PROGNOSEINNTAKET 2011/2012 JUSTERING AV TILBODSSTRUKTUR

HORDALAND FYLKESKOMMUNE Opplæringsavdelinga Arkivsak 201009261-136 Arkivnr. 528 Saksh. Kirkevik Svein, Skavhellen Nils, Viken Karl, Haugen Birthe Saksgang Yrkesopplæringsnemnda Opplærings- og helseutvalet Fylkesutvalet Møtedato 09.05.2011 09.05.2011 19.05.2011 PROGNOSEINNTAKET 2011/2012 JUSTERING AV TILBODSSTRUKTUR SAMANDRAG Denne saka tek for seg to element: Endringar i søkjartala til dei vidaregåande skolane og tilpasning av tilbodsstrukturen til søkjarmønsteret til elevane. Endringar i søkjartala til dei vidaregåande skolane Samanlikna med 2010 har det meldt seg 558 fleire søkjarar i år. Veksten er størst til Vg2 der det er 472 fleire søkjarar enn i 2010, Til Vg3 har søkjartalet auka med 182, mens et til Vg1 kursa var ein nedgang på 96 søkjarar. Totalt søkjartal er i år 19092, av desse har 17889 Ungdomsrett. Det reelle søkjartalet vil gå nedover fram mot skolestart, særleg fordi ein del elevar søkjer både offentlege og private vidaregåande skolar. Basert på erfaringstal frå tidlegare år ventar fylkesrådmannen auken i søkjartala vil resultere i at det vil verte ei auke på om lag 200 elevar ved dei vidargåande skolane kommande haust. Søkjartala er då justerte for normalt fråfall og elevar som vel å gå på private skolar. Auken i elevtalet vil føre til ein trong for auke i budsjettramma på om lag 8 mill kr for hausten 2011. I 2012 vil elevauken koste om lag 19 mill kr. Dette overslaget er usikkert og fylkesrådmannen vil kome attende med faktisk trong for budsjettauke når talet på inntekne elevar til dei ulike tilboda er klart i haust. Tilpasning av tilbodsstrukturen (kapasitet) til søkjarmønsteret til elevane Vidare er det i denne saka er det fremja forslag om endringar i tilbodsstukturen ved dei vidaregåande skolane basert på søkarmønsteret til elevane. Talet på elevplassar (dvs. kapasitet) i tilbodsstrukturen er redusert med 129 i denne saka, det er i høve strukturen slik det var planlagd i klassesaka - sak 271/10 i fylkesutvalet 08. desember 2010. Talet på elevplassar er etter dette 17676.

Med dei justeringane som no blir gjort reknar fylkesrådmannen med at tilbodsstrukturen er godt tilpassa søkjarmønsteret til dei ulike tilboda, og at alle med formell rett til vidaregåande opplæring (Ungdomsrett, Vaksenrett og Fullføringsrett) får tilbod i samsvar med reglane i Opplæringslova. FORSLAG TIL VEDTAK 1. Fylkesutvalet tek til orientering at prognoseinntaket justert for normalt fråfall og avgang til private skolar syner at det vil verte om lag 200 fleire elevar ved dei vidaregåande skolane i Hordaland. 2. Fylkesutvalet vedtek at tilbodsstrukturen ved dei vidaregåande skolane vert endra i tråd med søkjarmønsteret til dei ulike tilboda slik tabellene syner. Oppretting hausten 2011 Års- Elevar Program steg Kode Kurs Org.sted Skolenamn 12 ST Vg3 PBPBY3---- Allmenne fag Påbygg 660 Etne vgs 15 HS Vg1 HSHSF1---- Helse- og sosialfag 652 Fitjar vgs 15 HS Vg2 HSBUA2---- Barne- og ungdomsarbeidarfaget 652 Fitjar vgs 4 RM Vg1 RMRMF1HT- 1 Arbeidstrening 653 Rogne vgs 27 ST Vg3 PBPBY3---- Allmenne fag Påbygg 632 Voss vgs 27 ST Vg1 STUSP1---- Studiespesialisering 615 Øystese gym 4 Vg1 Arbeidstrening 646 Os vgs 27 ST Vg1 STUSP1---- Studiespesialisering 626 Sandsli vgs 13 ID Vg1 IDRET1---- Idrettsfag 658 Stend vgs 4 Vg1 Arbeidstrening 658 Stend vgs 15 HS Vg1 HSHSF1---- Helse- og sosialfag 663 Nordahl Grieg vgs 4 Vg1 Kvardagslivtrening 638 Åsane vgs 12 DH Vg3 DHKJD3F--- Kjole- og drakt 639 Årstad vgs 8 DH Vg1 Tilrettelagt DH 639 Årstad vgs 4 Vg1 Arbeidstrening 639 Årstad vgs 15 HS Vg1 HSHSF1---- Helse- og sosialfag 643 Askøy vgs 15 BA Vg1 BABAT1---- Bygg- og anleggsteknikk 643 Askøy vgs 15 MK Vg1 MKMED1---- Medier og kommunikasjon 636 Laksevåg videregående skole 4 Vg1 Arbeidstrening 636 Laksevåg videregående skole 15 HS Vg1 HSHSF1---- Helse- og sosialfag 645 Sotra vgs 15 HS Vg1 HSHSF1---- Helse- og sosialfag 656 Lønborg vgs 8 HS Vg1 HSHSF1HT-1 Tilrettelagt HS 656 Lønborg vgs 15 SS Vg1 SSSSA1---- Service og samferdsel 617 Tertnes vgs 293 Oppretting hausten 2011 Nedlegging hausten 2011 Års- Elevar Program Steg Kode Kurs Org.sted Skolenamn -12 MK Vg3 MKMED3---- Medier og kommunikasjon 660 Etne vgs -15 ID Vg1 IDRET1---- Idrettsfag 660 Etne vgs -15 DH Vg1 DHDHV1---- Design og Håndverk 652 Fitjar vgs -12 DH Vg2 DHIUD2---- Interiør- og utstillingsdesign 652 Fitjar vgs 2

