MØTEINNKALLING Utval: KOMMUNESTYRET Møtestad: rådhuset Møtedato: 24.09.2009 Tid: 16.30 Varamedlemmer møter berre etter nærare innkalling SAKLISTE Sak nr. Arkivsak nr. Tittel 25/09 09/817 VAL AV NY MEDLEM I OVERFORMYNDERIET 26/09 09/818 VAL AV NYE VARAMEDLEMAR I UTVAL FOR PLAN OG UTVIKLING 27/09 09/762 SØKNAD OM SERVERINGS- OG SKJENKELØYVE - BENSEN BAR 28/09 09/592 SØKNAD OM SKJENKELØYVE - ELISABETH KNAP 29/09 09/711 MUSIKKBINGE I BALESTRAND YMSE Tema: Barnevernet Balestrand 28.12.09 Einar Målsnes Ordfører
Sak 25/09 MØTEBOK Sak nr.: Utval Møtedato 4/09 Valnemnd 09.09.2009 25/09 Kommunestyret 24.09.2009 Sakshandsamar: Vidar Roseth Arkivsaknr.: 09/817 Arkiv: 033 X47 VAL AV NY MEDLEM I OVERFORMYNDERIET Vedlegg: Bakgrunn: Sak 71/07 i kommunestyret den 19.12.07 Lovheimel: Vergemålslova kap. 3 SAKSOPPLYSNINGAR Overformynderiet skal vanlegvis vere samansett av to overformyndarar. Desse vert valde, ein annakvart år, for 4 år rekna frå 1. januar etter valet. Annakvart år vert det for dei fylgjande to åra valt to varamedlemar. Rekkefylgja mellom varamedlemane vert bestemt ved valet. Overformynderiet er i dag samansett slik: Medlemar: Ragnar Urtegård Thue (leiar) (valt for perioden 2008-2011) Katja Nyborg-Christensen (valt for perioden 2006-2009) Varamedlemar: Liv Anne Breidablik (valt for perioden 2008-2009) Jofrid Gjeraker (valt for perioden 2008-2009) I samband med flytting frå kommunen går Katja Nyborg-Christensen ut av overformynderiet og det må veljast ny medlem. VURDERING
Sak 25/09 Det må vurderast om den nye medlemen skal veljast berre for resten av perioden, dvs ut 2009, eller om ein no skal gjere eit val for fire år fram i tillegg. Det vert tilrådd at ein no gjer eit val som gjeld ut 2009, og at ein mot slutten av året handsamar sak om val av medlem for dei neste fire åra og varamedlemar for dei neste to åra. Rådmannen si tilråding: Handsaming: Valnemnd : Einar Målsnes gjorde framlegg om Jofrid Gjeraker som ny medlem i overformynderiet ut 2009 og neste fireårsperiode. Han la og fram framlegg om Oddrun Thorsnes som ny varamedlem ut 2009 og neste toårsperiode. Vidare gjorde han framlegg om at Liv Anne Breidablik vert varamedlem neste toårsperiode. Det vart røysta over framlegget frå Målsnes, som vart samrøystes tilrådd. Tilråding Jofrid Gjeraker vert valt til ny medlem i overformynderiet ut 2009 og i perioden 2010-2013. Oddrun Thorsnes vert valt til ny varamedlem i overformynderiet ut 2009 og i perioden 2010-2011. Liv Anne Breidablik vert valt til varamedlem i overformynderiet i perioden 2010-2011. Samrøystes
Sak 26/09 MØTEBOK Sak nr.: Utval Møtedato 5/09 Valnemnd 09.09.2009 26/09 Kommunestyret 24.09.2009 Sakshandsamar: Vidar Roseth Arkiv: 033 Arkivsaknr.: 09/818 VAL AV NYE VARAMEDLEMAR I UTVAL FOR PLAN OG UTVIKLING Vedlegg: Bakgrunn: Lovheimel: Kommunelova 16. Vallova 11-2. SAKSOPPLYSNINGAR Jakob Nyborg-Christensen har desse verva i Balestrand kommune i inneverande kommunestyreperiode: 2. varamedlem for Venstre i kommunestyret 1. varamedlem for Venstre i utval for plan og utvikling Flytting frå kommunen medfører behov for å velje ny varamedlem for Jakob Nyborg- Christensen. Tove Karin Ytrelid Andersen har hatt desse verva i Balestrand kommune i denne kommunestyreperioden: 6. varamedlem for Venstre i kommunestyret 3. varamedlem for Venstre i utval for plan og utvikling Flytting frå kommunen medfører behov for å velje ny varamedlem for Tove Karin Ytrelid Andersen. Når det gjeld varamedlemslista for Venstre i kommunestyret, bør det vurderast om denne framleis kan vere tilstrekkeleg sjølv om desse to varamedlemane går ut. I motsett fall må ein i tilfelle fylgje føresegnene i vallova 11-2. Det inneber at valstyret formelt må stadfeste oppnemninga av nye varamedlemar, anten ved nytt valoppgjer, eller ved at gruppa sjølv avgjer kven som skal rykke inn på ledige plassar dersom det ikkje er nok kandidatar.
