden skattefri gevinst ved ufrivillig realisasjon av formuesobjekt som er skjedd før 1.1.2016. Beløpet i kolonne II skal i tillegg taka omsyn til vinstar som er avsett med vilkårsbunde skattefritak i 2016. Fristen for å innfri vilkåra for vilkårsbunde skattefritak er 3 år. Postane 53, 54 og 70 Felles for desse postane er at det skattemessig ikkje er høve til å gjere tilsvarande avsetjingar. Dette medfører at heile den rekneskapsmessige avsetjinga ikkje er skattemessig frådragsgodkjend. Slike avsetjingar må derfor tilbakeførast skattemessig fullt ut. Difor er forteikn førehandsutfylt i kolonne I og II.

Post 53 Rekneskapsmessig uopptent inntekt I kolonne I skal ein føre inntekt som etter skattereglane er tidfesta før 1.1.2016, men som etter rekneskapsreglane først kjem til inntekt etter utgangen av 2015, sjå post 2970 i næringsoppgåve 2. På same vis skal ein i kolonne II føre inntekt som skal tidfestast skattemessig til 2016, men som rekneskapsmessig først skal kome til inntekt etter utgangen av 2016. Post 54 Rekneskapsmessige avsetjingar for plikter Rekneskapsmessige avsetjingar for plikter skal førast på same måte som uopptent inntekt, sjå rettleiinga til post 53. Post 70 Rekneskapsmessig avsetjing til tap på kontraktar m.m. Rekneskapsmessig avsetjing til tap på kontraktar, prosjekt med meir skal førast her. Dette er ein skatteminkande forskjell. Post 72 Netto pensjonsplikter som er førte i balansen Balanseført pensjonsforplikting skal ein føre netto i post 72. Netto pensjonsforplikting er differansen mellom utrekna pensjonsforplikting og verdien av pensjonsmidlar som er sette av for å dekkje forpliktingane. Det vert ikkje gjeve skattemessig frådrag for avsetning til pensjonsforpliktingar. Auke/minking i året i netto forplikting er resultatført og blir derfor nøytralisert skattemessig i denne posten. Posten er førehandutfylt med negativt forteikn. Dersom pensjonsmidlane overstig utrekna pensjonsforplikting skal post 73 nyttast. Ein viser elles til NRS nr. 6 Pensjonskostnader. Post 73 Netto pensjonsmidlar Her fører ein verdien av pensjonsmidla som overstig verdien av utrekna pensjonsforplikting (overfinansiering). Auke/minking i året i balanseført overfinansiering er resultatført og blir derfor nøytralisert skattemessig i denne posten. Ved kjøp av verksemd med netto pensjonsmidlar, skal ein korrigere for verdien av dei overtekne pensjonsmidlane i samsvar med den skattemessige handsaminga. Balanseført innskotsfond skal førast også i denne posten når tilskota gir skattemessig frådrag, jamfør skattelova 6-46. Ein hentar talet frå næringsoppgåve 2 post 1395. Post 74 Skattemessig avsetjing til pensjonspremie m.m. Her skal ein føre skattemessig avsetjing til pensjonspremie, tilskot eller innskot som vert betalt etter utgangen av inntektsåret, jamfør skattelova 6-46 tredje ledd. Post 81 Overtekne plikter ved kjøp av verksemd Posten skal nyttast når vederlaget ved kjøp av verksemd (innmat) er redusert som følgje av overtekne rekneskapsmessige pliktar. Verdien av slike pliktar skal førast saman med eventuelle andre pliktar som skatteminkande forskjell, til dømes postane 53, 54, 70 og 72. Ved kjøp av verksemd blir overtekne pliktar til vanleg ikkje resultatførte. Verdien må difor førast her med positivt forteikn. Vederlag for pensjonsplikter som kjøpar tek over skal kjøpar i utgangspunktet føre som inntekt umiddelbart, jf. sktl. 5-1. Kjøpar kan i staden