saksframlegg Dato: Referanse: Vår saksbehandlar: 24.11.2014 74846/2014 Svein Ivar Aarskog Saksnr Utval Møtedato Samferdselsutvalet 02.12.2014 Ruteendringsprosessen 2015 1. Bakgrunn Samferdselavdelinga har motteke forslag om ruteendringar både på buss, ferje og hurtigbåt i samband med den årlege ruteendringsprosessen. Nokre av forslaga har kome for seint inn til fristen som var sett til 20. august, men ein har søkt å handsame alle innspela på ein god måte, noko som fylkesrådmannen har lykkast med i nesten alle sakene. Den ordinære ruteendringsprosessen er saker på bakgrunn av ønsker frå kommunar og selskap. Årsaka til at saka kjem tidleg i desember, er endra krav frå samferdselsdept. Endring av kunngjeringsplikta til 4 månader er til tiltak for å betre ruteinformasjon for mellomanna reiselivet. Fleire av innspela frå kommunane er mindre justeringar som ikkje medfører økonomiske konsekvensar. Desse må sjåast i samanheng med rutetransporten elles, og særleg skoleskyssen. Desse vil bli imøtekommen så langt som rå er. Den økonomiske situasjonen gir dessverre ikkje rom for auke i kostnadene. Administrasjonen vil rå til at det blir oppretta prosjekt i nokre områder for å sjå om ein samla sett kan få eit tilbod som er betre tilpassa publikum sine behov utan at det kostar meir enn ein betalar i dag. Denne ruteendringssaka vil innehalde endringar på fylkesvegferjer, medan Statens Vegvesen vil presentere ruteendringar ferjene på E39 i ei referatsak i dette møtet. Samferdselsavdelinga har med bakgrunn i kollektivstrategien gått gjennom heile produksjonen dei siste åra knytt til rutebil. Bussruter med låg trafikk og som ikkje er oppteken med skulekøyring på deler av traseen er lagt ned. Fleire av innspela som kommunane kjem med er ruter/avgangar som vart lagt ned i samband med sak T-73/13 Økonomiplan 2014-2017 med budsjett for 2014 og Sak SA-1/14. I budsjettsaka er det gjort vedtak om reduksjon i ramme 64 på kroner 7 860 000 gjennom ulike produksjonstiltak i 2014.
For ruteselskapa så vart det reduksjon jfr tabell under: 2 013 Korrigert for neste anbod (Kr.sund) % av nettoproduksjon 5 mill. effektivisering (årseffekt) Talet på km (kr 17 pr. km) Selskap Aukra Auto 4 944 4 944 2,07 % 103 693 6 100 Atlantic Auto 14 583 14 583 6,12 % 305 855 17 991 Eide Auto 5 922 5 922 2,48 % 124 205 7 306 Nettbuss Fjord1 Buss 99 043 99 043 41,55 % 2 077 270 122 192 Veøy 13 919 13 919 5,84 % 291 929 17 172 Nettbuss Møre 141 000 98 880 41,48 % 2 073 852 121 991 Sekken Næringspark 1 106 1 106 0,46 % 23 197 1 365 Sum 280 517 238 397 5 000 000 294 118 Vidare er fleire prosjekt med bestillingstransport starta opp. Kollektivstrategien har eit resultatmål knytt til bestillingstransport: Nye bestillingsruter skal etablerast for å betre kollektivtilbodet i distrikta. Bussruter i områder med låg trafikkgrunnlag skal leggast ned eller gjerast om til bestillingstransport. I 2014 er det fleire utviklingsprosjekt som er gjennomført. Garnes-prosjektet Nytt ruteopplegg frå 18. august både på buss og hurtigbåt. Omprioritering av produksjon og fjerning av dobbelkøyring mellom Garnes og Hareid, har gitt fleire avganger på hovudtrasèane i området. Korrespondanse mellom buss og hurtigbåt er betra på Hareid, Skateflukaia og Valderøy. Storfjord-prosjektet Nytt ruteopplegg på buss og ferje frå 18. august. Innsparing på å redusere dobbelkøyring buss mellom Sjøholt og Ålesund. Auka/betra tilbod på kvardagar og laurdag på buss. Skodje Moa Prosjektet Nytt opplegg for buss med korrespondanse TIMEkspressen på Digerneskrysset frå 18. august. Rutene er finansiert ved at ein har fjerna dobbelkøyring Sjøholt Ålesund og at rutene Brattvåg-Ålesund køyrer Straumsbrua i staden for Dragsund. Brattvåg- Ålesund prosjektet Nye bussruter frå 18. august der ein har redusert dobbelkøyring Moa-Ålesund og køyrer heile strekninga kun på avganger med høgt belegg. Elles er det korrespondanse med bybuss på Moa. Avgangane går Straumsbrua for raskare framføring og ein har auka tal avgang på kvardag og laurdag.
Sula-prosjektet Som opplegget frå Brattvåg. Fleire avganger Langevåg Moa på kvardagar med gode korrespondanser med bybuss. Det blir kun køyrt rute til Ålesund sentrum i rushtrafikk morgon og ettermiddag. Rutetilbodet til/frå Sulesund er tilnærma lik, men det er lagt opp til bussbytte i Mauseudvåg for desse passasjerane Indre Molde-prosjektet Prosjektet vart avslutta, då det ikkje var mogeleg å redusere dobbelkøyring mellom Hjelset-Molde pga tidsknappheit på TIMEkspressen. Surnadal/Rindal-prosjektet Gjennomført til oppstart skulestart med eit meir rasjonelt driftsopplegg på buss. Effekten vert tatt ut i samband med anbud i 2016. Saka er inndelt på følgjande måte 1. Bakgrunn 2. Framdriftsplanen på prosessen 3. Forslag frå kommunar, operatørar og samferdselsavdelinga 4. Vurderingar på sakene 5. Tilråding til vedtak 2. Framdrift Aktivitet Ansvarleg Start Svarfrist Brev til kommunar, skoler, helseføretaka etc. om å gje innspel Høringsfrist operatørane (framlegg ruteendringar) Fylkeskommune 23.05.14 20.08.14 Operatørane 09.09.14 10.10.14 Høringsforslag frå Fylkeskommune 14.10.14 07.11.14 operatørane sendast til kommunane Utgreiing økonomiske konsekvensar SVV 01.11.14 12.10.14 Sak til samferdselutvalet SVV/Fylkeskommune 10.11.14 19.11.14 Framlegg i samferdselsutvalet Alle rutedata tilgjengeleg for 177 på web SVV/Fylkeskommune 02.12.14 02.12.14 Operatørane/ Fylkeskommune 02.12.14 09.01.15 Innsending av 1.utkast til tidtabellar Trykt ferdig ruteinformasjon Operatørane/ fylkeskommune Operatørane/ Fylkeskommune 09.01.15 16.01.15 09.01.15 27.02.15 Ruteendringsdato 01.05.15
3. Forslag i saka a) Innspel kommunar Ferje-/hurtigbåtruter: Vanylven kommune Det er kome fråsegn frå Vanylven kommune om følgjande i rute 02 Årvik- Koparnes: ruta blir beredskapssamband, der ferja blir liggande på Koparnes ønskje om nattferje i ruta med avgang klokka 00.15 frå Årvik det er ønskje om å legge til, og fjerne ein del turar innanfor opningstida Kommunen ønskjer følgjande endringar i rute 08 Volda-Lauvstad: ny avgang klokka 05.20 frå Lauvstad samt flytte avgangen frå Lauvstad 06.00 til 06.25 Volda kommune Det er kome fråsegn frå Volda kommune om følgjande endringar i rute 08 Volda- Lauvstad: tidlig avgang klokka 06.10 på laurdagar er ønskja bytta ut med kveldsavgang klokka 00:20 søndag. Oppretting av avgang frå Lauvstad klokka 05.20 på kvardagar Sande kommune Det er kome fråsegn frå Sande kommune om følgjande i rute 01 Larsnes-Åram- Voksa-Kvamsøya: laurdagsruta må ha same rutetabell som kvardagar det er eit ønskje om nattferje i ruta på søndagar kommunen påpeikar at det problem tilknytt bunkring i ruta, noko som medfører ti minutt forseinking i ruta kommunen kjem òg med ein merknad om at hurtigbåtruta Larsnes- Åram-Voksa-Kvamsøy ikkje står i ruteheftet Haram kommune Det er kome fråsegn frå Haram kommune om følgjande i rute 22 Brattvåg-Dryna- Fjørtofta-Harøya: ønskje om å framskynde avgang om morgonen i slik at skuleelevar kjem til Brattvåg seinast 07.50. Kommunen ønskjer i rute 21 Skjeltene-Lepsøya-Haramsøya tidligare avgang om morgonen, samt seinare avgang i om kvelden frå Skjelten Midsund kommune Midsund kommune har kome med fråsegn om at dei i rute 22 Brattvåg-Dryna- Fjørtofta-Harøya ikkje finn tilbodet tilfredstillande. Det er før lange opphald i ruta på laurdagar og søndagar.
