Sakspapir Sakshandsamar Arkiv ArkivsakID Ole Martin Dahle K2 - M10 08/320 Saksnr Utval Type Dato 153/14 Utval for landbruk, miljø og teknikk (LMT-utvalet) PS 04.12.2014 HØYRING AV REGIONAL PLAN OG REGIONALT TILTAKSPROGRAM FOR VASSFORVALTNING I VASSREGION ROGALAND 2016-2021 Saksopplysningar: Samandrag Høyringsdokumentene Regional plan for vannforvaltning for Vannregion Rogaland med tilhøyrande tiltaksprogram, ligger nå ute til høyring og offentleg ettersyn. Høyringsfrist er 31.12.2014. Rådmannen meiner det er trong for meir kunnskap og overvaking, spesielt i fjordsystema. Positivt i planen med Ulla Førre i kategori 1.1 for vilkårsrevisjon og Røldal/Suldal minstevassføring/habitatforbetrande tiltak. Ein vil og understreke trongen for styrka økonomiske midlar frå statleg hald for å kunne gjennomføre tiltak etter vassforvaltningsplanen. Fakta Høyringsdokumentene Regional plan for vannforvaltning for Vannregion Rogaland med tilhøyrande tiltaksprogram, ligger nå ute til høyring og offentleg ettersyn. Høyringsfrist er 31.12.2014. Litt om bakgrunnen for planframlegget: I 2007 vedtok Stortinget «Forskrift om rammer for vannforvaltningen» (vassforskrifta) som implementere Eu-s rammedirektiv for vatn i norsk rett. Føremålet med vassforskrifta er å sikre ei mest mogleg heilskapleg vern og berekraftig bruk av våre vassressursar. Forskrifta skal sikre at det vert utarbeidd og vedtatt regionale forvaltningsplanar for vatn, med tilhøyrande tiltaksprogram, for kvar vassregion. Vassforskrifta deler Noreg inn i 11 vassregionar med av-renning til norskekysten, som igjen er delt in i 106 vassområder. Kvar vassområde er deretter delt inn i vassførekomstar. Vassregion Rogaland er delt inn i 4 vassområder og 1228 vassførekomstar. Vassregion Rogaland er organisert inn følgjande 4 vassområder: Dalane, Jæren, Ryfylke og Haugaland. Suldal kommune er ein del av Ryfylke vassområde. Framlegg til regional plan for vassregion Rogaland beskrive miljøstatus for vassmiljøet, basert på
tilgjengeleg kunnskap. Det er i plandokumenta gjort framlegg om tiltak for vassførekomstar i risiko, miljømål for alt vatn, og det er gjort framlegg om prioritering av einskilde tiltaksområder og geografiske områder. Standard miljømål etter vassforskrifta er å oppnå minimum «god økologisk og kjemisk tilstand» for alt overflatevatn, og «god kjemisk og kvantitativ tilstand» for grunnvatnet. Arbeidet med vassmiljømåla er delt inn i fasar på 6 år. Første fase går frå 2016 til 2021. det er lagt opp til to påfølgande planfasar; (2022-2027) og (2028-2033). Rogaland fylkeskommune er vassregionmynde for vassregion Rogaland, og koordinere planarbeidet etter vassforskrifta. Høyringsdokumenta er utarbeidd av Rogaland fylkeskommune i samarbeid med sektormynde og vassområdeutvala. Vassforvaltningsplanen skal vedtakast av fylkestinget som regional plan etter plan- og bygningslova 8-4. Forvaltningsplanen skal leggast fram for Kongen til godkjenning jfr plan- og bygningslova 8-1, 2 ledd. Regionalplanen skal godkjennast seinast innan utgongen av 2015 og skal deretter revurderast og om naudsynt oppdaterast kvart sjette år. Godkjente regional plan skal leggast til grunn for regionale organ si verksemd og for kommunal og statleg planlegging og verksemd i vassregionen jfr plan- og bygningslova 8-2. Litt om planprosessen: Prosessen med å utarbeide ein regional plan for vassforvaltning følgjer tidsfristar fastsatt i vassforskrifta. Plandokumenta vert utarbeidd i samsvar med nasjonale normer og rådgiving. Planprogram starta opp i 2010 med utarbeiding og fastsetting av planprogram. Vassforskrifta krev at det skal gjennomførast ei midtvegshøyring som gjekk under namnet «vesentlige vannforvaltningsspørsmål» Dokumentet «vesentlige vannforvaltningsspørsmål» blei utarbeidd i 2012/2013. Hensikta med dokumentet var å skape grunnlag for brei medverknad og forankringar av prioriteringar og utfordringar tidleg i planprosessen. Kommunar og regionale sektormynde hadde ein særleg viktig rolle for å bidra med innspel, men også interesseorganisasjonar, næringsinteresser, og