for føre vederlaget som inntekt i takt med innbetalinga til pensjonsordninga. I så fall må aktuar årleg rekne ut og føretaket dokumentere kor mykje av premie og avkastning av pensjonsmidla i året som heng saman med plikta som kjøparen har teke over. Dette må gjerast kvart år. Kjøpar kan som eit alternativ føre vederlaget lineært som inntekt over 5 år, jf. Skattedirektoratet si fråsegn av 4. november 2014 (Utv. 2014 side 1983) der den skattemessige og rekneskapsmessige handsaminga ved ei slik overdraging er nærare kommentert. Post 82 Andre forskjellar Her skal ein føre alle andre mellombels forskjellar mellom rekneskapsmessige og skattemessige verdiar/resultat som ikkje blir omhandla elles i skjemaet. Post 91 Differanse mellom balanseførde verdiar og verkelege verdiar på fusjons-/ fisjonstidspunktet ved skattemessig kontinuitet Fusjon/fisjon med skattemessig kontinuitet som i rekneskapen blir ført etter transaksjonsprinsippet, fører til at det blir ein rekneskapsmessig forskjell som ikkje skal verke inn på den skattemessige inntekta. Denne forskjellen mellom balanseførte verdiar og verkeleg verdi fastsett ved transaksjonen skal førast tilbake her slik at den ikkje får skattemessig verknad. Posten omfattar og fusjoner som i rekneskapen blir ført som konsernkontinuitet. Side 4 Post 92 Differanse mellom skattemessige verdiar og balanseført/verkelig verdi ved omdanning til aksjeselskap med skattemessig kontinuitet Her skal ein tilbakeføre differanse mellom skattemessige verdiar og balanseført/verkelig verdi ved omdanning til aksjeselskap med skattemessig kontinuitet slik at differansen ikkje får skattemessig verknad. Post 93 Frådrag for skattefri vinst (vederlag skattemessig verdi) ved overdraging av eigedel til selskap i same konsern etter forskrift om skattefrie overføringar I høve kor eigedelar etter Finansdepartementet si forskrift av 19. november 1999 nr. 1158 11-21 blir overdregne frå eit selskap til eit anna innanfor eit konsern slik at skattemessig vinst ikkje skal skattleggjast, vil det overdragande selskapet i denne posten måtte føre til frådrag den skattemessige vinsten. Denne vinsten er differansen mellom vederlaget og den skattemessige verdien. Beløpet kjem fram ved at ein tek den verknaden avgangen av eigendelen får på endring i forskjellar, med tillegg/ fråtrekk for rekneskapsmessig vinst/tap ved overføringa. Post 94 Tillegg for differanse mellom skattemessig inngangsverdi og vederlag på overføringstidspunktet på eigedel overført frå selskap i same konsern etter forskrift om skattefrie overføringar Det mottakande selskapet som får overført eigedel til seg etter Finansdepartementet si forskrift av 19. november 1999 nr. 1158 11-21 skal overta det overdragande selskapet sin skattemessige verdi. Rekneskapsmessig inngangsverdi hos det overtakande selskapet samsvarar med den verkelege verdien for eigedelen. Det skattemessige frådraget som blir utløyst ved etableringa av ein skatteaukande forskjell mellom rekneskapsmessig og skattemessig verdi, må nøytraliserast ved at eit tilsvarande beløp blir ført som inntekt i post 94. Dette beløpet vil vere forskjellen mellom rekneskapsmessig og skattemessig verdi før eventuelle rekneskapsmessige og skattemessige avskrivingar hos det overtakande selskapet det same året. I post 94 fører ein ikkje differanse på aksjar og andre verdipapir med meir samt differanse på part i selskap med deltakarfastsetting.

