Sak 36/14. Fjellstyrebudsjettet for 2016 Budsjettframlegg er utarbeidd. Som samanlikningsgrunnlag er medteke rekneskapstala for 2014, budsjett og prognose for 2015. I prognosen for 2015 er det m.a. teke utgangspunkt i rekneskapstala pr. 31.10. Budsjettforslaget legg opp til eit årsunderskot på kr. 33 000. Kommentarar til postane i budsjettet: INNTEKTSSIDA: 3011 Utleige arbeidskraft/snøscooter Gjeld avtalen om utleige av ½ årsverk til Aurland Setjefisk BA, ½ årsverk til Lærdal kommune (viltforvalting), tenestesal til SNO i samband med jervregistrering og rovdyrskadedokumentasjon, i tillegg til anna arbeid for SNO og andre. Arbeidsomfang om lag det same som inneverande år. 3012 Villreinutvalet - refusjon oppsyn/sekretær Reknar med omlag tilsvarande arbeidsmengd som i 2015. 3300 Statskog - ref. oppsynsutgifter Etter fjellova skal 50 % refunderast, men statsbudsjettet avgjer reèll refusjon (ein liten auke i samla refusjonspott til fjellstyra i statsbudsjettet for 2016). Eige budsjett for oppsynet i Aurland er sendt til Statskog SF. Går i budsjettframlegget ut frå at tildelt sum vert noko avkorta i høve til omsøkt tilskot, ut frå kva som har vore normalen dei siste åra. 3302 Erstatningar Eco Vannkraft Desse vert indeksregulerte med visse mellomrom (kvart 4. år) Regulering skjedde sist ved utbetalinga i juli i 2014. 3303 Tilskot grunneigarfondet/ Statskog Tilskot til friluftstiltak for born og unge skulefiskedagane - er teke med her. Dette vert utbetalt av Statskog SF, men vert fordelt av regionalt oppsynsutval (ROU). Det er transporten av skuleborn til fiskedagar i fjellet fjellstyret har avtalt med skulane å dekka. 3304 Oppsynstilskot grunneigarar For oppsyn på privat grunn, 1 øre pr. daa, i følgje avtale med grunneigarlaget.
(Sak 36/15, side 2) INNTEKTER, FRAMHALD: 3306 Fiske Interessa for fiske i Aurland er stor, så eg reknar med at fiskekortinntektene (garnfiske + fjellstyret sin del av Aurlandskortsalet) held seg på det nivået dei har lege på dei siste par åra (med unnatak av sommaren i år, som vart dårleg grunna store mengder snø og is). Prisane er samordna med kortprisane på dei private sonene i fiskekortordninga, og vart auka før sesongen 2013. 3307 Sal av fellingsløyve rein Går ut frå like stor kvote som i 2015. Prisane vart sist justerte i 2014. Fjellstyret bør vurdera ny prisjustering i 2016, for at ikkje prishoppet skal bli for stort ved kvar justering. 3308 Sal av fellingsløyve hjort/elg Inntekta her avheng litt av om elgen vert skoten eller ikkje. Avtalane om hjort- og elgjakt i Nordheimsdalen vart forhandla på nytt i 2012. Då vart prisane noko oppjusterte. Avtalen med jakt- og fiskelaget varer ut jakta 2015. 3309 Småviltjakt Fjellstyret sitt vedtak om 2 veker utsett jaktstart i 2012 førde til eit stort fall i inntektene frå sal av jaktkort - salet vart ned mot 20 % av det som har vore vanleg, slik som ein hadde rekna med då vedtaket vart gjort. Sjølv med like sein jaktstart i år har inntektene av jaktkortsalet auka att. Det kan verka som om mange jegerar tilpassar seg seinare jaktstart, og jaktar så sant ver og føre gjer det mogeleg i år fram til midten av oktober. 3310 Festeavgifter Fjellstyret har krav på 50 % av dei festeavgiftene som vert innbetalte til Statskog SF for hytter og overnattingsverksemder. 3311 Overnatting fjellstyrehytter Bra auke i tal overnattingar på hyttene til fjellstyret i år, m.a. grunna den fine sommaren. Reknar med at desse inntektene vil halda seg på 2014-nivået framover, eller auka litt, sidan fleire no har vorte kjende med tilbodet. Det bør vurderast å justera prisane på utleiga av hytta i Håbergsholene, som har vore uendra sidan tilbodet kom i 2007. Interessa for å leiga hytta har auka mykje sidan tilbodet vart lagt ut på Inatur for eit par år sidan. 3312 Sal av trykksaker fjellstyrekontoret Salet av bladet "Villreinen" og valdkartet for Nordfjella.