Sandøy kommune Det er kome fråsegn frå Sandøy kommune om følgjande i rute 22 Brattvåg-Dryna- Fjørtofta-Harøya: ein ønskjer standard overfartstid mellom dei forskjellige kaien kommunen meiner at det er eit for stort opphald i ruta på søndagar det blir påpeika problem med at skuleelevar ikkje når skulestart på Haram vidaregåandeskule som følgje av ankomst klokka 07.55 i Brattvåg. Kommunen meier det er naudsynt med informasjonstavle i rute 32 Småge-Orta- Finnøya-Sandøya-Ona. Det blir til slutt påpeika ein del feil i rutehefte, samt ein del små justeringar i ferjeruta. Surnadal kommune Surnadal kommune har kome med fråsegn om at ein i rute 46 Kvanne-Rykkjem ønskjer: utvida opningstid, der tidligare avgangar på laurdag, søndag og midtveke spesielt er nemnt kommunen ønskjer redusert opphald i rutetabellen på dagtid Aure kommune Aure kommune har kome med fråsegn om at dei ønskjer følgjande i rute 50 Seivika-Tømmervåg å utsette siste avgang frå Seivika frå klokka 23.25 til 24.00 på kvardagar justere siste avgang på helg til eit seinare tidspunkt kommunen meiner at opphald i ferjeruta på nesten to timar på kveld om kvardagane må tettast igjen med ny avgang det er også opphald i rutefrekvensen på helg som er for store, der det må settast inn nye avgangar, to ferjeløysing på laurdagar er ønskjeleg. betre korrespondanse mellom ferjeruta og Kystekspressen er òg eit viktig punkt der kommunen ber om ei betring Stranda kommune Stranda kommune rår til at forslaget til justeringar av ferjetilbodet Stranda Liabygda vert justert iform av ein ekstra avgang på kveldstid og jamn regularitet gjennom dagen utan lengre opphald enn maksimalt ein time. Kommunen viser til at ferjesambandet er ei svært viktig rute for trafikken på indre Sunnmøre og samanbindinga nord/sør, via Molde-Vestnes, samt E-136. Strekninga Ørskog- Stranda på Fv 650 er av fylkestinget nyleg omklassifisert frå klasse B til svært viktig fylkesveg klasse A (T-sak 36/14:Funksjonsinndeling av fylkesvegane i Møre og Romsdal). Stranda kommune viser til jamn og stor trafikkauke dei siste åra i dette sambandet, der stadig fleire bilar dessverre er gjenståande. Dette var noko av grunnlaget for fylkestinget si oppklassifisering av veg og ferjestrekninga. Dei føreslåtte endringane av rutetidene for ferjestrekninga Stranda-Liabygda kjem som følgje av samordning av rutetidene i Storfjordprosjektet, utan at alle konsekvensar verkar godt nok analysert. Ei slik omfattande endring har ført til store ulemper for mange og er heller ikkje behandla i fylkestinget. I revidert framlegg til rutetider er det lagt opp til halvannan time opphald mellom kl 19 og 20.30. Dette er altfor lenge, noko som fråskjer spesielt barn og unge i Liabygda deltaking på idrett/arrangement i Stranda tettstad.
