Styringsgruppa Utviklingsplan HMR HF Saksframlegg Foretaks- og klinikkinterne utviklingsområder Saksnr Utvalsnamn Møtedato 03/2017 Styringsgruppa utviklingsplan HMR 2. mai 2017 Forslag til vedtak 1. Styringsgruppa prioriterer følgjande tema i føretaksperspektivet med tilordna ansvar: ID TEMA MERKNADER ANSVAR 2. Styringsgruppa sluttar seg til arbeidsmetode og tidsplan for føretaks- og klinikkperspektivet. 3. Styringsgruppa gir ansvarleg klinikksjef i oppdrag å starte opp utviklingsplanarbeidet i føretaksperspektivet i samarbeid med koordineringsgruppa, basert på vedtatte innsatsområde.
Saksframlegg 1 Bakgrunn Utviklingsplanarbeidet i Helse Møre og Romsdal har tre perspektiv: føretaksperspektivet, klinikkperspektivet og samhandlingsperspektivet. I det følgjande vil ein kome med forslag til korleis ein skal organisere arbeidet i føretaks- og klinikkperspektivet, samhandlingsperspektivet vert gjort greie for i eiga sak. Leiargruppa i Helse Møre og Romsdal har gjort vedtak om at arbeidet med utviklingsplanen skal gå i linjeorganisasjonen. Ansvaret for utviklingsplanen er i hovudsak lagt til fagdirektør. Det er nemnt opp ei styringsgruppe sett saman av leiargruppa, tillitsvalde, verneteneste og brukarar, og som har ansvar prioritering og vedtak i arbeidet. Vidare er det også oppnemnt ei koordineringsgruppe, sett saman av fagfolk frå kvar klinikk, SNR og rådgjevarar frå fagavdelinga. Koordineringsgruppa skal sikre framdrifta i arbeidet og gjere føretaket i stand til å svare ut mandatet for lokal utviklingsplan. Til grunn for alt arbeid med utviklingsplan ligg særskilt Nasjonal helse- og sykehusplan, Strategi 2030, Rettleiar for arbeidet med utviklingsplanar og Mandat for lokal utviklingsplan for Helse Møre og Romsdal. Når det gjeld spesifikke fagområde, må ein også basere arbeidet på gjeldande føringar og retningslinjer for det aktuelle området. I tillegg vil det for utvalde område verte utarbeida regionale temanotat som kan nyttast som støtte og rammeverk i lokalt arbeid. 1.1 Føretaksperspektivet Gjennom møte i leiargruppa og styringsgruppa har ein skissert behovet for å peike på innsatsområde Helse Møre og Romsdal bør handtere i planperioden. Dei ulike klinikkane har kome med slike innspel, og ein ynskjer no å konkludere med kva tema ein tar vidare i gjeldande periode. I tillegg er det viktig å leggje ein plan for korleis ein skal handtere tema som ikkje vert tatt opp no, og grunngi kvifor desse er sett ut i tid. Føretaksperspektivet inneheld tema som gjeld på tvers av dei ulike klinikkane. Følgjande er skisserte etter innspelrunde i klinikkane som potensielle innsatsområde i planperioden (tema ikkje i prioritert rekkefølgje): 1
ID TEMA MERKNADER ANSVAR 1 PCI 2 PET 3 Ortogeriatri 4 Rehabilitering 5 Den gylne regel 6 Pediatri Eiga prosjektgruppe KKBU 7 Avtalespesialistar 8 Bygningsmessig utviklingsplan HMR eks. SNR Eige prosjekt KDE 8.1 Arealplan Ålesund og Volda 8.2 Sikker straumforsyning 8.3 Fasader Ålesund sjukehus 9 Investeringsplan MTU 10 Tverrfaglege møtefora for nye tilbod/metodar I det vidare er det behov for å prioritere mellom desse innsatsområda for planperioden og vidare arbeid, i tillegg til å fordele ansvaret for områda og vurdere fagleg samansetjing for dei som skal utgreie temaet. Nokre av tema som er skisserte har forløp i eigne prosjekt. Dette gjeld pediatri og bygningsmessig utviklingsplan HMR eks. SNR. Dette er arbeid som allereie er starta, og vil få sin plass som del av utviklingsplanen for planperioden. 