SULA KOMMUNE Valstyret INNKALLING MØTE NR. 1/17 Møtedato: 28.02.2017 Møtestad: Rådhuset, møterom 4. etg Møtetid: Kl. 16:00 Eventuelt forfall skal meldast til servicetorget, tlf 70 19 91 00. Varamedlemmer møter berre etter nærare innkalling frå administrasjonen. Møtet er ope for publikum. Sula kommune 23.02.17 Jim Arve Røssevoll utvalsleiar
Sakliste Saksnr. Sakstittel Gradering 001/17 Godkjenning av møtebok nr. 5/16 002/17 Valkrinsar - fastsetting av grenser og val av stemmelokale
SAKSFRAMLEGG Saksbehandlar: Gry Kristina Sommerstad Arkiv: K1-033 Arkivsaksnr: 17/312 17/3955 Godkjenning av møtebok nr. 5/16 Utval: Møtedato: Saksnr.: Valstyret 28.02.2017 001/17 Rådmannen si innstilling: Møteprotokollen vert godkjent. Tittel Dok.ID Protokoll - Valstyret - 20.09.2016 283019 1
SULA KOMMUNE MØTEPROTOKOLL NR. 5/16 VALSTYRET Møtedato: 20.09.2016 Møtetid: Kl. 16:00-16:00 Møtestad: Rådhuset, møterom 4. etg Følgjande medlem møtte Jim Arve Røssevoll Marthe Strandman Urvik Vibeke Bjørkavåg Svein Værnes Jan Magnar Sandvik Parti AP FRP H KRF SUL Møteleiar: Jim Arve Røssevoll Frå administrasjonen: Rådmann Leon Aurdal, formannskapssekretær Åge Erstad Remvik Innkalling: Ingen merknad Sakliste: Ingen merknad Utlevert i møtet: Ingen dokumenter til sakene. Behandla saker: 13/16-15/16 Orientering: Formannskapssekretæren orienterte i samband med referatsaka om moglegheit til å ta i bruk elektronisk manntal i vallokala, og bad i den samanheng valstyre om å vurdere om det bør utarbeidast sak om reduksjon i talet på valkrinsar. Valstyret bad om at det vert lagt fram ei sak om dette. Sp.mål/interpell.: Ingen Diverse: Ingen Underskrifter: Jan Magnar Sandvik Jim Arve Røssevoll Vibeke Bjørkavåg Åge Erstad Remvik referent
Saksliste Saksnr. Sakstittel Gradering 013/16 Godkjenning av møtebok nr. 4/16 014/16 Nytt valoppgjer - mellombels suppleringsval for Venstre si varaliste til kommunestyret 015/16 Referatsaker Side 2
013/16: Godkjenning av møtebok nr. 4/16 Rådmannen si innstilling: Møteprotokollen vert godkjent. Behandling i Valstyret 20.09.2016 Rådmannen si innstilling vart samrøystes vedtatt. VALS- 013/16 Vedtak: Møteprotokollen vert godkjent. 014/16: Nytt valoppgjer - mellombels suppleringsval for Venstre si varaliste til kommunestyret Rådmannen si innstilling: Sula valstyre vedtar å supplere Venstre si varaliste med Ove Kaldhol på varaplass nr. 4 i perioden 1.oktober 2016 t.o.m. 1.juli 2017. Behandling i Valstyret 20.09.2016 Rådmannen si innstilling vart samrøystes vedtatt. VALS- 014/16 Vedtak: Sula valstyre vedtar å supplere Venstre si varaliste med Ove Kaldhol på varaplass nr. 4 i perioden 1.oktober 2016 t.o.m. 1.juli 2017. 015/16: Referatsaker Rådmannen si innstilling: Meldingane vert tekne til etterretning slik dei ligg føre. Behandling i Valstyret 20.09.2016 Rådmannen si innstilling vart samrøystes vedtatt. VALS- 015/16 Vedtak: Meldingane vert tekne til etteretning slik dei ligg føre. Side 3
Side 4
SAKSFRAMLEGG Saksbehandlar: Åge Erstad Remvik Arkiv: K1-011 Arkivsaksnr: 16/557 17/3623 Valkrinsar - fastsetting av grenser og val av stemmelokale Utval: Møtedato: Saksnr.: Valstyret 28.02.2017 002/17 Rådmannen si innstilling: Valstyret vedtar slik inndeling av kommunen sine valkrinsar: 01. Indre; Solevåg og Mauseidvåg valkrins (samanslått Solevåg og Mauseidvåg krinsar) 02. Midtre; Fiskarstrand valkrins (som i dag) 03. Ytre; Langevåg valkrins (som i dag) Vallokale skal vere hhv. Solevågshallen, Fiskarstrand skule og Sulahallen. Bakgrunn for saka: Sula kommunestyre vedtok i sak 016/17 at kommunen skal vere inndelt i 3 valkrinsar ved Stortingsvalet i 2017. Fristen for å melde inn krinsendringar til kartverket er 31.mars. Valstyret skal i denne saka behandle to spørsmål; 1) krinsinndelinga, og 2) vallokale. Krinsinndelinga/grensene vil først og fremst spele ei rolle for bemanninga i dei ulike vallokala, men er også av ei viss symbolsk betyding. Når det gjeld val av lokale og bør universell utforming/tilgjengelegheit praktiske omsyn vege tyngst. Saksopplysningar: 1. Krinsinndeling Dagens krinsinndeling ser slik ut, og fordelinga av stemmeføre og oppmøte ved valet i 2015 går fram av tabellen under: 1