Sak 26/09 Det må uansett veljast nye varamedlemar til utval for plan og utvikling. Suppleringsvalet skal då når organet er valde ved forholdsval foretakast frå den gruppa varamedlemane tilhøyrde ved val til organet, dvs frå Venstre. Reglane om kjønsrepresentasjon vil også gjelde i høve til eit slikt suppleringsval av varemedlemar, jfr kommunelova 16 nr 5. VURDERING Rådmannen si tilråding: Handsaming: Valnemnd : Råmund Nyhammer la fram slikt framlegg til ny varamedlemsliste for Venstre i utval for plan og utvikling: 1. Oddrun Thorsnes 2. Emma Bale 3. Ragnar G. Aaland Han la vidare fram framlegg om opprykk på varamedlemslista til kommunestyret, slik at denne vert slik: 1. Jarle Geithus 2. Kari Bolstad 3. Oddrun Thorsnes 4. Brit H. Sundgot 5. Emma Bale 6. Ragnar G. Aaland Det vart røysta over framlegget frå Nyhammer, som vart samrøystes tilrådd. Tilråding
Sak 26/09 Det vert gjort slikt val av varamedlemar for Venstre i utval for plan og utvikling: 1. Oddrun Thorsnes 2. Emma Bale 3. Ragnar G. Aaland Varamedlemslista for Venstre i kommunestyret vert endra slik: 1. Jarle Geithus 2. Kari Bolstad 3. Oddrun Thorsnes 4. Brit H. Sundgot 5. Emma Bale 6. Ragnar G. Aaland Samrøystes
Sak 27/09 MØTEBOK Sak nr.: Utval Møtedato 17/09 Utval for oppvekst og omsorg 24.08.2009 27/09 Kommunestyret 24.09.2009 Sakshandsamar: Vidar Roseth Arkivsaknr.: 09/762 Arkiv: U63 SØKNAD OM SERVERINGS- OG SKJENKELØYVE - BENSEN BAR Vedlegg: Bakgrunn: Lovheimel: Søknad av 13.08.09 om vidareføring av serverings- og skjenkeløyve Søknad av 02.06.08 om serveringsløyve Søknad av 28.05.08 om skjenkeløyve Utskrift, samla saksframstilling, 20.06.08 Uttale frå politiet Rusmiddelpolitisk handlingsplan Alkohollova. Lov om serveringsverksemd SAKSOPPLYSNINGAR Balestrand kommunestyre gjorde den 18.06.08 vedtak om serverings- og skjenkeløyve for Bensen Bar fram til 01.09.09. I møte i formannskapet den 20.06.08 vart vedtaket om skjenkeløyve utvida (bruk av hasteparagrafen). Det ligg no føre søknad om vidareføring av serverings- og skjenkeløyve. Søknaden er kortfatta, men kan sjåast i samanheng med tidlegare søknad. Det vert lagt til grunn at søknaden om skjenkeløyve gjeld skjenking av alkoholhaldig drikk i gruppe 1 og 2 (inntil 22 volumprosent alkohol). Det er munnleg opplyst at Lars Jonas Pedersen erstattar Theodor Kvikne som stedfortreder for styrar for skjenkeløyvet. Det vert elles vist til tidlegare søknad og sak, og ein legg til grunn at verksemda vert vidareført etter same konsept. Sosialtenesta har ikkje merknader til søknaden, men ein føreset at skjenking foregår i kontrollerte former. Det vert elles vist til uttale frå politiet. VURDERING
Sak 27/09 At tidsavgrensinga for eksisterande skjenkeløyve er sett til 01.09.09 beror truleg på ein inkurie, då det i andre høve er gjeve løyve til drift fram til 01.10.09. Rådmannen ser ikkje spesielle grunnar til at serverings- og skjenkeløyve ikkje skal kunne vidareførast. Det er ikkje registrert brot på vilkår og føresegner i inneverande løyveperiode. Rådmannen si tilråding: 1. Søknad om serveringsløyve ved Bensen Bar vert innvilga med atterhald om Mattilsynet si godkjenning av verksemda. Lars Jonas Pedersen er dagleg leiar. Det vert stilt krav om gjennomført etablerarprøve for dagleg leiar. 2. Det vert med heimel i alkohollova 1-7 gjeve løyve til skjenking av alkoholhaldig drikk i gruppe 1 og 2 (inntil 22 volumprosent alkohol) for perioden 01.10.09-.. Løyvehavar: Bensen Bar Styrar for skjenkeløyve: Kjell Rune Sværen Stedfortreder: Lars Jonas Pedersen Skjenkestad: Bensen Bar Skjenkeområde: Inneområde, jfr teikning Skjenketid: 08.00 02.00 Det vert stilt krav om at stedfortreder gjennomførar kunnskapsprøva i alkohollova. 3. Ved endring i driftskonseptet for verksemda eller deler av denne skal det i høve alkohollova 4-2 søkjast på nytt. 4. Det er ein føresetnad at skjenkearealet ikkje vert utvida i høve til i dag, jfr. teikning over serveringsområdet.
