FORSLAG TIL KONTRAKT. Eidfjord kommune. Vedlegg 4.

FORSLAG TIL KONTRAKT Eidfjord kommune Vedlegg 4.

INNHALDSLISTE VEDLEGG 4 1. FORSLAG TIL KONTRAKT... 3 1.1. KRAV TIL PRIS OG PRISREGULERING... 3 1.2. AVTALEFORVALTING... 3 1.3. RAPPORTAR OG STATISTIKK... 3 1.4. KVALITET... 3 1.5. VILKÅR FOR BETALING... 3 1.6. LØN OG ARBEIDSVILKÅR... 4 1.7. FN SIN BARNEKONVENSJON OG ILO - KONVENSJONAR NR. 138 OG 94... 4 1.8. OPPLYSNINGSPLIKT ETTER LIKNINGSLOVA... 4 1.9. FAKTURAOPPLYSNINGAR... 5 1.10. OPPSEIING... 5 1.11. ENDRINGAR, TILLEGG M.M.... 5 1.12. TILHØVE TIL TREDJEMANN... 6 1.13. DOKUMENTRANG... 6 1.14. SIKKERHEIT OG KRAV TIL LEVERING... 6 1.15. TILHØVE TIL KJØPSLOVA... 7 1.16. TVISTAR... 7 2

1. Forslag til kontrakt 1.1. Krav til pris og prisregulering Større endringar i skattar, tollsatsar og andre offentlege avgifter som er direkte relevante for avtalen, kan gje grunnlag for liknande prisjusteringar i forhold til denne avtalen. Dersom «spesialpris» eller «kampanjepris» gjer ein betre pris enn avtalen, skal lågaste pris gjelda. 1.2. Avtaleforvalting Leverandøren skal oppnemna ein eigen kontaktperson, som er ansvarleg for kontrakten og drifta av denne avtalen. Det skal haldast statusmøteihht. kravsspesifikasjon. 1.3. Rapportar og statistikk Leverandøren skal ein gong i året senda statistikk over oppdragsgjevar sitt uttak av avtalen. Desse statistikkane skal framleggjast utan ekstra kostnad for oppdragsgjevar. 1.4. Kvalitet Leverandør skal tilby produkt og tenester av tilfredstillande kvalitet og som er godt egna til den bruken det er tiltenkt. Alle produkt skal vera i samsvar med lover, forskrifter og retningslinjer for produktområdet. Dersom eit produkt ikkje tilfredstillar kvalitetskrava, kan oppdragsgjevar krevja at leverandøren leverer eit erstatningsprodukt som tilfredstillar kravet til kvalitet, då til same pris. 1.5. Vilkår for betaling Kjøpar vil betala godkjent fakturabeløp 30 dagar etter mottak av rett faktura. Dersom beløp som er forfalle ikkje vert betalt i rett tid, vert den morarenta som gjeld betalt, etter «Lov om renter ved forsinka betaling mv». Purregebyr og/eller andre kostnader i samband med for sein betaling, skal vera dekka i gjeldande morarente. Handsamingsgebyr o.l. vert ikkje godtekne. Tenesteytar som overdreg faktura til tredjemann for innkrevjing, er framleis ansvarleg ovanfor kjøpar med omsyn til reklamasjonar eller regresskrav. Alle fakturaene skal vera påført brukareining, avdeling, og namn til kontaktperson samt andre referansar kjøpar krev (t.d. kontostreng). Det skal koma tydeleg fram på fakturaen kva beløpet gjeld. Kjøpar har rett til å returnera fakturaer som ikkje i samsvar med krava. 3