-12 RM Vg1 RMRMF1---- Restaurant- og matfag 652 Fitjar vgs -14 TP Vg1 TPTIP1---- Teknikk og industriell produksjon 631 Rubbestadnes vgs -12 BA Vg2 BAKEM2---- Klima-/enegi/miljøtekn 665 Stord vgs -12 MK Vg3 MKMED3---- Medier og kommunikasjon 665 Stord vgs -8 TP Vg1 TPTIP1HTH1 Tilrettelagt TIP 665 Stord vgs -14 RM Vg2 RMKOS2---- Kokk- og servitørfag 630 Kvinnherad v.g. skule -27 ST Vg3 PBPBY3---- Allmenne fag Påbygg 630 Kvinnherad v.g. skule -15 HS Vg2 HSBUA2---- Barne- og ungdomsarbeidarfaget 630 Kvinnherad v.g. skule -12 HS Vg1 HSHSF1---- Helse- og sosialfag 648 Austevoll vgs -12 AO Vg1 AOLOV0J--- Forbr. Kurs for min. språkl. 628 Odda vgs -12 HS Vg2 HSHEA2---- Helsefagarbeidar 628 Odda vgs -6 NA Vg2 NALGA2---- Landbruk og gartnerinæring 657 Hjeltnes vgs -12 BA Vg1 BATAT1---- Bygg- og anleggsteknikk 635 Norheimsund vgs -15 EL Vg1 ELEL1---- Elektrofag 635 Norheimsund vgs -12 MK Vg1 MKMED1---- Medier og kommunikasjon 650 Voss Husflidskule -15 SS Vg2 SSISF2---- IKT-servicefag 632 Voss vgs -15 HS Vg2 HSHES2---- Helseservicefaget 663 Nordahl Grieg vgs -12 BA Vg1 BABAT1---- Bygg- og anleggsteknikk 639 Årstad vgs -24 BA Vg2 BAOFT2---- Overflateteknikk 639 Årstad vgs -30 DH Vg1 DHDHV1---- Design og Håndverk 639 Årstad vgs -15 EL Vg1 ELELE1---- Elektrofag 639 Årstad vgs -12 RM Vg2 RMKOS2---- Kokk- og servitørfag 639 Årstad vgs -8 DH Vg1 RMRMF1HT- 1 Tilrettelagt RM 639 Årstad vgs -15 DH Vg1 DHDHV1---- Design og Håndverk 661 Olsvikåsen vgs -15 DH Vg2 DHIUD2---- Interiør- og utstillingsdesign 617 Tertnes vgs -12 BA Vg2 BABYG2---- Byggteknikk 641 Austrheim vgs -422 Nedlegging hausten 2011-129 Endring hausten 2011 Paul M. Nilsen Inger Øvsthus Tønder Vedlegg: 3