Den nye ruta fører også til ein kraftig forverring av skuletida med lang ventetid for elevane som kjem frå Liabygda. Føreslåtte rutetider medfører også vesentleg lenger reisetid nord/sør via Molde Vestnes, då rutene fører til betydeleg ventetid begge vegar. Bussruter: Midsund kommune Midsund kommune meiner at rutetilbodet kunne ha vore betre, men finn likevel tilbodet tilfredsstillande. Aure kommune Aure kommune forventar at det blir betre korrespondanse mellom bussrutene Kristiansund-Aure og Aure-Trondheim. Nesset kommune Nesset kommune ber om at: Kollektivtilbodet mellom Sunndalsøra og Molde betrast slik at pendlarar, elever ved vidaregåande skule får eit tilfredsstillande tilbod. Ungdommens kommunestyre i Nesset etterlyser betre rutetilbod på kveldstid, spesielt på laurdagar etter kl. 16.00. Nesset kommune ber om at korrespondansar mellom bussruter og flyruter ved Molde Lufthamn rettast på. Halsa kommune Halsa kommune ber om etablering av ekspressbussrute langs E39 gjennom Betna til/frå Hemne i Sør-Trøndelag i tråd med vedtatt kollektivstrategi. Inntil eventuell ekspressrute blir etablert ønskjer kommunen å vidareføre ordninga med bestillingstransport i kommunen. Sunndal kommune Sunndal kommune har følgjande innspel i samband me ruteendringsprosessen 2015: Nye bussruter tilpassa fleire tog avgangar mot Trondheim/Oslo frå Oppdal Nye bussruter anna kvar time Sunndalsøra-Molde / Molde-Sunndalsøra Uavhengig av rutefrekvens må bussruter mellom Sunndalsøra og Molde korrespondere med flyavgangar til og frå Molde Lufthamn Årø. Bussruter på strekningane Tingvoll-Sunndalsøra og Surnadal- Sunndalsøra må tilpassast slik at dei mogleggjer pendling for elevar i vidaregåande skule mellom desse kommunane. Bussrute tur/retur Ålesund/Trondheim om Sunndalsøra, Surnadal og Rindal må oppretthaldast. Ved sjuketransport må det vere mogleg for pasientar/sjukehus i Helse Midt å reservere plass for pasientane på bussane. Eide kommune Eide kommune har ønskje om at TIMEkspressen blir lagt om slik at den går langs Fv64. Alternativt at lokalrutene i området blir betre koordinert med TIMEkspressen. I tillegg har ungdomsrådet i Eide tatt opp mangelen på kollektivtilbod på kveldstid
Sande kommune Kommunen kritisere det generelle busstilbudet som har for låg frekvens, og ikkje er eit reelt tilbod. Kommunen meiner at rammene må aukast. Kommunen etterlyser eit skikeleg tilbod mellom bygdene og kjem med forslag om bestillingsdrosje. Det er forventningar om betre korrespondansar til td. Ørsta og Volda i samband med knutepunktet på Garnes, viktig spesielt i forhold start og slutt tid på skolene. Dette gjelder spesielt for elever/studenter som skal fra Kvamsøy/Sandsøy til/fra Volda. Kommunen meiner at Timeekspressen må gå over Hareidlandet, at det må bli betre tilpasning buss, hurtigbåt og fly til/fra Vigra, at buss til Ørsta/Volda må gå via Ørsta/Volda Lufthamn Hovden og eit felles billettsystem buss, hurtigbåt og ferje. Volda kommune Kommunen ber om at budsjettet innafor kollektivtrafikken skal aukast. Det må verte ei betring av lokalrutetilbodet. Vidare ein utviding av TIMEkspressen til/frå Nordfjord og betra tilbod gjennom Eiksundsambandet. Det vert etterlyst betre korrespondanse mellom ferje Volda-Folkestad og TIMEkspressen. Kommunen ber om at linje 351 Nordfjordeid-Volda- Ålesund ikkje vert lagt ned og at ein får eit auka tilbod på strekninga Volda-Stryn. Sandøy kommune Kommunen meiner at det mangler eit heilhetleg tilbod med korrespondanser. Kommunen viser til at tilbodet frå Harøya via Brattvåg til Ålesund sjukehus er for dårleg, med lang ventetid på ferjekaia. Kommunen ønskjer at skulebuss som går til ferjeavgang frå Harøya kl 0715 skal vere open for alle Kommunen ber om at bussavgang 0700 fra Småge må settes inn igjen. Ein mangler forbindelse med fly pga. dette. Det samme gjelder kveldsbuss til Småge fra Molde på fredagskveldene, korresponderte med ferja kl. 2115 fra Småge. Hareid kommune Ber om at bussruter til Ørsta/Volda skal gå via Ørsta/Volda Lufthamn Hovden. Vidare at busstilbodet må tilpassast betre med hurtigbåttilbodet og vidare flybuss til Vigra. Kommunen ønsker felles billettsystem mellom ferje, buss og hurtigbåt. Vanylven kommune Vanylven kommune Viser til kollektivstrategien og ber fylkeskommunen om å oppretthalde bussen mellom Åheim og Ålesund. Vidare eit bussrutetilbod som korresponderer med hurtigbåten Selje-Måløy-Bergen og med ekspressbuss på Maurstad. Ein privatperson frå kommunen ønskjer at det vert oppretta laurdagstilbod i kommunen Åheim Lauvstad.
b) Innspel operatørar/reiarlag Nettbuss Midt-Norge AS er einaste operatør som har meldt inn endringar innanfor frist. Selskapet har ingen endringsforslag, men viser til visse utfordringar som dei har på rute 210 Valldal Ålesund. Selskapet vil sjå på løysingar internt. Fylkesrådmannen har ikkje sendt dette ut på høyring av nemnte årsak. Torghatten Nord medelte i eit møte 14 november 2014 at grunna regelverksendringar av kviletidsbestemmingar for sjøfolk har dette skapt utfordringar for drifta av sambandet Småge Orta Finnøya Sandøya Ona. Det kan her blir nødvendig å endre på ruta tida eller sette inn eit skift til i sambandet. Dette er ei problemstilling som må utgreiast og Fylkesrådmannen vil kome med ei eiga sak om dette. c) Flytting av ruteproduksjon frå rute 12 Sæbø-Leknes til rute 14 Stranda Liabygda Sambanda Sæbø-Leknes-Skår-Trandal-Standal (Sæbø-Leknes) og Stranda- Liabygda vart frå 1. Januar 2012 drifta under ny anbodskontrakt. Ruteproduksjonen på Stranda-Liabygda var frå denne datoen på 29 rundturar på kvardagar, og 23 rundturar på søndag, noko som var ein mindre enn i nytta konkuransegrunnlag. Det vart difor oppretta ein endringsordre som auka ruteproduksjonen i høve til konkuransegrunnlag på Sæbø-Leknes, tilsvarande mindre produksjonen på Stranda-Liabygda. Den auka produksjonen på Sæbø-Leknes vart delt i mellom sommarrutene (1. juni- 30 august) og vinterrutene (1. mai-31. mai og 1. september-30. april) Fylkesrådmannen ønskjer no å styrke tilbodet på Stranda-Liabygda slik at ruteproduksjonen blir auka til dei 30 rundturane på kvardagar, som ligg inne i anbodsdokumenta. Tilbodet på Sæbø-Leknes må tilsvarande reduserast, slik at ein fjernar dei turane som har minst konsekvensar for brukarane innanfor den meirproduksjonen som er tilført. Det er eit økt behov på sambandet Stranda- Liabygda på kveldstid, der ein ønskjer ny avgang 20:00 frå Stranda og 20:15 frå Liabygda. Denne turen er no i perioden 1. november 2014 til 30. april 2015 kjøpt opp via endringsordre nr 4 i vente på ei flytting av meirproduksjon frå ruta Sæbø- Leknes. På ruta Sæbø-Leknes har ein hatt ein trafikknedgang, blant anna som følgjer av Kvivsvegen. Saka har blitt lagt ut til høyring for kommunane Ørsta, Sykkylven, Stranda, og Stordal med høyringsfrist 14. november 2014.
