VINDAFJORD KOMMUNE SAKSPAPIR Saksnummer Utval Vedtaksdato 068/15 Utval for drift, utvikling og kultur 23.11.2015 Saksbehandlar: Lie, Kari Sak - journalpost: 13/151-2015015075 ADRESSERING - VEGNAMN - KOMMUNALE OG PRIVATE VEGAR ENDELEG VEDTAK OG FORSLAG TIL HØYRINGSUTKAST Rådmannen sitt framlegg til vedtak: 1. Utval for drift, utvikling og kultur vedtek namneforslaga slik dei ligg føre: Liatoppen Liabakken 2. Utval for drift, utvikling og kultur vedtek å leggje namneforslaga ut på høyring i 4 veker slik dei ligg føre: Rasmus Vilands veg (Ilsvåg) Thorbjørn Sandviks veg (Sandvik) Vindfinnvegen (Ølensvåg) Orrhaugvegen (Øvre Vats) 3. Dersom det ikkje kjem merknader på vegnamn i punkt 2, gjeld vedtaket av namneforslaga slik det ligg føre. 23.11.2015 Utval for drift, utvikling og kultur Nestleiar Kari Vik Stuhaug (Sp) foreslo: 2. Utval for drift, utvikling og kultur vedtek å leggje namneforslaga ut på høyring i 4 veker slik dei ligg føre: - Rasmus Vilands veg (Ilsvåg) - Torbjørn Sandviks veg (Sandvik) - Vindfinnvegen (Ølensvåg) - Århaugvegen (Øvre Vats)
For Torbjørn Sandviks veg vil utvalet peika på at Torbjørn Sandvik sitt namn vart skrive utan stum h den tid han levde, jamfør kyrkjebøkene for Fjelberg, folketeljinga 1801 og valtingsprotokoll datert Bergen 19. sept. 1814, og likeins på minnebautaen over "Torbjørn G. Sandvik" reist i 1914. For Århaugvegen vil utvalet peika på at namnet Århaugen har si naturlege forklaring i den vassrike åa (elva) som haugen ligg ved og såleis tyder "haugen ved åa". Århaugvegen (slik den lokale velforeininga gjer framlegg om) er difor rett skrivemåte. Rådmannen sitt framlegg til vedtak pkt. 1 og 3 vart samrøystes vedtatt. Ved avrøysting over pkt. 2 veg for veg vart resultatet: Rasmus Vilands veg og Vindfinnvegen Rådmannen sitt framlegg til vedtak vart samrøystes vedtatt. Nesteiar Vik Stuhaug sitt forslag til Torbjørn Sandviks veg vart vedtatt med 6 røyster, Geir Berge (H) røysta for Rådmannen sitt framlegg til vedtak. Nestleiar Vik Stuhaug sitt forslag til Århaugvegen vart vedtatt med 5 røyster, leiar Kjartan Innbjo (BBL) og Berge røysta for Rådmannen sitt framlegg til vedtak. DUK-068/15 Vedtak: 1. Utval for drift, utvikling og kultur vedtek namneforslaga slik dei ligg føre: Liatoppen Liabakken 2. Utval for drift, utvikling og kultur vedtek å leggje namneforslaga ut på høyring i 4 veker slik dei ligg føre: - Rasmus Vilands veg (Ilsvåg) - Torbjørn Sandviks veg (Sandvik) - Vindfinnvegen (Ølensvåg) - Århaugvegen (Øvre Vats) For Torbjørn Sandviks veg vil utvalet peika på at Torbjørn Sandvik sitt namn vart skrive utan stum h den tid han levde, jamfør kyrkjebøkene for Fjelberg, folketeljinga 1801 og valtingsprotokoll datert Bergen 19. sept. 1814, og likeins på minnebautaen over "Torbjørn G. Sandvik" reist i 1914. For Århaugvegen vil utvalet peika på at namnet Århaugen har si naturlege forklaring i den vassrike åa (elva) som haugen ligg ved og såleis tyder "haugen ved åa". Århaugvegen (slik den lokale velforeininga gjer framlegg om) er difor rett skrivemåte. 3. Dersom det ikkje kjem merknader på vegnamn i punkt 2, gjeld vedtaket av namneforslaga slik det ligg føre.