FYLKESRÅDMANNEN, 26.04.2011: Tal og analysar av prognoseinntaket vart gjort kjent for alle rektorane i møte den 18.mars. Denne saka byggjer på søkjartala frå prognoseinntaket, fylkesrådmannen sine analysar av dette og skolane sine tilbakemeldingar på grunnlag av informasjonsmøte ovanfor. I denne saka omtalar ein berre skolar der det er gjort framlegg om endring i tilbod-/klassestrukturen, eller der skolane har søkt om dette utan at endringar blir tilrådd av fylkesrådmannen. Dersom eit tilbod blir lagt ned ved ein skole får søkjarane sjølvsagt melding om dette. Dersom dei ønskjer det, får dei høve til å endre søknadsprioritering/føre opp fleire skolar kurs innan ein viss frist. Den elektroniske søkjarsida vigo.no blir opna for denne søkjargruppa slik at endringane kan gjerast så brukartilpassa som mogleg. Dersom dei ikkje gjer endringar blir alle dei andre ønskja som er søkt innan 1.mars flytta eitt hakk opp på prioriteringslista, og deretter behandla på vanleg måte. Søkartala til vidaregåande opplæring Samanlikna med 2010 har det meldt seg 558 fleire søkjarar i år. Veksten er størst til Vg2 der det er 472 fleire søkjarar enn i 2010, Til Vg3 har søkjartalet auka med 182, medan det til Vg1 kursa var ein nedgang på 96 søkjarar. Totalt søkjartal er i år 19092, av desse har 17889 Ungdomsrett. Det reelle søkjartalet vil gå nedover fram mot skolestart, særleg fordi ein del elevar søkjer både offentlege og private vidaregåande skolar. På grunn av omlegginga av søkjarregistreringa til særskiltinntaket er ikkje totalt søkartal heilt samanliknbart med 2010. Basert på erfaringstal frå tidlegare år ventar fylkesrådmannen at det vil verte ei auke på om lag 200 elevar ved dei vidargåande skolane kommande haust. Søkjartala er då justerte for normalt fråfall og elevar som vel å gå på private skolar. Auken i elevtalet vil føre til ein trong for auke i budsjettramma på om lag 8 mill kr for hausten 2011. I 2012 vil elevauken koste om lag 19 mill kr. Dette overslaget er usikkert og fylkesrådmannen vil kome attende med faktisk trong for budsjettauke når talet på inntekne elevar til dei ulike tilboda er klart i haust. Det relativt store venta trongen for budsjettauke auken skuldast at det er oppretta 24 plassar i tilbod med redusert elevtal som naturleg nok har ein høg kostnad pr plass. Den relativt store veksten til Vg2 var venta fordi ein hadde ein stor vekst i søkjartalet til Vg1 i 2010. Dette skuldast ikkje minst at Nordahl Grieg videregående skole vart tatt i bruk, noko som også utløyste ein relativt stor auke i søkjartalet til Studiespesialiserande utdanningsprogram. Sjølv om veksten til dette utdanningsprogrammet har flata ut i år, er det likevel ein liten vekst og talet på søkjarar er vesentleg høgare enn for to-tre år sidan. Den totale auken i søkjartalet er avgrensa til Bergens-området. I dei andre regionane er søkjartala stabile eller litt mindre enn i 2010. I Sunnhordlandsregionen er det såleis berre Kvinnherad vidaregåande skule som har høgare søkjartal enn i fjor. Talmessig og prosentvis er det utdanningsprogrammet Helse-og sosialfag som har den største auken i søkjartalet, Dette fører med seg at i denne saka blir det tilrådd oppretting av fleire klassar. Fylkesrådmannen ser det som svært positivt at dette utdanningsprogrammet får fleire søkjarar. Det er stort behov for fagutdanna personale i omsorgs-/helsesektoren. Det er å vone at denne auken til Vg1 i år vil føre til fleire søkjarar innanfor Helsearbeidarfaget til neste år. For dei som i år har gjort ein svært god jobb med å marknadsføre dette utdanningsprogrammet, må målet til neste år vere både å få fleire søkjarar til Vg1, men særleg at dei som no blir elevar der søkjer seg til det feltet der det er særleg trong for fleire hender nemleg Helsearbeidarfaget. Utdanningsprogrammet Naturbruk har også fått fleire søkjarar enn i 2010. Det fører ikkje til oppretting av fleire klassar, men til at dei klassane som alt er der får ei betre oppfylling. Søkinga til dette utdanningsprogrammet går ofte opp og ned i løpet av ein 10-års periode. Tidlegare tal viser at når ein først får ein oppgang varer denne nokre år før søkjartalet går tilbake. Dette utdanningsprogrammet er stort sett uavhengig av finanskriser og tilhøva i arbeidslivet 4

Elles er det ein auke i søkjartalet til Service-og samferdsel, Bygg-og anleggstekniske fag og Teknikk og industriell produksjon utan at dette fører til særleg endring i klassestrukturen på skolane. Det utdanningsprogrammet som har mista flest søkjarar er Design og handverksfag. Samanlikna med 2010 er det her ein nedgang på 86 søkjarar. Detter fører til at det i denne saka blir gjort framlegg om å leggje ned klassar. Kva som er gunnen til nedgangen er for tidleg å seie noko om, men det kan sjølvsagt vere at søkjarane ser at dette er eit svært smalt utdanningsprogram, særleg i høve til læreplassar etter Vg2. Det blir denne saka gjort framlegg om oppretting av seks nye klassar med redusert elevtal dvs kvardagslivstrening og arbeidstrening. Desse tilboda har som hovudregel bare fire elevar i kvar klasse. Søkjartalet til desse gruppene kan variere relativt mykje frå år til år. Der er den sakkunnige vurderinga frå PPT som avgjer kva tilbod ein skal gje denne søkjargruppa. Ut frå dei sakkunnige vurderingene er det ikkje mogeleg å plassere desse elevane i større grupper, eller ved andre opplæringstilbod. Desse tilboda har som tidlegare omtala ei høgare kostnad enn ordinære tilbod fordi det er lågt elevtal i klassane og det er krav om minst ein assistent pr klasse. I år er det god søkning til utanlandsklassane som Hordaland fylkeskommune gir tilbod om. Dei etablerte tilboda i Wales og USA har god søkning, og til USA-klassen som Øystese-gymnas administerer vart det i år sett rekord i talet på søkjarar, dvs. 49 søkjarar til 25 plassar. Dette tilbodet blir no søkt av elevar frå heile fylket, mens det dei første åra var flest søkjarar frå Hardanger. Også tilbodet om eit skoleår i Frankrike, administrert av Voss gymnas, ser ut til å kome i gang, men her måtte ein ha ein ekstra søknadsrunde før det melde seg nok søkjarar. Det er også gledeleg at Tysklandsklassen, administrert av Askøy videregående skole, kjem i gang att frå hausten. Her får elevar frå utdanningsprogrammet Elektrofag deler av skoleåret i Erfurth. 2-årig Studiespesialiserande utdanningsprogram ved Bergen Handelsgymnasium hadde berre ni søkjarar etter at søknadsfristen var ute den 1.mars. Det var mykje uro rundt dette tilbodet i søknadsperioden. Utdanningsdirektoratet avslo først søknaden om forlenging av prosjektet, men etter klage vart prosjektet vidareført i to år. Vi sende difor ut eit brev med informasjon om tilbodet til søkjarar til ordinært studiespesialiserande utdaningsprogram. På bakgrunn av dette brevet, og informasjonsmøte på Bergen Handelsgymnasium, har det no meldt seg 24 kvalifiserte søkjarar og prosjektet kan difor vidareførast komande skoleår. Tilpasning av tilbodsstrukturen til søkjarmønsteret til elevane I denne saka er det fremja forslag om endringar i tilbodsstukturen ved dei vidaregåande skolane basert på søkarmønstert til elevane. Talet på elevplassar (dvs. kapasitet) i tilbodsstrukturen er redusert i denne saka i høve strukturen slik det var lagt opp i klassesaka sak 271/10 i fylkesutvalet 08. desember 2010. Med dei justeringane som no blir gjort reknar fylkesrådmannen med at tilbodsstrukturen er godt tilpassa søkjarmønsteret til dei ulike tilboda, og at alle med formell rett til vidaregåande opplæring (Ungdomsrett, Vaksenrett og Fullføringsrett) får tilbod i samsvar med reglane i Opplæringslova. Prognoseinntaket viser kvart år at det må gjerast endringar i tilbodstrukturen/elevplasstalet på grunn av liten eller stor søkning til dei ulike kursa. I denne saka blir det gjort framlegg om oppretting av 293 elevplassar og nedlegging av 422 plassar. Slik at det netto vert lagt ned 129 elevplassar i høve planlagd struktur i klassesaka i haust. Etter denne saka vil det vere 17 676 elevplassar. Talet på elevar i klassane samsvarar ikkje alltid med elevplasstalet. Til dømes kan ei gruppe bli tilrådd lagt ned med eit elevplasstal på 15, men det reelle elevtalet er 12. Eller det kan vera grupper på 15 som vert tilrådd oppretta der skolen har 18 søkjarar og tek inn alle. Sidan elevplasstalet er redusert 5