4. Vurdering Ferje- og hurtigbåtruter: Vanylven kommune Vanylven kommune har kome med eit detaljert ruteendringsforslag på ruta Årvik- Koparnes. Kommunen sitt forslag er konstruktivt i høve til at dei har forslag til både turar som går ut og turar som er teke inn i rutetabellen. Fylkesrådmannen meiner såleis at endringar i rutetabellen innanfor opningstida kan gjennomførast. Her er forslaget nye avgangar frå Årvik 09.45 og 14.15 og Koparnes 10.00 og 14.00 på kvardagar, medan turane frå Årvik 12.45 og 19.45 og Koparnes 12.30 og 20.00 går ut. På laurdag er det foreslått ny avgang frå Årvik 09.45 og 14.30 og Koparnes 10.00 og 14.00 medan turane 17.45 og 20.45 går ut frå Årvik samt turane 18.00 og 21.00 frå Koparnes. På søndag er det lagt til fleire rundturar en Fylkesrådmannen kan tilrå sidan, det ikkje er kutta tilsvarande turar, men ny tur frå Årvik 20.15 og Koparnes 20.30 kan leggast inn mot at ein fjernar avgang 12.30 frå Koparnes og 12.45 frå Årvik. Vanylven kommune har òg satt fram ønskje om ein seinare avgang alle dagar, frå dagens siste tur 23.30 frå Årvika, til ny avgang 00.15. Kommunens forslag om rutekutt om morgonen er berre på 15 minutt innskrenka opningstid kvar dag, noko som ikkje tilsvarar den auka opningstida i ruta på 35 minutt om kvelden. Dette gjeld alle dagar og vil føre til ein vesentleg kostnadsauke. Fylkesrådmannen vil difor ikkje tilrå endringar på morgon og kveld. Når det gjeld innføring av beredskapssamband i ruta så er dette kostnadsberekna til om lag 520 000 kroner i året, noko kommunen meiner delvis kan dekkast inn ved å kombinere ein felles beredskap i sambanda Volda-Folkestad og Volda Lauvstad. Dette er eit forslag som Fylkesrådmanen ikkje ønskjer å ta stilling til på noverande tidspunkt, men ønskjer å ta opp som ei eiga sak til Samferdselsutvalet der ein ser på kriterier for beredskapssamband. I ei slik sak vil ein kunne ta ei grundigare vurdering av problemstillinga sett i høve til alle dei fylkeskommunale ferjesambanda. Her vil fylkesrådmannen òg kunne vurdere eventuelle samarbeid med Statens Vegvesen region midt. Vanylven kommune ønskjer òg ny avgang i rute 08 Volda-Lauvstad, 05.20 frå Lauvstad samt flytte avgangen 06.00 til 06.25. Ny avgang vil medføre auka opningstid som gir ein kostnad på om lag kr 970 000,- pr. år (2014kr) og Fylkesrådmannen kan difor ikkje tilrå dette. Flytting av avgang frå 06.00 til 06.25 blir difor å flytte første avgang til å gå seinare og fell då bort. Volda kommune Volda kommune ønskjer å sette inn ein ekstra avgang på kvardagar frå Lauvstad klokka 05.20. Eit slikt tiltak vil kome på omlag 970 000 kroner i året. Fylkesrådmannen ser ikkje at ein har økonomisk handlerom til å auke produksjonen på sambandet slik Volda kommune ønskjer. Eit bytte av tidlig avgang laurdag klokka 06.10 med kveldsavgang søndag klokka 00.20 vil ikkje ha store økonomiske utslag, men kan ha praktiske utfordringar. Ein slik endring må ut på høyring og Møre og Romsdal fylkeskommune må først innleie forhandlingar med operatør for å avklare alle forhold knytt til forslaget.
Sande kommune Sande kommune ønskjer same rutetabell i rute 01 Larsnes-Åram-Voksa-Kvamsøya på laurdag som på kvardagar. Dette vil slik Fylkesrådmannen ser det, medføre ein ekstra rundtur. Ein justering av rutetabellen til kvardagstidspunkt utan å innføre denne ekstra rundturen vil ikkje føre til ei betring av rutetilbodet. Kostnadane med å innføre ein ekstra rundtur på laurdag vil kome på om lag 130 000 kroner og Fylkesrådmannen meiner difor at ein ikkje har handlingsrom til å gjennomføre ein slik auke i produksjonen. Kommunen ønskjer òg nattferje natt til søndag. Her foreslår Sande kommune å fjerne nattavgang på tysdag for å få dette til. Det vil i utgangspunktet ikkje medføre ein auka kostnad med å flytte ein nattavgang frå kvardag til helg, men det kan ha praktiske utfordringar. Det såleis noko Fylkesrådmannen kan gå i forhandlingar med operatør for å avdekke om er mogeleg å få til. Når det gjeld bunkring i ruta som medfører forseinkingar på ein av avgangane på tysdagar frå Larsnes så skal dette skje klokka 11.45. Viss dette ikkje blir utført på denne avgangen men seinare på kvelden så vil Fylkesrådmannen ta tak i dette for eventuelt å endre tidspunktet i rutetabellen. Haram kommune Ein rutejustering på rute 22 Brattvåg-Dryna-Fjørtofta-Harøya slik at elevar ved Haram vidaregåandeskule kjem tidsnok til undervisninga vil ifølge Haram kommune innebere ein justering av avgang om morgonen. Turen det er snakk om går frå Harøya klokka 07.15 og har 40 minuttar på å nå berekna ankomst klokka 07.55 i Brattvåg. Fylkesrådmannen meiner ein i staden for å endre nemnde avgang i rutetabellen, som vil føre til fleire endringar på tidligare avgangstidspunkt, så bør ein endre tidspunkt til Brattvåg klokka 07.55 til 07.50. Dette vil medføre ein liten fartsauke sidan turen i utgangspunktet er på 40 minutt og vil ha ein beskjeden kostnad. Fylkesrådmannen foreslår dermed at ein innleier forhandlingar med operatøren på ruta om ei slik løysing. Vidare vil også forhandle med Nettbuss om endring på avgang Vatne kl. 0730 Brattvåg, slik at bussen er tidlegare på Brattvåg ferjekai- Når det gjeld forslag om tidligare og seinare avgangar på rute 21 Skjeltene- Lepsøya-Haramsøya så vil forslaget medføre ei auka opningstid på nærmare to timar. Dette vil medfør ein vesentleg kostnadsauke som er berekna til om lag kroner 1 170 000 for ein ekstra tur pr. år utanom åpningstid på kvardagar og om lag kroner 2 340 000 for to turar pr. år i 2014 kroner. Fylkesrådmannen ser at det er eit behov knytt til blant anna Rolls Royce, men kan utifrå den økonomiske situasjonen ikkje tilrå auka opningstid i denne ruta. Midsund kommune Forslaga frå Midsund kommune medfører ein auka produksjon på laurdagar og søndagar i rute 22 Brattvåg-Dryna-Fjørtofta-Harøya. Dette vil bety eit oppkjøp som medfører ein meirkostnad i sambandet på om lag kroner 325 000 pr. år. Fylkesrådmannen ser ikkje at det er mogleg å auke produksjonen i denne ruta slik grunna den økonomiske situasjonen innafor ferjedrifta.
