saksframlegg Dato: Referanse: Vår saksbehandlar: 13.05.2015 33521/2015 Eivind Vartdal Ryste Saksnr Utval Møtedato Regional- og næringsutvalet 02.06.2015 Tilskot til rekruttering, likestilling og kompetanseheving i landbruket, 1. utlysing 2015 Bakgrunn Møre og Romsdal fylkeskommune har 26. januar 2015 i brev frå Landbruks- og matdepartementet fått tildelt ei ramme på 1 480 000 kroner til å støtte tiltak som kan bidra til rekruttering, likestilling og kompetanseheving i landbruket. Målet med ordninga er: å bidra til rekruttering og kompetanseheving av næringsutøvere som kan ivareta og styrke verdiskapingen i landbruket regionalt. Landbruks- og matdepartementet ber om at følgjande område vert prioriterte: Tiltak som kan styrke rekruttering til landbruksnæringen. Tilskudd til kompetansehevende tiltak innenfor tradisjonelt landbruk og bygdenæringer, og støtte til etter- og videreutdanningstilbud for næringsutøvere i landbruket. Tiltak som bidrar til å styrke rekrutteringen til landbruks- og gartnerutdanningen i programområde naturbruk i den videregående skole, og til høgere utdanning i landbruksfag. Møre og Romsdal fylkeskommune har i brev av 11. februar 2015 til relevante aktørar innan landbruksnæring, organisasjonar og forvaltning, lyst ut ordninga. Det er sett opp to søknadsfristar, 1. mai og 15. september, der minst 1/3 av potten skal sparast til siste søknadsfrist. Det betyr at det no er inntil 1 million kroner til utdeling. Innan fristen av regional- og næringsavdelinga mottatt følgjande 9 søknader: Nr. Søkjar Prosjekt Kostnad Søkjer om 1 Møre og Romsdal bondelag Betre og økt beiting Mål: Å stimulere til auka og betre beiting hos mjølkeprodusentar. Ansvar: TINE Å stimulere til betre kvalitet på innmarksbeite. Ansvar: Landbruk Nordvest Å auke beitinga i utmark. Ansvar: Bioforsk Økologisk Aktivitetar: Rådgjeving på 15 mjølkebruk Økonomiske utrekningar om bruk av beite Utarbeiding av rådgjevingsmateriell Etablering av visningsbeite Fagdagar og møteserie om beiting Skulering av rådgjevarar Kartlegge ledige beiteareal 2363000 760000
Nr. Søkjar Prosjekt Kostnad Søkjer om 2 4H Møre og Romsdal 4H-gard i vekst, forprosjekt Mål: Forbetre drifta på 4H-gardar Vurdere etablering av nye 4H-gardar 405000 70000 Aktivitetar: Kartlegging av 4H-gardar, pedagogisk opplegg og driftsøkonomi Marknadsundersøking for evt nye 4H-gardar 3 Midtnorsk samarbeidsråd Bondestevne 2015 Landbrukskonferanse som blir arrangert 12. og 13. november 2015. Kombinasjon av felles fagkonferanse og leiarmøter for samvirkeorganisasjonane. 340000 50000 4 Landbruk nordvest Best på fôr 2, år 3 Siste år av igangsatt kursopplegg med mål om å heve kompetansen på grovfôrdyrking hos deltakarane. Deltakarane brukar eigen produksjon som case, og skal forbetre kvaliteten på eige fôr gjennom kursperioden. 5 Landbruk nordvest Traktorkurs for kvinner/robotkurs 3 kurs i handtering av traktor og reiskap, forbeholdt kvinner. Kursstader: Ørsta, Molde og Sunndalsøra. 787350 100000 96000 40000 3 kurs i drift og vedlikehald av mjølkerobotar, for bønder og avløysarar. Kursstader. Ørsta, Fræna og Sunndal 6 Halsa kommune Skogbruk i skulen Kursopplegg innan skogbruk for 10. klasse på Halsa barne- og ungdomsskole. Tema: planting, stell, vedlikehald av motorsag, hogstteknikk, ungskogpleie, bedriftsbesøk 7 Adalia AS Mitt yrke bonde i Møre og Romsdal Kortfilm vist på NRK presenterer ulike yrke. Det er tidlegare laga 40 filmar, no i gang med sesong 2 beståande av 50 filmar. 