samstundes som søkjartalet har auka, legg ein i denne saka opp til at oppfyllingsgraden generelt vert auka. Region Sunnhordland Etne vidaregåande skule Vg1 Idrettsfag Vg3 Media og kommunikasjon Skolen vil ikkje lenger ha desse tilboda etter nedlegging. Auke i elevtal: Elevtalet i Vg3 Allmennfagleg påbyggingskurs blir auka frå 15 til 27 plassar Grunngjeving for nedlegging: Framlegget om nedlegging av V1 Idrettsfag er i samsvar med tilrådinga frå skolen, men skolen ønskjer å oppretthalde Vg3 Media og kommunikasjon, men under føresetnad av at det blir minst seks elevar. Vg1 Idrettsfag vart oppretta i klassesaka i desember 2010. Dette er eit tilbod der ein som hovudregel skal ha minst 27 elevar. Fylkesutvalet sette som føresetnad i vedtaket om oppretting at det skulle vere minst 15 søkjarar til tilbodet. Prognoseinntaket viser at det berre har meldt seg seks søkjarar, Skolen viser i sin kommentar til prognoseinntaket at det vart for kort tid til å synleggjere tilbodet før søknadsfristen gjekk ut, og at dei fekk hardare konkurranse om søkjarane enn venta fordi det vart oppretta breddeidrett som programfag ved Ølen vidaregåande skule. I tillegg vart Vg1 Idrettsfag re-oppretta ved Odda vidaregåande skule, noko som sjølvsagt kan ha ført til at elevar frå dette området ikkje søkte seg til Etne. Skolen har varsla at dei vil søkje på nytt om å få Vg1 Idrettsfag frå skoleåret 2012/12. og ber om at dei kan få drive informasjonsarbeid om dette tilbodet sjølv om søknaden om oppretting ikkje kjem til politisk behandlig før under klassesaka i desember 2011. Fylkesrådmannen har ikkje noko å merke til dette, men skolen må ta generelt atterhald om at skolen ikkje har Vg1 Idrettsfag før dette eventuelt blir godkjent av Fylkesutvalet i desember 2011. Vg3 Media og kommunikasjon har totalt fire søkjarar, tre frå Hordaland og ein frå eit anna fylke. Dette blir etter fylkesrådmannen si meining for lite til at tilbodet kan oppretthaldast. Dei aktuelle søkjarane kan få fullført utdanninga si med studiekompetanse ved å ta Vg3 Allmennfagleg påbyggingskurs. Skolen ønskjer primært at tilbodet blir oppretthalde, men seier at dei må ha minst seks elevar for at dette skal bere seg økonomisk. Bakgrunnstala viser at det er svært lite truleg at det kan kome seks elevar til dette tilbodet. Sidan søkjarane får ei fullført utdanning på Vg3 Allmennfagleg påbyggingskurs tilrår fylkesrådmannen nedlegging. Generelt er det no fleire elevar som etter Vg2 Media og kommunikasjon heller ønskjer å gå Vg3 Allmennfagleg påbyggingskurs for å få studiekompetanse enn å få studiekompetanse etter tre år på Media og kommunikasjon. Dette kjem også fram seinare i denne saka ved Stord vidaregåande skule, der ein for andre året på rad ikkje har elevgrunnlag til V3 Media og kommunikasjon sjølv om det er to klassar på Vg2 Media og kommunikasjon. Grunngjeving for auke av elevplassar: Vg3 Allmennfagleg påbyggingskurs har totalt 18 søkjarar Dersom Vg3 Media og kommunikasjon blir lagt ned vil desse søkjarane kunne kome i tillegg. Slik bakgrunnstala ser ut for dette tilbodet ved skolen er det realistisk å tru at det kan bli opp mot ein full klasse, dvs. 27 elevar. Elevtalet vil i så fall auke med 10-12 elevar samanlikna med inneverande skoleår. 6

