REGLEMENT FOR HERØY KOMMUNESTYRE (K-sak 23/16) Kommunestyret er kommunen sitt øverste organ. Herøy kommunestyre har 33 medlemer. Kommunestyret gjer vedtak på vegne av Herøy kommune dersom dette myndet ikkje ligg til andre organ gjennom lov eller delegeringsvedtak, jf 6 i kommunelova. Kommunestyret vedtek sjølv: Kommuneplanen Økonomiplan og handlingsprogram Areal- og temaplanar. Reguleringsplanar Årsbudsjett og alle vesentlege endringar i dette Oppretting av nye, nedlegging av eksisterande eller vesentleg endringar i kommunen sitt tenestetilbod Skatte- og avgiftsvedtak Kommunen sin årsrekneskap Årsmelding/årsrapport Kommunen si politiske organisering og hovudlinene i kommunen si administrative organisering og styring Prosjektrekneskap/-rapport for kommunen sine investeringsprosjekt større enn 500.000 kroner Periodevis rapportering Prioritering av løyvingar til fast vegdekke, veglys m.m. Bevillingssaker (alkoholsaker) For heil- eller deleigde selskap gjeld: Kommunestyret fastset gjennom vedtekter for selskapa korleis representasjon til dei ulike selskapa sine styringsorgan skal veljast, dei ulike organa sine ansvars- og fullmaktslover samt rapporteringsforholda, jfr kommunelova 11 og lovene for dei respektive selskapstypane. Reglement: 1. Saksførebuing for kommunestyret. Rådmannen skal syte for at dei sakene som skal opp i kommunestyret, er forsvarleg førebudde, jf 23.2 i kommunelova.
Ordføraren skal også sjå til at sakene som er på saklista til kommunestyret, er forsvarleg førebudde. I kommunestyresakene skal der til vanleg vere tilråding frå organa som legg fram saka til vanleg formannskapet, komiteane, valnemnda eller kontrollutvalet. Ordføraren syter for at tilrådingane vert mangfalda og sende til kommunestyremedlemene, eit rimelege tal varamedlemer, rådmannen og kommunerevisjonen saman med innkallinga til møtet. Lokal presse, radio og TV får tilsendt kommunestyredokumenta som er offentlege. 2. Innkalling til møte. Dokumentutlegging. Kommunestyret tek avgjerdene sine i møte som vert haldne etter møteplan som skal oppsettast, når ordføraren elles finn det nødvendig, når formannskapet gjer vedtak om det eller når minst 1/3 av medlemene krev det. Ordføraren kallar kommunestyret saman til møte og setter opp saklista. 1/3 av kommunestyremedlemene kan før saklista vert utsendt, krevje å få ei sak sett på saklista. I innkallinga skal stå tid, stad for møtet og sakliste. Tid og stad for møtet og kvar saksdokumenta er tilgjengelege skal kunngjerast i Vestlandsnytt. Innkallingsfristen skal til vanleg vere 1 veke, men fristen skal unntaksvis kunne reduserast til 5 dagar, innkallingsdagen og møtedagen medrekna. Konstituerande møte i kommunestyret skal innkallast med 14 dagars varsel. Møteinnkallinga skal vere tilgjengeleg for publikum i tida frå møtet er kunngjort og til møtet er halde. Dei utsende saksdokumenta vert utlagde på «heimesida (web), rådhuset og biblioteket. 3. Forfall. Varamedlemer. Lovleg forfall skal snarast råd meldast skriftleg til politisk sekretariat og forfallsgrunn oppgiast. Politisk sekretariat kallar straks inn varamedlem etter reglane i 16.1 i kommunelova. Politisk sekretariat kan også kalle inn varamedlem når han er kjend med at nokon må gå frå møtet som ugild i ei sak som skal handsamast. Medlemen/gruppa skal varsle ordføraren dersom det er ynskjeleg med slik innkalling. Medlem som kjem under møtet, skal melde seg til ordføraren før han tek den ledige plassen. Dersom ei sak er teken opp til handsaming, skal han vente til røystinga er over.
