Slakteriet AS Adm.enhet: Tildelingsseksjonen Hamregata 1 Sakshandsamar: Elisabeth Aadland Vaagsbø Telefon: 6900 FLORØ Vår referanse: 16/13612 Dykkar referanse: Dato: 21.02.2017 Att: Kristin Bergstøl Hansen Slakteriet AS 996679489 (SF-F-30) - Tilsagn om utviding av løyve til slaktemerd lokalitet 21235 Hesteneset i Flora kommune, Sogn og Fjordane. Synar til Dykkar søknad av 19.10.2016 med utfyllande informasjon via telefon 16.02.2017. Fiskeridirektoratet ber om orsak for lang sakshandsamingstid. Søknaden Slakteriet AS med løyvenr. SF-F- 30, søkjer om arealutviding og biomasseutviding av løyve til slaktemerd på lokalitet 21235 Hesteneset i Flora kommune, Sogn og Fjordane. Dagens kapasitet er på 351 tonn maksimal tillete biomasse (MTB), og det er ynskje om ei auke på 699 tonn MTB ei total kapasitet på 1050 tonn MTB. Omsøkt areal vil utvidast med 4000 m 2. Av søknaden går det fram at både brønnbåtar og laster har blitt større, og at det er trong for ei oppgradering av eksisterande anlegg ved Hesteneset. I samband med oppgradering av eksisterande anlegg, er det også ei trong for større biomassekapasitet i anlegget. Ei oppgradering vil gjere anlegget meir robust ved mottak av fisk og vil dermed redusera fare for uhell og i verste fall rømming. Ved ei auka biomasse vil dei kunne ta imot større mengdar fisk frå ein oppdrettar som nå har mogelegheita til å levera til dømes 300 tonn i ei vending. Dette vil også minka arbeidspresset på oppdrettsanlegget og gje færre handsamingar med fisken og dermed minka risikoen for auka stress på fisken og rømming av fisk. Om fleire oppdrettare vil gjere dette i same tidsrom er det med utvidinga ein god fleksibilitet og kapasitet på mottak i slaktemerdane. Postadresse: Postboks 185 5804 Bergen Besøksadresse: Strandgaten 229 Telefon: 03495 Telefaks: 55238090 Organisasjonsnr: 971 203 420 E-postadresse: postmottak@fiskeridir.no Internett: www.fiskeridir.no
Det vil nesten aldri vera maksimalt tillete biomasse i anlegget då det heile tida vert teke inn fisk til slakting, og 1050 tonn MTB er difor ei teoretisk kapasitet, men viktig å ha i bakhand om noko kritisk skulle skje. Ved å justera plasseringa som er skildra på teikningane vil Slakteriet AS kunne rette opp inntaket av fisk og gjere det meir skånsamt for fisken. Vest for lokaliteten, og innanfor 5 km, ligg det to utslippspunkt med avstand i sjølinje på omlag 880 meter og 1,1 km. Det ligg også eit utslippspunkt aust for lokaliteten, med avstand på omlag 1 km. Lokaliteten er ein del av eit fiskeslakteri, og det er difor ingen produksjon ved lokaliteten. I kommuneplanen er området satt av til VA1, som er eit område for ferdsel. Det er ikkje i samsvar med omsøkt føremål til akvakultur, og Slakteriet AS må difor søkja dispensasjon i frå kommuneplanen. Det er om lag 640 meter til næraste farled kor det er rutegåande trafikk. Slakteriet AS har betalt kr.12.000,- i sakshandsamingsgebyr. Vassutskiftinga målt i 2012 av Noomas Sertifisering AS og er ved 5 meters djupne på 2,8 cm/sek, og ved 15 meters djupne 2,5cm/sek. Rettsleg grunnlag for handsaming av søknaden Laksetildelingsforskrifta 8 fyrste ledd gjev Fylkeskommunen kompetanse til å klarera lokaliteter etter kapittel 6. Etter 8 andre ledd skal søknad om løyve etter kapittel 5 sendast til Fiskeridirektoratet for handsaming. Dersom Fiskeridirektoratet gjev tilsagn om løyve, skal tilsagnet sendast Fylkeskommunen som deretter føretek ei klarering av lokaliteten. Etter 22 fjerde ledd, skal akvakultur i slaktemerd nyttast til kortvarig lagring ved slakteriet av slakteklar matfisk. Av 23 fyrste ledd følgjer det generelle vilkår for tildeling og fornying av løyve til akvakultur til særlege føremål etter ei fagleg vurdering. Varighet av løyvet til særlege føremål fastsetjast etter ei konkret vurdering av trong, men vert gjeve mellombels for inntil 10 år om gangen. Ved forlenging av tidsbegrensa løyvar skal søknad vera i hende hos Fiskeridirektoratets regionkontor minimum eitt år før løyvet går ut, jf. 23 andre ledd. Etter 25 kan eit løyve berre gjevast til eit godkjend slakteri for lagring av slakteklar fisk. Det setjast krav om at lagring skal skje i umiddelbar nærleik til gjeldande slakteri. Etter 28b, kan ikkje maksimalt tillete biomasse per løyve overstige 780 tonn. 2