Fitjar vidaregåane skule Ein klasse Vg1 Design og handverk Ein klasse Vg2 Interiør og utstillingsdesign Ein klasse Vg1 Restaurant og matfag. Framlegget er i samsvar med tilrådinga frå skolen. Skolen vil ikkje tilby Vg2 Interiør og utstillingsdesign etter nedlegginga Grunngjeving for innstillinga: Nedlegginga av ovannemnde klassar er fordi søkjartalet er for lågt til å oppretthalde tidlegare vedtatt tilbod-/klassestruktur Ein klasse Vg1 Helse-og sosialfag Ein klasse Vg2 Barne-og ungdomsarbeidarfaget Framlegget er i samsvar med tilrådinga frå skolen Grunngjeving for innstillinga: Oppretting av ovannemnde klassar er gjort av omsyn til høgt søkjartal etter prognoseinntaket. Rubbestadneset vidaregåande skule Ein klasse Vg1 Teknikk og industriell produksjon Framlegget er i samsvar med tilrådinga frå skolen Grunngjeving for innstillinga: Nedlegginga av ein klasse er fordi søkjartalet er for lågt til å oppretthalde tre klassar. Talet på søkjarar i dette utdanningsprogrammet kan variere relativt mykje frå år til år ved skolen Stord vidaregåande skule produksjon Ein klasse Vg2 Klima-energi og miljøteknikk Ein klasse Vg3 Media og kommunikasjon Ein klasse Vg1 tilrettelagt klasse, Teknikk og industriell Framlegget er i samsvar med tilråding frå skolen Skolen vil ikkje tilby dei tre programområda/utdanningsprogramma etter nedlegging. Grunngjeving for innstillinga: Vg2 Klima-energi og miljøteknikk har fem søkjarar. Skolen har også relativt svakt søkjargrunnlag til Vg2 Byggteknikk, så det er ingen sekundærsøkjarar å hente frå dette programfaget. Vg3 Media og kommunikasjon har seks søkjarar, men dette er for lite til at tilbodet kan starte opp. Denne linja vart også lagt ned våren 2010 fordi det var lågt søkjartal. Signala frå elevane som går i Vg2 Media og kommunikasjon var hausten 2010 slik at dei var interesserte i å fullføre utdanninga si innanfor utdanningsprogrammet Media og kommunikasjon. Skolen søkte derfor om å få gjenoppretta tilbodet, men det er tydeleg at dei aktuelle elevane har skifta meining dei siste månadane. Fleirtalet av elevane i Vg2 Media og kommunikasjon på skolen søkjer difor om å få fullføre utdanninga si med studiekompetanse på Vg3 Allmennfagleg påbyggingskurs. Søkjarane til Vg3 Media og kommunikasjon ved Stord vidaregåane skole vil såleis kunne overførast til Vg3 Allmennfagleg 7

påbyggingskurs dersom dei ønskjer det, eventuelt til andre skolar i fylket som har Vg3 Media og kommunikasjon. Nedlegging av ein klasse tilrettelagt Teknikk og industriell produksjon er på grunn av at det ikkje er søkjarar til denne klassen. Opplæringsdirektøren har fått melding om at det har kome ei ny gruppe flyktningar/asylsøkjarar til kommunen. Om dette vil utløyse oppretting av ein ny innføringsklasse for minoritetspråklege søkjarar vil bli klart seinare i vår, og sak om dette vil eventuelt bli fremja etter prøveinntaket i byrjinga av juni. Kvinnherad vidaregåande skule Ein klasse Vg3 Allmennfagleg påbyggingskurs Ein klasse Vg2 Barne-og ungdomsarbeidarfaget Ein klasse Vg2 Kokk-og Servitørfag Skolen meiner at dei kan oppretthalde tilboda ovanfor under føresetnad av eit elevtal som gjer det mogleg reint økonomisk å halde tilboda i gang. Ved nedlegging vil skolen ikkje lenger gje tilbod om Vg2 Barne-og ungdomsarbeidarfaget og Vg2 Kokk-og Servitørfaget. Grunngjeving for innstillinga: Til Vg3 Allmennfagleg påbyggingskurs har det meldt seg 32 søkjarar med Ungdomsrett, og totalt 35 søkjarar til 54 plassar. I tillegg til dette kan det kome søkjarar som har kurset som sekundærønskje, men som ikkje får oppfylt sitt primærønskje som er læreplass. På den andre sida er det meir vanleg at søkjartalet til dette kurset blir lågare ut over sommaren fordi ein del søkjarar som har læreplass som sekundærønske likevel vel dette alternativet framfor skoleplass, eller reint karaktermessig ikkje er kvalifiserte til plass på Vg3 Allmennfagleg påbyggingskurs. Skolen seier i sin kommentar at dei bør ha 40 elevar til to klassar dersom dei ikkje skal gå med underskot. Med meir enn 47 elevar vil det vere lønsamt for skolen med to klassar. Fylkesrådmannen meiner at det er meir truleg at elevtalet blir mindre enn 40 enn vesentleg over 40 elevar. Ved å leggje ned ein klasse alt no vil skolen få klåre linjer å arbeide ut frå på eit tidleg tidspunkt. Ut frå tidlegare røynsler om fråfall til dette tilbodet vil alle som har Ungdomsrett få tilbod om plass, og uansett vil tilbodet på plassar til dette kurset vere stort nok i Sunnhordlandsregionen til at alle med Ungdomsrett, og dei fleste andre søkjargrupper, får plass. Til Vg2 Barne-og ungdomsarbeidarfaget har det meldt seg fem søkjarar. Til Vg2 Helsearbeidarfaget har det meldt seg 14 søkjarar. Skolen ønskjer å oppretthalde begge programområda, men ser at det reint økonomisk er naudsynt at visse føresetnader då ligg til grunn. M.a. vil det vere vanskeleg å opprethalde Vg2 Barne-og ungdomsarbeidarfaget dersom elevtalet blir lågare enn sju-åtte elevar. Ut frå søkjartala, og bakgrunnstala for desse, ser ikkje fylkesrådmannen det som særleg truleg at eit slikt elevtal blir ein realitet. Som nemnt ovanfor meiner fylkesrådmannen også her at det er mest realistisk å leggje ned dette tilbodet no, og ikkje vente å sjå korleis elevtalet blir til sommaren. Til Vg2 Kokk-og Servitørfaget har det meldt seg fem søkjarar. Skolen har i si innstilling skrive at det vil vere økonomisk mogleg å oppretthalde tilbodet med eit lågt elevtal sidan det ser ut til å bli full klasse på Vg1 Restaurant og matfag. I denne vurderinga var det likevel tatt utgangspunkt i at det ville bli minst sju elevar. Bakgrunnstala viser at det maksimalt vil bli dei fem primærsøkjarane som er aktuelle til Vg2 Kokk og Servitørfag på skolen. Etter fylkesrådmannen si meining er dette for lågt til at skolen kan drive dette økonomiske forsvarleg. 8