Sandøy kommune Innspela frå Sandøy kommune om feil i rutehefte er retta opp i neste utgåve av rutehefte. Møre og Romsdal fylkeskommune har satt ei grense på 100 påstigande i døgnet som grense for oppsetting av informasjonsskilt, og rute 32 Småge-Orta- Finnøya-Sandøya-Ona blir vurdert i høve til den grensa. Ein rutejustering på rute 22 Brattvåg-Dryna-Fjørtofta-Harøya slik at elevar ved Haram vidaregåandeskule kjem tidsnok til undervisninga vil slik fylkesrådmannen ser det kunne gjennomførast med ein liten fartsauke på den aktuelle turen. Ein kan då endre tidspunkt til Brattvåg klokka 07.55 til 07.50. Dette vil medføre ein beskjeden kostnadsauke. Fylkesrådmannen foreslår dermed at ein starter forhandlingar med operatøren på ruta om ei slik løysing. Viser elles til utredning om buss frå Vatne under avsnittet til Haram kommune. Fylkesrådmannen meiner at dei små justeringane som er foreslått av Sandøy kommune som ikkje medfører kostnadsuke kan gjennomførast der det er mogeleg. Dette gjeld også der det er ein kan standardisera overfartstida mellom kaiane utan meirkostnader. Surnadal kommune Innspela frå Surnadal kommune inneber auka opningstid i rute 46 Kvanne-Rykkjem på kvardag og helg, samt auka produksjon innanfor opningstid på dagtid. Det er gjort ei kostnadsberekning på forslaga som viser at å auke helgetilbodet med ein ekstra avgang laurdag og søndag koster om lag kroner 630 000 pr. år og å auke kvardagstilbudet med ein ekstra rundtur innanfor opningstid kostar om lag kroner 1 300 000 pr. år. Fylkesrådmannen kan ikkje tilrå dei forslaga som Surnadal kommune kjem med utifrå dei auka kostnadane dette vill innebere. Aure kommune Innspela frå Aure kommune inneber både auka produksjon og auka opningstid i rute 50 Seivika-Tømmervåg. Kostnadane med å sette inn ei B-ferja på laurdag vil være vesentlege og er ikkje berekna av administrasjonen då gjeldande kontrakt ikkje regulerer eit slik oppkjøp. Fylkesrådmannen ser heller ikkje at ein har økonomisk handlerom til å kunne anbefale ei slik løysing. Auka opningstid med om lag 30 minuttar på kvardagar samt ei ikkje spesifisert auke i opningstid på helg vil òg bety ein betydeleg auke i kostnadane. Kostnadane med å sette inn ein tur innanfor opningstid vil være om lag 5000 kroner per tur, medan ei innsetting av turar utanom opningstid vil være opp mot 7000 kroner per tur. Fylkesrådmannen meiner difor at seinare avgangar på kvardag og helg, samt innsetting av turar, heller ikkje kan gjennomførast grunna den økonomiske situasjonen. Stranda kommune Fylkeskommunen fekk ikkje innspel frå kommunen innanfor fristen 20. august. Samferdselsavdelinga ga i møte 16.09.14 Stranda kommune ein ny frist som var sett til 1. oktober. Dette vart gitt under føresetnad av at innspel også skulle sendast direkte til operatørane i området, slik at dei kunne ta det med seg i deira forslag som hadde tidsfrist 10. oktober. Kommunen leverte sitt innspel 21. oktober. Då endringar av rute 14 Stranda- Liabygda betyr endringar for ferjerute 15 Eidsdal-Linge og bussrutene Valldal- Ålesund, ser ikkje fylkesrådmannen å kunne handsame dette innspelet og endre rutene frå 1. mai.
Fylkesrådmannen meiner at endringar som betyr endringar for andre ferje- og bussruter, må ut på høyring, noko ein ikkje rekk når samferdselsavdelinga fekk innspelet så seint som 21. oktober. Fylkesrådmannen påpeiker at ferjesambandet Stranda-Liabygda fekk ekstraavgang Stranda kl. 2000/Liabygda kl. 2015 frå november 2014. Denne avgangen er tilrådd permanent flytta frå rute 12 Sæbø-Leknes. Denne avgangen betrar tilbodet for dei frå Liabygda som har fritidsaktivitetar i Stranda sentrum. Vidare så ønsker fylkesrådmanen at ein skal gjennomføre ein evaluering av Storfjord-prosjektet før ein ev endrar noko. Fylkesrådmannen ønskjer eit prosjekt der alle utviklingsprosjekt vert evaluert. Evaluering bør ikkje skje før 6 månader etter at nytt ruteopplegg vart oppstarta. Dette for at eit nytt ruteopplegg skal vert godt kjent (marknadsført) og vere godt innarbeidd. Fylkesrådmannen viser vidare til nytt ruteopplegg at det no ikkje er lengre opphald enn 60 minutt på kvardagar, medan det er eit opphald på 90 minutt på søndagar. Fylkesrådmannen meiner at det er behov for ekstraproduksjonen på Sæbø-Leknes sommarsesongen, men vil fortløpande vurdere om ein skal flytte all meirproduksjon i denne ruta attande til Stranda- Liabygda Fylkesrådmannen viser også til at dei nye rutetilbodet vart vedtatt av Samferdselsutvalet 7. mai og at slike ruteendringar ikkje vert handsama av fylkestinget. Fylkesrådmannen viser til vurderingar gjort av prosjektgruppa til Storfjordprosjektet, der dagens ruteopplegg er godt tilpassa ferjerute Eidsdal Linge og bussruteoppsettet Valldal-Sjøholt. Prosjektgruppa har også gjort vurdering på køyretid mot Vestnes og Furneset. Bussruter: Midsund kommune Pga. at dei økonomiske rammene ikkje strekk til vil fylkesrådmannen ikkje råde til auka rutetilbod i Midsund kommune. Aure kommune Det arbeidast for betring av korrespondansane mellom Aure og Trondheim. Mellom anna vil det kome eit løysingsforslag med bestillingstransport mellom Kjørsvikbugen og Aure for å betre korrespondansane noko. Nesset kommune Pga. at dei økonomiske rammene ikkje strekk til vil ikkje fylkesrådmannen råde til auka rutetilbod på strekninga Sunndalsøra Molde. Det er veldig vanskeleg å få til ein betre korrespondanse med fly til/frå Molde. Dette skyldast mellom anna at bussane korresponderer med ferjerutene Molde-Vestnes og Kvanne-Rykkjem. I tillegg kan flytidene til/frå Molde vere noko ustabile i periodar. Halsa kommune Pga. at dei økonomiske rammene ikkje strekk til vil ikkje fylkesrådmannen råde til å opprette rutetilbod langs E39 frå Halsa langs Vinjefjorden til Trondheim, sjølv om dette er eit klart mål i Kollektivstrategi 2012-2021.