(Sak 36/15, side 3) 8070 Renteinntekter Renter av bankinnskot og av lån til Aurland Setjefisk BA. Rentenivået har vore lågt dei siste åra, og vil truleg halda seg lågt. UTGIFTSSIDA: 5001 Løner oppsyn (refusjonsgjevande) Omlag 44 % av dei samla lønskostnadene for 2015 gjeld refusjonsgjevande arbeid for fjellstyret reknar med om lag same fordeling av arbeidstida neste år. Det er teke utgangspunkt i tala i oppsynsbudsjettet for 2016 som er vedteke av fjellstyret og sendt Statskog SF til godkjenning. Der var det rekna med ein lønsauke på 3,5 %. I tillegg til 2,5 årsverk faste tilsette, er det rekna med innleige av ferievikar tilsvarande 1 månadsverk til ettersyn med setjefiskanlegg og anna arbeid. 5001 Oppsyn anna arbeid (ikkje refusjonsgjevande) Lønskostnader i samband med arbeid for andre instansar, som er inntektsgjevande for fjellstyret. Utgjer i 2015 omlag 56 % av arbeidsmengda. 5401 Arbeidsgjevaravgift (refusjonsgjevande) 10,6 % av lønsutgiftene som gjeld arbeid for fjellstyret. 5401 Arbeidsgjevaravgift (ikkje refusjonsgjevande) 10,6 % av ikkje-refusjonsgjevande lønskostnader (Oppsyn anna arbeid og Møtegodtgjersle). 5451 Pensjons- og yrkesskadeforsikring I samsvar med inngåtte avtalar med dei tilsette (4 % av løn). 7101 Bilgodtgjersle Oppdrag frå andre instansar (som t.d. SNO og Aurland Setjefisk) fører til mykje køyring. På den andre sida kjem ein del av dette att på inntektssida, ved at køyringa vert fakturert. Det vart lagt opp til ei halvering av utbetalinga til bilgodtgjersle i 2015, då fjellstyret i fjor vår kjøpte inn ein fimabil til å ta den tyngste køyringa og dei lengste turane. Det ser ut til at dette langt på veg held stikk. 7151 Diettgodtgjersle Nivået på denne er nokså stabil. 5331 Møtegodtgjersle Kommunestyret vedtok i januar 2009 godtgjersler til fjellstyremedlemane. Eg har lagt desse til grunn i budsjettframlegget.
(sak 36/15, side 4) 6471 Driftsutgifter materiell Drifts- og vedlikehaldsutgifter av snøscooter, tilhengar, båtar m.v. Det er særleg vedlikehald av snøskuter som kan dra opp denne kostnaden. 6472 Firmabil Månadleg leasingavgift, drivstoff, årsavgift, forsikring og andre utgifter til bilhald. 6475 Andre utgifter oppsynsordninga Skal dekka arbeidsklede, pålagt sikringsutstyr og godtgjersle for bruk av eige utstyr i samsvar med tariffavtale, og supplering og fornying av dette. Avgifter for sikringsradio og abonnement og bruk av mobiltelefon kjem og på denne budsjettposten. 6700 Rekneskap/revisjon Må rekna med ein viss auke, i samsvar med kostnadsnivået elles. 6710 Kontorutgifter Om lag på samenivå som i 2015. 7000 Reinsjakt (fellingsavg. m.m.) Omlag på same nivå som i 2015. Fellingsavgifta for hjort og elg ligg og inne i denne summen. 7001 Fiske Hovuddelen av summen gjeld betaling av setjefisk kjøpt frå Aurland Setjefisk BA. 7002 Hytter, drift Den oppsette summen skal dekka kostnadene med drift og rutinemessig vedlikehald av fjellstyrehyttene. 7003 Tilskot til tiltak i allmenningen Kostnaden med planlagde fiskedagar for skuleklassar vert ført her. Som oppfølgjing av fiskeprosjektet som fjellstyret samarbeider med fjellstyresambandet om vert det føreslege å setja av pengar til å planleggja og søka om godkjenning for ein vegstubbe frå parkeringsplassen i Råsdalane og ned til vatnet. Hensikten er å kunna køyra ned med båthengar, med tanke på å betra tilgjenge og utnyttinga av fisket i dette vatnet. Som kjent gav Eco Energi avslag på søknaden fjellstyret sende om å få nytta ei nedkøyrsle som vart laga ved lukehuset sist sommar, i samband med utbetringa av overløpet ved dammen. Planleggingskostnad for tiltaket er sett til kr. 20.000, etter rådføring med Aurland Naturverkstad. Ein bør ta sikte på å tilskotsfinansiera det meste av anleggskostnaden.