Austevoll vidaregåande skule 1 klasse Helse-og sosialfag Framlegget er i samsvar med tilrådinga frå skolen Skolen vil ikkje lenger ha dette tilbodet etter nedlegging. Grunngjeving: Det er fem søkjarar til 12 plassar, og det er ikkje økonomisk grunnlag for å oppretthalde elevtalet med så lågt elevtal. Region Voss/Hardanger Odda vidaregåande skule Vg1 Innføringsklasse for minoritetspråklege elevar Vg2 Helsearbeidarfaget Framlegget er i samsvar med tilrådinga frå skolen Skolen vil ikkje lenger ha tilboda ovanfor etter nedlegging. Grunngjeving: Søkjartala til desse to tilboda er så låge at det ikkje er grunnlag for å oppretthalde klassane. Hjeltnes vidaregåande skule Ein klasse Vg2 Landbruk og gartnerinæring Framlegget er i samsvar med tilrådinga frå skolen. Skolen vil ikkje lenger ha tilbodet etter nedlegging. Grunngjeving: Det er ingen søkjarar til dette tilbodet Norheimsund vidaregåane skule Ein klasse Vg1 Bygg-og anleggsteknikk Ein klasse Vg1 Elektrofag Skolen har ikkje kommentert framlegget. Skolen vil oppretthalde begge dei ovannemnde utdanningsprogramma sjølv om ein klasse blir lagt ned på kvar av dei. Grunngjeving: Søkjartala tilseier heilt klårt at det berre er grunnlag for ein klasse på kvart av desse utdanningsprogramma. Rogne vidaregåande skule Ein klasse Arbeidstrening ( klasse med redusert elevtal) Skolen har opplyst at dei kan ta i mot denne klassen. 9

Grunngjeving: Dette tilbodet blir oppretta fordi det er behov for denne klassen etter at søknadane på særskilt grunnlag i regionen er ferdigbehandla. Tilbodet er nytt på skolen frå komande skoleår. Voss husflidskule Ein klasse Vg1 Media og kommunikasjon Skolen har framleis dette utdanningsprogrammet etter nedlegging. Grunngjeving: Søkjartalet til dette utdanningsprogrammet viser heilt klårt at det er grunnlag for nedlegging av ein klasse. Voss vidaregåande skule 1 klasse Vg2 IKT-driftsfag Innstillinga er i samsvar med tilrådinga frå skolen Skolen vil framleis ha tilbodet om Vg2 IKT-driftsfag etter nedlegging. Grunngjeving: Søkjartalet viser heilt klårt at det er grunnlag for å leggje ned ein klasse Ein klasse Vg3 Allmennfagleg påbyggingskurs Inntstillinga er i samsvar med tilrådinga frå skolen Grunngjeving. I klassesaka i desember 2010 vart det lagt ned ein klasse ved Vg3 Allmennfagleg påbyggingskurs fordi det til dels var ledige plassar, og fordi skolen hadde mange elevar utan formell opplæringsrett (Ungdomsrett). Søkjartalet til dette tilbodet er no så høgt frå søkjarar med Ungdomsrett og Vaksenrett at det er naudsynt å opprette denne klassen att. Øystese gymnas 1 klasse Vg1 Studiespesialiserande utdanningsprogram Grunngjeving: Søkjartalet viser at det er behov for å opprette ein ekstra klasse Vg1 Studiespesialiserande utdanningsprogram, og det kan sjå ut som om skolen vil ha elevgrunnlag til tre fulle klassar Dei siste åra har skolen veksla med å ha to eller tre paralellar ved dette utdanningsprogrammet. Som grunnlag for tilbod om programfag i Vg2 og Vg3 er det heilt klårt positivt at skolen har tre paralellar i Vg1. Rapportane frå ungdomskolane i kommunen seier at det i år er særleg mange søkjarar til studieførebuande i høve til yrkesfagleg utdanningsprogram. Det siste har diverre gått mykje ut over søkjargrunnlaget til Norheimsund vidaregåande skule. 10