525000 157000 180000 90000 8 Midtnorsk samarbeidsråd 9 Norsk landbruksrådgiving Sunnmøre Finansiering vil sikre at bonde frå Møre og Romsdal vil representere bondeyrket i serien. Grøn forsking, år 3 Målet er meir næringsretta forsking for landbruket. Har gått sidan 2009, dette er siste år av andre tre-årsperiode. Aktivitetar: Få fram landbruksnæringa sitt behov for forsking, og bidra til at forskingsmiljø får utvikla nyttige prosjekt som finn finansiering. Føre aktiviteten ut av prosjekt og over i varige strukturar Overskotsmassar problem eller ressurs? Prosjektet skal skaffe kunnskap om korleis overskotsmassar av ulik kvalitet kan nyttast for å lage jordbruksareal med god produksjonsevne. Kunnskapen skal formidlast mellom anna via ei handbok. 3550000 200000 1600000 50000 SUM 9846350 1517000
Vurdering 1. Møre og Romsdal bondelag: Betre og økt beiting Det er tidlegare gitt 100 000 kroner til eit forprosjekt. Den søknaden som no er levert byggjer på det forprosjektet, men kostnaden med forprosjektet ligg inne i totalbudsjettet som er oppgitt. Beiteressursane i fylket kan utnyttast betre, men ofte set klima, eigedomstilhøve, kostnader med gjerding osv hindringar i vegen for beitebruken. Dette prosjektet har som mål å løyse opp i nokon av flaskehalsane. Prosjektet er omfattande, men delt i tre med klar fordeling av økonomi og ansvar. Metodikken er både direkte rådgjeving, opne fagmøter og andre typar formidling. Slik prosjektet er tenkt finansiert vil heile 70 prosent av kostnaden bli dekt av statlege midlar. Det er høgt, særleg når delar av aktiviteten er rådgjeving som skal bidra til å betre økonomien på enkeltbruk. Det er betalingsvilje for rådgjeving i landbruket, og den bør utnyttast betre. Vår tilråding vil vere at den offentlege finansieringa (samla frå fylkeskommunen og fylkesmannen) ikkje overstig halvparten av totalkostnaden. Vi tilrår å støtte søknaden med inntil 500 000 kroner, men trekkjer frå dei 100 000 kronene som tidlegare er gitt til forprosjektet. Tilskotsbeløp blir då 400 000 kroner, eller inntil 18 prosent av godkjend totalkostnad på 2 233 000 kroner. 2. 4H Møre og Romsdal - 4H-gard i vekst Ein 4H-gard er ein open gard som tek imot born, unge og vaksne til pedagogisk tilrettelagde besøk der ein får lære om dyr, planter og matproduksjon gjennom praktisk arbeid. Dei fleste 4H-gardane er i privat eige og driv ordinær landbruksproduksjon i tillegg til besøksfunksjonen. Det er i dag ni 4H-gardar langs vestlandskysten, men ingen i Møre og Romsdal. Ein 4H-gard kan vere eit godt utstillingsvindu for landbruk og matproduksjon. 4H Møre og Romsdal vil gjennom eit forprosjekt kartlegge erfaringar med drift av 4H-gardar, og undersøkje om det er marknad for slikt i Møre og Romsdal. Arbeidet skal foregå i samarbeid med 4H i dei andre vestlandsfylka. Det blir søkt om 70 000 kroner i støtte frå kvart av vestlandsfylka, det blir ein offentleg støtteandel på til saman 70 prosent. Det er høgt, den offentlege finansieringa bør ikkje vere over halvparten av totalkostnaden. Framlegg til vedtak blir difor eit tilskot på 50 000 kroner, eller inntil 12 prosent av ein totalkostnad på 405 000 kroner. 3. Midt-Norsk Samarbeidsråd - Bondestevne 2015 Midt-Norsk Samarbeidsråd er ei samanslutning av landbruks- og samvirkeorganisasjonane i Midt-Norge. Desse planlegg ein felles landbrukskonferanse i Stjørdal 12.-13. november i år, Bondestevne 2015. Arrangementet er planlagt å koste 340 000 kroner, der arrangør berre skal dekkje 96 000 kroner sjølv, resten er søkt fylkeskommunane. Møre og Romsdal fylkeskommune har som praksis å ikkje støtte enkeltståande konferansar vi ikkje sjølv står bak, så difor blir det her foreslått avslag. 