Samstundes vil ein fortsette med bestillingstransportordninga for passasjerar til/frå bussane som går mellom Molde/Kristiansund og Trondheim. Sunndal kommune Jf. Kollektivstrategi 2012-2021 vil ikkje fylkesrådmannen prioritere korrespondansar mellom buss og tog på Oppdal. Som nemnt førre under Nesset kommune strekk ikkje dei økonomiske rammene til for utviding av rutetilbodet mellom Sunndalsøra og Molde. Betring korrespondanse buss og fly, viser fylkesrådmannen til vurdering av innspel frå Nesset kommune. Ein tilrår at pasientar/sjukehus i Helse Midt kan reservere plass for pasientane på bussane. Korrespondansane mellom bussane på strekningane Tingvoll-Sunndalsøra og Surnadal-Sunndalsøra er ikkje optimal. Dette skyldast at bussen frå Oppdal ikkje kan starte tidlegare enn den gjer i dag pga. framkomsten til toget. Dette gjer at bussen frå Oppdal må starte for seint i høve til det som hadde vore ønskjeleg i forhold til buss frå Surnadal som er avhengig av ferjetilbodet både på Kvanne- Rykkjem og Molde-Vestnes. Eide kommune Jf. Kollektivstrategi 2012-2021 skal Ekspressruta mellom Volda og Kristiansund følgje dagens rutetrase (raskaste veg). Korrespondansane med TIMEkspressen er ikkje optimal, spesielt sørover. Dette skyldast mellom anna at bussen til/frå Eide og til/frå Averøy (Kristiansund) må korrespondere. Denne korresponderer igjen med andre ruter på Averøy (og Kristiansund). Det må likevel vere eit mål på lengre sikt å få til betring av korrespondansane mellom dei lokale bussrutene og TIMEkspressen. Sande kommune Kommunen kritiserer rutetilbodet og meiner at det ikkje er reelt. Fylkesrådmannen viser til at det ikkje er tilgjengelege ressurser til ein auka satsing i kommunen, men viser også til at Garnes-prosjektet har gitt eit betre rutetilbod til/frå Hareid på kveldstid og i helg. Vidare så er Samferdselsavdelinga i gang med å utvikle bestillingstransport i fylkeskommunen, men Sande kommune er ikkje av dei fyrste kommunane i denne prosessen. Kommunen viser til forventningar om betre korrespondanse til Ørsta/Volda særleg i samband med skuleskyss. Fylkesrådmannen viser til utredning i sak SA 19/14 der Sande kommune krevde at skuleelevane frå kommunen skal ha same busstilbodet til Ørsta/Volda vgs som Herøy og Ulstein. Det går buss frå Årvik kl 0613 og kl 0713. Begge desse avgangane har gode korrespondansar til Ålesund. Den fyrste er arbeidsrute i tillegg. Avgangen kl. 0713 er tilbod til Ulstein og Herøy vgs. Dersom ein skal ha ein avgang i mellom, så vil det vere halvtimesavganger på strekning. Kostnad med denne avgangen gjorde at fylkesrådmannen ikkje kunne tilrå ein ekstra avgang. Pris innhenta frå operatør viser ein årleg kostnad på kroner 159 600 Løysinga som fylkesrådmannen framleis vil tilrå at elevane tar avgangen Årvik kl. 0613 til Ulsteinvik. Når dei kjem til Ulsteinvik, så står bussen til Volda der. Slik at all ventetid kan vere inne i bussen Vidare vert det etterlyst betre tilbod frå Kvamsøy/Sandsøy til/frå Volda. Fylkesrådmannen viser til nytt ruteopplegg i samband Garnes-prosjektet der det er eit tilpassa ruteopplegg til ferjeavgang kl. 1800 frå Larsnes.
Det er også eit tilbod om morgonen som betyr at ein kan fyrste ferja frå Kvamsøy og vere i Volda kl. 0820. Søndag er det også eit betra tilbod i høve til før oppstart av Garnes-prosjektet, men vi be operatør sjå meir på denne saka. Kommunen meiner at TIMEkspressen må gå over Hareidslandet. Fylkesrådmannen viser til Kollektivstrategien, der det lagt opp til at ekspressbussruta skal gå den raskaste vegen (via Festøya) til/frå Volda. Fylkesrådmannen viser vidare til Garnesprosjektet som har gitt eit timestilbod til/frå Hareid og Volda. Prosjektet har gitt meget gode korrespondanser med TIMEkspressen i Furene og Skateflukaia. Fylkesrådmannen viser også til utredninga i Garnes-prosjektet som viser til at busspassasjerane i stor grad vel og gå av bussen på Hareid og ta hurtigbåt til Ålesund. Fylkesrådmannen viser til at Garnes-prosjektet har gitt betre korrespondanser mellom buss, hurtigbåt og flybuss. Likevel så er det eit stort forbetringspotensial på dette og fylkesrådmannen vil tilrå eit utviklingsprosjekt på dette. Kommunen vil at rutene til Ørsta/Volda skal gå via Ørsta/Volda Lufthamn Hovden. Fylkesrådmannen viser til utfordringar knytt til snutilhøve ved flyplassen, Flyplasskrysset og vil ikkje tilrå dette før Torvmyrvegen er forlenga til Furene. Når det gjeld punkt med felles billettsystem, så vil fylkesrådmannen ta dette med seg i arbeidet vidare. Volda kommune Kommunen ber om at budsjettet innafor kollektivtrafikken skal aukast. Fylkesrådmannen viser den økonomiske stoda og ser ikkje å kunne tilrå ein auka satsing. Dette betyr at ein må vidareføre tilbodet på lokalruter, at ein ikkje kan utvide TIMEkspressen mot Nordfjord eller auke tilbodet gjennom Eiksundsambandet. Fylkesrådmannen er samd med kommunen i at korrespondansen mellom ferje Volda-Folkestad og TIMEkspressen skulle ha vore betre. Korrespondansen frå Volda er i dag god, der bussen til Ålesund venter på ferja, medan passasjerane må vente 20 minutt i Volda retning Folkestad. Føresetnad for betre korrespondanser er ei endring i rutetidene på ferjestrekninga Volda-Folkestad. Kommunen ber om at linje 351 Nordfjordeid-Volda- Ålesund ikkje vert lagt ned og at ein får eit auka tilbod på strekninga Volda-Stryn. Fylkesrådmannen ønsker å vidareføre linje 351, men viser til utfordringar med å rekke ferja i Volda. Utfordringa betyr at enkelte avganger må gå via Kjøs, medan andre går via Stigedalen. Når det gjeld ruter til Stryn så viser Fylkesrådmanen til den økonomiske stoda og ser ikkje å kunne utvide dette tilbodet. Fylkesrådmannen vil kontakte Sogn og Fjordane Fylkeskommune for å utrede korrespondanse til/frå Stryn på dei avgangen som går via Kjøs til Nordfjordeid. Sandøy kommune Kommunen ønsker eit meir heilhetleg tilbod med korrespondanser. Fylkesrådmannen viser til vurderingar under Sande kommune, der ein ønsker å køyre eit utviklingsprosjekt for å betre korrespondansar. Kommunen vil ha eit betre tilbod frå Harøya til Ålesund sjukehus. Fylkesrådmannen viser til konklusjonane som vart gjort i samband med Brattvåg-Ålesund prosjektet, og vil vidareføre dagens tilbod. Vidare viser Fylkesrådmannen til at avgangen Brattvåg ferjekai kl. 0755 (Harøya kl. 0715) har direkterute til Ålesund sjukehus. Vidare visast det til hurtigbåttilbod til Ålesund.