Bergen Sør Os vidaregåande skule Ein klasse Arbeidstrening ( klasse med redusert elevtal) Grunngjeving; Dette tilbodet blir oppretta ved skolen etter at behandlinga av særskilt-søknader i regionen er ferdig. Sandsli videregående skole Ein klasse Vg1 Studieførebuande utdannigsprogram. Innstillinga er i samsvar med tilrådinga frå skolen Grunngjeving: Søkjartalet til skolen, og søkjartalet totalt i Bergen Sør, gir grunnlag for oppretting av ein ny klasse ved Vg1 Studieførebuande utdanningsprogram. I samband med at Nordahl Grieg videregående skole opna dørene hausten 2010 vart det lagt ned to klassar ved Sandsli videregående skole. Det er derfor positivt at søkjargrunnlaget både til skolen og i Bergen Sør no er så stort at det er mogleg å gje søkjarane frå denne delen av Bergen eit godt tilbod på nærskolen. Totalt sett er det i denne delen av Bergen det er flest søkjarar til Studieførebuande utdanningsprogram, samtidig som-- det samanlikna med dei andre bydelane er prosentvis færre elevar som går til dei private skolane. Stend vidaregåande skule 1 klasse Arbeidstrening ( klasse med redusert elevtal) Auke i elevtalet frå 27 til 40 elevar ved Vg1 Idrettsfag. Opprettinga er i samsvar med tilrådinga frå skolen, men skolen søkte primært om å få opprette ein ny klasse ved Vg1 Idrettsfag, og sekundært auke i elevtalet frå 28 til 40 elevar. Grunngjeving: Ein klasse Arbeidstrening blir tilrådd oppretta etter at behandlinga av særskilt-søknader i regionen er ferdig. Skolen søkte primært om at det vart oppretta ein ekstra klasse ved Vg1 Idrettsfag. Grunnlaget for søknaden var at det har meldt seg 63 søkjarar til 27 plassar. Sekundært søkte skolen om å få auke elevtalet frå 28 til 40 elevar. Fylkesrådmannen viser til at det er stor sprik i karaktergrunnlaget til primærsøkjarane. Ved oppretting av ein ny klasse, dvs. totalt 56 elevplassar, vil ikkje talet på inntekne primærsøkjarar bli særleg mykje høgare enn ved å ta inn 40 elevar. Det vil såleis truleg bli eit meir stabilt inntak med å gå for sekundærløysinga til skolen, samtidig som dette vil skape meir stabilt inntaksgrunnlag for dei andre skolane i området. Skolen søkjer også om å få oppretta ein ekstra klasse ved Vg3 Allmennfagleg påbyggingskurs. I klassesaka i desember 2010 vart det lagt ned ein klasse ved skolen. Grunngjevinga var at det ved skole, og totalt i Bergensområdet, vart tatt inn vel 250 søkjarar utan opplæringsrett til dette tilbodet. Av økonomiske grunnar kan ikkje fylkeskommunen ha så mange elevplassar til søkjargrupper som ikkje har formell rett til vidaregåande opplæring. Denne situasjonen er ikkje vesentleg endra i Bergens-regionen etter prognoseinntaket. Sjølv om skolen difor har eit primærsøkjartal som i utgangspunktet er nok til å opprette ein ekstra klasse, blir dette etter ei totalvurdering ikkje tilrådd. Nordahl Grieg videregående skole Ein klasse Vg2 Helseservicefag. 11

. Skolen har ikkje tilbodet etter nedlegging. Grunngjeving: Det er berre tre primærsøkjarar til dette tilbodet. Bakgrunnstala frå andre skolar i Bergen som har det same tilbodet viser at det ikkje er søkjargrunnlag til klassen. Ein klasse Vg1 Helse-og sosialfag Grunngjeving: Søkjargrunnlaget til skolen, og i området ellers er så høgt at det er grunnlag for å opprette ein ny klasse. Skolen får då 45 elevplassar frå komande skoleår, og vil kunne få eit betre søkjargrunnlag til sine Vg2-klassar innanfor dette utdanningsprogrammet. Bergen Sentrum Bjørgvin videregående skole Skolen har søkt om oppretting av ein ny klassae ved Vg1 Stuiespesialiserande utdanningsprogram. Fylkesrådmannen tilrår ikkje oppretting. Grunngjeving: Søkjartalet til skolen er for lågt til at det bør opprettast ein ny klasse. Også søkjartalet totalt til dette utdanningsprogrammet, med unntak av Bergen Sør, tilseier ikkje at det er trong for å auke klassetalet. Årstad videregående skole 1 klasse Vg1 Bygg-og anleggsteknikk 2 klassar Vg2 Overflateteknikk 2 klassar Vg1 Design og handverk 1 klasse Vg1 Elektrofag 1 klasse Tilrettelagt tilbod,restaurant og matfag 1 klasse Vg2 Kokk og Servitørfag Skolen vil ikkje ha tilbod om Vg2 Overflateteknikk etter nedlegging. Skolen si tilbakemelding til innstillinga er at dei ser at talet på elevplassar må reduserast på grunnlag av søkjartala til skolen, og generelt til dei aktuelle utdanningsprogramma i Bergensområdet. Skolen vonar i det lengste at det vil vere mogleg å opprette ein klasse ved Vg2 Overflateteknikk fordi dei ved ei eventuell nedlegging ser at det vil bli vanskeleg å oppretthalde undervisningslokale på Ågotnes dersom tilbodet blir vekke frå hausten av. Grunngjeving: Skolen har mange av dei utdanningsprogramma som har hatt nedgang i søkjartala dei siste åra. Dette fører også til at søkjartalet, både primært og sekundært, blir lågare til skolen. Ut frå kontakten ein har hatt med ein del elevar/søkjarar over tid kjem det fram at dei ikkje søkjer skolen på grunn av den dårlege luftkvaliteten på Danmarksplass i vintermånedane. Om dette er ei truverdig forklaring er likevel vanskeleg å seie noko om, men søknadsgrunnlaget til dei yrkesfaglege tilboda i Bergen sentrum, og særleg Bergen maritime videregående skole, er framleis høg. I tillegg til dette er det eit faktum at fleire og fleire søkjer seg til nærskolen sin, så sant denne har det utdanningsprogrammet ein ønskjer. 12