Medlem som må gå før møtet er slutt, melder skriftleg frå til ordføraren, før møtet startar. Varamedlemen kan innkallast etter 16.1 i kommunelova. Varamedlem som er til stades, kan få løyve frå kommunestyret til å møte. Dersom ei sak er teken opp til endeleg røysting, skal han vente til røystinga er over. Varamedlem som møter i kommunestyret, skal overlate plassen til medlem eller varamedlemer som i nummerrekkefølgje står fram om vedkomande, dersom denne kjem til møtelokalet. Dersom ei sak er teken opp til handsaming, skal han vente til røystinga er over. 4. Andre deltakarar i møtet enn kommunestyremedlemene. Rådmannen har møteplikt med talerett, men ikkje framleggs- eller røysterett. Formannskapet/ordføraren kan, med atterhald om kommunestyret si godkjenning, be om at sakkunnige/tilsette møter. Desse kan gi opplysningar og utgreiingar, men har elles ikkje høve til å vere med i drøftingane. 5. Møteleiar. Opne eller stengde dører. Teieplikt. Kommunestyret sine møte vert leia av ordføraren eller varaordføraren når ordføraren har forfall. Har dei forfall, skal det veljast setteordførar/settevaraordførar. Møta vert haldne for opne dører dersom ikkje anna følgjer av lovbestemt teieplikt, personvern eller kommunestyret vedtek å handsame ei sak for stengde dører i medhald av 31.3 i kommunelova. Debatt om dette skal gå føre seg for stengde dører dersom ordføraren krev det, eller kommunestyret vedtek det. Vert det vedteke å handsame ei sak for stengde dører, pliktar medlemene og dei kommunale tenestemenn som måtte vere til stades, å teie om drøftingane og om vedtak som ikkje er offentlege. Teieplikta varer til dess noko anna vert vedteke, eller til grunnane for stengde dører har falle bort. 6. Opning av møtet. Til fastsett tidspunkt les ordføraren opp medlemene i kommunestyret og varamedlemene som møter. Er minst halvparten av medlemene til stades, kan møtet settast, jf 33 i kommunelova. Frå no og til møtet sluttar kan ingen av medlemene forlate salen/tilstøytande rom utan å melde frå til møtestyraren på førehand. 7. Saklista.
Sakene vert handsama i den rekkefølgje dei er nemnde i innkallinga. Interpellasjon og grunngitt spørsmål skal handsamast etter dei andre sakene. Kommunestyret kan gjere vedtak om ei anna rekkefølgje. Ei sak som ikkje er utsend og nemnd i innkallinga (saklista) til kommunestyremøtet, kan ikkje realitetshandsamast dersom ordføraren eller 1/3 av møtelyden set seg mot dette. 8. Habilitet. Den som er inhabil i ei sak, jf. 40.3 i kommunelova, jf kapittel II i forvaltningslova, eller den som etter 40.4 i kommunelova blir friteken, skal ikkje vere med å drøfte eller avgjere saka. Kommunestyret gjer vedtak i habilitetsspørsmål ved vanleg fleirtal. Ein kvar pliktar å seie frå om tilhøve som kan føre til inhabilitet. Er det reist spørsmål om habiliteten til ein medlem, skal han ha høve til å uttale seg til habilitetsspørsmålet før han går frå og før spørsmålet vert handsama. Kan fleire vere inhabile, skal alle gå frå før handsaminga av habilitetsspørsmålet. 9. Sakshandsaminga startar. Ordføraren les opp saksnummer, saksnemning og til vanleg tilråding i saka. Han greier elles ut saka i den grad han finn det naudsynt. Ordføraren spør om nokon vil ha ordet. Talarane får ordet i den rekkefølgje dei ber om det. Ber fleire om ordet samstundes, avgjer ordføraren rekkefølgja mellom dei. 10. Ordskifte - replikk - til dagsorden. Talaren skal rette orda sine til ordføraren, ikkje til møtelyden. Han skal halde seg nøye til saka eller den delen av saka som ordskiftet gjeld. Ordføraren skal sjå til at dette vert gjort. Det må ikkje seiast noko som er ei krenking mot dei som er med i kommunestyret eller andre. Heller ikkje må det lagast bråk eller uro som teikn på misnøye eller samtykke. Bryt ein medlem ordensreglane, skal ordføraren åtvare han, om nødvendig to gongar. Rettar han heller ikkje då seg etter ordensreglane, kan ordføraren ta ordet frå han eller la kommunestyret røyste over om han skal stengast ute frå resten av saka eller frå heile møtet. Replikk skal markerast med to fingrar i veret og ordet skal giast til vedkomande straks etter eit innlegg og før neste talar får ordet. Replikken skal vere kort og vere