andre blei invitert til å kome med innspel. Med bakgrunn i tilgjengeleg kunnskapsgrunnlag og mottatte innspel, blei det vurdert å vere 12 vesentlege utfordringar for planprosessen og for komande planperioden: 1. Mogleg konflikt mellom trongen for auka kraft produksjon og større grad av miljøomsyn i konsesjonsvilkår 2. Mogleg konflikt mellom mål om auka matproduksjon og mål om god miljøtilstand i allereie jordbrukspåverka vassdrag 3. Det er trong for meir kunnskap om påverkingar på vassmiljøet og fisk i fjordene og kystvatn 4. Det er trong for meir kunnskap om omfang av utslepp frå landbruk og avlaup 5. Det er trong for auka kunnskap om omfanget av renning frå urbane områder 6. Det er trong for meir kunnskap om jordsmonn og effekt av landbrukstiltak 7. Det kan vere vanskeleg å nå miljømåla i dei mest intensive jordbruksområda 8. Det kan vere vanskeleg å nå måla i dei mest forureina hamne- og fjordområda 9. Det er trong for nasjonal og internasjonal handlekraft for å ytterlegare redusere langtransportert forureining (sur nedbør) 10. Det er trong for nasjonal og internasjonal handlekraft for å hindre spreiing av framande arter i kystvatn 11. Vatn- og avlaupsnettet er ikkje tilpassa klimaendringane som vil kome
12. Det kan vere vanskeleg å identifisere og sette i verk tiltak i vassførekomstar med mange påverknad kjelder «Vesentlige vannforvaltningsspørsmål» (VVS) blei godkjent av Vassregionutvalet 20. juni 2013 med følgjande merknad; «Fiskeridirektoratet Region Sør presiserer at de er sektormyndighet etter Akvakulturloven og mener deres sektorinteresser ikke er ivaretatt i dokumentet. Fiskeridirektoratet Region Sør godtar ikke beskrivelser i dokumentet som gjelder akvakultur og meldte uenighet på dette.» Arbeidet med å utarbeide ein tiltaksanalyse for kvar av dei 4 vassområda blei starta opp våren 2013. Arbeidet med tiltaksanalysane blei noko forsinka grunna ufullstendig klassifisering av vatnet samt manglande innspel frå fleire sektormynder. Tiltaksanalysanae blei endeleg ferdig våren 2014. Suldal kommune har bidrege på følgjande måte i planprosessen: Sak 106/11 i møte 15.06.2011 gjorde LMT - utvalet følgjande vedtak: Suldal kommune viser til rådmannen si innstilling og har følgjande merknader til planprogrammet: Revisjon av konsesjonsvilkår i eldre vassdragskonsesjonar må samordnast og koordinerast med fastsetjing av nye miljømål og tiltak for vassdraga og inngå i forvaltningsplanen Større fokus på negative verknader frå ei stadig aukande akvakulturnæring både i høve til fjordsystema og vassdraga. Administrasjonen har med utgangspunkt i dette deltatt aktivt i arbeidet med vassforskrifta, både gjennom arbeid i vassregionutvalet og gjennom ulike uttaler/seminar i planprosessen. Litt om kunnskapsgrunnlaget: Eksisterande kunnskap om tilstanden til vatnet er henta inn og lagt inn i det nettbaserte nasjonale kartsystemet «Vann-nett». Fylkesmannen har hatt hovudansvar for karakteriserings- og klassifiseringsarbeidet, mens sektormynden har bidrege med kvalitetssikring. Der det ikkje har vært tilgjengeleg overvakingsdata, er faglege vurderingar lagt til grunn. «Vann-nett» vil vere ein database som vert oppdatert heile tida i takt med at ny overvakingsdata vert lagt inn. Trong for meir kunnskap, kom klart fram i arbeidet med å karakterisere fjord- og kystområda. For å avklare usemje mellom sektormyndene om miljøstatus og risiko i sjøområda, blei det gjennomført problemkartlegging undervegs i planprosessen. Usemja som oppstod midt i planprosessen, poengtere viktigheita av eit godt fundamentert kunnskapsgrunnlag til å basere vidare arbeid på. Regional plan og tiltaksprogram er utarbeidd basert på det kunnskapsgrunnlaget som var tilgjengeleg i starten av 2014 Det er peika ut 9 tiltaksområder som bør prioriterast i Vassregion Rogaland i tiltaksperioden (2016-2021): 1. Forsuring 2. Landbrukssektoren 3. Vasskraftreguleringar 4. Habitatforbedrande tiltak 5. Vass- og avlaupssektoren 6. Forureina sedimenter
