Sakshandsamar, innvalstelefon Nina Vadøy, 5557 2316 Vår dato 09.11.2012 Dykkar dato Vår referanse 2012/13597 Dykkar referanse Arvid Gundersen Skår & Gundersen Karosseri AS Postboks 2358 5824 BERGEN Rapport frå inspeksjon 17. oktober 2012 Rapportnummer: 2012.071.I.FMHO Til stades ved inspeksjonen: Frå verksemda: Arvid Gundersen Frå Fylkesmannen i Hordaland: Hallvard Hageberg Nina Vadøy Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 3 avvik innan følgjande tema og 1 merknad under inspeksjonen: Handtering av farleg avfall Internkontroll for ytre miljø Kjemikaliehandtering Avvika og merknaden er nærare omtalt frå side tre og utover i rapporten. Skår & Gundersen Karosseri AS må sende ei skriftleg stadfesting innan 1. mars 2013 på at avvika er retta. Oppfølginga etter inspeksjonen er nærare omtalt på side to. Sissel Storebø e. f. senioringeniør Nina Vadøy overingeniør Rapporten er godkjent elektronisk og har derfor inga underskrift. Kopi til: Bergen kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: fmhopostmottak@fylkesmannen.no Internett: www.fylkesmannen.no/hordaland
1. Informasjon om verksemda Namn: Skår & Gundersen Karosseri AS Anleggsnr.: 1201.0584.01 Besøksadresse: Fjøsangerveien 70A, 5019 Bergen Postadresse: Postboks 2358, 5824 Bergen E-post: sg@sg-karosseri.no Telefon: 55 29 80 80 Kommune: Bergen Organisasjonsnr.: 971 989 793 Bransjenr. (NACE-kode): 45.200 Vedlikehald og reparasjon av motorvogner, unntatt motorsyklar Kontrollklasse: 4 Eigar (org.nr): 934 372 727 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir overhalde. Fylkesmannen i Hordaland har delteke i kontrollaksjonen «Små verkstader». Aksjonen var retta mot mindre verksemder over heile landet i vekene 42, 43 og 44. Hovudtema var avfallshandtering, kjemikaliehandtering og tilhøyrande internkontroll. I tillegg vart verksemda kontrollert om risikokartlegging som del av tilsynsstyresmaktene sin felles tilsynsaksjon. Følgjande hovudtema vart kontrollert: utsleppskontroll farleg avfall kjemikaliebruk og substitusjon oljeutskiljar risikovurdering og avvikshandtering 3. Oppfølging etter kontrollen Verksemda plikter snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. mars 2013 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 1. mars 2013, vil Fylkesmannen fatte vedtak om tvangsmulkt, jf. forureiningslova 73. Vedtaket om tvangsmulkt må betalast dersom Fylkesmannen ikkje har fått skriftleg stadfesting på at avvika er retta innan fristen. Ei eventuell tvangsmulkt vil vere på 50 000 kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2
4. Kontrollgebyr Fylkesmannen varsla i e-post 16. oktober 2012 at vi vurderer å fastsetje gebyrsats 3 tilsvarande 11 200 kr for inspeksjonen, jf. forureiningsforskrifta 39-7. Vi har valt å fastsetje gebyrsats 4 tilsvarande 4 400 kr. Faktura blir ettersendt frå Klima- og forureiningsdirektoratet. De har rett til å klage på valet av gebyrsats innan tre veker etter at de har fått denne rapporten. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag forureiningslova produktkontrollova avfallsforskrifta kapittel 11 om farleg avfall internkontrollforskrifta Informasjon om regelverket finn du på www.klif.no og www.regelhjelp.no. 7. Definisjonar Avvik: brot på krav fastsett i eller i medhald av helse-, miljø- og sikkerheitslovgjevinga (for eksempel brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernmyndigheitene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 8. Avvik Vi fann følgjande avvik under inspeksjonen: Avvik 1: Verksemda har mangelfull handtering av farleg avfall Avvik frå: Avfallsforskrifta kapittel 11 om farleg avfall Grunnlag for avviket: a) Verksemda overheld ikkje leveringsplikta for farleg avfall i avfallsforskrifta, jf. 11-8 b) Deklarasjonsskjema er ikkje tilfredsstillande utfylt, jf. 11-12 c) Verksemda leverer ikkje farleg avfall til innsamlar/godkjend mottakar, jf. 11-8 3
d) Verksemda har ikkje tilfredsstillande emballering og/eller merking av lagra farleg avfall, jf. 11-12 Kommenarar: I verkstader oppstår det mange typar farleg avfall, til dømes lim, sparkel, isocyanathaldige herderar, vasketynnera, organiske reingjeringsmiddel, sprayboksar og herder til polyestersparkel. Verksemda har sjølv ansvar for å undersøkje om avfall som oppstår er farleg avfall. Farleg avfall skal ikkje blandast saman med anna vanleg avfall og skal ikkje blandast med andre typar farleg avfall. Avfallet skal oppbevarast på eit område som ikkje er tilgjengeleg for uvedkommande, og det skal merkast, emballerast og lagrast slik at det ikkje kan føre til forureining til omgjevnadane. Farleg avfall som oppstår i verksemda skal leverast til innsamlar eller godkjend mottakar som har løyve til å handtere farleg avfall. Det farlege avfallet skal leverast minst ein gong per år. Verksemda skal fylle ut eit deklarasjonsskjema ved levering av farleg avfall til innsamlar eller godkjend mottak. Verksemda opplyste ved tilsyn at av farleg avfall har dei tynner som Indus Kjemisk Teknisk Fabrikk henta og fylte ut deklarasjonsskjema for levert avfall. Skår & Gundersen