Fylkesrådmannen vil likevel gjere vurdere om det er mulig å forlenge avgangen Brattvåg ferjekai kl. 1055 til Ålesund sjukehus (denne stopper på Moa i dag). Fylkesrådmannen er samd med kommunen i at bussavgang som korresponderer med ferjeavgang kl. 0715 bør vere open for alle. Sidan operatør nytter stor buss på avgangen, så bør dette kunne ordnast umiddelbart. Kommunen ber om at bussavgang frå Småge kl. 0700 vert sett inn igjen. Denne avgang vart lagt ned pga krav innsparing i sak samferdselsutvalet sak SA-1/2014. Avgangen vart lagt ned pga svake trafikktal og at avgangen dei reisande frå Bakkemyr fekk ein kortare reise til Molde. Fylkesrådmannen viser til den økonomiske stoda og ønskje frå dei reisande og vil ikkje tilrå å sette inn igjen avgangen Kommunen ønskjer vidare kveldsbuss frå Molde som korresponderer med ferje på Småge kl. 2115 på fredagar. Denne avgangen er også lagt ned og fylkesrådmannen ser ikkje å kunne tilrå ein ny avgang her. Hareid kommune Kommunen ber om at bussrutene til Ørsta/Volda må gå via Ørsta/Volda Lufthamn Hovden. Fylkesrådmannen viser til vurderingar om saka under avsnittet til Sande kommune. Vidare ber kommunen om betra korrespondanse med hurtigbåt og flybuss, der fylkesrådmannen viser at korrespondansane er kraftig betra i samband med Garnes-prosjektet, men at dette skal jobbast vidare med gjennom eit eige prosjekt. Vanylven kommune Kommunen viser til kollektivstrategien og ber om at fylkeskommunen oppretthelde avgangen Åheim Ålesund. Fylkesrådmannen viser til utredning av saka i samferdselsutvalet 7 mai (SA 19/14): Vanylven kommune krev i sin merknad at gjennomgangsruta Åheim kl. 0810- Ålesund vert vidareført etter dagens opplegg heilt til Ålesund. I forslag til rutetabell har ein av økonomiske årsaker valt å stoppe denne på Garnes. Løn, kilometer og ferjekostnader ved å forlenge denne Garnes-Ålesund-Garnes vil kome på kroner 4 250 pr. dag. Årskostnader vil då vere kr 1 071 000. I og med at rutetilbodet framleis er der og med raskare framføringstid på ruta, så vil ein føresette at ein beheld delar av dagens trafikk. Med fylkeskommunen sin økonomi, så ser ikkje fylkesrådmannen å kunne tilrå dette. Det er heller ikkje å tilrå å legge ned andre ruter for å finansiere dette.
Vidare så er det gjort ein gjennomgang av rutestatistikken på denne avgangen. Med basis i tala i november 2013 og februar 2014, så får ein desse tala: bussreisande pass dagar Snitt pass pr dg november Åheim-Ålesund 449 21 21 Ålesund-Åheim 331 21 15 februar Åheim-Ålesund 445 20 22 Ålesund-Åheim 307 20 15 ferjeoverfart pass dagar Snitt pass pr dg november Hareid-Sulesund 201 21 9 Sulesund-Hareid 195 21 9 februar Hareid-Sulesund 207 20 10 Sulesund-Hareid 192 20 9 Om morgonen så er det i snitt 21/22 passasjerar som er innom bussen, medan det i andre retning om ettermiddag er vel 15 passasjerar som er innom bussen. Det er ikkje mange som reiser heile strekninga. Med bakgrunn i tala i desse to månadane, så vil tal reisande pr år vere om lag 9 500, truleg mindre pga. sommarstrafikken. Tal reisande som nytter strekninga Hareid-Sulesund i buss er vesentleg lågare enn snittreisande. Om morgonen er det 9,5 reisande og ettermiddagen ca. 10 reisande. Rutestatistikken her viser at det er få passasjerar som reiser denne vegen. Så kostnader og svak trafikk er argumenta som gjer at fylkesrådmannen ikkje tilrår at avgangen Åheim kl 0810 går lenger enn til Garnes og frå Garnes kl. 1725 til Åheim. Fylkesrådmannen vil budsjettmessige årsaker tilrå at dagens ruteopplegg vert vidareført. Dette betyr at avgangen går til Hareid med korrespondanse med hurtigbåt. Vidare så er det rutetilbod til sjukehuset på Åse via at TIMEkspressen har korrespondanse på Skateflukaia. Fylkesrådmannen er kjent med at det har vore ein del utfordringar på Skateflukaia, men at operatør har funne løysingar på dette. På ettermiddagen så er det direkte buss Hareid kl 1658 til Åheim etter korrespondanse med hurtigbåt på Hareid. Den andre saka kommunen er opptatt av er å gjenopprette tilbodet til Maurstad med korrespondanse til hurtigbåt i Måløy og ekspressbuss. Dette tilbodet vart lagt ned i SA 1-2014 som ein del av innsparingane der. Fylkesrådmannen ser ikkje å kunne tilrå nye ruter der innanfor budsjett. Ein privatperson ønskjer eit laurdagstilbod Åheim-Lauvstad. Dette vart lagt ned av operatør for 10 år sidan pga. svake trafikktal. Fylkesrådmannen ser ikkje å kunne sette inn avganger her med dagens økonomi.
Flytting av ruteproduksjon frå rute 12 Sæbø-Leknes til rute 14 Stranda Liabygda Fylkesrådmannen har i «Høyring i samband med flytting av avgangar frå Sæbø- Leknes til Stranda-Liabygda» ikkje motteke fråsegn frå andre kommunar en Ørsta kommune. Ørsta kommune vil ikkje vurdere ruteendringane på strekninga Sæbø- Leknes før det vert tatt stilling til ei framtidig løysing for kollektivtrafikken på Hjørundfjorden. Her viser Ørsta kommune til ei arbeidsgruppe med melemmer frå grendalaga i Hjørundfjorden, frå Ørsta kommune og frå Møre og Romsdal fylkeskommune. Fylkesrådmannen har forståing for at Ørsta kommune ønskjer å sjå ein reduksjon i ruteproduksjonen i samanheng med båtruta i Hjørundfjorden. Det er likevel slik at denne saka gjeld ein reduksjon av meirproduksjon i høve til anbodskontrakta på ferjeruta, og ein slik reduksjon må takast utanfor det mandat arbeidsgruppa har. Ein kan vurdere justering av ferje og båtrute som følgje av ein reduksjon i ruteproduksjonen i ettertid. Fylkesrådmannen har difor utarbeid eit forslag til mindreproduksjon ut frå trafikktal på sambandet Sæbø-Leknes knytt opp i mot nødvendig kutt i ruteproduksjon. Sæbø-Leknes har låg trafikk i vinterhalvåret, medan sommarmånadene har meir reisande med ein trafikktopp i juli. Meirproduksjonen i sambandet er delt mellom sommar og vinterruta, det er såleis naturleg å redusere tilbodet i vinterruta frå januar til mai og september til desember. Ein slik reduksjon i rutetilbodet i vinterruta vil måtte bety at all meirproduksjon i desse månadene vil måtte kuttast for at det skal tilsvara den auka produksjonen i sambandet Stranda-Liabygda. Dette betyr at to ekstra avgangar på kvardagar frå Sæbø klokka 09.10 og 19.10 og tre avgangar på søndagar frå Sæbø klokka 15.10, 22.45 og Leknes 23.00 vil kuttast. Det vil då framleis vere ein meirproduksjon i sommarhalvåret på ruta Sæbø-Leknes tilsvarande dagens rutetabell. I sambandet Stranda-Liabygda blir då dei to avgangane, ein frå Stranda klokka 20.00 og ein avgang frå Liabygda 20.15 vidareført. Oppsummering: Fylkesrådmannen ser at ein kan gjere ein del rutemessige endringar på ferjesida utan meirkostnader og vil tilrå desse. Når det gjeld endringar som medfører meirkostnader, så ser ikkje fylkesrådmannen å kunne tilrå desse. Det er same utfordringa for buss. Mindre løysingar innafor dagens rammer kan gjennomførast, medan ein ikkje kan tilrå løysingar som medfører auka kostander. Fylkesrådmannen vil tilrå flytting av produksjon frå rute 12 Sæbø-Leknes til rute 14 Stranda Liabygda.