4. Landbruk Nordvest - Best på fôr 2, år 3 Kurset Best på fôr er eit kompetanseprogram der bønder set seg mål, og får opplæring og rettleiing i å betre kvaliteten på grovfôret dei dyrkar på eigen gard. Å produsere godt fôr på ein effektiv måte har stor betydning for økonomien i drifta. Kurset er eit samarbeid mellom Landbruk Nordvest og TINE, og har tidlegare fått støtte i fleire omgangar frå denne ordninga. No gjeld det siste kursår for andre og førebels siste kull i programmet. Opplegget skal no evaluerast og erfaringane delast på ein konferanse. Fylkeskommunen bør med dette fullføre sitt engasjement i kurset og løyve eit tilskot på nivå med tidlegare år, 100 000 kroner eller inntil 13 prosent av totalkostnad.
5. Landbruk Nordvest - traktorkurs for kvinner og robotkurs Landbruket er mannsdominert, og handtering av traktor og maskiner er tradisjonelt ein maskulin arena. Denne ordninga skal fremje likestilling i landbruket, og dermed er eit traktorkurs for kvinner klart innanfor det vi bør bidra til å gjennomføre. Roboten har forlengst erstatta drengen i mange fjøs, men avansert teknologi krev også spesialisert kunnskap, som gjer drifta sårbar. Difor kan robotkurs vere nyttig både for bøndene sjølve og for avløysarar. Det skal gjennomførast tre kurs innanfor kvart tema, fordelt rundt i fylket. Budsjett er nøkternt, og innstillinga er å støtte tiltaket med 40 000 kroner, eller inntil 42 prosent av godkjent kostnadsoverslag. 6. Halsa kommune - kurs i skogbruk i skulen Etter kvart som dei store entreprenørane rykkjer inn i skogen, er det færre og færre unge som får direkte kontakt med aktivt skogbruk. Det vil Halsa kommune gjere noko med ved å utvikle og gjennomføre eit kursopplegg innan skogbruk for alle 10. klassingar i kommunen dei neste fire skuleåra. Det vil bestå av kurs innan planting, ungskogpleie, bruk og vedlikehald av motorsag og hogstteknikk. Det kan også vere aktuelt med bedriftsbesøk. Vi trur dette kan verke positivt for interessen for og rekrutteringa til skogbruket, som er ei viktig næring på Nordmøre. Forslaget er å støtte søknaden som omsøkt, med eit tilskot på inntil 157 000 kroner, eller inntil 30 prosent av samla kostnad på 525 000 kroner. 7. Adalia AS - Mitt yrke, bonde i Møre og Romsdal Adalia AS er eit produksjonsselskap som no lagar ein serie små filmar der ulike yrke vert presentert. Serien blir vist på NRK og på ulike digitale plattformer. Bakgrunnen for søknaden er at viss ein oppnår støtte her i fylket vil ein bonde frå Møre og Romsdal bli portrettert i serien. Vi kjenner til at dette produksjonsselskapet sender slike søknader til mange av fylka, med håp om napp ein stad. Truleg vil bruk av pengar på ein slik film ha liten eller ingen effekt på rekruttering, likestilling eller kompetanseheving i landbruket i Møre og Romsdal. Vi tilrår avslag. 8. Midt-Norsk Samarbeidsråd - Grønn forskning i Midt-Norge, 3. og siste prosjektår Grønn forskning har som mål å bidra til meir forsking som kan gi nyttig kunnskap til landbruksnæringa i Midt-Norge, og å gjere denne kunnskapen lettare tilgjengeleg. Prosjektet skal ikkje sjølv forske eller finansiere forsking, men kople saman landbruksnæringa og forskingsinstitusjonane, og gjere desse i stand til å hente pengar frå aktuelle finansieringskjelder. Prosjektet har lukkast godt med det hittil. No er prosjektet inne i sitt siste år, og fokuserer på å skape strukturar som kan vidareføre prosjektet lenger framover i tid. Fylkeskommunen har vore engasjert i prosjektet i ein tidlegare treårs-periode. Vi rår til at det vert løyvd som omsøkt 200 000 kroner, tilsvarande 6 prosent av totalkostnaden på 3 550 000 kroner. Det avsluttar vårt engasjement i dette prosjektet.