Sak 29/09 MØTEBOK Sak nr.: Utval Møtedato 18/09 Utval for oppvekst og omsorg 24.08.2009 28/09 Kommunestyret 24.09.2009 Sakshandsamar: Vidar Roseth Arkivsaknr.: 09/592 Arkiv: U63 SØKNAD OM SKJENKELØYVE - ELISABETH KNAP Vedlegg: Søknad om skjenkeløyve, 10.06.09 Uttale frå politiet Bakgrunn: Ruspolitisk plan Lovheimel: Alkohollova. Lov om serveringsverksemd. SAKSOPPLYSNINGAR Elisabeth Knap har søkt om skjenkeløyve i lokale i tidlegare Bøyum pensjonat, jfr vedlegg. Sidan skjenkeløyve og føreset serveringsløyve, vert det lagt opp til parallell handsaming av serveringsløyve. Søknaden kom inn for seint til å verte handsama politisk før ferien. Det er opplyst at det aktuelle arealet vil vere heile 1. etasje i bygget, i tillegg til delvis innelukka veranda i flukt med 1. etasje. Det er vidare opplyst at søknaden gjeld skjenking av øl, rusbrus og vin, dvs alkoholhaldig drikk inntil 22 volumprosent alkohol. Det er munnleg presisert at verksemda vert driven for Elisabeth Knap si rekning. Sosialtenesta har ikkje merknader til søknaden, men ein føreset at skjenking føregår i kontrollerte former. Det vert elles vist til uttale frå politiet. VURDERING Rådmannen legg til grunn at løyve vert gjeve med same tidsavgrensing for alle skjenkestadene, dvs kl 08.00 02.00 når det gjeld alkoholhaldig drikk inntil 22 volumprosent. Sidan det i dag er branntryggingsmessige problemstillingar knytt til bruken av øvrige etasjar, kan det vere grunn til å føresette at servering og skjenking er fysisk avgrensa til 1. etasje.
Sak 29/09 Rådmannen si tilråding: 1. Det vert gjeve serveringsløyve til Elisabeth Knap i lokalet Bøyum med atterhald om Mattilsynet si godkjenning av verksemda. Det vert stilt krav om gjennomføring av etablerarprøve. 2. Det vert med heimel i alkohollova 1-7 gjeve slikt løyve til skjenking av alkoholhaldig drikk i gruppe 1 og 2 (alkoholhaldig drikk inntil 22 volumprosent) fram til 31.03.12.: Løyvehaver: Elisabeth Knap Styrar for skjenkeløyve: Elisabeth Knap Stedfortreder: Oda Jensen Hjetland Skjenkestad: Bøyum Skjenkeområde: 1. etasje og veranda Det vert stilt krav om at styrar og stedfortreder gjennomfører kunnskapsprøva i alkohollova. Det er ein føresetnad at skjenkeområdet er fysisk avgrensa, slik at det ikkje er tilgang for besøkande til andre delar av bygget. 3. Ved endring i driftskonseptet for verksemda, eller delar av det, skal det i høve alkohollova 4-2 søkjast om løyve på nytt. 4. Det er ein føresetnad at skjenkearealet ikkje vert utvida i høve til omsøkt areal. Handsaming: Utval for oppvekst og omsorg : Anne Margrethe Kråvik (KrF) gjorde framlegg om å utsette saka. Det vart røysta over dette. Framlegget fekk 1 røyst og fall. Kari Tordis Aarskog (V) la fram slikt framlegg til vedtak: 1. Det vert gjeve serveringsløyve til Elisabeth Knap i lokalet Bøyum med atterhald om Mattilsynet si godkjenning av verksemda. Det vert stilt krav om gjennomføring av etablerarprøve hausten 2009. 2. Det vert med heimel i alkohollova 1-7 gjeve slikt løyve til skjenking av alkoholhaldig drikk i gruppe 1 og 2 (alkoholhaldig drikk inntil 22 volumprosent) fram til 31.03.12.:
Sak 29/09 Løyvehaver: Styrar for skjenkeløyve: Stedfortreder: Skjenkestad: Skjenkeområde: Skjenketid: Elisabeth Knap Elisabeth Knap Oda Jensen Hjetland Bøyum 1. etasje og veranda Kl 13.00 23.00 kvardagar og kl 15.00 23.00 søndagar Det vert stilt krav om at styrar og stedfortreder gjennomfører kunnskapsprøve i alkohollova hausten 2009. Det er ein føresetnad at skjenkeområdet er fysisk avgrensa, slik at det ikkje er tilgang for besøkande til andre delar av bygget. 3. Ved endring i driftskonseptet for verksemda, eller delar av det, skal det i høve alkohollova 4-2 søkjast om løyve på nytt. 4. Det er ein føresetnad at skjenkearealet ikkje vert utvida i høve til omsøkt areal. Det vart røysta over framlegget frå Kari Tordis Aarskog, som vart vedteke med mot 1 røyst. Tilråding 1. Det vert gjeve serveringsløyve til Elisabeth Knap i lokalet Bøyum med atterhald om Mattilsynet si godkjenning av verksemda. Det vert stilt krav om gjennomføring av etablerarprøve hausten 2009. 2. Det vert med heimel i alkohollova 1-7 gjeve slikt løyve til skjenking av alkoholhaldig drikk i gruppe 1 og 2 (alkoholhaldig drikk inntil 22 volumprosent) fram til 31.03.12.: Løyvehaver: Elisabeth Knap Styrar for skjenkeløyve: Elisabeth Knap Stedfortreder: Oda Jensen Hjetland Skjenkestad: Bøyum Skjenkeområde: 1. etasje og veranda Skjenketid: Kl 13.00 23.00 kvardagar og kl 15.00 23.00 søndagar Det vert stilt krav om at styrar og stedfortreder gjennomfører kunnskapsprøve i alkohollova hausten 2009. Det er ein føresetnad at skjenkeområdet er fysisk avgrensa, slik at det ikkje er tilgang for besøkande til andre delar av bygget. 3. Ved endring i driftskonseptet for verksemda, eller delar av det, skal det i høve alkohollova 4-2 søkjast om løyve på nytt. 4. Det er ein føresetnad at skjenkearealet ikkje vert utvida i høve til omsøkt areal. Vedteke (4 mot 1) MØTEBOK
Sak 29/09 Sak nr.: Utval Møtedato 33/09 Formannskapet 25.08.2009 29/09 Kommunestyret 24.09.2009 Sakshandsamar: Vidar Roseth Arkivsaknr.: 09/711 Arkiv: 233 A30 MUSIKKBINGE I BALESTRAND Vedlegg: Bakgrunn: Lovheimel: Informasjon om musikkbingeordninga Brev av 15.07.09 frå Musikkutstyrsordninga om innvilga søknad SAKSOPPLYSNINGAR I tråd med St.m. nr 21 (2007-2008) Samspill et løft for rytmisk musikk er det etablert ei ny ordning for utstyr til scener og øvingslokale for rytmisk musikk. Med midlar avsett til denne ordninga gir Kultur- og kyrkjedepartementet tilskot til kommunar som ynskjer utplassering av musikkbingar. Målet er å gi god tilgang til øvingslokale over heile landet. Musikkutstyrsordninga har inngått rammeavtale for levering av inntil 100 musikkbingar. Det vert føresett at mottakarar av tilskot kjøper musikkbinge gjennom denne rammeavtalen. Ein musikkbinge er eit komplett og nøkkelklart øvingslokale for rytmisk musikk for enkel utplassering. Den vert produsert i to variantar som brakke og container. Den tilfredsstiller alle krav til innvendig akustikk og utvendig lydisolering. Bingen er ca 8 x 4 m. I tillegg til eit øvingslokale på 23 m 2 er bingen utstyrt med to bodar til oppbevaring av utstyr, og eit vindfang. Balestrand kommune v/kulturskulerektor har innan fristen for dette lagt inn ein søknad om musikkbinge, og kommunen har fått innvilga søknaden. Søknaden gjaldt varianten med brakke. Den samla kostnaden er kr 373.375 inkl. mva. Kommunen får refundert momsen på kr 74.675. Vidare får kommunen eit statstilskot på kr 185.000 til kjøpet. Dette inneber at eigendelen for kommunen i utgangspunktet er kr 113.700. Musikkutstyrsordninga dekkar frakt og kostnader til montering. Mottakarkommunen må syte for tilrettelegging av tomt og el-tilkobling. Ein kan velje frå ei standard utstyrspakke til utstyring av lokalet med teknisk utstyr eller skaffe slikt utstyr utanom. Det vert gitt statleg tilskot på 50 % av kostnadene med utstyr inntil kr 25.000. Det inneber at dersom det vert skaffe utstyr for i alt kr 50.000 ekskl mva, må kommunen dekke kr 25.000 sjølv. Kommunen har ansvaret for drifta av anlegget, herunder dekke alle driftskostnader, som straum reinhald m.v.