Post 100 Sum endring i forskjellar frå postane ovanfor Summen av endringar i forskjellar i kolonne III skal ein føre over til post 0670 (positivt tal) eller post 0870 (negativt tal) på side 4 i næringsoppgåve 2. Opplysningar om forskjellar som ikkje er handsama ovanfor Selskap med deltakarfastsetting treng ikkje fylle ut postane frå og med 111 til og med 182. Aksjar og andre finansielle instrument m.m. Her fører ein aksjar m.m. og andre finansielle instrument og partar i selskap med deltakarfastsetting som ikkje er omfatta av fritaksmetoden. Post 111 Her fører ein rekneskapsmessig verdi på aksjar og andre finansielle instrument. Post 112 Den skattemessige verdien som skal førast her er etter frådrag for nedskriving med eventuelle vilkårsbundne avsette vinstar og negative saldoar (overgangsreglane) som er nytta ved kjøpet av aksjane. Som hovudregel skal RISK-tillegg ikkje reknast med i den skattemessige verdien som skal førast her. Ved bruk av eigenkapitalmetoden kan det takast omsyn til RISK. Sjå elles i førebels NRS om resultatskatt. Post 115 Inntektsført avsett utbytte frå dotterselskap og tilknytte selskap Denne posten skal nyttast for utbytte som ikkje fell inn under fritaksmetoden samt 3 % av rekneskapsmessig utbytte som fell inn under fritaksmetoden. Post 115 skal også nyttast av selskap med deltakarfastsetting som har skattepliktig utbytte samt utbytte som skal handsamast på same måte som utbytte etter fritaksmetoden. Skattemessig skal utbytte først takast til inntekt i vedtaksåret. Når utbytte frå dotterselskap eller tilknytte selskap rekneskapsmessig kjem til inntekt året før utbyttet blir vedteke, blir det ein forskjell i tidfestinga. Tidfestingsforskjellen blir ivareteken ved at utbytte som ved årets utgang rekneskapsmessig er kome til inntekt, skal førast opp som ein skatteaukande mellombels forskjell (skattemessig avsetjing) ved slutten av året. Det påfølgande året der beløpet skattemessig blir teke til inntekt, skjer inntektsføringa ved ein tilsvarande reduksjon av den mellombelse forskjellen ved slutten av året. Partar i selskap med deltakarfastsetting Post 121 Her fører ein den rekneskapsmessige verdien på partar i selskap med deltakarfastsetting som fell utanfor fritaksmetoden. Ved bruk av eigenkapitalmetoden blir rekneskapsmessig verdi lik kostpris pluss akkumulert rekneskapsmessig resultat minus akkumulerte utdelingar. Det er ikkje naudsynt å justere for eventuelle skattefrie inntekter fordi desse inngår både i rekneskapsmessig og skattemessig resultat, og påverkar dermed ikkje mellombels forskjellar. Post 122 Her skal ein føre skattemessig inngangsverdi på partane som inngår i post 121. Inngangsverdien per 31.12.2015 hentar ein frå RF-1233 Selskapet si melding over deltakaren si inntekt og formue i selskap med deltakarfastsetjing, post 600 kolonne I. For kommandittpart og stille deltakarpart må ein legge til eventuelt underskott til framføring, jf. RF- 1233 post 1115 a. Tilsvarande hentar ein inngangsverdien per 31.12.2016 frå RF-1233 post 640 kolonne I. For kommandittpart og stille deltakarpart, må ein legge til eventuelt underskott til framføring, jf. RF-1233 post 1115f. Post 123 Her fører ein forskjellen mellom post 121 og 122. Forskjellen representerer grunnlaget for skatteforskjellen ved ein eventuell realisasjon av parten i selskapet. Resultatforskjellen inngår ikkje i dette talet. Difor må ein fylle ut post 124 og for desse partane. Post 124 Her fører ein forskjellen mellom rekneskapsmessig og skattemessig tidfesting av inntekt frå part i selskap med deltakarfastsetting. Ein skal gje opp forskjellen uansett om parten er omfatta av fritaksmetoden eller ikkje. Fører ein partar i selskap med deltakarfastsetting etter kostmetoden, vil det normalt oppstå forskjellar mellom den rekneskapsmessige og den skattemessige