Karosseri AS signerte ikkje deklarasjonsskjema, men kunne vise fram kopi av deklarasjonsskjemaet. I følgje nettstaden www.deklarasjon.no var siste levering til Indus i 2006. Ved tilsyn opplyste verksemda at det også vart brukt sprayboksar som vart kasta i ordinært restavfall. Verksemda brukte også fleire ulike typar kjemikal i samband med reparasjon og lakkering av bilar, men hadde ikkje undersøkt om restane av desse er farleg avfall. For å lukke avviket må Skår & Gundersen sende inn følgjande til Fylkesmannen: Liste over typar farleg avfall med tilhøyrande EAL-kode som blir generert i verksemda Kopi av eit deklarasjonsskjema med signatur for neste levering av farleg avfall Oppgje kva for innsamlar/godkjend mottakar dei ulike typane farleg avfall blir levert til Bilete av korleis farleg avfall er lagra med riktig emballasje og riktig merking av dei ulike typane farleg avfall Avvik 2: Verksemda har mangelfull internkontroll for ytre miljø Avvik frå: Internkontrollforskrifta 5 andre ledd punkt 6, 7 og 8 Grunnlag for avviket: a) Verksemda har ikkje utarbeidd ei skriftleg risikovurdering, jf. 5 andre ledd punkt 6 b) Verksemda har ikkje skriftlege rutinar, jf. 5 andre ledd punkt 7 og 8 Dette gjeld: - Rutinar for handtering av farleg avfall - System for avvikshandsaming - System for oppdatering av internkontrollen Kommentarar: a) Risikovurdering: Verksemda skal gå gjennom alle aktivitetane sine for å finne ut om det er sider ved drifta som fører til fare for utslepp til vatn, grunn og luft, og kva for risiko dette utgjer. På bakgrunn av dette skal verksemda utarbeide handlingsplanar og gjere tiltak for å redusere risikoen. Risikovurderinga og handlingsplanane skal vere skriftlege. 4
b) Skriftlege rutinar: Verksemda skal ha ei rutine for handtering av farleg avfall som skal sikre at alt farleg avfall blir handtert i tråd med gjeldande regelverk. Rutinen skal vere skriftleg og bør som eit minimum innehalde følgjande: - Oversikt over kva for typar farleg avfall verksemda genererer - Kvar og korleis farleg avfall skal lagrast (sikring mot uvedkommande og mot avrenning til resipient ved søl og lekkasje) - Merking - Levering - Deklarering - Kven som er ansvarleg - Referanse til regelverk Verksemda skal ha eit system for avvikshandtering som skal sikre at alle avvik blir registrert, for å rette opp, førebyggje og unngå utslepp til ytre miljø. Systemet skal sikre at det blir gjort tiltak som fører til at årsaka til avviket blir fjerna og at hendinga ikkje gjentar seg. Derfor skal det gå klart fram i ei skriftleg prosedyre når ein skal ta i bruk avviksmelding, kva som skal rapporterast og kven det skal rapporterast til. Det er viktig å definere kva eit avvik er, og gjere definisjonen kjent blant alle arbeidstakarane ved verksemda. Ved tilsyn opplyste verksemda at dei har eit system for avvikshandtering i samband med kvalitetssystemet, men at dette ikkje omfattar ytre miljø. Verksemda skal foreta systematisk overvaking og gjennomgang av internkontrollen for å sikre at han fungerer som han skal. Rutinane for dette skal vere skriftleg. For å lukke avviket må Skår & Gundersen AS sende inn følgjande til Fylkesmannen: Risikovurdering for ytre miljø med tilhøyrande handlingsplanar Skriftleg rutine for handtering av farleg avfall Skriftleg rutine for handtering av avvik Skriftleg rutine for overvaking og gjennomgang av internkontrollen Avvik 3: Verksemda har manglar ved kjemikaliehandteringa Avvik frå: Produktkontrollova 3a og internkontrollforskrifta 5 andre ledd punkt 7 Kommentarar: Verksemda manglar skriftlig dokumentasjon på at det er gjort ei systematisk vurdering av substitusjon av kjemikal. Verksemda skal risikovurdere sine kjemikal med tanke på å byte til meir miljøvenlege/mindre helseskadelege alternativ. Det er eit krav i produktkontrollova om at alle som brukar kjemikal med miljørisiko skal vurdere om det finst alternative stoff med mindre risiko. Verksemda skal velje desse alternativa dersom det kan gjerast utan urimeleg ulempe eller kostnad. Dei kjemikala som har høgast risiko bør vurderast for substitusjon oftare enn meir miljøvenlege alternativ. Dette er eit døme på framgangsmåte for substitusjon: 1. skaff informasjon om eksisterande produkt (datablad) 2. prioriter 3. finn ut om det finst alternativ 4. kva er risiko ved alternativet 5
5. jamfør risiko 6. substituere? er alternativet eit betre val? 7. følg utviklinga og vurder med jamne mellomrom substitusjon er ein kontinuerleg prosess Sjå rettleiar om substitusjon for meir informasjon: http://www.klif.no/publikasjoner/kjemikalier/1715/ta1715.html For å lukke avviket må Skår & Gundersen AS sende inn følgjande til Fylkesmannen: Skriftleg dokumentasjon på at farlege kjemikal er vurdert for substitusjon. 9. Merknader Vi har gitt følgjande merknader under inspeksjonen: Merknad 1: Fleire HMS-datablad er ikkje oppdatert Kommentarar: Verksemda har ein perm med HMS-datablad. Fleire av datablada var eldre enn 2008. 10. Andre forhold Verksemda opplyste at det er ein oljeutskiljar på området som huseigar har ansvaret for. 6