Sak 29/09 Sjølv om det er søkt om og gjeve tilsegn om tilskot, er kommunen ikkje bunden til å kjøpe musikkbinge. Aktuelle finansieringskjelder kan i tillegg til momsrefusjon og statleg tilskot vere bidrag frå private og organisasjonar, dugnadsinnsats og bruk av kommunale midlar som t.d. ubundne kapitalfond. VURDERING Mange unge har eit behov for fritidsaktivitetar som går på utøving/eksperimentering med musikk i sosiale samanhengar. Dette kan og gjelde ungdom som ikkje har så stor interesse av organiserte aktivitetar som idrett o.a. Ein musikkbinge vert vurdert som eit verdifullt tilskot til tilbodet for ungdom i Balestrand kommune. Tilbodet passar i så fall naturleg inn under kulturskulen. Framover vil ein vektlegge ei større grad av samordning mellom kulturskulen og ungdomsarbeidet som vert tilrettelagt av ungdomsarbeidaren. Når det gjeld plassering av ein musikkbinge, ser ein pr i dag føre seg at dette vert i tilknyting til kulturskulen/bygdahuset. Ein må kome tilbake til meir konkrete avklaringar i høve til dette. Det bør takast høgde for ei samla investering på kr 140.000 ekskl mva som kommunen må finne ei finansieringsløysing for. I høve til finansiering har ein av utspel i media sett at det kan vere vilje til private bidrag. Det kan t.d. vere mogeleg å føresette at teknisk utstyr vert finansiert ved bidrag frå næringsliv/private. Kommunen har litt midlar avsett til rusførebyggjande tiltak (kr 8.000) som kan inngå i finansieringa. Tilrettelegging av tomt og fundamentering (ved Leca-blokkar) kan gjerast på dugnad. Utover dette ser rådmannen bruk av ubundne kapitalfond som den mest aktuelle finansieringskjelda. Rådmannen si tilråding: Balestrand kommune inngår avtale med Musikkutstyrsordningen om kjøp av musikkbinge (brakke). Samla investeringskostnad vert sett til kr 406.250 inkl. mva. inkl. utstyr. Finansiering: Samla momskompensasjon (inkl. mva på utstyr) kr 81.250 Statstilskot kr 185.000 Bidrag frå private/dugnad kr 18.300 Midlar til rusførebyggjande tiltak kr 8.000 Bruk av ubundne kapitalfond kr 113.700 Rådmannen frå fullmakt til å inngå avtale med Musikkutstyrsordninga.
Sak 29/09 Handsaming: Formannskapet : Det vart orientert om at ungdområdet løyver inntil kr. 20.000 til tiltaket. Formannskapet kom samla fram til slik Tilråding: Balestrand kommune inngår avtale med Musikkutstyrsordningen om kjøp av musikkbinge (brakke). Samla investeringskostnad vert sett til kr 406.250 inkl. mva. inkl. utstyr. Finansiering: Samla momskompensasjon (inkl. mva på utstyr) kr 81.250 Statstilskot kr 185.000 Bidrag frå private/dugnad kr 18.300 Midlar frå ungdomsrådet kr. 20.000 Midlar til rusførebyggjande tiltak kr 8.000 Bruk av ubundne kapitalfond kr 93.700 Rådmannen frå fullmakt til å inngå avtale med Musikkutstyrsordninga. Samrøystes