eit direkte tilsvar til innlegget. Talaren har høve til å svare på replikken. Ordføraren skal sjå til at dette vert halde. Ein medlem kan be om ordet til dagsorden og får då ordet utanom talarlista. Dette kan gjelde framlegg om å sette strek i taletida, innføre avgrensa taletid, innvendingar på sakshandsaminga, røystemåten, møteavviklinga, m.v. Det er ikkje høve til å kome inn på realitetane i sakene. Innlegg til dagsorden skal vere korte. 11. Ordføraren si stilling under ordskiftet. Ordføraren må som møteleiar ikkje avbryte nokon som har ordet, utan når han lyt påtale brot på reglementet eller rette opp mistydingar frå talaren si side. Vil ordføraren vere med i ordskiftet utanom den utgreiinga som er nemnd i 9, og det ikkje gjeld korte innlegg, skal han gi frå seg møteleiinga til varaordføraren. 12. Avgrensing og avslutning av ordskiftet. I kommunestyret skal ein i kvar sak ha slik taletid: Ordføraren og gruppeleiar/evt. saksansvarlege i kvar gruppe: 10 min. Kommunestyremedlemer som er leiarar i utval/komitear som legg fram saka:10 min. Andre medlemer: 5 min. Orientering/svar frå ordførar og utval/komiteleiarar skal ikkje reknast med i taletida. Replikkar skal ikkje takast med med i taletida. Innlegg til kommunestyret si dagsorden skal ikkje reknast med i taletida. Kommunestyret kan innskrenke/utvide taletida. Finn kommunestyret at ei sak er drøfta ferdig, kan det vedta å avslutte ordskiftet. Ved handsaming av framlegg om å avgrense taletida eller avslutte ordskiftet, skal berre ein talar frå kvar gruppe få eit kort innlegg til framlegget. Før det vert sett strek for påteikning på talarlista, må alle framlegg i saka ligge føre. 13. Framlegg. Berre kommunestyremedlemene kan kome med framlegg. Framlegg skal leverast skriftleg på fastsett skjema til ordføraren helst tidlege i sakshandsaminga. Skriftleg framlegg skal underskrivast av medlemen som sette det fram, og det skal gå fram om det er framsett av ei gruppe eller av ein medlem. Det kan likevel settast fram muntleg framlegg om utsetting, oversending, tilsetting, val og framlegg som er nemnde i sakspapira.
Ordføraren refererer til vanleg framlegga som blir framsette.
14. Saka vert teken opp til røysting. Dersom det vert framsett eit utsettingsframlegg, skal ordskiftet avgrensast til berre å gjelde dette. Deretter skal det røystast over utsettingsframlegget. Dersom det fell, vert saka handsama. Når ordskiftet er ferdig, vert saka teken opp til røysting. Frå då av kan saka ikkje drøftast eller nye framlegg framsettast. Berre dei medlemene som er til stades når saka vert teken opp til røysting, har rett til å røyste. Dei kan ikkje forlate salen før røystinga er ferdig, og dei pliktar å røyste. Ved val og tilsetting kan blanke stemmesetlar nyttast, jf 40.2 i kommunelova. Er saka delt opp eller det skal røystast over fleire framlegg, gjer ordføraren framlegg om røystemåten. Vert det debatt om dette, skal ordføraren nøye sjå til at talarane berre held seg til røystespørsmålet. 15. Prøverøysting. Før endeleg røysting i ei sak, kan kommunestyre halde prøverøysting som ikkje er bindande. Framgangsmåten ved prøverøysting bør vere på det næraste lik den endelege røystemåten. 16. Røystemåten. Røystinga skjer: - ved godkjenning når ingen seier imot framlegget som ligg føre. - ved at ordføraren ber dei som er imot eit framlegg om å reise seg. Når ein medlem krev det, vert det halde kontrarøysting. Ordføraren ber då dei som er for framlegget, om å reise seg. - med skriftleg røysting med setlar utan underskrift ved val og tilsettingar når ein medlem krev det. Det er høve til å røyste blankt. Ordføraren nemner opp to medlemer til å telje røystene. Vedtak vert gjort med vanleg fleirtal. Står røystene likt i tilsettingssaker, vert ordføraren si røyst avgjerande. Står røystene likt ved val, vert valet avgjort ved loddtrekking, jf 38.1 i kommunelova. Ved val gjeld dessutan reglane om kjønnskvotering i 38.2 i kommunelova.