tidfestinga av resultatet for året. Skatteverknaden skjer i inntektsåret, mens verknaden for finansrekneskapen skjer i utdelingsåret. Det vil si at ein Side 5 selskapsdeltakar i eit selskap med deltakarfastsetting som har eit skattepliktig overskott, får skatt fastsett før talet blir teke til inntekt rekneskapsmessig. Dette inneber at deltakaren får eit grunnlag for utsett skattefordel. Når utdelinga skjer, blir den utsette skattefordelen redusert, eventuelt så får deltakaren ei utsett skatteplikt. Eit selskap med deltakarfastsetting kan ha skattefrie inntekter, til dømes aksjeutbytte etter fritaksmetoden jamfør skattelova 10-41 andre ledd. Slike skattefrie inntekter skaper i utgangspunktet ikkje mellombelse forskjellar. For å finne det utdelte beløpet som skal påverke utsett skatt/utsett skattefordel, legg ein til grunn at utdelingar frå selskap med deltakarfastsetting først kjem frå skattefrie inntekter, og dernest frå skattepliktige inntekter. Ein må difor korrigere for den delen av utdelingane som kjem frå positive netto akkumulerte skattefrie inntekter. For å halde oversikta over dette må ein sette opp ei hjelpeutrekning. Eksempel på utrekning av resultatforskjell på selskapspart ført etter kostmetoden: Føresetnadar: Rekneskapsmessig verdi av selskapsparten 31.12.2015 60 Skattemessig verdi av selskapsparten 31.12.2015 160 Del av ikkje utdelte skattefrie inntekter før 31.12.2015 15 Utdeling på parten i 2016 25 Del av skattlagt overskott i 2016 23 Skattefri inntekt i 2016 5 Utrekning av resultatforskjellen: I utrekninga har vi tatt omsyn til skattefrie inntekter. Rekneskapsmessig verdi 31.12.2015 60 Skattemessig verdi 31.12.2015-160 Korrigering for oppsamla skattefri inntekt før 31.12.2015 + 15 Mellombels forskjell 31.12.2015-85 Motteken utdeling i 2016 + 25

Av dette knytt til skattefri inntekt - 20 Skattlagt overskott i 2016-23 Mellombels forskjell 31.12.2016 = -103 Mellombels forskjell per 31.12.2015 (-85) førar ein i post 124 kolonne I. Likeeins førar ein mellombels forskjell per 31.12.2016 (-103) i post 124 kolonne II. Er selskapsparten ført etter eigenkapitalmetoden, får ein fram den årlege resultatforskjellen ved å samanlikne rekneskapsmessig og skattemessig verdi. Skattemessig verdi 31.12.2015 er summen av RF-1233 Selskapet si melding over deltakaren si inntekt og formuei selskap med deltakarfastsetjing, post 600 kolonne IV og utrekna over-/underpris på parten per 1. januar i inntektsåret (sjå RF-1233 for inntektsåret 2015 post 868 kolonne II ). Skattemessig verdi 31.12.2016 er summen av post 640 kolonne IV og over- /underpris på parten per 31. desember i inntektsåret. Over-/underpris utreknast i kjøpsåret ved å samanholde kostpris for parten som vart kjøpt (RF-1233 post 605 kolonne I) med skattemessig eigenkapital for parten på kjøpstidspunktet (RF-1233 post 605 kolonne IV). Overstig kostprisen den skattemessige eigenkapitalen for parten, føreligg ein overpris. Er kostprisen lågare enn den skattemessige eigenkapitalen for parten, føreligg ein underpris. Er det realisert ein del av parten, reduserer ein den akkumulerte over-/underprisen høvesvis. Eksempel: Deltakaren solgte del av parten slik at eigerdelen vart redusert frå 15 % til 10 %: Over-/underpris ved starten av inntektsåret - Realisasjon mm. del av over-/underpris = Akkumulert over-/underpris Eigar- /selskapsdel Over- /underpris 15 % 150 5 % 50 10 % 100 I tillegg må det for kommandittpart takast omsyn til framførbart underskott pga. samordningsavgrensninga, jf. RF-1233 post 1115a for gjenstående underskott til framføring per 1.1 og post 1115f for underskott til framføring per 31.12. Ein må korrigere forskjellen dersom selskapet med deltakarfastsetting har forskjellar på aksjar med meir som er omfatta av skattelova 10-41 andre ledd. Hadde selskapet med deltakarfastsetting