Sakshandsamar, innvalstelefon Silje Tingstad, 55 57 20 31 Vår dato 25.11.2016 Dykkar dato Vår referanse 2016/11919 461.3 Dykkar referanse Ølen Betong AS avd. Fana Fanavegen 220 5236 Rådal Rapport frå tilsyn ved Ølen Betong AS avd. Fana 2. november 2016 Rapportnummer: 2016.083.I.FMHO Kontaktpersonar ved tilsynet: Frå verksemda: Knut Ståle Lyngstad Frå Fylkesmannen i Hordaland: Silje Tingstad Hallvard Hageberg Resultat frå tilsynet Denne rapporten omhandlar avvik frå tilsynet. Dersom vi ikkje får melding om faktiske feil i rapporten innan to veker etter at den er motteken, er rapporten endeleg. Fylkesmannen i Hordaland fann 1 avvik under tilsynet innan følgjande tema: internkontroll Avviket er nærare omtalt frå side 3. Ølen Betong AS avd. Fana må sende ei skriftleg stadfesting innan 15. februar 2017 på at avviket er retta. Oppfølginga etter inspeksjonen er nærare omtalt på side 2. Med helsing Hallvard Hageberg senioringeniør Silje Tingstad overingeniør Brevet er godkjent elektronisk og har derfor inga underskrift. Kopi til: Bergen kommune Postboks 7700 5020 Bergen Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: Ølen Betong AS avd. Fana Kontrollklasse: 4 Adresse: Fanavegen 220, 5236 Rådal Postadresse: Bjoavegen 191, 5582 Ølensvåg E-post: mail@olenbetong.no Telefon: 488 89 980 Kommune: Bergen kommune Organisasjonsnr.: - Bransjenr. (NACE-kode): 23.610 Eigar (org.nr.): 953 685 124 Siste tilsyn: nytt anlegg (løyve frå kommunen i 5 år) 2. Bakgrunnen for tilsynet Tilsynet vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er del av ein nasjonal tilsynsaksjon med verksemder som produserer betong, betongprodukt og andre ikkje-metalliske mineralprodukt. Aksjonen vart gjennomført i august og september 2016. Det har ikkje tidlegare vert gjennomført ein landsdekkande tilsynsaksjon i denne bransjen. Følgjande hovudtema vart kontrollert: internkontroll utsleppskontroll avfallshandtering 3. Oppfølging etter tilsynet Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 15. februar 2017 sende ei skriftlig tilbakemelding som viser korleis avvik er retta, gjerne med bildedokumentasjon. 4. Tilsynsgebyr Fylkesmannen varsla i e-post 9. september 2016 at Ølen betong AS avd. Fana vil få eit gebyr på 12 100 kroner for tilsynet, jf. forureiningsforskrifta 39-7. Dette er gebyrsats 3. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 2
6. Dokumentunderlag forureiningslova 7, 11 og 32 forureiningsforskrifta avfallsforskrifta kapittel 9 om deponering av avfall og kapittel 11 om farleg avfall produktkontrollova internkontrollforskrifta Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under tilsynet: Avvik 1: Internkontrollen har manglar Avvik frå: internkontrollforskrifta 5 andre ledd punkt 6 og 7 Kommentar til regelverket: Rutinar Verksemda skal ha skriftlege rutinar for å avdekke, rette opp og førebyggje brot på miljøregelverket. Internkontrollen skal oppdaterast jamleg, og ved endringar i drifta. Risikovurdering Verksemda skal ha oversikt over all aktivitet som kan føre til forureining, og må kartleggje og vurdere risiko knytt til aktivitetar eller hendingar som kan påverke det ytre miljøet. På bakgrunn av kartlegginga må det utarbeidast planar og tiltak for å redusere risiko der det er naudsynt. Handtering av betongavfall må vere risikovurdert Slam frå sedimenteringsbasseng er næringsavfall, og skal leverast til lovleg avfallsmottak, med mindre det gjenvinnes eller «brukes på annen måte», jf. 32 i forureiningslova. Eit lovleg avfallsmottak har løyve etter forureiningslova til å ta i mot den aktuelle typen avfall. Når betongavfallet «brukes på annen måte» må det vere som ein erstatning for eit anna materiale som elles ville vert nytta. Betongavfall kan t.d. erstatte pukk eller liknande i byggeog anleggstiltak som skal gjennomførast uansett. Mengda betongmassar som vert nytta må stå i forhold til behovet for masser, og dei må vere eigna til formålet. 3