Aktuelle lover, forskrifter, avtalar, reglement m.m.: Lov om eigedomsregistrering (matrikkellova) og matrikkelforskrifta med merknadar. Lov om stadnamn og tilhøyrande sentral forskrift. Adresseveiledaren. Saka gjeld: Namnsetjing av adresseparsellar i Vindafjord kommune. Endeleg vedtak av vegnamna Liatoppen og Liabakken. Forslag til høyringsutkast for Rasmus Vilands veg, Thorbjørn Sandviks veg, Vindfinnvegen og Orrhaugvegen. Saksopplysningar / Vurderingar: Vindafjord kommune har adressemynde og fastset offisielle adresser. Utval drift utvikling og kultur er kommunen sin adressemynde (KS-042/12) og har ansvar for vedtak av namnsetjing av parsellar etter heimel i lov. Liatoppen og Liabakken / Liotoppen og Liobakken DUK vedtok i sak 023/15 (04.05.2015): «Endringsforslag pkt 1 frå Eivind Hetland (Krf) : - Liatoppen og Liabakken blir endra til Liotoppen og Liobakken. Konsekvens av dette vedtaket er at Liotoppen og Liovegen må ut på ny høyring.» Høyringsutkastet vart sendt Statens Kartverk for uttale og kunngjort i aviser og på heimesida til kommunen. Innan fristen kom det 1 innspel til saka frå Stadnamntenesta på Vestlandet kor dei gjentek at kommunen bør halda fast på skrivemåtane Liatoppen og Liabakken. «Eit namn kan ikkje stå med bunden form når ein legg til eit etterledd som bakken, -toppen, -vegen eller liknande. Lio er bunden eintalsform av det sterke hokjønnsordet li (sjå vedlegg). Det kan ikkje gjerast vedtak på Liotoppen og Liobakken utan gjennom ei namnesak, rådmannen tilrår ikkje dette.
Liatoppen og Liabakken har vore på høyring tidligare, og kan endeleg vedtas. Rådmannen viser til saksutgreiinga ovafor og etter tilrådinga frå Stadnamntenesta vert Liatoppen og Liabakken tatt til følgje. Rasmus Vilands veg i Ilsvåg og Thorbjørn Sandviks veg på Bjoa DUK vedtok i sak 002/15 (02.02.2015): Til referatsak nr. 5: DUK ber rådmannen leggja fram ei sak om vegnamn Rasmus Vilands veg i Ilsvåg og Thorbjørn Sandviks veg i Sandvik, for DUK våren 2015. Bakgrunnen for forslaget er ynskje frå komiteen for Grunnlovsjubileet som følger: Komiteen foreslår at Rasmus Vilands veg og Thorbjørn Sandviks veg blir tatt i bruk som namn på vegane som fører fram til gardane dei dreiv då dei blei valde til Stortinget i 1814. På denne måten minnet vera levande for framtidige generasjonar og til opplysning for vegfarande. Grunngjevinga for namnsetjinga er så spesiell at ho ikkje vil skapa presedens for anna namnsetjing i kommunen. Adresseparsellen som er foreslått namngjeven Rasmus Vilands veg er i dag adressert som del av Saudavegen. Rasmus Vilands veg vert sendt ut på høyring, og om det ikkje kjem merknader vil dei involverte adressatane bli omadressert. Adresseparsellen som er foreslått namngjeven Thorbjørn Sandviks veg er i dag adressert som del av Vikevegen. Rasmus Vilands veg vert sendt ut på høyring, og om det ikkje kjem merknader vil dei involverte adressatane bli omadressert. Søndre Hetland - Vindfinnvegen DUK vedtok i sak 048/15 (24.08.2015) at forslag til vegnamn Søndre Hetland, Ølensvåg skulle ut på høyring i 4 veker. Høyringsutkastet vart sendt Statens Kartverk for uttale og kunngjort i aviser og på heimesida til kommunen. Innan fristen kom det 1 innspel til saka frå Stadnamntenesta på Vestlandet. Dei meiner at Søndre Hetland bør endrast til Søre Hetlandsvegen. Dei grunngjev dette med at den aktuelle adresseparsellen ligg ikkje berre på gnr. 301 (Søndre Hetland) men og på gnr. 299. Det vil vera feil å gi dei som bur på gnr 299. eit adressenamn som er likelydande med namnet på nabogarden (sjå vedlegg). Grunna innspelet til Stadnamntenesta og at Vindafjord kommune har allereie ein vegparsell som heiter Hetlandsvegen ein annan stad i kommunen, fann prosjektgruppa eit stadnamn i kart; Vindfinn. Etter einigheit med både Stadnamntenesta og vedkommande som hadde kome med forslaget Søndre Hetland, legg difor rådmannen fram forslaget Vindfinnvegen som erstatning for Søndre Hetland. Orrhaugvegen Vedtaket frå Kartverket i namnesaka Velde/Vedle/Velle endra ikkje stadnamnet til Velde, difor valde prosjektgruppa å finne eit nytt vegnamn til adresseparsellen på «Veldefeltet». Innkomen forslag frå velforeininga i bustadfeltet er Århaugvegen. Dette blei rådført med Stadnamntenesta og deira uttale
er: «Det er venteleg fuglenemninga orre (m.) som ligg til grunn for føreleddet i namnet «Årrhauen». Difor bør ein i offentleg samanheng skriva Orrhaugen og Orrhaugvegen.» Rådmannen legg fram forslag om Orrhaugvegen. Vedtaket til Kartverket ligg vedlagt og vedtaket kan påklagast av kommunen som ein av klagepartane. Vedlegg: Vindafjord kommune - nokre nye adressenamnformer - tilråding frå Stadnamntenesta.pdf Liofeltet Rasmus Vilands veg Thorbjørn Sandviks veg Vindfinnvegen Vedtak i klagesak 2013-5 - Velle-Vedle-Velde - Vindafjord kommune.pdf Orrhaugvegen