17. Spørsmål. Kommunestyremedlemene kan etter 34.2 i kommunelova kome med spørsmål til ordføraren. Interpellasjon Ein interpellasjon må vere innlevert skriftleg av ein kommunestyremedlem så tidleg at den kan sendast ut til kommunestyret saman med innkallinga, til vanleg 8 dagar før møtet. Interpellasjonen bør helst gjelde prinsipielle spørsmål. Den som har meldt interpellasjonen, har rett til å legge fram ei kort muntleg grunngiing. Ordføraren svarar på interpellasjonen. Eit evt. ordskifte bør avgrensast slik 12 gir høve til. Ordføraren eller 1/3 av medlemene kan motsette seg at det vert gjort vedtak i tilknyting til interpellasjonen. Grunngitt spørsmål Kvar medlem kan kome med grunngitt spørsmål til ordføraren. Spørsmåla skal vere skriftlege og gjelde konkrete tilhøve. Spørsmål må vere ordføraren i hende seinast to heile dagar før kommunestyremøtet, møtedagen ikkje medrekna. Spørjaren gir greie for spørsmålet og har rett til å legge fram ei kort muntleg grunngjeving. Han har rett til å få ordet etter at svaret er gitt. Spørsmål i møtet Kvar medlem kan rette spørsmål til ordføraren i byrjinga av møtet, også om saker som ikkje står på saklista. Ordføraren sjølv eller ein annan etter samråd med ordføraren kan svare på spørsmålet. Ordføraren kan avgjere at svar på spørsmålet skal bli gitt på neste møte. Det er til vanleg ikkje høve til debatt i samband med slike spørsmål. 18. Sendenemnder. Deputasjonar. Kommunestyret kan ved heilt spesielle høve gi ordet til andre enn dei som er nemnde i 4. 19. Orden i salen og bygninga. Ordføraren skal syte for å halde god orden i møtesalen og i bygninga elles, slik at talarane ikkje vert avbrotne eller uroa. Dersom publikum ved meiningsytring eller på anna vis uroar førehavinga eller elles oppfører seg på ein måte som strir mot god orden, kan ordføraren vise ut alle eller einskilde tilhøyrarar. Teikningar, bilete, brev e.l. må ikkje plasserast i salen når det er møte med mindre ordføraren har godkjent dette.
20. Når møtet sluttar - bokføring. Ordføraren er ansvarleg for at det vert ført møtebok for kommunestyret sine møte, jf. 30.3 i kommunelova. I møteboka skal møtestad og møtetid førast inn for kvart møte, likeeins innkallingsdag og -måte, namna til medlemer som ikkje møter og namna til varamedlemene som møter. Det skal innførast i møteboka kven som går til og frå under møtet. Møteboka saman med ei liste over dei som er innvalde, vil såleis syne kven som er til stades i kvar sak. Elles skal førast inn det som trengst for å syne gangen i førehavinga og at vedtaka er gjorde etter rett framgangsmåte. Dei framlegga som vert sette fram og røysta over, skal bokførast under kvar sak. Møteleiaren vel i starten av møtet to medlemer til å skrive under protokollen, og dei går gjennom den mellombelse protokollen i slutten av møtet. Den ferdige protokollen vert sendt dagen etter til dei to valde for endeleg kontroll, med frist på to dagar for tilbakemelding. Dei underskrivne utskriftene skal oppbevarast på forsvarleg vis. Når året er ute, skal utskriftene innbindast og oppbevarast på forsvarleg vis. Utskrift av møteboka skal utsendast saman med innkallinga til førstkomande kommunestyremøte. Evt. merknader til møteboka skal innførast i møteboka i førstkomande kommunestyremøte, jf 13 i kommunelova. 21 Protokolltilførsel. Ein medlem kan be om protokolltilførsel etter at ei sak er slutthandsama. Protokolltilførselen skal vere skriftleg, og han må framsettast under møtet. Vert det usemje, kan kommunestyret ved røysting avgjere om protokolltilførselen skal førast inn i møteboka. Protokolltilførselen skal evt. førast som eige punkt i møteboka. 22. Meldingar. Vedtak som formannskapet gjer i medhald av hastekompetanse, gjeld «utvidet myndighet i hastesaker» etter kommunelovan 13. 23. Anke på vedtak. Tre eller fleire kommunestyremedlemer kan anke vedtak som er gjort av kommunestyret, andre folkevalde organ eller av administrasjonen inn for departementet (delegert til fylkesmannen m.fl.) for å få kontrollorert om avgjerda er lovleg, jf. 59 i kommunelova. Slikt krav må vere sett fram innan tre veker etter at vedtaket vart gjort.
24. Oppmoding om ny handsaming. Administrasjonen kan avvise krav om å få opp til ny førehaving saker som lovleg er avgjort av kommunestyret når kravet kjem før det har gått tre månader etter vedtaket. Eit fast utval, styre eller råd kan ogå avvise eit slikt krav når det gjeld saker som seinare skal handsamast i kommunestyret. Krav om ny førehaving i kommunestyret frå staten/fylkesmannen kan ikkje avvisast etter denne paragrafen.