(sak 36/15, side 5) 7004 Tilskot til allmennyttige føremål Kan løyvast av overskotet i fjellkassa, jfr. 11 i Fjellova. 7010 Møte/kurs/reiser Skal m.a. dekka kurs- og møteutgifter både for fjellstyremedlemar og tilsette. I 2016 er det både kurs for fjellstyra og landsmøte i fjellstyresambandet, så kostnaden vert noko større enn normalt. 7020 Hytter, bygningstiltak Hytta i Håbergsholene: Det vart i 2011 utført el-sjekk av fjellstyret si hytte i Håbergsholene, og det var budsjettert med utbetring av anlegget i 2014, berekna å kosta kr. 21.000. E-co Energi tok på seg å ta jobben med eigne folk, difor er summen ikkje medteken i budsjettet no. Ein vasslekkasje under hytta vart ordna for eit par år sidan. Det ser så langt ut til at dette har stabilisert grunnen under hytta, slik at store tiltak med grunnmur e.l. ikkje treng gjerast. Det må gjerast noko arbeid med listing oppunder taket inne, og pussing/måling av kjøkeninventar. Dette krev noko arbeid, men liten materialkostnad. Slangen som er lagt frå vasskjelda ovanfor vegen og ned til hytta bør gravast ned, noko som krev ei lita gravemaskin. Når ein først er der med maskin, bør det gravast ei dreneringsgrøft langs veggen ovanfor hytta. Samla kostnad for gravearbeid er rekna til kr. 25.000. Brubotnhytta: Taket på tilbygget (vedbua) er utett og må ha ny papp. Nokre råtne rupanelbord i sutaket må skiftast. Materialkostnad vert rekna til kr. 5000. 7420 Kontingent Norges fjellstyresamband Landsmøtet til fjellstyresambandet i 2014 vidareførde tidlegare nytta kontingentsats, som seier at kontingenten skal vera 4 % av bruttoinntektene til fjellstyret året før (3 % for fjellstyre med bruttoinntekt under 200.000). 7425 Kontingent og tilskot villreinutvalet Fjellstyret betalar fast kontingent. I tillegg er det innført eit oppsynstilskot for å dekka noko av villreinutvalet sitt oppsyn. For fjellstyra er dette på 3 øre pr. daa (2 øre for dei private jaktfelta). 7426 Kontingent Samarbeidsorganet for fjellstyra på Hardangervidda Dette er ein informasjonskontingent" som fjellstyret betalar for å få all informasjon som vert utsend. Fjellstyret har møterett i dette organet.
(sak 36/15, side 6) 7510 Forsikring hytter og materiell Går ut frå same nivå på forsikringspremien som det siste året. 7005 Trykkeutgifter og informasjonstiltak Utlegging av informasjon om tilboda i Aurland på Inatur sine sider og på fjellstyret si eiga nettside. Utgifter til trykking av jakt- og fiskekort og anna infomateriell kjem og på denne posten, sameleis annonsering av fjellstyremøta. Kjøp av bladet «Villreinen» til alle som tek ut jaktkort for villrein utgjer ein vesentleg kostnad. 7006 Mobiltelefon/sikringsradio Ein liten sum vert avsett i tilfelle det vert trong for utskifting. 7007 Båt/naust/motor Forslag om å kjøpa inn ein ny Pioner 13. Denne er tenkt å erstatta den gamle, utette aluminiumsbåten som dels har vore nytta ved hytta i Håbergsholene, og dels i samband med stamfiske og anna. Kostnad kr. 24.000. Torvtaket på naustet ved Hellenutvatnet må vølast me føreslær at det vert lagt impregnert bordtak på dette, slik det vart gjort på «Holmanaustet.» Materialkostnad kr. 12.000. 7008 Kontorutstyr Ingen planlgade kjøp, men ein sum bør setjast av i tilfelle det syner seg å vera trong for noko utskifting. 7009 Byte av snøskuter/kjelke/tilhengar Ein gammal biltilhengar som fjellstyret eig, 1982-modelll, er så sliten at han bør sanerast. Det vart i år kjøpt ein liten båthengar som gjer mange av dei same oppgåvene. Ein liten biltilhengar er likvel ynskjeleg, i tillegg til den større skuterhengaren. 7021 Garasje Garasjeleiga som fjellstyret betalar til Aurland Setjefisk BA var fram til i fjor kr. 11.000 i året. Det vart i år bygt eit halvtak for å få plass til båtar, tilhengarar under tak. Ein ny leigeavtale med høgare årleg leige må drøftast med styret for Aurland setjefisk SA. 8169 Finansutgifter Gebyr og rentekostnader. Fjellstyrekontoret, den 1.12.15 Harald Skjerdal