Ein reduksjon frå 4 til 3 valkrinsar i Sula er ikkje forventa å medføre store konsekvensar for sjølve valavviklinga i Sula, då tre av krinsane er relativt små og endringane like så. Ved overgangen til 3 krinsar vil det vere ein fordel å unngå å ei «oppdeling» av dei eksisterande krinsane. Rådmannen rår derfor til at Måseide krins i sin heilskap vert slått saman med anten Fiskarstrand krins eller Solevåg krins. Reiseveg og kapasitet i vallokalet vil her vere dei viktigaste praktiske omsyna, noko som talar for at Måseide og Solevåg krins blir slått saman (med vallokale Solevågshallen). I tillegg vil grendaidentitet og kjensle av naturleg tilhøyrsle vere av symbolsk vekt. Ved innføring av elektronisk manntal vil kommunen ikkje lenger oppmode veljarane om å stemme i eigen krins, men der det passar dei best. Slik sett vil innbyggjarar som ønskjer å oppsøke stemmelokalet på Fiskarstranda fritt kunne gjere det sjølv om dei høyrer til «Måseide/Solevåg» krins. 2. Val av stemmelokale Det ligg ikkje føre kritiske høve som tilseier endringar i dei vallokala vi har i dag. Med utgangspunkt i innføringa av elektronisk manntal vil rådmannen likevel tilrå at kommunen tar i bruk eigne, kommunale lokale, då desse er tilkopla det kommunale datanettet. Trygg oppkopling til internett vil vere avgjerande for at valdagen kan avviklast på ein god måte. Valdirektoratet si klare anbefaling er ei kabla løysing, med mobilnett som backupløysing. Bedehusa i Langevåg og på Fiskarstranda har ikkje kabla tilgang i dag. Dersom desse fortsatt skal nyttast må kommunen dekke etableringsavgift + bindingstid for installasjon frå teleoperatør, eller eventuelt inngå avtale om å dekke ein andel av kostnaden dersom utleigar 2
vil installere sjølv. Kostnaden for dette avheng av løysinga som blir vald (behov for kabling lokalt, hastighet, bindingstid mv.), men vil anslagsvis kunne kome på 10.-15.000kr per lokale. Lokalleia for bedehusa har ved dei to siste vala lagt på 2500-4200kr per lokale, om lag 10.000kr til saman for alle tre bedehusa. Samla sett vurderer derfor rådmannen det som ei rimelegare og enklare løysing om dei kommunale lokalitetane vert tatt i bruk: Solevåg krins/ indre: Tilbakemeldingane på Solevågshallen som vallokale har vore gode, og rådmannen rår til at denne vert vidareført uavhengig av endringar i storleiken på krinsen. Fiskarstrand krins/midtre: Bedehuset på Fiskarstranda har fungert godt som vallokale, men med noko avgrensa parkeringsplass. For å kunne ta i bruk elektronisk manntal på enklaste og billigaste måte rår rådmannen til at Fiskarstrand skule og gymsalen vert tatt i bruk som vallokale. Langevåg krins: Langevåg bedehus har fungert tilfredsstillande som vallokale, men det har kome nokre tilbakemeldingar om at det blir noko trongt og uoversiktleg i dei hektiske periodane. Det er også kome tilbakemelding om at belysninga ikkje er god nok. Om vi skulle lukkast med å auke frammøteprosenten ved valet i år vil presset på Langevåg bedehus auke ytterlegare. Dette, og argumenta om ei enklare, tryggare og rimelegare nettilkopling gjer at rådmannen tilrår Sulahallen som vallokale for Langevåg krins. I tillegg er det godt med parkeringsplass tilknytt lokalet. Vurdering: Ei overordna målsetting med organiseringa av val er å legge til rette for høgast mogleg valdeltaking, og at alle som ønskjer det skal få stemme utan unødige hindringar. Valdeltakinga i Sula var lav ved kommunevalet i 2015 (55% mot landssnitt 60%, 396. plass av landets 428 kommunar) etter gjeldande organisering med fire krinsar. Sjølv om kort veg til vallokalet talar for høgare valdeltaking er det grunn til å tru at reiseavstand ikkje er hovudutfordringa knytt til valdeltakinga i Sula. Aktiv marknadsføring av tilbodet om å tidleg- eller førehandsstemme, samt tilbodet om å stemme i eigen heim og i institusjon, utviding av opningstida i vallokala (til kl. 21.00) og bruk av sosiale media vil vere aktuelle tiltak som kan spele positivt inn på valdeltakinga. I tillegg kjem sjølvsagt innsatsen frå dei politiske partia. Å ta i bruk skulane som vallokale vil kunne medføre enkelte trafikkmessige utfordringar, men ikkje større enn dei vi allereie har i dag. Gjennom god dialog med skuleleiinga, god kommunikasjon ut til foreldre som skal hente born ved skulane og bruk av trafikkvakter/god skilting bør den trafikale avviklinga la seg løyse tilfredsstillande. Ein positiv tilleggseffekt av å nytte skulane er ei enklare og meir tilgjengeleg avvikling av skulebesøk i vallokale, ein viktig og populær aktivitet. Samla sett vurderer derfor rådmannen å endre valkrinsar og vallokale slik det går fram av innstillinga. 3
4