Fiskeridirektoratets vurdering av søknaden Slakterier AS har søkt om utviding av slaktemerder i sjø, då det er trong for større biomassekapasitet i anlegget og ei oppgradering av eksisterande anlegg ved Hesteneset grunna både brønnbåtar og laster har blitt større. Eksisterande anlegg har 351 tonn MTB, medan ei auke på 699 tonn MTB og eit areal på 4000m 2, vil gje ei total storleik på 1050 tonn MTB, noko som vil vera kapasitet nok til å kunne ta imot fleire aktørar innan kort tid. Slakteriet AS har opplyst at dagens kapasitet ligg på rundt 200 tonn MTB i døgnet, men at det ved nokre høve er inntil 4 oppdrettsselskap som skal slakte ut samstundes. Ved ei auke av MTB og eit utvida areal kan ein slakte ut mellom 300 og 700 tonn MTB samstundes, i tillegg til at ein kan ta imot ein ekstra brønnbåt. Fiskeridirektoratet er samd i at det er positivt å auke kapasiteten då ein kan hjelpa til om det skjer noko som gjer at det er trong for akutt utslakting, til dømes ei fiskesjukdom. I kommuneplanen er området satt av til VA1, som er eit område for ferdsel. Det er ikkje i samsvar med omsøkt føremål til akvakultur, og Slakteriet AS må difor søkja dispensasjon i frå kommuneplanens arealdel. I kommuneplanens føresegn under punkt 6.1 er det ei nærare forklaring på område VA1. Der går det fram at lakseslakteriet kan liggje der det ligg i dag, inntil det eventuelt er aktuelt å flytte det, men at anlegget ikkje kan tvangsflyttast. Fiskeridirektoratet peikar på at det difor er ein føresetnad at Flora kommune gjev dispensasjon til arealutvidinga av slaktemerden. Fiskeridirektoratet finn grunnlag for at Slakteriet AS har trong for å utvida areal og MTB på slaktemerdlokalitet 21235 Hesteneset i Flora kommune, Sogn og Fjordane, og kan ikkje sjå at det er grunnlag for å ikkje gje tilsagn med gyldigheit i 3 år frå denne vedtaksdato. Dette tilsagnet er ikkje gyldig før Sogn og Fjordane fylkeskommune har klarert lokaliteten. Vedtak Fiskeridirektoratet gjev Slakteriet AS tilsagn om løyve til slaktemerdlokalitet 21235 Hesteneset i Flora kommune, Sogn og Fjordane, med 1050 tonn maksimalt tillete biomasse av laks, ørret, regnbueørret. Vedtak om tilsagn er gjeve med heimel i laksetildelingsforskrifta 22 fjerde ledd, 23 fyrste ledd, 25 og 28b fyrste ledd. Tilsagnet vert gjeve på vanlege og spesielle vilkår, sjå nedanfor. Ein føresetnad for tilsagnet er at Sogn og Fjordane fylkeskommune kan klarera lokaliteten i samsvar med søknaden, jf. laksetildelingsforskrifta kapittel 6. Vilkår 3
Grunna søknaden overskrid 780 tonn MTB, skal eit eventuelt løyve skrivast ut som to løyver, jf. laksetildelingsforskrifta 28b fyrste ledd. Fiskeridirektoratet tek førehald om å revurdera tilsagnets storleik dersom trongen i høve til slakteriets kapasitet og drift på eit seinare tidspunkt tilseie det. Løyvet gjeld for lagring av slakteklar fisk av laks, ørret og regnbueørret. Det er ikkje tillete å fôre fisken i anlegget, jf. laksetildelingsforskrifta 22 fjerde ledd, og 25. Fisken skal berre haldast i anlegget i kort tid i påvente av slaktekapasitet, jf. laksetildelingsforskrifta 22 fjerde ledd. Fiskeridirektoratet synar også til akvakulturdriftsforskrifta 54 fyrste ledd. Løyvet er avgrensa i tid til 10 år fra løyvetidspunktet, jf. laksetildelingsforskrifta 23 fyrste ledd. Det er høve til å søkje om forlenging, jf. laksetildelingsforskrifta 23 andre ledd. Frista for å søkje om forlenging er nemnd i andre ledd, og ein slik søknad må vera i hende hos Fiskeridirektoratet minimum eitt år før løyvet går ut. Tilsagnet gjeld i 3 år frå dags dato. Fiskeridirektoratet fastset at søkjer sjølv i dette tilfellet er ansvarleg for å oversende søknaden til lokalitetsklarering til Sogn og Fjordane fylkeskommune. Fiskeridirektoratet rår til at det søkjast om lokalitetsklarering ca. 6 måneder før forventa trong for å lagre fisk. Endeleg løyve etter dette tilsagnet vil ikkje eksistera før utvidinga av slaktemerdanlegget er godkjend av fylkeskommunen. Klagerett Det kan klagast på vedtaket, jf. forvaltningslova 28. I medhald av forvaltningslova 27b, set Fiskeridirektoratet som vilkår for å reise søksmål at klageretten er nytta. Fiskeridirektoratet ber Sogn og Fjordane fylkeskommune om å fortsetje sakshandsaminga og skrive ut to løyver dersom lokaliteten kan klarerast med gjeldande vilkår. Med helsing Anne B. Osland seksjonssjef Elisabeth Aadland Vaagsbø rådgiver Brevet er godkjent elektronisk og vert sendt utan handskriven underskrift Mottakarliste: Slakteriet AS Hamregata 1 6900 FLORØ 4
Kopi til: Flora kommune Markegata 51 6905 FLORØ Sogn og Fjordane fylkeskommune Askedalen 2 6863 LEIKANGER Vedlegg Klageskjema 5