9. Norsk Landbruksrådgiving Sunnmøre - overskotsmassar, problem eller ressurs Dette er eit prosjekt initiert av fylkesmannen og fylkeskommunen i Hordaland, som har sett av pengar i sin klimaplan. No vert det forsøkt finansiert opp som eit spleiselag langs vestlandskysten. Norsk Landbruksrådgiving er prosjektleiar, representert ved sunnmørsavdelinga er i fylket. Problemstillinga er fornuftig bruk av overskotsmasser som dyrkajord. Vi kan ikkje sjå at den tematikken har vore mykje framme her i fylket, og kan heller ikkje sjå at 50 000 kroner frå eller til frå Møre og Romsdal er det som avgjer om dette prosjektet blir gjennomført eller ikkje. Avslag blir tilrådd. Forslag til vedtak: Det blir løyvd inntil 1 007 000 kroner frå ordninga rekruttering, likestilling og kompetanseheving i landbruket, fordelt på følgjande prosjekt: Nr Søkjar Prosjektnamn Godkjend totalkostnad Innvilga tilskot Tilskotsandel 1 Møre og Romsdal Bondelag Bedre og økt beiting i Møre og Romsdal 2 233 000 500 000 18 % 2 Møre og Romsdal 4H 4H-gard i vekst - forprosjekt 405 000 50 000 12 % 4 Landbruk Nordvest Best på fôr 2, år 3 787 350 100 000 13 % 5 Landbruk Nordvest Traktorkurs for kvinner/robotkurs 40 000 96 000 42 % 6 Halsa kommune Kurs i skogbruk for 10. klasse 525 000 157 000 30 % 8 Midt-Norsk Samarbeidsråd Grønn forskning i Midt-Norge, 3. prosjektår 3 550 000 200 000 6 % Alle tilsagn blir gitt på vilkår av at prosjektet blir fullfinansiert.
Følgjande får avslag på søknad om tilskot frå ordninga rekruttering, likestilling og kompetanseheving i landbruket: Nr Søkjar Prosjektnamn 3 Midt-Norsk Samarbeidsråd Bondestevne 2015 7 Adalia AS Mitt yrke - bonde i Møre og Romsdal 9 Norsk Landbruksrådgiving Sunnmøre Overskotsmassar - problem eller ressurs? Resten av årets ramme til rekruttering, likestilling og kompetanseheving i landbruket, 473 000 kroner, blir delt ut etter søknadsfrist 15. september. Ottar Brage Guttelvik fylkesrådmann Vedlegg 1 Møre og Romsdal bondelag - Bedre og økt beiting 2 4H - 4H-gard 3 Midtnorsk samarbeidsråd - Bondestevne 4 Landbruk nordvest - Best på for 5 Landbruk nordvest - traktor og robotkurs 6 Halsa kommune - skogbruk i skulen 7 Adalia AS - Bonde i Møre og Romsdal 8 Midtnorsk samarbeidsråd - Grønn forskning 9 NLR Sunnmøre - Overskotsmassar Bergljot Landstad regional- og næringssjef