Verksemda må ha skriftleg risikovurdering av om nyttiggjeringa av avfallet fører til forureining. Kunnskap om betongavfallets innhald av helse- og miljøfarlege stoff og om miljøforhold på staden der avfallet vert nyttiggjort må gå inn i risikovurderinga. Betongslam inneheld truleg tungmetall og kan difor ikkje reknast som reine massar utan nærare dokumentasjon. Avviket er basert på følgande observasjonar: Rutinar Verksemda opplyste at dei ikkje hadde skriftleg rutine for kontroll og tømming av oppsamla plastarmering. Verksemda hadde ikkje rutine for sikring av kjemikaliar. Risikovurdering Det vart opplyst at verksemda hadde risikovurdering for ytre miljø, og at denne skulle ettersendast. Fylkesmannen har ikkje mottatt risikovurdering. Betongslam Betongslam vert levert til Arna Jordsortering. Mottak av betongslam er ikkje inkludert i Arna Jordsorterings løyve frå Fylkesmannen. De kan derfor vere medansvarlege viss mottakar bruker avfallet på ein måte som fører til forureining. Levering av betongslam er ikkje risikovurdert, og det vart ikkje framvist dokumentasjon på at avfallsmottakar nyttar avfallet på ein måte som ikkje fører til forureining. 8. Andre forhold Krav til prøvetaking viss verksemda slepp ut vaskevatn Stasjonen i Fana er nyleg starta opp, og har midlertidig løyve til drift frå kommunen i 5 år. Det vert opplyst at verksemda ikkje har utslepp av vaskevatn, sidan vatn frå siste sedimenteringsbasseng går tilbake i produksjonen. I fall verksemda må sleppe ut vaskevatn til grunn eller vatn, må de dokumentere at reinseanlegget fungerer og er riktig dimensjonert ved jamlege målingar. Lagring av farleg avfall Verksemda har ikkje hatt noko farleg avfall, og lagringsplass for farleg avfall var ikkje etablert endå. Vi minner om at farleg avfall skal handterast forsvarleg. Alle som har farleg avfall skal treffe nødvendige tiltak for å unngå fare for forureining eller skade på menneske eller dyr. Organisasjonsnummer Ølen Betong AS er registrert med organisasjonsnummer 953 685 124, og berre tre undereiningar. Ingen av desse er Ølen Betong AS avdeling Fana. Det er Statistisk sentralbyrå som avgjer kva verksemder som skal vere registrerte. Verksemder som driv næringsverksemd med tilsette på fleire geografiske stader skal registrerast som fleire verksemder med eigne organisasjonsnummer, jf. https://www.brreg.no/bedrift/virksomhet/ 4
Viss Ølen betong AS ikkje registrerer seg med fleire undereiningar, må det uansett gå fram kven som har levert farleg avfall i deklareringa. Det kan de gjere ved å opprette verksemdsprofil (bedriftsprofil) i avfallsdeklarering.no. De bruker det organisasjonsnummeret de har brukt til no, og opprettar eigen profil på dykkar verksemd si adresse; ein satellitt. Transport av farleg avfall Under tilsynet vart det informert at de ikkje hadde levert farleg avfall endå, men at normal prosedyre i verksemda er å sende avfallet til anlegget på Askøy for deretter å sende det til Ølen for felles levering derifrå. Hugs at alt avfall skal deklarerast på den verksemda som har produsert avfallet. Vi viser til avsnittet om organisasjonsnummer, og minner samstundes om at all transport av farleg avfall må skje i samsvar med krava i ADR-regelverket som Direktoratet for samfunnssikkerhet og beredskap (DSB) er mynde for. Krav til samordning med andre verksemder Når fleire verksemder utøver arbeid på same arbeidsplass, skal det, når det er nødvendig, vere skriftleg avtale om kven som er ansvarleg for å samordne internkontrollen for deira felles aktivitetar eller område. 5