ein slik permanent forskjell da skattytaren skaffa seg parten, korrigerar ein for denne forskjellen og. Ein kan rekne ut resultatforskjellen såleis: Rekneskapsmessig verdi på parten - Skattemessig eigenkapital frå RF-1233 post 640 kolonne IV - Overpris ved erverv av parten + Underpris ved erverv av parten - Underskott til framføring for kommandittist eller stille deltakar - Ideell del av skattefrie (permanente) deltakarfastsetting ved slutten av året + Ideell del av ikkje frådragsgodkjende (permanente) deltakarfastsetting ved slutten av året + Ideell del av skattefrie (permanente) deltakarfastsetting ved erverv av parten - Ideell del av ikkjefrådragsgodkjende (permanente) deltakarfastsetting ved erverv av parten = Resultatforskjell på parten Post 130 Akkumulert skattemessig underskott til framføring Her førar ein akkumulert skattemessig underskott for 2014 og 2015. Posten er førehandsutfylt med negativt forteikn (skatteminkande forskjell). Reiarlag som vert fastset inntektsskatt etter skattelova 8-10 flg. skal føre attståande finansunderskott til framføring per 31.12.2016 i kolonne II. Post 140 Omrekna ikkje utnytta kreditfrådrag til framføring Her skal ein føre framført skattefrådrag som ikkje er nytta (skattelova 16-31). Ein må rekne om beløpet til mellombels forskjell ved å dividere på 0,24. Side 6 Post 145 Framført unytta korreksjonsinntekt til og med 2015 Attståande korreksjonsinntekt frå tidlegare år er ein skatteminkande mellombels forskjell (kjelde til utsett skattefordel) per 31.12.2015. Denne kan ein trekkja frå den skattepliktige inntekta seinare år så langt det ved utgangen av det seinare året ikkje er underdekning av skattlagd kapital. Posten er førehandsutfylt med negativt forteikn. Post 150 Sum skatteminkande forskjellar ovanfor Her skal ein summere alle skatteminkande forskjellar i kolonne II ovanfor. Post 155 Framført unytta korreksjons-inntekt fråtrekt beløp nytta i 2016 I denne posten skal ein føre attståande korreksjonsinntekt frå tidlegare år i den utstrekning denne ikkje er fråtrekt i inntekta for 2016. Ein viser til RF-2016 Rettleiing til RF-1028 Skattemelding for inntekts- og formuesskatt - aksjeselskap o.a., med forklaring av vilkåra for frådrag for korreksjonsinntekt tidlegare år. Beløpet i post 155 er ein skatteminkande forskjell og posten er førehandsutfylt med negativt forteikn. Beløpet er medrekna i post 180. Post 157 Avskore rentefrådrag til framføring Her fører ein avskore rentefrådrag til framføring for føretak som har levert RF-1315 Avgrensing av rentefrådrag mellom nærståande. Beløpet i kollonne I hentar ein frå RF-1315 post 830 kollonne A, og beløpet i kollonne II hentar ein frå RF-1315 post 830 kollonne C. Post 165 Andre forskjellar Her skal ein føra opp andre forskjellar som ein ikkje kan føre andre stader i skjema. Sum forskjellar - grunnlag for utsett skatt og utsett skattefordel Post 170 Sum skatteaukande forskjellar Her skal ein summere alle skatteaukande forskjellar. Post 180 Sum skatteminkande forskjellar inkl. korreksjonsinntekt Her skal ein summere alle skatteminkande forskjellar, mellom anna korreksjonsinntekt.

Post 181 Forskjellar som ikkje inngår i utrekning av utsett skatt/utsett skattefordel Nokre mellombelse forskjellar skal ein vanlegvis halde utanfor grunnlaget for utrekning av utsett skatt. Døme på dette er goodwill som ein fører i rekneskapen til verkeleg verdi ved ein skattefri fusjon og aksjar i dotterselskap. Andre postar skal ein halde utanfor ved utrekninga av utsett skattefordel fordi framtidig inntening er for usikker (til dømes skatteminkande forskjell på bygg) eller fordi rekneskaps-reglane for små føretak blir nytta. Post 182 Grunnlag for utrekning av utsett skatt/utsett skattefordel Posten skal syne grunnlaget utsett skatt og utsett skattefordel i balansen. Side 7