Kjøpar kan halda tilbake beløp som er udokumenterte eller som det er tvist om. I slike tilfelle skal kjøpar gje melding til tenesteytar om kva beløp som vert haldne tilbake og om årsaka til dette. Etter at kjøpar har motteke forklaring eller dokumentasjon, vil beløpet verta betalt ved fyrste ordinære betalingstermin. 1.6. Løn og arbeidsvilkår Leverandøren er pliktig til å ha løn og arbeidsvilkår for sine tilsette som ikkje er dårlegare enn den som følgjer gjeldande landsdekkjande tariffavtale, eller det som elles er normalt for vedkommande yrke eller stad. Dette gjeld og for arbeid som skal utførast i utlandet. Leverandøren står også ansvarleg ovanfor oppdragsgjevar for at desse krava vert etterlevd hjå eventuelle underleverandørar som direkte er med på å oppfylla kontrakten. Leverandøren skal på oppmoding frå oppdragsgjevar dokumentera løn og arbeidsvilkåra til eigne tilsette og tilsette hjå underleverandørar som deltek i oppfyllinga av kontrakten. Dersom leverandøren ikkje legg fram dokumentasjon på løn og arbeidsvilkår innan 5 virkedagar, eller ikkje oppfyller krava i klausulen om løn og arbeidsvilkår, har oppdragsgjevar rett til å krevja dagsmulkt, eller ev. halda tilbake delar av kontraktsummen, tilsvarande kr. 300 per dag inntil det er dokumentert at tilhøva er ordna. Brot på denne klausulen vil bli sett på som eit vesentleg mislighald, og som gjev oppdragsgjevar rett til å heva kontrakten. 1.7. FN sin barnekonvensjon og ILO - konvensjonar nr. 138 og 94 Leverandøren har gjort seg kjent med produksjonsprosessen av dei varer og produkt som kontrakten omfattar, og garanterer at dei er produsert med arbeidskraft i samsvar med FN sin barnekonvensjon og ILO konvensjonar nr. 138 og 94. Brot på denne klausulen vil bli sett på som eit vesentleg mislighald, og gjev oppdragsgjevar rett til å heva kontrakten. 1.8. Opplysningsplikt etter likningslova Leverandøren skal setja seg inn i og følgja opp opplysningsplikta som likningslova 6-10 pålegg oppdragsgjevar, leverandør og eventuelle underleverandørar, då med omsyn til oppdraget, oppdragstakar og oppdragstakar sine tilsette. Leverandøren skal og gje likningsmyndigheitene opplysningar om denne avtalen og gjennom ei orientering gjera likningsmyndigheitene spesielt merksame på at det er leverandøren som gjennom denne avtalen er ansvarleg for å halda opplysningsplikta som er pålagt kommunen etter likningslova 6-10. Leverandøren skal halda kommunen skadeslaus for alle krav frå likningsmyndigheitene eller andre som følgje av manglande oppfylging av opplysningsplikt eller innbetaling av skatt og avgift. 4

Manglande oppfyljing av opplysningsplikta gir kommunen rett til å halda tilbake heile eller delar av vederlaget til leverandøren. Manglande oppfyljing av opplysningsplikta er å sjå på som eit vesentleg misleghald og gjer kommunen rett til å heva kontrakten. 1.9. Fakturaopplysningar Leverandør skal senda faktura i EHF-format. Leverandør kan avtala papirfaktura inntil vidare. Faktura og bilag skal sendast i eit eksemplar, dei skal ikkje vera stifta saman. Fakturaen skal ikkje innehalda krav mot meir enn ei eining innan kommunen. Det kan derfor ikkje sendast samlefaktura for krav som rettar seg mot ulike einingar i kommunen. Fakturaadresse: Eidfjord kommune Fakturamottek Simadalsvegen 1 5783 Eidfjord Eidfjord kommune krev at fakturaene minimum skal innehalda følgjande felt: fakturanummer, bankgiro, referanseperson og einig i Eidfjord kommune, fakturadato, forfallsdato, moms og totalt beløp. Faktura skal vere oversiktleg slik at det er lett og kontrollere at kommunen har fått avtalte prisar og rabattar. Faktura skal kunna lesast av scanner. Fakturaer som ikkje inneheld desse opplysningane vil bli returnert til avsendar. Dersom påpeikte feil og manglar gjentek seg, kan oppdragsgjevar forlanga kopi av alle fakturaer med underlag for å danna seg eit bilete av problemet. Oppdragsgjevar kan sjølv fastsetja perioden for eit slikt tiltak (ikkje tilbakeverkande) og kopieringa skal skje kostnadsfritt for oppdragsgjevar. Eventuelle feil og manglar som vert avdekka i samband med merking, prisar, kredittid og liknande, vil resultera i eit kompensasjonskrav. Kompensasjonen vil vera det høgaste beløpet av kr. 300,- per faktura med feil/manglar eller 2 % av fakturaverdien. Utanom dette skal heile differansen krediterast kunden. Leverandør skal dersom det vert bede om det senda ut fakturaene elektronisk. 1.10. Oppseiing Partane i denne avtalen aksepterar at oppseiing av avtalen eller endringar i avtalen som følgje av pålegg frå norske myndigheiter eller EØS organ ikkje skal føre til erstatningsplikt mellom partane. 1.11. Endringar, tillegg m.m. Endringar, tillegg m.m. til denne avtalen skal vera skriftelege, og skal seinast leggjast fram underteikna av begge partar på eit tidspunkt før første levering av dei varer og tenester som er omfatta av denne avtalen. Eventuelle endringar/tillegg m.m. skal og spesifisera kva omfang dei skal ha, m.a. om dei skal gjelda heile eller delar av leveransen under denne avtalen. 5