7. Framande arter i ferskvatn 8. Arealplanlegging 9. Sektorovergripande tiltaksplanar og utgreiingar Vurdering og konklusjon Rådmannen meiner den regionale planen er blitt svært omfattande og at den viser at kunnskapsgrunnlaget er for dårleg til å foreta fullstendige vurderingar av trongen for tiltak for veldig mange av vassførekomstande i vassregionen. Det er trong for eit betydeleg løft på overvakingssida, spesielt i fjordsystema for å få etablert eit tilstrekkeleg kunnskap om miljøtilstanden og eventuelle trong for tiltak. I Ryfylke og Suldal er vassdragsregulering og sur nedbør dei viktigast menneskeskapte påverknadane på vassmiljøet. I høve til vassdragsreguleringar, har Miljødirektoratet og NVE i 2013, gjennomført ei fagleg utgreiing av om lag 395 vasskraftkonsesjonar som kan reviderast innan 2022 (rapport 49:2013). Det er mest aktuelt å vurdere minstevassføring og magasinrestriksjonar i dei 50 høgast prioriterte vassdraga i rapporten. Direktoratet vurderte i den nasjonale gjennomgangen 10 vassdrag i vassregion Rogaland der Ulla-Førre reguleringa fekk lavarare prioritet (1.2). Rådmannen er positiv til at vassforvaltningsplanen vil gi Ullaelva og Førreåna høgaste prioritet 1.1 for vilkårsrevisjon. Vidare er det positivt at Suldal/Røldal- reguleringa og er nemnt i planframlegget med tanke på minstevassføring/habitatforbetringar i Roalkvamsåna og Brattlandsåna. Her må konsesjonen fornyast i 2022. Elles ser ikkje rådmannen grunnlag for å foreslå magasinrestriksjonar i denne runden, på et møte med Statkraft 01.10.14, blei det opplyst at Statkraft har sjølvpålagte restriksjonar når det gjelde HRV/LRV i Mosvatnet. Dette av omsyn til området sin bruk til friluftsliv og landskapsbilete. Etter vassforskrifta er det sektormynden som har ansvar for å gjennomføre tiltak. Rådmannen vil understreke trongen for styrka økonomiske ressursar frå statleg hald for å sikre implementeringa av direktivet i vassforvaltninga og gjennomføring av aktuelle tiltak innanfor ulike sektorområder. Rådmannen si innstilling Suldal kommune ser positivt på arbeidet med å sikre ei felles berekraftig bruk av vassressursane på tvers av sektormynde, og ynskjer å vere ein aktiv bidragsyter til at måla i vassforskrifta vert nådd. Suldal kommune ser positivt på at planen har følgt opp tidlegare innspel frå kommunen og gjort framlegg om at Ulla-vassdraget og Førreåna skal i kategori 1.1 og dermed prioriterast for vilkårsrevisjon. Positivt og at Suldal/Røldal reguleringa og minstevassføring er nemnt i planen, her må konsesjonen fornyast i 2022. Suldal kommune meiner det er trong for et betydeleg løft på overvakingssida for å få etablert tilstrekkeleg kunnskap om miljøtilstanden og eventuelle trong for tiltak. Spesielt gjelder dette fjordsystema. Suldal kommune vil understreke trongen for styrka økonomiske ressursar frå statleg hald for å sikre implementeringa av direktivet i vassforvaltninga og gjennomføring av aktuelle tiltak innanfor ulike sektorområder.
Utval for landbruk, miljø og teknikk (LMT-utvalet) - 153/14 LMT - handsaming: Samrøystes vedtak i samsvar med innstillinga. LMT: vedtak Suldal kommune ser positivt på arbeidet med å sikre ei felles berekraftig bruk av vassressursane på tvers av sektormynde, og ynskjer å vere ein aktiv bidragsyter til at måla i vassforskrifta vert nådd. Suldal kommune ser positivt på at planen har følgt opp tidlegare innspel frå kommunen og gjort framlegg om at Ulla-vassdraget og Førreåna skal i kategori 1.1 og dermed prioriterast for vilkårsrevisjon. Positivt og at Suldal/Røldal reguleringa og minstevassføring er nemnt i planen, her må konsesjonen fornyast i 2022. Suldal kommune meiner det er trong for et betydeleg løft på overvakingssida for å få etablert tilstrekkeleg kunnskap om miljøtilstanden og eventuelle trong for tiltak. Spesielt gjelder dette fjordsystema. Suldal kommune vil understreke trongen for styrka økonomiske ressursar frå statleg hald for å sikre implementeringa av direktivet i vassforvaltninga og gjennomføring av aktuelle tiltak innanfor ulike sektorområder. Sand, 04.12.14 Øyvind Valen Rådmann Oppfølging: Ole Martin Dahle