Fylkesrådmannen vil tilrå utviklingsprosjekt som gjer at rutetilbodet kan betrast innanfor dagens rammer og som gjer at ein kan også finne innsparingar. Fylkesrådmannen vil tilrå følgjande utviklingsprosjekt: 1. Sula-prosjektet Prosjektet er ei vidareføring av prosjektet våren 2014. Målet er stive ruteplanar på hurtigbåten Langevåg- Ålesund med korrespondanser med buss både i Langevåg og Ålesund rutebilstasjon. Vidare stive ruteplanar på bussrutene mellom Langevåg og Moa. Oppstart nytt opplegg 1. mai 2015. 2. Sunndal/Eidsvåg-prosjektet Gjennomgang av dagens ruteopplegg har synleggjort muligheit til meir rasjonell drift. Prosjektet må vere avslutta før utlysing av anbud medio mars 2015. 3. Nye bussruter bybussen Ålesund Prosjektet skal munne ut i nye ruter frå skulestart august 2015. Nytt opplegg skal ta omsyn til utfordringane i rushtrafikken og betre rutetilbodet mellom indre og ytre bydel. 4. Evaluering av prosjekta i 2014 Samferdselsavdelinga vil starte evaluering av utviklingsprosjekta som vart starta opp i august 2014. Evalueringa skal starte etter at rutene er godt innarbeidd (ca 6 månader etter oppstart). Evalueringa vil bety brukarundersøkingar og gjennomgang av statistikk osv. Evalueringsrapporten skal presenterast i samferdselsutvalet i juni 2015. Målet er å betre ruteopplegget i dei områda der nytt ruteopplegg er starta opp. 5. Betra korrespondanser Mange av kundeklagene som vert mottatt i dag er på saker der rutenettet i heng saman eller har svakheiter. Eit prosjekt som analyserer utfordringar knytt til korrespondanser mellom buss, hurtigbåt og ferje. Det vert etablert ei prosjektgruppa frå fylkeskommune, kommunar, kundar og operatørar. Mål er å finne tiltak som løyser utfordringane som er i dag. Forslag til vedtak: Samferdselsutvalet ber Fylkesrådmannen sørgje for ruteendringar i dei fylkeskommunale ferjerutene i høve til dei ønskje som er kome fram, under føresetnad av at endringane er kostnadsnøytrale og imøtekjem dei omsyn som må takast til korrespondanse med andre ferjesamband, buss og hurtigbåtruter, samt andre forhold som krav til skoleskyss. Samferdselsutvalet ber Fylkesrådmannen starte arbeid med følgjande ruteendringar der det må forhandlast med operatør, men kor ruteendringane har ein mindre kostnadsauke, og imøtekjem dei omsyn som må takast til korrespondanse med andre ferjesamband, buss og hurtigbåtruter, samt andre forhold som krav til skoleskyss. o Rute 01 Larsnes-Åram-Voksa-Kvamsøy
o o Flytte nattavgang frå tysdag til laurdag, og rette opp bunkrings tidspunkt i ruta. Rute 08 Volda-Lauvstad Tidlig avgang laurdag klokka 06.10 erstattast av kveldsavgang søndag klokka 00.20 Rute 22 Brattvåg-Dryna-Fjørtofta-Harøya Overfartstida på avgang 07.15 frå Harøya til Brattvåg reduserast med fem minutt, slik at skuleelevar på Haram vidaregåandeskule når undervisningsstart. Samferdselsutvalet ber Fylkesrådmannen legge fram ei sak der ein vurderer kriterier for beredskapssamband, og kostnadane knytt til å innføre ordninga der det er kome ønskje om dette. Eventuelle samarbeidsmoglegheiter med Statens Vegvesen region midt skal òg leggast fram i saksframlegget. Samferdselsutvalet vedtek at meirproduksjonen i høve til anbodsdokumenta i vinterruta i sambandet Sæbø-Leknes, blir flytta til sambandet Stranda- Liabygda i samsvar med Fylkesrådmannen sine vurderingar Samferdselsutvalet ber fylkesrådmannen gjennomføre endringar på buss innanfor gjeldande økonomiske rammer Samferdselsutvalet ber fylkesrådmannen iverksette utviklingsprosjekt med tanke på å betre rutetilbodet. Ottar Brage Guttelvik fylkesrådmann Arild Fuglseth samferdselssjef Vedlegg 1 Ruteendringsprosessen 2015 - Vedtak frå Sande kommune, F-skap 19.08.14 2 Vedtak frå Sande kommune, F-skap 19.08 3 Ruteendringsprosessen 2015 - Innspel frå Vanylven kommune 4 Ruteendringsprosessen 2015 - innspill fra Nesset kommune 5 Ruteendringsprosessen 2015 - innspel frå Surnadal 6 Ruteendringsprosessen 2015 - innspel frå Surnadal 7 Ruteendringsprosessen 2015 - innspel 8 Innspel til ruteendringsprosessen 2015 - Sandøy kommune 9 Innspel til ruteendringsprosessen 2015 - Sandøy kommune 10 Ruteendringsprosessen 2015 - innspill fra Sunndal kommune 11 Ruteendringsprosessen 2015 - innspill fra Sunndal kommune 12 Innspill - ruteendringsprosessen 2015 13 Innspill - ruteendringsprosessen 2015 14 Høyringsuttale frå Hareid kommune - Ruteendringsprosess 2015 15 Høyringsuttale frå Hareid kommune Ruteendringsprosess 2015 16 Innspel til ruteendringsprosessen 2015 17 Fleire innspel til ruteendringsprosessen 2015 - Sandøy kommune 18 Brev fra fylkeskommunen med innspel siste side 19 Melding om politisk vedtak - ruteendringsprosessen 2015 20 Ruteendringsprosessen 2015 - Innspill fra Aure kommune 21 Ruteendringsprosessen 2015 - innspill fra Halsa kommune 22 Ruteendringsprosessen 2015 - innspill fra Halsa Kommune 23 Ruteendringsprosessen 2015 24 NB Møre Sør 010515 25 Melding om vedtak i Stranda formannskap 26 Høyring i samband med flytting av avgangar frå Sæbø-Leknes til Stranda-
Liabygda 27 Vedtak i Ørsta formannskap 4.11.2014, sak 107-14 Framlegg til ny ruteplan for Sæbø- Leknes- Høyring