Dette skal likevel ikkje hindra at partane skrifteleg vedtek endringar på eit seinare tidspunkt som følgje av oppdukkande tilhøve dei ikkje var klar over då avtalen vart inngått. 1.12. Tilhøve til tredjemann Det er ikkje tillete å overføra rettar eller plikter etter denne avtalen til tredjemann utan skrifteleg samtykke frå den andre parten. I denne samanhengen vert kommunen, kommunen sine selskap og selskap/stiftelsar som mottek vesentlege økonomiske bidrag frå kommunen sett på som ei einig. Leverandøren pliktar å gje oppdragsgjevar dei same rettane overfor underleverandørar eller andre som deltek i oppfyljinga av leveransen i samband med denne avtalen. Desse vert og pålagt dei same pliktene som går fram av denne avtalen. 1.13. Dokumentrang Dersom avtaledokumenta inneheld krav som er i strid mot kvarandre, skal dokumenta gjelda i denne rekkefølgja: 1. endringar etter inngått avtale 2. spesielle skriftleg avtalte kontraktvilkår 3. tilbodet frå leverandør 4. konkurransegrunnlaget 5. den enkelte ordre og ordrestadfesting 1.14. Sikkerheit og krav til levering Krav til levering er fritt levert på dei ulike brukarstadane som dei enkelte tingar hjå kommunen, dersom ikkje anna er avtalt. Levering er utførd når den avtalte gjenstanden er motteke, mot kvittering for antal mottekne kolli, på avtalt stad og til avtalt tid. Leveringa skal skje innafor normal arbeidstid og før kl. 15:00 dersom ikkje anna er avtala. Risikoen for gjenstanden som avtalen omfattar går over på kommunen når avtalt levering har funne stad. Leverandøren står inne for at leveransen er i samsvar med norske lovar og forskrifter. Rekvisisjon/ordre skal på førehand vera nummerert og leggast fram for kvar bestilling, dette må vera i orden før varen vert levert. Leverandøren må snarast gje tilbakemelding til bestillar dersom ei levering vert forseinka i høve til avtalt leveringstid. Oppdragsgjevar skal på same måte informera leverandøren dersom oppdragsgjevar ikkje kan ta imot leveransen til avtalt tid. Leverandøren skal ved førespurnad kunna levera stadfesting på ordren. Dersom det førekjem feillevering i høve til ordren, skal leverandør kostnadsfritt ordna retur av varen og levera i samsvar med ordre. 6

1.15. Tilhøve til kjøpslova For tilhøve som ikkje vert dekka av avtalen, gjeld føresegnene i «lov om kjøp» av 13.05.1988 nr. 27. så langt desse er passande. 1.16. Tvistar Dersom det oppstår tvistar mellom partane om tolkingar eller rettsverknader av avtalane, skal tvisten løysast ved tingingar. Dersom tingingane ikkje fører fram, kan begge partane bringa saka inn for dei ordinære domstolane. Verneting er Hardanger tingrett. 7