1.2 Arbeid vidare; tidslinje og metode Det tilordnast ei arbeidsgruppe som sit med naudsynt fagkunnskap for å kunne utgreie aktuelt tema. I dei tilfella der tema samsvarer med fagspesialiteten til ein eller fleire i koordineringsgruppa, er det føremålstenleg at desse utgjer (delar av) arbeidsgruppa. Dette for å sikre kontinuitet i arbeidet. Arbeidsgruppa rapporterer til ansvarleg klinikksjef, og leiar i dei ulike arbeidsgruppene er ansvarleg for at koordineringsgruppa er informert. Koordineringsgruppa har eit særskilt ansvar for å halde saman arbeida i dei ulike perspektiva i utviklingsplanarbeidet. Arbeidsgruppene bør setjast ned relativt raskt etter vedtak på tema. For det aktuelle tema, må ein gjere ei vurdering av interessentar inn i arbeidet. Kvart tema bør utgreiast etter modell frå rettleiaren for utviklingsplanar. I kort tyder det at ein seier noko om: no-situasjonen (status) utviklingstrekk og framskriving analyse og vegval målbilete, tiltak og organisering for ei helseteneste for pasienten Arbeidet skal tuftast på gjeldande nasjonale, regionale og lokale føringar. Skisse til møteplan og innhald presenterast i det følgjande. Ein presiserer at dette er eit forslag, og at arbeidsgruppene må stå fritt i organiseringa så lenge ein dekkjer dei tema som vert forventa gjennom rettleiaren. Arbeidsgruppene må også fortløpande kunne vurdere interessentar og evt. naudsynte endringar i gruppesamansetjing. 2
Ressurssetjinga i dei ulike arbeida vil vere ein funksjon av omfanget av valde innsatsområde. Koordineringsgruppa vil i alle høve hjelpe til i oppstarten av arbeida, og med mal for rapport etc. TID AKTIVITET INNHALD ANSVAR Mai Møte 1 Konstituering Velje leiar og sekretær Møteplan Intro utviklingsplan No-situasjon for området Gjeldande føringar Juni Møte 2 Utviklingstrekk og framskriving Analyse og vegval Juni/august Møte 3 Analyse og vegval, vidare Målbilete, tiltak, organisering for ei helseteneste for pasienten Klinikksjef og koordineringsgruppa 22. august Leiargruppe, styringsgruppe Presentere arbeidet, innspel September Møte 4 Tilrå løysing basert på presentasjon av arbeidet og innspel 30. september Leveranse Ferdig rapport November- Desember Formell høyring Formell høyring 1.3 Klinikkperspektivet Klinikkperspektivet handlar om dei interne utviklingsområda klinikken sjølv eig og ynskjer å satse på i planperioden. Dette er tema som kan vere knytte til verksemdsplanen til klinikken, oppgåver som kjem som resultat av krav og føringar m.v Områda utgreiast som for føretaksperspektivet, og held same tidslinja. Ansvarleg for dette arbeidet er kvar enkelt klinikksjef, arbeidet utførast av klinikkinterne ressursar. Organiseringa er opp til den enkelte klinikk, det vil truleg vere føremålstenleg å nytte etablerte fora i klinikken som t.d. klinikkråd, fagnettverk etc. Utviklingsplanen vil vere tema på møta mellom administrerande direktør og utvida klinikkråd i samband med leiinga sin gjennomgang. 3
TID AKTIVITET INNHALD ANSVAR Mai Møte 1 Konstituering Velje leiar og sekretær Møteplan Intro utviklingsplan No-situasjon for området Gjeldande føringar Juni Møte 2 Utviklingstrekk og framskriving Analyse og vegval Juni/august Møte 3 Analyse og vegval, vidare Målbilete, tiltak, organisering for ei helseteneste for pasienten, med støtte frå koordineringsgruppa 22. august Leiargruppe, styringsgruppe Presentere arbeidet, innspel September Møte 4 Tilrå løysing basert på presentasjon av arbeidet og innspel 30. september Leveranse Ferdig rapport 4