Ei stønadsordning for deg med høge buutgifter og låg inntekt

Ei stønadsordning for deg med høge buutgifter og låg inntekt

Blomar gjev meg kvardagslykke når dei daglege bekymringane blir mindre. Helene Bratthammer, 41 år og permittert.

Bustønad er ei statleg økonomisk stønadsordning som blir administrert av Husbanken og kommunane. Formålet med ordninga er å hjelpe husstandar med låge inntekter og høge buutgifter til å etablere seg og bli buande i ein trygg og god bustad. I dei fleste kommunane er det bustadkontoret, sosialkontoret eller NAV-kontoret som fungerer som bustønadkontor. I Oslo finn du desse kontora i bydelane. Det er bustønadkontoret i kommunen som skal ta imot søknad og generelle spørsmål om ordninga. Alle som har fylt 18 år, kan søke om bustønad med mindre du eller ein i husstanden din avtener førstegongsteneste eller er student utan barn. Personar utan barn som studerer som ledd i eit offentleg program for arbeidskvalifisering, t.d. yrkesretta attføring, kan òg søkje om bustønad. Foreldre som bur saman med barn som studerer, mister ikkje retten til bustønad. Bustønadskjema får du ved bustønadkontoret i kommunen/bydelen. Skjemaet, saman med nødvendig dokumentasjon (husleige, bustadlån etc.) sender du innan fristen til bustønadkontoret i kommunen/ bydelen. Du kan òg søkje bustønad elektronisk på altinn.no. Utbetaling: Månadleg Søknadsfrist: Den 14. i kvar månad Vedtak og utbetaling: Ca. den 10. i månaden etter Opplysningane på søknaden Det er situasjonen på første dagen i månaden som blir nytta når bustønaden blir berekna for den månaden. For ein gitt månad blir ikkje endringar i bustad- og husstandsforhold som skjer etter situasjonsdato tekne omsyn til. Klage på vedtaket Du kan klage på vedtaket viss du meiner at det byggjer på feil opplysningar. Skriftleg klage sender du til bustønadkontoret i kommunen. Klagefristen er tre veker etter mottatt vedtak eller utbetaling.

Bustaden du søkjer bustønad for, må vere ein godkjend heilårsbustad. Det må som hovudregel vere ein sjølvstendig bustad med eigen inngang, bad/toalett og kjøkkenfunksjon. Utrekning av bustønad Det er forholdet mellom husstanden sine inntekter og buutgifter som avgjer om det blir innvilga bustønad. Du kan berekne bustønad på internettsidene til Husbanken, husbanken.no, under «Tjenester» i høgremenyen. Leigd bustad: månadleg husleige Bustader med felleskostnad (burettslag, bustadsameige, aksje- og obligasjonsleilegheiter): faktiske utgifter til renter, avdrag og gebyr på bustadlån felleskostnader Bustad utan felleskostnad (einebustad): årlege driftsutgifter med eit sjablongbeløp, for tida kr 1000 per månad faktiske utgifter til renter, avdrag og gebyr på bustadlån kommunale avgifter med eit sjablongbeløp fastsett av kommunen eigedomsskatt festeavgift Alders-, uføre- og etterlatnepensjonistar som ikkje får dekt utgifter til oppvarming gjennom husleige eller fellesutgifter, får dette dekt med eit fast beløp (sjablong).

Øvre grenser for buutgiftene: Det er fastsett øvre grenser for kva buutgifter som kan takast med i berekninga av bustønad, sjekk nærmare med din kommune eller sjå husbanken.no. Eigendel: Eigendel er den delen av buutgiftene du sjølv må dekkje avhengig av den samla inntekta til husstanden. Sjekk nærmare med din kommune eller sjå husbanken.no. Reknestykket ser slik ut: Godkjende buutgifter Eigenandel = Sum x 70 %* = bustønad *80 % for dei som bur i kommunale utleigebustader Hovedregelen er at det er den samla inntekta til husstanden ifølgje siste tilgjengelege likning som blir lagt til grunn ved berekninga av bustønad. Frå og med juli 2009 vil dette for dei fleste vere likning for 2008. Frå likninga nyttar ein det høgaste beløpet av: personinntekt (brutto årsinntekt) alminneleg inntekt med eit tillegg for minstefrådraget Barn i husstanden kan ha ei inntekt på inntil kr 30 000 per år før den blir tatt med i utrekninga av bustønad. Dersom du har utanlandsinntekt eller formue, pliktar du å gje opplysningar til kommunen om dette.

Anne Olafsen, 29 år og småbarnsmor. Hverdagslykkestundene med datteren min, blir så mye bedre når jeg har litt tryggere økonomi.

Leigeinntekter Du pliktar å gje opplysningar om skattefrie inntekter du har frå utleige i eigen bustad. Slike leigeinntekter skal reknast som inntekt ved utrekninga av bustønad. Formue 16 % av husstanden si netto formue ifølgje likning blir lagt til inntekta. Bur du i leigd bustad, er det eit fribeløp på kr 250 000. For alle andre blir likningsverdi av eigen bustad inntil kr 500 000 halden utanfor utrekninga av formuetillegget. Inntektsnedgang eller -oppgang Om du eller ein i husstanden din har hatt vesentleg inntektsnedgang sidan likningsåret, kan du søkje om å få lagt til grunn faktisk (månadens) inntekt. Viss du eller ein i husstanden din har hatt ei positiv endring i inntektssituasjonen sidan likningsåret grunna overgang til arbeid, trygd eller ved formue, skal du gje opplysningar til kommunen om dette. Øvre inntektsgrenser Det er fastsett øvre inntektsgrenser for husstanden, avhengig av bl.a. talet på husstandsmedlemmer. Dette betyr at same kor høge buutgifter husstanden din måtte ha, vil du ikkje få bustønad dersom inntekta er over øvre inntektsgrense. Kontakt kommunen for meir informasjon om øvre inntektsgrense for din husstand. Refusjon av bustønad til kommunen Kommunen kan krevje å få bustønaden utbetalt dersom den har ytt sosial stønad eller gjeve lån/ tilskot til dekning av buutgifter. Føresetnaden er at søkjar har samtykka i dette.

For meir informasjon sjå www.husbanken.no eller kontakt bustønadkontoret i kommunen. Denne brosjyren er basert på gjeldande reglar pr. 1. juli 2009. HB 9.E.1 Bustønad Utgitt av Husbanken, juni 2009 Opplag: 10 000 stk. Foto forside/innside: Lin Stensrud Design: Allegro Drammen Trykk: Renessanse Media AS