Vg3 Kjole-og draktsyarfaget Tilrettelagt klasse ( inntil åtte elevar ved utdanningsprogrammet Design og handverk) Ein klasse Arbeidstrening ( klasse med redusert elevtal) Grunngjeving: På grunn av manglande læreplassar har Fagopplæringskontoret meldt at det må opprettast ein klasse Vg3 Kjole-og draktsyarfaget. Dette tilbodet har vore i gang dei to siste åra, men med heller dårleg resultat i høve til at det i 2010 berre var ein av 14 elevar som bestod fagprøven etter at skoleåret var ferdig. Så lenge det blir gitt tilbod innanfor Vg2 Design og tekstil, og det er søkjarar som ønskjer seg fagkompetanse innanfor dette faget, har fylkesrådmannen ikkje noko anna val enn å opprette Vg3 i skole. Utdanningskapasiteten på Vg2 innanfor dette fagområde må likevel vurderast nøye i samband med utarbeiding av den nye skolebruksplanen. Dei to klassane innanfor tilrettelagt opplæring er tilrådd på grunnlag av at søknadsbehandlinga for dei som har søkt etter særskilt vurdering. Desse søkjarane er tilrådd inntekne i klassar med redusert elevtal på grunnlang av sakkunnig vurdering frå PPT. Bergen Vest Askøy videregående skole Ein klasse Vg1 Helse-og sosialfag Ein klasse Vg1 Bygg-og anleggsteknikk Innstillinga er i samsvar med tilrådinga frå skolen Grunngjeving. Søkjartalet til desse to utdanningsprogramma tilseier at det kan opprettast ein ny klasse i kvart av programma. Innanfor Vg1 Bygg-og anleggsteknikk er det også tatt høgd for å ta inn elevar som skal følgje prosjektet for fleksibel opplæring. Laksevåg videregående skole elevtal) Ein klasse Vg1 Media og kommunikasjon Ein klasse Arbeidstrening ( tilrettelagt klasse med redusert Grunngjeving: Søkjartalet til Vg1 Media og kommunikasjon er framleis høgt, og det er grunnlag for å opprette ein ekstra klasse, ikkje minst for å kunne møte konkurransen frå dei private skolane innanfor dette utdanningsprogrammet. Klassen i Arbeidstrening er eit tilbod med redusert elevtal, og blir tilrådd oppretta på grunnlag av at PPT har gitt sakkunnige vurderingar for desse søkjarane. Sotra vidaregåande skule, avdeling Sund. Ein klasse Vg1 Helse-og sosialfag. Innstillinga er i samråd med tilråding frå skolen. Grunngjeving: Det er høgt søkjartal til dette tilbodet både ved skolen og regionen generelt, og det vil bli stort behov for arbeidskraft innanfor dette feltet i åra frametter. 13

Olsvikåsen videregående skole Ein klasse Vg1 Design og handverk Grunngjeving: Lågt søkjartal til dette utdanningsprogrammet både ved skolen og fylket generelt. Bergen Nord/Aust Lønborg videregående skole redusert elevtal) Ein tilrettelagt klasse Vg1 Helse-og sosialfag ( klasse med Grunngjeving: PPT har tilrådd inntak i klasse med redusert elevtal på grunnlag av sakkunnige vurderingar av søkjarane ( særskilt grunnlag). Skolen har også gitt tilbakemelding om at dei kan ta imot ein ny ordinær klasse på Vg1 Helse-og sosialfag. Dette var ut frå den første vurderinga av prognoseinntaket. Ein ny gjennomgang av primærsøkjartalet, 53 søkjarar til 45 plassar, viser at dei åtte søkjarane som er tilrådd inntekne i klassen med redusert elevtal var medrekna i totaltalet på 53. Totalt sett er talet på plassar i region Bergen Nord/Aust godt tilpassa det totale søkjartalet til dette utdanningsprogrammet. Fylkesrådmannen tilrår difor ikkje oppretting av ein ny klasse ved Vg1 helse-og sosialfag ved skolen. Tertnes videregående skole Ein klasse Vg2 Interiør og utstillingsdesign. Skolen har ikkje dette tilbodet etter nedlegging. Grunngjeving: Det har ikkje meldt seg nokon søkjarar til dette tilbodet, og bakgrunnstala generelt innanfor dette utdanningsprogrammet viser også at det ikkje er søkjargrunnlag til klassen. Ein klasse Vg1 Service og samferdsel Grunngjeving: Skolen har søkjargrunnlag til å auke klassetalet frå ein til to klassar. Også bakgrunnstala viser at det er behov for å auke kapasiteten innanfor dette utdanningsprogrammet. Dette er positivt fordi søkjartalet i denne regionen har vore lågt dei par siste åra. Åsane videregående skole redusert elevtal) Ein klasse Kvardagslivtrening ( tilrettelagt klasse med Grunngjeving: Søkjartalet til dette tilbodet, etter sakkunnig vurdering frå PPT, gjer det naudsynt å opprette denne klassen. Dette er eit tilbod der houdreglen er at det berre er fire elevar i gruppa. 14

Austrheim vidaregåande skule Ein klasse Vg2 Byggteknikk Skolen har ikkje dette tilbodet etter nedlegging. Grunngjeving: Det har berre meldt seg fem søkjarar til dette tilbodet. Dette er for lite til at klassen kan kom i gang, ikkje minst av økonomiske grunnar. 15